Post: #1 Title: ان شاء الله اسووا فينا السبعة وزمتها نحن رضيانين! Author: هشام هباني Date: 10-13-2009, 05:54 AM
( انت عايزنا نكاتل عشانك انت بالنيابة عنك وانت ضارب الراحات في امريكا وداير تجي ساكت بالباردة وشد واركب...لا يا حبيب تلقاها عند غافل نحن رضيانين بيهم الكيزان ديل ان شاء الله احشونا عديل!)
اعلاه كانت اجابة احد القادمين من السودان عبر( اللوتري) صادفته قبل ايام في مناسبة عامة جمعتني به مع لفيف من السودانيين الطيبين وقد كان يستمع الى وانا احكي كعادتي في الشان العام عن تردى الاوضاع السياسية والاقتصادية في الوطن بشكل غير مسبوق وهو امر تضرر منه كل الشعب السوداني حيث الفساد والقهر والتحلل الاخلاقي بين الشباب من الجنسين وصل معدلات غير مسبوقة في تاريخ السودان وهو امر يستدعي خروج جموع الشعب كي ترفض هذا الواقع العطيب مطالبة بالتغيير كما خرجت من قبل في اكتوبر وفي ابريل في فترات فائتة واستطاعت فيها ان تطيح باعتى الانظمة الدكتاتورية المحلية لان الامر وصل اليوم مرحلة لا يمكن السكوت عليها حيث باتت حياة الناس واخلاقها في خطر بسبب هذا النظام المجرم الفاسد! وكان ردي اليه بسؤال استنكاري : وهل يا اخي من الشرف والكرامة و( الرجولة) ان يصمت الانسان قابلا بالظلم والذل الواقع عليه بلا ادنى مقاومة لانه في اعتقاده بمقاومته سيحقق منفعة لاخرين ولذلك يمتنع عن فعل المقاومة اذا كان سيحقق منفعة لاخرين!؟ وهذا يعني بذات المنطق يا اخي انك ستقبل ان يفعل بك الظالم واهلك الفعل الشائن ولن تقاومه لانك تقدم خدمة لاخرين لا ترغب في مجيئهم الى السلطة ولذلك اثرت الصمت!؟ اجاب بالايجاب حينها قلت له : انت ( قواد) بذات المفردة السودانية المطابقة لهذا المعنى! وكدنا حينها ان نتعارك ونحيل بيت المناسبة الى جحيم ولكن اهل الحل والعقد ( باركوها) وتم ايقاف الحوار عند تلكم النقطة و( القواد) يرمقني بنظرات ملتهبة ليته لو صرف عشرها في وجه اخر ضابط جوازات مرتشي تركه في صالة المغادرة حين غادر الوطن لاول مرة بلهفة الى عالم الشتات الوطن المنفى لائذا بجلده من جحيم السودان الوطن( الشقيق)!؟
Post: #2 Title: Re: ان شاء الله اسووا فينا السبعة وزمتها نحن رضيانين! Author: هشام هباني Date: 10-13-2009, 06:01 AM Parent: #1
Post: #3 Title: Re: ان شاء الله اسووا فينا السبعة وزمتها نحن رضيانين! Author: وليد محمد المبارك Date: 10-13-2009, 06:24 AM Parent: #2
الاتنين حقو تتكلموا في موضوع وطنكم امريكيا ومشالكه
مالكم ومال مشاكل الناس التانين
Post: #4 Title: Re: ان شاء الله اسووا فينا السبعة وزمتها نحن رضيانين! Author: Mustafa Mahmoud Date: 10-13-2009, 08:56 AM Parent: #3
ميزانيات كبيرة مرصودة لامنجية المنابر وبنود صرف خرافيه.
خدمات انترنت مجانية علي مدار ال 24 ساعة
الامنجيه لن يبدو اطلاقا كمناصرين بشكل واضح للمؤتمر الوطني
بل ممكن عادي يبتكروا وسائل مختلفه,ان يسوقوا انفسهم كناس بتوع مزيكا ومزاج
الخ الخ
او ناس ونسات عاديه او بيتوع شمارات و 000000...المهم يصرفوا الناس عن المواضيع الجاده
و دائما ما يحاول الشاويش امن اسفيري من ان يحرف مسار البوست بافتعال قضية جانبية او اساءة شخصية لصاحب البوست
Post: #5 Title: Re: ان شاء الله اسووا فينا السبعة وزمتها نحن رضيانين! Author: وليد محمد المبارك Date: 10-15-2009, 08:38 AM Parent: #4
الله اهديك يا جنا روق المنقة شوية ده بوست خاص بفضح الكيزان والامنجية بالله عاوزين دعمك وانت زول حقاني مشهود ليك بالصراحة والشجاعة لا بتجامل حكومة ولا معارضة خليك من مناقرة عمك دكتور مصطفي عمك مصطفي قاصد الامنجية والكيزان وانت لا امنجي ولا كوز مالك هايج.