|
|
|
 Re: هام وعاجل لأبناء بورتسودان بالخارج ،،، إذاعة البحر الأحمر على شبكة الإنترنت ،،، (Re: AnwarKing)
|
Quote:
يا سلام عليك يا ساني يا حبيب...
والله خبر جميل وسأحاول المتابعة ما أستطعت نسبة لفروق التوقيت وكدة...
|
الحبيب أنور كينج
أبو إقبال
سلامات من على البعد
تسلم على كل جميل
وياريت بس تتابع الإذاعة
عشان تبرّد غربتك شويه
Quote: كان زرتا الإذاعة من قبل للأخ معتصم...
وقد تمت إستضافتي في برنامج نبض الشباب في أغسطس عام 2005 هنا
أتمنى أن تضع الإذاعة كل ما يتوفر من مواد لديها على الإنترنت...لأن هذه فرصة ممتازة جداً لإعادة إنتاجها
بأشكال فنية وتصاميم رائعة
تصب في الهدف الكلي للإذاعة وللبلد ككل...
|
معتصم عبدالقادر صديق عزيز وأخي الذى لم تلده أمي
وطبعا ده قبل ما يكون زميلي فى الإذاعة وقبلها زميل دراسه
وربنا قدّرني إنى أكون طريقه لدخول الإذاعة
زي ما هو كان طريقي لدخول التلفزيون أول ما بدأت العمل الإعلامي
برنامج نبض الشباب كان من البرامج الحيّة ولا زال حتى وقت قريب
وما عارف فى الدورة الجديدة دي شغّال ولآ وقف
فى مواد وحاجات حلوة شديد تستحق التوثيق
فكرتك دى راح أوصلها لناس الإذاعة عشان تتنفذ
ووقتها راح تعم الفائدة على الجميع
وتسلم كتير وخليك متاااااابع
| |
 
|
|
|
|
|
|
|
|
Re: هام وعاجل لأبناء بورتسودان بالخارج ،،، إذاعة البحر الأحمر على شبكة الإنترنت ،،، (Re: انتصار محمد صالخ بشير)
|
Quote:
الاخ سانى
السلام عليكم
شكرا على هذا الخبر الحلو ودى فرصة نتواصل مع بورتسودان
الاذاعة دى بالذات عندى معاها زكريات جميلة وروعة بكوكبتها النادرة من الشباب .
مش كفاية برطبو علينا الصيف بالكلمات الحلوة عن الزهور والرياحين لما الزول يصدق نفسه
شكرا سانى |
تسلمي كتير على المداخله الحلوه
والله الواحد سعيد جدا بسماع الأصوات دي من تاني
تصدقى كنت ساعي سعي حثيث للحاجه دي
والحمدلله المواقع الإلكترونية الكتيره الخاصة بالولايه هي السبب
يعني المنافسة بين المواقع ،، دفعت الناس وخلتها تفتش للإبداع
والحمدلله تم المراد والمطلوب
وخليك متابعه معانا
| |
|
|
|
|
|
|
|
|
|
Re: هام وعاجل لأبناء بورتسودان بالخارج ،،، إذاعة البحر الأحمر على شبكة الإنترنت ،،، (Re: خالد العطا)
|
Quote:
ساني المبدع
تحياتي يا راقي
والله وكأني اسمع صدى صوتك ايام كنت تنثر الدرر فيها وصوتك الجميل الدافي وكما عهدناك دائما
وفياً لزملاءك فيها وانت احد الكوادر التي كان لها بصمة واضحة في بدايات الاذاعة
التحية لك مره اخرى ويا بخت بورسودان بك |
الحبيب خالد العطا
أبو الكتكوت الجميل
كلماتك تاج على رأسي
والله أسعدتني كتير بهذه الأحرف
إذاعة بورتسودان دي ليها فى القلب مكانه
وإنشاء الله تكون دائما فى العلالي
وخليك متابع أحبابك واصحابك فيها يا جميل
| |
|
|
|
|
|
|
|
|
|
Re: هام وعاجل لأبناء بورتسودان بالخارج ،،، إذاعة البحر الأحمر على شبكة الإنترنت ،،، (Re: حسين عوضاى)
|
Quote: سااانى سلام
كعهدى بك دومآ مترف الابداع ......
كن ما انتا دومآ زاخر
ما اجمل هنا بورتسودان دبايوا اكوبام وحبابكم عشره ... |
الحبيب حسين عوضاي
لك التحايا من دوحة الجميع
والله ليك الشوق أطنان أطنان
ياخ كان أسعد خبر إني أسمع الإذاعة من هنا
الواحد ما كان مصدق روحو
بس الحمدلله الحلم تحوّل الى حقيقة
خليك متابع وملاحظاتك مطلوبة
تحت تحت
--------------
قلت لى التلفون حصل ليهو أيه
وش ما عارف يعبّر كويس
| |
|
|
|
|
|
|
|
|
|
Re: هام وعاجل لأبناء بورتسودان بالخارج ،،، إذاعة البحر الأحمر على شبكة الإنترنت ،،، (Re: كمال ادريس)
|
الحبيب كمال إدريس
سلامات يا جميل
وكيف لندن وجو لندن معاك
Quote: وضعت ايميلي لاستقبال "الخبارات" لكن للاسف كلها نوع قام الوالي نام الوالي.
بعدين الزول ده مابيعرف انو بالطريقة دي حيحرق صورتو لدى المتلقين!!
مجرد رأي ياعريس |
وأنا زاتي عملت نفس الشئ
ولقيت نفس الطريقة من الأخبار
يعني نشاطات بورتسودان ما الوالي بس
هناك العديد من الأنشطة المتعدده
والكثير الكثير من الأخبار
هل تتذكر تلك الأيام أيام طيبة الذكر صحيفة السودان الحديث
كنت يوميا أقوم بإرسال خبر أو خبرين من المدينة
والأخبار الرسمية فيها تعد بعدد أصابع اليد الواحدة
أما الآن فالجميع يسبح فى ملكوت الزعماء
مع الوضع فى الإعتبار أن إنجازات أيلا بالولاية واضحة المعالم
وبالطبع لا ينكرها إلا مكابر
لكن بهذه الطريقة ،، أى طريقة النشر المتكرر ستكون النتيجة عكسية
مع العلم أن بوابة البحر الأحمر الإلكترونية لا تتبع لحكومة الولاية
طبعا ده على حسب معلوماتي الشخصية وراح أسأل أكتر وأديك المفيد
| |
|
|
|
|
|
|
| |
محمد خليل ساني
كمال ادريس
haroon diyab
انتصار محمد صالخ بشير
AnwarKing
حسين عوضاى
MOHAMMED ELSHEIKH
فيس بوك
تويتر
انستقرام
يوتيوب
بنتيريست