Post: #1
Title: مــــع هــــلال الوطـــــن من أجــــل عودة عمــر الفاروق وعلاء الدين يوسف
Author: عماد محمود علي
Date: 10-11-2009, 11:59 AM
منذ الهزيمة النكراء التي تعرض لها الهلال من فريق مازمبي ... وأخونا وحبيبنا عمر الفاروق لم يفتح الله له بحرف واحد هنا ... اختفى كما أختفى الهلال في تلك الليلة المشؤومة .. ومع إختفائه اختفى حبيبنا علاء الدين يوسف هو الآخر .. رغم اتصالي على علاء إلا أنه لم يرد على أتصالاتي ... عمر الفاروق بخل علي برقم جواله لذا لم أتمكن من الاتصال به للاطمئنان عليه فقط ..
حقيقي عمري ما شجعت الهلال ولم أشجع ضده .. ولكن من اليوم سأدعو للهلال في مباراة الرد حتى تعود الفرحة من جديد ويعود لنا هذا الثنائي الرائع ، فأقلامهم أفتقدناها كثيراً ... وحروفهم السلسلة لم تعد تنير لنا هنا .... ( ياحميدة ياخي مشيها لي سلسلة دي ) ...
معاً من أجل إنتصار يعيد لنا حبائبنا من جديد ......
|
Post: #2
Title: Re: مــــع هــــلال الوطـــــن من أجــــل عودة عمــر الفاروق وعلاء الدين يوسف
Author: عبود عبد الرحيم
Date: 10-11-2009, 12:17 PM
Parent: #1
سلام وتحية ياعمدة
وسلام الي عمر وعلاء في (اعتكافهما)
اذا كانت عودتهما مرتبطة بتاهلنا من لوممباشي
فانني أخشي أن لا تراهما قريباً!!!
|
Post: #3
Title: Re: مــــع هــــلال الوطـــــن من أجــــل عودة عمــر الفاروق وعلاء الدين يوسف
Author: Muna Khugali
Date: 10-11-2009, 12:19 PM
Parent: #2
يا سلام يا عمده وعلي وجودك..
انت لسه مريخابي؟؟
|
Post: #4
Title: Re: مــــع هــــلال الوطـــــن من أجــــل عودة عمــر الفاروق وعلاء الدين يوسف
Author: عماد محمود علي
Date: 10-11-2009, 12:24 PM
Parent: #3
منــــى محمــــود ... كيفك ياستي ... مشتاقين وكده ....
يا سلام يا عمده وعلي وجودك..
تسلمي ويسلموا ليك آية وعيالها وماما جارة ...
انت لسه مريخابي؟؟
بعد خمسة مازمبي !!! لازم أكون مريخابي يامنو ......
تحياتي لك وللاسرة الكريمة .
عماد عوض خوجلي .....
|
Post: #5
Title: Re: مــــع هــــلال الوطـــــن من أجــــل عودة عمــر الفاروق وعلاء الدين يوسف
Author: عماد محمود علي
Date: 10-11-2009, 12:32 PM
Parent: #2
أوووووووووووووه الزعيم عبــود عبد الرحيــــم
ســلامات حبيبنا ياخي شوقنا بقى محيط من غير ساحل زااااتو ياخ ....
اذا كانت عودتهما مرتبطة بتاهلنا من لوممباشي
فانني أخشي أن لا تراهما قريباً!!!
لا يا الحبيب لا ... متفائلين بإذن الله وح تشوف كلامي ده ..... وسترى الثنائي هنا من جديد يرتع كيبورتيهم شمالاً ويميناً .....
بزيارتك بوستينا نور ....
|
Post: #6
Title: Re: مــــع هــــلال الوطـــــن من أجــــل عودة عمــر الفاروق وعلاء الدين يوسف
Author: مجدي عبدالرحيم فضل
Date: 10-11-2009, 12:40 PM
Parent: #5
أطرد الأحلام ياجميل وأصحي
عودة حميدة ،،،،،
،،،،،أبوقصي،،،،،
نسأل الله أن يعودو قبل لوممباشي
|
Post: #7
Title: Re: مــــع هــــلال الوطـــــن من أجــــل عودة عمــر الفاروق وعلاء الدين يوسف
Author: Muna Khugali
Date: 10-11-2009, 12:42 PM
Parent: #6
بعد خمسة مازمبي !!! لازم أكون مريخابي يامنو ......
التقول الخمسة جبتوهم انتو!
سمح بعد التلاته ديك..غيرت؟؟
|
Post: #8
Title: Re: مــــع هــــلال الوطـــــن من أجــــل عودة عمــر الفاروق وعلاء الدين يوسف
Author: عماد محمود علي
Date: 10-11-2009, 01:00 PM
Parent: #7
منــــو ... سلامات ...
سمح بعد التلاته ديك..غيرت؟؟
غاتيو لو ما لحقتها الخمسات دي كنتا بقيت هلالابي عديييييل كده .. بس الله ستر .....
|
Post: #9
Title: Re: مــــع هــــلال الوطـــــن من أجــــل عودة عمــر الفاروق وعلاء الدين يوسف
Author: علاء الدين يوسف علي محمد
Date: 10-11-2009, 01:37 PM
Parent: #8
يا عُمدة ألف حمد لله على سلامتك
إحنا المُفتقِدِنّك يا راجل
و ياخي شفت بوست ميّادة عايز أشارك فيهو لقيتك فاتح دة
عُمر كان معاي في السودان و قضينا أيام جميلة مع بعض رغم إنو ما ودّعتو وهو راجع
إتصلت عليك في السعودية للإطمئنان بعد العملية لكن لم أتلقى رداً قمت رسلت ليك رسالة أتمنى إنها تكون وصلت
بالنسبة لهزيمة الهلال كانت قاسية و غير متوقعة و سبّبت خذلان كبير لنا و التعويض من وجهة نظري ليس سهلاً
مرحب بعودتك و عُمر ظروف العودة هي اللي حتكون قاطعاهو
رغم إنو حيكون مدبرِس من النتيجة برضو 
شكراً لكل من مرّ و سأل
أنا قاعد بس معتكِف مع الديك تور مصطفى محمود
|
Post: #10
Title: Re: مــــع هــــلال الوطـــــن من أجــــل عودة عمــر الفاروق وعلاء الدين يوسف
Author: عماد محمود علي
Date: 10-12-2009, 07:00 AM
Parent: #9
الرجل الألق علاء الدين
السلام عليكم ورحمة الله وبركاته
مشتاقين ياصديق وليك وحشه .....
إتصلت عليك في السعودية للإطمئنان بعد العملية لكن لم أتلقى رداً قمت رسلت ليك رسالة أتمنى إنها تكون وصلت
للاسف الشديد ياصديقي لم أتلقى أي رسالة ويمكن تكون طشت طريقها أمام زحمة العيد وأعطال الشبكة .. بس كأنها وصلت فعلاً .
مرحب بعودتك و عُمر ظروف العودة هي اللي حتكون قاطعاهو
ومرحب كثير جداً بعودتك التي أشتهيناها كثيراً .. وننتظر عودة المناضل عمر الفاروق .....
ولك كل التقدير والمحبة .......
|
Post: #11
Title: Re: مــــع هــــلال الوطـــــن من أجــــل عودة عمــر الفاروق وعلاء الدين يوسف
Author: الطيب شيقوق
Date: 10-12-2009, 07:21 AM
Parent: #10
عمدة
سيبك من الرياضة
يا فرحتي بقدومك يا جميل
الف حمد الله على السلامة
تقبل تحيات الجماعة اياهم
ودى
|
Post: #21
Title: Re: مــــع هــــلال الوطـــــن من أجــــل عودة عمــر الفاروق وعلاء الدين يوسف
Author: عماد محمود علي
Date: 10-12-2009, 09:26 AM
Parent: #11
أووووووووووه حبيبنا اللذيذ تفاحة شيقاااااااا ...
سيبك من الرياضة
بصراحة معاااااك ألف مليون حق ، هو في رياضة من أصله .....
يا فرحتي بقدومك يا جميل
تسلم يا جميل ... وسعيد جداً بتواصلك واتصالاتك الغالية التي تخفف عني أوجاعي وآلامي ...
الف حمد الله على السلامة
تسلم من كل بلاء يا غالي .....
تقبل تحيات الجماعة اياهم
ولهم مني كل المودة والتقدير والاحترام وتحياتي موصوله لهم ولك ....
ودى
ولك أطنان من المحبة .....
|
Post: #12
Title: Re: مــــع هــــلال الوطـــــن من أجــــل عودة عمــر الفاروق وعلاء الدين يوسف
Author: عبدالله كع
Date: 10-12-2009, 07:26 AM
Parent: #10
ياااا عمدة - نحمدلله انك عودته - والعود احمدو
يوم 18 - حيكون زي يوم القيامه - سوف يقبر مازنبي في جحره انشالله
وتحياتي
|
Post: #16
Title: Re: مــــع هــــلال الوطـــــن من أجــــل عودة عمــر الفاروق وعلاء الدين يوسف
Author: عماد محمود علي
Date: 10-12-2009, 07:59 AM
Parent: #12
كعكوعي يا جميل الدواخل .... صباحاتك ورد أحمر
ياااا عمدة - نحمدلله انك عودته - والعود احمدو
تسلم يا غالي ... ونجيك في السمح إنشاء الله ...
سوف يقبر مازنبي في جحره انشاءالله
وسننتظر على أحر من الجمر ذلك اليوم إنشاء الله ....
|
Post: #13
Title: Re: مــــع هــــلال الوطـــــن من أجــــل عودة عمــر الفاروق وعلاء الدين يوسف
Author: عماد محمود علي
Date: 10-12-2009, 07:39 AM
Parent: #6
صـديقي الجميل أبو قصي ...
يامراحب .. يا مراحب ... أشرقت الانوار وهلت البشائر ....
أطرد الأحلام ياجميل وأصحي
ياخي ليه بس كده عايز تطير لينا عمر الفاروق ده .... ياخي الأمل موجود .
عودة حميدة ،،،،،
الله يخليك ويديك العافية يا غالي ..
تحياتي لافراد الاسرة الكريمة .....
مودتي
|
Post: #14
Title: Re: مــــع هــــلال الوطـــــن من أجــــل عودة عمــر الفاروق وعلاء الدين يوسف
Author: احمد العمار
Date: 10-12-2009, 07:49 AM
Parent: #1
حبيبنا عمدة تحياتى و حمد لله السلامة
المرور من اجل التحية و بث الاشواق
أحمد العمار
|
Post: #15
Title: Re: مــــع هــــلال الوطـــــن من أجــــل عودة عمــر الفاروق وعلاء الدين يوسف
Author: عماد محمود علي
Date: 10-12-2009, 07:57 AM
Parent: #14
أحمد العمار يا شفيف ....
يسعد الله صباحك يا غالي ...
حبيبنا عمدة تحياتى و حمد لله السلامة
تسلم من كل بلاء وإبتلاء يا غالي ... ويسعدني مرورك الطيب ...
المرور من اجل التحية و بث الاشواق
ولك من الاشواق والمحبة ما تعرف ....
كن بخير يا صديقي .... لك كل الود والاحترام
|
Post: #17
Title: Re: مــــع هــــلال الوطـــــن من أجــــل عودة عمــر الفاروق وعلاء الدين يوسف
Author: عبدالله ود البوش
Date: 10-12-2009, 08:32 AM
Parent: #15
عمدة حبيب الكل
عودتك بالسلامة اكبر من اي انتصار كروي
|
Post: #18
Title: Re: مــــع هــــلال الوطـــــن من أجــــل عودة عمــر الفاروق وعلاء الدين يوسف
Author: عماد محمود علي
Date: 10-12-2009, 08:56 AM
Parent: #17
أخي الحبيب الراقي عبد الله ود البوش ...
لك كل التحية والمودة والتقدير والاحترام عزيزي .....
عودتك بالسلامة اكبر من اي انتصار كروي
تسلم يا غالي على هذا الكلام الجميل الذي يثبت نقاء سريرتك وعظمة شخصك النبيل ...
شكراً عزيزي ولك المحبة ...
|
Post: #19
Title: Re: مــــع هــــلال الوطـــــن من أجــــل عودة عمــر الفاروق وعلاء الدين يوسف
Author: Siham Elmugammar
Date: 10-12-2009, 09:09 AM
Parent: #18
الاخ عماد شكلك بلغت الصحة
والله اذا كان الخمسة سبب فى هذا
فمرحبا بها ولا حسرة عليها
بس انت كمان خليك ظريف فلازلنا غير مصدقين و
|
Post: #20
Title: Re: مــــع هــــلال الوطـــــن من أجــــل عودة عمــر الفاروق وعلاء الدين يوسف
Author: عماد محمود علي
Date: 10-12-2009, 09:21 AM
Parent: #19
سهام ســـلامات .. عساك بخير ....
الاخ عماد شكلك بلغت الصحة
لا والله يا سهام بس بحاول أجاري المرض بالتنفس عبر الاسافير ....
والله اذا كان الخمسة سبب فى هذا
فمرحبا بها ولا حسرة عليها
تسلمي ياستي وإنشاء الله يوم شكرك ما يجي ... بس معقووووول للدرجة دي ؟ ياستي التعويض قدام والامل موجود بس محتاجين دعوات الناس ....
بس انت كمان خليك ظريف فلازلنا غير مصدقين و
معليش ياسهام الجاتك في هلالك سامحتك ... ياخي أنا زااااتي مستغرب إنت بتشجعي الجماعة ديل كيف؟ علماً بان الوطن لا يحمل سوى شعار النجمة والبقية مريخاب زعلانييين سااااااااكت ...... أراك مريخابية قريباً جداً .....
خالص تقديري واحترامي
|
Post: #22
Title: Re: مــــع هــــلال الوطـــــن من أجــــل عودة عمــر الفاروق وعلاء الدين يوسف
Author: طارق عبد اللطيف نقد
Date: 10-12-2009, 09:35 AM
Parent: #17
عمدة
حمدلله على السلامة
وكل سنة وانت طيب
عمر الفاروق خليهو براهو
بكون جاء من السودان مفلس ومسخن
ولقى التلفون بتاع البيت مفصول
ومعصور في الشغل عشان يفك الفلسه دي
بعدين تكون اثار الهزيمة اندثرت
يقوم يجي يفتح بوست فني 00وكده
تحياتي يا زول يا جميل
|
Post: #23
Title: Re: مــــع هــــلال الوطـــــن من أجــــل عودة عمــر الفاروق وعلاء الدين يوسف
Author: عماد محمود علي
Date: 10-12-2009, 09:47 AM
Parent: #22
طارق نقد يا أجمل من الجمال زاااااتو ....
حمدلله على السلامة
وكل سنة وانت طيب
وانت طيب ياحبيب ... والسنة الجاية على أمانيك .... وانشاء الله تكونوا استمتعوا بإجازة العيد بالشرقية . غايتو حاسدكم عديل كده .... ههههههه .
عمر الفاروق خليهو براهو
بكون جاء من السودان مفلس ومسخن
ولقى التلفون بتاع البيت مفصول
ومعصور في الشغل عشان يفك الفلسه دي
بعدين تكون اثار الهزيمة اندثرت
ياطارق عمر ده لو كان جاء والهلال غالب والله لا فلسه ولا سخانه بتمرقه من البورد بس الله غالب والهزيمة بتسوي أكثر من كده .... أها دعواتك للهلال من أجل هذا الجميل ...
تحياتي يا زول يا جميل
ولك صادق المودة وكل المحبة يا أصيل ....
مودتي
|
Post: #24
Title: Re: مــــع هــــلال الوطـــــن من أجــــل عودة عمــر الفاروق وعلاء الدين يوسف
Author: هند محمد
Date: 10-12-2009, 09:56 AM
Parent: #23
ياروعته هلال المحنة البجمع القلوب ويحيي التواصل
نتمنى عودة الغياب
والفرحة كبيرة بشوفتك طيب اخونا عماد حمد لله علي السلامة
انشالله دايما طيب ومعافي
|
Post: #25
Title: Re: مــــع هــــلال الوطـــــن من أجــــل عودة عمــر الفاروق وعلاء الدين يوسف
Author: عماد محمود علي
Date: 10-12-2009, 10:49 AM
Parent: #24
هلا وغلا شاعرتنا الرقيقة هنــــد محمد ....
يحق للشعراء ما لا يحق لغيرهم ......
ياروعته هلال المحنة البجمع القلوب ويحيي التواصل
غايتو ياهند ده إلا كان هلال رمضان ....
نتمنى عودة الغياب
إنشاء الله ... ودائماً تامين وزايدين غير ناقصين ....
والفرحة كبيرة بشوفتك طيب اخونا عماد حمد لله علي السلامة
انشالله دايما طيب ومعافي
الله يخليك ياهند وتسلمي إنشاء الله ، وربنا يخلي ليك كل حبايبك ويغطيك يارب ....
شكراً هند على مرورك الطيب ودعواتك الصادقة .... شكراً هند ...
|
Post: #26
Title: Re: مــــع هــــلال الوطـــــن من أجــــل عودة عمــر الفاروق وعلاء الدين يوسف
Author: عماد محمود علي
Date: 10-13-2009, 08:18 AM
Parent: #25
بالله ياشباب طمئنونا على حبيبنا عمر ده ياخ .. قولوا ليهو مباراة الرد لسه عليها ، أظهر وبان وليك الأمان .......
منتظرين شوفتك يا حبيب .....
|
Post: #27
Title: Re: مــــع هــــلال الوطـــــن من أجــــل عودة عمــر الفاروق وعلاء الدين يوسف
Author: فادية اليمني
Date: 10-13-2009, 09:16 AM
Parent: #26
ياعمدة نهارك سعيد
وبشوفتك سعيدين
ومنور
وعقبال ود الفاروق يعلم الله مشتهينه عدييل كده
انت عارف من فراش مايكل جاكسون حاله ما كان عاجبنى
يوم الرفع كان حيله ميت كده ... (طبعا لانه كان ماسك الكشف)
اسه عايزين نعرف السبب الكشف تقل عليه! ولا هو عامل فيها تقييل
معا من اجل ود الفاروق
|
Post: #32
Title: Re: مــــع هــــلال الوطـــــن من أجــــل عودة عمــر الفاروق وعلاء الدين يوسف
Author: عماد محمود علي
Date: 10-13-2009, 11:09 AM
Parent: #27
بنت اليمني صباحك قشطة إنشاء الله ...
وبشوفتك سعيدين
يسعدك الله في الدارين .... إنشاء الله ..
ومنور
النور نوركم ...
وعقبال ود الفاروق يعلم الله مشتهينه عدييل كده
مش كده بالله ... يقطع الهلال وسنينه الماقدر ينستر ودسا لينا ود الفاروق ده ...
انت عارف من فراش مايكل جاكسون حاله ما كان عاجبنى
يوم الرفع كان حيله ميت كده ... (طبعا لانه كان ماسك الكشف)
اتمسكن لحدي ما إتمكن ... تعرفي المعلم ده سااااافر السوداااان وعيد هناااااك يعني بالعربي كده الله يعوضكم ويعوض آل جاكسون في كشفهم المنتظرنه ...!!
اسه عايزين نعرف السبب الكشف تقل عليه! ولا هو عامل فيها تقييل
لا .. لا يا فادية .. تقلت عليه الخمسة ما قدرت يتحملا أصله الهلال ده هو روحه ونفسه ... مابرضى فيهو حااااجة خاااالص تقوم تجيهو خماسية وفي أرضه وفي مقبرتهم والمصيبة هو كان حاضرها كمااااان ..
معا من اجل ود الفاروق.
شعارات يرددها الألووووووف .... شكراً فادية ....
|
Post: #28
Title: Re: مــــع هــــلال الوطـــــن من أجــــل عودة عمــر الفاروق وعلاء الدين يوسف
Author: بدرالدين يعقوب
Date: 10-13-2009, 09:21 AM
Parent: #26
الحمد والشكر لله العلي القدير وان يحفظك ويعافيك حبيبنا وعمدة حينا
الغالي عماد محمود وان يبلغك الصحة والعافية .
Quote: حقيقي عمري ما شجعت الهلال ولم أشجع ضده .. ولكن من اليوم سأدعو للهلال في مباراة الرد حتى تعود الفرحة من جديد ويعود لنا هذا الثنائي الرائع ، فأقلامهم أفتقدناها كثيراً ... وحروفهم السلسلة لم تعد تنير لنا هنا .... ( ياحميدة ياخي مشيها لي سلسلة دي ) ...
معاً من أجل إنتصار يعيد لنا حبائبنا من جديد ...... |
العب غيرها ياعمدة ,,,,,,حنا ذاتنا عمرنا ماشجعنا المريخ ولا حانشجعو ابدا ابدا
|
Post: #29
Title: Re: مــــع هــــلال الوطـــــن من أجــــل عودة عمــر الفاروق وعلاء الدين يوسف
Author: عماد محمود علي
Date: 10-13-2009, 10:41 AM
Parent: #28
عوووووووووووك بدر الدين الرشاشة ....
ســـلاماتي ياخ ... وبي زيارتك البوست نور وكده ....
الحمد والشكر لله العلي القدير وان يحفظك ويعافيك حبيبنا وعمدة حينا
الغالي عماد محمود وان يبلغك الصحة والعافية .
يستحق الحمد والشكر فهو العلي القدير رحمان القلوب وشافي السقيم ....
العب غيرها ياعمدة ,,,,,,حنا ذاتنا عمرنا ماشجعنا المريخ ولا حانشجعو ابدا ابدا
غايتو إنتو يارشاشات اصلكم ما بتنستروا خااااالص ... ليه بس كده ... هسه أقوم أكلم ليك داليا الكباشي بي كلامك ده .... معاً من أجل الوحدة الوطنية ...
سعيد بمرورك صديقي .....
|
Post: #30
Title: Re: مــــع هــــلال الوطـــــن من أجــــل عودة عمــر الفاروق وعلاء الدين يوسف
Author: علاء الدين يوسف علي محمد
Date: 10-13-2009, 10:47 AM
Parent: #29
يا عُمدة ياخ عيد شنو؟
أنا لمن ضربت ليك قبل العيد أيام طلع خبر إنك عامِل عملية
و لمن ما رديت رسلت ليك رسالة
المهم إنك جيتنا طيِّب
|
Post: #31
Title: Re: مــــع هــــلال الوطـــــن من أجــــل عودة عمــر الفاروق وعلاء الدين يوسف
Author: عماد محمود علي
Date: 10-13-2009, 10:55 AM
Parent: #30
الحبوب علاء يوسف
صباحك بنكهة القهوة وطعم الفراولة ....
أنا لمن ضربت ليك قبل العيد أيام طلع خبر إنك عامِل عملية
ياخي انتا قايلني بتذكر حاجة ياخ !!! ( الزهايمر ) ده خلى في أخوك حاجة ... أصله العملية كانت قرابة العيد واختلط الحابل على أخوك بالنابل ... معليش أعذرنا ياجميل ...
المهم إنك جيتنا طيِّب
والأهم أنك يا غالي بخير ومتواصل معانا في عالمنا الاسفيري ... توقع مني مكالمة ... مشتاقين برضه
|
Post: #33
Title: Re: مــــع هــــلال الوطـــــن من أجــــل عودة عمــر الفاروق وعلاء الدين يوسف
Author: عماد محمود علي
Date: 10-14-2009, 06:52 AM
Parent: #31
أربعـــــــة أيــــــــام تفصلــنا عن الحـلـــــــم الجميــــــــل .....\
معـــــاً من أجـــل عـــــودة الكــــروان المهاجــــــــــــر .....
|
Post: #34
Title: Re: مــــع هــــلال الوطـــــن من أجــــل عودة عمــر الفاروق وعلاء الدين يوسف
Author: علاء الدين صالح
Date: 10-14-2009, 10:27 AM
Parent: #33
حبيبنا عُمدة
حمداً لله على سلامتك وعوداً حميداً مستطاب وتحياتي للغالين علاء الدين يوسف وعمر الفاروق
|
Post: #35
Title: Re: مــــع هــــلال الوطـــــن من أجــــل عودة عمــر الفاروق وعلاء الدين يوسف
Author: سارة كرودى
Date: 10-14-2009, 01:34 PM
Parent: #34
يا عمدة حمدلله على السلام وما تشوف شر ..
شايفنك زغته من تمرين الفريق انشاءالله تتكوجنوا بى 5 * 2
تحياتى لاسرتك الكريمة ...
|
Post: #36
Title: Re: مــــع هــــلال الوطـــــن من أجــــل عودة عمــر الفاروق وعلاء الدين يوسف
Author: عماد محمود علي
Date: 10-15-2009, 08:26 AM
Parent: #35
بت كرودي صباحك ورد أحمر .....
يا عمدة حمدلله على السلام وما تشوف شر ..
تسلمي من كل بلاء وإبتلاء إنشاء الله ... وشكراً ليك على اتصالك الذي خفف عني وطاءة المرض والألم ... ونجيك في السمح إنشاء الله ....
شايفنك زغته من تمرين الفريق انشاءالله تتكوجنوا بى 5 * 2
لا لا لا ما زوغان ولا حاجة ياستي .. بس المرض ( قاتله الله ) خلى اللياقة ( زيرو ) مافي أمل في تمريرة واحدة عشان كده قلنا نقعد خلف الشاشة ونتابع المباراة من هنااااااااك ( هههههههه ) .
تحياتى لاسرتك الكريمة ...
ولك منهم ومني كل التقدير والاحترام .... شكراً ســـــارة ...
|
Post: #37
Title: Re: مــــع هــــلال الوطـــــن من أجــــل عودة عمــر الفاروق وعلاء الدين يوسف
Author: عماد محمود علي
Date: 10-17-2009, 07:06 AM
Parent: #36
غــــداً ... نكــــون أو لا نكــــــون !!!!!!
|
Post: #38
Title: Re: مــــع هــــلال الوطـــــن من أجــــل عودة عمــر الفاروق وعلاء الدين يوسف
Author: عماد محمود علي
Date: 10-17-2009, 07:14 AM
Parent: #36
غــــداً ... نكــــون أو لا نكــــــون !!!!!!
|
Post: #39
Title: Re: مــــع هــــلال الوطـــــن من أجــــل عودة عمــر الفاروق وعلاء الدين يوسف
Author: عماد محمود علي
Date: 10-18-2009, 11:26 AM
Parent: #38
نكــــون أو لا نكــــــون !!!!!!
|
Post: #40
Title: Re: مــــع هــــلال الوطـــــن من أجــــل عودة عمــر الفاروق وعلاء الدين يوسف
Author: مجدي عبدالرحيم فضل
Date: 10-18-2009, 02:27 PM
Parent: #39
والأهداف من كل لون أخذت نصيب 1ــــــــــــــ 5
الليلة يوم الرجال لوممباشي ماماشي تاني تجو 6ـــــــــــــ1
الأختيار صعب !
|
Post: #41
Title: Re: مــــع هــــلال الوطـــــن من أجــــل عودة عمــر الفاروق وعلاء الدين يوسف
Author: عماد محمود علي
Date: 10-19-2009, 07:34 AM
Parent: #40
أبو قصي ....
ســــلامات يا الحبيب ....
شفتا الهلال ده كيف ؟ الحظ فقط لم يساعدهم في تجاوز مازمبي ..... كاريكا ده حقو يدهو بنيه في رأسه الكبير ده .... ياخي ده قون يضيعوا زول بعرف كورة ؟ حقيقي الهلال شرف الكرة السودانية رغم أنه ودع البطولة ......
شكراً أيها الهلال ...
|
|