Post: #1 Title: يا حبيب التعديلات الأخيرة في المنبر (مع الإحترام) Author: فيصل نوبي Date: 10-11-2009, 08:07 AM Parent: #0
سلام يا حبيب .. بكل تأكيد بعضها موفق و بعضها عكس ذلكـ ..
إعتدنا علي شكل المنبر الذي يميزه عن الكثير من المنتديات الأخري .. اليوم وجدت ما تسميه ( ثابت )
.. يا حبيب ما عارف ليه ذكرتني أيام البوليس الخوالي .. في المنتديات الاخري يكون إسمها (مثبت) بصراحة شديدة الحركة دي خربت شكل المنبر نهائياً و شكلها ما جميل خالص .. و أتمني أن يتم إعادة النظر فيها ....
_ العناوين المعلقة مالها عيبها لي !! مميزة الموقع عن بقيت المنتديات ..
Post: #2 Title: Re: يا حبيب التعديلات الأخيرة في المنبر (مع الإحترام) Author: هند محمد Date: 10-11-2009, 08:11 AM Parent: #1
Quote: بصراحة شديدة الحركة دي خربت شكل المنبر نهائياً و شكلها ما جميل خالص .. و أتمني أن يتم إعادة النظر فيها ....
_ العناوين المعلقة مالها عيبها لي !! مميزة الموقع عن بقيت المنتديات ..
شكرا والتحايا
Post: #5 Title: Re: يا حبيب التعديلات الأخيرة في المنبر (مع الإحترام) Author: داليا الكباشى Date: 10-11-2009, 08:17 AM Parent: #2
Quote: بصراحة شديدة الحركة دي خربت شكل المنبر نهائياً و شكلها ما جميل خالص .. و أتمني أن يتم إعادة النظر فيها ....
_ العناوين المعلقة مالها عيبها لي !! مميزة الموقع عن بقيت المنتديات ..
تحياتي نوبي ...
Post: #8 Title: Re: يا حبيب التعديلات الأخيرة في المنبر (مع الإحترام) Author: فيصل نوبي Date: 10-11-2009, 08:21 AM Parent: #5
الأعزاء هند و داليا .. شكراً للمناصرة .. ما نجيلكمش في تثبيته
Post: #3 Title: Re: يا حبيب التعديلات الأخيرة في المنبر (مع الإحترام) Author: فيصل نوبي Date: 10-11-2009, 08:15 AM Parent: #1
بنفس الطريقة .. موضوع حفظ الصور .. يا حبيب هنالكـ الكثير من الطرق لحفظ الصور غير الـ(right click) و من يرغب في حفظ الصور سوف يجد طريقه الي ذلكـ رغم أنف الـ(right click) اللي عملتها دي .. نعتمد كثيراً في المنبر علي الـ(right click) خاصة في الردود في (Tab) أو نافذة جديدة يجعلها أسهل .. و مع الحركة الجديدة للأسف لا نستطيع فعل ذلكـ ..
_ أضف الي ذلكـ (الوجوه التعبيرية) و صعوبة إضافتها في الردود مع الـ(right click)..
Post: #11 Title: Re: يا حبيب التعديلات الأخيرة في المنبر (مع الإحترام) Author: HAIDER ALZAIN Date: 10-11-2009, 08:30 AM Parent: #3
Quote: العناوين المعلقة مالها عيبها لي !! مميزة الموقع عن بقيت المنتديات ..
Quote: نعتمد كثيراً في المنبر علي الـ(right click) خاصة في الردود في (Tab) أو نافذة جديدة يجعلها أسهل ..
تحياتي نوبي
Post: #12 Title: Re: يا حبيب التعديلات الأخيرة في المنبر (مع الإحترام) Author: Yassir Tayfour Date: 10-11-2009, 08:30 AM Parent: #3
يا نوبي! في الدول الراقيَّة والعالّم الأوّل، بيتّك، بيتّك الواحد ده، شكله مفروض يكون حسب المواصفات التي تحددها البلديَّة، يعني ما على كيفّك تضرب بيتّك جير أحمّر وأصفّر عشان إنت مريخابي؛ أما أمر المنابر والأسافير متروك لأصحابها، وكل يعمّل بذوقه، والذوق قِسّم يا عينيّ، فحتى تتكوّن هيئة تضبط أصحاب المنابر والمتاجر الإسفيريَّة، نقول لصاحب الحوش: إنت مخيّر في ما تملِك ولا نملِك.. ____ بالواضِح كده: جُر فيهو الشوك لوووول...
Post: #16 Title: Re: يا حبيب التعديلات الأخيرة في المنبر (مع الإحترام) Author: معاوية عوض الكريم Date: 10-11-2009, 08:49 AM Parent: #3
Quote: بنفس الطريقة .. موضوع حفظ الصور .. يا حبيب هنالكـ الكثير من الطرق لحفظ الصور غير الـ(right click) و من يرغب في حفظ الصور سوف يجد طريقه الي ذلكـ رغم أنف الـ(right click) اللي عملتها دي .. نعتمد كثيراً في المنبر علي الـ(right click) خاصة في الردود في (Tab) أو نافذة جديدة يجعلها أسهل .. و مع الحركة الجديدة للأسف لا نستطيع فعل ذلكـ ..
_ أضف الي ذلكـ (الوجوه التعبيرية) و صعوبة إضافتها في الردود مع الـ(right click)..
كلام في التنك
وانا اقول الشغلانة دي عندي براي
يعنى هي نظام حركة جديدة ولا شنو ؟
ما جايبة حقها والله
Post: #4 Title: Re: يا حبيب التعديلات الأخيرة في المنبر (مع الإحترام) Author: ALazhary2 Date: 10-11-2009, 08:16 AM Parent: #1
. .
الأخ الكريم فيصل
تحية وتقدير
بصراحة التعديلات الأخيرة ممتازة ودفعت المنبر خطوات للأمام من الناحية التقنية والفنية. فعلاً كانت هناك معاناة في الأكواد والآن حلت هذه المشكلة. كنت أود كتابة بوست للريس بكري لشكره على هذه الإضافات وأغتنم هذا البوست لتوجيهها . بالنسبة للعناوين الثابتة وشكل تثبيتها دي بقى تبقى مسألة أذواق :)
مرة أخرى لك التحية والتقدير
يابكري ياريت تضيف أشكال الإبتسامات الثابتة والمتحركة في مكان الردود وكتابة البوستات عشان الحلو يكمل .
حاجة مهمة جداً جداً جداً يابكري ياخي رجع خاصية ضغط يمين الماوس للنسخ والحفظ دي حاجة مهمة جداً ولاغنى عنها .
يافيصل لو في طريقة تشرح لي الإبتسامات بتظهر كيف تكون ماقصرت تب ياحبيب .
. .
Post: #6 Title: Re: يا حبيب التعديلات الأخيرة في المنبر (مع الإحترام) Author: شمائل النور Date: 10-11-2009, 08:19 AM Parent: #4
نوبي
ازيكـ
بصراحة....انا ما عجبتني التعديلات الاخيرة دي وعملت زحمة ولخمة
و
بصراحة اكتر......غير صورتك كمتطلبات مرحلة وكدا
Post: #9 Title: Re: يا حبيب التعديلات الأخيرة في المنبر (مع الإحترام) Author: على محمد على بشير Date: 10-11-2009, 08:26 AM Parent: #4
تعرف يا نوبى
بكرى دا الظاهر عليهو مريخابى وداسيها لانو مع الخماسيه جاهو نشاط غريب جدا وقام ليك على المنبر واخر حلاوه وانبساط انشاء الله بعد مباراة الرد ح يعمل ليكم فى المنبر عمايل
Post: #7 Title: Re: يا حبيب التعديلات الأخيرة في المنبر (مع الإحترام) Author: mayada kamal Date: 10-11-2009, 08:19 AM Parent: #1
شكرا مرة اخرى اخي فيصل نوبي تعرف وفق نظرية المؤامرة وكدا احسن زاتو بكري نزل البوستات تحت عشان على الاقل نتساوي مع الناس لانو ما حصل الا نادرا انو الباشمهندس بكري رفع لي زول يقود خط يري انه خط موافق مع الحكومة
كدا الكتوف اتساوت ههههههههه
Post: #13 Title: Re: يا حبيب التعديلات الأخيرة في المنبر (مع الإحترام) Author: صديق الموج Date: 10-11-2009, 08:32 AM Parent: #7
ياجماعة الزول ابوصلعه ده مالو عذبنا كده؟؟ انا خايف يوم يقول اكتبوا العربى دة من الشمال لليمين. يازول المنبرده العناوين الفوق كانت مميزاه يعنى زى مانشيتات الصحف بعدين اقول ليك والله الرايت كلك بالنسبه لينا اهم من الليفت كلك لانو ممكن نعمل انتر وخلاص بالاخص للناس البوم الزينا انا وحمزاوى هسه حمزاوى يعمل شنو انا بتصرف لكن هو كده بكون محتاج مترجم،الله يعينه،،،
Post: #14 Title: Re: يا حبيب التعديلات الأخيرة في المنبر (مع الإحترام) Author: Tabaldina Date: 10-11-2009, 08:36 AM Parent: #7
.. . والله يا نوبي من شفتها .. قعدت افكر قلت يا ربي فيصل ووين ؟؟ نفتح بوست ولا نستناهو .. اتفق معاك تماما فيما ذكرت من تشويه المنبر بمسالة وضع كذا موضوع ( ثابت ) فى بداية الموضوعات . والله يا بكرى يعنى حركة ( ثابت ) دى شكلها قبيح وغير موفقه نهائياً وشوهت الشكل العام اللمنبر ..
العناوين المعلقة كما ذكر فيصل هى احد مميزات المنبر وشكلها مريح وتنسيقها رائع ..
______
بالمناسبة ملاحظات نوبي دى تعبر عن 80% من العضوية بس نوبي لانو خفيف وسريع الحركة فما تفتكر حاجة تانية
Post: #10 Title: Re: يا حبيب التعديلات الأخيرة في المنبر (مع الإحترام) Author: هشام مدنى Date: 10-11-2009, 08:29 AM Parent: #1
ا - يمنع منعا باتا التدخل في شؤون إدارة المنتدى. ولإدارة المنتدي كامل الصلاحية في حذف, تعديل, نقل أو إغلاق موضوع أي / مداخلة أو إيقاف عضوية أي مشترك دون ذكر الأسباب. [/ Red] [/ B]
النوبى العزيز سلامات [/ green] [/ B]
Post: #15 Title: Re: يا حبيب التعديلات الأخيرة في المنبر (مع الإحترام) Author: صديق الموج Date: 10-11-2009, 08:36 AM Parent: #10
Post: #17 Title: Re: يا حبيب التعديلات الأخيرة في المنبر (مع الإحترام) Author: زهير الزناتي Date: 10-11-2009, 08:49 AM Parent: #15
نتفق تماماً ... في المانشيتات وفي الرايت كليك
Post: #18 Title: Re: يا حبيب التعديلات الأخيرة في المنبر (مع الإحترام) Author: العوض المسلمي Date: 10-11-2009, 08:51 AM Parent: #15
فعلا يا نوبي التعديل غير موفق والغاء العناوين غير شكل المنبر وجعله غريب جدا .. ويا بكري كلنا نستفيد من المنبر في حالة جاذبيته لاننا نظل فيه ساعات فارجو النظر لما يري الاعضاء لطفا وليس امرا ..
Post: #19 Title: Re: يا حبيب التعديلات الأخيرة في المنبر (مع الإحترام) Author: tmbis Date: 10-11-2009, 08:54 AM Parent: #15
Quote: بصراحة شديدة الحركة دي خربت شكل المنبر نهائياً و شكلها ما جميل خالص .. و أتمني أن يتم إعادة النظر فيها ...._ العناوين المعلقة مالها عيبها لي !! مميزة الموقع عن بقيت المنتديات ..
.. والله يا نوبي كلامك صاح مية المية .. الاضافات الجديدة ومن ضمنها مثبت دي .. بوظت المنبر نهائياً من الناحية الجمالية .. ومن ناحية التميز والفرق بينو وبين المنتديات الأخرى ,, ياخ الصفحة بتاعت البورد محتاجة لي مط .. وشد وجذب .. حتين تكفي المواضيع المطروحة .. ما ممكن تقوم تتبتر من الربع الفوقاني .. أنا خايف بعد كدا بكري يقوم يعمل ليهو (كيرزر) (أبوترتر) داك .. كلما تحرك الماوس يطلع ليك فقاعات ونجوم ومزيكـا .. ميزة المنبر دا التقليدية البسيطة فوقو .. ابتداء من لغة التصميم القديمة .. مرورا بي الالوان .. بي حرية التحرك فيهو والكتابة .. بي إدراج الأغاني وملفات الفيديو .. مع كامل احترامنا يا بكري لي رؤيتك التجديدية .. إلا إنو تثبيت المواضيع بالشكل دا في (حلق) الصفحة (خنقنـا) نحن ديل ذاتنا .. الواحد لا عرف يكتب .. ولا عرف يكتبو ليهو .. ولا عرف يقرا .. أعمل اي حاجة الواحد ممكن يستحمله .. بس المواضيع دي ارفعه فووق وخليها في حتته .. الحركة العملتها دي ما حركة احترافية .. مهما كانت المبررات .. تثبت ليك سبعة مواضيع وتشيل بيها مساحة قدر دا .. عليك الله فضلت شنو لي دكتور مانديلا .. يعني تاني يجيب بورديهو معاهو ويجي داخل هنا دا ..؟ تعال يا درش عليك الله اخد ليك (قدله) مع التثبيتات الجديدة دي شان بكري يعرف حاجة ..
Post: #20 Title: Re: يا حبيب التعديلات الأخيرة في المنبر (مع الإحترام) Author: حمور زيادة Date: 10-11-2009, 09:00 AM Parent: #19
ده شنو البوست الناسو كلهم متفقين ده ؟ حتى المختلف الوحيد نوعا ما هو الأزهري المهذب. بكري ده غيّر العناوين وله غيّر العضوية ؟
غايتو من باب تغريق الذمة و المعاكسة و الكضب البيودي النار اقول انو التعديلات جميلة و رائعة و لا يعارضها الا كل مخبول مختل كامثال نوبي و تمبس و من سار خلفهما.
Post: #22 Title: Re: يا حبيب التعديلات الأخيرة في المنبر (مع الإحترام) Author: مزمل خيرى Date: 10-11-2009, 09:07 AM Parent: #19
Quote: بصراحة شديدة الحركة دي خربت شكل المنبر نهائياً و شكلها ما جميل خالص .. و أتمني أن يتم إعادة النظر فيها ....
نثنى بشدة يانوبى ...
Post: #21 Title: Re: يا حبيب التعديلات الأخيرة في المنبر (مع الإحترام) Author: داليا حافظ Date: 10-11-2009, 09:06 AM Parent: #15
يا بكري حركتك
وحشة قدا قدا
مو بحلوة بنوب بنوب ..
خسفة وايد وايد ..
خايبة برشا برشا ..
من الأخر شينة شديييييد ياخ
ـــــــــــــــــــــــــــــــــــ
نؤيد نوبي بالخمسة مع كامل الإحترام
Post: #23 Title: Re: يا حبيب التعديلات الأخيرة في المنبر (مع الإحترام) Author: صبري طه Date: 10-11-2009, 09:15 AM Parent: #21
غايتو أنا مع بكري وعكس الناس ...
بس لو أظهر الردود والقراءة بدلاً عن الأصفار للمواضيع المثبتة ...
وكذلك إيجاد معالجة للأصفار لمواضيع صفحة الموقع الرئيسية ... (أيقونات تدل على التحويل) ...
أسباب اتفاقي مع بكري: 1- الطريقة الجديدة تقلل من طول الصفحة وحجمها مما يعني تسريع تصفح المنبر. 2- التقليل من طول وحجم الصفحة يفيد أيضاً في التقليل من استهلاك الباندويث (كمية نقل البيانات).
ولكم كل الود والتقدير ،،،
Post: #24 Title: Re: يا حبيب التعديلات الأخيرة في المنبر (مع الإحترام) Author: داليا الكباشى Date: 10-11-2009, 09:23 AM Parent: #21
يا نوبي والله بختك .. مع انو البوست انصرااااااااافي ...
عليك الله شوف البوست النار دا جاب ليك منو ...؟؟؟ قال ليك عمك الموج وحمور وتمبس وداليا حافظ وعندك عدد واحد دلووووشه وصلحو...
يا بكري لو سمحت ثبت البوست دا لانو تقريبا البوست الوحيد اللي الناس كلهم متفقين فيهو على قوله حمور .. لوووووول
لكن اصلو الواحد ما يتطمن , اسي يجيك دكتور منو داكا ولا هناي داك , ولا اسمها منو ديكا يقول ليك افتكر واعتقد والتجديد والبوتقه الفكريه المنبثقه من عقليه بكري في اللحظه اللي كان فيها القمر مكتمل ..!!!
لووووووووول .. (عليك الله دي حاله , الواحده ضحكه ما قادر يلصقها ؟؟؟) ...
Post: #25 Title: Re: يا حبيب التعديلات الأخيرة في المنبر (مع الإحترام) Author: HAIDER ALZAIN Date: 10-11-2009, 09:25 AM Parent: #24
تحيا الديمقراطيــة ..
واهو الحبيب استجاب لرجاءا تنا ..
شكراً بكري ما قصرت ..
وشكرا نوبي على البوست
Post: #26 Title: Re: يا حبيب التعديلات الأخيرة في المنبر (مع الإحترام) Author: داليا الكباشى Date: 10-11-2009, 09:28 AM Parent: #25
حيدر يا فرده .. ماااااااااا تستعجل ...
هدا لسسسسسسه مثبت اتنين ...
حيدر الزين ازيك بالمناسبه دي ... بركه في الملاقاه يا اخوي ...
Post: #27 Title: Re: يا حبيب التعديلات الأخيرة في المنبر (مع الإحترام) Author: HAIDER ALZAIN Date: 10-11-2009, 09:35 AM Parent: #26
هلا يا داليا ويديك العافية يا ملكة ..
رجع الرايت كليكـ ..
وإتفكّ التثبيت لكمية البوستات الوصلت سبعة اول مرة
مما يعني ان هناك استجابة تمت ..
احترامي وتقديري ..
Post: #28 Title: Re: يا حبيب التعديلات الأخيرة في المنبر (مع الإحترام) Author: tmbis Date: 10-11-2009, 09:35 AM Parent: #26
غايتو يا داليـا وحمور بختكم .. أهو رجعو ليكم الوشوش .. وثبتو ليكم موضوعين .. حقو الواحد .. يطالب بتثبيت سبعة مواضيع .. تااني من الأول .. عشان حمور يعرف حاجة ..
Post: #29 Title: Re: يا حبيب التعديلات الأخيرة في المنبر (مع الإحترام) Author: humida Date: 10-11-2009, 09:35 AM Parent: #26
فيصل نوبي .. ندخل شوية في العميق .. جميع التعديلات و الاكواد العاملا بكري .. ماشة بس مع Internet Explorer Browser بتاع مايكروسوفت .. بالنسبة للرايت كليك .. ما مقفول عندي ( بستخدم Google Chrome ) بس بقى فيهو شوية لولوة .. يعني في الاول بديك رسالة بكري .. و بعدها بدخل ليك عادي .. بالنسبة للاغاني المرفوعة علي سيرفر سودانيزاونلاين .. لا يمكن تشغيلها ألا في Internet Explorer Browser بتاع مايكروسوفت ..
.. ..
ثابت الفوق دي .. اظن بكري بحاول يفعل بقية الصفحات الاخرى في سودانيزاونلاين .. و منها الاخبار .. لانه ذي ما عارف انه غير المنبر ما في حاجة شغالة ..
--------------------------- مش شغلك انا عملت تعديل ليه .. !
Post: #30 Title: Re: يا حبيب التعديلات الأخيرة في المنبر (مع الإحترام) Author: حمور زيادة Date: 10-11-2009, 09:40 AM Parent: #29
أهو الضغط بدا يجيب نتيجة. لغى تلاتة و رجع مانشيت. واصلو يا شباب حتى الغاء كل الثابت و العودة للمانشيتات. انها لثورة حتى النصر و لا وساطة و لا انصاف حلول. عاش كفاح البورداب. البوست ده ما فيهو شيوعي يعمل لينا حركة حركتين ؟ وله آآآآآآآآ.. تأمين كادر.
Post: #31 Title: Re: يا حبيب التعديلات الأخيرة في المنبر (مع الإحترام) Author: فيصل نوبي Date: 10-11-2009, 09:41 AM Parent: #26
أولاً .. نشكركـ لتبديل كلمة ( ثابت )
الي ( مُثبت )
الحلول (الوسط) غير مجدية ..
أهل فلسطين المحتلة عندهم مثل بيقول ( يا طخو يا إكسر مُخو ) .. نتمني أن يتم إلحاق بقية ( مُثبت ) الي ( صدر المنبر ) و يا قول حبوبة (كان الله مُحباً للمحسنين) ..
_ نشكرا لكم حسن تعاونكم معنا يا حبيب ...
Post: #32 Title: Re: يا حبيب التعديلات الأخيرة في المنبر (مع الإحترام) Author: حمور زيادة Date: 10-11-2009, 09:43 AM Parent: #31
الثورة انطلقت شعارات ترددها القلوب
Post: #35 Title: Re: يا حبيب التعديلات الأخيرة في المنبر (مع الإحترام) Author: حمور زيادة Date: 10-11-2009, 09:45 AM Parent: #32
Post: #33 Title: Re: يا حبيب التعديلات الأخيرة في المنبر (مع الإحترام) Author: مزمل خيرى Date: 10-11-2009, 09:44 AM Parent: #31
شكرا يانوبى .. بكرى بدأ يرجع المنبر زى الاول
Post: #34 Title: Re: يا حبيب التعديلات الأخيرة في المنبر (مع الإحترام) Author: abdulhalim altilib Date: 10-11-2009, 09:44 AM Parent: #24
Quote: يا بكري حركتك
وحشة قدا قدا
مو بحلوة بنوب بنوب ..
خسفة وايد وايد ..
خايبة برشا برشا ..
من الأخر شينة شديييييد ياخ
ـــــــــــــــــــــــــــــــــــ
نؤيد نوبي بالخمسة مع كامل الإحترام
شكراً داليا ، بس حكاية (الخمسة) دي طبظت التضامن معك في تأييد نوبي لأنك ماراعيتي مشاعرنا كهلالاب مؤملين في رد الاعتبار في عقر دار مازيمبي ؟!! وليه لأ ؟!
(نبصم بالعشرة) على كلام فيصل نوبي !؟
مودتي ،
( ليمو )
Post: #36 Title: Re: يا حبيب التعديلات الأخيرة في المنبر (مع الإحترام) Author: حمور زيادة Date: 10-11-2009, 09:47 AM Parent: #34
نمهلك يا بكري ساعة لاجراء التعديلات و إلا حيدر الزين بيفلعك ببتيختو الشايلا دي
Post: #37 Title: Re: يا حبيب التعديلات الأخيرة في المنبر (مع الإحترام) Author: humida Date: 10-11-2009, 09:48 AM Parent: #36
ما في زول معاهو طبنجة ..!
Post: #38 Title: Re: يا حبيب التعديلات الأخيرة في المنبر (مع الإحترام) Author: حمور زيادة Date: 10-11-2009, 09:51 AM Parent: #37
Quote: ما في زول معاهو طبنجة ..!
يا حميدة يا اخوي النضال الثوري مراحل .. ما تستعجل و ما تحرق المراحل. لكن كل الخيارات مفتوحة. غضب الامة اتمدد نار.
Post: #39 Title: Re: يا حبيب التعديلات الأخيرة في المنبر (مع الإحترام) Author: HAIDER ALZAIN Date: 10-11-2009, 09:52 AM Parent: #37
إن شاء الله عشان تفك طلقة في راسك
Post: #40 Title: Re: يا حبيب التعديلات الأخيرة في المنبر (مع الإحترام) Author: naeem ali Date: 10-11-2009, 09:54 AM Parent: #39
اثني...
___________________ وبشده
Post: #41 Title: Re: يا حبيب التعديلات الأخيرة في المنبر (مع الإحترام) Author: humida Date: 10-11-2009, 10:03 AM Parent: #40
Quote: يا حميدة يا اخوي النضال الثوري مراحل
يا حمـور نحن اتربينا في اجواء العنف الطلابي .. ( موضة التسعينات ) .. ما في مراحل .. يا سيخة .. يا طبنجة .. و يا خرطوم جوطي جوطي .. لن يحكمنا الشيخ ( ... ) ..
Post: #42 Title: Re: يا حبيب التعديلات الأخيرة في المنبر (مع الإحترام) Author: حمور زيادة Date: 10-11-2009, 10:09 AM Parent: #41
Quote: و يا خرطوم جوطي جوطي .. لن يحكمنا الشيخ ( ... ) ..
أمّــــــــك
Post: #43 Title: Re: يا حبيب التعديلات الأخيرة في المنبر (مع الإحترام) Author: humida Date: 10-11-2009, 10:11 AM Parent: #42
يعني انا قصدي لن يحكمنا الشيخ الكويس .. في شنو يا حمـور ياخي .. انت مخك مالو عفن كدا ..!!
.. ..
حيرتنا زاتو ..
Post: #44 Title: Re: يا حبيب التعديلات الأخيرة في المنبر (مع الإحترام) Author: داليا حافظ Date: 10-11-2009, 10:13 AM Parent: #41
البوست ده بقى ما مطمئن ..
وشكله سينجرف ألى أخوار التاريخ ..
غايتو أنا من البولعو اللساتك ..
ـــــــــــــــــــــــــــ
دلوش اخبارك
Post: #45 Title: Re: يا حبيب التعديلات الأخيرة في المنبر (مع الإحترام) Author: طلحة عبدالله Date: 10-11-2009, 10:18 AM Parent: #44
والله انا في الحتة شايف أنو المفروض تشوف ليك شغلة تقضيها وتبطل الفلسفة وبالميت كدا تقوم تلف .
Post: #52 Title: Re: يا حبيب التعديلات الأخيرة في المنبر (مع الإحترام) Author: mayada kamal Date: 10-11-2009, 11:01 AM Parent: #41
Quote: حمـور نحن اتربينا في اجواء العنف الطلابي .. ( موضة التسعينات ) .. ما في مراحل .. يا سيخة .. يا طبنجة
عاين دا كمان إنت يا حميدة مووش خريج كمبيوتر مان !!!!!!! الحناكيش متيييييين عرفوا اجواء العنف الطلابي جامعتكم زاتها حنكوشة أظنكم ما سمعتوا بي ثقافة الدبابين ومناطق العمليات وووو الا في الجرايد
Post: #53 Title: Re: يا حبيب التعديلات الأخيرة في المنبر (مع الإحترام) Author: humida Date: 10-11-2009, 11:05 AM Parent: #52
Quote: أظنكم ما سمعتوا بي ثقافة الدبابين ومناطق العمليات وووو الا في الجرايد
ميادة الكـوزة .. انا قريت في الاهلية .. ( كلية العلوم التطبيقية و الحاسوب ) .. و اول يوم في الجامعة مأخد لي خرطوشين .. يدوك زيهم ان شاء الله في القريب العاجل .. سنتين نضال و الشارع .. يعني عشان الواحد ما جا كتب ليكم سيرته النضالية ذي القائد محمد عادل ..
Post: #46 Title: Re: يا حبيب التعديلات الأخيرة في المنبر (مع الإحترام) Author: lana mahdi Date: 10-11-2009, 10:18 AM Parent: #40
تأييد يانوبي
Quote: عاش كفاح البورداب. البوست ده ما فيهو شيوعي يعمل لينا حركة حركتين ؟ وله آآآآآآآآ.. تأمين كادر.
(: بكري أخوي حمور دة قايدالتمرد أعدمو(:(:
Post: #47 Title: Re: يا حبيب التعديلات الأخيرة في المنبر (مع الإحترام) Author: فيصل نوبي Date: 10-11-2009, 10:28 AM Parent: #46
نشكركـ يا حبيب علي إزاحة شبح الـ(right click) عننا .. و نتمني إزاحة شبح الـ(مثبت) فهي لا تشبه المنبر ..
_ الشكر الجزيل لكل من ساهم بطوبة في إنتفاضة المنبر الصغري ..
Post: #48 Title: Re: يا حبيب التعديلات الأخيرة في المنبر (مع الإحترام) Author: haroon diyab Date: 10-11-2009, 10:32 AM Parent: #46
لا..... منبري وانا حر فوقو....!!!! حد شريكي.......؟
اها ياهندسة دعم ومساندة وكده عشان لامن اكون عندي حاجة عوز ارفعة اكون مقدم السبت( بس انت الاحد بتاعك ده مااااااااضمون ....!!!!)
Post: #49 Title: Re: يا حبيب التعديلات الأخيرة في المنبر (مع الإحترام) Author: Tabaldina Date: 10-11-2009, 10:38 AM Parent: #48
.. . انا شخصياً متمسك بالغاء مثبت او ثابت كل العناونين تطلع على السطح .. ومافى داع ى لقعادهم جوه الشقق
________
يا حمور ياخى احترم الماسنجر دا شوية ولا اقول ليك قدر صاحبو سااى
Post: #50 Title: Re: يا حبيب التعديلات الأخيرة في المنبر (مع الإحترام) Author: عمر صديق Date: 10-11-2009, 10:49 AM Parent: #48
Quote: سلام يا حبيب .. بكل تأكيد بعضها موفق و بعضها عكس ذلكـ ..
إعتدنا علي شكل المنبر الذي يميزه عن الكثير من المنتديات الأخري .. اليوم وجدت ما تسميه ( ثابت ) .. يا حبيب ما عارف ليه ذكرتني أيام البوليس الخوالي .. في المنتديات الاخري يكون إسمها (مثبت) بصراحة شديدة الحركة دي خربت شكل المنبر نهائياً و شكلها ما جميل خالص .. و أتمني أن يتم إعادة النظر فيها ....
_ العناوين المعلقة مالها عيبها لي !! مميزة الموقع عن بقيت المنتديات ..
100%
Post: #51 Title: Re: يا حبيب التعديلات الأخيرة في المنبر (مع الإحترام) Author: صلاح أبودية Date: 10-11-2009, 10:59 AM Parent: #50
وين مراسلنا فى الولايات المتحدة ؟ عاوزين نعرف الحاصل أول بأول ..! رايت كليك ! كربك كربك كربك كربك !!
Post: #54 Title: Re: يا حبيب التعديلات الأخيرة في المنبر (مع الإحترام) Author: داليا حافظ Date: 10-11-2009, 11:17 AM Parent: #51
Quote: لأنك ماراعيتي مشاعرنا كهلالاب مؤملين في رد الاعتبار في عقر دار مازيمبي ؟!! وليه لأ ؟!
إييييييييييييييه (على رأي شعبان عبدالرحيم )..
ياعبدالحليم شنوالأرتكاريا دي ..إنه المزااااح يا أخي ..
وعذرا حتى النصر ..
Post: #55 Title: Re: يا حبيب التعديلات الأخيرة في المنبر (مع الإحترام) Author: عماد محمود علي Date: 10-11-2009, 11:20 AM Parent: #51
يانوبي ياخي في شنو؟ تورتا نفسنا ياخ !!!! ياخ انت زااااتك لو قدرتا بالله عدل لينا صورة البروفايل دي ياخي ما ماشة مع أحداث الساعة .......ونبصم بالخمســـــــــــــــــــــــــــــــة !!!!!
Post: #56 Title: Re: يا حبيب التعديلات الأخيرة في المنبر (مع الإحترام) Author: Ahmed Yousif Abu Harira Date: 10-11-2009, 11:24 AM Parent: #51
لا ...لا دي اشتغلت فعلا اوكي...
ازيك يا نوبي
Post: #57 Title: Re: يا حبيب التعديلات الأخيرة في المنبر (مع الإحترام) Author: محمد إبراهيم علي Date: 10-11-2009, 11:37 AM Parent: #51
Quote: انا قريت في الاهلية .. ( كلية العلوم التطبيقية و الحاسوب ) .. و اول يوم في الجامعة مأخد لي خرطوشين .. يدوك زيهم ان شاء الله في القريب العاجل .. سنتين نضال و الشارع ..
حميدة ياخنشور انت اظن جيت في زمن خنشرة الاهلية لانها لمن عملوها اول مرة كان عايزين الحناكيش لكن ما عملوا حساب التضخم والله اول سنينا ونحن في جامعة السودان لمن ندور نمشي الاهليه الواحد يتريح ويستلف ليهو قميص وبنطلون جزمة من واحد حنكوش ويغشي الحلاق حتي يقدر يخش هناك قاتل الله التضخم خربتوا علي اولاد الناس جامعتهم
ونتضامن مع اهل البورد في الجاتهم ولو في مسيرة بدون بمبان ادونا خبر باقي عندنا حساسية
Post: #58 Title: Re: يا حبيب التعديلات الأخيرة في المنبر (مع الإحترام) Author: نيازي مصطفى Date: 10-11-2009, 12:17 PM Parent: #1
كلنا مع عودة المنبر لشكله المميز تحياتي يا نوبي وعبر بوستك التحية لصاحبي احمد ابو حريرة ابو صلعه
Post: #59 Title: Re: يا حبيب التعديلات الأخيرة في المنبر (مع الإحترام) Author: Dalal Ezzaldin Date: 10-11-2009, 01:10 PM Parent: #58
هو القرايه بالعافيه ... ابيت ما بقرأ وكمان تمشي الصفحه التانيه تلقى الثابت قاعد بي غادي .. اصلو شنو
Post: #60 Title: Re: يا حبيب التعديلات الأخيرة في المنبر (مع الإحترام) Author: محمد عبد الماجد الصايم Date: 10-11-2009, 01:18 PM Parent: #59
Post: #61 Title: Re: يا حبيب التعديلات الأخيرة في المنبر (مع الإحترام) Author: فادية اليمني Date: 10-11-2009, 01:47 PM Parent: #60
Quote: غايتو رجعنا ليكم الكليكات وكـدا
صايمنا
بركةالرجعتوها ياااخ
نحن يادوب ما عرفنا يعملوها كيف
يقوموا يشيلوها
حيرتونا والله
ود نوبى
تحياتى
و معاك معاك ولقدام
Post: #62 Title: Re: يا حبيب التعديلات الأخيرة في المنبر (مع الإحترام) Author: شول اشوانق دينق Date: 10-11-2009, 02:11 PM Parent: #61
شنو يا اخواننا زانقين هندسة ده كده
Post: #63 Title: Re: يا حبيب التعديلات الأخيرة في المنبر (مع الإحترام) Author: احمد محمد بشير Date: 10-11-2009, 02:20 PM Parent: #62
التعديلات دي ما ظبطت ولا حاجه...
القديم زيوا مافي... وحكاية ثــابت دي عامله زحمه في السطر الاول...
القديم يمييز المنبر عن باقي المنتديات...
وشكرا... علي كل حال.
Post: #64 Title: Re: يا حبيب التعديلات الأخيرة في المنبر (مع الإحترام) Author: ابو جهينة Date: 10-11-2009, 02:44 PM Parent: #63
Quote: و أتمني أن يتم إعادة النظر فيها ....
_ العناوين المعلقة مالها عيبها لي !! مميزة الموقع عن بقيت المنتديات ..
تمام
تحياتي فيصل
Post: #65 Title: Re: يا حبيب التعديلات الأخيرة في المنبر (مع الإحترام) Author: عبد الحميد البرنس Date: 10-11-2009, 02:57 PM Parent: #64
Quote: ما عارف ليه ذكرتني أيام البوليس الخوالي .. في المنتديات الاخري يكون إسمها (مثبت)
Post: #67 Title: Re: يا حبيب التعديلات الأخيرة في المنبر (مع الإحترام) Author: Magdi Ahmed Elsheikh Date: 10-11-2009, 03:16 PM Parent: #65
ياحبيب تحياتي,,
ياخوي خليك مميز كما كنت,,
وما اجمل البساطة حيث السهل الممتنع,,
والنسي قديمو تاه ياحبيب ,,
والشغلة دي بتجيب الهواء ,,
وتفتح نفاجات ,,
شيلها يديك العافية.
____________ فيصل مشتاقين وكده!!
Post: #66 Title: Re: يا حبيب التعديلات الأخيرة في المنبر (مع الإحترام) Author: abdalla osman Date: 10-11-2009, 03:09 PM Parent: #63
والله يا هندسة تعجب , تعبت في التعديلات بقصد التجويد يجو البورداب يقولو ما عاجبنا طوالي تسحبها, ديمقراطية لا فيها شق لا طق تخلي الواحد يقترح كمان, مثلا مثلا إمكانية التصحيح عند الخطأ في كتابة عنوان البوست ..
Post: #68 Title: Re: يا حبيب التعديلات الأخيرة في المنبر (مع الإحترام) Author: أمين محمد سليمان Date: 10-11-2009, 04:30 PM Parent: #66
إني أري - و الراي ما رأيت - أن يسحب سيد بكري - قدس الله سره - باسوردات كل من سولت له نفسه اللئيمه معارضه تعديلاته المباركه ، درءا للفتنه و منعا لفوضى قد تضرب باطنابها في منبرنا العامر ! نراقب محاولات العملاء و المأجورين الواهمين و شذاذ الآفاق تسميم المنبر تحت ستار معارضه التعديلات و هو ما دونه خرط القتاد !
