Post: #1
Title: دى كمان حركات إستنكاج جــديدة ..؟؟
Author: مزمل خيرى
Date: 10-10-2009, 09:07 PM
Parent: #0
الحكاية دى أتكررت معاى أكثر من مرة .!!
|
Post: #2
Title: Re: دى كمان حركات إستنكاج جــديدة ..؟؟
Author: انور التكينة
Date: 10-10-2009, 09:14 PM
Parent: #1
ياتو حكاية يا ابوجوان ؟
دى حركات استنكاح منك ؟
ما تقول طوالى ...
|
Post: #3
Title: Re: دى كمان حركات إستنكاج جــديدة ..؟؟
Author: مزمل خيرى
Date: 10-10-2009, 09:15 PM
Parent: #2
دائما المقصودين الناس الشايلين ارقام خطوط يعنى ناس 09123 .!!!!
|
Post: #4
Title: Re: دى كمان حركات إستنكاج جــديدة ..؟؟
Author: سيف الدولة كامل
Date: 10-10-2009, 09:18 PM
Parent: #3
الحاصل شنو يا ابو جوان؟
|
Post: #5
Title: Re: دى كمان حركات إستنكاج جــديدة ..؟؟
Author: انور التكينة
Date: 10-10-2009, 09:21 PM
Parent: #4
| Quote: دائما المقصودين الناس الشايلين ارقام خطوط يعنى ناس 09123 .!!!! |
و الشايلين خطوط 09223 معاهم ؟
|
Post: #6
Title: Re: دى كمان حركات إستنكاج جــديدة ..؟؟
Author: مزمل خيرى
Date: 10-10-2009, 09:38 PM
Parent: #4
قبل اسبوعين تقريبا وانا قاعد فى المكتب جانى مسكول ..
عاينت الرقم ، غريب .!!
قلت يمكن واحد من الأصحاب وماعندو رصيد ..
رجعت للرقم تانى جانى صوت رقيق :
- معليش لو ازعجتك .!
- لا .. ابدا مافى مشكلة .. أتفضلى ..
- حقيقة انا اسمى (فلانة) وساكنة ..... والله لو مااتوسمت فيك خير ماكنت مسكلت ليك ..
- مامشكلة .. خير .؟؟
- انا أمى عيانة وابوى ميت من بدرى ودايرة اوديها الدكتور ومحتاجة لمصاريف .. وانا عشمانة فيك .!
- طيب ، انت ساكنة بعيد .. كيف حأقدر أساعدك .؟؟
- عايزك بس تحول لى رصيد وانا حابيعو لبتاع الاتصالات الجنبنا وبشيل القروش عشان أودى الحجة للدكتور ..!
والله بينى وبينكم اصلو حسيت أنها فعلا محتاجة لانها كانت دايرة تبكى وهى بتتكلم معاى ..!
رسلت العامل يجيب كروت شحن وكشطت الارقام ورسلتها فى رسالة بعد سجلت اسمها فى التلفون .!
بعد دقايق ضربت عديل وشكرتى انو الرصيد وصل وطلبت انى أدعو لامها بالشفاء .. مع السلامة .. مع السلامة !!
نواصل ...
|
Post: #7
Title: Re: دى كمان حركات إستنكاج جــديدة ..؟؟
Author: سيف الدولة كامل
Date: 10-10-2009, 09:40 PM
Parent: #6
والله فنجري يا ابو جوان,, ركبتك التونسية.
|
Post: #8
Title: Re: دى كمان حركات إستنكاج جــديدة ..؟؟
Author: انور التكينة
Date: 10-10-2009, 09:56 PM
Parent: #7
| Quote: رسلت العامل يجيب كروت شحن وكشطت الارقام ورسلتها فى رسالة |
ما تخمنا ساكت
خت النقاط على الحروف
رسلت ليها كم بأمانة عشان نقدر قوة المقلب
|
Post: #10
Title: Re: دى كمان حركات إستنكاج جــديدة ..؟؟
Author: مزمل خيرى
Date: 10-10-2009, 10:05 PM
Parent: #8
Quote:
ما تخمنا ساكت
خت النقاط على الحروف
رسلت ليها كم بأمانة عشان نقدر قوة المقلب |
كرتين ابو 25 جنية .. بس خليتها لى الله .!!
|
Post: #9
Title: Re: دى كمان حركات إستنكاج جــديدة ..؟؟
Author: مزمل خيرى
Date: 10-10-2009, 10:03 PM
Parent: #7
الصباح حوالى الساعة 11 صباحا جانى مسكول من نفس الرقم ..
رجعت للرقم تانى وقلت يمكن دايرة تشكرنى تانى لان أمها بقت كويسة وكدة .!!
- الو ..
- الو ..
- ما أكون ازعجتك .؟
- لا .. لآ ابدا والله ..
- والله انا خجلانة وماعارفة اقول شنو .؟
- ماتخجلى .. أتفضلى ..
- انا أسمى (فلانة) _ اسم مختلف من الاول _ ويتيمة الابوين وقاعدة وساكنة مع خالتى فى (......) _ برضو مكان مختلف_ وطالبة فى جامعة ........ ودايرة ادخل الامتحانات بس الرسوم واقفة لى عقبة فى طريقى .. والله انا اتوسمت فيك خير ، ياريت تحول لى رصيد بأى مبلغ وانا حابيعو واشيل القروش .!!
_ طبعا راسى ضرب وسألتها .. أنت مش فلانة الكانت أمك عيانة قبل اسيوعين وضربتى لى و..
تيت .. تيت .. تيت ، قفلت الخط .!!
اكتشفت انى كنت ضحية لزولة محتالة .!!
|
Post: #11
Title: Re: دى كمان حركات إستنكاج جــديدة ..؟؟
Author: انور التكينة
Date: 10-10-2009, 10:11 PM
Parent: #9
| Quote: كرتين ابو 25 جنية .. بس خليتها لى الله .!! |
و الله يا مزمل خليتنى اضحك اخر الليل زى المجنون
يا اخى الافلام دى قديمة و بروايات مختلفة
لكن انا وصلت لى يقين انو اى مسكول ما منو فايدة
الا يجيب ليك وجع الراس ، عشان كده قررت ما ارجع لى اى رقم ما بعرفو .
لكن طبعا انت من النوع العندو حب استطلاع و ده البجيب
ليك الهواء .
اسمع نصيحتى و ما ترجع لاى رقم ما بتعرفو
|
Post: #12
Title: Re: دى كمان حركات إستنكاج جــديدة ..؟؟
Author: مزمل خيرى
Date: 10-10-2009, 10:26 PM
Parent: #11
Quote: لكن طبعا انت من النوع العندو حب استطلاع و ده البجيب
ليك الهواء |
والله ياتكينة ماحب استطلاع بس الواحد بيقول يمكن دا واحد من الاسرة او الاهل وماعندو رصيد .. ونحن شلنا الموبى بيد قبال الخطوط وعارفين يعنى شنو الزول يكون بدون رصيد وعايز زول ضروى .!!
|
Post: #13
Title: Re: دى كمان حركات إستنكاح جــديدة ..؟؟
Author: مزمل خيرى
Date: 10-10-2009, 10:28 PM
Parent: #12
لكن بينى وبينكم دا بقى سبب مقنع الواحد تانى مايرجع لمسكول من رقم غريب .!!
|
Post: #14
Title: Re: دى كمان حركات إستنكاح جــديدة ..؟؟
Author: طارق جبريل
Date: 10-10-2009, 10:32 PM
Parent: #13
يعني هسي انا لمن اجي وامسكل ليك
حا تقطعوا معاي ناشف اظنك
|
Post: #15
Title: Re: دى كمان حركات إستنكاح جــديدة ..؟؟
Author: مزمل خيرى
Date: 10-10-2009, 10:36 PM
Parent: #14
انت كان ضربت عديييل مابرد ليك .!!
قال مسكول قال .!!
هو انت فاضى من الجوعير عشان تمسكل .؟؟
والله ليك وحشة .. وشكرا لطلتك الحلوة دى ...
|
Post: #18
Title: Re: دى كمان حركات إستنكاج جــديدة ..؟؟
Author: احمد محمد بشير
Date: 10-10-2009, 10:45 PM
Parent: #9
| Quote: اكتشفت انى كنت ضحية لزولة محتالة .!! |
كان تسألني يا مزمل... كان وريتك الحنك بتاع الجماعة ديل.. في واحد صحبي برضو حصل ليهو نفس الفلم..
|
Post: #20
Title: Re: دى كمان حركات إستنكاج جــديدة ..؟؟
Author: مزمل خيرى
Date: 10-10-2009, 10:53 PM
Parent: #18
Quote:
كان تسألني يا مزمل... كان وريتك الحنك بتاع الجماعة ديل.. في واحد صحبي برضو حصل ليهو نفس الفلم.. |
شفت الأحتيال بقى كيف يا ابوحميد .؟
والله لو سمعتها انت كنت صدقت .!!
|
Post: #16
Title: Re: دى كمان حركات إستنكاج جــديدة ..؟؟
Author: مزمل خيرى
Date: 10-10-2009, 10:39 PM
Parent: #4
| Quote: الحاصل شنو يا ابو جوان؟ |
الحاصل الناس بقت مستنكحة ياسيف .. مستنكحة !!
|
Post: #17
Title: Re: دى كمان حركات إستنكاج جــديدة ..؟؟
Author: طارق جبريل
Date: 10-10-2009, 10:42 PM
Parent: #16
هسي يا ابو جوان الـ25
ما كانت ظبطت لينا بوش مكرب في اي دكان ناصية
|
Post: #19
Title: Re: دى كمان حركات إستنكاج جــديدة ..؟؟
Author: مزمل خيرى
Date: 10-10-2009, 10:48 PM
Parent: #17
خمسين ياطارق .. خمسين جنية ..
يعوضنا صاحب العوض ..
فتة شنو..؟؟ كنا فطرنا فطرة كاااربة فى أمواج .. تقول لى دكان ناصية .!!
|
Post: #21
Title: Re: دى كمان حركات إستنكاج جــديدة ..؟؟
Author: حسن حماد محمد
Date: 10-11-2009, 03:46 AM
Parent: #3
الا يمكن معرفة صاحبة التيلفون من الشركة وتاخد حقك منها
أظن ذلك ممكن طالما معاك الرقم
|
Post: #22
Title: Re: دى كمان حركات إستنكاج جــديدة ..؟؟
Author: Ahmed Abdallah
Date: 10-11-2009, 04:10 AM
Parent: #21
مزمل ...
أكلها في حنانك ياخ
حتي لا يموت المعروف بين الناس
تحياتي
|
Post: #24
Title: Re: دى كمان حركات إستنكاج جــديدة ..؟؟
Author: مزمل خيرى
Date: 10-11-2009, 08:54 AM
Parent: #22
احمد
Quote: أكلها في حنانك ياخ
حتي لا يموت المعروف بين الناس
|
احتسبتها لله ...
بس دا حيخلينى أغير نظرتى للمحتاج .!!
حاقول يمكن دا برضو محتال .!
|
Post: #52
Title: Re: دى كمان حركات إستنكاج جــديدة ..؟؟
Author: Ahmed Abdallah
Date: 10-11-2009, 06:04 PM
Parent: #24
Quote: بس دا حيخلينى أغير نظرتى للمحتاج .!!
حاقول يمكن دا برضو محتال |
و هكذا يا مزمل يموت المعروف بين الناس
في وطني وهو الشيئ الوحيد الذي تبقى
|
Post: #23
Title: Re: دى كمان حركات إستنكاج جــديدة ..؟؟
Author: مزمل خيرى
Date: 10-11-2009, 08:50 AM
Parent: #21
اخ حسن .. سلامات
| Quote: الا يمكن معرفة صاحبة التيلفون من الشركة وتاخد حقك منها |
انا الرقم عندى ، وساهل جدا اعرف كل بياناتها ومحل هى واقفة حاليا زااااتو
بس انا مستغرب فى طريقة الاحتيال الجديدة دى .!!
الواحد بقى مابيفرق بين المحتاج و.. المحتال .. تصدق .!!
|
Post: #25
Title: Re: دى كمان حركات إستنكاج جــديدة ..؟؟
Author: معاوية عوض الكريم
Date: 10-11-2009, 09:09 AM
Parent: #23
دا منو الاستنكج عليك ؟ 
|
Post: #26
Title: Re: دى كمان حركات إستنكاج جــديدة ..؟؟
Author: elnawrani margan
Date: 10-11-2009, 09:26 AM
Parent: #25
[بلاى السودان بقى كده
الحنك ده خليناهو زمان فى المساجد اطور بقى فى الموبايل كمان
والله البنات مشكلة كان كده فى السودان
ربنا يعوضك وصدقة مقبولة
بس تانى ماتدقس
|
Post: #27
Title: Re: دى كمان حركات إستنكاج جــديدة ..؟؟
Author: مزمل خيرى
Date: 10-11-2009, 09:40 AM
Parent: #26
Quote: ربنا يعوضك وصدقة مقبولة
بس تانى ماتدقس |
تانى ادقس يا النورانى ياخوى .؟؟
شكرا لطلتك
|
Post: #28
Title: Re: دى كمان حركات إستنكاج جــديدة ..؟؟
Author: العوض المسلمي
Date: 10-11-2009, 09:54 AM
Parent: #27
عادي يا ابو جوان . تكررت نفس المشاهد وبالتفاصيل نفسها ..
احتسب ما دفعته والله اعلم بالنوايا ..
البوست مهم للتذكير والتنبيه ..
|
Post: #29
Title: Re: دى كمان حركات إستنكاج جــديدة ..؟؟
Author: مزمل خيرى
Date: 10-11-2009, 10:29 AM
Parent: #28
| Quote: احتسب ما دفعته والله اعلم بالنوايا .. |
الزعيم العوض ..
سلامات
والله احتسبتها لله لانى اصلا طلعتها لله ..
|
Post: #30
Title: Re: دى كمان حركات إستنكاج جــديدة ..؟؟
Author: ismeil abbas
Date: 10-11-2009, 10:36 AM
Parent: #27
ألأخ/مزمل خيرى...السلام عليكم...وكل عام وانت بخير...
مثل هذه المواقف بتقلل الشهامة والمروءة بين الناس..ألأحتيال كثر بصورة رهيبة..وده راجع للآسباب كثيرة..نسأل الله ان يحفظنا جميعآ..
اصحاب القلوب الطيبة دائمآ سريعة الوقوع فى مثل هذه الحالات.....لكن الخبرة ونشر مثل هذه المواقف فى النت بتقفل على المحتالين الطريق أو تقلل عليهم إصطياد الناس الطيبة امثالك..
لو تلاحظ هناك نساء يقفن بالقرب من الصيدليات ومعهم روشتات دواء...فيهن المحتاج فعلآ وفيهن المحتالات...وده عشان يدخلوا على ألأنسان بطريق فيه العطف والحنيه....
اللهم أستر على بلادى وأهله.......إسماعيل محمد احمد عباس....
|
Post: #31
Title: Re: دى كمان حركات إستنكاج جــديدة ..؟؟
Author: محمد عبدالله مختار
Date: 10-11-2009, 10:53 AM
Parent: #30
الرائع ابو جوان ..
يا زول ربنا يعوضك ويخلف ليك بي خير .
ومشكور جداً على كشف مثل هذه الأساليب التي تهدف الى اكل اموال الناس بالباطل .
تاني يا مزمل الا تشيل ليك رقم مشاتر عشان ترتاح من القصة دي !
تقبل تحياتي
|
Post: #32
Title: Re: دى كمان حركات إستنكاج جــديدة ..؟؟
Author: humida
Date: 10-11-2009, 11:01 AM
Parent: #31
خفيف خفيف خفيف .. و الخفيف شديد .. من M&S .. مصانع مامون و سعود البرير .. 
|
Post: #36
Title: Re: دى كمان حركات إستنكاج جــديدة ..؟؟
Author: مزمل خيرى
Date: 10-11-2009, 11:36 AM
Parent: #32
حميدة
والله ماكنت قايل كدة .!
دى واحدة من مساوى الخفة ..
شاحد ربى اشوف فيك مقلب زى دا ياحميدة ..!
|
Post: #37
Title: Re: دى كمان حركات إستنكاج جــديدة ..؟؟
Author: محمد إبراهيم علي
Date: 10-11-2009, 11:43 AM
Parent: #32
كفارة يا مزمل وتاني زي ما قال حميدة بطل الخفة 
Quote: انا الرقم عندى ، وساهل جدا اعرف كل بياناتها ومحل هى واقفة حاليا زااااتو
|
يعني عمار ماكان خاتي عليك لكن دي ما سمعنا بيها بتاع امن ويتدقس كده
|
Post: #42
Title: Re: دى كمان حركات إستنكاج جــديدة ..؟؟
Author: مزمل خيرى
Date: 10-11-2009, 12:15 PM
Parent: #37
محمد ابراهيم
| Quote: الرقم عندى ، وساهل جدا اعرف كل بياناتها ومحل هى واقفة حاليا زااااتو |
| Quote: يعني عمار ماكان خاتي عليك لكن دي ما سمعنا بيها بتاع امن ويتدقس كده |
شركات الاتصالات دى بتعمل شنو طيب .؟؟
|
Post: #34
Title: Re: دى كمان حركات إستنكاج جــديدة ..؟؟
Author: مزمل خيرى
Date: 10-11-2009, 11:32 AM
Parent: #31
اخونا محمد عبدالله
والله حاجة مؤسفة للغاية ..
دة سبب مقنع انو الواحد يخلى الخط ..
____
سلم على محمد واشرف .. السلام أمانة ..
|
Post: #33
Title: Re: دى كمان حركات إستنكاج جــديدة ..؟؟
Author: مزمل خيرى
Date: 10-11-2009, 11:27 AM
Parent: #30
| Quote: مثل هذه المواقف بتقلل الشهامة والمروءة بين الناس.. |
الرائع اسماعيل
بالضبط كدة .. هل ياترى الظروف الاقتصادية هى السبب .؟؟
طيب ما الناس كلها عندها ظروف لية الناس دى تلجأ للاساليب القذرة دى ؟
شكرا لمرورك الجميل ..
|
Post: #35
Title: Re: دى كمان حركات إستنكاج جــديدة ..؟؟
Author: HAIDER ALZAIN
Date: 10-11-2009, 11:36 AM
Parent: #33
والله ناس السودان ديل بقوا طيبين طيبة مبالغ فيها ..!
هسع اي زول يدق لي تلفون ويقول لي اتوسمت فيك خير .. وامي عيانة حول لي رصيد بحول ليهو!
الدنيا بخير يا عالم لو كدة .. والتاني يصدمو عربيه ويفك الراجل بدون عنوان غير رقم جوال يزوغ منه
والتالت واحد يوقفوا عشان يسأل من محل مواصلات يقطع فيك كم الف كدة .. غايتو
مزمل خيري يا رجل يا خير .. الجاتك في خمسين جنيهك سامحتك ..
مودتي
|
Post: #38
Title: Re: دى كمان حركات إستنكاج جــديدة ..؟؟
Author: مزمل خيرى
Date: 10-11-2009, 11:48 AM
Parent: #35
حيدر الزين ..
والله لو انت سمعتها بتسرد لى فى قصة امها العيانة واحوالهم فى البيت دموعك تسيل
وتقطع تذكرة من السعودية وتجى راجع السودان عشان تساعدها وترجع .!!
المؤسف بالجد انو الزول يفتكرك عبيط ويستغلك استغلال بشع .. مع انك بتكون صدقت
القصة (والمؤمن صديق) ..
والله ياحيدر حاجة مؤسفة .. مؤسفة للغاية.!!
|
Post: #39
Title: Re: دى كمان حركات إستنكاج جــديدة ..؟؟
Author: عماد محمود علي
Date: 10-11-2009, 11:50 AM
Parent: #33
الحبيب الناسي الناس مزمز .... صباحات ورد أحمر
انت كان ضربت عديييل مابرد ليك .!!
قال مسكول قال .!!
هو انت فاضى من الجوعير عشان تمسكل
الفوق دي ياخي عجبتني شدييييييد !!!! قلتا لي جوعااااار هههههههه ...
الجاتك في رصيدك سامحتك .... سامحها ياخي .... الله في ......
مودتي
|
Post: #40
Title: Re: دى كمان حركات إستنكاج جــديدة ..؟؟
Author: ياسر بيناوي
Date: 10-11-2009, 11:57 AM
Parent: #39
قلت لي مواسير تقيلة
انت تلقاها من وين ولا من وين
تلقاها من الرصيد وللا من كابوندي
غايتو اكتوبر دا نسميهو شهر المواسير
ياخي اناضربت ليك شان اكفر ليك بث
تقوم ما ترد علي
انت قايلني عايز اقول ليك ابوي ميت وامي عيانة
داير اوديها المستشفي looooooooooooooolz
خالص الود
|
Post: #45
Title: Re: دى كمان حركات إستنكاج جــديدة ..؟؟
Author: مزمل خيرى
Date: 10-11-2009, 12:28 PM
Parent: #40
بيناوى ياصاحب
Quote: تلقاها من الرصيد وللا من كابوندي
|
عليك الله تقول شنو .؟
Quote:
ياخي اناضربت ليك شان اكفر ليك بث
تقوم ما ترد علي |
عاااارفكـ كنت عايز تشمت ، عشان كدة عملت ميت
|
Post: #43
Title: Re: دى كمان حركات إستنكاج جــديدة ..؟؟
Author: مزمل خيرى
Date: 10-11-2009, 12:22 PM
Parent: #39
ياعمدة
Quote: الجاتك في رصيدك سامحتك .... سامحها ياخي .... الله في ......
|
هى لله .. هى لله على قول السيدح ..
____
بالمناسبة والله صورة بروفائلكـ دى حارقانى فى حشاى .!!
|
Post: #44
Title: Re: دى كمان حركات إستنكاج جــديدة ..؟؟
Author: عماد محمود علي
Date: 10-11-2009, 12:27 PM
بالمناسبة والله صورة بروفائلكـ دى حارقانى فى حشاى .!!
ما تتحسس أبوي .. ما تتحسس ....
|
Post: #47
Title: Re: دى كمان حركات إستنكاج جــديدة ..؟؟
Author: مزمل خيرى
Date: 10-11-2009, 12:43 PM
Parent: #44
| Quote: ما تتحسس أبوي .. ما تتحسس .... |
بيجى يوم وبذكرك يا بطيخابى على قول ود السنوسى .!!
|
Post: #41
Title: Re: دى كمان حركات إستنكاج جــديدة ..؟؟
Author: اشرف عبدالودود
Date: 10-11-2009, 12:04 PM
Parent: #33
بالله يا قريبى
احتالوك ...!
دى دقسة قويةوالله
كفارات يازول
|
Post: #46
Title: Re: دى كمان حركات إستنكاج جــديدة ..؟؟
Author: مزمل خيرى
Date: 10-11-2009, 12:33 PM
Parent: #41
دقسة الشاطر بعشرة ياقريبى .!!
معليش .. الحمدلله انها بقت على كرتين شحن !!
|
Post: #48
Title: Re: دى كمان حركات إستنكاج جــديدة ..؟؟
Author: داليا حافظ
Date: 10-11-2009, 12:54 PM
Parent: #46
أبو جوان
كيفنك وكيف جوان وامها
ياخ ربنا يخلي في ميزان حسانتك ..
السودان بقت فيهو الحالة صعبة وأنت ما بحكوا ليك اكيد عارف ..
صحي التصرف ما جميل ..لكن العطالة والظروف الصعبة خلت الناس يلجاوا لحاجات
كتيرة ..ساهل جدا نقول إحتيال وساهل جدا نتكلم عن القناعة وعزة النفس ..لكن صعب نخت نفسنا في نفس
في مكان المكويين بالبطالة وضيق ذات اليدوعدم الدخل المحترم البحفظ للزول كرامتو ..عشان كدة
انت عملت خير ربنا بجازيك عليهو وما حينقص منو شي لانو التاني ما صادق ..
مزلة السؤال ما بحتملا إلا محتاج فعلا أو مريض ..وفي الحالتين ربنا يعافي ..
|
Post: #49
Title: Re: دى كمان حركات إستنكاج جــديدة ..؟؟
Author: abdalla osman
Date: 10-11-2009, 02:02 PM
Parent: #48
النية واصلة يا حبيب .. الاحتيال فن يبدع من يمارسه كل صباح بفكرة
جديدة, والله في شخصيات في شارع الدكاترة الخرطوم تمارس الاحتيال من سنين
بحجة المرض تقول ليهو اتق الله يرشك بي كلمة زي الحنضل.. اعمل تسطيب
لنظرية المؤامرة في الحتات الذي دي بتنفعك والله..
مودتي....
|
Post: #53
Title: Re: دى كمان حركات إستنكاج جــديدة ..؟؟
Author: مزمل خيرى
Date: 10-11-2009, 07:29 PM
Parent: #49
دكتور عبدالله
Quote: والله في شخصيات في شارع الدكاترة الخرطوم تمارس الاحتيال من سنين
بحجة المرض |
لدرجة انهم بقوا وجوه معروفة ومعالم من معالم شارع الاستبالية .!
ياخ فى واحدة ليها 12 سنة فى الشارع دا ، بس كل فترة بتغير (الروشتة) .!!
شكرا للمرور يادكترة ..
|
Post: #50
Title: Re: دى كمان حركات إستنكاج جــديدة ..؟؟
Author: مزمل خيرى
Date: 10-11-2009, 02:08 PM
Parent: #48
الرقيقة داليا
| Quote: السودان بقت فيهو الحالة صعبة وأنت ما بحكوا ليك اكيد عارف .. |
اكيد عارف ياداليا بس معقولة الحالة تصل للدرجة دى .؟
ربنا يكون فى عون الجميع ..
تقبلى تحياتى وتحيات الأميرة جوان وامها ..
|
Post: #51
Title: Re: دى كمان حركات إستنكاج جــديدة ..؟؟
Author: Dr.Elsadig Abdalla
Date: 10-11-2009, 05:49 PM
Parent: #50
25+25=50
50-25=25
5+5+5+5+5=25
1+1+1+1+1=5
hahahahahahhaah
|
Post: #54
Title: Re: دى كمان حركات إستنكاج جــديدة ..؟؟
Author: مزمل خيرى
Date: 10-11-2009, 07:33 PM
Parent: #51
دكتور الصادق يابطيخابى ..
Quote: 25+25=50
50-25=25
5+5+5+5+5=25
1+1+1+1+1=5
hahahahahahhaah
|
بيجى يوم واذكرك الاقتباس دى يا... رشاشة .!!
|
Post: #55
Title: Re: دى كمان حركات إستنكاج جــديدة ..؟؟
Author: مزمل خيرى
Date: 10-11-2009, 07:43 PM
Parent: #25
| Quote: دا منو الاستنكج عليك ؟ |
دة خطأ طباعى ساكت بسبب الأستعجال يا...كبسور .!!
|
Post: #56
Title: Re: دى كمان حركات إستنكاج جــديدة ..؟؟
Author: جعفر محي الدين
Date: 10-11-2009, 07:56 PM
Parent: #55
الأخ مزمل خيري
تحيات نواضر
لماذا صار الناس في بلدي يحبون أكل أموال الناس بالباطل ؟!!
هل فساد النظام السياسي في البلد أدى إلى كل هذا الفساد الاجتماعي ؟
هل الضغوط الاقتصادية الرهيبة هي التي شجعت ظهور الشخصية الاحتيالية في مجتمعنا الطيب ؟
نتمنى أن لا يضيع المعروف بين الناس ... ولكن توخي الحذر مطلوب وتنبيهك هذا قد يقود الناس إلى ذلك .
شكرا
|
Post: #57
Title: Re: دى كمان حركات إستنكاج جــديدة ..؟؟
Author: مزمل خيرى
Date: 10-12-2009, 08:53 AM
Parent: #56
الاخ جعفر
تحياتى
Quote: هل الضغوط الاقتصادية الرهيبة هي التي شجعت ظهور الشخصية الاحتيالية في مجتمعنا الطيب ؟
|
سألت نفسى نفس هذا السؤال .. لكننى لم اجد اجابة شافية .!!
شكرا لمرورك الانيق ..
|
Post: #58
Title: Re: دى كمان حركات إستنكاج جــديدة ..؟؟
Author: أميرة فاروق عبد العال
Date: 10-12-2009, 09:11 AM
Parent: #57
Quote: لكن بينى وبينكم دا بقى سبب مقنع الواحد
تانى مايرجع لمسكول من رقم غريب .!! |
يعني ما نحاول الاتصال يا مزمل..
غايتو الجاتك في اسكراتشاتك سامحتك..
|
Post: #60
Title: Re: دى كمان حركات إستنكاج جــديدة ..؟؟
Author: مزمل خيرى
Date: 10-12-2009, 09:21 AM
Parent: #58
| Quote: يعني ما نحاول الاتصال يا مزمل.. |
غايتو يا أميرة ياختى تانى بعد دا الأ ترسلى رسالة وتقولى انا فلانة .!!
|
Post: #59
Title: Re: دى كمان حركات إستنكاج جــديدة ..؟؟
Author: عبدالرحيم أبراهيم العبيد
Date: 10-12-2009, 09:17 AM
Parent: #57
في ميزان حسنتاكم
والعتره بتصلح ........المشي
|
Post: #61
Title: Re: دى كمان حركات إستنكاج جــديدة ..؟؟
Author: Hisham Ibrahim
Date: 10-12-2009, 09:32 AM
Parent: #59
يا مزمل
تاني زي المس كول دا بجيك من السعودية والإمارات !!
الحاله صعبه خلاص يا قريبي !
تاني ما تسوي عمل خير حتى لو في شقيقتك ما واحده عامله مس كول !
هشام
|
Post: #65
Title: Re: دى كمان حركات إستنكاج جــديدة ..؟؟
Author: مزمل خيرى
Date: 10-12-2009, 11:22 AM
Parent: #61
| Quote: تاني زي المس كول دا بجيك من السعودية والإمارات !! |
والله عاااادى يجيك مسكول من السعودية .!!
وبعد ترجع ليهو يطلع ود عمك و يقول ليك ياخ انت ماعندك خط .!!
شفت بجاحة المغتربين يا ابوالشوش ..
|
Post: #63
Title: Re: دى كمان حركات إستنكاج جــديدة ..؟؟
Author: Fathi Ali Mohammed
Date: 10-12-2009, 09:47 AM
Parent: #59
العزيز ابو الاموره جوان
ربنا يعوضك والجاتك في 50 جنيه سامحتك.
لكن ما تخليها, لانها ح تعملا شغله و تستغل شهامة اولاد البلد.
|
Post: #66
Title: Re: دى كمان حركات إستنكاج جــديدة ..؟؟
Author: مزمل خيرى
Date: 10-12-2009, 11:30 AM
Parent: #63
فتحى
| Quote: لكن ما تخليها, لانها ح تعملا شغله و تستغل شهامة اولاد البلد. |
عليك الله زى دى تعمل ليها شنو .؟؟
زولة شحادة ومحتالة ..
غايتو طلعتها لى الله بنية صافية وهى وذمتها بعد دا لو فعلا عندها ذمة .!!
|
Post: #64
Title: Re: دى كمان حركات إستنكاج جــديدة ..؟؟
Author: مزمل خيرى
Date: 10-12-2009, 10:56 AM
Parent: #59
اااامين يابرعى ..
|
Post: #62
Title: Re: دى كمان حركات إستنكاج جــديدة ..؟؟
Author: معاوية عوض الكريم
Date: 10-12-2009, 09:33 AM
Parent: #55
| Quote: دة خطأ طباعى ساكت بسبب الأستعجال يا...كبسور .!! |
اخيرا رضيت ترد علينا يا عمك ؟
بنحب نشاغلك بس ما تتحسس ياخ 
|
Post: #67
Title: Re: دى كمان حركات إستنكاج جــديدة ..؟؟
Author: سيف الدولة كامل
Date: 10-14-2009, 03:28 AM
Parent: #62
والله يا مزمل في واحده كده متعباني بالمسكولات
لكن مضطر ارد عليها بالله قول ليها خلي عندك
شوية زوق واتصلي.
|
Post: #68
Title: Re: دى كمان حركات إستنكاج جــديدة ..؟؟
Author: عبدالحفيظ حسن
Date: 10-14-2009, 07:26 AM
Parent: #67
السؤال: -
هى عرفت نمرتك كيف؟
والا الموضوع خبط عشواء ساكت؟
والا أنا مافهمت الموضوع؟
تحياتى...
|
Post: #69
Title: Re: دى كمان حركات إستنكاج جــديدة ..؟؟
Author: مزمل خيرى
Date: 10-14-2009, 11:21 AM
Parent: #67
Quote: والله يا مزمل في واحده كده متعباني بالمسكولات
|
اوع تكون دى زولتى ؟
والله الواحد لو مابيخاف الله كنت نشرت رقمة هنا عشان الناس تعرفة .. لكن .!!
|
|