Post: #1 Title: ادارة السد ( أب قد) قالوا بكره الكهرباء حتقطع بالجد! Author: هشام هباني Date: 10-12-2009, 01:06 AM
سمعت قبل سويعات في تلفزيون السودان ان وحدة كهرباء السد ( اب قد) قررت من يوم غد الاثنين فصل العاصمة القومية عن امدادات شبكة كهرباء السد( اب قد) الى اجل غير مسمى بسبب اصلاحات في شبكة كهرباء السد ( اب قد)!
Post: #2 Title: Re: ادارة السد ( أب قد) قالوا بكره الكهرباء حتقطع بالجد! Author: Osman Musa Date: 10-12-2009, 01:32 AM Parent: #1
العزيز هبانى سلامات السدود ابات قدود كتار . ياتو سد أب قد فيهن البقطع ؟ تحياتى
Post: #3 Title: Re: ادارة السد ( أب قد) قالوا بكره الكهرباء حتقطع بالجد! Author: صديق عيسى صالح Date: 10-12-2009, 05:55 AM Parent: #2
والله الانقاذ بقت كلها قدود والسدود كلها قدود... ومسعود ضبح الخروف والخروف ضبح مسعود...والدود فوق العود والرئيس ظاااطو مقدود والزاد بالجود! وخربانة ام قدود!
Quote: تم عقد اجتماع برئاسة والى الخرطوم د. عبد الرحمن الخضر مع وزير الزراعة والثروة الحيوانية / صديق الشيخ ووزيرة الشؤون الاجتماعية/ اميرة الفاضل والخبير فى تحسين نسل الماعز د. احمد العاص .... ناقش الاجتماع استيراد سلالات ماعز محسنة من هولندا وسوريا لانتاج الالبان مع ذكور محسنة تساعد فى تهجين الماعز المحلى.... وبحث اللقاء كيفية الاستفادة من تجربة د.العاص فى ولاية الخرطوم لتشمل ثلاث فئات : 1/ الاسر الفقيرة 2/ الجمعيات الائتمانية 3/ الخريجين وتمليكهم ماعز محسن بتمويل من ديوان الزكاة وبنك الاسرة... وواقر الجتماع تكوين لجنة فنية لتنفيذ تمليك الماعز المحٍسن للشرائح الثلاث.
Quote: وواقر الجتماع تكوين لجنة فنية لتنفيذ تمليك الماعز المحٍسن للشرائح الثلاث.
تاااااااااني؟؟؟
يمكن الجماعة ديل مصدقين إننا شعب بدون ذاكرة!! الناس ديل ، في أوائل تسعينات القرن الماض ، وعلى لسان الرئيس ، فالوا ح ""يصرفوا"" ""يصرفوا"" - كدا عديل ، لكل موظف ، ""غنامبة"" ""غنامبة"" - كدا عديل ،عشان اللبن ، وكمان يصرفوا ليهو شوال عيش شهرياً.
Quote: Quote: وواقر الجتماع تكوين لجنة فنية لتنفيذ تمليك الماعز المحٍسن للشرائح الثلاث.
تاااااااااني؟؟؟
يمكن الجماعة ديل مصدقين إننا شعب بدون ذاكرة!! الناس ديل ، في أوائل تسعينات القرن الماضي ، وعلى لسان الرئيس ، فالوا ح ""يصرفوا"" ""يصرفوا"" - كدا عديل ، لكل موظف ، ""غنماية"" ""غنماية"" - كدا عديل ،عشان اللبن ، وكمان يصرفوا ليهو شوال عيش شهرياً.
