Post: #1 Title: عافي منك يا الأرباب !! عبدالحميد العماري عبر كوبري الرائد السعودي Author: محمد حيدر Date: 10-10-2009, 12:19 PM
الأعزاء
من زمان راجينو نحنا يوم تبشر بيهو غيمه الفرح يغشى المدينه و البيوتات القديمه
Post: #2 Title: Re: عافي منك يا الأرباب !! عبدالحميد العماري عبر كوبري الرائد السعودي Author: محمد حيدر Date: 10-10-2009, 12:20 PM Parent: #1
الأعزاء
من مصادر موثوق بها نما إلي علمنا ضربه الأرباب الموجعه القادمه
Post: #3 Title: Re: عافي منك يا الأرباب !! عبدالحميد العماري عبر كوبري الرائد السعودي Author: محمد حيدر Date: 10-10-2009, 12:23 PM Parent: #2
اللأعب ذو الإمكانيات التهديفيه المهوله عبدالحميد العماري الذي قبل أن يظلمه المريخ ظلم نفسه بإعاده حبسه (عفواً تسجيله) للمريخ
Post: #4 Title: Re: عافي منك يا الأرباب !! عبدالحميد العماري عبر كوبري الرائد السعودي Author: Faisal Elrasheed Date: 10-10-2009, 12:29 PM Parent: #2
بخيت وسعيد عليكم
موبوتو كيف ؟؟
احيييييييييييييي انا يا الوشوش المادايره تظبط معاي
Post: #5 Title: Re: عافي منك يا الأرباب !! عبدالحميد العماري عبر كوبري الرائد السعودي Author: محمد حيدر Date: 10-10-2009, 12:36 PM Parent: #4
الاعزاء
الاخ Faisal Elrasheed شكراً علي التهنئه ولو إنها من غير نفس
مش كنتو ساكين مهند عليكم الله شيلوهو و ريحونا متعوده دايماً
Post: #6 Title: Re: عافي منك يا الأرباب !! عبدالحميد العماري عبر كوبري الرائد السعودي Author: أحمد ابراهيم عثمان Date: 10-10-2009, 12:51 PM Parent: #5
ضربة معلمااذا صح خبرك يا ابوحميد
Post: #7 Title: Re: عافي منك يا الأرباب !! عبدالحميد العماري عبر كوبري الرائد السعودي Author: حسن إبراهيم خليفة Date: 10-10-2009, 12:55 PM Parent: #6
إن شاء الله يا محمد
السعودي ده بيشبهنا نحن.
Post: #8 Title: Re: عافي منك يا الأرباب !! عبدالحميد العماري عبر كوبري الرائد السعودي Author: Faisal Elrasheed Date: 10-10-2009, 01:06 PM Parent: #5
Quote: مش كنتو ساكين مهند
نحن ساكين موبوتو
مهند ده ساكاهو نور
Post: #9 Title: Re: عافي منك يا الأرباب !! عبدالحميد العماري عبر كوبري الرائد السعودي Author: nazar hussien Date: 10-10-2009, 01:10 PM Parent: #8
انا موبوتو ما شفت لعبو...سمعت بيه من الراديو لكن عبدالحميد السعودي دا لو جاء الهلال ابشركم سيلعب بعده في تشيلسي...
فهو افضل لاعب سوداني من وجهة نظري الشخصية الا ان النريخاب ظلموه بي وارقوهم
Post: #10 Title: Re: عافي منك يا الأرباب !! عبدالحميد العماري عبر كوبري الرائد السعودي Author: Faisal Elrasheed Date: 10-10-2009, 01:19 PM Parent: #9
Quote: انا موبوتو ما شفت لعبو
امش اقرب محل فيديو وقول ليه اديني فلم موقعة ذات البيضات بتلك موبوتو هو البطل او
قوقله وتوكل
Quote: لكن عبدالحميد السعودي دا لو جاء الهلال ابشركم سيلعب بعده في تشيلسي...
صحيح والدليل انه اسيان ولامبارد قبال ما يجو شلسي كانو في الهلال
Quote: فهو افضل لاعب سوداني من وجهة نظري الشخصية
القرد في شنو يبقي شنو؟؟؟؟؟
Quote: النريخاب
انت قصدك النخراب ؟؟ دي قبيلة جديده والا شارع في امدرمان؟
كان قاصد المريخاب فمافي زول منهم ظلمو والله السووهو ليه ابوهو الولدو ما عملو ليه لكن اصلو هو ود مفتري وقليل ادب وقايل نفسه كرستيانو رونالدو وما بحترم لا ادارة لا جهاز فني عشان كده زحه في الكنبه لمن فهم حاجه ولمن يدخلو اول حاجه بعترض علي الحقو والما حقو اصلو هو شبه (الهليل)
عموما ومن اخره كده قلنا ليكم مبروك عليكم
Post: #11 Title: Re: عافي منك يا الأرباب !! عبدالحميد العماري عبر كوبري الرائد السعودي Author: nazar hussien Date: 10-10-2009, 01:39 PM Parent: #10
Quote:
Quote: انا موبوتو ما شفت لعبو
امش اقرب محل فيديو وقول ليه اديني فلم موقعة ذات البيضات بتلك موبوتو هو البطل او
قوقله وتوكل
Quote: لكن عبدالحميد السعودي دا لو جاء الهلال ابشركم سيلعب بعده في تشيلسي...
صحيح والدليل انه اسيان ولامبارد قبال ما يجو شلسي كانو في الهلال
Quote: فهو افضل لاعب سوداني من وجهة نظري الشخصية
القرد في شنو يبقي شنو؟؟؟؟؟
Quote: النريخاب
انت قصدك النخراب ؟؟ دي قبيلة جديده والا شارع في امدرمان؟
كان قاصد المريخاب فمافي زول منهم ظلمو والله السووهو ليه ابوهو الولدو ما عملو ليه لكن اصلو هو ود مفتري وقليل ادب وقايل نفسه كرستيانو رونالدو وما بحترم لا ادارة لا جهاز فني عشان كده زحه في الكنبه لمن فهم حاجه ولمن يدخلو اول حاجه بعترض علي الحقو والما حقو اصلو هو شبه (الهليل)
عموما ومن اخره كده قلنا ليكم مبروك عليكم
هو ما كويس السميتكم النريخاب...مش احسن ليكم من البطيخاب... وبعدين موبوتو بطل معركة ذات البيضات دا برضو مريخابي؟؟؟ والله بيلعب وين؟؟؟ ما عايزين تدفعو فيه خمسة مليون وتجيبوه؟؟؟ تلاقيكم فاكين السعودي وعينكم في موبوتو!!!! انتو قايلين موبوتو دا بيلعب بي حجار كهرباء؟؟؟؟
وطالما قلت اصلو هو شبه الهليل...اركز يا ...جنا... أمانة ما يمحطكم محط...والمنبر دا بيناتنا... يمين اول محطة علا اجيب ليك عمك يوتيوب زاتو بي نقارتو هنا دا
اما ان الهلال محطة عظيمة للاعبين فهذي ليس فيها شك... وأعظم من احترفوا خارج السودان كانوا من الهلال... انت عارف يوسف محمد وين هسي؟؟؟؟
مش زي زولكم الرجعوه ليكم من كنبات الاحتياطي بالاماراتية
Post: #12 Title: Re: عافي منك يا الأرباب !! عبدالحميد العماري عبر كوبري الرائد السعودي Author: Faisal Elrasheed Date: 10-10-2009, 01:49 PM Parent: #11
Quote: انت عارف يوسف محمد وين هسي؟؟؟؟
هو رئيسكم بي عضم لسانه قال ما عارف ولا قبض فيه ابيض ولا احمر
انتو بدل ما تقعدو تتكندكو بالواطه كل مره وتولولو اخير تشوفو قدوين بي وين ادوهو باقي قريشاتو يمكن يمكن يحن
موبوتو قال في المؤتمر الصحفي : سكاتو برنكي فرنطش ويزي ويزي
الترجمه: الهلال اقل من طموحاتي ولاعبيه كما الديوك بتاعت العده
ودعتك الله
Post: #13 Title: Re: عافي منك يا الأرباب !! عبدالحميد العماري عبر كوبري الرائد السعودي Author: Faisal Elrasheed Date: 10-10-2009, 02:08 PM Parent: #12
Post: #14 Title: Re: عافي منك يا الأرباب !! عبدالحميد العماري عبر كوبري الرائد السعودي Author: nazar hussien Date: 10-10-2009, 02:13 PM Parent: #12
Quote: موبوتو قال في المؤتمر الصحفي : سكاتو برنكي فرنطش ويزي ويزي
بل قال: حا نجي راجعين نلقط باقي قريشات ناس المريخ...بسهولة
Post: #15 Title: Re: عافي منك يا الأرباب !! عبدالحميد العماري عبر كوبري الرائد السعودي Author: محمد حيدر Date: 10-11-2009, 00:00 AM Parent: #14
الأعزاء
المريخ ممكن يسجل موبوتو ده لكن يجيب ليكم قون كيف؟؟؟؟؟؟؟؟؟؟؟؟؟ ح يلعب مع قلق وآرق--و و يدربه مشكله ده مفروض كل مايجي ينوم يبلع حبتين أسبرين
Post: #16 Title: Re: عافي منك يا الأرباب !! عبدالحميد العماري عبر كوبري الرائد السعودي Author: محمد حيدر Date: 10-27-2009, 01:08 AM Parent: #15
الأعزاء
ناس الرائد مستنين و وراهم اللواء
Post: #17 Title: Re: عافي منك يا الأرباب !! عبدالحميد العماري عبر كوبري الرائد السعودي Author: على محمد على بشير Date: 10-27-2009, 08:52 AM Parent: #16
محمد حيدر .. يا مسكين
السعودى اذا اجتاز الاختبارات سيعار الى نادى الرائد السعودى سمعتنى ابوى .. اعاره وليس بيع كرت دولى
وسلم لى على التجانى ابو سن
Post: #18 Title: Re: عافي منك يا الأرباب !! عبدالحميد العماري عبر كوبري الرائد السعودي Author: abdalla osman Date: 10-27-2009, 10:20 AM Parent: #16
Quote: اصلو هو شبه (الهليل)
وفيه ملامحنا..
Post: #19 Title: Re: عافي منك يا الأرباب !! عبدالحميد العماري عبر كوبري الرائد السعودي Author: محمد حيدر Date: 10-29-2009, 11:11 PM Parent: #18
أخي على محمد على بشير
شايفك بتتكلم عن الأعارات و نحن أسيادها
كدي خليك في الأعاره و قرّض علي كده
و بعدين ما تقول أنا ما قلت
و مسكين أنا
Post: #20 Title: Re: عافي منك يا الأرباب !! عبدالحميد العماري عبر كوبري الرائد السعودي Author: حيدر بشير Date: 10-30-2009, 03:02 AM Parent: #19
مسئولين من الخير
مبوتو دا تم علاجه من الكبد الوبائى قبل تسجيله
الجابوهم قبلوا عملوا شنو ما ياهم ديك ناس وارقو مطلعنهم فى المزاد و ما لاقين ليهم سوق
