Post: #1
Title: منظمة المراة السودانية الامريكية واشنطن تستضيف د.شذا بله ود.الدالي والقانوني محمد النعمان
Author: انوار عبد الوهاب
Date: 10-11-2009, 02:47 AM
Parent: #0
منظمة المراة السودانية الامريكية
منطقة واشنطون الكبري
في أطار مواصلة نشاطات المنظمة وتقديم وتقييم الاراء باختلافها حول قضايا القوانين المختلفة والتي تمس السيدات بالسودان ندعوكم لحضور الندوة والتي ستقام يوم الاحد الموافق 11/أكتوبر/2009 الساعة الخامسة مساءا - حتي التاسعة والنصف مساء
علي العنوان التالي
Mason District Government Center & Police Station 6507 Columbia Pike Annandale, VA 22003 Phone: 703-256-7717
يتحدث فيها د / أحمد المصطفي الدالي
و
القانوني الاستاذ / محمد النعمان
و
الاستاذة / شذا بلة محمد المهدي
عضو سابق بالمبادرة الاستراتيجية لنساء القرن الافريقي-مسؤولة شمال السودان وعضو مؤسس للشبكة الافريقية للحقوق والصحة الانجابية بجوهانسبيرج
وعضو مبادرة اصلاح القوانين فى السودان
طبيبة وناشطة
وذلك بعنوان / اضاءة حول قوانين الاحوال الشخصية والجنائية وحقوق المراة
الدعوة عامة ونؤكد للجميع الالتزام بالمواعيد والحضور لارتباط المكان الصارم
الاراء المطروحة لاتعبر بالضرورة عن رأي المنظمة
اللجنة التنفيذية لمنظمة المرأة السودانية الامريكية / منطقة واشنطون الكبري
دورة 2009 - 2010
|
Post: #2
Title: Re: منظمة المراة السودانية الامريكية واشنطن تستضيف د.شذا بله ود.الدالي والقانوني محمد النعمان
Author: بريمة محمد
Date: 10-11-2009, 04:01 AM
Parent: #1
أنوار
ممكن أسئل د. دالى خبرته شنو فى القانون الأمريكى ...؟ ومحمد النعمان .. متين بقى قانون يأتى ليفتى فى مسألة القانون!
مجرد سؤال ..
بريمة
|
Post: #3
Title: Re: منظمة المراة السودانية الامريكية واشنطن تستضيف د.شذا بله ود.الدالي والقانوني محمد النعمان
Author: سلمى الشيخ سلامة
Date: 10-11-2009, 06:04 AM
Parent: #2
| Quote: ومحمد النعمان .. متين بقى قانون يأتى ليفتى فى مسألة القانون! |
انوار
ازيك يا ست الكل
وكلامى للاخ بريمة
رغم انى عارفة النعمان بعرف يدافع عن نفسه
لكن
الاستاذ محمد ادم النعمان خريج قانون جامعة الخرطوم
وحاصل على ما جستير فى القانون فى جامعة فى واشنطون
العام قبل الماضى
ما اكتر
اتمنى لكم امسية سعيدة
|
Post: #4
Title: Re: منظمة المراة السودانية الامريكية واشنطن تستضيف د.شذا بله ود.الدالي والقانوني محمد النعمان
Author: Ash
Date: 10-11-2009, 06:08 AM
Parent: #2
سلام ...
شكرآ أنوار.
بريمة;
من صحة/شروط/واجب الإدلاء بالرأي!
وجود مستمع ما!
...
كن بينهم, أولآ.
ثم, شكك!
...
نشوفك.
|
Post: #5
Title: Re: منظمة المراة السودانية الامريكية واشنطن تستضيف د.شذا بله ود.الدالي والقانوني محمد النعمان
Author: Ishraga Mustafa
Date: 10-11-2009, 08:36 AM
Parent: #4
Quote: أنوار
ممكن أسئل د. دالى خبرته شنو فى القانون الأمريكى ...؟ ومحمد النعمان .. متين بقى قانون يأتى ليفتى فى مسألة القانون!
مجرد سؤال ..
بريمة |
سلامات يابريمة
اضافة لما قالته سلمى فى ردها لكن عاوزة اسألك سؤال
ومرجعية سؤالى بوستك عن المرأة وتشريحك ليها فى بوستك اياه { انا لسة مافضيت ليهو بالمناسبة}
هل تعتقد ان كل المقيمين فى - بلدكم- اياها- لا يدرون عن القانون شىء؟
معرفة قوانين البلد المقيميين فيها هى اول الدرب للانفتاح والحراك الاجتماعى
هناك بالتاكيد فرق بين المتخصص فى الموضوع المحدد وبين المطلع عليه من زوايا مختلفه لاعلاقة لها بالتخصص الاكاديمى
اها لحدى ما اجيك بهناك ابقى عافية
ولمنظمة المرأة الامريكية امنياتى بنجاح المحاضرة واستخلاص مايفيد المرأة السودانية واسرتها فى مسيرة حياتها
فى بلدها الجديد
|
Post: #6
Title: Re: منظمة المراة السودانية الامريكية واشنطن تستضيف د.شذا بله ود.الدالي والقانوني محمد النعمان
Author: Tabaldina
Date: 10-11-2009, 08:44 AM
Parent: #5
..
.
| Quote: وذلك بعنوان / اضاءة حول قوانين الاحوال الشخصية والجنائية وحقوق المراة |
| Quote: الأستاذة/شذا بله محمد المهدى |
الاستاذة شذا بله دى الطبيبة ( ايزابيلا )
برضو عملت ماجستير فى قوانين الاحوال الشخصية والجنائية
وحقوق المراة
_______
بستفسر بس يا جماعة !!؟
|
Post: #7
Title: Re: منظمة المراة السودانية الامريكية واشنطن تستضيف د.شذا بله ود.الدالي والقانوني محمد النعمان
Author: بريمة محمد
Date: 10-11-2009, 08:50 AM
Parent: #6
يا سلمى
محمد النعمان .. درس قانون دولى International Law .. ليس هناك علاقة بين الموضوع المطروح ودراسة النعمان ..?
دكتور دالى دخلو فى الموضوع شنو .. ولا عايزين ركن نقاش بتاع جمهوريين وأخوان مسلمين؟
بريمة
|
Post: #8
Title: Re: منظمة المراة السودانية الامريكية واشنطن تستضيف د.شذا بله ود.الدالي والقانوني محمد النعمان
Author: بريمة محمد
Date: 10-11-2009, 09:00 AM
Parent: #7
أها دى جكة تانية
| Quote: الاستاذة شذا بله دى الطبيبة ( ايزابيلا ) |
وقولوا لينا هل إيزابيلا؟
لو هى برضو بنسأل علاقتها بالموضوع شنو ليس هناك أسرة تمارس الخفاض فى أمريكا ..
بريمة
|
Post: #11
Title: Re: منظمة المراة السودانية الامريكية واشنطن تستضيف د.شذا بله ود.الدالي والقانوني محمد النعمان
Author: Ibrahim Algrefwi
Date: 10-11-2009, 09:25 AM
Parent: #7
سلام يا امريكا .
في السودان ودول الانقلابات العسكرية ، لايكون القانون موضوع قانون ومهنية مجردة بل يكون موضوعة سياسية ، قانون النظام العام في الخرطوم مثلا في نظري هو قانون سياسي وايدولجي بحت ومهنيا يمكن لاي شيخ جامع اُمي ان يكتبه ( 11يمنع الرقص المختلط في الحفلات العامة ، 12-ممنوع إستعمال مكبرات الصوت الا بتصريح وكحد اقصي الساعة 11مساء 13-الزي الفاضح والشعور العام ) كلام فضفاض وغير متخصص ، كلام يقع في خانة التشنج الديني ، لذلك تنشط في مجتمعاتنا جمعات وافراد رافضين للقوانين المعينة ، كما لايشترط ان يكون مثلا كل الرافضين للقوانين التي تقلل مساحة حركة وحريات النساء نساء مثلاً ، وكل الرافضين لقانون النظام العام قانونين ؟!! هناك جماعات ضغط متعددة ومختلفة ضد القوانين ، والعمل العام عام ومفتوح للجميع موضوع توعية بالحقوق والمعركة اصلا معركة قوانين اقتسام السلطة و العمل والثروات .
|
Post: #9
Title: Re: منظمة المراة السودانية الامريكية واشنطن تستضيف د.شذا بله ود.الدالي والقانوني محمد النعمان
Author: Ishraga Mustafa
Date: 10-11-2009, 09:01 AM
Parent: #6
Quote:
الاستاذة شذا بله دى الطبيبة ( ايزابيلا )
برضو عملت ماجستير فى قوانين الاحوال الشخصية والجنائية
وحقوق المراة |
ازيك ياتبلدينا {بالمناسبة اسمك ده بطمئن الزول ويسرح فى شجرة التبلدى وجوفها المليان موية طمأنينة}
اها...
اعيد بتوسع ماقلته للاخ بريمة..
الانسان النهم فى القراءة يلتهم كل مايقع فى دائرة اهتمامه
وقضايا الاحوال الشخصية تقع فى دائرة الناشطة شذى من خلال متابعتى لما تكتب ولنشاطاتها المختلفة
اقول لك من تجربة شخصية...
اعمل فى وظيفة استشارية فى منظمة فى فيينا تعمل ضد الاتجار بالنساء Trafficking on Women
رغم انى تخصصت فى الاعلام والعلوم السياسية الاّ ان طبيعة الوظيفة تتطلب الالمام التام بقوانين البلد
خاصة الواقعة فى دائرة مهنتى...
انسى المهنة..
لمعرفة حقوقك فى البلد المقيم فيها فى منظمات عديدة بتقدم استشارات قانونية
وهم- اى العاملين - من تخصصات مختلفة...
او تكون لك قدرة قراءاة القوانين المعقدة ليس بسبب اللغة وفقط وانما بقدرتك على تحليل الخلفية التى على اساسها
تمت صياغة القوانين وعلى اى اساس تمت صياغاتها..
هناك قوانين تصاغ ضد المهاجر, تعيق حراكه وتفصله لسنوات عديدة من اسرته
اذ عليه سوى كان رجل او امرأة ان ينتظر اربعة اعوام لحين حضور الزوج/الزوجة
وتحتاج لمدة لحين معروفة دروب البلد ولغتها..
فى الجانب الآخر- للمهتمين والمهتمات بتنظيم انفسهم فى منظمات المجتمع المدنى فى البلد الجديد
بيتيح ليهم ممارسة ضغط على المؤسسات التى صاغت هذه القوانين
ومن تجربتى فقد نجحنا ان يعلو صوتنا ويترك اثرا ايجابيا صعب تجاوزه...
المعرفة ضرورة,
ضرورى ان تلم بقوانين البلد التى فى دائرة اختصاصك كمهاجر او مهاجرة..
ان يعرفوا قوانين الاقامة والتجنس والتأمين الصحى
حقك فى الانتخاب والتصويت
حقك فى الماش وكل التأمينات الاجتماعية
حقك كمواطن حر,
وجهلنا بالقانون يقود الى جهلنا بحقوقنا
دى كلها قوانين والالمام بيها لايحتاج لتخصص من كل المهاجرين
ولكن بالضرورة يحتاج لبعض المتخصصين فى المجال القانونى الأتى والذين لهم خلفية ثقافية مشابه
وقادرة على توسيع المدارك للالمام بخصوصية الثقافات المختلفة..
هكذا افهم ثقافة القانون
وتحياتى
----------------
بيكون اجدى لو تبسطت القوانين فى لغتها لتصل للجهة المستهدفة
|
Post: #10
Title: Re: منظمة المراة السودانية الامريكية واشنطن تستضيف د.شذا بله ود.الدالي والقانوني محمد النعمان
Author: Ishraga Mustafa
Date: 10-11-2009, 09:08 AM
Parent: #9
Quote: وقولوا لينا هل إيزابيلا؟
لو هى برضو بنسأل علاقتها بالموضوع شنو ليس هناك أسرة تمارس الخفاض فى أمريكا .. |
هو فى خفاض اكتر من الحجر على المعرفة يابريمة؟
طيب انت بوستك اياه كتبتو على ياتو اساس معرفى؟
التخصصات متداخلة وليست هناك حدة فى فصلها عن بعض واعنى التخصصات الادبية
والاطلاع لا يحجر على من يلتهم الكتب فى سبيل تفتيح مداركه ولا يشترط عليه شهادة بكالريويس, فى زمن اسهل مافيه نظرا لتدهور التعليم فى بلد النيلين
الحصول على شهادة دكتوراه...
ياما فى ناس قرأت- فى زمن انفتاح الانقاذ على التعليم السطحى- طلعوا من المولد بدون حمص
وياما فى ناس وقفت على الشهادة السودانية ولكنهم يملكون قدرة فذة على التحليل الرصين
{سلاحهم} فى ذلك الاطلاع الغير محدود
------------
فى انتظار ملخص وافى للمحاضرة لتفتيح مداركنا
|
Post: #12
Title: Re: منظمة المراة السودانية الامريكية واشنطن تستضيف د.شذا بله ود.الدالي والقانوني محمد النعمان
Author: بريمة محمد
Date: 10-11-2009, 09:26 AM
Parent: #10
يا دكتورة أشراقة
| Quote: طيب انت بوستك اياه كتبتو على ياتو اساس معرفى؟ |
أنا يوماً لم أقل إننى مختصص فى مجال الأجتماع .. وإن كنت أرصد المواضيع الأجتماعية فى المنبر ..
هناك فرق بين التخصص وشغلة دالى بتاعت أركان النقاش الجاى يفتحها لينا فى أمريكا ..
دالى ينفع تجيب ليه موضوع الكيزان .. هناك محل البونو .. لكن غير كده الله يكون فى عون الحضور.
بريمة
|
Post: #13
Title: Re: منظمة المراة السودانية الامريكية واشنطن تستضيف د.شذا بله ود.الدالي والقانوني محمد النعمان
Author: Ishraga Mustafa
Date: 10-11-2009, 09:42 AM
Parent: #12
Quote: أنا يوماً لم أقل إننى مختصص فى مجال الأجتماع .. وإن كنت أرصد المواضيع الأجتماعية فى المنبر ..
هناك فرق بين التخصص وشغلة دالى بتاعت أركان النقاش الجاى يفتحها لينا فى أمريكا ..
دالى ينفع تجيب ليه موضوع الكيزان .. هناك محل البونو .. لكن غير كده الله يكون فى عون الحضور.
بريمة |
سلامات يابريمة
رصدك لاى ظاهرة ايا كانت اختلافات النظر حولها شىء ايجابى
ويكون اكثر ايجابية لو استند على اساس علمى لتفسير هذه الظواهر
بدء من ظاهرة الهجرة فى حد ذاتها- كحق انسانى- غض النظر عن اضطرارنا للهجرة لاسباب متعدده
والاستناد العلمى لا يحتاج ان تكون متخصصا بل يحتاج ان تكون مسلحا بالمعرفة وملما بمنهج التحليل
الجامعة بتديك شهادة ولكنها حسب وجهة نظرى لا فائدة منها اى الشهادة ان لم توسع دروب المعرفة لتنهل وتنهل فهى لا حد لها...
ولا تنتهى بالحصول على شهادة فى تخصص محدد وانما تبدأ بعد الحصول عليها...
اما ماقلته فى شأن الاستاذ دالى مع احترامى لوجهة نظرك الغير مسنودة بسند علمى
لمجرد انك مخزن عنه هذه الصورة النمطية..
دعنا ننتظر ونسمع... واتمنى ان تشارك بالحضور وان تنقل لنا المحاضرة حسب وجهة نظرك..
مهم وضرورى تلاقح الرؤى اى كانت حدة خلافاتها
|
Post: #14
Title: Re: منظمة المراة السودانية الامريكية واشنطن تستضيف د.شذا بله ود.الدالي والقانوني محمد النعمان
Author: Ishraga Mustafa
Date: 10-11-2009, 09:44 AM
Parent: #13
| Quote: في السودان ودول الانقلابات العسكرية ، لايكون القانون موضوع قانون ومهنية مجردة بل يكون موضوعة سياسية ، قانون النظام العام في الخرطوم مثلا في نظري هو قانون سياسي وايدولجي بحت ومهنيا يمكن لاي شيخ جامع اُمي ان يكتبه ( 11يمنع الرقص المختلط في الحفلات العامة ، 12-ممنوع إستعمال مكبرات الصوت الا بتصريح وكحد اقصي الساعة 11مساء 13-الزي الفاضح والشعور العام ) كلام فضفاض وغير متخصص ، كلام يقع في خانة التشنج الديني ، لذلك تنشط في مجتمعاتنا جمعات وافراد رافضين للقوانين المعينة ، كما لايشترط ان يكون مثلا كل الرافضين للقوانين التي تقلل مساحة حركة وحريات النساء نساء مثلاً ، وكل الرافضين لقانون النظام العام قانونين ؟!! هناك جماعات ضغط متعددة ومختلفة ضد القوانين ، والعمل العام عام ومفتوح للجميع موضوع توعية بالحقوق والمعركة اصلا معركة قوانين اقتسام السلطة و العمل والثروات . |
ياسلام ياجريفاوى ياخ...
|
Post: #15
Title: Re: منظمة المراة السودانية الامريكية واشنطن تستضيف د.شذا بله ود.الدالي والقانوني محمد النعمان
Author: heba Elmahi
Date: 10-11-2009, 10:35 AM
Parent: #13
التحية من علي البعد لي ناس منظمة المرأة السودانية الامريكية
والدكتور احمد الدالي و الاستاذ محمد النعمان و الدكتورة شذي بلة
انا ما عارفة في شنو يا بريمة ولا المشكلة وين ؟
معليش اسمح لي اعتقد انك ما فهمت عنوان الندوة لانه الناس دي ما جاية تتكلم
عن القوانين الامريكية !! الناس دي مهمومة بي هم الوطن و البلد و الناس البتعاني
في سودانا الحبيب !
و اعتقد برضو انه كان الأولي إنك تمشي تحضر الندوة الاول و تسمع أراء المتحدثين و بعدين
لو عندك انتقاد أو رأي تقوله اثناء الندوة أو هنا في المنبر العام دا حيث لكل باسورود رأي
من غير أي حجر .
تحياتي للجميع
|
Post: #16
Title: Re: منظمة المراة السودانية الامريكية واشنطن تستضيف د.شذا بله ود.الدالي والقانوني محمد النعمان
Author: azhary awad elkareem
Date: 10-11-2009, 11:16 AM
Parent: #15
Quote: التحية من علي البعد لي ناس منظمة المرأة السودانية الامريكية
والدكتور احمد الدالي و الاستاذ محمد النعمان و الدكتورة شذي بلة
انا ما عارفة في شنو يا بريمة ولا المشكلة وين ؟
معليش اسمح لي اعتقد انك ما فهمت عنوان الندوة لانه الناس دي ما جاية تتكلم
عن القوانين الامريكية !! الناس دي مهمومة بي هم الوطن و البلد و الناس البتعاني
في سودانا الحبيب !
و اعتقد برضو انه كان الأولي إنك تمشي تحضر الندوة الاول و تسمع أراء المتحدثين و بعدين
لو عندك انتقاد أو رأي تقوله اثناء الندوة أو هنا في المنبر العام دا حيث لكل باسورود رأي
من غير أي حجر .
تحياتي للجميع |
|
Post: #17
Title: Re: منظمة المراة السودانية الامريكية واشنطن تستضيف د.شذا بله ود.الدالي والقانوني محمد النعمان
Author: Omer Abdalla
Date: 10-11-2009, 12:59 PM
Parent: #16
التحية لمنظمة المرأة السودانية الأمريكية في وشانطن على طرقها لهذا الموضوع الحساس الذي يخص نساء بلادي
أما الأخ بريمة فهو في سعيه المحموم للمعارضة من أجل المعارضة لكل ما هو تقدمي ، لا يكلف نفسه حتى قراءة الإعلان بتمهل لكي ينتقد ما فيه .. إقرأوا سؤاله الاستنكاري:
Quote:
ممكن أسئل د. دالى خبرته شنو فى القانون الأمريكى ...؟ ومحمد النعمان .. متين بقى قانون يأتى ليفتى فى مسألة القانون!
مجرد سؤال ..
|
الجاب القانون الأمريكي هنا شنو؟ والموضوع المطروع عن قوانين "لأحوال الشخصية" في السودان .. وحتى لو كان الحديث عن القوانين الأمريكية ، هل بالضروري أن يناقشها فقط من له خبرة قانونية .. هل كل من يضع التشريعات له خبرة قانونية؟ وهل هذه القوانين لا تمس المواطن العادي حتى يبدي رأيه فيها؟ ثم رجوعا لقوانين الأحوال الشخصية في السودان، المستمدة من الفقه الإسلامي، من هو الذي وضعها؟ ومن هو الذي ينفذها، وما هي خلفيتهم "القانونية"؟. أنا متأكد أن الأخ بريمة لا يدري عما يتحدث ومع ذلك فقد سمح لنفسه بالاقتحام للتشكيك في مؤهلات الأساتذة د. دالي ومحمد النعمان ..
هذه بلا شك ستكون ندوة ثرة ونرجو أن تكون مسجلة حتى يتابعها من هم خارج منطقة واشنطون فيما بعد
عمر
|
Post: #18
Title: Re: منظمة المراة السودانية الامريكية واشنطن تستضيف د.شذا بله ود.الدالي والقانوني محمد النعمان
Author: عوض أبوجديرى
Date: 10-11-2009, 01:22 PM
Parent: #17
Quote: سلام ...
شكرآ أنوار.
بريمة;
من صحة/شروط/واجب الإدلاء بالرأي!
وجود مستمع ما!
...
كن بينهم, أولآ.
ثم, شكك!
...
نشوفك. |
|
Post: #19
Title: Re: منظمة المراة السودانية الامريكية واشنطن تستضيف د.شذا بله ود.الدالي والقانوني محمد النعمان
Author: بريمة محمد
Date: 10-11-2009, 01:23 PM
Parent: #17
د. أشراقة
Quote: سلامات يابريمة
رصدك لاى ظاهرة ايا كانت اختلافات النظر حولها شىء ايجابى
ويكون اكثر ايجابية لو استند على اساس علمى لتفسير هذه الظواهر
بدء من ظاهرة الهجرة فى حد ذاتها- كحق انسانى- غض النظر عن اضطرارنا للهجرة لاسباب متعدده
والاستناد العلمى لا يحتاج ان تكون متخصصا بل يحتاج ان تكون مسلحا بالمعرفة وملما بمنهج التحليل
الجامعة بتديك شهادة ولكنها حسب وجهة نظرى لا فائدة منها اى الشهادة ان لم توسع دروب المعرفة لتنهل وتنهل فهى لا حد لها...
ولا تنتهى بالحصول على شهادة فى تخصص محدد وانما تبدأ بعد الحصول عليها...
اما ماقلته فى شأن الاستاذ دالى مع احترامى لوجهة نظرك الغير مسنودة بسند علمى
لمجرد انك مخزن عنه هذه الصورة النمطية..
دعنا ننتظر ونسمع... واتمنى ان تشارك بالحضور وان تنقل لنا المحاضرة حسب وجهة نظرك..
مهم وضرورى تلاقح الرؤى اى كانت حدة خلافاتها |
.. يا دكتورة أنا إنسان ملم بعلم الأجتماع والظواهر الأجتماعية .. نفس الشيئ ينطبق على التأريخ ..
كل ذلك لا يرقى للعلمية التى أقصدها فى التخصص ..
الأن فهمت القصد من الندوة .. منظمة المرأة دخلت المجال السياسي .. وهذه معلومة فرش .. من الأخت هبه الماحى والأخ عمر ..
وأنا عارف الرفاق لم يدخلوا فى شيئ لله ..
ولا عزاء للمرأة السودانية فى أمريكا
بريمة
|
Post: #20
Title: Re: منظمة المراة السودانية الامريكية واشنطن تستضيف د.شذا بله ود.الدالي والقانوني محمد النعمان
Author: Afraa Sanad
Date: 10-11-2009, 03:11 PM
Parent: #19
تطير عيشة المرأة السودانية إن إرتضت الحنة والدهب هب بريمة لانتقادها
ووصفها بعدم المواكبة وإن تبصرت بحقوقها صارت من الرفاق
ما هى مشكلتك مع المرأة السودانية
|
Post: #21
Title: Re: منظمة المراة السودانية الامريكية واشنطن تستضيف د.شذا بله ود.الدالي والقانوني محمد النعمان
Author: Hussein Mallasi
Date: 10-11-2009, 03:18 PM
Parent: #20
Quote:
و
الاستاذة / شذا بلة محمد المهدي |
|
Post: #22
Title: Re: منظمة المراة السودانية الامريكية واشنطن تستضيف د.شذا بله ود.الدالي والقانوني محمد النعمان
Author: بريمة محمد
Date: 10-11-2009, 03:22 PM
Parent: #20
عفراء
الله يعلم لا عندى مشكلة مع المرأة ولا مشكلة مع الرفاق ..
أرجو أن تنزلى دستور منظمة المرأة .. ربما أنا أجهل عن دور المنظمة
مودتى
بريمة
|
Post: #23
Title: Re: منظمة المراة السودانية الامريكية واشنطن تستضيف د.شذا بله ود.الدالي والقانوني محمد النعمان
Author: طارق عبد اللطيف نقد
Date: 10-11-2009, 04:32 PM
Parent: #22
والله انا المحيرني في
المنبر ده اليومين ديل
الظاهرة البريمية
العملين ليها راس وقعر كمان
|
Post: #24
Title: Re: منظمة المراة السودانية الامريكية واشنطن تستضيف د.شذا بله ود.الدالي والقانوني محمد النعمان
Author: Deng
Date: 10-11-2009, 04:45 PM
Parent: #23
العبار بريمة.
أنت اليومين ديل مسلف الباسوورد بتاعك للكيزان ولا شنوا؟
تحية الى منظمة المرأة السودانية بواشنطن.
|
Post: #25
Title: Re: منظمة المراة السودانية الامريكية واشنطن تستضيف د.شذا بله ود.الدالي والقانوني محمد النعمان
Author: بريمة محمد
Date: 10-11-2009, 04:46 PM
Parent: #23
..
كلام فيهو كلام ..
ظاهرة الرئيس ريغان تسمى الريغانيزم
وظاهرة وزير الدفاع الأمريكى مكارثى تسمى المكارثية ..
وكلنا عارفين ملامح تلك الفترات ..
ممكن تورينا البريمية ملامحها شنو .. على حسب وجهة نظرك ..
وللعلم مواعينى واسعة لأستيعاب أى شيئ.
بريمة
|
Post: #26
Title: Re: منظمة المراة السودانية الامريكية واشنطن تستضيف د.شذا بله ود.الدالي والقانوني محمد النعمان
Author: ABDALLAH ABDALLAH
Date: 10-11-2009, 05:24 PM
Parent: #23
التحـيه والتقـدير لـمنظمـة الـمراه السـودانيه الامـريكيه
فـى واشـنطن, والاشــاده مـنا لكـل الـقـائمات عـلـى امرهـا.
بخـصـوص الـندوه , باذن الـلـه سـيكون لـنا حـضـور.
|
Post: #27
Title: Re: منظمة المراة السودانية الامريكية واشنطن تستضيف د.شذا بله ود.الدالي والقانوني محمد النعمان
Author: انوار عبد الوهاب
Date: 10-11-2009, 05:36 PM
Parent: #26
التحية للاستاذ / بكري ابوبكر واهتمامه الجم بكل نشاطات المنظمة ، شكرا لكل المتداخلين واعضاء المنبر الكرام نلتقي اليوم الخامسة مساءا ونوعدكم بمواصلة مثل هذه المنابر
الاخ بريمة اتمني ان نراك بين الحضور ونسمع المتحدثين وتخصصاتهم واجاباتي لك هي
((وتقديم وتقييم الاراء باختلافها حول قضايا القوانين المختلفة والتي تمس السيدات بالسودان))
وشكرا لكم
|
Post: #28
Title: Re: منظمة المراة السودانية الامريكية واشنطن تستضيف د.شذا بله ود.الدالي والقانوني محمد النعمان
Author: Elwaleed M. Ahmed
Date: 10-11-2009, 07:16 PM
Parent: #27
التحـيه لـمنظمـة الـمراه السـودانيه الامـريكيه
Quote: الاستاذ محمد ادم النعمان خريج قانون جامعة الخرطوم
وحاصل على ما جستير فى القانون فى جامعة فى واشنطون |
التحية للاخ القانوني الضليع محمد ادم النعمان
الوليد محمد احمد -المحامي-بروكلن-نيويورك
|
Post: #29
Title: Re: منظمة المراة السودانية الامريكية واشنطن تستضيف د.شذا بله ود.الدالي والقانوني محمد النعمان
Author: AnwarKing
Date: 10-12-2009, 02:27 AM
Parent: #28
بريمة بتبالغ والله!
|
Post: #30
Title: Re: منظمة المراة السودانية الامريكية واشنطن تستضيف د.شذا بله ود.الدالي والقانوني محمد النعمان
Author: بريمة محمد
Date: 10-12-2009, 03:45 AM
Parent: #29
مشينا الندوة ورجعنا ..
البركة فى أن الواحدة ألتقى الأخوات فى منظمة المرأة .. ما شاء الله منورات.
بخصوص الندوة يصعب تقييمها .. بالنسبة لى لظروف طارئة لم أتمكن من حضور الندوة من بدايتها ..
فى جانب موضوعها الندوة تحمل رؤية أيديولوجية عن قانون الأحوال الشخصية ..
رؤية الرفاق للدولة (معروفة لا جديد .. علمانية الدولة) .. وهذا هو حديث دكتورة شذا بلة والأخ محمد النعمان
ورؤية الفكر الجمهورى للدكتور دالى ..
والجانبين هاجما الفكر الدينى والدولة الدينية بعنف .. مما أضطرنى أن أهاجم الفكر الجمهورى فى مسألة الزواج وشهود الزواج .. أدى ذلك أن الدكتور دالى هاجم شخصى هجوم عنيف جداً .. كمحاولة لرد الهجمة .. يعنى بصراحة القاعة سخنت فى أخر الندوة.
خلاصتى أن منظمة المرأة ظهرت بمظهر ممتاز .. ووجدت دعم معنوى من حزب الأمة، الأتحادى، الحركة الشعبية والشيوعيين وأخوة قيادات من أبناء دارفور .. يعنى هناك شبه "شو" سياسى لدعم مجهود منظمة المرأة .. ودا كان الشيئ الأهم ..
خلاف ذلك الله يكون فى عون الحضور ..
بريمة
|
Post: #31
Title: Re: منظمة المراة السودانية الامريكية واشنطن تستضيف د.شذا بله ود.الدالي والقانوني محمد النعمان
Author: Tabaldina
Date: 10-12-2009, 07:12 AM
Parent: #30
..
.
يعنى الندوة كانت زيها وزى اركان النقاش الجامعية
__________
مبروك لمنظمة المراة السودانية الامريكية
|
Post: #32
Title: Re: منظمة المراة السودانية الامريكية واشنطن تستضيف د.شذا بله ود.الدالي والقانوني محمد النعمان
Author: بريمة محمد
Date: 10-12-2009, 12:21 PM
Parent: #31
تبلدينا
نعم هكذا كانت الندوة
بريمة
|
|