Post: #1
Title: صيوان جاهز بعد الدفن النهائي والضحك الجماعي
Author: Dr.Elsadig Abdalla
Date: 10-18-2009, 09:04 AM
Parent: #0
الدعوه مقدمه لكل أنصار الزعيم بالداخل والخارج بالحضور لهذا الصيوان الجاهز لتقبل التهاني والتبريكات بالدفن الأخير والابدي لسيد اللبن ....
الأخوه أنصار الهليل :
نرحب بكم في هذا الصيوان وسوف نفرد لكم ركن خاص لتقبل العزاء ..ويمنع منع باتا أي محاولة للنيل من الزعيم أو أي من انصاره وتعكير صفو الصفوه ...
وكل من يحاول أن يفسد علينا هذه الفرحه سوف يعاقب بالجلد خمسه جلدات فقط قابله للتجديد بخمسه أخرى ....
ودامت أفراحم جميعا ..
|
Post: #2
Title: Re: صيوان جاهز بعد الدفن النهائي والضحك الجماعي
Author: شمس الدين ساتى
Date: 10-18-2009, 09:08 AM
Parent: #1
الفاتحة يا دكتور مقدما
إنتا يا دكتور العزا دا خبر ولا شنو
|
Post: #3
Title: Re: صيوان جاهز بعد الدفن النهائي والضحك الجماعي
Author: Dr.Elsadig Abdalla
Date: 10-18-2009, 09:14 AM
Parent: #2
والله ياشمس خايفين مانلقي واحد من أنصار الهليل نتسلى بيهو الليله
|
Post: #4
Title: Re: صيوان جاهز بعد الدفن النهائي والضحك الجماعي
Author: مزمل خيرى
Date: 10-18-2009, 09:25 AM
Parent: #3
اخير ليييييييييييك تبطل الشماتة يابطيخابى ..!!
|
Post: #5
Title: Re: صيوان جاهز بعد الدفن النهائي والضحك الجماعي
Author: Dr.Elsadig Abdalla
Date: 10-18-2009, 09:32 AM
Parent: #4
ميزو سلامات ..انتو لسه عندكم عين تجوا بي جاي
|
Post: #6
Title: Re: صيوان جاهز بعد الدفن النهائي والضحك الجماعي
Author: Abdlaziz Eisa
Date: 10-18-2009, 09:42 AM
Parent: #5
الأخ د صادق
سلام
ونتبرع بي كونتينر مناديل ورق..
وكونتينر من أفضل انواع أمواس الحلاقة لناس الزريبة..
البقاء لله
|
Post: #7
Title: Re: صيوان جاهز بعد الدفن النهائي والضحك الجماعي
Author: Dr.Elsadig Abdalla
Date: 10-18-2009, 10:27 AM
Parent: #6
شكرا عبدالعزيز ..وانا متبرع بخمسه شوالات سكر ..خمسه علب حلاوه ...
|
Post: #8
Title: Re: صيوان جاهز بعد الدفن النهائي والضحك الجماعي
Author: abdalla osman
Date: 10-18-2009, 10:29 AM
Parent: #6
والله يا الصادق انتو السبيعاب ديل حالتكم تحنن
الهلا ده واحده من مظاهر عظمتو ذي سواتكم دي..
كان طرنا انتم السابقون وكان التانية حصلت مع صعوبة المهمة فترجو الراجيكم..
لعلك طيب ياخ...
|
Post: #9
Title: Re: صيوان جاهز بعد الدفن النهائي والضحك الجماعي
Author: Abdlaziz Eisa
Date: 10-18-2009, 10:49 AM
Parent: #8
Quote:
شكرا عبدالعزيز ..وانا متبرع بخمسه شوالات سكر ..خمسه علب حلاوه ... |
الأخ الصادق
بالله عليك لا تنسى.. عايزين شوال واحد فاضي توصلوا للمعز بأي وسيلة قبل المباراة..
تحياتي
|
Post: #10
Title: Re: صيوان جاهز بعد الدفن النهائي والضحك الجماعي
Author: Dr.Elsadig Abdalla
Date: 10-18-2009, 11:11 AM
Parent: #9
عبدالعزيز ..الشوال الفاضي رسلناهو ،ووصل الأستاد ،منتظر جماعتك ....
عبدالله ...هاك الصوره دي للذكري بس
|
Post: #11
Title: Re: صيوان جاهز بعد الدفن النهائي والضحك الجماعي
Author: محمد عيد
Date: 10-18-2009, 11:33 AM
Parent: #10
د. الصادق ..
شوف بالله الكلام ده ...
تملأ شوارع العاصمة منذ الأمس رسالة نصية موزعة على اجهزة الموبايل تؤكد فوز الهلال باربعة اهداف نظيفة تأهله للمباراة النهائية لدوري ابطال افريقيا واستندت الرسالة على مزاعم اصطحاب بعثة الهلال في الطائرة الخاصة لسبعة من الشيوخ موزعين من مناطق مختلفة من البلاد وقالت الرسالة انهم يمثلون مدن بورتسودان، الفاشر، مدني ، سنار ، حلفا والفتيحاب بجانب ابوكدايس الذي سبق وان صرح للصحف بان الهلال سيفوز بالاربعة ويتأهل للنهائي، حيث حملت الرسالة تأكيدا على لسان السبعة بان الهلال فائزا بالاربعة وطالبت الرسالة الجماهير الزرقاء للاستعداد للخروج في مظاهرات ومسيرات فرح ضخمة ابتهاجا بتحقيق المعجزة،
|
Post: #12
Title: Re: صيوان جاهز بعد الدفن النهائي والضحك الجماعي
Author: abdalla osman
Date: 10-18-2009, 11:39 AM
Parent: #6
والله يا الصادق حالتكم تحنن
صفوة لا في العير ولا في النفير ولا دايرين تقعدو فراجة
امسك الصبر لي بعدين
|
Post: #13
Title: Re: صيوان جاهز بعد الدفن النهائي والضحك الجماعي
Author: العوض المسلمي
Date: 10-18-2009, 11:52 AM
Parent: #12
الصادق عطبره كيييييييف؟؟؟؟؟
|
Post: #14
Title: Re: صيوان جاهز بعد الدفن النهائي والضحك الجماعي
Author: Dr.Elsadig Abdalla
Date: 10-18-2009, 12:54 PM
Parent: #13
سلامات يا المسلمي ...نحنا عطبره دي الفيها اتعرفت ...المشكله اليوم
|
Post: #15
Title: Re: صيوان جاهز بعد الدفن النهائي والضحك الجماعي
Author: Dr.Elsadig Abdalla
Date: 10-18-2009, 01:07 PM
Parent: #14
Quote: د. الصادق ..
شوف بالله الكلام ده ...
تملأ شوارع العاصمة منذ الأمس رسالة نصية موزعة على اجهزة الموبايل تؤكد فوز الهلال باربعة اهداف نظيفة تأهله للمباراة النهائية لدوري ابطال افريقيا واستندت الرسالة على مزاعم اصطحاب بعثة الهلال في الطائرة الخاصة لسبعة من الشيوخ موزعين من مناطق مختلفة من البلاد وقالت الرسالة انهم يمثلون مدن بورتسودان، الفاشر، مدني ، سنار ، حلفا والفتيحاب بجانب ابوكدايس الذي سبق وان صرح للصحف بان الهلال سيفوز بالاربعة ويتأهل للنهائي، حيث حملت الرسالة تأكيدا على لسان السبعة بان الهلال فائزا بالاربعة وطالبت الرسالة الجماهير الزرقاء للاستعداد للخروج في مظاهرات ومسيرات فرح ضخمة ابتهاجا بتحقيق المعجزة، |
سلامات يامحمد عيد عليك الله شوف الخزعبلات دي
|
Post: #16
Title: Re: صيوان جاهز بعد الدفن النهائي والضحك الجماعي
Author: Talal Halfa
Date: 10-18-2009, 01:07 PM
Parent: #14
إنا لله وإنا إليـه راجعـــون ..
لا أراكم الله مكروه في (هـلال) لديكـم ...
|
Post: #17
Title: Re: صيوان جاهز بعد الدفن النهائي والضحك الجماعي
Author: حسام هارون
Date: 10-18-2009, 01:11 PM
Parent: #16
هدية من خالد عزالدين..والكلام ليك يا المنطط عينيك
مريخ مازيمبي .. الراسو دايش منو ؟!!
اتهمني الكاتب الظريف بابكر سلك بـ( لفة الراس) بعد هزيمة مازيمبي.. وقال فيما قال أنني فقدت الوعي وسكيت ضلي !!
وأنا فعلا (ساكي) سلك من زمان.. وبالتالي أنا فعلاً ساكي (ضلي) يا ضلنا !! لكن راسي تمام التمام..
وأنا واعي وصاحي ومفتح كمان يا سلك.. ممكن تقول علي حزين، ممكن تقول علي (صابر) في بنك السودان !! ممكن تقول علي أي حاجة عشان ( تكاوي ) إن شاء الله تقول علي (مكاوي) بس ما (تقطع) بصحة أني دايش وتعمل فيها (اسامة) عشان انت (حمامة) وواضح جداً انك انت دايش ومعاك ناس كتار خلاااااص..
والله الأنا شايفو انو المريخ كلو (دايش) إلا من رحم ربي ..
في دوشة يا سلك أكتر من انكم تتخليو المريخ هو مازيمبي !!!
في دوشة أكتر من انكم تفرحوا وترقصوا لهزيمة الهلال وكأن المريخ انتصر !!
في دوشة أكتر من انكم تشيلو (الجنازة) وتمشو عشان تدفنوها تلقو انتو ذاتكم ما عندكم مقبرة !!
انتو قايلين قصة العنقريب دي ساكت ! ما لازم يكون عندك مقابر مسجلة بي اسمك عشان تدفن.. لو ما إنتو راسكم دايش في زول مدفون بدفن ليهو زول !!
هو إنتو طلعتوا من المقابر عشان تدفنوا !!
نحنا أول حاجة عملناها دفناكم.. بعدين لعبنا مع مازيمبي..
يعني لو انتو راسكم دايش ومتخيلين انكم (حييتو) وغيرتو اسم المريخ كالعادة من فكتوريا والاهلي والمسالمة والمريخ وسميتو المرة دي مازيمبي.. احسن تصحو !!
شايفكم بي قوة عين كده.. عاملين فيها ولا مازيمبي ذاتو !!
بتتكلمو عن (موبوتو) زي التقول وارغو !!! وبترقصوا مع حارس مازيمبي زي التقول اكرم الهادي سليم .. يا سلك انتو عقلكم ما سليم !!
خلي بالكم الدوشة دي نستكم إنكم مغلوبين من الهلال بتلاتة وإن أقصى ما توصلتم اليه من الدرونات تلاتة ومن النقاط تلاتة ومن الهزائم تلاتة وبالتلاتة !!
البشوفكم ترقصوا وتغنو كده يقول انتو الغالبين تلاتة ..عليك الله الدايش منو هسة يا سلك !!
في زول في بيت بكاء برقص جنس رقيصكم دا ؟ إلا يكون راسو دايش فعلا ..
يعني فريق طيش المجموعتين وبدون انتصار وبهزيمة علي أرضه وهزيمة خارج أرضه ودفن في المقبرة بثلاثية ومجلس ادارتو لا فيهو نائب رئيس ولا مساعد رئيس والمعارضة بتطالب باقالة الرئيس والرئيس بطالب بعدم التعاون مع الاعلام السالب وبجتهد أيما اجتهاد وبـ( الكربوني ) عشان يبقي زي الهلال.. والرئيس معترف بالطيش وانتو بترقصوا جنس رقيص وبتقولو خالد فكرو طايش !! يا طيش ..
قال ليك يا سلك في واحد (فلسطيني) عمل (شكلة) مع (بنغالي) بي حركة حركتين بتاعة ( كراتيه ) كده رمي ليك البنغالي .. البنغالي قام ومشي هناك و(كورك) ليك للفلسطيني .. فلسطيني .. فلسطيني .. اسرائيل كيف !!
هلالابي هلالابي .. مازيمبي كيف .. دي ما بتحلكم مننا..
أول وآخر انتصار في دوري الأبطال لصالح الهلال..
أول وآخر هزيمة للمريخ في دوري الأبطال من الهلال ..
ثلاثية المقبرة حدث تاريخي بعمل أكتر من الدوشة الحاصلا ليكم هسة دي ومخلياكم تتخليو مازيمبي المريخ !!
في واحد مريخابي كترت ما اتخيل مازيمبي المريخ .. بتكلم معاهو قال لي جمال الوالي قال ما بخلي (موبوتو) يحترف في الرائد السعودي !!
أصحوا يا سلك وشوفوا الحاصل للمريخ دا قبل مباراة الدوري الممتاز.. عشان نحن لو جينا زعلانين.. بندفنكم المرة دي دفن الليل..
بتعرف دفن الليل كيف ؟!!!!
(غسّل) وشك و( بل ) راسك وتعال بوريك ؟!!!
|
Post: #18
Title: Re: صيوان جاهز بعد الدفن النهائي والضحك الجماعي
Author: Abdlaziz Eisa
Date: 10-18-2009, 02:03 PM
Parent: #17
الهليل بعد يرجع الليلة للعك المحلي.. هل يقدر الصمود على الصمود في كسلا؟
سيمر الهليل بكم خسارة قبل أن يأتي الزعيم ويدفنه
|
Post: #19
Title: Re: صيوان جاهز بعد الدفن النهائي والضحك الجماعي
Author: Dr.Elsadig Abdalla
Date: 10-18-2009, 06:52 PM
Parent: #18
سلامات للجميع ..جيناكم ..
يا اخوانا الصيوان ده ماكان لهزيمة الهليل المهزوم أصلا بالخمسه..الصيوان لطيران الهلال من البطوله والتي كان البعض يمني نفسه بها حتي لقبل لحظات .
أنتم المحليين ونحن أصحاب البطولات الخارجيه واصحاب الكعب العالي في هذا المجال شاء من شاء وابى من أبى ....
لازم من الآن تعرفوا حجمكم الطبيعي وماتحلموا أكثر من اللازم وكل زول يمد كراعو قدر لحافو ..
|
Post: #21
Title: Re: صيوان جاهز بعد الدفن النهائي والضحك الجماعي
Author: Dr.Elsadig Abdalla
Date: 10-18-2009, 07:27 PM
Parent: #20
سلامات ياجلال
والله انتو في صفركم الكبير ده للابد
|
|