Post: #1
Title: وسكت الشمات !! ودخلت الارانب جحورها
Author: برير احمد إبراهيم
Date: 10-19-2009, 09:00 AM
قال ليك فى بنقالى ( بنقلاديشى ) عمل شكله مع فلسطينى
الفلسطينى لطش ليك البنقالى ده لمن عرف حاجه .. الجماعه
يا الله فكوه منو ... اها البنقالى مشى بعييد وكورك للفلسطينى
فلستينى ... فلستينى ..
لما الفلسطينى اتلفت ... قال ليهو اسرائيل كيف ؟؟ وقد سلك
اها دا حال اخواننا المريخاب ... او كما سموهم اخيرا
اخواننا المازمبيخ .....نلطشهم يقول ليك مازيمبى كيف ؟؟
اها مازيمبى زاتوو لطشناهو ليكم ... جيبو الامم المتحده .
ياهوده الهلال ... مسكتكم ..
يا هوده هلال 11 سبتمبر .. مدمركم ..
ياهوده الملا عمر ... راجمكم ....
ياهوده ايفوسا ... ضابحكم ....
ياهوده اعظم لاعب فى تاريخ السودان الحديث
سيدا .. وسيد ابوها .. وامها .. مفشفش مصارينكم ..
ياهو ده سادومبا ... الماسوره البتنقط عسل ...معزبكم ...
وراجينكم قريب عشان نطبق ليكم الحنه ..
بس ماداير اى كتابات بتاعت المريخ ده جادى ؟؟
ولا غيرها ...
|
Post: #2
Title: Re: وسكت الشمات !! ودخلت الارانب جحورها
Author: فايزودالقاضي
Date: 10-19-2009, 09:06 AM
Parent: #1
ان شاء الله بس جبت الكاس ؟!!! ماياكا رجعت لعلبك ( الصفر الدولي )...
80 سنة وانت بتجري عشان تفرح جماهيرك السابقة واللاحقة... والماتو كتااااار قبال يشوف ليهم كاس صفيح ...
قال سيد بلد ...ياخي انتو تخجلوا والله ...
|
Post: #3
Title: Re: وسكت الشمات !! ودخلت الارانب جحورها
Author: haroon diyab
Date: 10-19-2009, 09:18 AM
Parent: #1
يابرير
اخيرا ظهرت
عقبال مانشوف محمد عادل
المهم....
شايف فصل محو الامية بقي يجيب نتيجة.....!!!!
|
Post: #4
Title: Re: وسكت الشمات !! ودخلت الارانب جحورها
Author: برير احمد إبراهيم
Date: 10-19-2009, 09:29 AM
Parent: #3
ياهارون ياخوى انتو التلاتات بالكوته ولسانكم فلقه ...
نحن اسياد البلد ... مالنا مابنظهر ؟؟
...
ياخى الارانب دى بتشم الجزر شم .. من على بعد تلاته مازدات
|
Post: #5
Title: Re: وسكت الشمات !! ودخلت الارانب جحورها
Author: منتصر الامين
Date: 10-19-2009, 09:35 AM
Parent: #4
بوست لرفع المعنويات
ومحاولة لاخفاء الصفر الدولى الكبير
المهم يا برير
مالم يرتبط الفوز بتحقيق البطولات
واعتلاء منصات التتويج
فانه لا يتعدى كونه واحد من ثلاثه نتائج
لاى مباراة فى كرة القدم
خاصة فى مباريات بنظام الذهاب والاياب
|
Post: #6
Title: Re: وسكت الشمات !! ودخلت الارانب جحورها
Author: برير احمد إبراهيم
Date: 10-19-2009, 09:46 AM
Parent: #5
منتصر ازيك ...
ابدا ...
احيانا يكون الانتصار لغاية اخرى ...غير التتويج
لان مظاهرات فرح الغلابة التى عمت اخواننا المازيمبيخ
كانت تحتاج لهذا الانتصار ليدخلوا الى جحورهم ...
دمت بخير
|
Post: #7
Title: Re: وسكت الشمات !! ودخلت الارانب جحورها
Author: منتصر الامين
Date: 10-19-2009, 09:56 AM
Parent: #6
| Quote: احيانا يكون الانتصار لغاية اخرى ...غير التتويج |
هذا الانتصار لن ينفى حقيقة خماسية المقبره
ولن يشفى غليل الهلال فى مازيمبى ابدا
وطالما كانت غايتكم دوما من الفوز اغاظة المريخ
فسيبقى هذا هو هدف الهلال دوما طيلة تاريخه
ولن يفتح الله عليه ببطوله اقليميه او قاريه تزين سجله
|
Post: #8
Title: Re: وسكت الشمات !! ودخلت الارانب جحورها
Author: برير احمد إبراهيم
Date: 10-19-2009, 10:06 AM
Parent: #7
منتصر اخوى ... فى مثل هذا اليوم
يكفينا اننا جندلنا مازيمبى فى بلده
بعد ان صرعنا المريخ من قبل .. بثلاثية نارية
اججت كل كوامن الحقد فى دواخل الاخوة المازيمبيخ
اخماد هذه الالسن ريحينا فى حناننا
وحسرة الشمات .. زادتنا راحه ...
ومبسوطين والله الليله نضحك للضرس الاخير ..
وياهو ده حال الكورة السودانية ...
وثقافة اللاعب السودانى ...
الذى يعمل كالساعة ام زامبلك
والى ان تتطور ثقافتنا الكروية
لاعزاء للسبيعاب .. وطيشنا البنريدو
|
Post: #9
Title: Re: وسكت الشمات !! ودخلت الارانب جحورها
Author: منتصر الامين
Date: 10-19-2009, 10:58 AM
Parent: #8
برير :
| Quote: يكفينا اننا جندلنا مازيمبى فى بلده |
غايتو البيقرأ كلام الجندله دا
يقول دى مباراة الذهاب ومازيمبى اعلن انسحابه
خوفا من الفضيحه فى مباراة الاياب باستاد الهلال
ـــــــــــــــــــــــ
اذا كانت (2) تعنى ان مازيمبى مجندلا
فماذا تعنى الـ (5) بالنسبه للهلال
|
Post: #10
Title: Re: وسكت الشمات !! ودخلت الارانب جحورها
Author: برير احمد إبراهيم
Date: 10-19-2009, 04:09 PM
Parent: #9
تعنى أن الهلال خرج بشرف ... وبفارق الاهداف يامنتصر
على اى حال هى لاتشبه اربعة الصفاقصى رايح جاى وبصفر من النقاط
شالوا ثلاثه نقاط ... شلنا ثلاث نقاط
غلبونا فى بلدنا بفارق ثلاث اهداف
غلبناهم فى ديارهم بفارق هدفين
وخرجنا بفارق هدف ..
|
|