يا مازيمبخاب إنتو قايلـين شـنو ..

دا سيد البلد ..
دا الهلال الفي السماء ..
دا الهلال الفي القلوب ..

رغم أنكم جهزتم ( شوالات ) شماتتكم ..
وتوستم في غيركم يهبكم الفرح ..
لكن خاب ظنكم وخاب ما كنتم به تتمون ..
إنتو قايلين شنو ..
الهلال دا أفريقيا كلها بتعرفه ..
أفريقيا كلها تهابه وتخشاه ..
لذلك سميّ سيد البلد ..
هو الهلال رغم كيدكم وسخريتكم ..
كنتم تتوقعون أن تصل النتيجة كما وصلت لمصانع الـ7 أب ..
لكنكم عدتم لقواعدكم صامتين كعهدنا بكم ..
عدتم والأيادي في القلوب من مقبل الأيام ..
وإنتو عارفين أيامنا معكم لها أيقاع وذكريات ..
وما حادثة الحادي عشر ببعيدة ..
نعم سيكررها أخوان سيدا ..
وسنظل نعد في التلاتات وقيل الأربعات ..
الأربعة التي لم تتمنوها لنا في مازيمبخاب ..
تخشون حدوثها لكم ..
النسيب موجود ..
إيفوسا موجود ..
وكان ناسيين نفكركم ..
والعهد قريب ..

قوموا إلى شماتتكم يرحكم الله ..

Quote: وإنتو عارفين أيامنا معكم لها أيقاع وذكريات .. وما حادثة الحادي عشر ببعيدة ..

وبيننا وبينكم وعد باللقاء في الدورة الثانية من الدوري الممتاز الذي حسم الأزرق أمره باكرا..

تحياتي النديات يا معتصم .

يا معتصم.....يا حبيب...

اليوم إندملت الجراح....ولم يجد الشمات ما ينكأونهوا....

ماتت الفرحة فى صدورهم...التى لاتحمل حب ألأزرق...

أثبت اليوم الهلال إنه فعلآ ألأقوى والزعيم وسيد البلد..وكل ألقاب الريادة..

موتوا بغيظكم أيها الشمات........الحمدالله الذى نصرنا..بالرغم عدم ا لتأهل..ولكن ردينا ألأعتبار....هذا هو حال الهلال.....

تقديرى يامعتصم..............إسماعيل محمد احمد عباس....

مبروك التأهل والكاس

Quote: يا مازيمبخاب إنتو قايلـين شـنو ..

اغششكم ؟
اوريكم شنو ؟

املكم خاب





------------------------
معتصم يا سيد البلد الف مبروك
حققيق بك الفرح يا بطل
و شكراً لمن منحونا الفرح الجرئ ( في ارض الخصم ) و اخرصوا ألسنة ذيولهم من فلول المارقين من البطولة بدري

يا معتصم ..
الليله الجديع بالبلدي ..
يعني بي دارجية تمبس اللذيذة ديكـ ..
تووووووووووووووووووش ..
ودي بدل الكلمة البرسله صاحبنا الفقد المنطق داكـ .. القال باعوها بي تلاته ملايين ..
تلاتة ملايين تووووووووووش ن شاء الله يوم تلاتين ..
تعرف الوصيفي ما بحتاج يفتش ليهو على مخرج يتخارج بيهو من الضرب ..
احلف صادق الشوط الأول لامن انتهى اتنين صفر .. في تووووووووووووشات كتيره حصلت في ناس كده
البكا حصل ..
القفل الكمبيوتر وفكر يشوف ليهو برنامج جديد للكم اسبوع الجايات ديل ..
والفكر يأجر الباس ويرد ..
والحرد شاي الغدا
والاشترى ليهو شريحة جديدة من هنود زقاقات الخليج ..
والطيِب الفكر يرسل المباركة بس انشغل في اختيار الكلمات ..
ياخي جنس تووووووووووش ..
تووووووووووش واحد..
توووووووووووووووش اتنين
والعرق بدأ ..
والسب بدأ ..
والكبكبة من تار الهلالاب الضوا الدنيا سمعة طيبة ..
........
انت تعال هنا يا أبو عمر ..
يوم الواقعة الكبرى ..
واقعة ( سبتمبر إلفن ) رسلتَ كم توووووووووش كده لي زولنا بتاع الصناعية ده .. ؟؟
تلاتة توشاااااااااااااااات ، صاح ؟؟
ياخي انت زاتكـ ما عندكـ عشرة ياخي ..

بالمناسبة توووووووووووووووش دي غير حصرية ويمكن استخدامها في واقعة يوم تلاتين ..
تعرف حساس بكري ده ما حا يعتبره بين قوسين ويقوم يعمله ليكـ كده ( ... ) لأنها دارجه مُتاحة وسط الأسر بجميع رتبها الإجتماعية ...

يا سلام يا معتصم

لمن رئتينك يتملو بعشق الهلال

لمن تحس انك
فوق فوووووووق
فوووووووووووووووووووووووووووووووووق
لمن تحس انه الدنيا دي ما سايعاك
زي لمن تحصل ليك حاجة
ويجو اهلك ينصروك
وينتصروا ليك
يقولوا ليك
يازول
نحن معاك
نحن جمل شيلك
نحن سندك
لمن يكون النصر بهذا المنطق

يبقى طعم النصر غير

يبقى طعم عدم التأهل غير

نحن استعدنا هيبتنا وكرامتنا التي ضاعت مننا قبل اسبوعين
وفرح بها شماتنا بطيخاب آخر الزمان

الآن انا متأكد انهم دخلوا جحورهم مرة اخرى

لانهم لا يعرفون طعم الفرح إلا على كبوات سيد البلد

ولكن هيهات

الكبير كبير

والبطيخ بطيخ

وهناك فر ق كبير

بين أن تكون سيد بلد

او تكون بطيخابي


ولسه يا معتصم

الدفن المرة دي حيكون سادومبي

وعما قريب الهمبريب يضرب شباك الوصيف (اقصد الطيش الدائم)

ابو عمر
يقول الاثر اذكروا محاسن موتاكم وللاسف في كل هذه المحاسن نقبنا واستعنا بعمك جوجل فلم نجد الا Zero قدر الكتلة.
شمتانين؟ اي نعم شمتانين! تتوقعوا شنو لما نشوف لما نشوف جماهير متعصبة جاهلة تحمل نعشاً وهمياً ملفوف بعلم مريخ السودان ويطوفون به كالدراويش مقبرة زريبة العيش!!!! ثم يخرجون به الى الشوارع فتزغرد النساء.
نعم تعرف عنكم افريقيا الكثير فبفضلكم عرفت افريقيا الفرق بين 2 و12 وفي مجال الهزائم فلكم السبق (استغرب لما لم تقدموا طلبكم لموسوعة جينيس) لادراجكم كاول فريق افريقي يترصع خمسة في ارضه مش في نصف النهائي ياخي في ربع النهائي ذاته مافي.
وعرفت افريقيا عنكم اصطحابكم لكوم جرار من الدجالين والنصابين والروحانيين والمشعوذين لزوم (فك العمل) وتعرف افريقيا عنكم انكم الفريق الوحيد في العالم الذي اصطحب الفنانين والفنانات لاقامة حفل طائر قبل التأهل فكان نصيبكم حفلة ما تمت (راجع مباراة الترجي - ص 5 اخر ربع ساعة).
عرفت عنكم افريقيا فائدة اخري للمراتب غير النوم عليها عندما احتمي بها ناس بيضوضان لحماية رؤسهم من حجاركم الذي ما رايت انهمال مشابه له الا يوم النحر في صعيد منى.
عرفت عنكم افريقيا الرشاوي فجلبت لكم حكام مباراة من اربعة جنسيات مختلفة في نادرة وسابقة لم تحدث في تاريخ العالم (على الاقل فعلى مستوي الاندية في البطولات القارية).
مرة تانية والله عتبي عليكم انكم لم تقدموا لموسوعة جينيس.
اما لو صدقنا ما يزعم عن دفن الحمير في ملاعب الرياضة (بعد جيش المرتزقة بتاع الدجالين السافر معاكم ورضا ورسائل الموبايل- مضطر اصدق) فلو اضفنا هذه المأثرة الى مأثركم فلم تبقي هناك رزيلة تركها الازيرق لغيره.

اما كلام عد الايام وخوفنا منكم فارجع للتاريخ والتوثيق واذكر كم مرة فاز المريخ على الهلال وقارنها بعدد مرات فوزكم!!!!!
المحصلة فزتم 2 فزتم 3 فزتم 4/1 فقد عاودكم الحنين الى الصفر (ادروب ولوف) وهذه محمدة قد تكون وحيدة لهلالكم.
المحصلة الهلال لافرق بينه وبين موردة المناقل والمطابع الصومالي والخور القطري وضمك السعودي ولك ان تضيف ما تشاء ولو مكضبني اسأل سجلات الاتحاد الافريقي.

سمعة

Quote: أثبت اليوم الهلال إنه فعلآ ألأقوى والزعيم وسيد البلد..وكل ألقاب الريادة..

ااؤمن عليه يا سمعة لما اعرف مباراتكم مع برشلونة في بطولة اندية العالم يوم كم!!!!

يمكن يا معتصم تقول الزول دا مريخابي معكر مزاجه فوز الهلال ودا غير صحيح على الاطلاق لانه الهلال يفوز ما عندي مشكلة مشكلتي انه يتأهل ويجيب له كاس، انما سر هذا الغضب هو ما يمارسه اعلام الضلال ضد المريخ كما يمارس بعض الاخوة الزملاء هنا ارهاباً تاريخياً وتوثيقياً كما نقل الاخ حميدة بعنوان المريخ اول فريق سوداني ينهزم بالتسعة على ارضه ثم تبين ان ناقل الكفر ليس بكافر، مما نتج عنه تنكيت المريخاب للتاريخ فمرقن لكم تلاتة سبعات (كوتشينة ورق) تلقى كل عليهن تلاتة صور تنزل طوالي بس اهم حاجة ما يكون اسكورك 13 لانه مطافي نيويورك ما بتهمد حريقك.
بالمناسبة سواقينكم النيجرين ديل ما حريفين يمشوا كويس واول لفة يقلبوها.

أبو محمد
ذكرتني بطاش ما طاش لم القصبي والسدحان قالوا ليهم ابوكم ما عنده انفلونزا خنازير عنده سرطان (قالو الحمد لله) (بالمناسبة عندها نظيرة سودانية ما بتنقال هنا) الناس في الدافنة وانت بتجيب في عدة الفنان.
سوف اعود لك ان سمح وقتي ببوستات ومقالات نشرها هلالاب في الصحف والمواقع الالكترونية والصحف الصفرزرقاوية تبين لك تماماً لما نحن شامتون.

القايلنه يا ابو عمر خمس كاسات محمولة جواً نتوسد عليها وننوم مقابل نومكم على الحديدة بس خلوا بالكم جاي الصقط والحديد دا بيبرد بسرعة ما يجيكم التهاب يتطور لانفلونزا خنازير.
قوموا ادوا ناس الخلاء ديل الفاتحة يا دوب جو

جمهورية الهلال الديمقراطية
مليون ميل مربع .
أشهر الانهار النيل الأزرق

يا سلام عليك يا عثمان موسى ..
يا هلالي أصيل ..
ياهو دا الهلال ..
وياهم ديل أهل الهلال ..

تسلم يا صاحب ..

جمهورية المريخ السودانية الديموقراطية

القارة الإفريقة

أشهر البحار، البحر الأحمر

يا محمد عمر ..
في مصطلح قالوهو لأخونا البنحبو ..
رغم انو المصطلح ما لافق عليهو لأنو جميل القلم والفكره والزول القالو تحكمه أجنده الحقد الإسفيري إلا أنني سأضطر لاستخدامه معكـ لأنو لافق مع ما تكتب ( عن الهلال ) ..
هذا يا صديقي يسمى : هُــــــــــــــــراء خلاب ..

Quote: مشكلتي انه يتأهل ويجيب له كاس،

محمد عمر يا حبيب ..
إزيك ياخ وتاني إزيك شديد ..
عليك الله ما تزعّل نفسك قدر دا أهو نحن بقينا زيكم ..
يعني فرقنا حاج أحمد دي وإنتو أحمد حاف ..
كون الهلال يشيل كاس الأندية الأفريقية دي مسألة وقت ليس إلا ..
كل الفرق الأفريقية بتعمل ألف حساب حين تنازل الهلال وهذا ليس مجرد كلام ..
أما البزعلكم إنتو إنو نشيل الكأس ونمسح ليكم حبة الكويسات القادننا بيها دي ..
وكويساتكم دي زاتو عندنا فيها رأي بجيك ليها ..

Quote: نعم تعرف عنكم افريقيا الكثير فبفضلكم عرفت افريقيا الفرق بين 2 و12 وفي مجال الهزائم فلكم السبق (استغرب لما لم تقدموا طلبكم لموسوعة جينيس) لادراجكم كاول فريق افريقي يترصع خمسة في ارضه مش في نصف النهائي ياخي في ربع النهائي ذاته مافي.

أنا بهمني الكلام دا شديد يا محمد عمر ..
كونه إنو الهلال ينهزم دي ما عندنا فيها مشكلة إطلاقاً لانها دي حال كرة القدم ..
أما مسألة الفضائح دي بتهمنا شديد ..
ولو إنني ما من هواة التوثيق لكن بجيب ليك الكلام الموثق ..

دي صحيفة الهداف الجزائرية شوفها كتبت عنكم شنو ..


يا حسرة شوف ناس منتداكم كاتبين شنو ..

يا محمد عمر أخوي الأساليب دي بتودي لمزالق شديدة عشان كده الواحد ما بحب يدخل فيها ..
وحكاية إنو الكاف يعين أربعة حكام لمباراة الهلال ليس المقصود الهلال بعينه بل مقصود بيها السودان ..
والدليل مباراة السودان ومالي أدارها أربعة حكام من دول مختلفة ..
وح يعلب المريخ الموسم القادم ويواجه نفس الطريقة ..

أما حكاية الدجل الجبتها دي ..
النديك النجيضة الهلال والمريخ الإتنين قاعدين يعتمدوا على الشعوذة والفكي البمشوا ليهو كل مره دي ..
دي حاجة قديمة والشارع السوداني كلو بعرفه ..
وأزيدك كمان في لاعبين قاعدين يسافروا لغاية مايرنو البعيدة ديك ..
والنزيدك كمان أفريقيا كلها بتعتمد على أسلوب الشعوذة والدجل والكجور ..
يعني الحاجات دي رغم رفضنا التام لها لكنها موجودة في ملاعبنا الأفريقية ..
وضربت مثل أمس في بوست عبود عبدالرحيم بحكاية الحجبات الكنا بنلبسها ولا نعمل (بولندا) في كداراتنا ..
دا كلو موجود ولا يمكن نفيه ..

Quote: القايلنه يا ابو عمر خمس كاسات محمولة جواً نتوسد عليها وننوم مقابل نومكم على الحديدة بس خلوا بالكم جاي الصقط والحديد دا بيبرد بسرعة ما يجيكم التهاب يتطور لانفلونزا خنازير.

يا محمد عمر الكاسات البتتكلموا عنها دي عندكم فيها كأسين ..
الاول سيكافا 1986م والثاني 1989م ودي البنعترف ليكم بيها ..
أما الباقيات ديل أعملوهن دواسات فرامل وإنت عارف الحكاية كلها ..

أما صفويتكم القاعدين تقدونا بيها كل مره دي ..
أحيلك لهذه الصور يمكن تراجعوا روحكم فيها ..
بعدين منو القاعد يخدر التاني اعلامنا ولا اعلامكم ..
بالله شوف كمية مراكز التخدير وأخصائيها العندكم ..
نبدأها ليك من الأخصائي الكبير لغاية سلك العريان ..





وللكلام بقية ..
أرقد عافية يا صاحب ..

Quote: كون الهلال يشيل كاس الأندية الأفريقية دي مسألة وقت ليس إلا ..

أخوي معتصم..

إن شاء الله قريب..


قول آمين..

من خشمك ولي باب السماء يا فتح الرحمن ..
ياهو دا الهلال ..
وياهم ديل أهل الهلال ..

تسلم يا هلالي يا أصيل ..

Quote: ولسه يا معتصم الدفن المرة دي حيكون سادومبي وعما قريب الهمبريب يضرب شباك الوصيف (اقصد الطيش الدائم)

يا جيمي ..
قرط على دي وأعرش ..
ياخي الناس دي الرجفيبة من هسي ماساكها ..
رجفة في المطر دا ..


ما أجمل أن تخرج للدنيا وأنت هلالابي ..
ما أجمل أن تكون أول كلماتك ..
الله .. الوطن .. الهلال ..
دا عشق سرمدي يا جيمي ..
ورباط لا ينتهي ..
الهلال هو سيمفونية الإبداع الكروي ..
كم أسعدونا فتية الهلال ..
لذلك نقف معهم عند الملمات ..
لا بنشتمهم ولا بنجدعهم بالحجار ..
سيجدون كل الأهلة اليوم بإنتظارهم في أرض المطار ..
نعم سيردد كل الجمهور الهلالي أسماء الأبطال ..
من ديدا لي سيدا ..
وسا سا شنو .. سادومبا ..
ديل من هسي دخلوا جحورهم وسيلبدون يوم معنا يلعبون ..
يلعبون في البرد دا ..
غايتو تاني نحن ما بنلعب إلا في البرد والمطر ..
مطر شنو في البرد دا ..

أرفع رأسك أنت هلالابي ..

ياخي توووووووووش للطيش يا أبومحمد ..
ياخي هو في أحلى من البلدي ..
والله جماعتك لبدو لبده تقول صبت فيهم مطرة ..
أصلهم متعودين على صببان المطر دا ..
مطر في البرد دا ..
ديل في مباراة المطرة أخدو ـ7ـ زي ( العجب ) ..
و( العجب ) إنهم فرحانين تقول غلبونا وزلزلو عرشنا ..
ياخي ديل وحاتك خوووتك غير تلاتة نقط نقط نقط ما جابو حاجة ..
إنت قايل الفصاحة دي في أم كم ..
دي سلة لسان ساي خوف الجايي ..
إنت قايل الجايي شنو ..
مطرة حدها الركب ..
مطر في عينك ..
نحن زاتو تاني غير في المطر ما بنلعب ..

قالوا ليك في واحد مكنيني روسي ..
يومو كله في المنطقة الصناعية ..
تضرب ليهو يقول ليك في الورشة ..
ساكن سكنة عديل كده ..
تودي ليهو عربيتك يفكفكه ليك سادومبا سادومبا أقصد صامولة صامولة ..
أها صاحبنا المكنيكي دا ..
ما تجيب ليهو سيرة الكورة ..
طوالي بتجيهو الرجفيبة ..
قال شنو قال صلاح إدريس إشترى الكورة ..
هسي عليك الله نحن سنتنا كلها نقعد نباري في صلاح إدريس دا ..
غايتو تقعدو تبارو في صلاح إدريس دا يفرتق ليكم ناديك دا صامولة صامولة ..

بعدين كلمة الوصيفي دا زاتو عندنا فيها رأي ..
أستخدم الضللة يا أبوي ..
ديل ضلنا وإن طال السفر ..
ضل في المطر دا ..


كده ندخل طوالي على توووووووووووش ..
طبعاً يوم التوووووووشات داك صاحبنا كان قافل جواله كالعادة ..
أها بعد ما فتح الجوال أول ما رد قال في الورشة ..
إنعل أبو المكنكة زاتو ..
ورشة في البرد دا ..




وللحديث بقية يا صاحبي ..

كيفك يا قيقا ..
هاردلك حزيناً ..

الحمام الميت دا مع شنو ..
ياخي ديل إتخارجو بدري علي يدنا ..
وبقى سيد البلد كما هو يدافع عن الكرة السودانية ..
نعم إتهزمنا في أم درمان كحال كرة القدم ..
وإستغلها الشمات وهاك يا ردحي ..
لك فوق أم كم ..
يا ريت لو غلبونا ووصلو للدور الوصلنا ليهو دا ..
لكن يا حسرة غير تلاتة نقاط جو مدلدلين بيها يديهم ما عندهم حاجة ..
زي ديل نقول عليهم شنو ..

تحياتي ..

Quote: أثبت اليوم الهلال إنه فعلآ ألأقوى والزعيم وسيد البلد..وكل ألقاب الريادة..

الكلام دا ما بعجب الشمات يا إسماعيل ..
فوز الأمس دا حارقهم شديد ..
هسي خاتين يدينهم في قلوبهم ..
خوف الآتي ..
لأن الآتي صعب وما بقدروا يحملوهو ..

الهلال دا فوق فوق فوق ..
رغم كيد الشامتين ..


كل الود ..

Quote: مبروك التأهل والكاس

أها إنتو مع شنو يا مازيمبخاب ..


غايتو أب سنينة يضحك على أب سنينتين ..

فتحي الصديق يا صديق ..
حمدالله على السلامة لعل الأهل كلهم بخير ..

الجماعة الرجفة ماسكاهم من هسي عشان كده قاعدين يهضربو ..
خليهم في ( تخديرهم ) يعمهون ..
ينتظروا التلاتة والأربعة المحمداهم ..


كن بخير ..

:)
سلامات يا معتصم .. كيفك .. مبروك الفوز على الفريق البديل ناس مازيمبي طلعوا ناس اصيلين

Quote: الهلال دا أفريقيا كلها بتعرفه .. أفريقيا كلها تهابه وتخشاه ..

شكلك الايام دي قاعد تقابل غريبة كتير ..

Quote: الدفن المرة دي حيكون سادومبي

(سا) شنو يا جمال ؟ ياخي مالك مهضرب بيهم من هسي قبل اللقاء القادم؟؟..

ينصر دينك يا محمد عمر الفكي ...الجماعة خلوا البوست أقول ليك الحقهم في البوستات التانية ( صح لسانك)

Quote: حققيق بك الفرح يا بطل و شكراً لمن منحونا الفرح الجرئ ( في ارض الخصم ) و اخرصوا ألسنة ذيولهم من فلول المارقين من البطولة بدري

ابقي مارق ....يا .....أخوي ..............المرقه كلها مرقه بس الصفر الكبير كيف

Quote: عرفت عنكم افريقيا الرشاوي فجلبت لكم حكام مباراة من اربعة جنسيات مختلفة في نادرة وسابقة لم تحدث في تاريخ العالم (على الاقل فعلى مستوي الاندية في البطولات القارية)

فعلا سابقه في تاريخ التحكيم الافريقي ...تاني ينصر دينك

يا فتح الرحمن قيقراوي يا صديقي بطل هدربة بتجيك ( انفلونزا الهلاريك )

هو الهلال اتأهل امس وولا شنو
أنا البعرفوا ان الهلال مسك طريق بربر من يوم الخمسة
تعرفوا طريق بربر
بربر بربر

Quote: تعرفوا طريق بربر بربر بربر

يا حمزاوي حتي من البوست حقهم بربر بربر

محمد عمر الحقهم ....

أبو الكدايس قال ليكم غنو يا هلالاب(ست الودع لي كشكشي)

Quote: دا سيد البلد .. دا الهلال الفي السماء .. دا الهلال الفي القلوب ..

معتصم -
معليش وفي نفس الوقت مبروكين - والجاي زي والورد
فلنتظر افريقيا كلههههههههههههههههههههههها

كع يا حبيب ..
يا هلالي أصيل ..
شفت الجماعة أمس فصاحة لسان بس ..
الواحد تسأله يقول ليك مازيمبي لاعب بالإحتياطي ..
تختوا في حتة ضيقة يقول ليك صلاح إدريس إشترى المباراة ..
طيب صلاح إدريس دا ما كان يشتريها كلها عشان نصعد ونشيل الكأس ..
الكأس الحارقهم نشيلو دا ..
غايتو من هسي كان السنة الجاية شلنا كأس أفريقيا نحن عايزين إسبوعين إجازة في البلد ..
لأن الشوارع دي ح تتملي بأسياد البلد ولا مكان للضللة يومها ..

قوموا إلى ضلكم يرحمكم الله .

الحمدلله الذي اعادكم الى صفركم الدولي .. والله ده كان مشتاق ليكم شوق عمران لرمرم ..


اقعدوا في علبكم يرحمكم الله ...


هاهاهاهاهاهاهاهاهاهاهاهاهاه .

أزهري
قصة الازيرق مع الكاسات الخارجية تشبه قصة الشافع مع لعبات الكمبيوتر، يمشي كويس ويصل مرحلة تجيه قيم اوفر، حاول مرة اخري، يحاول تاني تخيل البيحصل شنو سبحان الله يصل نفس الحتة وتاني اعد، بس والله من الله ما خلقني ماشفت لي شافع بيحاول 80 سنة وما فلح.

عمران
انت عارفني ما حاقد وبينت سبب الكتابة شنو والهراء الخلاب ياريت لو مسكته لي ونقضته نقطة نقطة، بس مشكلته انه كله حقائق ثابتة وموثقة وبرضه لو مكضبني اسال ترباس.

Quote: الحمدلله الذي اعادكم الى صفركم الدولي .. والله ده كان مشتاق ليكم شوق عمران لرمرم .. اقعدوا في علبكم يرحمكم الله ... هاهاهاهاهاهاهاهاهاهاهاهاهاه .

فايز ودالقاضي ..
وحاة خوتك نحن بتعجبنا إنبساطتكم دي ..
زي ما قلت قبل كده الهلال جالب الفرح في الفوز والخسارة ..
هسي عليك الله إنتو قاعدين تفرحو في شنو ..
دوري ممتاز مافي ليكم ..
مشاركات أفريقية من سنة حفروا البحر صفر كبير ..
أها غير تشمتوا في هزيمة الهلال وخسارة الهلال قاعدين تعملوا شنو ..

بالله المره الجاية لما نلاقيكم تعالوا اشمتوا كويس ..

إنت قايلنا بننسى يا سامي ..
ودعِكم دا خليكم طوالي مكشكشنو ..
كنكشو كويس وأرجو الراجيكم ..


سا شنو سا سادومبا ..

Quote: هو الهلال اتأهل امس وولا شنو أنا البعرفوا ان الهلال مسك طريق بربر من يوم الخمسة تعرفوا طريق بربر بربر بربر

إنتو يا خال طريق بربر دا ماسكنو ليكم كم سنة ..
عليكم الله أخجلوا من التلاتة نقاط جيتو راكبين ليها بص بربر ..
لمن تبقى ليكم ( سنين ) تعالوا قولوا لينا ..

أموت في مازيبمي ..

Quote: ينصر دينك يا محمد عمر الفكي ...الجماعة خلوا البوست أقول ليك الحقهم في البوستات التانية ( صح لسانك)

Quote: ابقي مارق ....يا .....أخوي ..............المرقه كلها مرقه بس الصفر الكبير كيف

نخليهو نمشي وين ..
إنت قايلنا ماخدين المنبر دا مقاوله ..
ولا دافنين فيهو الصرة ..
ولا قايلنا بنكب الزوغة ونهرب ..
لا وحاة سادومبا شيخ أساسي ما بنهرب ..
نحن أسياد بلد ..
وأسياد المنبر دا زاتو ..
والله قاعدين هنا دا نملاهو ليك كلام لمن تعرفو حاجة ..
نحن شماتتنا ما بنخليها ..
وبيناتنا الميدان يا حميدان ..

سلام يا نيازي ..

بديل شنو عليك الله ..
إنتو فرمالاتكم ماله ما جايبه همها ..
واحد يجي يقول ليك إشترينا الكورة وتاني يقول ناس مازيبمي لاعبين بالبديل ..
أمال موبوتو الدفعتو فيهو 5 مليون دولار دا كان في المدرجات ..

Quote: شكلك الايام دي قاعد تقابل غريبة كتير ..

لا حولااا ..
موبالغة يا نيازي ..
هسي كان كتبت ليك تحت ..

معتصم دفع الله - القلقالة - وبالعكس

إزيك الوجيه معتصم دفع الله
أبارك لكم الفوز والتأهل
كما أبارك لكم الكأس مقدماً

يا أخوي
سيد البلد هو الكأساتو دهب
سيد البلد هو الإنجازاتو عجب

يا أخوي:
أنحنا شرفناكم وشرفنا البلد
أنحنا كاساتنا محمولة بالجو عدد
أنحنا المابيلحقنا نادي ولا أحد

مو الوجيه

إزيك يا وجيه

وتسلم يا صافي صفاء السماء الزرقاء ...

تعرف يا مان ..

بعيد عن الخربشة ...

لعبيتنا ديل محتاجين تأهيل نفسي ..

انهاروا في أم درمان بعد الهدف الثالث ...

وكأني بالمعز وهو يشيع الهدف الخامس بعينيه وهو يقول (يعني أربعة من خمسة ح تفرق شنو؟)

وفي لوممباشي لعبوا كما لم يلعبوا من قبل حينما كان طموحهم رد الاعتبار فقط ...

وبعد الهدف الثاني ولسه الشغلانة فيها شوط تاني وكم من هدف ضاع ...

طمعوا في التأهل ... فحصل التوتر ...

عموماًالجماعة خاتين يديهم في قلوبهم دلوقت ... وبعدين ح يختوها في خشومهم ... وبعدين

في رسينهم ... وفي الآخر في خدودهم ... ده طبعاً بعد الرابع وكده ...

مبروك كاس الابطال
وكاس السوبر مضمون طبعا



وكان قدرتوا على برشلونه
يبقى مبروك كاس العالم للانديه




ـــــــــــــــــــــــ
ولعنة الله على الصفر الدولى

Quote: مبروك كاس الابطال وكاس السوبر مضمون طبعا وكان قدرتوا على برشلونه يبقى مبروك كاس العالم للانديه ـــــــــــــــــــــــ ولعنة الله على الصفر الدولى

أها وقول خسرنا كل ده ..
أم فريحانة دي بتكمل ولا بتقعدوا تتكشموا وتشمتوا ..


بعدين بنجي نذكركم بكل دا ..
نحن أصلو حقنا ما بنخليهو ..

سا شنو سا سادومبا ..

يا سلام يا شيخ عبدالباقي ..
جميل إنو البوست دا عاد بالحبايب ..
سلام وشوق شديد ..
ومتلومين معاك أشد ..

Quote: بعيد عن الخربشة ... لعبيتنا ديل محتاجين تأهيل نفسي .. انهاروا في أم درمان بعد الهدف الثالث ... وكأني بالمعز وهو يشيع الهدف الخامس بعينيه وهو يقول (يعني أربعة من خمسة ح تفرق شنو؟) وفي لوممباشي لعبوا كما لم يلعبوا من قبل حينما كان طموحهم رد الاعتبار فقط ... وبعد الهدف الثاني ولسه الشغلانة فيها شوط تاني وكم من هدف ضاع ... طمعوا في التأهل ... فحصل التوتر ...

دا تحليل سليم يا عبدالباقي ..
نحن كرتنا زي ما بقول شغالة بالبركة ..
كرتنا محتاجة للكثير حتى تكون كرة قدم حقيقية ..
أما بهذه الحال ح نقعد ننتظر كده لمن يفتح الله علينا بعقول كروية ودعم حقيقي لها ..

Quote: عموماًالجماعة خاتين يديهم في قلوبهم دلوقت ... وبعدين ح يختوها في خشومهم ... وبعدين في رسينهم ... وفي الآخر في خدودهم ... ده طبعاً بعد الرابع وكده ...

ياخي دي ما الرجفيبة زاااتا ..
يعني نحن ندق خروج نهائي لإيفوسا ..
ولا نعمل لينا أورنيك مرضي لأمبيلي وسادومبا ..
غايتو في لاعبين كده من هسي عملوا فيها عيانين ..
أما ناس المكنيكية ديل خليهم مع صوامليهم دي ..

لك المحبة يا صاحب ..

معتصم الحبيب.................اللهم لك الحمد.....تخيل كيف الحال لو كان إنهزمنا..يا معتصم يا اخوى..

Quote: هسي عليك الله نحن سنتنا كلها نقعد نباري في صلاح إدريس دا .. غايتو تقعدو تبارو في صلاح إدريس دا يفرتق ليكم ناديك دا صامولة صامولة ..

طوبة طوبة.....يا معتصم..هم هسى بحاولوا يمسكوا ليهم فى قشة.....الناس دى خلت فريقه وبقت تتابع فى الهلال..شفت القوة كيف...

المحيرنى...نحن بنقول ليهم الوصيف..والوصيف عامل حريف..وبجى الخريف واللوارى بتقيف....مش كويس إنو هم وصفاء لهذا الجمال الباهى..ياسلام يا ازرق وياسلام يامعتصم.....وحاتك لو كنت مريخابى والحمدلله لم اكن كذلك كان إنزويت.وإختشيت....

تقديرى......إسماعيل محمد احمد عباس....

معتصم ياخوى
انتو طرتوا وفرحانين قدر ده ... يعنى لو اتاهلتوا كان رقصتوا فى المنبر ولا شنو

مباراة الامس ذكرتنا نكتة المسطول الذى شاهد الطيرة تدخل بالشباك وتلف لفتين فى الغرفة وتخرج بنفس الشباك فقال ليها المسطول يعنى عليك اللة هسع عملتى شنو

هذا كان حال الفريقين امس فالمسطول كان ماريمبى اما الطيرة هو ..........



زمان قلنا ليكم مابنطير برانا

لقيناك قاعد في المصطبة بتتونس مع صفرك

Quote: وللكلام بقية .. أرقد عافية يا صاحب

يـا معتصـم ،، يا اخى بتبالغ كيف يرقد عافية ،،، وللحديث بقيه

معتصم يا صاحب

الصوره دى يا معتصم مفبركه بالفوتو شوب
لانو انا عضو فى منتدى جماهير المريخ وافيدك صدقا انو ما عندنا
حاجه اسمها المنتدى الخاص
غير ذلك فقد استغرب دكتور مرتضى المفبركه الصوره باسمه استغرب
جدا لهذا العمل الهمجى ومحاولة اسكاته بتزوير مشاركه له

الاخ معتصم
يكفى فبركة كلام شراء حكام زيسكو أن المريخ انهزم فى هذه المباراة
وهتف فيها الجمهور بفشل التحكيم
واحرز فبها ايداهور هدف صحيح لم يحتسبه الحكم

وبعدين 350 الف دولار أصلو ده حكم ولا طيارة


ويامعتصم قلت المريخ اتخارج من بدري
هسع عليك اللة ماكان احسن تتخارجوا معانا بدل فضيحة الخمسة التى ستلازمكم العمر كله كاكبر هزيمة لفريق سودانى فى داره خلال 34 سنة كما قال عبده قابل

سلام يا معاوية ..

والله مرات حالتكم تحنن بالجد ..
غايتو ثقافة شراء الحكام دي براكم أطلقتوها وصدقتوها ..
ياخي 6 شهور ناس مزمل أبوالقاسم قادننا بالإعارة والتزوير والدي إتش إلـ والإيميل الإتمسح ..
حتى نسوا حاجة إسمها المريخ ..
علا النسأل مزمل أبوالقاسم عبركم حصل شنو في الإعارة والإيميل الإتمسح ..
إتمسح ما إتمسح .. إتمسح ..
يا قول محمد عبدالماجد ..
ياخي إيميل في البرد دا ..


أها كدي خلينا في مخارجتكم إنتو ..
قبل كده ما أعلنتوها في فضاء الله الواسع دا وقلتو ما بنطير برانا ..
أها طرتوا بي تلاتة نقط نقط نقط وقفاكم يعمر عيش ..
ودا كلو كان علي يد النسيب وإيفوسا الحوسة ..
نحن صحيح إتخارجنا لكن ما إتخارجنا من دقشٍ بدري ..
نحن صحيح إتخارجنا لكن ما بي تلاتة نقط نقط نقط ..
وكمان الطيش عدييييل كده ..
والله حقو الطيش دي ندخله مع توووووووووووشك بتاعت عمران ديك ..
أنا أصلو عمران دا ما قاعد أريحه لما الهلال بكون لاعب ..
لأنه في الحالتين بكون كسبان ..


أها نديك شويه ونجيكم تاني ..

Quote: هذا كان حال الفريقين امس فالمسطول كان ماريمبى اما الطيرة هو ..........]

انتو يا طيشاب أجزم أنكم تكرهون الهلال أكثر من حبكم لوصيف الدائم وطبعا ده من متابعتكم لمزمت أبو الفاهم القال عليكم دلاقين
صدق من قال عليكم مزملاب..

الهلال طق طق الكفر كان ترضو كان تأبوا ويوم 30 ايفوسا راجيكم..

عزيز معتصم
صباحك خير

اولاً موضوع دكتور مرتضي والمنتدى الخاص فاعتقد انه الموضوع باين تزوير وتركيب (طبعاً مجالكم).

تعرف انا امبارح كنت بقرأ في منتدى المريخ والله يا معتصم دا انتوا عليك حاجات تجن!!!!

شغب الجماهير ما بعرف عنه الكتير بس البعرفه وبوعاه انه اول مرة اسمع عن شغب كان في كورة صلاح الامين (الله يرحمه).

الصحف الجزائرية ليس صحافة يصدرها الانبياء وتراقبها الملائكة ويجيبوا لينا دليل مادي معنوي ومحسوس (زي ما قال الشيخ البرعي)

Quote: عندكم فيها كأسين .. الاول سيكافا 1986م والثاني 1989م ودي البنعترف ليكم بيها

ان لنا يا مو ان نمد ارجلنا وندنكل السفة (ما قاعد اسف) وننتظركم تجيبوا لينا صفيحة مش كاس وبعدين نتكلم راس لراس والى ذلك الحين خليكم رايقين في الحصة لانه الاستاذ لما يتكلم التلميذ يستمع، بس الحاجة المتاكد منها يا معتصم انه مدة رجلنا غالب الظن حتكون اطول من مدة نوم اهل الكهف.

الأخ الحبيب معتصم
مبروك فرحة لوممباشي الناقصة والتي زادت الحسرة
خاصة وأنها تذكركم بما انجلت عنه ليلة الأحد الحزين في المقبرة
تعرفوا أسوأ ماتمخضت عنه مرمطة الهلال في المقبرة شنو؟
الجواب هو تسرب ثقافة الشعوذة والدجل لقلوب وعقول الكثيرين منا وأولهم صغارنا
حيث هاتفت الإبن محمد(محمد ولدنا وولدكم) - بتتذكرو؟ ولو ما متذكر بفعل الصدمة والحسرة
أرجع هنا
شكيناك علي الله يا الهلال كان دائر تضيع لينا محمد ولدنا )
عقب مباراة الهلال بلوممباشي وقد قابلنى بفرحة طاغية
قائلاً لي: عشان تعرفوا يا أبوي إنه المباراة الهنا كانت (مكجرة)
وأنه (.....) قبضو البوليس لأنه كان ماشي الحبشة عشان (يكجر) مباراة لوممباشي
قلت ليهو كلام (الكجور) ده خليهو لحدي ما نتلاقى
لأناقشه برواقه وإعادة الإتزان لتفكيره في هذه الناحية

(يعني نحن قلنا القصة كورة وهي في النهاية رياضة وترويح لكن تجيب ليهاأفكار هدامة
فذلك هو المرفوض ولنتكاتف جميعاً كعشاق رياضة لمحاربة هذه الثقافة السوداء)

قلت ليهو طيب أها هسع انت معنوياتك كيف؟
قال تمام التمام بالذات بعد ما غلبنا مازيمبي
وعشان إنتو يالمريخاب ما تقولوا إنكم الوحيدين الهزمتوا مازيمبي

ولكن يامعتصمم ياخي نحن منتظرين الهلال يجيب لينا أي كاس من بره
إن شاء الله كاس شماتة عفواً أقصد مجاعة كما
يتفاصح الصفر الدولي الكبير بن زرقان الهلالي الكدايسي

Quote: صدق من قال عليكم مزملاب..

الاخ عثمان
تحياتى

واللة نحن نفتخر بمزمل انو مريخابى راجل كتاب ومثقف وعمودو مقروء وصاحب اسلوب جميل ومفجر لكثير من القضايا التى هزت الوسط الرياضى والصحفى الوحيد الذى هتفت الجماهير باسمه كمل كمل يامزمل .

اما انتو صدق من قال عليكم رمداناب (على ولدكم رمضان) القال انو اداء العمرة فى جده وقام برحلة نيلية فى تركيا وانو صغار الامارات يمثلون افريقيا.

واتي الصباح

وصمتت شهرزاد عن الكلام المباح

( قال برشلـــــــــــــــونا قال)

Quote: واتي الصباح وصمتت شهرزاد عن الكلام المباح ( قال برشلـــــــــــــــونا قال)

أها وعلى ذكر شهرزاد دي ..
إنتو وصلتو وين يا حسرة ..
عليكم الله ألبدو في ضلكم دا ..

لأنو كل يوم بتقاصروا ..

الحبيب أبوعبيدة سلام ..
عثمان الوسيلة بسلم عليك ..

ياخي ولدنا محمد دا فطرتو سليمة ..
مولود هلالابي من يومه أما إنتوالمريخاب بنعتبركم هلالاب زعلانين بس ..

Quote: مبروك فرحة لوممباشي الناقصة والتي زادت الحسرة خاصة وأنها تذكركم بما انجلت عنه ليلة الأحد الحزين في المقبرة تعرفوا أسوأ ماتمخضت عنه مرمطة الهلال في المقبرة شنو؟ الجواب هو تسرب ثقافة الشعوذة والدجل لقلوب وعقول الكثيرين منا وأولهم صغارنا

منو القال ليك نحن فرحانين ..
نحن قاعدين نعمل جرد حساب للموسم كله ..
بنبحث عن السلبيات ونعالجه والأيجابيات عشان نزيده ..
ناس الهلال ديل قاعدين يشتغلوا بإحترافية عاليه ..
إنت ما سمعت عماد الطيب قال لجماعتكم شنو ..
قال ليكم تعالوا نديكم دروس في الإدارة ..
ياخي إنتو طلعتو الشكوى ما بتعرفوا تكتبوها ..
أها قول لي إنتو فرحانين مالكم ..
والله ناس مازيبمي ما فرحانين قدركم ..

Quote: (يعني نحن قلنا القصة كورة وهي في النهاية رياضة وترويح لكن تجيب ليهاأفكار هدامة فذلك هو المرفوض ولنتكاتف جميعاً كعشاق رياضة لمحاربة هذه الثقافة السوداء)

محمد ولدك دا ما جاب حاجة من عنده ..
دي الصحافة الرياضية المالية البلد بتروج لمثل هذا الكلام ..
بعدين كل من له علاقة بالكورة بعرف مسألة الكجور دي ..
ودي ثقافة منتشرة عندنا وبكره في أفريقيا ..
نعم نحن لا نقرها ونرفض مثل هذا السلوك تماماً لكنه متعارف عندنا ..
لذلك يتداوله الناس وخصوصاً مشجعي الكرة ..


من حق محمد أن يفرح ولما لا ..
فريقه وصل لهذه المرحلة من أكبر الدوريات الأفريقية ..
وكان قاب قوسين أو أدنى من نيل هذه البطولة ..
ياخي إنتو فرحتو حتى بانت شماتتكم ..

Quote: ولكن يامعتصمم ياخي نحن منتظرين الهلال يجيب لينا أي كاس من بره إن شاء الله كاس شماتة عفواً أقصد مجاعة كما يتفاصح الصفر الدولي الكبير بن زرقان الهلالي الكدايسي

صدقني بجي الكأس ..
بس يومها شوفوا ليكم بلد تاني ..
لأن سيد البلد وااااحد ..


شماتتكم دي حدها قريب ..

Quote: اولاً موضوع دكتور مرتضي والمنتدى الخاص فاعتقد انه الموضوع باين تزوير وتركيب (طبعاً مجالكم). تعرف انا امبارح كنت بقرأ في منتدى المريخ والله يا معتصم دا انتوا عليك حاجات تجن!!!! شغب الجماهير ما بعرف عنه الكتير بس البعرفه وبوعاه انه اول مرة اسمع عن شغب كان في كورة صلاح الامين (الله يرحمه).

محمد عمر الحبيب ..
صباح الخير عليك ..
موضوع دكتور مرتضى دا رديت عليهو فوق ..
أما حكاية التزوير دي غايتو نحن ما بنعرفه أسألوا ناسكم ..
بصم ما بصم بصم ..
نجيب ليكم علاء الدين بصمة يبصم ليكم هنا دا ولا كيف ..
قووول إنو نحن عملنا شغب ودا حصل لمرة ..
أها إنتو العاملين فيها صفوة ديل لي هسي قاعدين تجدعوا بالحجار ..
المصيبة بقت محلي ودولي ..
تاني تقولوا صفوة ..

Quote: الصحف الجزائرية ليس صحافة يصدرها الانبياء وتراقبها الملائكة ويجيبوا لينا دليل مادي معنوي ومحسوس (زي ما قال الشيخ البرعي)

يا محمد أخوي الصحافة الجزائرية دي كتبت الكلام دا على العلن لماذا لم تقاضيها إدارة المريخ ..
ولا فالحين بس على ناسنا الهنا ديل ..
ياخي الخبر دا إتنشر على واسع وقرته كل الشرائح الرياضية ..
لما مزمل أثار موضوع الإعارة والتزوير لماذا صدقتوهو وعمتو في عومو ..
في حين إنو الإتحاد الأفريقي والنيجيري كذبوا إدعاءاته ..
هل كان مزمل نبي أم من الملائكة ..
قولوا لمزمل تاني ما تنشر حاجة ساي وعلى فكرة الملف دا لسه ما إتفتح ..
ولما يتفتح ح تتفتح النار على ناس كتااار ..

Quote: ان لنا يا مو ان نمد ارجلنا وندنكل السفة (ما قاعد اسف) وننتظركم تجيبوا لينا صفيحة مش كاس وبعدين نتكلم راس لراس والى ذلك الحين خليكم رايقين في الحصة لانه الاستاذ لما يتكلم التلميذ يستمع، بس الحاجة المتاكد منها يا معتصم انه مدة رجلنا غالب الظن حتكون اطول من مدة نوم اهل الكهف.

تمدوا رجليكم بنقطعه ليكم طوالي
ماإختلفنا في إنكم شلتو كأس ..
ودا ما بنتقص من الهلال شئ ولك أن تنظر حولك كيف هو حال الهلال ..
والله بس إنتو الحاسدين ..
ياخي الهلال دا موجود في كل وكالات الأنباء العالمية الرياضية ..
وموجود بصفة دائمة في موقع الفيفا والكاف ..
حتى ناس الكاف بقوا يختوا الهلال في البطولة قبل الفرق كلها
بس عليكم الله أبقوا في الكأسين ديل لأن ذكر الباقي مخجل ..
كأس الليلة الواحدة وكأس مباراته ما إتلعبت وواحد كان بفضيحة كبيرة كتلتوا ليكم فيها روح ..

قلت لي محمولة جواً ..
عليك الله تلاتة نقط نقط نقط في بطولة كاملة ..
تجوا فيها الطيش وتقول لي محمولة جواً ..
جمال الوالي فيها كم نقطة

أطيشكم ..

Quote: انتو يا طيشاب أجزم أنكم تكرهون الهلال أكثر من حبكم لوصيف الدائم وطبعا ده من متابعتكم لمزمت أبو الفاهم القال عليكم دلاقين صدق من قال عليكم مزملاب.. الهلال طق طق الكفر كان ترضو كان تأبوا ويوم 30 ايفوسا راجيكم..

طقطق لينا الضللة ديل يا عثمان جلال الدين عليك الله ..
ياخي ديل هلالاب زعلانين ساي ..
هسي عليك الله كان سألت ليك واحد إتولد في الـ10 سنين الفاتو ح يعرف ليك المريخ كيف ..
نحن خمسة سنوات قاعدين نشيل في كاس الممتاز وقاعدين نلعب في دوري الأبطال ..
أي واحد تسأله يقول ليك بشجع سيد البلد ..
ياخي أحب سيد البلد ..
وأحب كل البحب سيد البلد ..


أردم لي الضللة ديل عليك الله



التعديل عشان كتبت عثمان الجلال ..
وعثمان دا كان من أعظم اللاعبين المروا على تاريخ الكرة السودانية ..

Quote: الصوره دى يا معتصم مفبركه بالفوتو شوب لانو انا عضو فى منتدى جماهير المريخ وافيدك صدقا انو ما عندنا حاجه اسمها المنتدى الخاص غير ذلك فقد استغرب دكتور مرتضى المفبركه الصوره باسمه استغرب جدا لهذا العمل الهمجى ومحاولة اسكاته بتزوير مشاركه له

علي يا صاحب ..
كيفك يا حبيب ..

أول مره أعرف حكاية الصورة دي ..
من الخطأ تداول مثل هذه الأشياء ..
حقيقي نحن مرات بتاخذنا العزة بالإثم ووصلنا لمرحلة بعيدة عن الأخلاق الرياضية ..
المسألة أصبحت ليست مجرد مناكفات بتحصل بين مشجعي ناديين متنافسين ..
المصيبة أصبحنا نفبرك ونختلق الأكاذيب لتدمير الفريق الآخر ..
وناسين أو متناسين أن الهلال والمريخ يكملان بعضهما البعض ..
وأنا بعزي كل هذا للاعلام الرياضي المتسبب الوحيد في كل هذا الشحن وكل هذه الكراهية بين مشجعي الفريقين ..
الاعلام الرياضي وضع كل فريق في جزيرة معزولة وكأن الهلال والمريخ لا ينتميان لوطن واحد ..
أنا ما عايز أمنع المناكفات ياعلي ..
بس على الأقل تكون في حدود الممكن ولا تخرج عن الأخلاق الرياضية ..
ولما قلت لي الحبيب محمد عمر الفكي بأنني لست من هواة التوثيق كنت أعي ما أقول ..
لماذا نمسك الأشياء السيئة لبعضنا البعض ..
لماذا نكشف حاجاتنا السيئة لمن حولنا ..
لماذا لا يتحد أهل الهلال والمريخ مع بعضهما البعض ومع إتحاد الكرة والوزارة لمصلحة الكرة السودانية ..
على أن لا يمنع هذا الإتحاد التنافس الشريف بين الفريقين وكل الفرق السودانية ..

في حاجات كتيرة عايز أكتبها يا علي بس الوقت مرات ما بسعف الواحد ..

ربما من عودة لنكمل حديثنا إن شاء الله ..
وإعتذاري الشديد لدكتور مرتضى بمنتدى المريخ ..

العزيز كمال مبارك ..
كيفك يا هلالي أصيل ..

ياخي محمد عمر دا حبيبنا ..
مشكلته زي محمد عمران مريخابي
والإتنين بنحبهم ..

لك أجمل التحايا ..

متّع لي الضللة ديل يا أبومحمد ..
ياخي الشماتة دي حدها قريب ..


قلت لي ..
سا شنو سا سادومبا ..

Quote: معتصم ياخوى انتو طرتوا وفرحانين قدر ده ... يعنى لو اتاهلتوا كان رقصتوا فى المنبر ولا شنو

كيفك يا معاوية ..
أها نحن بسببنا ..
إنتو فرحانين مالكم ..
تقول غلبتونا وشلتوا الكأس ..

Quote: مباراة الامس ذكرتنا نكتة المسطول الذى شاهد الطيرة تدخل بالشباك وتلف لفتين فى الغرفة وتخرج بنفس الشباك فقال ليها المسطول يعنى عليك اللة هسع عملتى شنو هذا كان حال الفريقين امس فالمسطول كان ماريمبى اما الطيرة هو ..........

تعرف الطيرة دي ياها الوحيدة القاعدة تطيركم ..
إنت قايل الطير دا هين ..
ياخي دا طير من نوع نادر ونادر جداً كمان ..
نحن زمان لما قلنا ليكم حمام ميت ما كضبنا ..
كنا عارفين بنقول في شنو ..
حمام في البرد دا ..
هسي عايز تقنعني إنو حمام الوالي دا حمام زاجل ..
قاعد يوصل الرسالة لغاية النهاية ..
ما ياهو طار ليهو بي تلاتة نقط نقط نقط ..
يمين الشافع الفي الشارع عارفكم طيش أفريقيا ..
أطيشكم ..

Quote: زمان قلنا ليكم مابنطير برانا

دا كان عمنول يا أبوي ..
بس خليك فاكر إنكم طرتوا على يدينا ..
هسي عليك الله قون النسيب دا بتنسي ..
ولا إيفوسا الخلى القلوب مهووسة ..

قال ما بنطير برانا ..
طيب مازيمبخاب دي جبناها من السوق ..

Quote: معتصم الحبيب.................اللهم لك الحمد.....تخيل كيف الحال لو كان إنهزمنا..يا معتصم يا اخوى..

Quote: طوبة طوبة.....يا معتصم..هم هسى بحاولوا يمسكوا ليهم فى قشة.....الناس دى خلت فريقه وبقت تتابع فى الهلال..شفت القوة كيف... المحيرنى...نحن بنقول ليهم الوصيف..والوصيف عامل حريف..وبجى الخريف واللوارى بتقيف....مش كويس إنو هم وصفاء لهذا الجمال الباهى..ياسلام يا ازرق وياسلام يامعتصم.....وحاتك لو كنت مريخابى والحمدلله لم اكن كذلك كان إنزويت.وإختشيت....

كيفك يا إسماعيل الحبيب ..
ديل كان تابعوا صلاح إدريس دا إلا يفضل ليهم ركب إبراهومة والعجب ..
هم زاتم غير الهلال دا يتابعوا شنو ..
ما ياهو الوحيد القاعد يلعب بره ..
ما ياهو الوحيد القاعد يقاتل وأعداءه هنا قبل بره ..
ديل خايفين نجيب الكاس البمغسهم دا عشان كده ما خلوا ليهم فكي ما بركوهو ..
الوصيف دي تاني ما معانا ..
الضل بس يا حبيب أقع الضل بس ..
يا ضلنا المهزوم تلاتة تلاتات ونقاطك تلاتة ..

أذهبوا فأنتم الشمات ..

عزالدين يا حبيب ..
كيفك وكيف أيامك ..

إنت قايل الكلام بي قروش يا عز ..
باركوا وأشمتوا ..
ونحن ما بنخلي حقنا ..
حقنا إنتو عارفنوا بنجيبو كيف ..
بنغلبكم عديل كده ..
وقبرنا بنحفروا ليكم قدام ناديكم ..
ونعلق ليكم صيوان العزاء في الباب ..

أها إنتو جبتو شنو ..
تلاتة نقيطات ..
ياخي أخجل ليكم ..

العزيز معتصم
تحيات مازيمبية مسائية ستتغير يوم 30 لتكون مريخية

Quote: أها إنتو جبتو شنو .. تلاتة نقيطات .. يا ضلنا المهزوم تلاتة تلاتات ونقاطك تلاتة

بطولة سيكافا (كأس المجاعة) كمبالا 1993

سيد اللبن 0 - سيمبا 1
سيد اللبن 0 - الاكسبريس 2
سيد اللبن 0 - باتا بوليتس 2

المحصلة
ولا قون ولا نقطة وطيش سيكافا كلها

ايهما افصح على قول كتكوت ؟

ما تعصر على مسالة النقاط التلاتة دي

سجل عندك انجازات تانية افريقيا بتعرفها عن الازيرق

اول فريق سوداني ينهزم من فريق تشادي
اول فريق سوداني ينهزم من فريق تنزاني
اول فريق سوداني ينهزم من فريق صومالي

Quote: هسي عليك الله قون النسيب دا بتنسي .. ولا إيفوسا الخلى القلوب مهووسة ..

عزيزي معتصم
كيف الحال

اها انتوا نسيتوا اقوان كلتشى فيكم الوراكم فنونو كل كورة بقونو
ولانسيتوا شربكة المعز
ولا ضربة ايداهور
وراسية لاسانا
الفى كاس السد
ده خليهو اكيد نسيتوه
كان انتوا لحقتوا تنسوا اقوان مازيمبى الخمسة الماتمت ليها اسبوعين ومشيتوا المطار تبكوا من الفرح لاستقبال اللاعبين الطائرين
ياخى معقولة بالسرعة دى تنسوا غلطة اسامة التعاون فى القون الاول
ودقسة كابوندى فى القون الثانى
وبلادة ديمبا فى القون الثالث
وبطحة علاء الدين ومساوى فى القون الرابع
ولا غلطة المعز فى القون الخامس الشاتوه فيهو من الحاج يوسف

لكم ماغريبة تنسوهم انتو نسيتوا الصفر الدولى الليهو ثمانين سنة ومشيتوا المطار

الكريم معتصم
الهلال هو الهلال ذاك القوي الذي ترك بصماته
إفريقياً , ولو فتشت كل الفرق الأفريقية تجد
أن الهلال قد وضع ختمه عليها وأصبح إسماً لا
يمكن تجاوزه من كبار أفريقيا حتى وهو يودع البطولة.
لن تسير وحدك يا هلال , حتى الضل سيمشي معك .
وعلى فكرة خلي الجماعة في نومهم دهـ.

Quote: ولو فتشت كل الفرق الأفريقية تجد أن الهلال قد وضع ختمه عليها

حتى الترجى ووفاق سطيف يا احمد
ولاديل ماتبع الكوتة الترك الهلال بصمة عليها
واللة فى مباراة الترجى لو ماعلى قاقارين طالب ناس الترجي بوقف الاهداف كان لحتى الان تحسبوا

وبالمناسبة مع موضة رد الاعتبار اليومين ديل ماتمشوا تلعبوا مباراة الرد مع وفاق سطيف فالاتحاد العربى لازال منتظر سفركم لمباراة الرد والتذاكر ملح ساكت بس كيف تمشوا عشان نشوف ترك البصمة فى وفاق سطيف

الحبيب معتصم

شايفك ما مشيت على السجل الذهبي بتاع سيكافا 93 !!!!!
يا اخي كمال دا قول ليه ما تشوت ضفاري ونستنا دي ما بتخرج عن كونها ونسة هلالاب ومريخاب بدت من تكوين الفريقين وحتستمر لحدي ما تبقوا لينا زي الزمالك بالنسبة للاهلي حالياً والنصر للهلال السعودي اكرر السعودي (يعني منافسة معدومة) حاجة ذاتها نتونس بيها معاكم ما نلقاها يا طيشة سيكافا.

معاوية
عليك الله سيرة المغرب العربي دي تاني ما تجيبها وخصوصاً ناس سطيف.

Quote: العزيز معتصم تحيات مازيمبية مسائية ستتغير يوم 30 لتكون مريخية

Quote: ما تعصر على مسالة النقاط التلاتة دي

Quote: شايفك ما مشيت على السجل الذهبي بتاع سيكافا 93 !!!!!

الحبيب محمد عمر ..
تحيايا صباحية إيفوسيا إمبيلية ..
والله يا محمد سجلك دا أنا ما فاطيهو ..
بس إنتو أحسن ليكم تبعدو من حكاية السجل دي والتوثيق ..
أنها بي صراحة كده بتبهدلكم ونحن ما بنرضى ليكم البهدلة
هسي الواحد كده كان قعد في واطـة الله دي بمرق ليكم الهزائم كلها ..
ياخي إنتو سيكافا عملتوها بي قروشكم جوا التكاسة شالوها منكم ..
سيكافة مين يا عم ..

Quote: يا اخي كمال دا قول ليه ما تشوت ضفاري ونستنا دي ما بتخرج عن كونها ونسة هلالاب ومريخاب بدت من تكوين الفريقين وحتستمر لحدي ما تبقوا لينا زي الزمالك بالنسبة للاهلي حالياً والنصر للهلال السعودي اكرر السعودي (يعني منافسة معدومة) حاجة ذاتها نتونس بيها معاكم ما نلقاها يا طيشة سيكافا.

كمال حبيبنا ..
وإنت حبيبنا ..
ومافيش زعل بيناتنا ربنا ما يجيب الزعل كلو كلو ..
على ذكر الهلال السعودي إنت قايل الهلال دا سموهو على هلال رمضان ..
ما ياهو سموهو على الهلال السوداني سيد الإسم وسيد البلد ..
ودا بدل على سمع الهلال الكبيرة في محيطه الأفريقي والعربي ..
هسي في زمتك دي شفت ليك إسم مريخ حايم حولينا
بعدين الطيش دي إنتو أصلو ما تتكلموا فيها ..
ياخي خمسة سنوات وصافة لمن بقيتو ضل عديل كده على قول اليوغنديين ..
خمسة سنوات الشافع الصغير ما بعرف غير الهلال ..
ولما تسأل ليك واحد تقول ليهو المريخ يقول مريخ الوالي
جمال الوالي فيها كم نقطة ..
بس عليك الله يوم 30 دا الرقمو زي رقم فانلة إيفوسا ما تجيبو سيرتوا ..
بتعرفوا إيفوسا الحوسة ..
لأنو يوم 30 دا صعب عليكم ..
من هسي في لاعبين عملوا فيها رايحين ..
واحد مسك ركبتو والتاني كب الزوغة وواحد قال ما داير عديل كده ..

أذهبوا فأنت الطيشاب ..

Quote: الهلال هو الهلال ذاك القوي الذي ترك بصماته إفريقياً , ولو فتشت كل الفرق الأفريقية تجد أن الهلال قد وضع ختمه عليها وأصبح إسماً لا يمكن تجاوزه من كبار أفريقيا حتى وهو يودع البطولة. لن تسير وحدك يا هلال , حتى الضل سيمشي معك . وعلى فكرة خلي الجماعة في نومهم دهـ.

ينومو وين في البرد دا ..

كيفك يا أبوحميد ..
سلام كتير ..
ياخي كلامك سمح والهلال سمح ..
والبحبه سمح ..
أيوة الكلام دا ما برضي الشمات ..
ودا شوفة عينهم بدليل هزيمتهم في هذه البطولة من الهلال وبثلاثة أهداف ..
الهلال رقم في الخارطة الأفريقية بلا شك ..
وكل الفرق تعمل له ألف حساب ..
أسألوا الأهلي المصري وكل الفرق التي يلاعبها الهلال ..
لن تسير وحدك يا هلال ..
دا شعار جماهير الهلال وهي تقف معه في النصر وعند الهزيمة ..
جماهير الهلال بوقفتها وإستقبالها لنجوها أكبر دليل على حب هذه الجماهير لناديها ..
التحية والتجلة لجمهور سيد البلد العظيم ..

تحياتي ..

Quote: ياخى معقولة بالسرعة دى تنسوا غلطة اسامة التعاون فى القون الاول ودقسة كابوندى فى القون الثانى وبلادة ديمبا فى القون الثالث وبطحة علاء الدين ومساوى فى القون الرابع ولا غلطة المعز فى القون الخامس الشاتوه فيهو من الحاج يوسف لكم ماغريبة تنسوهم انتو نسيتوا الصفر الدولى الليهو ثمانين سنة ومشيتوا المطار

صباح الخيرات يا معاوية ..

والله إنتو مغبونين جنس غبينة ..
غايتو ولدنا كلتشي دا ما سألنكم منو ..
احسن حاجة عمله في الدنيا دي باااع ليكم الكورة ..
بعدين شربكة المعز ولا أخطاء التعاون دي ما عندنا فيها مشكلة ..
أصلو كرة القدم دي بتعتمد على الإستفادة من الأخطاء ..
ولو بتابع الكرة العالمية بتلقى معظم الأهداف نتيجة أخطاء واضحة ..
أها تاني شنو ..
والله إنتو بس حارقكم قون إيفوسا الحوووسة ..

Quote: لكم ماغريبة تنسوهم انتو نسيتوا الصفر الدولى الليهو ثمانين سنة ومشيتوا المطار

دي عظمة الهلال وجمهور الهلال ..
بدل نقعد نجدع بالحجار ولا نشتم لاعبينا ..
نصفق ليهم ونرفع من معنوياتهم ..
ياخي إنت ما سمعت همت قال شنو ..
جمال الوالي لا يصلح لرئاسة المريخ ..
والعجب ما عندو شخصية ..
ولاعبي المريخ مدلعين وما عندهم غيره ..
أحب سيدا زاتو وأخوان سيدا ..
إنت ما شفت الصور لما اللاعبين جوا خارجين من صالة الوصول ..
إخطلت الدموع بالأحضان حباً في سيد البلد ولاعبي سيد البلد ..

غايتو الما هلالابي ..
يبقى هلالابي ..

بو عمر سلام،،
مسعول من الخير
عرس حمزاوي المازيبيخابي دا نمشيه ولا عندكم رأي؟
الراجل شايفو أمس أبدى رغبة في التعاون!!

معتصم
الكسمبر قال
صحي جبتو قونين الا ماخدين كيلا

الضرب علي الميت حرام
علي قول ولدنا موبوتو

Quote: أصلو كرة القدم دي بتعتمد على الإستفادة من الأخطاء .. ولو بتابع الكرة العالمية بتلقى معظم الأهداف نتيجة أخطاء واضحة .. أها تاني شنو

الحبيب معتصم
تحياتى وسعيد بالتعرف عليك فى بوستك هذا

لكن ليه ياخوى لمن تتحدثوا عن هزائمكم تقولوا ده حال الكورة والكورة لعبة اخطاء
ولمن تتحدثوا عن هزائم المريخ تبشعوا بيهووانو ابو 3 نقاط وطيش المجموعة وابفوسا ووووو
ليه هزائمكم حال الكورة وهزائم المريخ سوء لاعبين وادارة ومشجعين

وبعدين ياخوى حال الكورة ده ثمانين سنة ضدكم ياكافى البلأ

Quote: الحبيب معتصم تحياتى وسعيد بالتعرف عليك فى بوستك هذا

وأنا أسعد بمعرفتك أخي معاوية ..
لك كل المودة والتقدير ..

Quote: لكن ليه ياخوى لمن تتحدثوا عن هزائمكم تقولوا ده حال الكورة والكورة لعبة اخطاء ولمن تتحدثوا عن هزائم المريخ تبشعوا بيهووانو ابو 3 نقاط وطيش المجموعة وابفوسا ووووو ليه هزائمكم حال الكورة وهزائم المريخ سوء لاعبين وادارة ومشجعين وبعدين ياخوى حال الكورة ده ثمانين سنة ضدكم ياكافى البلأ

لا لا يا معاوية ..
إنتو براكم القاعدين تبحتو ..
هسي عليك الله من أعلنو الهلال والمريخ في بطولة الأندية شوف البدأ منو ..
شوف كمية الكلام الإتكتب في الاعلام عن ضعف الهلال ومواسير الهلال عذراً للكلمة ..
شوف الفتح موضوع الإعارة والتزوير والشكاوي ..
شوف البدأ منو في تأجيج الصراع وفتح النيران ..
ياخي لما تجوا للجد تقوموا تتزنقوا ..
الكلام دا كلو من حضرة الصحفي الهمام المافي زيه زول ..
في النهاية بجريرته طلع كل الاعلام المريخي ( سالب ) وسالب كبير ..
الما بخلينا نتكلم عن هزائمكم شنو ..
نحن عارفين الكورة مدورة ونصر وهزيمة ويوم ليك ويوم عليك ..
دي أصلو ما عندنا فيها كلام ..
بس إنتو ماسكين لينا حكاية الصفر الدولي دي من ما عرفنا حاجة أسمها كورة ..
جينا قلنا ليكم حاجة ..
أها إنتو لما يبقى ليكم الكلام حااار أصبروا عليهو ..
ونحن برضو ما بنخليكم ..
المره الجاية بنجيب ليكم مقابر حمدالنيل كلها في ناديكم ..
تفرحوا قدر دا ونخليكم ..
لا لا لا دي ما بنفوته ليكم ..
فرح في البرد دا ..
ياخي الروس بطلوا يفرحوا ..
قالوا شنو الفرحة دي خليناها للعرب ..
يعني هسي كان في واحد عرباوي قام فرح ..
أها نحن برايك نعمل ليهو شنو ..
نكتل ليهو الفرحة دي في يدو ..
تاني قالوا في واحد مكنيكي ..
قال ياخي الحمام الميت دا ما بستحق نشجعه ..
يعني نحن أسياد البلد ديل نقوم نخلي ليكم التشجيع ..
لا لا والله سيد البلد دا ننتظره في المطار ..
ووراهو وراهو كان في الخرطوم ولا باقي البلاد ..
هسي عليك الله شفت ناس كسلا السمحين ديل جدعوا لاعبينا ..
ياخي ديل إستقبلوهم بالدفوف ..
أحب كسلا وناس كسلا ..
وأحب الهلال والبحب الهلال ..
عطبرة كيف يا معاوية

تسلم يا حبيب ..

Quote: الكسمبر قال صحي جبتو قونين الا ماخدين كيلا الضرب علي الميت حرام علي قول ولدنا موبوتو

سمؤال يا صاحب ..
ياخي مشتاقين عديل كده ..

كدي وريني الموت دا كيفنو ..
إنتو ستة مباريات مرقتو ليكم بي تلاتة نقط نقط نقط ..
جيتو مدلدلين يديكم منتظرين الهلال يطير معاكم ..
ياخي جيتو التطيش عدييييييل كده ..
طيشتونا يااااخ ..
قال ميت قال ..
هو عليك الله الموت دا كيفنو ..
الهلال يا صاحبي طار من مباراة السمي فاينال ..
يعني كان قاب قوسين أو أدنى من الكأس ..
يعني تالت أفريقيا ..
نموت ليكم في المحلي دا ..
قلت لي الكسمبر قال ماخدين كيلا ..
أها حي العرب كيف ..
جينا لي محلينا بس إنتو أرجو الراجيكم ..
على فكرة مباراة 30 نوفمبر جوووه الإستاد ..
أحجز التزاكر من هسي على أن تكون منطقة محايدة يعني نص المقصورة
رصيدكم بنرجعو ليكم ..
الهلال عالم جميل ..

Quote: عرس حمزاوي المازيبيخابي دا نمشيه ولا عندكم رأي؟ الراجل شايفو أمس أبدى رغبة في التعاون!!

كيفك يا عبداللطيف ..
ياخي ديل راقدين ليهم فوق رأي ..
يعني هدنتهم دي ما جات ساي ..
الكلام دا كلو عشان حالتهم المهلهلة دي الخلت أساسي يفك أخره ديل مشكلتهم كبيرة ..
فريق الأحلام بقى ما بتشجع ..
البقنع المشجع مزمل أبوالقاسم منو ..
ننتظر يوم 30 بس ..

ياخي الخال دا ما بنقدر ما نمشي ليهو ..
حضرنا بدري وغادرنا بدري ..

تحياتي ..