Post: #1
Title: احساسك شنو لمن ولدك ولا بنتك يدخلو المدرسة ( kg1 ) ؟؟
Author: عبدالله كع
Date: 10-17-2009, 07:07 AM
الواد مصعب دخل المدرسة .. ولدي !!
وانا ماااا مصدق نهاااااااائي .. خليك من دخولو المدرسه - عمرو زاتو متين تمه ال 5 سنه ؟
نزلتو جم باب المدرسه ........ متردد ومرتاب .. وخايف ولكن في قمة الفرح والسعاده ..
دخل الواد المدرسه ... وانا بعاين ليهو !! جسمو هزيل والشنطه تقيلة علي هذا الجسم - كأني اول مرة اشوفو
جاني احساس ان الجزمه عامله ليهو تقالات قلبي وقف عديل .. نزلته من العربيه - ودخلته وراههووووووو
والبوابه زحمه كل زول جايب جاركوك حقو - وخايف عليهو .. المهم جاني احساس كيف مصعب حا تعامل
الشفع الكتار ديل !! ومصعب ده زوووووووول مسالم وحنين شديد . . .....
دخلته وراهووووووو _________ الغريبه ما قدرته اقول حاجه غير لو اتزنقته ( بول ) اسال من الحمام وين ؟
وتخاااااااااااااااارجته ما عارف الاصابني شنو ..
كميه اشياء ملخبته في راسي واحسااسات جايطه ........
:
:
:
كدا اقوم اشوف الزول ده عمل شنو ؟؟
كمان البمر من هنا - يورينا الفهم شنو .. ودعواتكم له ولاخوانه الجدد (Kg1 )
|
Post: #2
Title: Re: احساسك شنو لمن ولدك ولا بنتك يدخلو المدرسة ( kg1 ) ؟؟
Author: عفاف الصادق بابكر
Date: 10-17-2009, 07:20 AM
Parent: #1
كع .. كيفنك ..
مبروك لي ولدنا صعوبي المدرسه ..
صدقني فعلاً احساس عجيب .. لكن بكره بكون عادي ..
ولو جاء يوم قال ليك ما عايز امشي اليوم المدرسه حا تزعل بقدر فرحك ده ..
إحساس براود اي والد .. وانشاءالله عمرك يطول وتشوفه داخل الجامعة كمان ..
اها شوف الكبيره دي كمان ... لو شفته في الزفه مع عروسه ... اقنع منه عدييييييييل كده ..
تحياتي لام مصعب ..
بت الصادق
|
Post: #3
Title: Re: احساسك شنو لمن ولدك ولا بنتك يدخلو المدرسة ( kg1 ) ؟؟
Author: مجدي عبدالرحيم فضل
Date: 10-17-2009, 08:02 AM
Parent: #2
العزيز أبو مصعب
تحياتي لك ولمصعب العام المبتدأ ومداخلت د.عفاف الصادق دي بلسم شعور متفاوته وبكر يتعلم من الأيام ويبدأ عداد الزمن رامي (وبالمناسبة قصي برضو الليلة أو يوم دراسه ومبسوط أنو فارق البيت ولا حتي بابا مع السلامة ولا سلم علي أخوة أحمد الذي قام بتوصيله المدرسة :كي جي 2 عشان عمره 4 سنوات والولد جاري شنطة بعجلات واللبس الفول سوت ربك ينجح مقاصدم ويكون أحسن من الأباء وزمن غير الزمن داك ياكع ياصديقي .
نقول صافرة البداية بسم الله المبتدأ والمنتهي.
،،،،أبوقصي،،،،
|
Post: #4
Title: Re: احساسك شنو لمن ولدك ولا بنتك يدخلو المدرسة ( kg1 ) ؟؟
Author: عمران حسن صالح
Date: 10-17-2009, 08:16 AM
Parent: #3
إحساسي ؟؟
يا عبد الله كع النوريكــ ..
أبدأ بعد الشيب الأبيض الآن لأنو بعد سنة حيرتفع العدد إلى الضعف ..
تاني سهر مافي . تتدمدم تنوم من المغرب عشان مدارس الأولاد ..
عندكـ دوام تالت خليكـ جاهز ليهو ..
تدريس هنا لازم يعاد ما تقول لي سيستم إنجليزي ولا مدرسين باكستانين .. تقول في زول زمان ذاكر لينا
تجي يايابا من دوام الفلوس تاخد لكـ راحة دقائق وتشوق شنطة الواد فيها شنو .. تبدأ الدوام الملح ،
النسوان تعبانات ياخي ..
من المسح والطبخ ( دي الإسطوانة ) 
|
Post: #5
Title: Re: احساسك شنو لمن ولدك ولا بنتك يدخلو المدرسة ( kg1 ) ؟؟
Author: جمال المنصوري
Date: 10-17-2009, 08:25 AM
Parent: #4
الأخ / عبد الله كع وضيوفه الكرام
تحيات زاكيات
والله يا عبد الله انا زي زولك (خالد المحرب) جرسة خلاص، بكري بت ، لمن دخلتها الروضة كان عمرها 3 سنوات، يا زول ما بكضب عليك بقيت واقف في شباك القزاز مسافة طويلة اعاين ليها وهي قاعده في الصف، ودموعي ارباع ارباع، مع العلم ان مسميها علي امي (الله يرحم امي ويغفر ليها)
لك شوقي وسلامي
|
Post: #11
Title: Re: احساسك شنو لمن ولدك ولا بنتك يدخلو المدرسة ( kg1 ) ؟؟
Author: عبدالله كع
Date: 10-17-2009, 12:34 PM
Parent: #5
| Quote: والله يا عبد الله انا زي زولك (خالد المحرب) جرسة خلاص، بكري بت ، لمن دخلتها الروضة كان عمرها 3 سنوات، يا زول ما بكضب عليك بقيت واقف في شباك القزاز مسافة طويلة اعاين ليها وهي قاعده في الصف، ودموعي ارباع ارباع، مع العلم ان مسميها علي امي (الله يرحم امي ويغفر ليها) |
يا جيمي ربنا يحفظ ليك الامورة انشالله من الصالحات البرات .. والله يرحم الحاجه
تصدق يا قريبك لمن نزلت الواد الجاركوك مصعب قلبي وجعني - ركبته العربيه مشيت المكتب قعدته نص ساعه في المكتب -
وبراااااااااحه قفلته الجهاز وبراااااااااحه لبيت الشنطه وجري لمدرسة الجاركوك مصعب ...
3 ساعات انا واقف ورب الكعبه الكلام ده جدجد - لي شنو انا ما عارف ؟؟
يا خي ربنا يحفظهم -
اتخيل يا المنصوري اتزكرته ابو ي طووووووووووووووووووووولي الله يديهو طولة العمر والصحه
اشكرك يا غالي ............... احترامي
|
Post: #10
Title: Re: احساسك شنو لمن ولدك ولا بنتك يدخلو المدرسة ( kg1 ) ؟؟
Author: عبدالله كع
Date: 10-17-2009, 12:22 PM
Parent: #4
Quote: إحساسي ؟؟
يا عبد الله كع النوريكــ ..
أبدأ بعد الشيب الأبيض الآن لأنو بعد سنة حيرتفع العدد إلى الضعف ..
تاني سهر مافي . تتدمدم تنوم من المغرب عشان مدارس الأولاد ..
عندكـ دوام تالت خليكـ جاهز ليهو ..
تدريس هنا لازم يعاد ما تقول لي سيستم إنجليزي ولا مدرسين باكستانين .. تقول في زول زمان ذاكر لينا
تجي يايابا من دوام الفلوس تاخد لكـ راحة دقائق وتشوق شنطة الواد فيها شنو .. تبدأ الدوام الملح ،
النسوان تعبانات ياخي ..
من المسح والطبخ ( دي الإسطوانة ) |
يا عمران - من ناحية الشيب خلاص المرحله دي شتت ت - انا خايف ( الخرف المبكر )
بس ماتقولي انت وصلتها !! ؟
يا عمران يا خوي صدقني نحنا مدلعين الحريم ذياده عن اللزوم - الشقه دي قدر شنو يا فرده ؟
يعني لو كان بشتغلو زي امهاتنا كان حا يعملو شنو - وحاة النبي لا تعبانات ولا حاجه والواحده تصحي
من النوم فجرا بدري الساعه 12 ظهرا - !!
وتقوم ترمرم وتفتح ال (MBC ) مسلسل في قعر مسلسله وما سكين الرموت - لمن امن - انسي يا حبوب
ولكن ما في مشكله صديق لو في سبيل تعليم الجواركيك اربعين دوايم ما في مشكله صديق
احترامي ..
|
Post: #8
Title: Re: احساسك شنو لمن ولدك ولا بنتك يدخلو المدرسة ( kg1 ) ؟؟
Author: عبدالله كع
Date: 10-17-2009, 12:08 PM
Parent: #3
| Quote: تحياتي لك ولمصعب العام المبتدأ ومداخلت د.عفاف الصادق دي بلسم شعور متفاوته وبكر يتعلم من الأيام ويبدأ عداد الزمن رامي (وبالمناسبة قصي برضو الليلة أو يوم دراسه ومبسوط أنو فارق البيت ولا حتي بابا مع السلامة ولا سلم علي أخوة أحمد الذي قام بتوصيله المدرسة :كي جي 2 عشان عمره 4 سنوات والولد جاري شنطة بعجلات واللبس الفول سوت ربك ينجح مقاصدم ويكون أحسن من الأباء وزمن غير الزمن داك ياكع ياصديقي . |
يا مرحبتين يا مجدي يا زميلي - في كلو
قلته لي قصي هجم علي التعليم خلاص - يا ربنا يحفظو وانشالله نراه في العلالي
رنبا يحقق المقاصد - يكونو احسن من الاباء - اكييييد انشالله - واذا ما بقو احسن مننا - مافي فايد صديق
تحياتي لي ام قصي وجده عموم .
|
Post: #6
Title: Re: احساسك شنو لمن ولدك ولا بنتك يدخلو المدرسة ( kg1 ) ؟؟
Author: عبدالله كع
Date: 10-17-2009, 11:49 AM
Parent: #2
Quote: كع .. كيفنك ..
مبروك لي ولدنا صعوبي المدرسه ..
صدقني فعلاً احساس عجيب .. لكن بكره بكون عادي ..
ولو جاء يوم قال ليك ما عايز امشي اليوم المدرسه حا تزعل بقدر فرحك ده ..
إحساس براود اي والد .. وانشاءالله عمرك يطول وتشوفه داخل الجامعة كمان ..
اها شوف الكبيره دي كمان ... لو شفته في الزفه مع عروسه ... اقنع منه عدييييييييل كده ..
تحياتي لام مصعب .. |
بت الصادق كلامك زي الفل
ولكن ...
معقولة اقنع من مصعب يا بت الصادق!! - كان ابوي قنع اخوك زمان
ولكن صدقيني احساس غريب - عامل زي الحلو مر -
،،،،،،،،،،،،،،
تشكرات بت الصادق
|
Post: #7
Title: Re: احساسك شنو لمن ولدك ولا بنتك يدخلو المدرسة ( kg1 ) ؟؟
Author: عبدالله كع
Date: 10-17-2009, 12:01 PM
Parent: #2
رجعته للفرده مصعب -
لقيت زملاء الشحتفه كميه - واقفييييييييييين كيمان كيمان
والجو حار والشمس قريبه من الواطه والناس واقفه في امان الله وكل نظرهم تجاه البوابه
منتظرين الجماعه يطلعو - اتخيلو معاي الحته دي .......
يا سلام .. فتحو الباب و تعال شوف الزحمه ......... من منو اتخيلو ؟ من الجلااكين .. !!
موش حاجه تجنن - والاقرب ما في لا جاركوك جه مارق !!
قاعدين يلعبو في الطوطاحانيه والزحلقانيه - وحاجة انا شخصيا ما بعرفه -- بالله ده كلام !!
بيني بينكم انا اتكيفته كيف ماعادي -
الواد قاعد يالعب ولاااااااااامتزكر ابوهوووو
وطوالي ............
تزكرت قول الشاعر عادل امام ( رب قوم زهبو ا لقوم - ولما القوم الاولانين مقلوش القوم التانين .......... خدو تاكسي رجوعو )!
،،،،،،،،،،،
ومشينا البيت -
|
Post: #9
Title: Re: احساسك شنو لمن ولدك ولا بنتك يدخلو المدرسة ( kg1 ) ؟؟
Author: عمار عبدالله عبدالرحمن
Date: 10-17-2009, 12:19 PM
Parent: #7
عبدالله كع ,,
لو كنت في الامتداد ,,,
كان قلت الروب الولد دخل المدرسة ,,,
لان مدرسة اليومين دي فيها جنس حاجات ,,,
طبعا لو فريت بي من مدراس الحكومة ,, للمدرستين الفي شارع شرق (كان بتاعة الحواجات ولا الجنبها )
عينك ما بتشوف الا النور , هناك في تقليعات تدي العجب ,,
عقبال التخرج وتفرح بيه ,,,
|
Post: #12
Title: Re: احساسك شنو لمن ولدك ولا بنتك يدخلو المدرسة ( kg1 ) ؟؟
Author: عبدالله كع
Date: 10-17-2009, 12:46 PM
Parent: #9
Quote:
لو كنت في الامتداد ,,,
كان قلت الروب الولد دخل المدرسة ,,,
لان مدرسة اليومين دي فيها جنس حاجات ,,,
طبعا لو فريت بي من مدراس الحكومة ,, للمدرستين الفي شارع شرق (كان بتاعة الحواجات ولا الجنبها )
عينك ما بتشوف الا النور , هناك في تقليعات تدي العجب ,,
عقبال التخرج وتفرح بيه ,, |
يا عمار يا خي ................ يا ريت لو اني في الامتداد يا ريت
انت عارف يا عمر انا لو في الامتداد الان كنت قريته في مدرسة الامتداد ( 1 ) الابتدائيه حتي ولو حكوميه
يا عمار يا قلب - الحركات والتقليعات دي ما مشكلة لو الزول تربيتو صاح ولابتهز في راسو شعره - التربيه اساس الحياة
الكريمه ..
احبك واحب الامتداد زاتووووووووووووووووووووووووووو يا عمار .
|
Post: #13
Title: Re: احساسك شنو لمن ولدك ولا بنتك يدخلو المدرسة ( kg1 ) ؟؟
Author: omer osman
Date: 10-17-2009, 01:46 PM
Parent: #12
ياكع ..... الاطفال في حفظ الرحمن ... الايام الاولي في المدرسة صعبة لكن بعد كده الامور بتبقي عادية ويظل القلق الابوي موجود بس
بدون ما ياخد مظهر خارجي يعني ما بتضطر تقيف بره المدرسة تلاتة ساعات تضرب تلفون البيت اهااا الاولاد جو وا لسه وكده ......
|
Post: #14
Title: Re: احساسك شنو لمن ولدك ولا بنتك يدخلو المدرسة ( kg1 ) ؟؟
Author: وليد عبد اللطيف
Date: 10-17-2009, 01:56 PM
Parent: #13
ياعبد الله كع
اهم شي الديتول والمطهرات تكون موفرها
عند خروجه من البيت وعند العوده
وربنا يحفظ
والصغار تحت رعاية الله وما تشيل هم
---
خلاص الليله دخل المدرسة
وبكره يخش لي كلية الهندسة
ويبني لي عمارة مكندشة
-----------------
الف تحية ليك ياطيب ونصها لصاحبي خالد اميقو
|
Post: #15
Title: Re: احساسك شنو لمن ولدك ولا بنتك يدخلو المدرسة ( kg1 ) ؟؟
Author: د.نجاة محمود
Date: 10-17-2009, 02:33 PM
Parent: #14
ياااااه
احساس كبير ياخي التحية
لمصعب في عامه الاول
وربنا ينجحو ويفرحكم بيه
|
Post: #16
Title: Re: احساسك شنو لمن ولدك ولا بنتك يدخلو المدرسة ( kg1 ) ؟؟
Author: humida
Date: 10-17-2009, 02:52 PM
Parent: #15
و الله يا كـع .. قالوا ود العرب لمن يتفلهم بجيب لأهله الكفـوة .. !!
|
Post: #17
Title: Re: احساسك شنو لمن ولدك ولا بنتك يدخلو المدرسة ( kg1 ) ؟؟
Author: khaleel
Date: 10-17-2009, 03:56 PM
Parent: #16
كع
انت في الشعور وانا في رسوم الدراسة بتاعة kg1
تخيل تلاتة الف ريال للعام
والله قريت من الابتدائي لحدي الجامعة ما صرفت نص المبلغ دا
|
Post: #18
Title: Re: احساسك شنو لمن ولدك ولا بنتك يدخلو المدرسة ( kg1 ) ؟؟
Author: Salah Abdulla
Date: 10-17-2009, 04:13 PM
Parent: #17
كــع ...
مبروك دخول مصعب المدرسة..
الآنسة لمـى صـلاح عـبدالله ، أكملت ثلاثة سنين ونص في شهر أربعة الفات
ودخلتها KG-1 ..
الليل كلو بتفرج في هدوم المدرسة
ياخي ده شعور غريب ، ما تعرف إنت فرحان واللا زعلان واللا خايف ، واللا ، واللا
أول يوم ده دكّيت الشغل عدييييل
أنا وأمها وصلناها ، وإنتطرناها لغاية نهاية اليوم
ربنا يخليهم لينا ، ويخلي لينا أهلنا التعبو فينا
والله ما عرفنا تعبهم إلا هسع ..
|
Post: #19
Title: Re: احساسك شنو لمن ولدك ولا بنتك يدخلو المدرسة ( kg1 ) ؟؟
Author: khaleel
Date: 10-17-2009, 05:22 PM
Parent: #18
كع اقصد
13 الف ريال
خالد ولدي قال ليه يا بابا بتكلمو انجليزي
|
|