صبراً يا صفراب فان موعدكم صفر تاني برغم السحرة والمشعوذين والدجالين

كل ما اقول قربت ليك تلقاني بادي من الالف

تصلوا دور الاربعة تصلوا التهائي تتعادلوا في المبارة الاولي اكيد حتنهزموا في التانية وهكذا دواليك.
برغم الجيش الجرار من الدجالين والمشعوذين والسحرة المستوردين من الهند زائداً الانتاج المحلي فقد عاد الازيرق بخفي حنين كعادته ومن خلى عادته قلت سعادته.
ما تقولوا لي فزنا وادينا مباراة جيدة والكلام الذي منه، النتيجة المحصلة النهائية وهي مغادرتكم غير مأسوف عليكم ووداعكم المر بعد ما منيتوا انفسكم تحت وطأة الدجل والشعوذة بهدفين في الشوط الثاني على غرار ما حصل في الشوط الاول بس الظاهر سحرتكم ودجاليكم اديتوهم نص الاتعاب والنص التاني بعد المباراة عشان كده فرملوا في محطة 2 دي.
محطة الاداء المشرف دي ما شفعت لنا قبل كده ولا رحمتنا من السنتكم الطويلة عشان تجوا تنجروها وتجتروها لينا.
عموماًتعالوا شوفوا ليكم كاس وسموه كاس الاداء المشرف كان تبردوا على رقبتكم شوية وما تنسوا تجيبوا ليكم كاس تاني سموه كاس الصبر وادوه لجماهيركم الصابرة اكثر من 70 سنة والظاهر انه صبرها حيطول وحيطول.

فعلاً رائدين في كل كل موبقة من التزوير الي شراء الحكام واخيراً الدجل والشعوذة.

اوعي من دروس الوطنية والاداء الجيد ، ديل مافي المقرر وماجايات في الامتحان، غايتوا انا كراساتي اندفنن مع العنقريب الشفناه في مقبرة الحمار.