دراما سودانيــــــــــة بالإنجليزي !!!!!

حركة تدل على أنه ملاكـ نزل من السماء !!
أعطي مسكين " مديون وجائع " في مكان ما مبلغ من المال ،
وطلب منه أن يعطيه لأول ( شاكر وحامد ) يقابلو ويجي في ذات المكان ليأخذ أجرته لبحثه عن ( الزول الحامد وشاكر ) .
( المديون وجائع ) لفَ البلد ما قابل زول قال الحمد لله !!
رجع بالقــروش للملاكـ المفترض الذي أعطاه أجرته على المجهود مائة جنيه كاملة " بالجديد " وسألوا بتكفيكـ ؟؟
قال ليهو تكفي شنو ياخي ؟؟
وبدأ يشكي !! وطلب منه أن يعطيه من المبلغ المعاهو فرد الملاكـ :
لو قلت الحمد لله كان أديتكـ ليهم !!
!
!
!
بس .



________________
" إنجليزي ده يا هريدي " !!!!!

المزعلني إنو عرفت نهايته بعد مرور دقيقتين ..
والمزعلني أكتر إنو حضرتها للنهاية على قناة الشروق ذات مساء انتهى فيه البرنامج اليومي بإعادة معظم ما تم تقديمه في عيد الفطر الماضي .
كل ما أتذكر ( حُجى الحبوبات ) أستغرب من أين لهم ملكة الخيال وترتيب " الحكي " والتفاصيل ، رغم الأمية ومحدودية مجال المكان والخيال نفسو !!
يسموها المصريين ( ستي ) وهي تستحق الاسم .
حكي أنار طريق ( جنى الجنى ) فكبر مهندساً وعالماً وطبيبا وإنساناً وفقيراً معدماً يتمتع بالأخلاق والرجولة والفطنة وسعة الخيال والطرافة .
مالين البلد ، والبلدان الحولنا
هل عقرت حواء البلد في أن يخرج لنا كاتب درامي يعطينا شيئاً يحترم تفكيرنا وحاجتنا إلى الحكي ؟؟
ما في زول ( ترباية حبوبات ) يقدم لينا شي مقنع نتابعو بحرص وتذوق ؟؟

..
إذا كان الحوش ده بس مليان بى ناس حكيهم يملى الروح فرح ..
عماد عبد الله ، حبيب نورة ، أبو جهينة ، حمور وأسماء يعرفها كل من يدخل هنا ..!!
طيب معناتو البلد فيها ومليانة بس عايزة زول يفتش .
.
للأسف :
حلقة ضعيفة الفكرة والصياغة ( رغم أهمية الموضوع وصدقه ) .
والأمثلة كثيرة .

ياخي شوفو الحوش ده
مافيهو دراما ياما ..
شي كافور الإخشيدي ..
وشي واي واي ..
ممكن يطلع منها ما يفيد ..!!
مش أخير من سواتكم دي ؟؟