سافرى ... وتعالى

.......
سافرى وتعالى ،،،
غيبي لحظات من زماني .
تلقيني منتظرك أرتب ،،،
غرفة الشوق والامانى .
أحبس الريد المدفق من وريدى ،،،
وابتر الحرف البعانى .
امسك الريشه وألون ،،،
بيها مشوار المعانى .
واشتل الند فى الغمامه ،،،
شان تمطر لى أغانى .
لما أتمدد وأسرح ،،،
فى صفاك الارجوانى .
اغزل الآهات ضفيره ،،،
سادلة فى الجنب الحدانى .
مضفورة بالوجع المكمَّد
فى سنين عمرى اللى فانى .
ما هواك دفتر بديتو معاكى ،،،
من لحظة لقانا الأولانى .
أفتح الصفحة واعاين ،،،
القى صورتك لونا قانى .
ألقى اسمك زى مدينه ،،،
ناسا ما بتعرف كيانى .
ليه !!
لأنى بعد رحيلك
ما عرفت أحوش حنانى .
ما عرفت ألم حروفك ،،،
لا يجيب سيرتك لسانى .
ما عرفت المنِّى طوَّل ،،،
وما عرفت الفات وجانى .
إنتى ما ياكى ضفه ،،،
ساكنه فى حضن الموانى .
انتى ما ياكى شتله ،،،
ضُلك الوارف كسانى .
بكتبك كلمات قصيدة ،،،
وازرعك ورده ف مكانى .
وانتظر جيتك ،،،
أحجى الساعه بى قصتنا ،،،
حتى اللحظه من عمر الثوانى .
واحسب الخطوه المسافره ،،،
واحسب الخطوه ،،،
البترجعى بيها تانى .
....
الفاتح الجنيد ـ مسقط

مساء الفرح فى وجودك استاذى

اسمح لى استاذى ان استمتع بهذه الرائعة

وساحتفظ بمكان لها في الذاكرة
أنا يا استاذي أتذوق " الشعر " بشهية
أعشقه ....... ولا أجيده
أكتب كثيراً ..لكن
لست أبداً بشاعرة
إنما هي أحاسيس ترويها مشاعرى

مودتى استاذى

الفاتح
الله على الغنائية التى تطرب
واللغة البسيطة الماخدة من اليومى
وصابه فى الجاى
يا سلام على شوقك لما يزداد
بانتظار العودة

Quote: تلقيني منتظرك أرتب ،،، غرفة الشوق والامانى . أحبس الريد المدفق من وريدى ،،، وابتر الحرف البعانى . امسك الريشه وألون ،،، بيها مشوار المعانى

.

ما اجمل تلك الحبيبة التى تنتظرها

Quote: إنتى ما ياكى ضفه ،،، ساكنه فى حضن الموانى . انتى ما ياكى شتله ،،، ضُلك الوارف كسانى .

شكرا لك يا الفاتح على هذا الدفق الانيق

الفاتح

سلام كبير

Quote: لأنى بعد رحيلك ما عرفت أحوش حنانى . ما عرفت ألم حروفك ،،، لا يجيب سيرتك لسانى . ما عرفت المنِّى طوَّل ،،، وما عرفت الفات وجانى .

يا سلام .. يا سلام

ممتع هذا النص .. و بالأكثر هذه الجزئية التي مدَّتْ لي الأيادي

عذرا لقد دخلت باسم سوما بالخطأ

Quote: اسمح لى استاذى ان استمتع بهذه الرائعة وساحتفظ بمكان لها في الذاكرة أنا يا استاذي أتذوق " الشعر " بشهية أعشقه ....... ولا أجيده أكتب كثيراً ..لكن لست أبداً بشاعرة إنما هي أحاسيس ترويها مشاعرى

شكرا منال على هذا الاحساس
واسعدنى ان تحتل مساحة فى وجدانك المرهف

ليس من شيم الكاتب ان ينعت نفسه بانه شاعر
انما صفة الشاعرية تصبغها كلماته
وكلما انكر ذاته كلما توهج حرفه
اكتبى ما بداخلك
وسيجد له مكانا فى الدواخل

Quote: شكرا لك يا الفاتح على هذا الدفق الانيق

أنا سعيد حد السعادة حين تجد كلماتى المتواضعة
منفذا لدواخلك الجميلة
فكلماتك احسها قيل ان اقرأها
انا ممتن لهذا الثناء
ياسلمى

يا سلام .. يا سلام

ممتع هذا النص .. و بالأكثر هذه الجزئية التي مدَّتْ لي الأيادي

(الاقتباس ما ضبط معاى)

حقيقى ينتابنى فرح كبير يابوجهينة حين تسجل حضورك المميز
فأنا أشتاق لحسك الذى يسبق كلماتك التى تعطر المكان
دم بعافية ياصديقى

Quote: وانتظر جيتك ،،، أحجى الساعه بى قصتنا ،،، حتى اللحظه من عمر الثوانى . واحسب الخطوه المسافره ،،، واحسب الخطوه ،،، البترجعى بيها تانى . ....

اها خليناه السفر ده زاتو
هااااادى تحكرة فى البوست ده
ممنوع دخول القرضابى للاماكن دى فى الوقت الحالى على الاقل لوول
.....
ابو رامى يا رائع كل يوم بقراك احلا
عبينا بمكامن حروفك الندية
واطلق العنان لى خيالك الحنين
وشكرا مرتين
للقصيدة والمفاجأة

Quote: لما أتمدد وأسرح ،،، فى صفاك الارجوانى . اغزل الآهات ضفيره ،،، سادلة فى الجنب الحدانى . مضفورة بالوجع المكمَّد فى سنين عمرى اللى فانى .

الفاتح الجنيد
نص شعرى جميل. جاهز للغناء. وأنا أردد ابيات هذه القصيدة
كانت اغنية الموصلى (الامانى السندسية) يتردد صداها فى عقلى.
شكرآ. الحب جميل. جملة تقريرية بديهية. ولكنها ضرورية.

غلفت الآتى بورق سلوفان
ووضعته على نار هادئة
حتى تنضج الحقيقة

دومى لنا أم رامى

الحبيب عادل عثمان
مساك سندسى وانت تجتر الامانى
الاجمل ان يجد ما تكتبه وقع هوى فى النفس
خاصة ممن تمتطون التواصل عبر الوجدان
سعدت كثير بمداخلتك
مودتى

*

ما بنقدر نقول شى

سومة تستاهل
















دي بركات صديق الموج
بس معز صرح
ده تلميح
ناس كتتتتتار دخلو ومرقو بدون معرفة بطلة الفلم
وناس علقت كمان

slam algradaby
looooooolz

inta konta ween ? ya 7aaleelaak yaakh

الفاتح

يعني شنو ياخي

فتحت لينا ابواب قفلناها زماااااااااااااان

وقلنا زمنا فات وغناينا مات


جيت وجبت الوجع الساكن

جمر ( نار قرآن بس) سيل ما بطفيها


اها وقتين انتوا ( الاتنين ) زي ده

واحد يصلح والتاني يشوت

نمشي وين نحن يعني من انديحاتكم دي

الله يعلم

جيت اعلق

غلبني الكلام

في حضرة من تحب

تصاب الحروف بصمت الدهشة


وين بت الجنيد

تاني سافري طوالي

عشان يجينا الفاتح يطلع ميتينا

القرضابى
ما تخلى الطبق مستور ياخى
نغنى فى الحمام والا شنو!!!

Quote: يعني شنو ياخي فتحت لينا ابواب قفلناها زماااااااااااااان وقلنا زمنا فات وغناينا مات

ود السنوسى
صدقنى ناقصك حبة تلميعة كده
وبنطلون جينز مرقوع فى ركبة ومهرود فى الركبة التانية
تطلع حاجه مودرن

Quote: جيت وجبت الوجع الساكن جمر ( نار قرآن بس) سيل ما بطفيها اها وقتين انتوا ( الاتنين ) زي ده واحد يصلح والتاني يشوت نمشي وين نحن يعني من انديحاتكم دي

شوف ياتمشى تشوف ليك واحده مريخابية تنداح معاها
يا الكعبة قريبة ليك امسك فى الله

Quote: الله يعلم جيت اعلق غلبني الكلام في حضرة من تحب تصاب الحروف بصمت الدهشة

ياخى انت زول مرهف
واحاسيسك تعبى بلد
بس تلقى البفهما
شكر مدفق

Quote: وين بت الجنيد تاني سافري طوالي عشان يجينا الفاتح يطلع ميتينا

اها من اليلة دى بت الجنيد ما بخليها تعتب باب البيت
ميتينك غاليين علينا خليهم مرتاحين