امي كانت قاعده جمبي قبيل , شافتني بكتب ود عمي الاسفيري دي , قالت لي , ود عمك دي بنتفاهم فيها ,,, الاسفيري دي يعني شنو ...؟؟؟؟ لوووووول ..
الغريبه قالت لي كان عندنا خال ابوي اسنو ابراهيم المنصوري من الناس اللي هتجروا المغرب من زماااان واتزوج مغربيه وانقطعت اخبارو .. كدي شوفي ود عمك السفير دا ما بيعرفو ؟؟ لووول
بت عمي لوووووووووول عارفة مداخلتك فوق دي اثبتت لي انه انت بت عمي دم ولحم عم ابراهيم منصور حي يرزق وربنا يديهو الصحة اولاده بقوا كبار واحد ضابط والتاني استاذ لمن الحاجة كانت هنا الله يرحمها كانت بتتونس معاهو لانه طلعوا قرايب كدي اسال ابوك دة لو بيعرف اهل امي (عائشة يوسف محمد ابو دية) وبرضو عندي قرايبي هنا (ابراهيم وعبد الرحمن ميرغني) ابراهيم منصور دة خالهم شفتي الدنيا دي ضيقة كيف
Quote: بت عمي لوووووووووول عارفة مداخلتك فوق دي اثبتت لي انه انت بت عمي دم ولحم عم ابراهيم منصور حي يرزق وربنا يديهو الصحة اولاده بقوا كبار واحد ضابط والتاني استاذ لمن الحاجة كانت هنا الله يرحمها كانت بتتونس معاهو لانه طلعوا قرايب كدي اسال ابوك دة لو بيعرف اهل امي (عائشة يوسف محمد ابو دية) وبرضو عندي قرايبي هنا (ابراهيم وعبد الرحمن ميرغني) ابراهيم منصور دة خالهم شفتي الدنيا دي ضيقة كيف
طارق جبريل.....سلام اها ابوجعفر المنصور الذى بنى بغداد دحين ما جدا ليكم انت وبت الكباشى دى؟؟
انت وداليا طبعا من الجنس الارى البتسلبط فينا وبقول نحن اولاد عم الجعليين دحين داليا دى خليناها ليك.. لكن احذرك بى سلبطتك دى تقوم تطلع افراح عصام قريبتك لانو ديك ابوها يمانى وامها بت خالة ابو الجاب ايمان صليب اخلاق ود خالة بت عم ود خال ابو حبوبتى... شفت انا الصلبطة اللت الشاقية بعرفها..شاقى حواشابى وحمدتيابى واخلاق بتاعابى. داليا هادى طرفنا منها، لكن افراح يا طارق كان جيت ناحيتها ساكت الدم بصل الركب هسه كان ما الصلبطه انت من شبا وداليا من نورى وجد مجدوع فى المغرب زى ماقالت هى من زمن محمد الاول ونحن الان فى محمد السادس تجوا انتو الاتنين تعملوا بيه قرابة بت عمى حليلك، وود عمى كيفك. شوية شوية يطلع جدكم ده مشى اليمن زيارة يومين تطلعوه ود خال عمى عصام لزم مش؟ داليا معليش موضوع البوست جيت من هناك عشانه لكن سرارة اللعوت البتتلاقى يوم الموت حقتكم انتى وود عمك ده نستنى ياهو. جاييك يا عيون الصيد جية مخسوسة.. ياخى تسلموا وان شاء الله تطلعوا اخوان كمان والله يديم الاخوة بين الناس..سلمتما،،،