|
Re: ماما دوما...بوست كسير تلج "توجد محبة لله في لله" (Re: حنين للبلد)
|
ماما دوما
لي قناعة اننا كسودانيين بخيلين في الإفصاح عن محبتنا لمن حولنا...نكتمها لا بخلا لكن تحفظا ربونا على كدة وبرضه ماعارفة ليه؟؟؟ لكن يا ماما دوماانا حبيت الليلة اكسر القاعدة دي،، واوريك مدى تقديري لك...
انتي من الوجوه المشرقة هنا احترمك واحترم كتاباتك وطريقتك المرحة المعبرة ومقدرتك على احتمال هنات الآخرين وتجاوزها... بالجد انا سعيده بيك جدا ومن زمان اتمنيت تجي فرصة اقول ليك الكلام ده، ومافي الخاص في العام عشان ادي ناس تانية زي الفرصة انها تعبر ليك عن مدى محبتها واحترامها ليك..
ماما دومة
محترمة
مهذبة
عميقة
واعية
وبصيرة نافذة ناقدة
حوار متمدن راقي
واحترام للنفس والآخر
على الرغم من انني لم التقيها..لكني التقيت معها واتفقت في كثير من النقاط.
| |
|
|
|
|
|
|
Re: ماما دوما...بوست كسير تلج "توجد محبة لله في لله" (Re: سيف الدولة كامل)
|
Quote: تستاهل يا معاوية عشان ما تمشي تهابش الناس
الاكبر منك, والله اختنا دومه توقف بلد بي حاله
بالحق , لكن حظنا طلعت هلالابية زينا.
محبتي للاخت دوما,,وشكرا يا حنين يا اصيلة. |
شكرا يا استاذ سيف
* بالمناسبة الرسالة وصلت لكن غلبني الأقوله..الموضوع والله ماكان بستاهل...كل سنة وانت بالف خير يارب.
| |
|
|
|
|
|
|
Re: ماما دوما...بوست كسير تلج "توجد محبة لله في لله" (Re: حنين للبلد)
|
كان زمان اسمها حبوبة دومة , كانت كاتبة شرسة تشاكل ضلها من نعم الله عليك انك ما قابلتيها ايامئذٍ , كرهتني سودانت وسودانيز اون لاين ومنابر الجاليات التايلندية زاتو لم يكن في ذلك الوقت من كاتبات كثر يتبنين خط الحرب علي السيطرة الذكورية وقهر المراة وحنك ما بعد الحداثة تطورت طرديا الي ان اضحت ماما دوما , نفسها في الكتابة بقي رايق , واتعلمت التاني وطولة البال , واكثرت من الضحكات واللولات وذلك بعد عمر المنبر بالمحاربات فاخذن عنها عناء المواجهة واطلقت العنان لقلمها اجتماعيا وبقت زولة ونسة ومجاملة
| |
|
|
|
|
|
|
Re: ماما دوما...بوست كسير تلج "توجد محبة لله في لله" (Re: اساسي)
|
Quote: كان زمان اسمها حبوبة دومة , كانت كاتبة شرسة تشاكل ضلها من نعم الله عليك انك ما قابلتيها ايامئذٍ , كرهتني سودانت وسودانيز اون لاين ومنابر الجاليات التايلندية زاتو لم يكن في ذلك الوقت من كاتبات كثر يتبنين خط الحرب علي السيطرة الذكورية وقهر المراة وحنك ما بعد الحداثة تطورت طرديا الي ان اضحت ماما دوما , نفسها في الكتابة بقي رايق , واتعلمت التاني وطولة البال , واكثرت من الضحكات واللولات وذلك بعد عمر المنبر بالمحاربات فاخذن عنها عناء المواجهة واطلقت العنان لقلمها اجتماعيا وبقت زولة ونسة ومجاملة |
سنة الحياة يا اساسي...بركة لاماقبلتها الوقت داك ماعندي مناهدة للملاواة :) تتخيل ماقادرة اتخيل غير الشكل الحالي ده...واسه هي شرسة في الحق ، بس شراسة مرنة مطواعة لو جاز لي التعبير...بس اظنكم الزمن البتحكي عنه داك كنتو في طور المراهقة العمرية والأسفيرية وكان لازم من التطويع القاسي ...احمد الله النجمتكم لو كنتوا كبرتوا بي ذات السياق كان نجضتونا احنا اسه " احنا الأشبال طبعا" لووووول.
| |
|
|
|
|
|
|
Re: ماما دوما...بوست كسير تلج "توجد محبة لله في لله" (Re: اساسي)
|
Quote: كان زمان اسمها حبوبة دومة , كانت كاتبة شرسة تشاكل ضلها من نعم الله عليك انك ما قابلتيها ايامئذٍ , كرهتني سودانت وسودانيز اون لاين ومنابر الجاليات التايلندية زاتو لم يكن في ذلك الوقت من كاتبات كثر يتبنين خط الحرب علي السيطرة الذكورية وقهر المراة وحنك ما بعد الحداثة تطورت طرديا الي ان اضحت ماما دوما , نفسها في الكتابة بقي رايق , واتعلمت التاني وطولة البال , واكثرت من الضحكات واللولات وذلك بعد عمر المنبر بالمحاربات فاخذن عنها عناء المواجهة واطلقت العنان لقلمها اجتماعيا وبقت زولة ونسة ومجاملة |
لوووووووووووووووول يا رومانسي قالوا ليك كسير تلج ما كشف حال البعرفونا ما يحضرونا اسه فتيتني كدا لووووووووووول اساسي يا فقر ما تبوظ سمعتنا يا اخي
| |
|
|
|
|
|
|
Re: ماما دوما...بوست كسير تلج "توجد محبة لله في لله" (Re: تماضر الخنساء حمزه)
|
تماضر يا خنساء الجمال في عيون البهولدار ما تصدقوا التصاوير دا فوتو شوب يا بتي نحن ناس الكلام الاخلاق . بالجد كلامي دا حقيقه في مطار الخرطوم لما يشوفوا الصوره في الجواز ويقارنوا بينا بسالوني بالله دي انت ؟؟؟!! باستغراب اها طبعا بعمل فيها اني كنت سمحه وكدا بقول ليهم اي دي انا بس قبل 5 سنوات ههههها
| |
|
|
|
|
|
|
Re: ماما دوما...بوست كسير تلج "توجد محبة لله في لله" (Re: doma)
|
Quote: الزمن الفينا ده من النادر تلقى زول سمح خلقة واخلاق...اها الملكة الإسمها ماما دومة دي ....سمحة خلقة واخلاق...ماشاء الله.
|
يا سلام ودا إنطباعي عنها في الفترة القصيرة دي من خلال هذا المنبر...
Quote: في مطار الخرطوم لما يشوفوا الصوره في الجواز ويقارنوا بينا بسالوني بالله دي انت ؟؟؟!! باستغراب اها طبعا بعمل فيها اني كنت سمحه وكدا بقول ليهم اي دي انا بس قبل 5 سنوات ههههها
|
شوفو الروح الحلوة دي....
أيامك أيام يا حاجة دوما السماحة ذاتا بتكون رجعت أضعاف أضعاف مع كسير التلج دا....
| |
|
|
|
|
|
|
Re: ماما دوما...بوست كسير تلج "توجد محبة لله في لله" (Re: صديق الموج)
|
Quote: حنين للبلد..سلام ممكن تدينى الساطور ده تلاته شهور اكسر معاك وحاتك الماما دى انا مسميها الام تريزا المنبر الله يحفظها ويخليها لينا نحن الاولاد الصغار ديل ندفن خيباتنا وحزننا على صدرها الدافى ماما ممكن تقبلينا،،، |
لقيتوها جاهزة...كسر ابوي كسر.. كان نبدد ضلمة المكان ده بي نور الحلوين.
| |
|
|
|
|
|
|
Re: ماما دوما...بوست كسير تلج "توجد محبة لله في لله" (Re: صديق الموج)
|
Quote: حنين للبلد..سلام ممكن تدينى الساطور ده تلاته شهور اكسر معاك وحاتك الماما دى انا مسميها الام تريزا المنبر الله يحفظها ويخليها لينا نحن الاولاد الصغار ديل ندفن خيباتنا وحزننا على صدرها الدافى ماما ممكن تقبلينا،،، |
لوووووووووووووول ود المووج يا جميل امك دومه تقبللك ونص وتلاته
| |
|
|
|
|
|
|
Re: ماما دوما...بوست كسير تلج "توجد محبة لله في لله" (Re: Yassir Tayfour)
|
Quote: زينوبة! قومي لفي كده ولا كده، وآخدي معاك حنين.. ___ بوست غير موفّق، البتّة، أقصد البتتوني.. |
أب تفة بعيدا عن الموضوع قريبا منه.... انا مرة اتكلمت مع ماما دوما قلت ليها انا بحس بيها تقيييلة كدة اقول ليك ماما وحاسة انه بكبر فيك واريح لي اقول ليك خالتو...اها هي اصرت قالت لا الا ينادوها بي ماما دوما....
* وبيني وبينك عجبتني....الجهل ماسمح يا اب تفة خصوصا للقدرنا :)
| |
|
|
|
|
|
|
Re: ماما دوما...بوست كسير تلج "توجد محبة لله في لله" (Re: doma)
|
Oh No No " دي عاجباني من الأفلام الأمريكاني " كده التلج حا يغلى لأنو حا يكمل عند دوما .. خلو لينا شوية منو ياخي .. عندنا هنا ناس اسماعيل عباس ومعتصم دفع الله قاعدين نكسر ليهم مرة مرة وبي طريقتكـ دي يا حنين حا يكمل ويدخل السوق الأسود .. تصدقوا الليلة كسرت تلج لى تمبس في بوست البلابل ؟؟ بالغت !! موووووش . دومـــا متميزة جدا ًً " تلجة صغيره سلف يا حنين " . . . . _____________________________________ حنين ياخي ياسر بيناوي ده ما عصرتي عليهو شديد !!!
| |
|
|
|
|
|
|
Re: ماما دوما...بوست كسير تلج "توجد محبة لله في لله" (Re: doma)
|
ـــــ من الماضي الإسفيري أول مداخلة بيننا كانت هي تدافع عن الاخ( عادل عبد العاطي ) في حين أن البوست كان عبارة عن التوجه ليّ (دعوة قضائية) ولكافة القانونيين في المعمورة لماحدث في تلك الأيام من تشاجر وتراشقات , وما أثارة حفيظتي عليها وبلعتها في نفسي وأنا كظيم التحامل عليّ من قبل دكتورة (دوما) في ذلك البوست , دون وجه حق يذكر . ومن ذلك اليوم لم أتداخل معها أبداً , إلا في بوست عقد قرآن إبنها وإخونا محمد النور (الله يسعدهم ), وبالرغم من متابعتي لكثير من ما تكتبه , خاصة عندما تكون سخريتها لاذعة في شكل كبسولة مازحة أفطس من الضحك .. وقد حزنت جداً حينما كتبت بوستها الوصية وحددت فيه أن دكين هو من يكتب لها الرثاء , إزداد حزني عما توفقت عن الكتابة والمشاركة بالمنبر لفترة , وهذا كله ولم أتداخل في تلك البوستات ومع مرور الوقت ذاب (كظمي) وعفوت عنها تحاملها عني دون أن هي تعلم ..
فلها كل الحب وربنا يطول في عمرها والعفو في العافية
وشكراً الأخت حنين
| |
|
|
|
|
|
|
Re: ماما دوما...بوست كسير تلج "توجد محبة لله في لله" (Re: emad altaib)
|
Quote: فلها كل الحب وربنا يطول في عمرها والعفو في العافية |
الاخ عماد الطيب
بركة الفتحت البوست ده عشان تطلع الجواك وتختمه بالكلام الحلو ده...وانا متاكدة انه ماما دومة حتكون ما متذكرة الموضوع من اساسه...تعرف الدنيا دي مابتستاهل ربنا يطول لينا في عمرها وفي عمرك ويهديء النفوس...
| |
|
|
|
|
|
|
Re: ماما دوما...بوست كسير تلج "توجد محبة لله في لله" (Re: محمد حسن العمدة)
|
Quote: * بوست كسير تلج متفرع |
عاااد بيسووها كدة وبالسرعة دي .. أدونا حقوق الاصدار ههههه
** العزيزة دوما .. رغم مداخلاتي معاها المحدودة لكن اقراها باستمتاع .. فهي تستحق بجدارة لقب ماما للطفها ومداخلاتها الموزونة والجديرة بالاحتفاء .. ورؤاها النيرة التي قريتها لها خاصة بما يتعلق بمواضيع الجندرة وفضح العقليات الذكورية .. هذا غير اجتماعياتها المحببة والجميلة ..
لها مني كل الحب ..
ــــــــــــــــــــ..
Quote: الطيب الطيب يا بت الفحل اطرينا بالخير ياتي الخير |
هههههههههههههههههههههههه
حااااسي ببطنك طمت شديد خاصة خاصة وانه العزيز عماد الطيب فرق المشرق عن المغرب ..
| |
|
|
|
|
|
|
Re: ماما دوما...بوست كسير تلج "توجد محبة لله في لله" (Re: الفاتح ميرغني)
|
حنين للبلد و حنين للألم كيفنك بجاي يا خي لكن لقيت تلجك مبالغة , بس الشهادة لله ماما دوما تستاهل يدفونها في القطب الشمالي ....
Quote: الاخ العزيز سيف الدوله كامل تسعدني دايما طلتك يا نبيل الهلالاب ديل تعرفهم بسيمائهم |
يا ماما دوما دا تلج من اصولوا , اها الهلالاب معروفين بسيمائهم و ناس الاصفر ديل بعمايلهم قصدك (بس انشاء الله يلموا فيك ناس حيدر والله تخلي البورد دا كلو كلو)....
يا رب القوي تجيبو قوي ... والله كنت داير اقيل بجاي يا حنين لكن المديرة الليله صارة صرة بس الله يجيب العواقب سليمة
| |
|
|
|
|
|
|
Re: ماما دوما...بوست كسير تلج "توجد محبة لله في لله" (Re: ياسر بيناوي)
|
أخي الحبيب النبيل ياسر بيناوي ... تحية تقدير واحترام سيدي ,,,,, صدقني أخي أختنا حنين إنسانه طيبة القلب ولا تقصد شيء مما كتبت .... هنالك سؤ تفاهم حدث ، حنين أختنا جميعاً وتعرف بأننا نحبها حب أخوي لله فلا تحمل على نفسك عزيزي عناء الشرح فهي تدري ذلك جيداً .. حنين قلبها كبير ولا تقبل بأن تخطئ في حق أي شخص هنا ..... لك ولها ولماما دومة كل المودة والتقدير .... ولك أمنياتي ياصافي القلب .....
محبك في الله / عماد محمود
| |
|
|
|
|
|
|
Re: ماما دوما...بوست كسير تلج "توجد محبة لله في لله" (Re: doma)
|
ست الحباااااااااايب
حبيبة قلبى دوما
احلى زولة ... لم شفتها لاول مرة حسيت كانه بعرفها لي سنين
ببسمتها الجاذبة و روحها المرحة...
وكانت هى من تلك اللحظة امى التانية واختى الكبيرة برجع ليها
فى كل صغيرة وكبيرة لانه رايها سديد
الله يديها العافية ويخليها لينا ولاولادها
بحبك شدددددددديد يا ماما دوما
وانت كمان يا حنين
بحبك لله و فى الله
| |
|
|
|
|
|
|
Re: ماما دوما...بوست كسير تلج "توجد محبة لله في لله" (Re: فادية اليمني)
|
بالله إنتو شغالين كسير تلج لماما دومة وانا ما عارفه وجدت كتاباتها في المنبر عاقلة وحنينة ورزينة بتذكرني بالإنسان السوداني بطبعه الجميل ولما قابلتها في زيارتها للسودان تعمق فيني الإحساس الجميل والآمن تجاها فهي فعلاً زولة نقية بتذكرني إنسان زمااااان وماشاء الله عليها محافظة على جمالها لسه
شكرا يا حنين لإفراد مساحة حب لماما دومة
| |
|
|
|
|
|
|
|