سوداني او مولود لأب سوداني داخل او خارج السودان؟ الرعل مرفوع

سوداني او مولود لأب سوداني داخل او خارج السودان؟ الرعل مرفوع


10-13-2009, 01:02 PM


  » http://sudaneseonline.com/cgi-bin/sdb/2bb.cgi?seq=msg&board=250&msg=1255435342&rn=0


Post: #1
Title: سوداني او مولود لأب سوداني داخل او خارج السودان؟ الرعل مرفوع
Author: ود العجمى
Date: 10-13-2009, 01:02 PM

سوداني او مولود لأب سوداني داخل او خارج السودان؟
يجب ان تخضع للجنة الاختيار العامة و بعد ذلك للجنات فرعية متخصصة
و التصنيف سيكون كالاتي:
عندك شهادات و واسطة: حبابك ألف!
ماعندك شهادات وعندك واسطة: برضو حبابك ألف!
عندك شهادات و خبرة و ماعندك واسطة: سيب رقم تلفونك في الاستقبال و اكيد حاتسمع مننا..
ماعندك شهادات و لا واسطة: امشي انتحر!



شين و صوتك حلو: تبقى فنان!

شين و صوتك ماحلو: برضو فنان!
سمج و دمك يلطش و تجيد فن مصمصة الشلاليف و غرويد العيون و الأاااااهآآآآآت: اذن انت مذيع سوداني!
سمحة و غبية:- نوعين الاول سمحة و نحيييفة: مذيعة في النيل الازرق!
التاني سمحة و سمينة: < /SPAN>هارموني او الشروق!
شينة و سمينة: تلفزيون السودان!
شينة و مسيخة: مضيفة جوية!



عدم احساس جلد تمساح: ناس سودانير!

قنعان من روحك و عايز تدعم المنتج المحلي: تركب سودانير!



سبع صنايع و البخت ضايع: موظف حكومة، مدرس، سواق تكسي!

سبع صنايع و البخت الرائع: موظف اتصالات!
امك داعية ليك: ياخدوك في شركة دال !
رجل المستحيل: كستمر كير!
المستحيل بي عينو: خدمة سودانية ترقى لمستوى لا بأس!
عزيز قوم ذل: طبيب
مصاص دماء: تشتغل في جهاز المغتربين!
سياسي عمرك فوق المية (ديناصور): معارضة!
خالي مؤهلات و مستهبل: سفير للسودان بالخارج!
خالي مؤهلات و أهبل: مسؤول

كترتا و مسختا: مستشار
عايز تشتهر: اخترع ليك حركة خزعبلاوية لتحرير السودان!
حمار شغل: الفئة دي مافي عندنا!
مدهوك معجون معفوص ممغوس موجع مقطع مرقع جيعان وسخان قرفان تلفان سجمان رمدان غالبك التسوي: مبروك انت مواطن سوداني!


الشكر لساعى البريد - هوت ميل

Post: #2
Title: Re: سوداني او مولود لأب سوداني داخل او خارج السودان؟ الرعل مرفوع
Author: عبدالمجيد الكونت
Date: 10-13-2009, 04:20 PM
Parent: #1

Quote: عزيز قوم ذل: طبيب

Post: #3
Title: Re: سوداني او مولود لأب سوداني داخل او خارج السودان؟ الرعل مرفوع
Author: معاوية عوض الكريم
Date: 10-13-2009, 06:28 PM
Parent: #2

عبد المجيد

ياخ انت لو ما عندك شغلة

قوم لف

Post: #4
Title: Re: سوداني او مولود لأب سوداني داخل او خارج السودان؟ الرعل مرفوع
Author: ود العجمى
Date: 10-14-2009, 08:19 AM
Parent: #3

معاوية عوض الكريم


كدى فى الاول سلم على سيد البوست