ديـنـا خــالـــد ... سمّيت بتّي عليكي ... وما دايرين هديّـة

عاجباني بكل تفاصيلك

أها

يوم أمس الجمعة 16/10/2009
ولدو لي بنيّة بيضاء عسّولة
تقول للقمر قوم وأنا أقعد مكانك

(مباشرتن) سميتا (دينا)

كنت داير اسميها
(دينا خالد / سودانيزأونلاين دون كوم)

بس قالو الاسم كدا طويل ما بنكتب في الشهادة








ــــــــــــــــ
عشان ما تجو تقولوا لي من ياتو مدام
بقول ليكم (مدام B)

صديقي معتز ود قريش ..
حمد لله على سلامة المدام ....
ومبروك البنية تتربى في كنف وعز والديها .......
دينا تستحق أن يسمى عليها ... ونعم التسمية ....
بس ما تتكسر شديد أبوي .....


مودتي

مشكلتك الوحيدة إنو دينا ما اسمها دينا.

Quote: مشكلتك الوحيدة إنو دينا ما اسمها دينا.

مش شغلك







ــــــــــــــ
كان اسما (دييين) ذاتو سميّت عليها
قول مبروك يا حاقد

الله يبارك في ايامك يا عمدة
والحمد لله على سلامتك

Quote: بس ما تتكسر شديد أبوي .....

يا أخوي انا متسكر خلقة
بس كاتم في قلبي ساي
أها لقيت دي فرصة
عشان أجيب اسما في خشمي

يلا أقوم أتلّح ليك البت
دنيا تعالي ودينا أمشي
دينا أديني موية
دينا أقفلي الباب
غرد بلا غرد






ــــــــــــــ
خسّمتك بالني ما تكلّم أمها
بتقوم تغيّر الاسم

Quote: بنيّة بيضاء

يعيني محمد ده نشوف ليهو ( كِرتِلَة )





_____________________________
مبروكـ ..
غايتو ( دردقتكـ دي كان ما جابته تاني ما بتجي )

يعني بِتّك إسمها بقى:
دينا خالد مُعتز القريش!!!!!؟



















ـــــــــــــــــــــــــــــــــــــــــ
تتربى في عِزّك يا حبيب

معتز قريش أخوي
ألف مبرووووووك
وحمد لله على سلامة المدام(B)
وتتربي في عزكم جميعاً
وعجبنا ليك
السماية كيف يا حبيب
حقنا أحفظوا لينا
عند الاستاذ/ عبد الباقي حتى الزيارة الجاية
لووول
تحياتي

Quote: معتز قريش أخوي ألف مبرووووووك وحمد لله على سلامة المدام(B) وتتربي في عزكم جميعاً وعجبنا ليك السماية كيف يا حبيب حقنا أحفظوا لينا عند الاستاذ/ عبد الباقي حتى الزيارة الجاية لووول تحياتي

تسلم يا خالد يا أخوي
بالنسبة للسماية
تقطع تذكرة تمشي الخرطوم / الحاج يوسف

الف مبروك يامعتز .. وتتربي في عزك ومن المستورات ان شاء الله ..

عليك الله جبتها بيضاء كيف ؟!! عشان عندي واحد هينا عندو عقدة لون وكل محاولاته باءت بالفشل ..وهل النية المسبقة لتسمية المولود بدينا خالد له علاقة ؟!!!

Quote: دينا خالد مُعتز القريش!!!!!؟

يعني كده البت طلعت بت جدها !!!

Quote: الف مبروك يامعتز .. وتتربي في عزك ومن المستورات ان شاء الله ..

الله يبارك فيك يا ود القاضي

Quote: عليك الله جبتها بيضاء كيف ؟!! عشان عندي واحد هينا عندو عقدة لون وكل محاولاته باءت بالفشل

مع انه الوصفة سرية لكن ما تغلى على صاحبك
الوصفة بسيطة
يشرب كوبين حليب (طازج) بين العشاء والفجر
ويتمسح بدقيق فيني استرالي أصلي
يتجنب العمل الليلي قدر المستطاع
يستحب العمل بعد الفجر لضمان النتيجة

Quote: يعني بِتّك إسمها بقى: دينا خالد مُعتز القريش!!!!!؟

بس كدا يا علاء
ولو ختيت ليها بين قوسين (ما بتاعة دكين)
دينا خالد مُعتز القريش(سودانيزأون لاين)
تكون ما قصرّت



ــــــــــ
تسلم ويتباركن أيامك

عمران يا صالح

Quote: يعيني محمد ده نشوف ليهو ( كِرتِلَة )

خليه يقيف في الصف

Quote: مبروكـ .. غايتو ( دردقتكـ دي كان ما جابته تاني ما بتجي )

بتجيبا بس انت أخد معاك ملاسي واتخارجو






ـــــــــ
الله يبارك فيك

Quote: كان اسما (دييين) ذاتو سميّت عليها

الف مبروك وتتربي في عزك يا كاتبي المفضل
اليومين دي

Quote: الف مبروك وتتربي في عزك يا كاتبي المفضل اليومين دي

الله يبارك فيك يا كي كي يا أخوي
وعقبالك بالتيمان ان شاء الله









ــــــــــ
بطل البين ( ) بتاعتك دي
ملاسي صاحبي وبهظر معاهو

الف مبروك
وتتربي في عزك

ويارب تشيل اسمها وما تطلع لابوها






خالص الود

Quote: الف مبروك وتتربي في عزك ويارب تشيل اسمها وما تطلع لابوها

ياسر بيناوي
مباركتك ما بناباها
والله يبارك فيك

إلا الفيك اتعرفت

Quote: إلا الفيك اتعرفت

يعني ما نهاظر كلو كلو
خلاص ياسيدي انشاءالله تطلع زي ابوها


وانا مالي وزمبابوي وموزمبيق كمان




خالص البتاع

ربُنا ده ما كريم ...
البِتجيبِن مِن B عِندنا ليهِن عِيال مِن A
والبِتجيبِن مِن A عِندنا ليهِن عِيال مِن B

ناس C أريتو ماك ناسي ...
مُعتز في الـB وغيرو مابي ...
حليل الـA ... بِت الأيه ...



رغم ذلِك ... مبروك

الف مبروك البنية يا معتز

ربنا يخليها ويخليكم
وان شاءالله تطلع زى دينا

إستنارة ووعى

Quote: الف مبروك البنية يا معتز ربنا يخليها ويخليكم وان شاءالله تطلع زى دينا إستنارة ووعى

تسلمي يا دكتورة
والله يبارك فيك

مرورك اسعدني
دينا فعلا تستاهل يسمو عليها

Quote: ربُنا ده ما كريم ... البِتجيبِن مِن B عِندنا ليهِن عِيال مِن A والبِتجيبِن مِن A عِندنا ليهِن عِيال مِن B

عزام يا ود فرح
شايفك بتدور تسوي راسك بي راسي
يا أخوي انت خليك في ال B بتاعتك دي

نحنا اتخطينا ال C ومتوجهين على الD
بعيد عنك ..
قال أب شنب قال

Quote: ناس C أريتو ماك ناسي ... مُعتز في الـB وغيرو مابي ... حليل الـA ... بِت الأيه ...

عزام البتاع البدفنوهو من يوم الولادة
وبطلعوه يوم العرس اسمو شنو ؟

(عندك منّو) ؟







ــــــــــــ
رغم ذلك الله يبارك فيك

واريتو خبر السرور
وباذن الله باقي واحدة
والجنة توش باذن الله

الف مبروك ياابو امنية
ومبروك لمحمد ومؤمن ومهند
وامنية وزينب الاخت الجديدة
تتربي في عزكـ......
وربنا يديك الصحة والعافية
وتمرق من حقهم .
قول آمييييييييييييييييييين
الف حمد الله علي سلامة المدام
ومبروووووووك دينا.

معتز

مبروك البنيه وجعلها الله من الصالحات




ـــــــــــــــــــــــــــــــــ
اسم موفق لوووووووولز

مبروووك البنية وتتربى فى عزالأسرةالكريمة



تحياتى لحرمكم وألف حمدا لله على السلامة





محي الدين جبريل

مبروك البنية ياودالقريش وربنا يجعلها من بنات البلد الصالحات
والحمدلله علي سلامة أمها .

Quote: مبروك البنية ياودالقريش وربنا يجعلها من بنات البلد الصالحات والحمدلله علي سلامة أمها .

الله يسلمك يا سيد يا مسلمي
وربنا يستجيب دعاك

Quote: مبروووك البنية وتتربى فى عزالأسرةالكريمة تحياتى لحرمكم وألف حمدا لله على السلامة محي الدين جبريل

محي الدين يا استاذنا

يباركو ليك السمح ان شاء الله
وربنا يحفظك من كلا بلا

مُعتز ...

Quote: عزام البتاع البدفنوهو من يوم الولادة وبطلعوه يوم العرس اسمو شنو ؟ (عندك منّو) ؟

إسمو D D T
قال ماش على الـD قال ياخ عدي
ولا ما تعدي إن شاءالله تزرُب ليهِن زريبة ، نحنا البِخُصنا الإنتاج ما يِمرُق مِن ايدنا ...
البِهِمنا القدح يِتغطا ... والله جِنِس تِحِوِز وشرفنا

الريس بكري شخصيا عندنا
يا هنانا وبختنا

لو كنا عارفين اسم دينا بجيبك
كان زمان سميناهو

تسلم يا أخي ويباركو ليك السمح ان شاء الله

ألف مبروك يا معتز

جعلها الله قرة عين لك و لوالدتها ..


تتربى في عزك ..

Quote: ألف مبروك يا معتز جعلها الله قرة عين لك و لوالدتها .. تتربى في عزك ..

الله يبارك فيك يا حسام
وعقبالك ان شاء الله









ــــــــ
بس شدحيلك وعرّس أول

Quote: معتز مبروك البنيه وجعلها الله من الصالحات

ود الرشيد يا صاحب
الله يبارك فيك

Quote: اسم موفق لوووووووولز

عارف ... ما جبت حاجة جديدة

الظلامي ابوالمستنيرة دينا خالد ممعتز القريش
(سبحان الذى يخرج الحى من الميت ) ويالك من
إنتهازى ماكان بالامكان ان تتجرأ على هذه التمسية
لولا معرفتك بالحالة الصحية لعمنا كمال سالم....
الذى يصر وهو في حالة السريرية شبه المتأخرة ان
يغنى للكابلى ويقول: دينا وعجبانى واكيد بعدين
لمن نمشى نتفقده حا نلقاهو بغنيها دينا وعجابنى
وبتعجب معتز القريش

مبروك يا معتز.

أمنيات أن تملأ دينا دنياك بالسعادة.

اسماعيل التاج يا تاج العز

Quote: مبروك يا معتز. أمنيات أن تملأ دينا دنياك بالسعادة.

الله يبارك فيك ويسعد ايامك ان شاء الله

يلا عاد خلي دينا تجي تشاكل معاك المستنيرين


اسع انا قلتا حتسميها بيان..




والله دينا تتستاهل...


وحمدالله على سلامة المدام وتتربي في عزك البينة..

هلا دكتورتنا الغالية

Quote: يلا عاد خلي دينا تجي تشاكل معاك المستنيرين

دينا دي خالينها للكبيرة
وما تقولي لي الكبيرة شنو
عشان أنا بنكسف

Quote: اسع انا قلتا حتسميها بيان..

والله يا دكتورة وما طالباني حليفة
انتي تستاهلي يسمو عليك قبيلة بحالها
انتي شوية ولا شوية ولا قايلة نفسك شوية

Quote: وحمدالله على سلامة المدام وتتربي في عزك البينة..

الله يسلمك وأسرتك الكريمة من كل بلا

يامدير

Quote: ويالك من إنتهازى ماكان بالامكان ان تتجرأ على هذه التمسية لولا معرفتك بالحالة الصحية لعمنا كمال سالم....

يعني ده نظام ارحمو عزيز قوم.....؟

Quote: الظلامي ابوالمستنيرة دينا خالد ممعتز القريش (سبحان الذى يخرج الحى من الميت ) ويالك من إنتهازى ماكان بالامكان ان تتجرأ على هذه التمسية لولا معرفتك بالحالة الصحية لعمنا كمال سالم.... الذى يصر وهو في حالة السريرية شبه المتأخرة ان يغنى للكابلى ويقول: دينا وعجبانى واكيد بعدين لمن نمشى نتفقده حا نلقاهو بغنيها دينا وعجابنى وبتعجب معتز القريش

يا البدر يا أخوي خلي الطابق مستور
أهو أنا لسة بنتج والحمد لله

انت وكمال سالم أخباركم شنو
وآخر ولد ولا بت عندكم عمرو كم

هلا يا ابو أمنية
الله يبارك في ايامك

Quote: واريتو خبر السرور وباذن الله باقي واحدة والجنة توش باذن الله

يا أخوي مالك رافع السعر
ما قالوا (3)
وال (3) جبناهم
أمنية + زينب + دينا خالد معتز القريش = 3

Quote: ومبروك لمحمد ومؤمن ومهند وامنية وزينب الاخت الجديدة

ومؤيـــــد مالك ناسيهو
بخصمو من راتبك ؟

Quote: يلا عاد خلي دينا تجي تشاكل معاك المستنيرين

مبروك البنية يامعتز القريش وربنا يجعلها من بنات البلد الصالحات
والحمدلله علي سلامة أمها .









______
لو كنت سميتها على أسم بتى (جوان) كنت اتكفلت ليك بالسماية...أسفيريـا

الف الف مبرو ك ....

لكن ما عافيه ليك , انا مش صحبتك ؟؟ ليه ما سميتها (.....) ؟؟؟

تتربى في عز ابوها معتز انشالله ....

------------------------

بالمناسبه ما بين القوسين ما اسمي ... لووووووووول ..

مودتي معتز ...

معتز الحبيب

مبروك بتك الجديده وربنا يجعلها من المستورات - والحمد لله على سلامة أمها

والبنات رزقهن حلو شديد ، وتلقى هسه زادوك في المرتب والا جاتك لقيه من السماء مطويه ،


البنات ديل فيهن الرحمة فكتر منهن من A & B & C




مبروك وعقبال كل بوردابي ما عندو بت يجيبها ..




هشام

Quote: البنات ديل فيهن الرحمة فكتر منهن من A & B & C

غايتو مادام القصة فيها رحمة وزيادة راتب وهييك علاووات
صحبي الظلامي ده شكلو كده مسجل D قريبات ده

بالغت يا ود القريش لكن!
أنا لو إتبنيت adopted، خليك من ألِد بت وكان إسمهاalready "دينا خالد" بغيرو ليها...
معقولة يا قريش ياخ؟ ما تبالغ كمان..
____
إنت لو كان داير للبنيَّة هديَّة كان سميتها إسم هدي ورضي، قال ماداير هديَّة، ما ضرّ الشاة سلخها بعد ذبحها..

مبروك يا ( عـــزو) وتتربى في عزكم..

وحمد الله على سلامة مدام B ، وعقبال مدام X (مش الرواية)
غايتو كان ناوي على مدام D الشافت صورتها عيني دي ، فأنا أول المهنئين
وكان أبيتها ، ياني الخاشي فيها ..






ياحليلك يا ( كـيـمـو )



تعديل (1) حرف انقليزي،تعديل (2) الإستعجال.

مبروك وربنا يحفظها

وحمدا لله علي سلامة والدها

اما الاسم فهو حق الام كما اعرف فكيف تسلبها حقها ايها الظلامي ؟؟؟

Quote: وتتربى في عزكم..

صلاح عبدالله
ياخى انت إدارى وقانونى
ياتو عز هذا مفروض تقول
تربى في شلهتتكم موظف باليل
في مكان وموظف بالنهار فى مكان

تنهدات: تطير عيشتها ديناخالد كمال سلم معتز القريش
كم هى خياراتها ضيقة وبضيق النفس

مبروك البنية وان شاء الله ما شايلة اسمها

ما تتأثر يا مُعتز قُريش بِالشُغل المسائي (شرِكة الترجمة) وتقنِب تشبِكنا ( A / B / C )
إنت زول عازِف ... فنان خلي إسِمِن ( دو / ري / مي ) ولا كمان لو مُصِر دخِن سيكار

الف الف الف مبروك البنية انشاء الله من البارات الصالحات يارب...

نرفع دينا فووووووووق

***
**
*

نحن نهنى
ونبارك
دينا


*
**
***

ألف مبروك البنية يا معتز ..
تربى في عزكم إن شاء الله ..

مبروك يا معتز

وتتربي في عزك


اسم دينا اسم السرور

انشاء الله الاسم شائل

Quote: تقطع تذكرة تمشي الخرطوم / الحاج يوسف

وييييين يا خالد
ألف مبروكـ يا حبيب
تتربى في عزكم إن شاء الله
وحمد لله على سلامة B


أها .. الوصف أبوي خلينا النمش نعضي!

ياعمكـ
اشواق

ياخي العضة هييييييييييينة
انا في سؤال مجنني....!!!!
نسأل ولا ناكل باسطة.....؟

مبروك مبروك ود القريش


بس اوعك تسوقه معاك يوم بيت ناس كمال سالم يقعد يبكى فيها هههههه

هههههههههههههههههههههههههههههه الاخيرات ديل كيتن فى صلاح عبد الله

ود القريش
الف مبروك البنية
وتتربى في عزكم






____
بالمناسبة الليلة لاقيت (س غ) ذا فورث
قول لي المرقك شنو في يوم الاجازة دا

وووووووووووووووووووو معتز !!!

Quote: ولدو لي بنيّة

بت بعد دا توديها وين يا شقى ؟؟
طواااااااااالى ترجعها فى ى ى محلتها ..
قول ليها مرجوعه فى مسماك .. بس تعرف ترجع الكبار مش ؟ لوووول .

اقول ليك كلام غريب شديد .. السمانى دينا اسمو معتز بس ما ابوى
طبعا .. لوووول . شايله اسمها


اها النجييضه ::: الهديه ما ليك انت حررررم ما تقول حاجه
الهديه لى دينا ..
وتفاصيلها كالاتى ::
عدد 2 خروف من بدر الدين الامير
عدد 2 كرتونه (اى حاجه ) من نادوس .
عدد 2 حلق من عمران
عدد 2 لبسه باربى من راويه .
عدد 2 عبايه سوداء ( ابو من غير برقع ) من الاقرع .
عدد واحد كرسى جابر من كمال سالم ..
عدد 2 ابو نجمه من كيكى ..
عدد 2 حذاء ايطالى من عبد رخمن .
عدد 2 فصل الدين عن الدوله من ابوساندرا ..

دكين طبعا عليه اصعععب حاجه انو يجى ياكل السماية
دا طبعا لو قدر يلوك ..







ـــــــــــــــــ
بس عارف المقلب وين ؟؟
انو الحاجات دى تبقى ليك بى سبب عرسه تانى .
ياسر واساسى حسااااااده يا يمه تولدكم الدينات .
ممنونه لكل من كتب حرف من الجمال ..
معتز ! ما تنسى بعد ما ترجعها يدوك الباقى سمح ؟؟؟

معتز قريش البنية مبروكة و انشاء الله تشيل اسمها

لكن يعني أمة تلفح جنس لفحي ... انا من ما خشيت البورد دا قلت بتي مسميها دينا خالد جاي طاير لفاحو لبتك لكن ربنا يخليها و يفرح بيها عين أمها... لكن شوفو من هسي السمع يكلم الما سمع انا اسم دينا خالد خليتو ليكم لكن كدي واحد يهوب علي سلمي او دوما... اساسا انا جايني تومات و بنات كما شنو ليكم واحدة سلمي و التانية دوما ( عليكم الله دينا و دوما دا مش كان اسم تيمان؟) ...لكن قسماً عظماً خلال شهر القي واحد مسمي دوما او سلمي قسماَ برب الكعبة و الجنبها اقاضيهو .... فاهمين

و مبروك يا معتز و انشاء تشيل اسمها يا رب و ربنا يهنيك بيها

معتز القريش

يأخي الف مبروك وشايلة اسمها انشاء الله

معزتي

مبروك يا معتز .
لكن في زول بسمي بتو فيصل نوبي ؟!*











‎‎‎‎‎‎‎‎‎‎‎‎‎-------------
*العهده علي دكين

ود العم معتز القريش ، بداية حمد لله على سلامة اختنا العزيزة ، و ثانيا مبروكة بت العز و العجن ، و تتربى فى عزكم و عز ابواتها ، خبر زى ده مابباركوه فى سودانيز اون لاين لكن سمعنا بيهو هنا ، بدرالدين الامير زول حاقد ساكت ، مبروكة الجعلية بت ملوك العز .

ألف مبروك عليك دينا وتتربى ي عزك
وحمد الله على سلامة المدام

مبروك البنيه يا ود القريش تتربي في عزك وتبقي مثل دينا (الله ولي الذين آمنوا يخرجهم من الظلمات إلى النور )
ما في شئ بعيد علي الله انما يقول له كن فيكون .

Quote: ولدو لي بنيّة بيضاء عسّولة

لووول قلبتوا حلمه الاضان شفتوها ؟؟؟

شكرا يا معجب

كااااااااااااااااااكـ

مبروووك البنية وتتربى فى عزالأسرةالكريمة

تحياتى لحرمكم وألف حمدا لله على السلامة

Quote: تقطع تذكرة تمشي الخرطوم / الحاج يوسف

ودالقريش
ح نفرع الغداء الساعة 4 عصرا بتوقيت الحاج يوسف

تكلفة السماية وصلت 5.75 الف جنية سوداني بالجديد
رسل على الويسترن يونيون

ومبروك لدينا خالد

مبروكة البنيَّة يا ود القريش وتتربي في عزكم..

Quote: عشان ما تجو تقولوا لي من ياتو مدام بقول ليكم (مدام B)

خطفتها من لساني :)

مبروك وعقبال ما نبارك ليك في ولادة المدام (P)!!!

أمير أوية

Quote: عشان ما تجو تقولوا لي من ياتو مدام بقول ليكم (مدام B)

خطفتها من لساني :)

مبروك وعقبال ما نبارك ليك في ولادة المدام (P)!!!

أمير أوية

Quote: غايتو ( دردقتكـ دي كان ما جابته تاني ما بتجي )

بعد تحنيس اسبوع وبكي متواصل ووساطة متعددة ظهرت ..ياها بقت فرحة تانيه لاخونا معتز ...غيتو قرب يلغي الاسم ...ربنا ستر ولطف ...

ودالقريش
تتربى في عزك وحمدلله على سلامة المدام



طبعاً انا قريت

Quote: بقول ليكم (مدام B)

Plan B

قلت واااو معتز بقى خبير استراتيجي

حمداً لله على سلامة المدام يا معتز
والف مبروك دينا

معتز
حمدا لله على سلامة المدام!
والحمد لله إنها جات بت ..
لأنو لو جات ولد من الزعل كنت ح تسميهو دين أيمان خالد !