|
Re: شوايقة ...... ( الزول اليبيع الخوه ) !!!! ؟؟؟؟؟؟؟ (Re: ابراهيم بقال سراج)
|
الأخ /إبراهيم بقال
العنوان جاذب شديد ، وفرحت شديد قلت دا كلام من الصباح يفتح النفس عن الشوايقه ، الشوايقه الحاجه الحلوه الوحيده فيهم الغناء بتاعهم دا كسير شديد وحنين شديد كلمات مبالغه بس صدق من قال لو لقيت جنا الشايقي وجنا الدابي اقتل جنا الشايقي وخلي جنا الدابي
مشكور ابراهيم علي الصباح الجميل
| |
![Edit](https://sudaneseonline.com/db/blank.gif)
|
|
|
|
|
|
Re: شوايقة ...... ( الزول اليبيع الخوه ) !!!! ؟؟؟؟؟؟؟ (Re: هويدا شرف الدين)
|
غايتو يا هويدا الفيك اتعرفت
لكن برضو بنديك السلام ( السلام عليكم ورحمة الله وبركاته )
جورج وادنجتون ، رحالة انجليزى أغرم بالسياحة وقد زار بعض بلاد أوربا والشرق واشتهر كرحالة الى جانب شهرته كمؤرخ للكنيسة فقد كان استاذ فى كلية ترنتى بكمبردج كما تولى منصب أسقف مدينة درم ثم أختير رئيسا لجامعتها . قام جورج وادنجتون بزيارة مصر والنوبة ثم ابحر جنوبا الى دنقله ورافق حملة اسماعيل باشا الى السودان ، فى 10 نوفمبر 1820 وصل وادنجتون الى وادى حلفا ومنها الى بطن الحجر فى 12 نوفمبر وفى 13 نوفمبر وصل الى دار سكوت ومنها الى دار المحس فى 18 نوفمبر وفى 22 نوفمبر وصل الى دنقلا ومنها تابع سيره الى دار الشايقية التى وصلها فى 7 ديسمبر عام 1820 .
سجل وادنجتون مشاهداته مع رفيقه هنرى ودراساتهما فى كتاب نشر فى لندن عام 1822 تحت عنوان :
Journal of a visit to some parts of Ethiopia
ولقد صور لنا وادنجتون مشاهداته لمعركة كورتى فى صفحة 98 حيث ذكر :
( أن الشايقية لا يتهيبون الهجوم على اعدائهم على نحو يدعو الى الدهشة ، فهم يسارعون لمنازلتهم وجها لوجه بروح الاستخفاف وعدم المبالاة وبقلب منشرح كأنهم ذاهبون الى احتفال او مهرجان ، أو تحت تأثير الشعور بالسرور كأنهم قادمون على ملاقاة أصدقاء قدامى افترقوا عنهم منذ أمد طويل)
ويستطرد فى وصفه قائلا :
( وعند النزول الى أرض المعركة يعطون تحية السلام عليكم ! سلام الموت التى يعقبها على الفور أن يقبض كل واحد على رمحه ويوجه طعنات قاتلة ويستقبل أخرى مع كلمات الحب تخرج من الشفاه ) صفحة 98 – 99
ويرى وادنجتون ان هذا اللون من الشجاعة النادرة التى يتحلى بها الشايقية فى الحرب والقتال والتى تصل الى حد الاستخفاف بالحياة وعدم المبالاة بالموت انما هو قاصر عليهم دون غيرهم من الشعوب اذ يقول :
( ان هذا الازدراء بالحياة والاستخفاف بأكثر الامور فزعا انما هى اعتبارات خاصة بهم فهم الشعب الوحيد الذى ينظر الى الاسلحة وكأنها ادوات لهو ولعب والى الحرب كأنها لون من الوان الرياضة لا ينشدون من ورائها سوى مجرد التسلية ولا يخشون فى الموت شيئا بل يجدون فيه الراحة )
وهناك صفات اخرى يمتاز بها الشايقية ولا تقل اهمية عن صفة الشجاعة النادرة التى يتحلون بها عبر عنها وادنجتون بقوله :
( ان الشايقية قد يتنازعون فيما بينهم ويحاربون بعضهم ولكنهم يتحدون عندما يواجهون خطرا مشتركا من الخارج ) المصدر السابق ص 94
كذلك قدم لنا من خلال معركة كورتى بعض الصور الرائعة لشجاعة نساء الشايقية ومشاركتهن للرجال فى الحرب بروح عالية وان فى بعض تقاليد الشايقية الحربية كما يصفها لنا وادنجتون نفسه ما يؤكد شجاعة المرأة اذ يذكر :
( ان اشارة البدء بالهجوم عند الشايقية تعطيها فتاة عذراء تلبس لباسا فاخرا وتمتطى هجينا ويحافظ الجميع على عفتها وطهرها بما فى ذلك الاعداء ) صفحة 96
وفضلا عن اهتمام وادنجتون بدراسة نزعة الشايقية الحربية وشجاعتهم وبعض عاداتهم وتقاليدهم فى الحرب والقتال عنى بوصف خصائص الشايقية الجسمانية التى تتعلق بلون بشرتهم وتقاطيع وجوههم وقوامهم وغير ذلك من الخصائص العضوية التىتميزهم عن سائر الشعوب النوبية التى تجاورهم وقد ابدى اعجابه بلون بشرتهم اذ يقول :
ان لون بشرة الشايقية الاسود الحالك - وهم يختلفون عن الزنوج فى كل ناحية – الذى يمتاز بصفائه ولمعانه وقد بدا لعيونى غير المتحيزة انه الطف لون اختاره الله لبنى البشر ) صفحة 130 من المصدر السابق
هذا ما قاله هذا المؤرخ الانجليزى
والسلام عليكم ورحمة الله تعالى وبركاته ، السلام أمان
| |
![URL](https://sudaneseonline.com/db/blank.gif) ![Edit](https://sudaneseonline.com/db/blank.gif)
|
|
|
|
|
|
Re: شوايقة ...... ( الزول اليبيع الخوه ) !!!! ؟؟؟؟؟؟؟ (Re: هويدا شرف الدين)
|
أغنيى جميلى يا إبراهيييييي,,تسلم يا عزيز,,,Quote: العنوان جاذب شديد ، وفرحت شديد قلت دا كلام من الصباح يفتح النفس عن الشوايقه ، الشوايقه الحاجه الحلوه الوحيده فيهم الغناء بتاعهم دا كسير شديد وحنين شديد كلمات مبالغه بس صدق من قال لو لقيت جنا الشايقي وجنا الدابي اقتل جنا الشايقي وخلي جنا الدابي |
لا حول ولا قوة إلا بالله,,,
يا هويدا إستهدى بالله,, لقد قسوت على الشوايقة أيما قسوة والله,, أرجى الجاييك,,
| |
![Edit](https://sudaneseonline.com/db/blank.gif)
|
|
|
|
|
|
Re: شوايقة ...... ( الزول اليبيع الخوه ) !!!! ؟؟؟؟؟؟؟ (Re: على محمد على بشير)
|
الأخ ود الزين
سلااااامات
الشوايقه البتتكلم عليهم ديل شوايقة زمان لكن هسع خليها في سرك ، والله معاي شوايقه هنا مجنناهم جن السنين ، ما مخليه ليهم حاجه يقولو اي حاجه اقول ليهم اسكتو كمان الشوايقه عندهم كلام ، لكن والله ساعة الجد أقرب اخوان واخوات تلقاهم وقت تحتاج ليهم ، كلها مناكفات وكلام من نوع المرح والمداعبه ليس إلا أوعك تكون شايقي بس
| |
![Edit](https://sudaneseonline.com/db/blank.gif)
|
|
|
|
|
|
Re: شوايقة ...... ( الزول اليبيع الخوه ) !!!! ؟؟؟؟؟؟؟ (Re: SHIBKA)
|
بقال : حمدا لله علي سلامتك. والله انا شلت همك وخفت تنقلب اللليله تراجيديا ما نعرف نحلها كيف. ويجوك ناس الشايقي ((فاوضني بلا زعل)) ..والله لا وراك الباقين واسنانهم المكشره. ما تنس ناس حيموره .....وخلي بس انعام تقوم بالسلامه. الحمدا لله بقت مناوشه ومناكفه فقط ليس الا. وشبكه ذاتها جاتك مدوره. ودالزين : لي مده اتمني القي معاك فرصه ..لان كلمة ودالزين دى عندها أثر خاص في نفس... ممكن تخش علي في الماسنجر؟ بقال : الشوايقه ديل عندهم حلاوه وظرافه وشمائل سمحه بالحيل انشاء الله تشوفها وتشهدها بنفسك .
| |
![Edit](https://sudaneseonline.com/db/blank.gif)
|
|
|
|
|
|
Re: شوايقة ...... ( الزول اليبيع الخوه ) !!!! ؟؟؟؟؟؟؟ (Re: Mahassin Ibrahim)
|
Quote: بقال : حمدا لله علي سلامتك. والله انا شلت همك وخفت تنقلب اللليله تراجيديا ما نعرف نحلها كيف. ويجوك ناس الشايقي ((فاوضني بلا زعل)) ..والله لا وراك الباقين واسنانهم المكشره. ما تنس ناس حيموره .....وخلي بس انعام تقوم بالسلامه. الحمدا لله بقت مناوشه ومناكفه فقط ليس الا. وشبكه ذاتها جاتك مدوره. ودالزين : لي مده اتمني القي معاك فرصه ..لان كلمة ودالزين دى عندها أثر خاص في نفس... ممكن تخش علي في الماسنجر؟ بقال : الشوايقه ديل عندهم حلاوه وظرافه وشمائل سمحه بالحيل انشاء الله تشوفها وتشهدها بنفسك . |
زي ما قلت في بداية البوست ليس كما تظنون وان بعض الظن اثم
| |
![ICQ](https://sudaneseonline.com/db/blank.gif) ![Edit](https://sudaneseonline.com/db/blank.gif)
|
|
|
|
|
|
Re: شوايقة ...... ( الزول اليبيع الخوه ) !!!! ؟؟؟؟؟؟؟ (Re: عمران حسن صالح)
|
Quote: Journal of a visit to some parts of Ethiopia
ولقد صور لنا وادنجتون مشاهداته لمعركة كورتى فى صفحة 98 حيث ذكر :
( أن الشايقية لا يتهيبون الهجوم على اعدائهم على نحو يدعو الى الدهشة ، فهم يسارعون لمنازلتهم وجها لوجه بروح الاستخفاف وعدم المبالاة وبقلب منشرح كأنهم ذاهبون الى احتفال او مهرجان ، أو تحت تأثير الشعور بالسرور كأنهم قادمون على ملاقاة أصدقاء قدامى افترقوا عنهم منذ أمد طويل)
ويستطرد فى وصفه قائلا :
( وعند النزول الى أرض المعركة يعطون تحية السلام عليكم ! سلام الموت التى يعقبها على الفور أن يقبض كل واحد على رمحه ويوجه طعنات قاتلة ويستقبل أخرى مع كلمات الحب تخرج من الشفاه ) صفحة 98 – 99
ويرى وادنجتون ان هذا اللون من الشجاعة النادرة التى يتحلى بها الشايقية فى الحرب والقتال والتى تصل الى حد الاستخفاف بالحياة وعدم المبالاة بالموت انما هو قاصر عليهم دون غيرهم من الشعوب اذ يقول :
( ان هذا الازدراء بالحياة والاستخفاف بأكثر الامور فزعا انما هى اعتبارات خاصة بهم فهم الشعب الوحيد الذى ينظر الى الاسلحة وكأنها ادوات لهو ولعب والى الحرب كأنها لون من الوان الرياضة لا ينشدون من ورائها سوى مجرد التسلية ولا يخشون فى الموت شيئا بل يجدون فيه الراحة )
وهناك صفات اخرى يمتاز بها الشايقية ولا تقل اهمية عن صفة الشجاعة النادرة التى يتحلون بها عبر عنها وادنجتون بقوله :
( ان الشايقية قد يتنازعون فيما بينهم ويحاربون بعضهم ولكنهم يتحدون عندما يواجهون خطرا مشتركا من الخارج ) المصدر السابق ص 94
كذلك قدم لنا من خلال معركة كورتى بعض الصور الرائعة لشجاعة نساء الشايقية ومشاركتهن للرجال فى الحرب بروح عالية وان فى بعض تقاليد الشايقية الحربية كما يصفها لنا وادنجتون نفسه ما يؤكد شجاعة المرأة اذ يذكر :
( ان اشارة البدء بالهجوم عند الشايقية تعطيها فتاة عذراء تلبس لباسا فاخرا وتمتطى هجينا ويحافظ الجميع على عفتها وطهرها بما فى ذلك الاعداء ) صفحة 96
وفضلا عن اهتمام وادنجتون بدراسة نزعة الشايقية الحربية وشجاعتهم وبعض عاداتهم وتقاليدهم فى الحرب والقتال عنى بوصف خصائص الشايقية الجسمانية التى تتعلق بلون بشرتهم وتقاطيع وجوههم وقوامهم وغير ذلك من الخصائص العضوية التىتميزهم عن سائر الشعوب النوبية التى تجاورهم وقد ابدى اعجابه بلون بشرتهم اذ يقول :
ان لون بشرة الشايقية الاسود الحالك - وهم يختلفون عن الزنوج فى كل ناحية – الذى يمتاز بصفائه ولمعانه وقد بدا لعيونى غير المتحيزة انه الطف لون اختاره الله لبنى البشر ) صفحة 130 من المصدر السابق
هذا ما قاله هذا المؤرخ الانجليزى
والسلام عليكم ورحمة الله تعالى وبركاته ، السلام أمان |
شكرا ود عمي.. علي الرغم من الاغنية السمحة دي حامياني القعاد والتركيز.. الا انه ردك ده ذاته سمح وموثق وما هو هين شي..
شكرا يا بقال..
| |
![URL](https://sudaneseonline.com/db/blank.gif) ![Edit](https://sudaneseonline.com/db/blank.gif)
|
|
|
|
|
|
Re: شوايقة ...... ( الزول اليبيع الخوه ) !!!! ؟؟؟؟؟؟؟ (Re: عفاف الصادق بابكر)
|
Quote: الليله يا بقال .. كان جئيتك بالفاكس عدييييييييل كده .. بس الله مرقك بالحاجة الحلوه دي .. يا زول دمي فار عليك فوره .. والله الليله كان .. بس اسكت خلي الكان ...
انت كيف حالك بعد ده كله .. وشكرا على ختمه العسل ..
بت الصادق |
بت الصادق
فاسك دا امشي اقطع بيها الشجر بعد ما لقيت البوست كيفك والاغنية عجبتك !!!
| |
![ICQ](https://sudaneseonline.com/db/blank.gif) ![Edit](https://sudaneseonline.com/db/blank.gif)
|
|
|
|
|
|
Re: شوايقة ...... ( الزول اليبيع الخوه ) !!!! ؟؟؟؟؟؟؟ (Re: ابراهيم بقال سراج)
|
Quote: بس انت بعد زوقك دا كلو ما تكون شايقي |
أختنا البتكره الشايقية مع القناعة طبعاً إنو من حقكـ ( الكره ) بس في حوش زي ده وعشان ما نرمي الكلام ساكت فعايز بعد إذن سعادتكـ يعني تدينا على الأقل أسباب وخلينا نناقشة معاكـ .. مع ملاحظة ان كرهكـ لن بنقص الشايقية شي أو يزيدهم .. بالمناسبة لو قلتي بكره الدارفوريين كان جاكـ ( حطب ) طاير .. نحن ما بتاعين حطب ، بنحب ( النقة ) بس .. كعادة الشايقية إجمالاً وبالمناسبة أكره النقاش في الجهويات بس إصراركـ محيِر ...
| |
![URL](https://sudaneseonline.com/db/blank.gif) ![Edit](https://sudaneseonline.com/db/blank.gif)
|
|
|
|
|
|
Re: شوايقة ...... ( الزول اليبيع الخوه ) !!!! ؟؟؟؟؟؟؟ (Re: عمران حسن صالح)
|
Quote: أختنا البتكره الشايقية مع القناعة طبعاً إنو من حقكـ ( الكره ) بس في حوش زي ده وعشان ما نرمي الكلام ساكت فعايز بعد إذن سعادتكـ يعني تدينا على الأقل أسباب وخلينا نناقشة معاكـ .. مع ملاحظة ان كرهكـ لن بنقص الشايقية شي أو يزيدهم .. بالمناسبة لو قلتي بكره الدارفوريين كان جاكـ ( حطب ) طاير .. نحن ما بتاعين حطب ، بنحب ( النقة ) بس .. كعادة الشايقية إجمالاً وبالمناسبة أكره النقاش في الجهويات بس إصراركـ محيِر ... |
يا عمران انت جادي !! ؟؟؟
وكمان ماسك كلام اختنا بجدية ؟؟؟
| |
![ICQ](https://sudaneseonline.com/db/blank.gif) ![Edit](https://sudaneseonline.com/db/blank.gif)
|
|
|
|
|
|
Re: شوايقة ...... ( الزول اليبيع الخوه ) !!!! ؟؟؟؟؟؟؟ (Re: ابراهيم بقال سراج)
|
قالت هويدا شرف الدين فوق ( أوعك تكون شايقى بس )
بالله إنت شايقي!!؟
سؤال يا بت غريبب
أنا أيِّ شايقي
و بالتحديد بقولك بلدي ...
و كان دار تعرفي اصلي
في النيل و الجروف الخدرا في نوح السواقي
في نِغيم طمبور يبكي الليل و في لبس العراريق و الطواقي
و كان فتشتي في قلب الحسان من جُوة تلقي
أنا أيِّ شايقي
و جنسي شايقي و دمي شايقي
و جدي شايق
و كان دار تعرف اصلي أصبري لي دقايق
و خليني اللّدوِّر عجلة التاريخ و أسرد للحقايق
دنقل عيال منصور جعل و رباط و شايق
لا نهاية الدنيا أولاد عم شقايق
أنا أيِّ شايقي و كمان قاري العلم و عارف الكتابي
كلامي سمح و أكلي قمح و من النيل شرابي
و بملا العين و أزيد شبرين و أهز عضلات شبابي
و أشق أعداي عديل وكتين أشم ريحة ترابي
أنا أي شايقي و الشايقيي مازجي دماي في ذاتي و عروقي
كان مكضبي أقيفي أفصد ليكي إيدي و هاكي ضوقي
أنا أمي مهيرة بت عبود و شيخي الميرغني الختمي الطريقي
و جدي شايق شيّد الشايقيي جدد ليها شوقي
أنا أيِّ شايقي و شايقي أيِّ
بسوم الروح و أقدِّمة لي حياة العز ضحيي
و ما بهاب الموت مادام عيني حيي
في وقت السِلِم بدرع و ألِم فوق كتفي طوريي
و ساعة الحارة في وسط الصفوف تلقيني شايل البندقيي
أنا أيِّ شايقي و شايقي أيِّ
و ده ياهو كلامي مهما قريت واتعلمت و أصبح شاني سامي
و ده ياهو كلامي حتى ان كان بقيت سفير
و لّا كمان بقيت لجلاج أناطق الطير محامي
ده ياهو كلامي حتى ان كان بقيت عميد وقايد جيش نظامي
و ده ياهو كلامي حتى ان كان بقيت ريِّس وأصارع الموج ورا مِي
و ده ياهو كلامي حتى ان كان بقيت غوّاي و زي قيس في غرامي
ده ياهو كلامي أنا اصلي شايقي و ما بغير من كلامي
لما أقول أنا شايقي ما بقصد تِكِبِّر و إني أعلى من الثُريّي
لما أقول أنا شايقي ما بقصد أقسِّم و طني و أدعو العنصريي
لما أقول أنا شايقي بقصد إني سوداني و بسوق ستين سريي
و لما أقول إني شايقي بقصد إني بحمي حماي و احتضن الحريي
أنا أيِّ شايقي و شايقي أيِّ
و السودان عموم يا بت وطنّا ان كان نضمنا عديل
ولّا ان كان كسرنا الكِلمي حتى ان كان رطنّا
جُوارنا أمان و قلوبنا حُنان و أبيض من قطنا
و نحن المن زمان معروف نكِرم الضيف ولو نربط بطُنّا
أنا أيِّ شايقي و شققت العُقاب جيت من كريمي
زادي كسرة متمرة و حبّات جِريمي
لبسي جبي مبرقعة و غبشي و قديمي
و للبنادر جيت و كان أكبر جريمي أنا قلبي ما بدلتو بس بدّل هدومي
و ماني صايع ساكت آبت لا تلومي أنا أصلي أفندي في طرف الحكومة
عاد وحات اسم الله في شايقيتي فد يوم ما بزيِّف
و حبي للشايقيي من ما قُمتة درفوناً خِفيِّف
و لما أبقى شايقي و بين ضلوعي دوام يفر قلبي الرِهِّيف
و لهجة الشايقيي حلوي و في لساني يمين تكيِّف د
| |
![URL](https://sudaneseonline.com/db/blank.gif) ![Edit](https://sudaneseonline.com/db/blank.gif)
|
|
|
|
|
|
Re: شوايقة ...... ( الزول اليبيع الخوه ) !!!! ؟؟؟؟؟؟؟ (Re: wadalzain)
|
Quote: بت الصادق
فاسك دا امشي اقطع بيها الشجر بعد ما لقيت البوست كيفك والاغنية عجبتك !!! |
بقال يا اخوي .. قول بسم الله فاس شنو ..؟ نسأل الله السلامة .. بالفاكس .. الفاكس .. الفاكس .. عشان اجئيك بي سرعة .. لانه أنا بعيده .. وأنت في السودان وانا بعيده .. عشان كده قلنا نجي بالفاكس أو بالـ Email رائك شنو ..؟
بت الصادق
| |
![Edit](https://sudaneseonline.com/db/blank.gif)
|
|
|
|
|
|
Re: شوايقة ...... ( الزول اليبيع الخوه ) !!!! ؟؟؟؟؟؟؟ (Re: معاوية عوض الكريم)
|
Quote: و كان دار تعرف اصلي أصبري لي دقايق
و خليني اللّدوِّر عجلة التاريخ و أسرد للحقايق
دنقل عيال منصور جعل و رباط و شايق
لا نهاية الدنيا أولاد عم شقايق
أنا أيِّ شايقي و كمان قاري العلم و عارف الكتابي
كلامي سمح و أكلي قمح و من النيل شرابي
و بملا العين و أزيد شبرين و أهز عضلات شبابي
و أشق أعداي عديل وكتين أشم ريحة ترابي
|
بقال .... سلام وشكرا جميلا على امتاعنا بى اغنية ختمة دى ... وود الزين الله يديك العافى المتلها مافى على الابيات ديل ... وسلام وشوق لى اهلنا وبلدنا وسواقينا وجروفنا ووووووووو
| |
![Edit](https://sudaneseonline.com/db/blank.gif)
|
|
|
|
|
|
Re: شوايقة ...... ( الزول اليبيع الخوه ) !!!! ؟؟؟؟؟؟؟ (Re: معاوية عوض الكريم)
|
wadalzain
كيفك ... علك طَيِب ... يا زول وكتين جيت والله ما تمرُق ساي ...
Quote: ويرى وادنجتون ان هذا اللون من الشجاعة النادرة التى يتحلى بها الشايقية فى الحرب والقتال والتى تصل الى حد الاستخفاف بالحياة وعدم المبالاة بالموت انما هو قاصر عليهم دون غيرهم من الشعوب |
ده هسِع كلام علمي ... زول في مكانت وادنجتون العلمِية ما يِقول إنو الشوايقة دون شعوب العالم بِتلهمو العدو بِوشهُم ، عِلا لو شاف كُل شُعوب العالم ، مفروض يِقول إنو ما شاف زَيهُم في الشُعوب الشافا ... النقول الشوايقة زماااان أكانو بِسوو كدي في عدوهُم بِتلهمو تِلِهِم ... برضو أكان في شُعوب بِتسوي كدي في السودان وفي غيرو وأقرب مثل الهُنود الحُمر وأبعد منهُم النوبِيين لامِن صدو المُسلِمين مِن فتح السودان في زمن الخليفة عُمر بِن الخطاب ووِلاية عمرو بِن العاص وبِقِيادة عُقبة إبن نافِع وإنعقدت بِالمُراوا دي إتفاقِية البقط ... مِتِل إتفاقِية نيفاشا ... إتفاقِية معناتا لا في غالِب ولا مغلوب ... النوبِيين أكانو بسوو كدي في عدوهُم لامِن بعانخي غزا مِصر وكسح بِوشو لاِحد فِلسطين ... أنا ما عِندي إعتِراض يا خوي في شجاعة الشوايقة عِلا ما تكون مقصوره عليهُم دون شُعوب العالم كلو ... معقول كِده
أها ما قُلت ليك ما بِتمرُق ساي ...
| |
![Edit](https://sudaneseonline.com/db/blank.gif)
|
|
|
|
|
|
Re: شوايقة ...... ( الزول اليبيع الخوه ) !!!! ؟؟؟؟؟؟؟ (Re: هويدا شرف الدين)
|
عزام
تحياتى وتقديرى
ما قاله المؤرخ الانجليزى هو نتيجة مشاهداته وخبرته ومعرفته بالشعوب فلقد زار هذا الشخص اليومان ، آسيا الوسطى ، البندقية ، ومصر وهو بالاضافة الى أنه رحاله فهو قسيس ومن ثم صار عميدا لكلية الدراسات الشرقية فى انجلترا .
وما قاله يا عزيزى عزام عن الشايقية لا يقدح فى شجاعة الآخرين ، بل انه مدعاة فخر لنا كلنا كسودانيين مثلما فخر لنا ان يقال للنوبيين رماة الحدق ، فالشايقية مكون اساسى من مكونات السودان مثلما الدينكا الذين هم ايضا يمتلئون شجاعة وكذلك البقارة والنوبيين وغيرهم من القبائل السودانية وياخى الجعلى بعدى يومو خنق وكذلك نفخر بأهلنا البجة الذين كسروا المربع الانجليزى وانظر معى ماذا قال عنهم الشاعر الانجليزى كبلنغ
By: Rudyard Kipling
We’ve fought with many men acrost the seas كانت لنا صولات حرب جمة عبر البحار An’some of ‘em was brave an’ some was not مع الكثير من الرجال منهم الشجاع والجبان The Paythan an ‘the Zulu an’ Burmese But the Fuzzy was the finest o’ the lot تعاركنا مع البيتان والزولو والبورميين فكان اروع المقاتلين ذلك المغوار الأجعد الليفي الشعر .. الفزي وزي We never got a ha‘porth’s change of ’im ‘E squatted in the scrub an’ ‘ocked our ‘orses ‘E cut our sentries up at Suakin An’ ‘e played the cat an’ banjo with our forces فقد عجزنا ان نفت في صموده إذ كان رابضا لنا يندس في سواتر الأشجار ليعقر الخيول منا بغتة ويستبيح ساحة الحراس في سواكن المحصنة يعابث الجنود مثل قطة تداعب الاوتار So ‘ere’s to you, Fuzzy-Wuzzy, at your’ome in the Sudan لذا نهديك صادق التحايا في بلادك السودان You’re a pore benighted ‘eathen But a first- class fightin’ man إن كنت في الحياة بائسا وجاهلا فأنت في الحروب قمة الفخار We gives you your certificate, an’ if you want it signed إليكها شهادة البلاء في المنازلة وان اردتها ممهورة باسمنا .. نعطيكها من الاعجاب في إطار We’ll come an’ ‘ave a romp with you whenever you’re inclined وان جنحت للتصاخب والمزاح .. فإننا نتوق منك طيب الوصل والجوار We took our chanst among the Khyber ‘ills فقد اخذنا في تلال (خيبر) نصيبنا من القتال The Boers knocked us silly at a mile والحقت بنا يد (البوير) لطمة انكسار The Burman give us Irriwaddy chills و(البورميون) ارعدوا اوصالنا من فزع An’ a Zulu impi-dished us up in style وعانينا من (الزولو) المتاعب الكبار But all we ever got from such as they Was pop to what the Fuzzy made us swaller ولكن صار كل هؤلاء في جوار (الفزيوزي) قصار وكل هذه الحروب في القياس فرقعات بجانب الذي تجرعنا على يديه في المسار We ‘eld our bloomin’ own, the papers say تذيع الصحف عنا بأس جندنا But man for man لكنه في ساحة النزال واحد بواحد us ‘oller knocked the Fuzzy اذاقنا من بأسه مذلة اندحار Then ‘ere’s to you, Fuzzy, an’ the missis and the kid لك الإكبار انت والصبايا والصغار تحية نسوقها في قالب اعتذار Our orders was to break you, an’ of course we went an‘ did قد كان سحقكم (اوامرا) علينا لا خيار We sloshed you with Martinis وهذا ما فعلنا ..إذ جعلنا لحمكم نثار بالمدفع (المارتيني) يقذف الدمار an’ it wasn’t ‘ardly fair; ولم يكن من الإنصاف شيئا هذا الإنتصار But for all the odds agin’ you, Fuzzy-Wuz فأنت رغم فارق الصراع بين شفرة ونار You broke the square. كسرت حائط المربع المنيع في اقتدار ‘E ‘asn’t got no papers of ‘is own هذا المقاتل المهيب .. لايحمل الوثائق الشخصية المميزة ’E ’asn’t got no medals nor rewards وليس في إهابه وسام أو شعار So we must certify the skill ‘e’s shown In usin’ of ‘is long two-‘anded swords لذا نعطيه ما استحق من شهادة .. على مهارة القتال والمناورة بسيفه الطويل ذي الحدين When ‘e’s ‘oppin’ in an’ out among the bush في وثبة السباع في الأحراج تستثار With ‘is coffin-‘eaded shield an’ shovel-spear خلف درع احدب كحافر الحصان ورمحه الجراف ماضيا لا يعرف العثار An ‘appy day with Fuzzy on the rush Will last an ‘ealthy Tommy for a year يختال (تومي) يوم دفع خصمه يجتره مفاخرا مدار عام في انبهار So ‘ere’s to you, Fuzzy-Wuzzy, an’ your friends which are no more تحية نزفها إليك .. والرفاق.. رفاقك الذين لم يعودوا بالديار If we ‘adn’t lost some messmates لو لم نكن فقدنا بعض صحبنا على يديك we would ‘elp you to deplore لو آسيناك في احزانك الكبار But give an’ take’s the gospel ولكن سنة الحياة الأخذ والعطاء an’ we’ll call the bargain fair فلنقتسم جراحنا في صفقة الشجار For if you ‘ave lost more than us لإن خسرت فوق ما خسرنا انما you crumpled up the square لأنك اخترقت صفنا المربع الجدار ‘E rushes at the smoke when we let drive An’, before we know, ‘e’s ‘ackin’ at our ‘ead شجاعة نظل في نسيجها نحار فحين نطلق النيران في ساحاته يداهم الدخان والشرار وقبل ان نرى سقوط ظله .. نلقاه في الوريد منا قد انفذ الشفار ‘E’s all ‘ot sand an’ ginger when alive إن عاش فهو شعلة يزيدها صدى المعارك استعار An’ ‘e’s generally shammin’ when ‘e’s dead وفي مماته- على الأعم- خادع لأنه يريك وجه ميت مستعار ‘E’s a daisy, ‘e’s a ducky, ‘e’s a lamb ‘E’s a injia-rubber idiot on the spree, كزهرة الربيع رائع في صفوه .. وفي انفعاله تهتاج سورة انتحار وداعة الحملان في سكونها شظية انفجار ‘E’s the on’y thing that doesn’t give a damn لم يحتفل بسطوة المشاة الإنجليز For a Regiment o’ British Infantree ولم يحرك الغزاة فيه غير نفرة احتقار So ‘ere’s to you, Fuzzy-Wuzzy, at your ‘ome in the Soudan لذا نزجي اليك مدحا في بلادك السودان You’re a pore benighted ‘eathen but a first-class fightin’ man فأنت في الحياة معدم وجاهل ولكن في الحروب قمة الفخار An’ ‘ere’s to you, Fuzzy-Wuzzy نهديك ها هنا تحية يا أشعث الإهاب with your ‘ayrick ‘ead of ‘air… يا من حكى وعاء التبن رأسه الدهين بالغبار You big black boundin’ beggar-for for you broke a British square وانت الأسود الوثاب الساغب الحشا لأنك اقتحمت صف الانجليز في اقتدار
واذا شهد لنا الغازى بشجاعتنا كسودانيين فى صده ومقاومته والاستبسال فى سبيل ارضنا فذلك فخر لنا جميعا .
مع تحياتى وتقديرى
| |
![URL](https://sudaneseonline.com/db/blank.gif) ![Edit](https://sudaneseonline.com/db/blank.gif)
|
|
|
|
|
|
Re: شوايقة ...... ( الزول اليبيع الخوه ) !!!! ؟؟؟؟؟؟؟ (Re: عزام حسن فرح)
|
عاين تاني ولما تخلص تعال راجع
بعدين قول كلامك ما تضاري كده ...اشبكنا عاين ده وعاين شنو حركات الجكس دي مابتركب معاي ...وقع ليك ؟
عندك كلام قوله دغري ما تعمل فيها مفتح عشان يجي واحد يرد ليك وترد ليه دي عملناها زمان ... لكن ما بطريقة ناس الاحفاد دي
باختصار قوم اتخارج عشان ما اقوم امعط ليك شنباتك ديل
| |
![Edit](https://sudaneseonline.com/db/blank.gif)
|
|
|
|
|
|
Re: شوايقة ...... ( الزول اليبيع الخوه ) !!!! ؟؟؟؟؟؟؟ (Re: عزام حسن فرح)
|
هويدا شرف الدين ...
يا زوله علِك طَيبة ... كيف أحوالِك ... إن شاءالله بِخير
Quote: عزام كيفك
البركه في الكلام دا الخلاك الليله ظهرت قاطع مويه ونور |
وحاتِك لسع في الإنتِظار والإحتِضار أنا ... عدو حولييييين وباقيلي كمطاشر سنة ... أصلي ما بمِل الإنتِظار ما بعايِن لِلعنا ... عِديلي كم مره القِليب بِنخلِع إن شافلو زوله هنا؟ لا لا ... ما تقوليلي ضِهبت بي دُروب الريد والغُنا ... لا لا ... ما تقوليلي أركِز وسيب الجِن والجنا ... قبُل يومين بِحْكولي عنو صديقيني قلبي على كبدي إتحنا ... مرات أقشْقِش دِميعاتي .. مرات أخلي الدِموع تسقي الضنا ... وحاتِك لِسع في الإنتِظار والإحتِضار أنا ...
إنتِ وين الحي بيك
| |
![Edit](https://sudaneseonline.com/db/blank.gif)
|
|
|
|
|
|
Re: شوايقة ...... ( الزول اليبيع الخوه ) !!!! ؟؟؟؟؟؟؟ (Re: خالد احمد محمد)
|
سلامات سيد البوست بقال ... لعلك طيب ... شكرا للاغنيه الجميله ...
اختنا البتكره الشوايقه .. ود الزين واخوي عمران كفوا ووفوا وانشالله تكون المعلومه وصلتك تمام يا ماما ...
اكثر ما ابغض في هذا المنبر التأصيل للنزاع السائد بين قبيلتي وقبيلتك وقبيله ود الجيران ... دا الكلام المرجع البلد دي ورا .. وعمرها ما بتمشي لي قدام بي فهم الناس البيقولو ا
والله بنكره الشوايقيه وبنحب المحس , والحموعيه ما عارف مالهم والكاهليه ما عارف شنو ... !!!
دا كلام يا اخوانا .... اتركوا نزاعاتكم القبيله .. بالرغم من انني شايقيه , احب اهلي وعشيرتي المختلطه بالكثير من القبائل السودانيه الاخرى .. الا انني اكره الخوض في مثل هذه الجدالات ..
دعونا نرمم بقايا وطننا معا ... لعن الله من اراد ان يؤجج الفتنه بيننا ...
تصبحوا على خير ...
| |
![URL](https://sudaneseonline.com/db/blank.gif) ![Edit](https://sudaneseonline.com/db/blank.gif)
|
|
|
|
|
|
Re: شوايقة ...... ( الزول اليبيع الخوه ) !!!! ؟؟؟؟؟؟؟ (Re: ابراهيم بقال سراج)
|
سلامات للجميع. أجمل ما في هذا البوست مناكافاته الظريفه...والموضوع بقي طرفه من بقال ((يشكر عليه)). والاجمل : صورة محمد الحسن من قريرنا العظيم. صدقني يا محمد جمال القرير دا بقي مضرب امثال ناس الشمال كلهم. وياريت تتحففنا كل مره وننتمتع بهذه الطبيعه الخلابه. ويارب أ قسم لينا زيارتها. ودالزين: ما يعجب في اهلنا الشايقيه قدرتهم علي الافصاح ايا كان نوعه شعر...نثر ...غناء . الله يديم عليهم العافيه وكل مبدعي بلادى.
| |
![Edit](https://sudaneseonline.com/db/blank.gif)
|
|
|
|
|
|
|