لا تنغشو يا الأخوان أو دفن الليلة ابكراعن برة أو قطع التيار" الله يستر في" اللهم لا شماتة

ياهلالاب قبيل قلتو الكفر اسيادو
قلتولنا الهلال مابينهزم في بلادو
قلتولنا الفريق في كامل استعدادو
فريق مازيمبي يتضرع تقول في بلادو
القلتولنا معروف مقبرة ابطال
دفنكم فيهو مازيمبي ورقادكم طال
لو كان عندكم للكاس بصيص امال
مباراة الذهاب ابقولنا فيها رجال
كلامكم في الجرائد كلو ما كان صاح
وحقو يكتبوكم فيهو ايستيضاح
فريق مازمبي في كل الخطوط مرتاح
وانتو معاهو في الميدان تقول اشباح
الراجيك تجيبلو الخمسة جات معكوسه
في ليلة الأحد مازمبي كان كابوسه
تجاربو الخاضه كلها ما استفاد بدروسه
ما فادوهو لا امبيلي لا ايفوسا
قلتولنا الهلال بدر اكتمل متجلي
وفي ليلة التمام ظهر الخسوف الكُلِي
الكنقولي للقون شوتو ما بتجلي
خمسه اقون تقول اكنتو لاعبين بلي
بعد عشرين دقيقة بدأ الهلال ينهار
لقي شوية هبوب بي قطعة التيار
انبهط المدرب وفي البقت محتار
سيد الدار بقي ضيف وضيفو سيد الدار
ليلتك يا الاحد للهلالنا اسود ليلة
مطر مازمبي غلبو دفاعه وكتر السيله
التوفيق بعيد ماجانا بي التشكيلة
صحيح احرزتو قونين إلا ماخدين كيلة
زغاريدنا وكروت افراحنا ماليا الديرة
دلاليك الكسمبر هابكا لاحقه السيرة
هلالنا مجرتقنو هلال وسوط وضريرة
ذنبي عليك يا مازمبي خمسه كتيره
الليلة الهلال في استادو مقطوع ريحة
وفيهو عشمنا كان يحرز نتيجه مريحه
غرقت مركبو من اول التلقيحة
لا تنغشو يا الاخوان نتيجتو فضيحة
ما كان عندو كورة نزلت عديل في مكانا
اول قون فرحنا إلا العشم غشانا
ما لقينا الولد من القلب فشانا
ياااا امبيلي معاهم انت والا معانا؟
الأسماء القبييييل متل الدهب لمعانا
ما قايلنها بتغيب قبُل آوانا
لا ايفوسا لا مساوى نالو رضانا
بعد ها الحاله نرجي الفي الذهاب راجيانا
ــــــــــــــــــــــ
الشعر لجبر الله وهو شاب من منطقة سلوى.

يا الله درون

سفيانى يا صاحبى...

والله مشتااقين

بعدين انت شايت وين..؟؟؟




يوم امسيه مصطفى السنى كنا حضورا و بعدها عرفنا
بحضورك و وجودك فى نفس المكان..خيرا فى غيرا

تسلم...

Quote: سفيانى يا صاحبى... والله مشتااقين بعدين انت شايت وين..؟؟؟

وييييييين يا فنان
كيفك يا ود عمي عثمان ؟

ياخ دي عايزه ليها سعالاااات ؟
شايت وين شايت ضد ناس ابو خمسه
ديل طبعا.
تتذكر زماااااانك في المدارس كان
في نشيد بيقول :-
هلا الهلال وهلا مرحباً به وسهلا
لووووووووول
هسي بعد الخمسة دي بقي :-
..... و....... والعفنه جاءت في الحله
هاهاهاهاهاهاهاها

المهم ....
مشتاقووووون

Quote: يوم امسيه مصطفى السنى كنا حضورا و بعدها عرفنا بحضورك و وجودك فى نفس المكان..خيرا فى غيرا

لاحولااااااااا
اول مرة اسمع الكلام ده !!!
كدي اجدع تلفونك جوه.

كن بخير

العزيز سفيان
مشتاقين
عقبال ما تشوت انت ونقول ليك مبروك

Quote: عامر باضاوي

انت عامر ولدنا بتاع الشعبية
ولا واحد تاني ؟







____
سفيان
بوست غير موفق خاااالص
وانا شايف احسن تقوم تلف

اخ عبد الوهاب
تحياتي
في اخونا عامر اخو عادل فسيحه في الشعبيه -وانا جارهم في الميرغنيه
مع تمنياتي للجميع بالصحه والعافيه

Quote: وانا جارهم في الميرغنيه

ايواااا داك اسمو عامر صديق
ابوة انت شقيق عثمان وعصام الاصغر اتذكرتك ؟
انا ما اظنك بتعرفني لاني ما كنت بلعب كورة
بس معانا هنا بدرالدين اسحاق (الزنجي)
وصلاح عباس القون وعماد عبدالله اخو ود النادر
تهانينا ليك بالعضوية في سودانيزاونلاين
ونشوفك ونسمع عنك كل خير

شكرا الاخ عبد الوهاب
تحياتي لهم جميعا
ولنا لقاء ان شاء الله

غايتو جنس فوضى

الواحد يمشي يصلي الجمعه
ويغشي قندهار ويجي
يلقي عامر باضاوي بقي عضو
في المنبر وطاقي الحنك والونسه
مع عبد الوهاب وكمان وهبة عايز
يعمل فيها بيعرفو ويحدده معاهو
ياناس :-

Quote: Quote: عامر باضاوي انت عامر ولدنا بتاع الشعبية ولا واحد تاني ؟

وعامر يرد:-

Quote: اخ عبد الوهاب تحياتي في اخونا عامر اخو عادل فسيحه في الشعبيه -وانا جارهم في الميرغنيه مع تمنياتي للجميع بالصحه والعافيه

ووهبة تاني:-

Quote: Quote: وانا جارهم في الميرغنيه ايواااا داك اسمو عامر صديق ابوة انت شقيق عثمان وعصام الاصغر اتذكرتك ؟ انا ما اظنك بتعرفني لاني ما كنت بلعب كورة بس معانا هنا بدرالدين اسحاق (الزنجي) وصلاح عباس القون وعماد عبدالله اخو ود النادر تهانينا ليك بالعضوية في سودانيزاونلاين ونشوفك ونسمع عنك كل خير

وعامر يعقب:-

Quote: شكرا الاخ عبد الوهاب تحياتي لهم جميعا ولنا لقاء ان شاء الله

ياخ لفو كده والا كده
اصلاً ده اسلوب الرشاشات
في اغراق البوستات التي
تفضحهم .



تحت تحت:-

يا عامر وحاتك مشتاقين .


وهبة لف كده والا كده .

مازمبي جااااااااك

الليلة يوم الرجاااااال

Quote: الليلة يوم الرجاااااال

يارياااااااااااااااال..

على قول الكويتين..
ياعمك ده حكاية محسوبةزي حكايات الحصار الاول..
عفريت مابيمرق
قال رشاشات قال...

كرنقو





سلاااااامات وكدا