|
Re: دى كمان حركات إستنكاج جــديدة ..؟؟ (Re: سيف الدولة كامل)
|
قبل اسبوعين تقريبا وانا قاعد فى المكتب جانى مسكول .. عاينت الرقم ، غريب .!! قلت يمكن واحد من الأصحاب وماعندو رصيد .. رجعت للرقم تانى جانى صوت رقيق : - معليش لو ازعجتك .! - لا .. ابدا مافى مشكلة .. أتفضلى .. - حقيقة انا اسمى (فلانة) وساكنة ..... والله لو مااتوسمت فيك خير ماكنت مسكلت ليك .. - مامشكلة .. خير .؟؟ - انا أمى عيانة وابوى ميت من بدرى ودايرة اوديها الدكتور ومحتاجة لمصاريف .. وانا عشمانة فيك .! - طيب ، انت ساكنة بعيد .. كيف حأقدر أساعدك .؟؟ - عايزك بس تحول لى رصيد وانا حابيعو لبتاع الاتصالات الجنبنا وبشيل القروش عشان أودى الحجة للدكتور ..! والله بينى وبينكم اصلو حسيت أنها فعلا محتاجة لانها كانت دايرة تبكى وهى بتتكلم معاى ..! رسلت العامل يجيب كروت شحن وكشطت الارقام ورسلتها فى رسالة بعد سجلت اسمها فى التلفون .! بعد دقايق ضربت عديل وشكرتى انو الرصيد وصل وطلبت انى أدعو لامها بالشفاء .. مع السلامة .. مع السلامة !!
نواصل ...
| |
|
|
|
|
|
|
Re: دى كمان حركات إستنكاج جــديدة ..؟؟ (Re: مزمل خيرى)
|
Quote: كرتين ابو 25 جنية .. بس خليتها لى الله .!! |
و الله يا مزمل خليتنى اضحك اخر الليل زى المجنون يا اخى الافلام دى قديمة و بروايات مختلفة لكن انا وصلت لى يقين انو اى مسكول ما منو فايدة الا يجيب ليك وجع الراس ، عشان كده قررت ما ارجع لى اى رقم ما بعرفو . لكن طبعا انت من النوع العندو حب استطلاع و ده البجيب ليك الهواء . اسمع نصيحتى و ما ترجع لاى رقم ما بتعرفو
| |
|
|
|
|
|
|
Re: دى كمان حركات إستنكاج جــديدة ..؟؟ (Re: حسن حماد محمد)
|
اخ حسن .. سلامات
Quote: الا يمكن معرفة صاحبة التيلفون من الشركة وتاخد حقك منها |
انا الرقم عندى ، وساهل جدا اعرف كل بياناتها ومحل هى واقفة حاليا زااااتو بس انا مستغرب فى طريقة الاحتيال الجديدة دى .!! الواحد بقى مابيفرق بين المحتاج و.. المحتال .. تصدق .!!
| |
|
|
|
|
|
|
Re: دى كمان حركات إستنكاج جــديدة ..؟؟ (Re: مزمل خيرى)
|
ألأخ/مزمل خيرى...السلام عليكم...وكل عام وانت بخير...
مثل هذه المواقف بتقلل الشهامة والمروءة بين الناس..ألأحتيال كثر بصورة رهيبة..وده راجع للآسباب كثيرة..نسأل الله ان يحفظنا جميعآ..
اصحاب القلوب الطيبة دائمآ سريعة الوقوع فى مثل هذه الحالات.....لكن الخبرة ونشر مثل هذه المواقف فى النت بتقفل على المحتالين الطريق أو تقلل عليهم إصطياد الناس الطيبة امثالك..
لو تلاحظ هناك نساء يقفن بالقرب من الصيدليات ومعهم روشتات دواء...فيهن المحتاج فعلآ وفيهن المحتالات...وده عشان يدخلوا على ألأنسان بطريق فيه العطف والحنيه....
اللهم أستر على بلادى وأهله.......إسماعيل محمد احمد عباس....
| |
|
|
|
|
|
|
Re: دى كمان حركات إستنكاج جــديدة ..؟؟ (Re: humida)
|
كفارة يا مزمل وتاني زي ما قال حميدة بطل الخفة
Quote: انا الرقم عندى ، وساهل جدا اعرف كل بياناتها ومحل هى واقفة حاليا زااااتو
|
يعني عمار ماكان خاتي عليك لكن دي ما سمعنا بيها بتاع امن ويتدقس كده
| |
|
|
|
|
|
|
Re: دى كمان حركات إستنكاج جــديدة ..؟؟ (Re: ismeil abbas)
|
Quote: مثل هذه المواقف بتقلل الشهامة والمروءة بين الناس.. |
الرائع اسماعيل بالضبط كدة .. هل ياترى الظروف الاقتصادية هى السبب .؟؟ طيب ما الناس كلها عندها ظروف لية الناس دى تلجأ للاساليب القذرة دى ؟ شكرا لمرورك الجميل ..
| |
|
|
|
|
|
|
Re: دى كمان حركات إستنكاج جــديدة ..؟؟ (Re: مزمل خيرى)
|
والله ناس السودان ديل بقوا طيبين طيبة مبالغ فيها ..!
هسع اي زول يدق لي تلفون ويقول لي اتوسمت فيك خير .. وامي عيانة حول لي رصيد بحول ليهو!
الدنيا بخير يا عالم لو كدة .. والتاني يصدمو عربيه ويفك الراجل بدون عنوان غير رقم جوال يزوغ منه
والتالت واحد يوقفوا عشان يسأل من محل مواصلات يقطع فيك كم الف كدة .. غايتو
مزمل خيري يا رجل يا خير .. الجاتك في خمسين جنيهك سامحتك ..
مودتي
| |
|
|
|
|
|
|
Re: دى كمان حركات إستنكاج جــديدة ..؟؟ (Re: HAIDER ALZAIN)
|
حيدر الزين .. والله لو انت سمعتها بتسرد لى فى قصة امها العيانة واحوالهم فى البيت دموعك تسيل وتقطع تذكرة من السعودية وتجى راجع السودان عشان تساعدها وترجع .!! المؤسف بالجد انو الزول يفتكرك عبيط ويستغلك استغلال بشع .. مع انك بتكون صدقت القصة (والمؤمن صديق) .. والله ياحيدر حاجة مؤسفة .. مؤسفة للغاية.!!
| |
|
|
|
|
|
|
Re: دى كمان حركات إستنكاج جــديدة ..؟؟ (Re: مزمل خيرى)
|
الحبيب الناسي الناس مزمز .... صباحات ورد أحمر
انت كان ضربت عديييل مابرد ليك .!! قال مسكول قال .!! هو انت فاضى من الجوعير عشان تمسكل
الفوق دي ياخي عجبتني شدييييييد !!!! قلتا لي جوعااااار هههههههه ... الجاتك في رصيدك سامحتك .... سامحها ياخي .... الله في ......
مودتي
| |
|
|
|
|
|
|
Re: دى كمان حركات إستنكاج جــديدة ..؟؟ (Re: عماد محمود علي)
|
قلت لي مواسير تقيلة انت تلقاها من وين ولا من وين تلقاها من الرصيد وللا من كابوندي
غايتو اكتوبر دا نسميهو شهر المواسير
ياخي اناضربت ليك شان اكفر ليك بث تقوم ما ترد علي انت قايلني عايز اقول ليك ابوي ميت وامي عيانة داير اوديها المستشفي looooooooooooooolz
خالص الود
| |
|
|
|
|
|
|
Re: دى كمان حركات إستنكاج جــديدة ..؟؟ (Re: مزمل خيرى)
|
أبو جوان
كيفنك وكيف جوان وامها
ياخ ربنا يخلي في ميزان حسانتك ..
السودان بقت فيهو الحالة صعبة وأنت ما بحكوا ليك اكيد عارف ..
صحي التصرف ما جميل ..لكن العطالة والظروف الصعبة خلت الناس يلجاوا لحاجات
كتيرة ..ساهل جدا نقول إحتيال وساهل جدا نتكلم عن القناعة وعزة النفس ..لكن صعب نخت نفسنا في نفس
في مكان المكويين بالبطالة وضيق ذات اليدوعدم الدخل المحترم البحفظ للزول كرامتو ..عشان كدة
انت عملت خير ربنا بجازيك عليهو وما حينقص منو شي لانو التاني ما صادق ..
مزلة السؤال ما بحتملا إلا محتاج فعلا أو مريض ..وفي الحالتين ربنا يعافي ..
| |
|
|
|
|
|
|
Re: دى كمان حركات إستنكاج جــديدة ..؟؟ (Re: داليا حافظ)
|
النية واصلة يا حبيب .. الاحتيال فن يبدع من يمارسه كل صباح بفكرة جديدة, والله في شخصيات في شارع الدكاترة الخرطوم تمارس الاحتيال من سنين بحجة المرض تقول ليهو اتق الله يرشك بي كلمة زي الحنضل.. اعمل تسطيب لنظرية المؤامرة في الحتات الذي دي بتنفعك والله.. مودتي....
| |
|
|
|
|
|
|
Re: دى كمان حركات إستنكاج جــديدة ..؟؟ (Re: abdalla osman)
|
دكتور عبدالله
Quote: والله في شخصيات في شارع الدكاترة الخرطوم تمارس الاحتيال من سنين بحجة المرض |
لدرجة انهم بقوا وجوه معروفة ومعالم من معالم شارع الاستبالية .! ياخ فى واحدة ليها 12 سنة فى الشارع دا ، بس كل فترة بتغير (الروشتة) .!!
شكرا للمرور يادكترة ..
| |
|
|
|
|
|
|
Re: دى كمان حركات إستنكاج جــديدة ..؟؟ (Re: مزمل خيرى)
|
الأخ مزمل خيري تحيات نواضر لماذا صار الناس في بلدي يحبون أكل أموال الناس بالباطل ؟!! هل فساد النظام السياسي في البلد أدى إلى كل هذا الفساد الاجتماعي ؟ هل الضغوط الاقتصادية الرهيبة هي التي شجعت ظهور الشخصية الاحتيالية في مجتمعنا الطيب ؟ نتمنى أن لا يضيع المعروف بين الناس ... ولكن توخي الحذر مطلوب وتنبيهك هذا قد يقود الناس إلى ذلك .
شكرا
| |
|
|
|
|
|
|
|