Post: #3 Title: Re: الزهج الزهج الزهج ........الى ما لا نهاية Author: عبير خيرى Date: 10-16-2009, 03:54 AM Parent: #2
.
التغيير يا حبيبة التغيير
غيري ما تستطيعي ترتيب الأوضة الاصحاب البرنامج اليومي الشغل الدراسة الهوايات أي واحدة من ديل بقت ممله غيريها بشيئ يملأ عقلك وفراغك
تسلمي
Post: #13 Title: Re: الزهج الزهج الزهج ........الى ما لا نهاية Author: سناء عبد السيد Date: 10-17-2009, 04:05 AM Parent: #3
Quote: التغيير يا حبيبة التغيير
غيري ما تستطيعي ترتيب الأوضة الاصحاب البرنامج اليومي الشغل الدراسة الهوايات
حاولت اغير شكل البيت لكن ما قدرت لأني لمن اكون زهجانة ما بكون عندي موتفيشن لعمل اي شي البرنامج اليومي ثابت ما بقدر اغيرو لأنو واقع الحتة الأنا قاعدة فيها بتطلب كده اما تغيير الأصحاب فبرضو فيهو مشكلة, يعني واحدة زي هيومة اللكة دي يسيبوها كيف , دي انا كلمتها عديل قلت ليها انتي قرادة و افكارنا ما واحدة لكن برضو ما بتحس و ما عايزة تسيبني في حالي
Post: #4 Title: Re: الزهج الزهج الزهج ........الى ما لا نهاية Author: طارق ميرغني Date: 10-16-2009, 12:19 PM Parent: #2
الاخت سناء
الدخول للبوستات هو بحد ذاته حاله
وحالتي التي استدعتني الدخول
العنوان
زهج والله ابو لستك
او كما يقولوا ينقطع بسكين.
بعدين القصه مش فراغ بس
دي عباره عن فته اشياء او بوش مشاكل.
ربنا يحلنا وفي انتظار الحلول..
Post: #5 Title: Re: الزهج الزهج الزهج ........الى ما لا نهاية Author: معتز القريش Date: 10-16-2009, 05:44 PM Parent: #4
ود الكلب الزهج انتي شبهو ولا قدرو
سلامتك اسم الله عليك تعالي الدوحة
Post: #6 Title: Re: الزهج الزهج الزهج ........الى ما لا نهاية Author: العوض المسلمي Date: 10-16-2009, 08:40 PM Parent: #5
الزهج عام يا سناء عليك بسفره ولو داخليه بتريحك ..
Post: #7 Title: Re: الزهج الزهج الزهج ........الى ما لا نهاية Author: وليد الطيب قسم السيد Date: 10-16-2009, 08:47 PM Parent: #6
اتزوجى لو ما متزوجه....
Post: #8 Title: Re: الزهج الزهج الزهج ........الى ما لا نهاية Author: عمار عبدالله عبدالرحمن Date: 10-16-2009, 08:54 PM Parent: #7
العزيزة سناء عبدالسيد
فكي زهحتي بكم بوست دسم ,, خاصة بعد غيابك من البورد ...
Post: #9 Title: Re: الزهج الزهج الزهج ........الى ما لا نهاية Author: rani Date: 10-16-2009, 09:41 PM Parent: #8
Quote: اتزوجى لو ما متزوجه....
وليد الطيب قسم السيد دا كلام لكن.. ياخوي ؟؟ . . ياسناء اختي.. تبقي سودانية كيف.. لو مابقيتي زهجانة.. لكن علي اي حال زي ما قال ليك واحد اخونا فوق .. "غيري" اعملي حاجة مختلفة.. يعني ممكن تصرخي بصوت عالي خلي الجيران يقولو جنت.. اسمعي اغاني.. ما تتسوكي او تستحمي لمدة يومين او تلاتة.. وسخي البيت.. ختي العدة في الدولاب وشيلي الهدوم ختيها في التلاجة.. واهم حاجة تنكشي شعرك. ما تاكلي واذا جعتي شديد ممكن بس اتاكدي من انك حتخلي باقي الاكل في محلو يعني ما تلمي العدة ولا باقي الاكل.. ووسخي اكبر عدد ممكن من العدة .. يعني ممكن تملي الحوض عدة وسخانة لمدة كم يوم كده ( عارفك قاعدة تعملي كده مرات) اقفلي التلفزيون.. وممكن تقطعي وصلة الكهرباء.. بالاخص لو كان عندك تلفزيون السودان.. ام سودانيس اونلاين دا ادخلي واي زول زهجانة منو او شايفه انو فاكيها في نفسو امليهو فقر لحدي ما بكري يوقفك.. . . بعداك اتحكري واقعدي في الواطة.. واتمعني في الحال الحولك.. لحدي ما تزهجي منو.. لمن تزهجي من الوضع حتقومي تستحمي وتنضفي .. وبعد ما تنتهي من النظافة حتلقي الزهجة فكت براها.. . . هي بكلمك جد.. دا علاج مجرب وناجح مية المية.. بس جربيهو .. . . . . . . . . . . . . . . هي قال ليك صرخي ما تضحكي.. بطلي ضحك وقومي اعملي القولنا ليك عليهو.. اول مرة اشوف لي زهاج بيضحك كده.
Post: #10 Title: Re: الزهج الزهج الزهج ........الى ما لا نهاية Author: rani Date: 10-17-2009, 01:28 AM Parent: #9
اسمعي ولو ضاقت كتير امشي شوفي ليك فكي ذي دا
Post: #19 Title: Re: الزهج الزهج الزهج ........الى ما لا نهاية Author: سناء عبد السيد Date: 10-17-2009, 04:31 AM Parent: #9
Quote: يعني ممكن تصرخي بصوت عالي خلي الجيران يقولو جنت.. اسمعي اغاني.. ما تتسوكي او تستحمي لمدة يومين او تلاتة.. وسخي البيت.. ختي العدة في الدولاب وشيلي الهدوم ختيها في التلاجة.. واهم حاجة تنكشي شعرك. ما تاكلي واذا جعتي شديد ممكن بس اتاكدي من انك حتخلي باقي الاكل في محلو يعني ما تلمي العدة ولا باقي الاكل.. ووسخي اكبر عدد ممكن من العدة .. يعني ممكن تملي الحوض عدة وسخانة لمدة كم يوم كده ( عارفك قاعدة تعملي كده مرات) اقفلي التلفزيون.. وممكن تقطعي وصلة الكهرباء.. بالاخص لو كان عندك تلفزيون السودان.. ام سودانيس اونلاين دا ادخلي واي زول زهجانة منو او شايفه انو فاكيها في نفسو امليهو فقر لحدي ما بكري يوقفك.. . . بعداك اتحكري واقعدي في الواطة.. واتمعني في الحال الحولك.. لحدي ما تزهجي منو.. لمن تزهجي من الوضع حتقومي تستحمي وتنضفي .. وبعد ما تنتهي من النظافة حتلقي الزهجة فكت براها.. . . هي بكلمك جد.. دا علاج مجرب وناجح مية المية.. بس جربيهو ..
ههههههههههههههههه
والله يا راني بدل ما ابكي بصوت عالي قعدت اضحك بصوت عالي زي المجنونة
و نصايحك دي انا كان جربتها بمشي مستشفى المجانين عدل , انا جني و جن الوسخ و البشتنة
و خاصة وسخ البيت و الكركبة ما بستحملن نهائي , يعني تلقاني مع الزهجة صارة وشي و لاوية بوذي
و شايلة مقشاشتي و بنضف
ضحكتني والله مع اني لمن اكون زهجانة بحب اكون جادة ,شوف لي حل تاني
Post: #18 Title: Re: الزهج الزهج الزهج ........الى ما لا نهاية Author: سناء عبد السيد Date: 10-17-2009, 04:21 AM Parent: #8
Quote: العزيزة سناء عبدالسيد
فكي زهحتي بكم بوست دسم ,, خاصة بعد غيابك من البورد ...
يعز مقدارك يا عمار
كدي رشح لي كم موضوع دسم كده اسخن بيهم في المنبر شوية , يمكن الزهجة تفوت
Post: #17 Title: Re: الزهج الزهج الزهج ........الى ما لا نهاية Author: سناء عبد السيد Date: 10-17-2009, 04:18 AM Parent: #7
Quote: اتزوجى لو ما متزوجه....
هههههه
وازيد الزهجة بلة موش؟ عليك الله زول يقول زهجان يقولوا ليهو اتزوج عاد ما بالغت ياوليد
Post: #16 Title: Re: الزهج الزهج الزهج ........الى ما لا نهاية Author: سناء عبد السيد Date: 10-17-2009, 04:14 AM Parent: #6
Quote: الزهج عام يا سناء عليك بسفره ولو داخليه بتريحك ..
مافي اي طريقة ياالعوض
بالمناسبة بقيت كيف من التعب؟؟ان شاءالله تكون تمام
Post: #15 Title: Re: الزهج الزهج الزهج ........الى ما لا نهاية Author: سناء عبد السيد Date: 10-17-2009, 04:12 AM Parent: #5
Quote: ود الكلب الزهج انتي شبهو ولا قدرو
سلامتك اسم الله عليك تعالي الدوحة
الله يسلمك يا معتز , فعلاً زهج ود كلب لأني لا سألتو لا جيت جنبو براهو كايس للشبك معاي
اقطعوا لي تكيت بجيكم
Post: #11 Title: Re: الزهج الزهج الزهج ........الى ما لا نهاية Author: سناء عبد السيد Date: 10-17-2009, 03:58 AM Parent: #2
حرام عليك أغاني ابو عركي في الأيام الما بكون فيها زهجانة بتبكيني و بتهيج احزاني و بتذكرني ناس الجامعة الما عارفاهم مشوا وين
رشح لي فنان تاني و للا شوف لي طريقة تانية تفك لي زهجتي دي
Post: #12 Title: Re: الزهج الزهج الزهج ........الى ما لا نهاية Author: د.نجاة محمود Date: 10-17-2009, 04:00 AM Parent: #11
اضربي لي تلفون
بالله راعي فروق الوقت...
Post: #14 Title: Re: الزهج الزهج الزهج ........الى ما لا نهاية Author: سناء عبد السيد Date: 10-17-2009, 04:09 AM Parent: #12
Quote: بعدين القصه مش فراغ بس
دي عباره عن فته اشياء او بوش مشاكل.
ربنا يحلنا وفي انتظار الحلول..
يعني الحالة عامة و ما براي ؟؟
فعلاً زي ما قلت هي بوش مشاكل ما تعرف تحل شنو و للا شنو
Post: #20 Title: Re: الزهج الزهج الزهج ........الى ما لا نهاية Author: سناء عبد السيد Date: 10-17-2009, 04:33 AM Parent: #12
Quote: اضربي لي تلفون
بالله راعي فروق الوقت...
حااضر يا نجوتة لينا الشرف والله , بس ما خايفة اعاديك بالزهجة
Post: #21 Title: Re: الزهج الزهج الزهج ........الى ما لا نهاية Author: سناء عبد السيد Date: 10-17-2009, 04:41 AM Parent: #20
حقيقي يا جماعة انا ما النوع البزهج بسرعة , عشان كده لمن تحصل مااا بتروح بالساهل
و مازلت في انتظار مقترحاتكم لي فك الزهجة
و بشكر كل الأخوات و الأخوان الاتصلوا علي , و بصراحة خففتوا علي كتير , ربنا يديم عليكم السعادة ان شاءالله
Post: #22 Title: Re: الزهج الزهج الزهج ........الى ما لا نهاية Author: عبدالله الشقليني Date: 10-17-2009, 05:39 AM Parent: #21
سيدتي : سناء
الكتابة بمشاعر محبة حقيقية ، تُحيل الكدر إلى إنجاز مُبدع .
*
Post: #23 Title: Re: الزهج الزهج الزهج ........الى ما لا نهاية Author: عبدالله الشقليني Date: 10-17-2009, 05:46 AM Parent: #22
Post: #24 Title: Re: الزهج الزهج الزهج ........الى ما لا نهاية Author: سناء عبد السيد Date: 10-18-2009, 00:52 AM Parent: #23
Quote: سيدتي : سناء
الكتابة بمشاعر محبة حقيقية ، تُحيل الكدر إلى إنجاز مُبدع .
شكراً شقليني على النصيحة الغالية و على الفديو الظريف والله ضحكت من جوة قلبي و شكراً اكتر على مساندتك لي ان شاالله ماتجيك زهجة زي زهجتي دي و يجعل ايامك كلها سعادة
Post: #27 Title: Re: الزهج الزهج الزهج ........الى ما لا نهاية Author: انعام عبد الحفيظ Date: 10-18-2009, 11:25 AM Parent: #24
سنوية يا بت دا كلو شنو؟؟؟؟ إتذكري أي يوم في حياتك من أيام الجامعة الأهلية وأكيد الزهجة ح تروح على طول
ـــــ انا ما مسئولة عن ذكريات بعينها
Post: #25 Title: Re: الزهج الزهج الزهج ........الى ما لا نهاية Author: Ammir Mohamed Date: 10-18-2009, 08:03 AM Parent: #1
عليك بالفسيخ .. الفسيخ!! فإنه لك وجاء!!
إذا عندك فسيخ من السودان جاهز قومي سخنيه أفتحي التلاجة شوفي ليك 7 حبات بصل أخضر غسليها جيبي شطة خضراء مع زبدة الفول السوداني (دكوة) مع شوية ملح وأخليطها اشتري عيش/خبز/رغيف سمون (توست) يكون كامل الدسم (يعني مليان لب)
شوفي الساعة كم عندك هسع!!؟ 2 صباحا! تمام قومي يلا دخلي الرغيف المايكرويف سخني شوية كدة وتعالي دوري ...
بالنسبة للفسيخ لازم تسخني الكمية كلها عشان بعدين لو نقصت ليك لقمة زهجك حيزيد!!
أنا فكيت زهجتي كدة ... وبالمناسبة أنا متزوج والمدام أكلت معاي بي شراهة بعد داك (السكارى ما بشمو ريحة بعض)!!
الله يفك ليك زهجتك زي ما أنا فكيتها فيك هسع
أما بخصوص الألم والإحباط والتعب في كلنا في سرج واحد.
تحياتي
أمير أوية
Post: #26 Title: Re: الزهج الزهج الزهج ........الى ما لا نهاية Author: Adil Osman Date: 10-18-2009, 10:26 AM Parent: #25
