Post: #1
Title: فضيحة ... رمضان أحمد السيد ..الامارات تمثل افريقيا
Author: معاوية محمد الحسن
Date: 10-09-2009, 12:54 PM
صدقو أو لاتصدقوا
رمضان أحمد السيد رئيس تحرير صحيفة قون الرياضية والذى يملا الدنيا ضجيجاً هذه الايام بانه قد تم إختياره افضل صحفى رياضى عربيا وان صحيفته تم اختيارها الاولى عربيا هذا الرمضان قد كتب فى عموده بالامس بانه قد دهش لمستوى صغار افريقيا فى كاس العالم للشباب الذين يمثلون الامارات وغانا و...
هذا هومستوى رئيس تحرير ينشر الجهل ويدعو للايمان بالشعوذه وسط الجماهير هذه الايام بان هناك اشياء غير طبيعية حدثت للهلال فى المباراة وادت لهزيمته والدليل على ذلك الهدف الخامس .
هذا الصحفى قام بتخدير الجماهير واوصل الهلال لابوظبى (الفى افريقيا) ووعدهم بان العلال سيلعب مع الكبار برشلونة ومانشيستر وانه لافرق بين ميسى ومساوى الم يكن هيثم محقا عندما وصف أعلام الهلال باعلام الفول
واليكم ماقاله رمضان :
أتابع منذ ايام وبإهتمام فاتر أحداث بطولة كاس العالم للشباب والتي تقام بمصر !! ولا تسألوني عن سر هذا الفتور! لكن الحق يقال انني دهشت حقيقة لمستوى صغار افريقيا الذين يمثلون الامارات وغانا ونيجيريا وحتى مصر وجنوب افريقيا
|
Post: #2
Title: Re: فضيحة ... رمضان أحمد السيد ..الامارات تمثل افريقيا
Author: بدرالدين كاجوري
Date: 10-09-2009, 01:00 PM
Parent: #1
وين الفضيحة ياالخوي
اكيد خطاء مطبعي
اما حكاية الدجل والشعودة انا شخصيا غير مؤمن بها
بس انت كترت المحلبية شوية ياصفو(من صفوة)
|
Post: #3
Title: Re: فضيحة ... رمضان أحمد السيد ..الامارات تمثل افريقيا
Author: حيدر بشير
Date: 10-09-2009, 02:09 PM
Parent: #2
وين الفضيحة
و الله بس همك تكتب ضد رمضان
ان كان هذا هو مقصدك فنقول لرمضان ومزمل ان يمددوا ارجلهم
|
Post: #4
Title: Re: فضيحة ... رمضان أحمد السيد ..الامارات تمثل افريقيا
Author: معاوية محمد الحسن
Date: 10-09-2009, 04:21 PM
Parent: #2
الفضيحة يابدر الدين ان لايعرف رئيس تحرير فى اى قارة تقع الامارات
وكيف باللة تكون خطا مطبعى وهو يكتب الامارات حرفا حرفا مع الدول الافريقية .
|
Post: #5
Title: Re: فضيحة ... رمضان أحمد السيد ..الامارات تمثل افريقيا
Author: Magdi Algorashi
Date: 10-09-2009, 05:46 PM
Parent: #4
كل جائز بعد الزلزال الكنغولي دا
|
Post: #6
Title: Re: فضيحة ... رمضان أحمد السيد ..الامارات تمثل افريقيا
Author: عبد الرازق سعيد
Date: 10-09-2009, 08:20 PM
Parent: #5
هذه ليست أول مرة يرتكب فيها رمضان مثل هذه الأخطاء الساذجة
رمضان بليد في الجغرافيا وهذه حقيقة وليس تجني على المذكور
شخص يحمل شهادة الدكتوراة ويكتب بأسلوب ومستوى طالب الإبتدائي
فعلاً القلم ما بزيل بلم والخمسة بتزيد الألم
|
Post: #7
Title: Re: فضيحة ... رمضان أحمد السيد ..الامارات تمثل افريقيا
Author: معاوية محمد الحسن
Date: 10-09-2009, 09:41 PM
Parent: #6
الاخ حيدر
ليس همى أن اكتب ضد رمضان فليس بينى وبينه علاقة او خصومة حتى اكتب ضده ولكنه شخص كثير الاخطاء واسلوبه ركيك وساذج ورغم ذلك يدعى بانه قد تم اختياره كافضل صحفى عربى وان صحيفته الافضل والاكثر انتشارا
الاخ عبد الرازق
واللة لو فعلا انو رمضان لديه ماجستير زى مابنسمع فان هذا يمكن ان يكون اكبر دليل على تدهور التعليم فى السودان .رمضان كتب مرة بانه كان فى تركيا وقام برحلة نيلية هناك .
|
Post: #8
Title: Re: فضيحة ... رمضان أحمد السيد ..الامارات تمثل افريقيا
Author: حيدر بشير
Date: 10-09-2009, 10:55 PM
Parent: #7
شكرآ الاخ معاوية على هذا الرد الشافى و الواضح
ولكن ليس رمضان فقط هو من يكثر من الاخطاء بل معظم صحفى هذا الزمن ولكنهم لا يعترفون
وهذا هو احد اسباب تدهور الرياضة فى بلادنا
|
Post: #9
Title: Re: فضيحة ... رمضان أحمد السيد ..الامارات تمثل افريقيا
Author: طلحة عبدالله
Date: 10-09-2009, 11:01 PM
Parent: #8
والله لو استاذ رمضان دا لو قال كدا يكون بالغ عديل
لكن اظنها سهوا ساي يا جماعة .
|
Post: #10
Title: Re: فضيحة ... رمضان أحمد السيد ..الامارات تمثل افريقيا
Author: الوليد محمد الامين
Date: 10-09-2009, 11:03 PM
Parent: #8
| Quote: كتب مرة بانه كان فى تركيا وقام برحلة نيلية هناك . |
ياخي الاعلام الرياضي في السودان دا لذيذ خلاص !!!!!!!
|
Post: #11
Title: Re: فضيحة ... رمضان أحمد السيد ..الامارات تمثل افريقيا
Author: عبده عوض
Date: 10-10-2009, 03:33 AM
Parent: #10
الصحفي رمضان أحمد السيد يكثر من الأخطاء في مقالاته دائماً .. وربما لتأثره بتعصبه الأعمى للهلال في كتاباته ..
وحكاية ( الأمارات الأفريقية ) دي وردت فعلاً في عموده أمس ..
ولكنه عاد وإعتذر عنها في عموده اليوم .. وبررها بالصدمة الكبيرة التي يعيشها من جراء الخماسية الفضيحة !!!!
ولكنه يظل خطأ لا يغتفر .. ولا يليق برئيس تحرير صحيفة يحمل درجة الماجستير يحوم حولها الكثير من الكلام !!!
|
Post: #12
Title: Re: فضيحة ... رمضان أحمد السيد ..الامارات تمثل افريقيا
Author: dardiri satti
Date: 10-10-2009, 06:29 AM
Parent: #11
| Quote: بل معظم صحفى هذا الزمن ولكنهم لا يعترفون |
يا جماعة بالله ريحونا!!
هي الحكاية بقت علي رمضان والا رجب؟؟
أنتو ما قاعدين تشوفوا التلفزيون؟؟
أنا والله زولكم لمن يتكلم بسأل نفسي :
الزول دا قرا في يات مدرسة؟؟
رمضان ؟؟
تحياتي
|
Post: #13
Title: Re: فضيحة ... رمضان أحمد السيد ..الامارات تمثل افريقيا
Author: زينب بدر الدين
Date: 10-10-2009, 06:48 AM
Parent: #12
سلام
دى ذكرتنى المزيعة الإسمها إيناس
مرة فى برنامج تلفزيونى ومسابقة
قالت للصغار ما هى الدول المجاورة للسودان
شافع مسكين رفع ايدو وجاء فرحان احسب قال ليها
يوغندا قالت ليهولا لا يا شاطر يوغندا دى بعيدة خالص
والله دا كان برنامج الأطفال
|
Post: #14
Title: Re: فضيحة ... رمضان أحمد السيد ..الامارات تمثل افريقيا
Author: حمزاوي
Date: 10-10-2009, 07:09 AM
Parent: #13
معاوية اخوي
مسكاقمي
عش رجباً ترى رمضان
رمضان السيد وامثاله صحفي السودان
قادين أي حاجة
قال ان الامارات في افريقيا
دا مش الطلع رحلة نيلية في تركيا
غايتو جنس غايتو
بس يا معاوية اخوي
انت الوداك تقرأ صحف الطمام دا شنو
|
Post: #15
Title: Re: فضيحة ... رمضان أحمد السيد ..الامارات تمثل افريقيا
Author: haroon diyab
Date: 10-10-2009, 07:31 AM
Parent: #13
استاذنا / معاوية
سلام
| Quote: الامارات تمثل افريقيا |
ومستغرب لشنو ياخوي.....؟
رمضان ده قبل كده وخلال معسكر الهلال في تركيا كتب:
( وقمنا برحلة نيلية في انطاكيا....!!!!!)
وايضا......
( ادينا مناسك العمرة في جدة ....!!!!)
المهم....
انا من اليوم داك عرفت انوا النيل بمر عبر تركيا .
بس حكاية العمرة من جدة دي لسع ماوقعت لي ...هههههههه
قال رمضان....!!!!وقال جائزة التفوق
ونحن نقول :
خلا لكي الجو فابيضي واصفري ....
|
Post: #16
Title: Re: فضيحة ... رمضان أحمد السيد ..الامارات تمثل افريقيا
Author: Azhari Mohamed
Date: 10-10-2009, 07:57 AM
Parent: #15
أخونا معاوية محمد الحسن
ألم تسمع بأخطاء كل يوم
ويأخي صحف السجم دي ما فيها مصححين ..عرفنا أخطاء قواعد اللغه والاملائيه
|
Post: #17
Title: Re: فضيحة ... رمضان أحمد السيد ..الامارات تمثل افريقيا
Author: Deng
Date: 10-10-2009, 10:13 AM
Parent: #16
معاوية.
ده بكون قريب الهندي عزالدين بتاع أخر لحظة.
|
Post: #18
Title: Re: فضيحة ... رمضان أحمد السيد ..الامارات تمثل افريقيا
Author: ممدوح عثمان
Date: 10-10-2009, 10:23 AM
Parent: #17
يامعاوية
بالله عليك الهلال الهلال
كاتب لينا .. العلال .. .. انت قاصد
ولا خطأ مطبعي ؟؟
|
|