Post: #1 Title: 'مشتاق ليك يا رائع' عمل موسيقي جميل للأستاذ محمد الأمين .. دعوة للإستماع Author: المعز ادريس Date: 10-11-2009, 07:36 AM
مشتاق ليك يا رائع عمل موسيقي محترم قدمه الباشكاتب في سهرة العيد الأخير بقناة النيل الأزرق و لأول مرة أشاهد بنت تعزف معه فالتحية لهذه العازفة الماهرة و هي تنضم لفرقة الأستاذ خاصة و أن موسيقى محمد الأمين تتطلب مهارة و انضباط عاليين السهرة قدمها الطيب عبد الماجد مستضيفا الأساتذة وردي و محمد الأمين و علي شمو .. تمتعوا بهذا اللحن و صولة الكمنجة المعبرة لكن في البداية أقدم ليكم الباشكاتب و هو يقود تكبيرة صلاة العيد:
Post: #2 Title: Re: 'مشتاق ليك يا رائع' عمل موسيقي جميل للأستاذ محمد الأمين .. دعوة للإستماع Author: المعز ادريس Date: 10-11-2009, 07:44 AM Parent: #1
هي في الحقيقة 'يا جميل يا رائع'!
Post: #3 Title: Re: 'مشتاق ليك يا رائع' عمل موسيقي جميل للأستاذ محمد الأمين .. دعوة للإستماع Author: المعز ادريس Date: 10-11-2009, 11:16 PM Parent: #2
الكلمات للشاعر 'الرائع' صلاح حاج سعيد
Post: #4 Title: Re: 'مشتاق ليك يا رائع' عمل موسيقي جميل للأستاذ محمد الأمين .. دعوة للإستماع Author: عاطف عبدون Date: 10-11-2009, 11:36 PM Parent: #3
تسلم يا المعز
كنت بفتش فيها من يوم السهره
الف شكر
........... راي شخصي اجدعو البحر
الاغنيه كافيه لي فتح بوست ومحفل كامل كمان وكان احسن تكون براها من غير (تكبيره) او تهليل دي غنيه براها عيد
Post: #8 Title: Re: 'مشتاق ليك يا رائع' عمل موسيقي جميل للأستاذ محمد الأمين .. دعوة للإستماع Author: المعز ادريس Date: 10-12-2009, 02:20 AM Parent: #4
تسلم يا عاطف و كل سنة و انت طيب أنا برضي قلت كدا لكن القاسم المشترك هنا هو العيد أرجو أن تكون إستمتعت بهذه اللوحة المزازيكية
Post: #5 Title: Re: 'مشتاق ليك يا رائع' عمل موسيقي جميل للأستاذ محمد الأمين .. دعوة للإستماع Author: سمندلاوى Date: 10-11-2009, 11:47 PM Parent: #3
شكرا يامعز وعيدك سعيد وكل ايامك فرح .... تكبيرة العيد نابعة بصدق عميق ولاغرابة فى ذلك فـــ الأستاذ محمد الامين مشحون بالتدين وتلاوة القرآن .. ــــــــــــ
تصدق انو توارد الخواطر فى انزال هذا العمل هنا افرحنى واطربنى فمنذ ان ترنم بها فى سهرة العيد والى يومنا هذا , استمع اليها يوميا ... عمل جميل ومتقن وبالذات الاوركسترا كانت فى قمة ادائها ما ادى الى اخراج الاغنية فى ازهى حلة ... التحية لاستاذنا العملاق محمد الامين وربنا يطول فى عمرو والتحايا موصولة للشاعر الرقيق صلاح حاج سعيد والفرقة المصاحبة الزملاء فقد ابلوا بلاءا جيدا. تحياتى مجددة ايضا للصديق الجميل الطيب ع.الماجد لتوليه دفة السهرة بنجاح باهر ..
شكرا يافن ...
Post: #6 Title: Re: 'مشتاق ليك يا رائع' عمل موسيقي جميل للأستاذ محمد الأمين .. دعوة للإستماع Author: احمد محمد بشير Date: 10-12-2009, 00:24 AM Parent: #5
الله عليك يا معز.... التحية عبرك وعبر سودانيز للقدير محمد الامين التحية للشاعر الرقيق صلاح حاج سعيد.....
واللحن جميل جدا جدا... ممنون يا أخ معز وشكرا ليك كتير...
Post: #7 Title: Re: 'مشتاق ليك يا رائع' عمل موسيقي جميل للأستاذ محمد الأمين .. دعوة للإستماع Author: احمد محمد بشير Date: 10-12-2009, 00:58 AM Parent: #6
تحفة فنيه لا تقدر بثمن.... فيها الابداع الموسيقي... الذي ابدع في تلحينها الاستاذ محمد الامين.... وفيها تجليات العازفيين.. المهره... ولاسيما الكمنجات...
***** مشتاق ومعاي يوماتي مالي علي في الدنيا حياتي عايش في وجداني معذب زي ما اكون غرقان في زاتي شادد عصب الحس السادس تجي رياح العوده واهاتي نرجع لي ايامنا الحلوه والافراح بيك تملا حياتي ومشتاق ليك يا جميل يا رائع... *****
_____ ** الاغنية ناقصة يا أخ معز... وين الباقي.. شايف ناس التلفزيون كاتبين نواصل بعد الاذان وما تمت الاغنية.
Post: #9 Title: Re: 'مشتاق ليك يا رائع' عمل موسيقي جميل للأستاذ محمد الأمين .. دعوة للإستماع Author: المعز ادريس Date: 10-12-2009, 02:28 AM Parent: #5
و انت طيب يا سمندلاوي كان لا بد من عرض هذا العمل هنا في الزمن المزدحم برجة الغناء الحاصلة معك أحي الباشكاتب و الفرقة الجميلة و الطيب عبد الماجد و قناة النيل الأزرق الشيقة و شاعرنا الحبيب صلاح ح سعيد.. كنت في السودان في فترة ما قبل العيد و التقيت بالرائع سعد الطيب و طربنا أيما طرب للبيانو السعيد بأنامل سعد الغالية.. تحياتي و ودي
Post: #10 Title: Re: 'مشتاق ليك يا رائع' عمل موسيقي جميل للأستاذ محمد الأمين .. دعوة للإستماع Author: المعز ادريس Date: 10-12-2009, 02:34 AM Parent: #9
تحياتي و تمنياتي كذلك يا احمد محمد بشير و أنا سعيد بسعادتك بهذه النسمة الأبولمينية تنحب من أول سمعة! فعلا المحبط هو أنها ناقصة و أنا نزلتها هنا بفهم 'الكحة و لا صمة الخشم' يديك العافية
Post: #11 Title: Re: 'مشتاق ليك يا رائع' عمل موسيقي جميل للأستاذ محمد الأمين .. دعوة للإستماع Author: عاطف عبدون Date: 10-12-2009, 09:33 AM Parent: #10