Post: #1
Title: رجل جدير بالاحترام
Author: د.نجاة محمود
Date: 10-19-2009, 03:13 PM
رجل جدير بالاحترام..
قبل فترة فتحت هذا البوست واتجاوب عدد من الاخوة والاخوات
قامت العزيزة انعام بتسليمه مبلغ 200 الف جنيه
وهو يشكركم جدا
اتمنى الذين وعدوا يتواصلوا مع العزيزة انعام
لشراء الكارو
مع التحية لكم جميعا
ودمتم
|
Post: #2
Title: Re: رجل جدير بالاحترام
Author: Dr. Ahmed Amin
Date: 11-05-2009, 07:31 AM
Parent: #1
up
thanks Dr. Bayan
The God bless you
Best Regards
|
Post: #3
Title: Re: رجل جدير بالاحترام
Author: انعام حيمورة
Date: 11-05-2009, 08:03 AM
Parent: #2
اوووو
يا دكتورة ..
والله صحي جدير بالاحترام ..
كانت رحلة موفقة جدا .. رحلة البحث عن الرجل الجدير بالاحترام ..
شاركتني فيها الحبيبة منال عوض خوجلي ..
كل المعلومات العندي اسمه بالكامل واسم القرية في جبل اولياء ..
لكن شرق غرب شمال جنوب ما بعرف ..
قلت خلاص اصل الحتة البعرفها السوق البنشتري منو السلطة للرحلة واستراحة هدى ..
وصلت السوق .. شفت لي زول (قدرت) انو مفتح في الوصف ..
يا شاب وين قرية الشيخ البشير ..
قال لي بس تواصلي طوالي تقطعي الكبري حق جبل اولياء دا وأول قرية على شمالك دي قرية الشيخ الطيب ..
هناك تسألي من الزول العايزاه ..
ومشينا وقطعنا الكبري .. وأول حجة لاقتنا سألناها وين قرية الشيخ البشير ..
قالت (جنب) الـ ومشينا عليه ..
وسألنا .. يمين شمال يمين شمال لما لاقتنا (شابة) سألنها بتعرفي بيت على بلةحسن
قالت والله الا أوصلكم قلنا ليها نحن لاقين .. وبنجيبك راجعة لي مكانك دا ..
وصلتنا وابت تخلينا نرجعا عشان قالت ما حا تقدروا تاني تجوا ..
المهم ..
دخلنا البيت ..
لاقينا أمه حجة كبيرة في السن .. فضلتنا ودخلتنا لي جوة ..
ولقينا رجل فعلا جدير بالاحترام مبتسم والابتسامةلم تفارقه طيلة وجودنا معه..
كلمته قلت ليه ياحاج فكرنا نعمل ليك كارو او ركشة .. قال لي خير ان شاء الله ..
الكارو كويسة ممكن ادي زول يسوقها لي وتساعدني في شغلي ..
قلت ليه خلاص دا مبلغ بسيط جمعوا ناس قروا عنك ..
وان شاء الله لمن الكاروا موضوعوا يظبط بجيك لي عندك بيه ..
شكرا يا دكتورة لفتح الامر مرة أخرى ...
|
Post: #4
Title: Re: رجل جدير بالاحترام
Author: انعام حيمورة
Date: 11-05-2009, 08:10 AM
Parent: #3
|
Post: #5
Title: Re: رجل جدير بالاحترام
Author: doma
Date: 11-05-2009, 08:28 AM
Parent: #4
دا انسان اجمل من اي زول منفوخ الاوداج وايدينو ملس
شوفي النور البشع من وجهه والضحكه الملائكيه .
اهل الله تعرفهم بسيمائهم .
معاكم يا نعومه
|
Post: #7
Title: Re: رجل جدير بالاحترام
Author: doma
Date: 11-05-2009, 08:29 AM
Parent: #5
200 الف يعني كم بالدولار يا حبان ؟؟؟
|
Post: #6
Title: Re: رجل جدير بالاحترام
Author: انعام حيمورة
Date: 11-05-2009, 08:28 AM
Parent: #4
وأرجو يا دكتورة ان تقومي بتحويل الامر الى منظمة تنادينا حتى يكون واحد من إنجازاتها..
|
Post: #8
Title: Re: رجل جدير بالاحترام
Author: doma
Date: 11-05-2009, 08:40 AM
Parent: #6
درن الايدي العماليه
انظف
من لسنات الفجره
والدقن الشيطانيه . (حميد)
|
Post: #9
Title: Re: رجل جدير بالاحترام
Author: د.نجاة محمود
Date: 11-05-2009, 08:51 AM
Parent: #8
امرك قض يا حاج علي
انعام ودومة اخيار من اخيار
ربنا يفتح عليكم...
شكرا ليك...
|
Post: #10
Title: Re: رجل جدير بالاحترام
Author: doma
Date: 11-05-2009, 09:02 AM
Parent: #9
نعوووووووومه تعالي لي في الخاص
|
Post: #11
Title: Re: رجل جدير بالاحترام
Author: انعام حيمورة
Date: 11-05-2009, 09:28 AM
Parent: #10
يا دكتورة ..
خمسة مداخلات بس ونص مبلغ الكارو جاء ..!!
يا الله ..
في ميزان الحسنات ان شاء الله
|
Post: #12
Title: Re: رجل جدير بالاحترام
Author: doma
Date: 11-05-2009, 09:46 AM
Parent: #11
انعام الموضوع اعتبريه انتهي تعالي اديني تلفونك
|
Post: #13
Title: Re: رجل جدير بالاحترام
Author: د.نجاة محمود
Date: 11-05-2009, 09:47 AM
Parent: #11
امة محمد لا بنقطع عنها الخير ابدا
دائما يا انعام ستجدين من يسمع النداء ويلبيه
في ميزان الحسنات
|
Post: #14
Title: Re: رجل جدير بالاحترام
Author: Ahmed Osman
Date: 11-05-2009, 10:55 AM
Parent: #13
| Quote: Re: رجل جدير بالاحترام |
و,دومة شامخة من دومات بلادى
وكمان انتو نخلات تستحق الاحتفاء والاحترام
|
Post: #15
Title: Re: رجل جدير بالاحترام
Author: انعام حيمورة
Date: 11-05-2009, 11:06 AM
Parent: #14
| Quote: انعام الموضوع اعتبريه انتهي تعالي اديني تلفونك |
يا سلام يا سلام ..
الله كريم الله رحيم ..
والله يديك الفي مرادك ويخلي ليك اولادك ويحفظهم ويحفظك ليك سوزانا في غربتا وتشوفي نجاحها دوما ..
في ميزان حسناتك يارب
|
Post: #16
Title: Re: رجل جدير بالاحترام
Author: ibrahim fadlalla
Date: 11-05-2009, 11:46 AM
Parent: #15
وأنتن ..جديرات ...بكل إحترام ...
القومة ليكن ...
وشكراً ..د. نجاة ...
ودي القديم ...ما تزحزح ...
|
Post: #17
Title: Re: رجل جدير بالاحترام
Author: د.نجاة محمود
Date: 11-05-2009, 11:58 AM
Parent: #16
الحبان دون فرز
ربنا يجعلكم دائما سباقين للخير والحث عليه...
والدال على الخير كفاعله
شكرا ليكم للدخول ورفع البوست لتدلوا عليه
بالجدفخورة بيكم جدا
هناك اخوان واخوات كانوااتصلوا بي اتمنى يتصلو بالاخت انعام
ويلحقوا الفضل
ربنا يزيد فضلكم..
|
Post: #18
Title: Re: رجل جدير بالاحترام
Author: د.نجاة محمود
Date: 11-06-2009, 01:45 AM
Parent: #17
اخ عزيز كان قد راسلني بشأن تبرعه
اتمنى تتصل بالاخت انعام للالحاق بالفضل..
لم اجد المسانجر الذي ارسلت فيه ايملك وهاتفك
مع فائق الاحترام
|
Post: #20
Title: Re: رجل جدير بالاحترام
Author: د.نجاة محمود
Date: 11-06-2009, 04:59 AM
Parent: #18
الشكر والاشاة في مقام الوجوب
للاخ امير شعراني الرجل الانسان الذي سخر قلمه الجميل
فيعرض قضية هذا الرجل المحترم
في مجتمع يعج بالمجرمين والمتسهبلين والنرجسين
قام هذا الصحفي بابراز نموذج يتبع للاجيال القادمة
كتابات امير دائما تصب في الجانب الانساني
تتبع معنا هذه الشخصيات النادرة لنقول يا الله مازالت الدنيا بخير
شكرا يا امير على هذا المقال
وشكرا يا الطاهر ساتي الذي وعد انه سيكتب عنه
وشكرا لمن حقق حلم هذا الرجل المحترم في توفير وسيلة عيش كريمة
ونتمنى من ملاكنا الارضي انعام ان تصور الحدث
تدخل الفرحة لكل من تابع هذا البوست
ودعمه معنويااو ماديا
لاجل ان ان تشتهر قصته فيكون نموذجا للشباب
ان العمل اليدوي الحلال خير من العطالة..
مودتي لكم جميعا
|
Post: #22
Title: Re: رجل جدير بالاحترام
Author: saadeldin abdelrahman
Date: 11-06-2009, 11:01 AM
Parent: #20
الله!
|
Post: #23
Title: Re: رجل جدير بالاحترام
Author: داليا الكباشى
Date: 11-06-2009, 11:49 AM
Parent: #22
بحق رجل جدير بالاحترام ...
دكتوره نجاه والنعومه وماما دومه ست الكل ..
صحباتي الجميلات .. حلاااااتهن .. ارواحهن مافي زيها ...
جاني كم اتصال بخصوص الموضوع من بورداب ومتصفحين ...
ربنا يديكم العافيه ويقدرنا على فعل الخير انشالله ...
الناس ما توقف التبرع .. حتى وان فاض المبلغ .. الشتاء على الابواب , يشتروا البطاطين
ويلا كلللللنا هنا نجدع بعييييييييييد ....
تحياتي ... ارفع لكن القبعه جميعا ..
|
Post: #24
Title: Re: رجل جدير بالاحترام
Author: Muna Khugali
Date: 11-06-2009, 01:08 PM
Parent: #23
Quote: دا انسان اجمل من اي زول منفوخ الاوداج وايدينو ملس
شوفي النور البشع من وجهه والضحكه الملائكيه .
اهل الله تعرفهم بسيمائهم .
معاكم يا نعومه |
النور الفي وشه وابتسامته الكبيرة..
هي من الايمان الحقيقي والقناعة!
اللهم ساعدنا لتكون لنا مثل قناعته وقوته..
وساعدنا لنكون من القادرين علي عمل الخير في أي مساحة كان..
سلام يا نجاة ونعومي ومنال..
سلام لدومه وكل من مر هنا..
|
Post: #25
Title: Re: رجل جدير بالاحترام
Author: د.نجاة محمود
Date: 11-07-2009, 01:44 AM
Parent: #24
سلامات الحبان دون فرز
يا داليا شكراليك على الاقتراح
اي حاجة تساعد هذا الرجل ندعمها بشدة
التحية لمن اتصل بك من كتاب او متصفحين
ربنا لا يقطع الخير في امة محمد ابدا وعد حق
احترامي لكم جميعا
|
Post: #26
Title: Re: رجل جدير بالاحترام
Author: عابدون محمد عابدون
Date: 11-07-2009, 04:18 AM
Parent: #25
ودومة شامخة من دومات بلادى وكذلك انعام ود.نجاة
وكمان انتو نخلات تستحق الاحتفاء والاحترام
|
Post: #27
Title: Re: رجل جدير بالاحترام
Author: doma
Date: 11-07-2009, 05:11 AM
Parent: #26
رجعتت للبوست الاصلي الذي تم عرضه في شهر مايو اي قبل 5 اشهراو اكثر
وجدت ان تكاليف الكارو وقتها كان مليون ونصف من العمله السودانيه .
والاقتراح الاخر بشراء ركشه بمبلع 8 مليون وشويه حسب التقديرات التي اوردتها انعام حيموره .
عندما ذهبت انعام اليه لتسليم ما وصلها من تبرعات قبل عمليه اللوز كان المبلغ 200 الف فقط
سالت انعام كم تبلغ قيمه 200 الف قالت ما يعادل 100 دولار
افتكر بالصرف القديم لان الدولار الان رغم انخفاضه في اي مكان مرتفع في السودان .
|
Post: #28
Title: Re: رجل جدير بالاحترام
Author: doma
Date: 11-07-2009, 10:23 AM
Parent: #27
فوق لايادي الخير
|
Post: #29
Title: Re: رجل جدير بالاحترام
Author: ihsan fagiri
Date: 11-13-2009, 07:50 PM
Parent: #17
بيان وانعام
امانه ما اتلومتو فيني
اشتريتو الكارو ولا ما اشتريتو
مشيتو للراجل ولا ما مشيتو
انا حقي مرقتو
يا انعام
ولكن التقدير
|
Post: #30
Title: Re: رجل جدير بالاحترام
Author: د.نجاة محمود
Date: 11-14-2009, 00:22 AM
Parent: #29
Quote: بيان وانعام
امانه ما اتلومتو فيني
اشتريتو الكارو ولا ما اشتريتو
مشيتو للراجل ولا ما مشيتو
انا حقي مرقتو
يا انعام
ولكن التقدير |
مجربة يا ست الكل
الفضل ما فاتك
العندك اديه لانعام
وان شاء الله انا وانت نسجل للراجل زيارة في الاجازة الجاية
متين تجينا؟
|
|