Post: #1
Title: ادوني تدريب الهلال او المريخ و كتروا فترينات الكاسات
Author: نصار
Date: 10-10-2009, 06:28 PM
لا عبقري و لا مدرب اصلا، لكن العواسة البتعوسها فرقنا دي
لو لعبت بدون مدرب ح تكوجن اكعب منها؟؟ بجيكم ببرنامجي
بس قبل ما اعز حليفتكم و اتواضع اقبل بتدريب المنتخب
و في اوقات الفراق الهلال و المريخ شيلوا لي شداد
موش من رئاسة الاتحاد، كورة في التلفزيون ما يشاهدها
و كل ادارات الفرق التلاته انا بجي بطاقمي الفني
و الاداري من المنبر دا و معاهم بعض اصحابي الخواجات
العمرهم ما لمسوا كوره بيدهم خليك من ارجلهم..
ابشروا بنهضة كروية، كل ويك اند نمشي نغلب البرازيل
و مرة نعمل كونكشب ف الارجنتين نغلبها مسافة ينقلوا
شنطنا للطيارة التانية و مرة اسبانية
و انجلترا و ايطاليا و هلما جرا
|
Post: #2
Title: Re: ادوني تدريب الهلال او المريخ و كتروا فترينات الكاسات
Author: سيف الدولة كامل
Date: 10-10-2009, 07:01 PM
Parent: #1
انا موافق يا نصار ,,بس بي شرط؟
تغلب لينا مازيمبي خمسه وتفش غبينتنا.
|
Post: #3
Title: Re: ادوني تدريب الهلال او المريخ و كتروا فترينات الكاسات
Author: نصار
Date: 10-10-2009, 08:44 PM
Parent: #2
يا سيف مازمبي ح اطعن في مباراة الذهاب
نعيدها قدر ما تطلب الجماهير لكن الحد الادني
خمسة هنا و هناك
ما تنسي 7 الوحدات برضو ح نعمل معاه زي اخوه
دا
و نقبل علي الدول
ميزة الانتصارات باثر رجعي اننا ح نتأهل لكل
البطولات بما فيها كاس العالم
شايف كيف
|
Post: #4
Title: Re: ادوني تدريب الهلال او المريخ و كتروا فترينات الكاسات
Author: حيدر بشير
Date: 10-10-2009, 10:00 PM
Parent: #3
انا من اسع حاجز مساعد مدرب معاك
|
Post: #6
Title: Re: ادوني تدريب الهلال او المريخ و كتروا فترينات الكاسات
Author: ahmed khidir
Date: 10-10-2009, 10:20 PM
Parent: #4
نصار
سلامات
ممكن اكون راس حربه
ولا انشاء الله وراء القون
|
Post: #8
Title: Re: ادوني تدريب الهلال او المريخ و كتروا فترينات الكاسات
Author: نصار
Date: 10-11-2009, 01:25 AM
Parent: #6
حمادة انت زول يانكي ياخي قول راس نووي
اهلك ديل ادوا رئيسهم نوبل للسلام فجروا
صاروخ في القمر،
انت طبعا مصور الفريق الرسمي
و ممكن تلقط الكور لو مصر
|
Post: #7
Title: Re: ادوني تدريب الهلال او المريخ و كتروا فترينات الكاسات
Author: نصار
Date: 10-11-2009, 01:21 AM
Parent: #4
حيدر بشرط انك ما تكون بتعرف في التدريب
اكتر مني و انا ما بعرف فيهو التكتح
بكدا خايف تكون مؤهلاتك اعلي من المطلوب
محل شداد كيف معاك؟
|
Post: #5
Title: Re: ادوني تدريب الهلال او المريخ و كتروا فترينات الكاسات
Author: نيازي مصطفى
Date: 10-10-2009, 10:14 PM
Parent: #1
 | Quote: ادوني تدريب الهلال او المريخ و كتروا فترينات الكاسات |
غايتو المريخ يا حبيب ما حا يتعبك كثير زي ناس الخمسة ..
عميق التحايا..
|
Post: #9
Title: Re: ادوني تدريب الهلال او المريخ و كتروا فترينات الكاسات
Author: نصار
Date: 10-11-2009, 01:29 AM
Parent: #5
الحبيب نيازي
المريخ ح تعبني 5+2 لوووول
لكن دا كله ح يكون ماضي منسي
قبل كل مباراة ح اعمل استطلاع
راي للجماهير داريننا نجيب
كم قون و اضع خطتي علي كدا
و مرة مرة اديهم كم قون هوادة
من عندي زي ما قال عباس
كلابة
|
Post: #10
Title: Re: ادوني تدريب الهلال او المريخ و كتروا فترينات الكاسات
Author: ahmed khidir
Date: 10-11-2009, 05:04 AM
Parent: #9
Quote: حمادة انت زول يانكي ياخي قول راس نووي
|
خزلتنى يا كوتش
طعلته حاقد
تخريمة
فى زمن الهزائم وازمة المواصلات زمان
اتزكرته لى كاركتير جميل
وكان احدى الفرق اتعرض لى هزيمة ثقيله
المشهد كان مجموعه من الناس ساكين ليهم حافله
واحد قال لى التانى معسكرات شنو
اى حداشر من ديل ممكن يهزمو اى فريق
|
Post: #11
Title: Re: ادوني تدريب الهلال او المريخ و كتروا فترينات الكاسات
Author: نصار
Date: 10-16-2009, 04:08 PM
Parent: #10
اهم حاجة كوتش دي
ما دام ثبتها الحقد ساهل
انت موش عارف الوسط الرياضي دا ما ساهل
و لازم شوية شراسة
اليومين ديل انا في برلين
هيرتا عندها مشكلة تدريب برضو احتمال امسكها
بيرن ذاته في اللستة
دا انت ح تلقط جنس كور لوووووووول
|
Post: #12
Title: Re: ادوني تدريب الهلال او المريخ و كتروا فترينات الكاسات
Author: حيدر بشير
Date: 10-16-2009, 06:42 PM
Parent: #11
نصار
السلام جاكم
يا خوى معرفة تدريب شنو انا بساعدك عشان نكون زى مدرب ناس اخونا عمر الفاروق القالوا فى احد مواضيعه هنا
نلم اللعيبة يوم الكورة ونقول ليهم الليلة الخطة هجوم يالله
و الله الليلة الخطة دفاع يالله
وبعد داك هم بيعرفوا يعملوا شنو
بس ما تعمل خيانات وتعين ليك مساعد غيرى
محل شداد داك بنصل ليه بعد تجربة التدريب مش شداد نفسه عمل كده
وتسلم
|
Post: #13
Title: Re: ادوني تدريب الهلال او المريخ و كتروا فترينات الكاسات
Author: نصار
Date: 10-20-2009, 02:09 PM
Parent: #12
يا قريبي انت لو داير تباري درب شداد ح تدرس فلسفة
و تقنفس شعرك و في النهاية تدمر الرياضة و تخسر
الحلاقين و تضيع الفلسفة
(الفلسفة) بتاعتنا انه مهما خربنا ما ح نصل لمستوي
شداد و اضرابه
امسك يا زول و لو ما المؤتمر الوطني مكنكش في الوزارات
كنت اديتك وزارة الشباب و الرياضة
|
Post: #14
Title: Re: ادوني تدريب الهلال او المريخ و كتروا فترينات الكاسات
Author: فايزودالقاضي
Date: 10-20-2009, 02:23 PM
Parent: #13
امرنا لله انا قبلت ابقي رئيس تواضعاً ..
راتب اساسي شهري 100 الف دولار
بدل سكن 20 الف دولار
بدل مواصلات 10 الف دولار
بدل لبس 10 الف دولار
بدل اكل 20 الف دولار
بدل جزم وشرابات 5 الف دولار
بدل اتصالات 10 الف دولار
بدل مشعوذين وكهنة 50 الف دولار
بدل بدلات 50 الف دولار
واهم حاجة تختوا 100 الف دولار لزوم الاختلاس ..
غير كده على الطلاق مابرأس السودان ذاته ...
|
Post: #18
Title: Re: ادوني تدريب الهلال او المريخ و كتروا فترينات الكاسات
Author: نصار
Date: 10-22-2009, 02:19 PM
Parent: #14
| Quote: واهم حاجة تختوا 100 الف دولار لزوم الاختلاس |
ياريت يكونوا المختلسين كلهم زي كدا يختوا ليهم مبلغ معين يختلسوا
منه و يخلوا الباقي كمان
و الله صحي ود قاضي، يا زول المختلسين بهبروا هبروا ما بعدوا زاتو
ذكرتني بمولاني العاوز يقبض ست عرقي بالدليل القاطع
قاليها اديني خمرة
الولية عرفته ما زول سنة و فوتت عليه الفرصة
|
Post: #15
Title: Re: ادوني تدريب الهلال او المريخ و كتروا فترينات الكاسات
Author: عبدالله كع
Date: 10-20-2009, 02:45 PM
Parent: #13
يا نصار
الاعلام - الاعلام ........ واللا ما عندك بيهو شغله ؟؟
و انا اسمي (( رمضان ابو القاسم ))
|
Post: #16
Title: Re: ادوني تدريب الهلال او المريخ و كتروا فترينات الكاسات
Author: ghariba
Date: 10-20-2009, 03:03 PM
Parent: #15
انا بس مسكني حارس مرمى ... وانسى
عمرك ما حيدخلوا فينا قون
صلاح غريبة - خبير في حراسة المرمى بشهادات دولية
|
Post: #17
Title: Re: ادوني تدريب الهلال او المريخ و كتروا فترينات الكاسات
Author: نصار
Date: 10-20-2009, 05:10 PM
Parent: #16
غريبة قدم طلبك مشفوع بالشهادة و العمل الطيب
للسيد دينق/ رئيس لجنة حراس المرمي الاسمهم غريبة
لوووول
|
Post: #19
Title: Re: ادوني تدريب الهلال او المريخ و كتروا فترينات الكاسات
Author: نصار
Date: 10-22-2009, 02:29 PM
Parent: #15
الاعلام... الاعلام يا كع ح نكممه خالص خالص
لكن الصحيفة الوحيدة الح نسمح ليها (تشكرنا)
ح تكون رئيس مجلس ادارتها و رئيس و مدير تحريرها
و الصحفي الوحيييييييييد فيها
امورنا سالكة تصدرها تلاتة مرات في اليوم
اذا مخستكة (دا الغالب) تحتجب عن الصدور
شفت التبذير في الحرية دا كيف؟
|
Post: #20
Title: Re: ادوني تدريب الهلال او المريخ و كتروا فترينات الكاسات
Author: نصار
Date: 10-25-2009, 01:07 AM
Parent: #19
اكيد انه حالة الرياضة عامة و الكورة خاصة ما ممكن ينعدل في ظل ميلان الحالة عموم، لكن كرة القدم بالتحديد علي مر الازمنة منذ الانجليز الاسسوها و حتي يومنا دا محتفظة بطابعها الاهلي، باستثناء تغول نميري عليها بما اسماه الرياضة الجماهيرية التي يعتقد الكثيرون ان اثارها المدمرة مازالت قائمة.. بداية عهد الانقاذ صارحنا زميل دراسة سابق عين تعيينا سياسيا في سفارة السودان في نيو ديلهي بانهم اخضعوا كل جوانب الحياة لحكمهم و لم يتبقي لهم سوي الهلال و المريخ..
مشكلة كرة القدم عندنا مشكلة داخلية، اي في المؤسسة (او اللا مؤسسة بالاحري) مشكلة عويصة كامنة في المفاهيم الحاكمة لهذا العالم الفسيح.. ما لم تنفك الاندية من قبضة الاثرياء الذين يشترون بمالهم حرية تصرف في كل شئ من اختيار اللعيبة و فرض من يلعب، مرورا بتعيين الاجهزة الفنية و طواقم الادارة، اذا لم يحدث هذا الانفكاك لن تتطور كرة القدم.. كل قطب له لاعبوهوا الذين يفرضهم علي المدرب لانه هو من اشتراه و هو يساهم في راتب المدرب نفسه.. الاقطاب ليس مكانهم في قيادة النادي بل يمكنهم دعمه كمشجعين علي ان لا يمنحهم ذلك حق التحكم في مصير النادي.. اما الادارة يفترض ان تكون مهنية و ليس بالضرورة ان يكونوا من مشجعي النادي المعين.. ليحدث هذا يفترض ان تمتلك الاندية مصادر دخل دائمة تحقق له الاستقلالية و تقطية نفقاته و تيسر له احدث المعدات و الملاعب و الكوادر الادارية المحترفة من خارج البلاد (كخطوة اولي علي ان يتم تدريب كوادر محلية من اللعيبة المعتزلين).. الان في الدول المتطورة رياضيا الكوادر الفنية، الادارية، الطبية، اخصائي العلاج الطبيعي و اللياقة البدنية و النفسية و غيرها تتنقل بعروض مالية مثل التي تقدم للاعبين المحترفين.. الاتحادات الرياضية في اوروبا تسارع لتوفير فرص تأهيل للعيبة المعتزلين في كافة مجالات التخصصات الرياضية و تستوعيب المبرزين منهم في اجهزتها و في الفرق القومية..
في دول الخليج نجح لاعبون سودانييون في تدريب فرق كبيرة و فئات عمرية مختلفة، و لا يحدث ذلك في السودان..
دخول مفهوم الاحتراف عندنا خطوة كبيرة جدا في طريق النهوض بمستوي انديتنا، لكن الفوضي و بقاء المفاهيم البالية يجرده من فوائده و يحوله لنقمة جديدة، اللاعب المحترف لابد من ان يكون منضبط و واهب كل وقته لناديه، يتواجد في النادي بصفة دائمة ما بين محاضرات و تدريبات لياقة و تدريبات عادية، يرتبط بالقسم الطبي و اخصائي التحفيذ النفسي و مدربي اللياقة و اخصائي التغذية، علي ان يلتزم بالبرنامج الغذائي الموضوع له حتي في فترة توقف الدوري و كذلك يعطي تمارين يلتزمها خارج النادي و في عطلته.. هل يحدث هذا في انديتنا؟...
|
Post: #21
Title: Re: ادوني تدريب الهلال او المريخ و كتروا فترينات الكاسات
Author: نصار
Date: 11-03-2009, 02:15 AM
Parent: #20
لا ادري اذا كان كل لاعبي الهلال و المريخ محترفون او ان الاحتراف فقط للاعبين الاجانب.. علي كل حال الاحتراف خطوة صحيحة للارتقاء بالكرة السودانية علي ان لا يقف عند اللاعبين بل لابد ان تنتنظم المؤسسية و الاحتراف المتخصص كل الحركة الرياضة و كرة القدم بالخصوص لانها بما لها من قواعد هي الاقدر علي ذلك.. بما ان ادارات الاندية الحالية قائمة علي معايير الزعامة و القدرات المالية التي تمنح المتمكنيين حق التدخل و اصدار القول الفصل في كل شئ لانه يدفع من ماله، يمكن معالجة الخلل بتعيين شركات استشارية ترسم خطط للنهوض بالقدرات الاقتصادية للاندية. اعتقد ان الخطوة الاولي في طريق الاصلاح الاقتصاد للاندية الكبيرة يتمثل في الاستفادة القصوي من ممتلكاتها الثابتة بأن تبيعها لتبني بعائدها دور اندية حديثة و متكاملة علي اسس عالمية و كذلك ميادين التدريب و الاستاد الاساسي.. او اذا تمكنت من تمويل او مشاركة مستثمرون يمكنها اقامة مشاريع عمرانية استثمارية علي مواقع دورها و استاداتها الحالية و الانتقال بمنشآت متكاملة علي اراضي تمنحها لها الدولة مجانا علي اطراف المدن.. الترقيع الذي يقوم به الهلال و المريخ في ملاعبهم الحالية غير كافي بل هو اهدار لاموال بلا طائل.. الان يمكن للهلال و المريخ حل مشكلة انقطاع التيار الكهربائي بالاستثمار في مصادر الطاقة البديلة علي ان يبيع الفائض الي شركات او اي جهة اخري و بذلك يوفر مصدر دخل ثابت..
نواصل
|
|