ست الدار بصوت محمد النصرى ابداع عديل كده

Post: #1
Title: ست الدار بصوت محمد النصرى ابداع عديل كده
Author: معاوية عوض الكريم
Date: 10-16-2009, 09:45 AM

والتحية للشاعر محمد الحسن سالم ( حميد )

Post: #2
Title: Re: ست الدار بصوت محمد النصرى ابداع عديل كده
Author: منال
Date: 10-16-2009, 09:54 AM
Parent: #1

تسلم على هذه الرائعة

سلام

Post: #3
Title: Re: ست الدار بصوت محمد النصرى ابداع عديل كده
Author: معاوية عوض الكريم
Date: 10-16-2009, 10:00 AM
Parent: #2

Quote: تسلم على هذه الرائعة

سلام

منال

كيفك ياخ

شنو من زمن الموبايل الراح ؟

شكرى وتقديرى

Post: #4
Title: Re: ست الدار بصوت محمد النصرى ابداع عديل كده
Author: ديامي
Date: 10-16-2009, 10:15 AM
Parent: #3

رابط الحفظ يا حبيب

Post: #5
Title: Re: ست الدار بصوت محمد النصرى ابداع عديل كده
Author: معاوية عوض الكريم
Date: 10-16-2009, 10:32 AM
Parent: #4

Quote: رابط الحفظ يا حبيب

ممكن تدخل على المسنجر

فى البروفايل .

Post: #6
Title: Re: ست الدار بصوت محمد النصرى ابداع عديل كده
Author: Mustafa Mahmoud
Date: 10-16-2009, 10:35 AM
Parent: #4

معاوية انت تتدخل في جميع بوستاتي

مع شلة عيال الامن الاسفيري

و تكتب كلام كلو اساءات شخصية لي

اود ان اسالك

1- هل تعرفني

2- ما هو شعورك لو انا كتبت في هذا البوست مثل الكلام السخيف و المسيىء الذي تكتبه في بوستاتي حتي في بوستات الشعر

رجاء خلي عندك شوية ذوق و ما في داعي تكتب كلام مش جميل حتي في بوستات الشعر الجميل للاستاذ نزار

طبعا انا لم ارد لك من قبل علي كلامك و لو نكرت انك بتعمل الكلام العيب داممكن اعمل ليك كوتات بكل السخف الذي كتبته في حقي

هسي كده فكر في كلامي دا كويس

قبل ما ترد

ما رايك في ملاحقتك انت و عيال الامن لبوستاتي؟؟

مع الاعتذار لكل متداخل يعشق الجمال

Post: #7
Title: Re: ست الدار بصوت محمد النصرى ابداع عديل كده
Author: ارصد محمد جلال
Date: 10-16-2009, 11:08 AM
Parent: #6

كلك يمين واختار حفظ

التحية لك اخي معاوية

Post: #8
Title: Re: ست الدار بصوت محمد النصرى ابداع عديل كده
Author: معاوية عوض الكريم
Date: 10-16-2009, 11:15 AM
Parent: #7

Quote: كلك يمين واختار حفظ

التحية لك اخي معاوية

ارصد

اشكرك بحرارة ياخي

وما عدمناك ..

مودتى

Post: #9
Title: Re: ست الدار بصوت محمد النصرى ابداع عديل كده
Author: haroon diyab
Date: 10-16-2009, 11:27 AM
Parent: #8

معاوية الحبيب

شكرا لهذا الجمال
وجملت لينا جمعتنا
جمل الله ايامك

شكرا ود المايقوما علي رابط الحفظ

كل الود

Post: #10
Title: Re: ست الدار بصوت محمد النصرى ابداع عديل كده
Author: معاوية عوض الكريم
Date: 10-16-2009, 11:40 AM
Parent: #9

Quote: معاوية الحبيب

شكرا لهذا الجمال
وجملت لينا جمعتنا
جمل الله ايامك

هارون دياب

جمعة مباركة

واطنان التحايا يا راقى

خالص شكرى

Post: #11
Title: Re: ست الدار بصوت محمد النصرى ابداع عديل كده
Author: معاوية المدير
Date: 10-16-2009, 11:48 AM
Parent: #10

هذا الشاب ولد عملاقاً على مهد الطمبور...

تشكر أخي معاوية على هذه الإتكاءة المريحة،
أنا الأن بصدد كتابة بوست عن الرائع محمد
النصري...

لك التحية...

Post: #12
Title: Re: ست الدار بصوت محمد النصرى ابداع عديل كده
Author: معاوية عوض الكريم
Date: 10-16-2009, 11:55 AM
Parent: #11

Quote: هذا الشاب ولد عملاقاً على مهد الطمبور...

تشكر أخي معاوية على هذه الإتكاءة المريحة،
أنا الأن بصدد كتابة بوست عن الرائع محمد
النصري...

لك التحية...

معاوية المدير

كيفنك ياخي

فى وقت سابق كان هناك منتدى باسم الفنان محمد النصرى

ولكنه سرعان ما اختفى من الشبكة العنكبوتية.

وقد كتبت بوست هنا بهذا المعنى ولكن !

اشكرك على المداخلة

مع خالص شكرى تقديرى

Post: #13
Title: Re: ست الدار بصوت محمد النصرى ابداع عديل كده
Author: doma
Date: 10-16-2009, 03:49 PM
Parent: #12

شكرا شكرا يا معاويه
والخواجا يصور
صور بت الجنفاويه طالعي تكسر في واقود .

اتذكرت كلامك لي
انو في ناس لاعبين بالدين
وناس لاعبابا الامريكان

Post: #14
Title: Re: ست الدار بصوت محمد النصرى ابداع عديل كده
Author: doma
Date: 10-16-2009, 03:52 PM
Parent: #13

دا فنان رائع رائع
شكرا يا معاويه لهذه التحفه ست الدار
شكرا حميد شكرا محمد النصري

Post: #15
Title: Re: ست الدار بصوت محمد النصرى ابداع عديل كده
Author: doma
Date: 10-16-2009, 04:36 PM
Parent: #14

Quote: محمد الحسن حسن سالم (حميد )

( جواب أول )

باسم الحاضر والمستقبل
ست الدار بت أحمد قالت :
ليك يا الزين ود حامد شوقنا
أما بعد ،
المبعوتة المنك .. وصلت
ورُح فكيت الطلب الفوقنا
باقي الدين يا الزين خلصتو
قدر الفاضل .. مصروف راشد والتومات
والجايات من جاي .. لا جاي
زي ما قت لك قبال ده
شهر إتنين حا نطهر راشد
شهر إتنين المدرسة تأجز
الله يبعد العارضي تجينا
وراشد حالف ما يطهر
إلا أبوهو وعمتو تحضر
وإلا يجيبو الغنايين
شان الشوق بت سرنا ترقص
قلنا نجيب المداحين
طنطن .. أنا جاي من الحج
وعارف راشد لما يطنطن
كل الدنيا الفيي تطنطن
غايتو بشر .. بس ربو يهون
ما كلمتك بالتومات
أول البارح جني يرطنن
قالن نحنا الخواجات
بسم الله .. مرق حصلت
لقيت لك جعفر زارد البيت بالخواجات
يبقى حداشر وخواجية
ناس البلد الكسرو عليهن
صدو يقلبو في إيديهن
عدمانين من إسم حكيم
ولا خبيراً للمشروع
علماء آثار .. فضلت في آثار
ما خموها الجونا قبلكن .. شن خلولنا بلا حجار
الله يصرف الخواجات
بينات جعفر والمحجوب .. والمحجوب والخواجات
طقت حجي .. العمدة طفاها
باقي الناس الجات للفرجي ..
قنبو قيلو شبعو لحوم .. والخواجة يصور ساكت
ستة خرفن وتيس ما كفن
ستة خرفن في فد يوم
المعدوم أشكال وألوان
أي خدار في اليوم داك في
كملن رف كمين دكان
أول كفو الخواجات
بعدو العمدة وصمد الساقية
ناس المجلس والمشروع
بعدو الطلبة وباقي الناس
حتى الشفع والحروم
ستة خرفن وتيس إنصفن
ستة خرفن في فد يوم
جات من صالح بت كلتوم
تسكت تخبز طول اليوم
لمن حرقت الدولاب
قنبت المسكينة تدعي
الله يصرف الخواجات
غاية الليلة السقا يشولق
واطات الله دي ست رشاها
ما في غنوتاً ما غناها
ما في مدحتاً ما سواها
حمارو صبح لحق أمات طه
سب الدين والأمريكان
جنس بدع
زولك ده يحير
عند الجد كان أده ينقنق
عند الفارغة يشيل ويبعزق
إذكرت كلامك ليا ..
إنو في ناس لاعبين بالدين
وناس لاعبابا الأمريكان
الله يصرف الأمريكان
الله يصرف الصرفيكان
ما خلوني نشدتك منك
كيفن حالك والخرتوم
كيف المصنع والعمال
حالم لسع نفس الحال ؟
وما رقوك سووك باشكاتب ؟
يورينا الله زيادة الراتب
كيف الناس والحالة عموم ؟
والعزابة الكحيانين
سيد البيت عل ما زكاكم
لسع تقعو تقومو براكم ؟
قلبي معاكم
ربي يخدر عود ضرعاتكم
بالي معاك يا الزين ود حامد
بالي هناك والشوق الشوق
خلى شدير الجوف محروق
راجي مطيرة الزين ود حامد
نحنا نصاحاً زي واطاتنا
نحنا نصاح إلا القراص والتجار والحاصل البحصل كل صباح
شتلاتك قبضن
الحملان كبرن بلحيل
العضمين الروكة إنزرعن
اوعك تشفق من تالانا
ولا نبقالك مشغولية
زيك واحد مستورين وما ناسين المسئولية
هي يا الزين زغرد
بت ام زين جابت لها بت
ستة أولاد حتان البت
المحجوب ينشد من خبرك
شافعو محسب من يومين
التومات طيبات ونصاح
إلا غباش بلحيل آ الزين
راشد كرر .. شهر اتنين كان ما جيت أنا ما بطهر
الله يبعد العارضي تعال
كان فد دور يدوك يا تعال
كان بالخصم إن شاء الله تعال
وما تتوصى .. وداعة الله
أوعى البشغل والعربات والحيكومة السمها فاير

أم أولادك ست الدار بت أحمد جابر

ست الدار بت أحمد كيفك
جاني جوابك مفتوح شارع
جاني جوابك وانا بتذكر في ناس راشد والتومات
في الشتلات والحالة عموم
ناس حلتنا التحت .. الفوق
الليهم الله وعيشة السوق
جاني جوابك وانا بتصور
في المشروع وعمايل جعفر
ولما بكيت .. يا ست الدار
أيوة بكيت .. يا ست الدار
لما قريت علماء آثار
علماء إيه يا بت الناس
سواح إيه .. ما عندك راس
ست الدار تتوهدبي ليه
ديلا جماعة السي آي إيه
تعرفي إيه السي آي إيه ؟؟
امريكان في كل مكان
ديل مالين الدنيا ملي
ديل قالين الخلق قلي
باسم الدين والأمريكان أي عوج مبدي ومختوم
صوتنا هناك وهنا مكتوم
ومافي فرق في الوقت الراهن بين واشنطن والخرطوم
أنا مأزوم .. مأزوم .. مأزوم
يا خرطوم وينك وينك
يا خرطوم شن شبّ وقلبك وسلبك
حلبك ؟ زنجك ؟ بجتك ؟ نوبتك ؟ عربك ؟
أنا مأزوم .. مأزوم .. مأزوم
يا خرطوم أزمني الصلبك فوق الطلحة الأمريكية
يا خرطوم .. أوه خرطوم .. أوه واشنطوم
طن .. لفتك فجراً يقطع رحطك
ست الدار سامعاني يا اخيتي ومرتي وامي وأم الكل
أنا بندهلك من شارع الله .. فوقي هجير والتحتي بقل
سبي معايا الشردو راجلك .. والحرمونا شوية الضل
سبي الحالة العالة علينا .. حتى احكيلك بالتفصيل
حاصل الحاصل يا بت أحمد
جاني وفد في المصنع زاير .. وكان الوفد ده أمريكاني
لفّ وفات اليوم التاني
جانا مدير المصنع فاير
وشو حمار العمدة العاير
نف المصنع فيهو خساير
وقالوا يخفضوا مئتين عامل
مئتي عامل في فد مرة
مائتين عامل .. مائتين عامل
يبقوا هوامل .. يبقوا هوامل ؟؟
ما يهموش .. الهم المصنع
تفّ قراروا وفات في حالو
مسئولين ونقابيين مافي العارض واللا اترجى
العمال من سمعوا احتجوا ... سيرو موكب صامد وصامت
إتضامنا معاهم سرنا ..
أب عرام دور عربيتو .. العربية الامريكية
زنقح خلا الموكب ثابت
احتجينا مع الإحتجو
إتكلمنا كلام موضوعي
قلنا المصنع حق الدولة .. والعمال أصحاب الحق
هي اللي تقرر والتتولى
هي البتحدد سير المصنع
إيد العامل هي العاد تنتج
ما المكنات الأمريكية
زيت العامل ياهو البطلع .. مو المكنات الأمريكية
ودرن الأيدي العمالية
أنضف من لسنات الفجرة
ودين الدقن الشيطانية
ومن كرفتة البنك الدولي .. وكل وجوه الراسمالية
وأشرف من ..............
داك الحين المصنع هاج
جات عربات اللات بوليس .. فضوا العالم بالكرباج
والبمبان الأمريكاني
شرقت شمس اليوم التاني
كنا حداشر ونوباوية
متهمنا بالتخريب والتحريض والشيوعية
البوليس صاقع شيوعية
وفاكر نفسو بنبذ فينا
هي آ بوليس أمك مسكينة
البوليس عمدني شيوعي
التحقيق طلعني مدان
التحقيق طبعاً تحقيقهم أو تحقيق الأمريكان
اسبوعين عشناهم جوه
اسبوعين زادننا قوة
ست الدار ما تشفقي خالص
ست الدار أنا ياني الزين
ست الدار سامعاني كويس ؟
كل الهم ما يغشى الغم بيتنا وراشد والتومات
وكل الناس الحالهم شاهد
ست الدار الشوق الواحد
لي حلتنا وليكم ليكم
وللإشراق في عينيكم
وكل الناس الزولهم صامد
شوق وسلام .
الزين ود حامد
ردي سريع .. باليد .. باليد
في دورين موعود بي شغلة
لمت لمت .. كان ما لمت أنا جاييكم وما ندمان

( بعد الحاصل والإتحصل ست الدار بت أحمد تكتب ) :
زيني الزين .. أب حالاً زين
جاني جوابك .. يا المبروك
وسابني أشوف الدنيا كويس
وأعرف غلط الصاح مظبوط
سابني أميز .. وأقدر أفرز .. أرجع أميز
فرحانابك يا أحزان
فرح النار بي لوح الزان
مبسوطابك يا المبسوط
ما هزاني مصيرك
قدر ما هزوني الميتين عامل
ميتين عامل في فد مرة
ميتين اسرة تروح وين
في الأيام النجسة المرة
ميتين عامل؟؟
والله مهازل
والله عمايل
يا أوغاد .. وينا نقابة السجم الشوم
وين عمال السكة رماد
وين الطلبة ووين الوين
بعتو شفيعكم يا عمال
بعتو وجيعكم للراسمال
وشن راجين يا تعسا الحال
هاكم دي ..
والله مهازل
ميتين عامل ؟
والله عمايل
عامل ساكن في آخر الدنيا
وصل المصنع بآخر بنية
ينتج كيف؟ شغال بي فونيا؟
عامل ينتج عشرين حتة
تلحقو منها قيمة إتنين
ستة بغطوا المنصرفات
سبعة.. تمانية .. تسعة بغطوا
أدها تسعة المنصرفات
كل الفايض .. بدخل وين؟
قولوا البفضل بمشي لي مين؟
وبرضو خساير؟
والله مهازل
يا مضغوط .. خفض ميزك حبة تين
تنك القعدة تلاتة خطوط
خفف مرتك توب مضغوط
من التمسحبو كبابي الصين
خفض عمرك يا ابن الفانية
وبي نظارتك واجه ثانية
ثانية عيون الشغالين
ثانية وبس
والله مهازل
ميتين عامل ؟
ميتين بيت ؟
ميتين اسرة بلا راس خيط؟
ميتين اسرة ملوها جراح
ميتين اسرة حا تولد صاح
وليكم يوم يا أولاد الهرمة
ليه يا الزين بتوصي عليّ
وانا بت احمد ست الدار
ام اولادك وهم صغار .. ام اولادك وهم كبار
وياك الزين ود حامد داك
كان متوظف .. ياكا الزين
كان متوقف .. ياكا الزين
ليش يا الدخري توصي عليا
اسبوعين قضيتن جوه
يبقى غصب .. زادنك قوة
ليش يا الزين بتوصي عليا
ليش يا الدخري توصي عليا
وعارف ام راشد والتومات .. مرتاً دغري وغلباوية
آه يا الزين .. لو كنت معاكم .. كنت بقيت النوباوية
ما تهتم يا الزين بالحاصل
واصل سعيك .. واصل واصل
واصل سيرك
كان ما كنت الزين ود حامد كان حا يكونك واحد غيرك
في فضاء فالك يا إنسان
نسمة تقولك في الإمكان
أبدع واحسن من ما كان
ياتو مطرتاً سوت شو .. فرقو غيما الأمريكان
ياتو رصاص ما عقبو خلاص
ياتو سجن يا الزين ود حامد
ياتو محن تمحى الإحساس
لما يكون في الساس والرأس
ياتو وطن يا الزين ود حامد
ياتو زمن دام للأنجاس
طه ترابلتو راحو الديش
غزّا بكانا اتنين رطانة
صاقع كلو من اسماعين
هو الفسر لهن الشغلانة
ويا اسماعين
ما كان الديش شقّ مسيمعك بالجبخانة
لو المجلس قبل اوراقك .. أو في الثانوي لقيت لك خانة
لكن قدرك يا إنسان .. بلداً هاص هيصة جبانة
طالو الناس التريانين .. ضلو الله الما ضلانا
أخّدو نورة الحاج بالدق
باكر دور ما خشّ عليها
خاتي اللوم قطع التمرات الفوق راس بيتو
الخلفاء شكوهو وما لقو حق
المحجوب إتلقى اخبارك وقال جاييك في أول بص
البرسيم طهرنا البارح
نعجة راشد صبحت والدة
الحيضان سقناهن لوبي
التومات طيبات ونصاح
راشد طيب
وانا طيبين
كل الناس يا الزين طيبين
ينشدو منك في الأفراح
وفي الأتراح .. الزين الزين
ما تشغل بالك
بس يا الزين كان درت مشورتي
اصلو كتالك ياهو كتالك
تجي مندلي
الواطة تراها
وبي جاي جاي .. بندبر حالك
ما الحيكومة الضاقت دمك
عينا محل قبلت قبالك
شورتك عندك
عندك شورتك
والببقالك .. الببقالك
التمرات بعناها آ الزين
خفنا السوس ونزالة السوق
مبعوتالك عشرة جنيه
والأشواق من هنا لا عندك
ست الدار أحمد جابر
تلغرافات :
تلغرفين في وقت واحد :
نوري . السوق .. ست الدار بت أحمد جابر
المحجوب في قطر اليوم
عفش الزين
النوباوية
الخرطوم .. الخرطوم بحري .. كشك الشعلة .. الزين ود حامد
راشد راقد والواطة جعفر طالق فيها بهايمو
ست الدار بت احمد جابر
نوري السوق المحجوب ود أحمد جابر
كتب الزين .. كل الاوراق .. راشد كيف
النوباوية
الخرطوم .. الخرطوم بحري .. كشك الشعلة
النوباوية
أنا في السكة وست الدار
راشد ود الزين ود حامد

Post: #16
Title: Re: ست الدار بصوت محمد النصرى ابداع عديل كده
Author: الزوول
Date: 10-16-2009, 04:41 PM
Parent: #14

السلام عليكم

..
معاوية سبقتني ، جهزتها وقلت انزلها مع الويك اند

غايتو حميد ده مو نصيح
وود النصري زول فنان

.....

الكلمات مهداه لغير الشوايقة
وشوايقة لندن
وشوايقة الصين

...
<
جوابات ست الدار
جواب أول

باسم الحاضر والمستقبل
ست الدار بت أحمد قالت :
ليك يا الزين ود حامد شوقنا
أما بعد ،
المبعوتة المنك .. وصلت
ورُح فكيت الطلب الفوقنا
باقي الدين يا الزين خلصتو
قدر الفاضل .. مصروف راشد والتومات
والجايات من جاي .. لا جاي
زي ما قت لك قبال ده
شهر إتنين حا نطهر راشد
شهر إتنين المدرسة تأجز
الله يبعد العارضي تجينا
وراشد حالف ما يطهر
إلا أبوهو وعمتو تحضر
وإلا يجيبو الغنايين
شان الشوق بت سرنا ترقص
قلنا نجيب المداحين
طنطن .. أنا جاي من الحج
وعارف راشد لما يطنطن
كل الدنيا الفيي تطنطن
غايتو بشر .. بس ربو يهون
ما كلمتك بالتومات
أول البارح جني يرطنن
قالن نحنا الخواجات
بسم الله .. مرق حصلت
لقيت لك جعفر زارد البيت بالخواجات
يبقى حداشر وخواجية
ناس البلد الكسرو عليهن
صدو يقلبو في إيديهن
عدمانين من إسم حكيم
ولا خبيراً للمشروع
علماء آثار .. فضلت في آثار
ما خموها الجونا قبلكن .. شن خلولنا بلا حجار
الله يصرف الخواجات
بينات جعفر والمحجوب .. والمحجوب والخواجات
طقت حجي .. العمدة طفاها
باقي الناس الجات للفرجي ..
قنبو قيلو شبعو لحوم .. والخواجة يصور ساكت
ستة خرفن وتيس ما كفن
ستة خرفن في فد يوم
المعدوم أشكال وألوان
أي خدار في اليوم داك في
كملن رف كمين دكان
أول كفو الخواجات
بعدو العمدة وصمد الساقية
ناس المجلس والمشروع
بعدو الطلبة وباقي الناس
حتى الشفع والحروم
ستة خرفن وتيس إنصفن
ستة خرفن في فد يوم
جات من صالح بت كلتوم
تسكت تخبز طول اليوم
لمن حرقت الدولاب
قنبت المسكينة تدعي
الله يصرف الخواجات
غاية الليلة السقا يشولق
واطات الله دي ست رشاها
ما في غنوتاً ما غناها
ما في مدحتاً ما سواها
حمارو صبح لحق أمات طه
سب الدين والأمريكان
جنس بدع
زولك ده يحير
عند الجد كان أده ينقنق
عند الفارغة يشيل ويبعزق
إذكرت كلامك ليا ..
إنو في ناس لاعبين بالدين
وناس لاعبابا الأمريكان
الله يصرف الأمريكان
الله يصرف الصرفيكان
ما خلوني نشدتك منك
كيفن حالك والخرتوم
كيف المصنع والعمال
حالم لسع نفس الحال ؟
وما رقوك سووك باشكاتب ؟
يورينا الله زيادة الراتب
كيف الناس والحالة عموم ؟
والعزابة الكحيانين
سيد البيت عل ما زكاكم
لسع تقعو تقومو براكم ؟
قلبي معاكم
ربي يخدر عود ضرعاتكم
بالي معاك يا الزين ود حامد
بالي هناك والشوق الشوق
خلى شدير الجوف محروق
راجي مطيرة الزين ود حامد
نحنا نصاحاً زي واطاتنا
نحنا نصاح إلا القراص والتجار والحاصل البحصل كل صباح
شتلاتك قبضن
الحملان كبرن بلحيل
العضمين الروكة إنزرعن
اوعك تشفق من تالانا
ولا نبقالك مشغولية
زيك واحد مستورين وما ناسين المسئولية
هي يا الزين زغرد
بت ام زين جابت لها بت
ستة أولاد حتان البت
المحجوب ينشد من خبرك
شافعو محسب من يومين
التومات طيبات ونصاح
إلا غباش بلحيل آ الزين
راشد كرر .. شهر اتنين كان ما جيت أنا ما بطهر
الله يبعد العارضي تعال
كان فد دور يدوك يا تعال
كان بالخصم إن شاء الله تعال
وما تتوصى .. وداعة الله
أوعى البشغل والعربات والحيكومة السمها فاير

أم أولادك ست الدار بت أحمد جابر

Post: #17
Title: Re: ست الدار بصوت محمد النصرى ابداع عديل كده
Author: عمران حسن صالح
Date: 10-16-2009, 05:21 PM
Parent: #16

الله يطعِم مساكـ يا معاوية زي ما طعمت مساي ..
والله متكدر ومتوتر ما قادر اتنفس ..
وحاسي ليكـ بالحوش البريدو ده ( سموم سموم ) وكنت داير اتخارج إلا لقيت العنوان
ست الدار بت احمد تكتب ..
أها يا معاوية : خرمجتني خرمجة بي عنوانكـ ده ..
ذكريات القصيدة الكانت جديدة عبارة عن CV لفترة براها ..
نميري كان متحكِر والانتفاضة حلم قرَب
صديقي وليد يس محمد صالح ، كسلا ، وترديد متواصل منو :
ليك يا الزين ود حامد شوقنا
قصيدة سميناها سطر سطر وكانت سيناريو للبلد
قصيده ما لقت حقها من السمع والترديد ..
محمد النصري بالغ في تلحينه واختيارها أصلاً ..
قصيدة مليان كلام .. وكانت لسان الحزب الشيوعي أو عرضحالها للبد
قصيدة لا يكفي أن تسمعها مرة واحدة .. كلمات في قصة بتحكي زمان ..
وتحكي حسي !!! وده الغريب فيها ...

.
.
___________
دي طوبتي هنا

Post: #22
Title: Re: ست الدار بصوت محمد النصرى ابداع عديل كده
Author: معاوية عوض الكريم
Date: 10-16-2009, 05:40 PM
Parent: #17

Quote: دي طوبتي هنا

دى كمان عايزة ليها طوبة

ياخ مكانك دا تمشى وتجى تلقاهو محجوز

اشكرك كثيرا .. وبالتأكيد كل من يستمع للنصرى وحميد فهو انسان رااقى

شكرا يا حبيب .. وخليك قريب ..

Post: #19
Title: Re: ست الدار بصوت محمد النصرى ابداع عديل كده
Author: معاوية عوض الكريم
Date: 10-16-2009, 05:33 PM
Parent: #16

Quote: معاوية سبقتني ، جهزتها وقلت انزلها مع الويك اند

غايتو حميد ده مو نصيح
وود النصري زول فنان

.....

الكلمات مهداه لغير الشوايقة
وشوايقة لندن
وشوايقة الصين

الزوول

كيف يازول

ياخ ديل كلهم مجانين والغريبة جنّهم دا صادف جنّى زاتو

دي اغنية تسُر البال عديل كده .. ومهداه ليك انت برضو

ولكل سودانى اينما كان .

شكرى وتقديرى

Post: #20
Title: Re: ست الدار بصوت محمد النصرى ابداع عديل كده
Author: بركات بشير نجار بشير
Date: 10-16-2009, 05:34 PM
Parent: #16

شكراً معاوية
كلمات رائعة ولحن واداء اروع
لهما التحية

Post: #23
Title: Re: ست الدار بصوت محمد النصرى ابداع عديل كده
Author: معاوية عوض الكريم
Date: 10-16-2009, 05:46 PM
Parent: #20

Quote: شكراً معاوية
كلمات رائعة ولحن واداء اروع
لهما التحية

ولك التحية على الحضور الانيق

تحياتى

Post: #18
Title: Re: ست الدار بصوت محمد النصرى ابداع عديل كده
Author: معاوية عوض الكريم
Date: 10-16-2009, 05:23 PM
Parent: #13

Quote: اتذكرت كلامك لي
انو في ناس لاعبين بالدين
وناس لاعبابا الامريكان

قريبتى ماما دوما

سعيد جدا بوجودك هنا

بس شوفى لى طريقة للناس اللاعبابا الامريكان ديل

الباقى كلو هين !

لك شكرى

Post: #21
Title: Re: ست الدار بصوت محمد النصرى ابداع عديل كده
Author: عمران حسن صالح
Date: 10-16-2009, 05:35 PM
Parent: #18

بلاهي رابط الحفظ الفوق ده شغال يا شباب ... ؟؟؟

____________________
انت متين لفحتها يا معاوية ؟؟

Post: #24
Title: Re: ست الدار بصوت محمد النصرى ابداع عديل كده
Author: معاوية عوض الكريم
Date: 10-16-2009, 05:51 PM
Parent: #21

Quote: بلاهي رابط الحفظ الفوق ده شغال يا شباب ... ؟؟؟

خليك معانا بى جاى

لو حفظتها تانى ما بنشوفكـ

الرابط شغال ..

Post: #25
Title: Re: ست الدار بصوت محمد النصرى ابداع عديل كده
Author: معاوية عوض الكريم
Date: 10-16-2009, 06:06 PM
Parent: #21

Quote: انت متين لفحتها يا معاوية ؟؟

جيّهنا ليك الامور يا عمك

عشان كلامك السمح دا

Post: #26
Title: Re: ست الدار بصوت محمد النصرى ابداع عديل كده
Author: عمران حسن صالح
Date: 10-16-2009, 06:21 PM
Parent: #25

مشكور يا مواطن ..
خلاص كلم الزول الفاتل البوست ده يشوف طريقة للحكاية ( الممطوطه ) في بروفايلو دي

Post: #27
Title: Re: ست الدار بصوت محمد النصرى ابداع عديل كده
Author: حيدر بشير
Date: 10-16-2009, 06:26 PM
Parent: #25

يا الله يا معاوية ان شاء الله ربنا يفتح عليك دنيا وآخرة

و الله ياخى الطمبور دا يكون قاعد يدق فى قلبى من جوه وكمان محمد النصرى وحميده يا خى مبالغة دى

شكرآ لك على هذه الإستراحة الرائعة
ودا عنقريبى الهباب صنقرت فوقه تب

Post: #28
Title: Re: ست الدار بصوت محمد النصرى ابداع عديل كده
Author: معاوية عوض الكريم
Date: 10-16-2009, 06:55 PM
Parent: #27

Quote: يا الله يا معاوية ان شاء الله ربنا يفتح عليك دنيا وآخرة

حيدر

جُر عنقريبك جاي وشوف القهوة دي

سعدت جدا بحضورك الجميل ..

لك خالص الود

Post: #29
Title: Re: ست الدار بصوت محمد النصرى ابداع عديل كده
Author: دينا خالد
Date: 10-17-2009, 06:01 AM
Parent: #28

يا سلام يا حميد القصيده فيها تعريه
كاملة للثقافه السودانيه التى تنضح بالعنصرية
وتهميش الفئات المستضعفه فى مجتمعنا
هسه شفت الاولويات دى كيف ؟؟
أوووول ::: كفو الخواجات
بعدو ::: العمدة وصمد الساقية
حتتتى ::: ناس المجلس والمشروع
بعدو الطلبة وباقي الناس
حتى اخيييييرا واخرا الشفع والحروم !!!!!!!!!!!!!!!
بافى الناس ديل ياربى مننن ؟؟؟

تحياتى يا عوض الكريم

ـــــــــــــــــ
كلو كوم و ود الحلب الشايل العود ويدو مدممه دا كووم !!

Post: #30
Title: Re: ست الدار بصوت محمد النصرى ابداع عديل كده
Author: حمزاوي
Date: 10-17-2009, 06:36 AM
Parent: #29

صور بت الجنفاويه طالعي تكسر في واقود

Post: #35
Title: Re: ست الدار بصوت محمد النصرى ابداع عديل كده
Author: معاوية عوض الكريم
Date: 10-17-2009, 08:39 AM
Parent: #30

Quote: صور بت الجنفاويه طالعي تكسر في واقود

حمزاوى

مرحب بيك

ولك منى اردب من التحايا

Post: #40
Title: Re: ست الدار بصوت محمد النصرى ابداع عديل كده
Author: كمال مبارك
Date: 10-20-2009, 09:23 AM
Parent: #35

الاخ / معاويه ،، كيف حالك

يا ريت هذا الابداع ما ينزل ،، أو

يا ريت لو كان هنالك طريقه تجعل هذا الابداع يشتغل

بمجرد الدخول للمنبر العام ،،

ما تتعبونا بالبحث ،،، هل ممكن تحتفظ فى USB

كيف الطريقه

Post: #41
Title: Re: ست الدار بصوت محمد النصرى ابداع عديل كده
Author: معاوية عوض الكريم
Date: 10-20-2009, 09:43 AM
Parent: #40

Quote: الاخ / معاويه ،، كيف حالك

يا ريت هذا الابداع ما ينزل ،، أو

يا ريت لو كان هنالك طريقه تجعل هذا الابداع يشتغل

بمجرد الدخول للمنبر العام ،،

ما تتعبونا بالبحث ،،، هل ممكن تحتفظ فى USB

كيف الطريقه

الرائع كمال مبارك

هذا من ذوقك يا غالى

وان شاء الله ما نتعبك تانى

طلباتكـ اوامر ..

مودتى الاكيدة

Post: #31
Title: Re: ست الدار بصوت محمد النصرى ابداع عديل كده
Author: AnwarKing
Date: 10-17-2009, 07:14 AM
Parent: #29

أها يا معاوية،
هنا بصوت حميد نفسو...قاعدة في موقعنا منذ عام 2002
http://www.anwarking.com/poems/AnwarKing.com-ash3ar%207omid-sit%20aldar.wma

ثم شلنا محمد النصري زاتو وعملنا ليها شوية توم وشمار في الفيديو ده:

Quote: ست الدار بصوت محمد النصرى ابداع عد...
by Anwar Dafa-Alla
(videos)
16:16
إعادة إنتاج لمحتوى البوست الذي أبتدره الأخ معاوية بنفس العنوان: ست الدار بصوت محمد النصرى ابداع عديل كده
ست الدار بصوت محمد النصرى ابداع عديل كده
ست الدار بصوت محمد النصرى ابداع عديل كده

http://www.facebook.com/video/video.php?v=291521340251
والسلام...
أنور

Post: #37
Title: Re: ست الدار بصوت محمد النصرى ابداع عديل كده
Author: معاوية عوض الكريم
Date: 10-18-2009, 05:37 PM
Parent: #31

Quote: أها يا معاوية،
هنا بصوت حميد نفسو...قاعدة في موقعنا منذ عام 2002

عليك الله ادينا من السبايط دي

مشكور يا عمك على المشاركة الجميلة

لك ودي

Post: #32
Title: Re: ست الدار بصوت محمد النصرى ابداع عديل كده
Author: معاوية عوض الكريم
Date: 10-17-2009, 07:19 AM
Parent: #29

Quote: تحياتى يا عوض الكريم

دينا

صباحك زين

وما تنسي كمان

الله يصُرف الامريكان

لك ودي

Post: #33
Title: Re: ست الدار بصوت محمد النصرى ابداع عديل كده
Author: ديامي
Date: 10-17-2009, 07:26 AM
Parent: #32

معاوية شكلك كده ما فهمتني عايز شنو

علاقة رابط حفظ الأغنية بالبروفايل شنو ؟؟؟

Post: #34
Title: Re: ست الدار بصوت محمد النصرى ابداع عديل كده
Author: AnwarKing
Date: 10-17-2009, 07:53 AM
Parent: #33

ديامي يا حبيب تحياتي...
Quote: علاقة رابط حفظ الأغنية بالبروفايل شنو ؟؟؟

معاوية ده لسع ما أعترف بكونو برلوم!

Post: #36
Title: Re: ست الدار بصوت محمد النصرى ابداع عديل كده
Author: omar alhag
Date: 10-17-2009, 09:18 AM
Parent: #34

صاحب الخيط والذوق الرفيع
اتمني ان تنال هذه المساهمه الرضاء والقبول والتحية لكل من مر ... من هنا

الاستاذ حمدى جبر
http://www.youtube.com/watch?v=7oHZ3AA4fUQ

Post: #38
Title: Re: ست الدار بصوت محمد النصرى ابداع عديل كده
Author: ابو جهينة
Date: 10-18-2009, 07:48 PM
Parent: #36

شكرا معاوية
شكرا كثيرا فقد جعلتني أستمع إلى مسيرة طويلة من حياة سابقة

دمت

Post: #42
Title: Re: ست الدار بصوت محمد النصرى ابداع عديل كده
Author: معاوية عوض الكريم
Date: 10-20-2009, 10:58 AM
Parent: #38

Quote: شكرا معاوية
شكرا كثيرا فقد جعلتني أستمع إلى مسيرة طويلة من حياة سابقة

دمت

ابوجهينة

فعلا هذه الاغنية تحكى الحاضر والماضى

الله يصرف الامريكان تانى !

محبتى

Post: #39
Title: Re: ست الدار بصوت محمد النصرى ابداع عديل كده
Author: معاوية عوض الكريم
Date: 10-19-2009, 06:55 AM
Parent: #36

Quote: صاحب الخيط والذوق الرفيع
اتمني ان تنال هذه المساهمه الرضاء والقبول والتحية لكل من مر ... من هنا

مساهمة رائعة يا عمر

التحية لك ولكل الذين مروا من هنا

لك شكرى

Post: #43
Title: Re: ست الدار بصوت محمد النصرى ابداع عديل كده
Author: معاوية عوض الكريم
Date: 10-20-2009, 02:46 PM
Parent: #39

.

Post: #44
Title: Re: ست الدار بصوت محمد النصرى ابداع عديل كده
Author: معاوية عوض الكريم
Date: 10-22-2009, 09:26 PM
Parent: #43

فوق

Post: #49
Title: Re: ست الدار بصوت محمد النصرى ابداع عديل كده
Author: معاوية عوض الكريم
Date: 11-21-2009, 07:02 PM
Parent: #44

.

Post: #45
Title: Re: ست الدار بصوت محمد النصرى ابداع عديل كده
Author: معاوية عوض الكريم
Date: 10-26-2009, 05:00 PM
Parent: #1

.

Post: #46
Title: Re: ست الدار بصوت محمد النصرى ابداع عديل كده
Author: احمد العربي
Date: 10-26-2009, 05:25 PM
Parent: #45

عجيب انت
والنصري
وحميد
والطنبور زاتو

Post: #47
Title: Re: ست الدار بصوت محمد النصرى ابداع عديل كده
Author: معاوية عوض الكريم
Date: 10-26-2009, 05:36 PM
Parent: #46

Quote: عجيب انت
والنصري
وحميد
والطنبور زاتو

العربى

مساء الخير ( بتوقيت السودان المحلى )

سعدت جدا بوجودك هنا ، لك منى التحية

Post: #48
Title: Re: ست الدار بصوت محمد النصرى ابداع عديل كده
Author: معاوية عوض الكريم
Date: 10-29-2009, 05:49 PM
Parent: #47

............