Post: #1
Title: جلد النساء لارتدائهنّ مشدّات الصدر! عجائب الظلاميين
Author: زهير عثمان حمد
Date: 10-16-2009, 07:30 PM
Parent: #0
أعلن سكان في شمال العاصمة الصومالية مقديشو، اليوم، أن «حركة الشباب الإسلامية المتشددة جلدت علانية حركة «الشباب» الصومالية تجلد النساء لارتدائهنّ مشدّات الصدر!
أعلن سكان في شمال العاصمة الصومالية مقديشو، اليوم، أن «حركة الشباب الإسلامية المتشددة جلدت علانية نساءً لارتدائهن مشدات للصدر، بحجة أن ذلك يخالف الإسلام لانطوائه على غش وتضليل». وذكروا أن «مسلحين كانوا يطوقون أي امرأة يبدو صدرها مشدوداً، ثم يقوم ملثمون بجلدها علناً». وأمر المسلحون النساء بعد ذلك بخلع المشدات وترك صدورهن بشكلها الطبيعي.
وقالت مواطنة تدعى حليمة: «أجبرنا الشباب على التحجب وفق طريقتهم، والآن يجبروننا على هزّ صدورنا»، مشيرة إلى أن «بناتها تعرضن للجلد أمس». وأضافت: «في البداية، منعوا الشكل السابق من الحجاب وجاؤوا بأقمشة خشنة تغطي صدور النساء. ويقولون الآن إن الصدور يجب أن تكون مشدودة طبيعياً أو مسطحة».
وكانت الحركة المتمردة التي تسعى إلى تطبيق تفسير متشدد للشريعة الإسلامية في أنحاء الصومال، قد قطعت قدمَي ويدَي شابين اتُّهما بالسرقة هذا الشهر. كذلك منعت عرض الأفلام والرنّات الموسيقية للهواتف المحمولة، والرقص في الأعراس ولعب كرة القدم أو مشاهدتها.
(رويترز)
بحجة أن ذلك يخالف الإسلام لانطوائه على غش وتضليل». وذكروا أن «مسلحين كانوا يطوقون أي امرأة يبدو صدرها مشدوداً، ثم يقوم ملثمون بجلدها علناً». وأمر المسلحون النساء بعد ذلك بخلع المشدات وترك صدورهن بشكلها الطبيعي.
وقالت مواطنة تدعى حليمة: «أجبرنا الشباب على التحجب وفق طريقتهم، والآن يجبروننا على هزّ صدورنا»، مشيرة إلى أن «بناتها تعرضن للجلد أمس». وأضافت: «في البداية، منعوا الشكل السابق من الحجاب وجاؤوا بأقمشة خشنة تغطي صدور النساء. ويقولون الآن إن الصدور يجب أن تكون مشدودة طبيعياً أو مسطحة».
وكانت الحركة المتمردة التي تسعى إلى تطبيق تفسير متشدد للشريعة الإسلامية في أنحاء الصومال، قد قطعت قدمَي ويدَي شابين اتُّهما بالسرقة هذا الشهر. كذلك منعت عرض الأفلام والرنّات الموسيقية للهواتف المحمولة، والرقص في الأعراس ولعب كرة القدم أو مشاهدتها.
(رويترز)
|
Post: #2
Title: Re: جلد النساء لارتدائهنّ مشدّات الصدر! عجائب الظلاميين
Author: زهير الزناتي
Date: 10-16-2009, 07:59 PM
Parent: #1
يا زهير والله دا خبر مضحك ومبكي ، هؤلاء لا علاقة لهم بالإسلام ولا بالدين إنهم مجموعة من الشباب الذين ضلوا الطريق .. وتشوش عقلهم نتيجة لعوامل كثيرة ..
|
Post: #3
Title: Re: جلد النساء لارتدائهنّ مشدّات الصدر! عجائب الظلاميين
Author: Dania Elmaki
Date: 10-16-2009, 08:05 PM
Parent: #2
شئ عجيب
الناس ديل ما في زول يوقفهم في حدهم,,, هم البيوديهم يدققوا في صدور البنات شنو لمن يعرفوها لابسه ولا ما لابسه, ما سمعوا بغض البصر؟؟ ده البيكره الناس في الدين زاتهو مجموعه جهلاء نصبوا انفسهم خلفاء راشدين
|
Post: #4
Title: Re: جلد النساء لارتدائهنّ مشدّات الصدر! عجائب الظلاميين
Author: Mustafa Mahmoud
Date: 10-16-2009, 08:08 PM
Parent: #3
ديل نفس عينة الكيزان الحللو ارضاع الكبير
عالم وهم
|
Post: #5
Title: Re: جلد النساء لارتدائهنّ مشدّات الصدر! عجائب الظلاميين
Author: احمد محمد بشير
Date: 10-16-2009, 08:15 PM
Parent: #4
الصــواميل ديل جنو ولا شنو..
ههه
دا اسلام شنو دا الفي مقديشوا
|
Post: #6
Title: Re: جلد النساء لارتدائهنّ مشدّات الصدر! عجائب الظلاميين
Author: عثمان دغيس
Date: 10-16-2009, 08:26 PM
Parent: #5
يا أخوانا الناس ديل ما عندهم ( صبري شريف ) يردعهم ولا شنو ؟؟؟!
|
Post: #7
Title: Re: جلد النساء لارتدائهنّ مشدّات الصدر! عجائب الظلاميين
Author: زهير الزناتي
Date: 10-16-2009, 08:32 PM
Parent: #6
طيب الواحد ممكن يخيط لي كمية في سوق أمدرمان ويسميها المشدات الإسلامية للمرأة الصومالية ويدقش بيها السوق الشعبي في مقديشو ... ويغني في شهر .. بس لازم يقسم مع أمير الجماعة
|
Post: #8
Title: Re: جلد النساء لارتدائهنّ مشدّات الصدر! عجائب الظلاميين
Author: عمار عبدالله عبدالرحمن
Date: 10-16-2009, 08:33 PM
Parent: #6
لا حول ولا قوة الا بالله العلي العظيم ,,,
دي فاتت الملا عمر
الله يرد للصومال عافيته ,,
|
Post: #9
Title: Re: جلد النساء لارتدائهنّ مشدّات الصدر! عجائب الظلاميين
Author: خدر
Date: 10-16-2009, 10:03 PM
Parent: #8
| Quote: وقالت مواطنة تدعى حليمة: «أجبرنا الشباب على التحجب وفق طريقتهم، والآن يجبروننا على هزّ صدورنا»، |
امور المسلمين اصبحت في ايدي القُصر عقلا و سنا
|
Post: #10
Title: Re: جلد النساء لارتدائهنّ مشدّات الصدر! عجائب الظلاميين
Author: esam gabralla
Date: 10-16-2009, 10:14 PM
Parent: #9
مدهش و محير أن عقل هؤلاء لم يلتفت او ينتبه الى قضايا حيوية تهم البشر المعذب منذ سنوات في الصومال !!!
هؤلاء لم و لن يروا الصحة او التعليم او الامن او الغذاء او غيرها من الحد الادنى و ضرورات الكرامه الانسانية
اولوياتهم "ستيانات" النساء .... مشروع دينى كبير ينتهى لستيانات
|
Post: #11
Title: Re: جلد النساء لارتدائهنّ مشدّات الصدر! عجائب الظلاميين
Author: خالد العبيد
Date: 10-16-2009, 10:15 PM
Parent: #9
| Quote: مسلحين كانوا يطوقون أي امرأة يبدو صدرها مشدوداً، ثم يقوم ملثمون بجلدها |
هوس اشبه بهوس كيزان السودان
|
Post: #12
Title: Re: جلد النساء لارتدائهنّ مشدّات الصدر! عجائب الظلاميين
Author: فتحي الصديق
Date: 10-16-2009, 10:29 PM
Parent: #11
هو العجز من مواجهة قضايا المواطنين الحقيقية المتمثلة في الغذاء والتعليم والصحة ... صورة أخرى من صور خواء طرح الاسلاميين .
|
Post: #13
Title: Re: جلد النساء لارتدائهنّ مشدّات الصدر! عجائب الظلاميين
Author: سعد مدني
Date: 10-16-2009, 10:49 PM
Parent: #12
| Quote: وأمر المسلحون النساء بعد ذلك بخلع المشدات وترك صدورهن بشكلها الطبيعي. |
هؤلاء ليسوا بشرا في زمننا الحالي، و انما يمثلوا صورة ديناصورات انقرضت منذ الالاف السنين، و امخاخهم يتكدس فيها الغبار و خيوط العنكبوت
عجبت لهؤلاء الاسلامويين، كلما ضاقت عليهم الحياة، اتجهوا الي المرأة، و فرغوا فيها كل خيباتهم و انكساراتهم.
متي ما ظهرت حركات الاسلام السياسي و الهوس الديني في بلد ما، كانت الظلامية و التخلف و الانحطاط صنوانا لهم.
الله يصبر نساء و فتيات الصومال علي هذا القرف و الهوس و الانحطاط !!
|
Post: #14
Title: Re: جلد النساء لارتدائهنّ مشدّات الصدر! عجائب الظلاميين
Author: سعد مدني
Date: 10-17-2009, 05:13 PM
Parent: #13
كيف الانفكاك من هذا الهوس الديني، والله بعد دا إلا نساء الصومال يشيلوا السلاح ضد هؤلاء الظلاميين!
|
Post: #15
Title: Re: جلد النساء لارتدائهنّ مشدّات الصدر! عجائب الظلاميين
Author: محمد عبد الماجد الصايم
Date: 10-17-2009, 06:33 PM
Parent: #14
الصور يا عمكـ!
|
Post: #16
Title: Re: جلد النساء لارتدائهنّ مشدّات الصدر! عجائب الظلاميين
Author: سلمى الشيخ سلامة
Date: 10-17-2009, 06:54 PM
Parent: #15
| Quote: طيب الواحد ممكن يخيط لي كمية في سوق أمدرمان ويسميها المشدات الإسلامية للمرأة الصومالية ويدقش بيها السوق الشعبي في مقديشو ... ويغني في شهر .. بس لازم يقسم مع أمير الجماعة |
يا زهير
زمان النساء كانن بيلبسن حاجة قالت امى "اسمها الكركة"
ودى حسب الرواية "قماش حق الله والرسول دا "
اها يا زهير بعرف اخيطا علمتنى امى
نقوم نعمل شراكة وكدا
هم حيثقوا فينى "مش لامؤاخذة ست زيهم ؟
انت عليك القماش والبيع وعلى الخياطة
ويابخت من ادخل مشدين فى "الزحام" اوكما قال
ياخ دى عالم فايقة وطايرة عيونها
يعنى كان ما طيارة عين الوداهم يعاينو دى لابسة كركة ودى ابو من غير شنو ؟
انت عارف يا حبة زمان لمن اول زول عمل "الكركة "كانت فى الثلاثينات
زمن افلام "الكاوبوى "
وكان واحد من الممثلين ديل حابى ليك ريتا هيوارث اظن كدا
المهم لمن بيصورو فى الفيلم والعربية بتاعة الكارو بتاع الكاوبوى ميلت "جاى وجاى "
عمك فكر فى الممثلة وكيف انها تعبت من "الخجة "
قام اخترع ال"كركة "منعا للحراك المش عارفة ايه
ودى الفكرة
اها طالما انهم مسلمين وكدا من باب اولى ما يستوردوا حاجات الغرب الكافر ؟؟
وحكمة الله حاجاتهم كلها من الغرب الكافر
هسى المدافع والبنادق دى مش حقات الغرب الكافر؟
ما يتحاربوا بالعصى والحراب والسيوف وال"مجنيق" ياخ وسيبوا البنات يلبسو الحاجات ياخ
دا جكس ياعمك
|
Post: #17
Title: Re: جلد النساء لارتدائهنّ مشدّات الصدر! عجائب الظلاميين
Author: نادر الفضلى
Date: 10-17-2009, 07:27 PM
Parent: #16
بمشدات أم بدون
تتعدد الأسباب .. بنطالاً كان أم مشد ..
والضحية واحدة .. المرأة تمتهن
|
Post: #18
Title: Re: جلد النساء لارتدائهنّ مشدّات الصدر! عجائب الظلاميين
Author: زهير عثمان حمد
Date: 10-17-2009, 07:38 PM
Parent: #17
أحبائي الكرام
وكل العابرين
من حق كل كائن حي أن يتغزال بالجنس ولكن التغزل ليس وسيلة للتعذيب والتجريم لان من نري فيهم الجمال لا يحق لاي مخلوق أتخاذ قرار ووضع معايير للاخرين بمنطق هذا اللبس شرعي أو غير شرعي ومن أين لهم هذه المعايير
أستاذتي الحبيبه سلمي
هل كانت الكراكةشرعية والله أنت قديمة قدم متعك الله بالعافية
|
Post: #19
Title: Re: جلد النساء لارتدائهنّ مشدّات الصدر! عجائب الظلاميين
Author: مريم عبد الله
Date: 10-17-2009, 07:42 PM
Parent: #17
سبحان الله الناس ديل عاقلين يا جماعة
يعني حسا عملوا كل الربنا طلبه منهم وما فضل ليهم الا الشي دا
فعلا الفاضي يعمل قاضي ديل ناس لا ينتمون للاسلام باي صلة
ولله درك يا صومال التي اصبح شعبك في كل بقاع الدنيا مشتت
بعدين حسا الفتوى دي استندوا فيها على اي ايه من القران الكريم
اولا استندوا على اي حديث شريف
صدقوني الناس ديل ما نصاح خلاص غلبهم البيسو
يعني هو مسموح ليهم يتمقلوا في النساء لامن يفرزوا منو لابسه شنو
منو الاداهم الحق وبعدين مش يوفروا اهم شي للنساء الا وهو الامن
النماذج دي البتجيب لينا الكفوة الاسلام دين عمل وهم وين عملهم مع الناس
الاسلام بري منهم ومن بدعهم المضله دي
استغفر الله العظيم من كلامهم دا
|
Post: #20
Title: Re: جلد النساء لارتدائهنّ مشدّات الصدر! عجائب الظلاميين
Author: زهير عثمان حمد
Date: 10-17-2009, 07:56 PM
Parent: #19
الاخت مريم
هنالك أشياء لوذكرتها مع هذا الخبر لقولوا أنني ضد كلماهو أسلامي دي من أبسط الممارسات غير أن كل مستحضرات التجميل والزينة النسائية حرام قطعا
|
Post: #21
Title: Re: جلد النساء لارتدائهنّ مشدّات الصدر! عجائب الظلاميين
Author: زهير الزناتي
Date: 10-17-2009, 08:30 PM
Parent: #20
سلمي يا سلامة ... يا سلام عليك لمن يكون مزاجك جميل ...
المشروع بلا شك ذو فوائد ضخمة وإلي حين إستلام البضائع
من خط الإنتاج سأطلق اللحية والباقي نتمو مستعار بس لو
أكتشف الأمر الله معانا ومع المشروع الحضاري بتاعنا وكركاتنا الإسلامية،
وأعمل علامة صلاة كاربة... رايك شنو في واحدة صينية ..
أصلوا الصينين بقو يصنعوا أي حاجة حتي المشاعر ...
بس عايزين لينا شعارات للمرحلة حتي نسوق الكركه ...
وبالمناسبة في زول صاحبنا جاهز للتمويل أظنك عرفتيه
مش أهلو الجماعة برضك ...
|
Post: #22
Title: Re: جلد النساء لارتدائهنّ مشدّات الصدر! عجائب الظلاميين
Author: عبدالله عثمان
Date: 10-17-2009, 08:36 PM
Parent: #21
فاز في مسابقة فأهدوه مسدسا وقنابل ولغما مضادا للدبابات
منحت حركة الشباب الاسلامية المسلحة في الصومال شاباً صومالياً مسدساً وقنابل يدوية ولغما مضاداً للدبابات ومعدات مكتبية بما فيها جهاز كمبيوتر لفوزه في مسابقة عن القرآن الكريم وجغرافيا الصومال.
وقال ممثل لجماعة الشباب لبي بي سي إن الهدف من المسابقة هو وقف الشباب عن إضاعة الوقت، والتركيز على الدفاع عن أراضيهم ودينهم.
أما الفائز الثاني في المسابقة، التي استهدفت الأعمار من 10 إلى 25 عاما، فقد حصل على بندقية كلاشينكوف وذخيرة في الاحتفال الذي حث فيه المتمردون الاباء على السماح للاطفال بتعلم كيفية الامساك بالسلاح وقتال العدو.
ويدخل متمردو الشباب والحزب الإسلامي في مواجهة مع حكومة الرئيس شيخ شريف احمد المدعومة من الامم المتحدة وذلك في احدث حلقات الصراع المندلع في البلاد منذ 18 عاما.
وتسيطر حركة الشباب، التي تنظر اليها واشنطن على انها تعمل نيابة عن تنظيم القاعدة، على معظم اجزاء جنوب ووسط الصومال وتستهدف ايضا الاطفال الصوماليين في كينيا المجاورة لتحويلهم الى التشدد وتجنيدهم في صفوفها
http://www.bbc.co.uk/arabic/middleeast/2009/10/091017_o...lia_shabab_tc2.shtml
|
Post: #24
Title: Re: جلد النساء لارتدائهنّ مشدّات الصدر! عجائب الظلاميين
Author: سعد مدني
Date: 10-17-2009, 08:45 PM
غايتو الذ عبارة طلعت من امخاخهم الحجرية هذه العبارة
(بحجة أن ذلك يخالف الإسلام لانطوائه على غش وتضليل)
غش في شنو و تضليل في ياتو!!!.
|
Post: #29
Title: Re: جلد النساء لارتدائهنّ مشدّات الصدر! عجائب الظلاميين
Author: أحمد عبدالوهاب الأحمدى
Date: 10-17-2009, 10:08 PM
Parent: #24
Quote: غايتو الذ عبارة طلعت من امخاخهم الحجرية هذه العبارة
(بحجة أن ذلك يخالف الإسلام لانطوائه على غش وتضليل)
غش في شنو و تضليل في ياتو!!!. |
أوريك كيف غش وتضليل!!
الواحد من الجماعة ديل..يقوم يعرس ليهو واحدة من الجماعة ديلك..
يقوم ياعمّك يلقى..صدرها مرفوع بالبتاعات ديلك ..مع إنّو مفروض يكون مرفوع( بالضمّة) الظاهرة خارج الفستان منع من ظهورها (الشدّة) الغشاشة بالبتاعات اللابسنها دى..
..
..
وقع ليك وللا نعيدو ليك
|
Post: #23
Title: Re: جلد النساء لارتدائهنّ مشدّات الصدر! عجائب الظلاميين
Author: زهير عثمان حمد
Date: 10-17-2009, 08:38 PM
Parent: #21
العزيز زهير
كيفك
انت طبعا في القاهرة ياخي الحاصل شنو لمجلة عادل الباز وبت الطويل المصرية ليه وقفت بالله أخ الاخبار
|
Post: #25
Title: Re: جلد النساء لارتدائهنّ مشدّات الصدر! عجائب الظلاميين
Author: زهير الزناتي
Date: 10-17-2009, 08:54 PM
Parent: #23
يا ابو الزهور ... لحسن الحظ لم أغادر السودان منذ ما يربو علي الثمانية عشر عاماً .. نستفيأ ظل الإنقاذ الوريف ... أصاب المجلة لعنة المجلات السودانية ... هي لعنة لا تعرف لها سبب .. تتوقف المجلة ويتشتت كادرها بين الصحف ...
|
Post: #26
Title: Re: جلد النساء لارتدائهنّ مشدّات الصدر! عجائب الظلاميين
Author: زهير عثمان حمد
Date: 10-17-2009, 08:57 PM
Parent: #25
أخي زهير
أحمدالله علي أنك لم تغادر الوطن الحبيب
دمت أخ
|
Post: #27
Title: Re: جلد النساء لارتدائهنّ مشدّات الصدر! عجائب الظلاميين
Author: عبد الرحيم حسب الرسول
Date: 10-17-2009, 09:25 PM
Parent: #26
في ظل غياب المرجعية الدينية
تحدث أفظع الأشياء
والمصيبة الكبرى يمكن بفقه آخر
تجلد كل من لم تضع مشد
الصومال هي ضحية الهوس السلفي
والتكفيري
هذا الشعب لا يستحق هذا
كان الله في عونهم
|
Post: #28
Title: Re: جلد النساء لارتدائهنّ مشدّات الصدر! عجائب الظلاميين
Author: Mustafa Mahmoud
Date: 10-17-2009, 09:52 PM
Parent: #27
اين كيزان و كوزات المنبر
ساكتين ليه
قولو حاجة
تتعدد الأسباب .. بنطالاً كان أم مشد ..
والضحية واحدة .. المرأة تمتهن
|
Post: #30
Title: Re: جلد النساء لارتدائهنّ مشدّات الصدر! عجائب الظلاميين
Author: سعد مدني
Date: 10-17-2009, 10:40 PM
Parent: #28
| Quote: وقع ليك وللا نعيدو ليك |
يعني يا ابوحميد الموضوع ما موضوع دين.
ديل باحثين علي ملذاتهم الدنيوية، و قاموا غلفوا غرضهم هذا بالدين.
زي جماعتك قالوا هي لله، و ثبت انها للسلطة و الجاه.
حصان طروادة دا خاشين بيهو اي محله تعجبهم، متخفين فيهو،و مافي زول شايف الاسلحة و (الدقون) جوة الحصان.
|
Post: #31
Title: Re: جلد النساء لارتدائهنّ مشدّات الصدر! عجائب الظلاميين
Author: أحمد عبدالوهاب الأحمدى
Date: 10-17-2009, 11:00 PM
Parent: #30
الحاجة المحيرانى ياسعد
يعنى جماعتك ديل وصلو مرحلة ..يدققوا فى صدور النسوان لغاية ما يجزموا بأنو الواحدة لابسة ستيانة وللا لا.......وين الأولى ليك والتانية عليك..ووين غضوا من أبصاركم..!!
يا أخى نحنا والله..شبعنا من دين الشعارات..والقِشرة..والبقت لا تغنى ولاتسمن من جوع غير إنها شوهت صورة الإسلام وضيعت الفرصة على الكثيرين للدخول فيه..وأصبحت صورة المسلم فى نظر الغير هى تلك الصورة الغجرية والعشوائية والإرهابية والإنتهازية ....
..
..
تابعت بوست الفساد تبعك....شفى الله صدرك كما شفيتنا..ياحبيب
|
|