وآهاتٌ لنا في الصـــــدرِ تغلي=وسيفُ الدهرِ يـــــزدادُ اقترابا
ديـــــــــار الله جُبْناها طـــويلاً=وأمضينا الشــبابَ بها اغترابا
فـــــــما لـَــذّتْ لنا حينا طعاماً=ولا ســــــاغت لنا يوماً شرابا
بلادي أَنْتِ نَبْعٌ في ضـــلوعي=إذا ما أضـــــحتْ الدنيا سرابا
Post: #4 Title: Re: الغربه في نهج الدوبيت Author: الرشيد ابراهيم احمد Date: 10-10-2009, 10:16 PM Parent: #3
ليس من اغراض هذا البوست تسليط الضوء فقط علي اشعار الدوبيت في شان الغربه بل لكل اصناف اشعر حوبه
محمد بشير عتيق من اميز شعراء السودان له كتابات عديده في هذا الشان
هل يصح تهجر بلادك وغيرنا منك يستفيد ياخى حرام عليك للنظر بالله عيد وبى رجوعك كون سعيد نحنا شفقنا عليك والبلد مشتاقه ليك عود للسودان وسائل تحظى بشتى الوسائل
Post: #5 Title: Re: الغربه في نهج الدوبيت Author: الرشيد ابراهيم احمد Date: 10-10-2009, 10:58 PM Parent: #4
ود الرضي عليه رحمة الله له باع في الصنف من الابداع
ما أقول امتى... المزار.........وأتذكر سجع... الهزار إلا تجرى دموعي الغزار........منها اغرق وابلل عذارى زارني ناسم شاقني المزار....هو الدعانى اخلع اذارى لو يزورني الطيف يبقى كيف
Post: #6 Title: Re: الغربه في نهج الدوبيت Author: احمد محمد بشير Date: 10-10-2009, 11:02 PM Parent: #5
الف تحية ليك يا أبن قلعتنا الحمراء.... الدوبيت فيهو معاني كتير عندما تسمعه مباشر من الشعار... و يأخدك الي أشياء جميلة وبديعة بسحر الكلمات... واصل يا أخ الرشيد... والكلام حلو زي ما بيقولوا..
Post: #7 Title: Re: الغربه في نهج الدوبيت Author: الرشيد ابراهيم احمد Date: 10-10-2009, 11:31 PM
مودتي ومن بعدها شكري الاخ احمد حبابك الدوبيت لسه ما وصلنهاو بش مشين عليهو داك كلام ذي الدهب والدهب بتقطع صغار كتر خيرك
Post: #8 Title: Re: الغربه في نهج الدوبيت Author: الرشيد ابراهيم احمد Date: 10-10-2009, 11:37 PM Parent: #7
اتمني يكون الصوت واضح في هذا الفديو
Post: #9 Title: Re: الغربه في نهج الدوبيت Author: الرشيد ابراهيم احمد Date: 10-11-2009, 08:37 PM Parent: #8
مافي زول رده في شلن القصيده لحدي ما تجي الفزعه بنقول كلام قريب من مقصد البوست والحديث يتواصل حتي ندخل في لب الموضوع
لليلة الخريف بـدَّر نـزل في رفـاعة وانا عيني خـلاس مـن العليّ دمَّـاعة طريتك يا الجـدي الفي مشيك مـيَّاعة والـروح لهلبت زادت عليّ أوجـاعا بَهَمِك يا ام ضمير يشبع تكفي رضاعة وسنك زي بـروق شايلا وتـبق لمَّاعة وإن جـاكي النسيم زي العـدار لوّاعة بهدلتي القلـوب في الفتنة ليـكي براعة منّيت الفـؤاد القـاها كان نص ساعة بس همّي الكـبيرساعة الرجوع ووداعا
اهداء لكل من تنسم عليل رفاعه والبطانه الطيبه
Post: #10 Title: Re: الغربه في نهج الدوبيت Author: الرشيد ابراهيم احمد Date: 10-11-2009, 09:28 PM Parent: #9
قالوا الغربه مي دار كربه دار الخير هداوة بال جمال السمحة والخدير نفسي كبيره تشهم للصنوف الغير لقيمة كسره عند عمتنا بت اب دير