Post: #1
Title: من جديد : قصف 3 قوارب بميناء سوداني على البحر الاحمر
Author: فايزودالقاضي
Date: 10-19-2009, 07:42 AM
اوردت جريدة الوطن السعودية يوم امس في عددها رقم 3306 للسنة العاشرة الصادر بتاريخ 18/10/2009م بعنوان ( شكوك حول تورط اسرائيل في قصف 3 قوارب بميناء سوداني ) :
اعلن امس في الخرطوم عن تفجيرات مجهولة في البحر الاحمر أدت الى نسف ثلاثة قوارب صيد أعادت الى الاذهان القصف الاسرائيلي لقافلة في شرق البلاد بسبب شكوك حول تصدير اسلحة عبر السودان . وكشفت مصادر امنية ان انفجاراً كبيراً وقع في ميناء بجزيرة ميدي بالبحر الاحمر قرب منطقة تربط السودان واليمن واريتريا بحرياً ، أدي الى تفجير 3 قوارب صيد كبيرة .وتباينت المعلومات حول سبب الانفجار، ففيما اشارت مصادر الى أن الانفجار تم بوساطة لغم بحري ، قالت مصادر أخري إن اسباباً مجهولة كانت وراء الانفجار في الجزيرة التي يستخدمها المهربون في عمليات تهريب البشر والسلع والمخدرات والسلاح . ولكن مصادر ثالثة رجحت أن اسرائيل تقف وراء الانفجار بناءاً على سابق تجربة بداية العام الجاري حيث قامت تل أبيب بتدمير قافلة في شرق السودان شكت في علاقتها بتصدير سلاح من اليمن واريتريا عبر السودان الى مقاتلي حركة حماس في فلسطين . لكن مصادر امنية سودانية لم تستبعد وقوف عصابات تهريب البشر والمخدرات وراء الانفجار .
|
Post: #2
Title: Re: من جديد : قصف 3 قوارب بميناء سوداني على البحر الاحمر
Author: Mustafa Mahmoud
Date: 10-19-2009, 10:20 AM
Parent: #1
ما راي كيزان و كوزات المنبر ؟؟؟؟؟؟؟؟؟؟؟؟؟
|
Post: #3
Title: Re: من جديد : قصف 3 قوارب بميناء سوداني على البحر الاحمر
Author: فايزودالقاضي
Date: 10-20-2009, 08:23 AM
Parent: #2
مصطفي ..ٍسلامات ..
| Quote: لكن مصادر امنية سودانية لم تستبعد وقوف عصابات تهريب البشر والمخدرات وراء الانفجار . |
الغريبة وسائل اعلام الدولة لم تتناول الخبر كسابق الحوادث ، والجهات الامنيه تخمن من على البعد دون اجراء اي تحقيق ...عجبي !!!
|
Post: #4
Title: Re: من جديد : قصف 3 قوارب بميناء سوداني على البحر الاحمر
Author: محمد المسلمي
Date: 10-20-2009, 08:33 AM
Parent: #3
ود القاضي السلام عليكم نحن في السودان ننوم مرتاحين لانكم انتم من تحرسون السودان الشزق يااحفاد عثمان دقنة
|
Post: #9
Title: Re: من جديد : قصف 3 قوارب بميناء سوداني على البحر الاحمر
Author: فايزودالقاضي
Date: 11-07-2009, 02:21 PM
Parent: #4
حبيبنا المسلمي ودالشرق ... سلامات ...
| Quote: ود القاضي السلام عليكم نحن في السودان ننوم مرتاحين لانكم انتم من تحرسون السودان الشزق يااحفاد عثمان دقنة |
الاحفاد يامحمد اكتفو بفتات الانقاذ وسكنوا القصر ونسوا الشرق وقضاياه ... والدليل حلايب منطقة تكامل كما قال دكتور الاسنان الماعنده كرسي ..
|
Post: #5
Title: Re: من جديد : قصف 3 قوارب بميناء سوداني على البحر الاحمر
Author: بكري الصايغ
Date: 10-20-2009, 11:59 PM
Parent: #1
*** - فوق،
*** - فـوق.
*** - وعنـدما تقوم اسرائيل بقصـف صاروخـي علي مواقع تابعة لحزب (حـماس)، نـجـد ان نظام الحكم في السودان اول من يدين القصـف!!!، نظام يسكت عن مـحنه وبلاويه ويبكي اوجاع الأخرين!!!
*** - متمردي ( جيش الرب ) اليوغندي يقومون كل يوم بغارات علي مساكن وقري السكان بالاقليم الجنوبي ويطردون السكان ويغتصبون النساء ويسرقون الأبل والمواشي ولانسمع باي ردود فعل من الحكومة،
*** - طالبت حكومة السودان بوقف الحرب في اليمن بين القوات الحكومية وجماعات (الحـوثي)، في نفس الوقت الذي فيه طائرات الحكومة تقصـف بعض المناطق في دارفور!!!!
|
Post: #6
Title: Re: من جديد : قصف 3 قوارب بميناء سوداني على البحر الاحمر
Author: ibrahim alnimma
Date: 10-21-2009, 07:05 AM
Parent: #5
Quote: لكن مصادر امنية سودانية لم تستبعد وقوف عصابات تهريب البشر والمخدرات وراء الانفجار .
|
دي امنيات الحكومة ان لا تكون اسرائيل ،لان الرد عليها محرج والسكوت عنها أكثر حرجاً سيما والصورة العامة للحكومة تبني خط المواجهة القائمة علي فكرة النار ولعت و........
|
Post: #7
Title: Re: من جديد : قصف 3 قوارب بميناء سوداني على البحر الاحمر
Author: ايهاب اسماعيل
Date: 10-21-2009, 09:50 PM
Parent: #6
الاخ ود القاضي تحياتي..
أخبارك...مشتاقين
ونتسأل مرة أخري من يحمي مياهنا الاقليمية...؟؟
|
Post: #8
Title: Re: من جديد : قصف 3 قوارب بميناء سوداني على البحر الاحمر
Author: HAIDER ALZAIN
Date: 11-07-2009, 01:07 PM
Parent: #7
الناس تسك بنطلون لبني لغاية ما تدخلها اليمن ..
والارض تنقلع .. وتُقصف .. ولا زول يقول بغم مافي ..!!
ولا حتي جريدة سودانية تجيب سيرة ..
صحي بلد بقت هملانة .. وحدودها وكرامتها مستباحة ..!!!
ـــــــ
سلامات يا فايز وتحياتي يا ود الشرق
|
Post: #14
Title: Re: من جديد : قصف 3 قوارب بميناء سوداني على البحر الاحمر
Author: فايزودالقاضي
Date: 11-07-2009, 02:51 PM
Parent: #8
حبيبنا حيدر .. عساك بخير ياود بونا ...
Quote: الناس تسك بنطلون لبني لغاية ما تدخلها اليمن ..
والارض تنقلع .. وتُقصف .. ولا زول يقول بغم مافي ..!!
ولا حتي جريدة سودانية تجيب سيرة ..
صحي بلد بقت هملانة .. وحدودها وكرامتها مستباحة ..!!! |
بنطلون لبنى يستاهل والله ..!!! شرق شنو العايز تقارنه بيهو ؟!!!
كن بخير ياعزيزي ..
|
Post: #13
Title: Re: من جديد : قصف 3 قوارب بميناء سوداني على البحر الاحمر
Author: فايزودالقاضي
Date: 11-07-2009, 02:44 PM
Parent: #7
ايهاب ود الشرق وجاري العزيز .. سلامات ...واشواقنا بحر خالي من القوارب ..
| Quote: ونتسأل مرة أخري من يحمي مياهنا الاقليمية...؟؟ |
يازول نحن الارض الماشين فيها ماقادرين نحميها .. تقول لي مياه اقليميه !!!
حدود مستباحة براً وجواً وبحراً ...
|
Post: #12
Title: Re: من جديد : قصف 3 قوارب بميناء سوداني على البحر الاحمر
Author: فايزودالقاضي
Date: 11-07-2009, 02:37 PM
Parent: #6
ابراهيم ...تحياتي ..
| Quote: دي امنيات الحكومة ان لا تكون اسرائيل ،لان الرد عليها محرج والسكوت عنها أكثر حرجاً سيما والصورة العامة للحكومة تبني خط المواجهة القائمة علي فكرة النار ولعت و........ |
السكوت حالة ملازمة لهذه الحكومة ولا تعرف الحرج ابداً ...
|
Post: #10
Title: Re: من جديد : قصف 3 قوارب بميناء سوداني على البحر الاحمر
Author: فايزودالقاضي
Date: 11-07-2009, 02:33 PM
Parent: #5
بكري ..سلامات ..
| Quote: وعنـدما تقوم اسرائيل بقصـف صاروخـي علي مواقع تابعة لحزب (حـماس)، نـجـد ان نظام الحكم في السودان اول من يدين القصـف!!!، نظام يسكت عن مـحنه وبلاويه ويبكي اوجاع الأخرين!!! |
من يهن يسهل الهوان عليه ...
رفع الله عن وطني هذا البلاء ...
|
Post: #11
Title: Re: من جديد : قصف 3 قوارب بميناء سوداني على البحر الاحمر
Author: الرفاعي عبدالعاطي حجر
Date: 11-07-2009, 02:36 PM
Parent: #10
يازول قول بسم الله اصلوا الميناء دا فيهو كم قارب يا فايز
الشئ شنو ما كملن ؟؟؟ يارااااااجل اتأكد بيكون اعادوا ضربها وإلا
فهذه القوارب لا علاقة لنا بها والله تعالى اعلم .
* شكراً على كل حال .
.......................................................حجر.
|
Post: #15
Title: Re: من جديد : قصف 3 قوارب بميناء سوداني على البحر الاحمر
Author: فايزودالقاضي
Date: 11-07-2009, 02:59 PM
Parent: #11
صديق العزيز الرفاعي ..سلامات ..
Quote: يازول قول بسم الله اصلوا الميناء دا فيهو كم قارب يا فايز
الشئ شنو ما كملن ؟؟؟ يارااااااجل اتأكد بيكون اعادوا ضربها وإلا
فهذه القوارب لا علاقة لنا بها والله تعالى اعلم . |
ياها ذاتها نفس القوارب... الجماعة مشوا يشيلوا الجثث القديمة للدفن وهاك ياضرب من جديد ..غيتو بعد ده الا يحشروا من البحر مادام الدفن بقي مائي ...
|
|