متى فاز الهلال خارج ارضة بمثل هذا العدد من الاهداف ، ممكن يفوز الهلال فى حالة واحدة ، لو لعب مازيبمى بلعيسة هلال بورسودان ، السترة و الفضيحة متباريات .
وقبل فوز الإتحاد بخماسية على الفريق الكورى لم يتم له الفوز خارج ارضه بهذا العدد
بل لم اسمع بفريق هزم الاتحاد داخل المملكة فذهب الاتحاد وهزمه خارج الارض فان كنت تعرف ذلك افدنا افادك الله
نعم لم يفز الهلال خارج ارضه و لكن ما المانع فى ان يفعلها فى هذه المرة و هو لا ينقصه شيء غير العزيمة و الاصرار واستشعار المسئولية من قبل اللاعبين وكل هذه المعينات فى متناول ايديهم
10-09-2009, 02:42 PM
عبود عبد الرحيم عبود عبد الرحيم
تاريخ التسجيل: 03-14-2008
مجموع المشاركات: 5434
الاخ جمال السنوسي سلام وتحية بصراحة مافي داعي نقود جمهور الهلال للعيش علي (آمال جديدة) وكفاية (أحلام) موضوع البطولة الافريقية هذا العام انتهي ووصل الفريق الي محطته الاخيرة بالمربع الذهبي علينا التفكير في الموسم القادم وذلك بالتركيز علي الفوز ببطولة الممتاز هذا العام لنعود مجددا للمشاركة في البطولة المحببة
ليس هذا تشاؤما ولكنها واقعية
ليس في مقدور الهلال (وهو جريح بالخماسية) وخارج أرضه ان يحقق ما فشل فيه (بالمقبرة) وبالدعم المعنوي والجماهيري غير المسبوق
عفوا يا جمال خلينا واقعيين ونسأل الله ان يلطف بنا في لوممباشي
يا جمال السنوسي إنت بجدك ولا بتهزر !!!! ولا أقول ليك .. بعمك .. مش جدك !!! يا دوبك فقت من الصدمة والخماسية الخلت لعيبتكم رأسهم لافي في الميدان ... جائي تحلم بالفوز على ( مازنبي ) برباعية وفي بلدو كمان !!! ياخ إذا كان لعيبتكم ديل في داخل ( المسخرة ) قالوا راسنا لافي .. لما يمشو هناك ويشوفوا القرود ديل في الملعب يقولوا شنو ما عارف ... تجي إنت ولسة فيك باقي ( خدر ) من الخماسية المذلة و( خيبة بني زرقان ) في ليلة يوم خمسة وعاوز تفكها فينا ... إنت قايلوا دا هلال كادقلي ولا هلال ( الساهل ) ... ياخ والله ندعو لكم بالشفاء العاجل .. لأنو بالجد كدا حالتكم تصعب على الكافر .. والله يعينكم .. وتجو عايدين ( خفيفين !!!!! ) ...
10-10-2009, 05:16 AM
أبوبكر أبوالقاسم أبوبكر أبوالقاسم
تاريخ التسجيل: 11-27-2007
مجموع المشاركات: 2805
من هسي ياجمال مدرب ماذيمبي قال الماتش ما أنتهي ولم نتأل بعد شفت الفرق بينكم وبينو قدر شنو يعني خمسة نظيفة وما مقتنع أنتو من قلبتو المريخ أحتفالات وكرنفالات حتي وصلتو كأس العالم للأندية يااااخي أحلم ما قولنا شئ بس الواقع شئ آخر ونصيحة رسلو الأرباب عشان يتفاوض في كمية الأهداف ولعل تنقص أو تزيد حسب الكاش !
باقي 7 أيام ونتلاقي يا صحبي طولو بالكم ونقصو لسانكم حتي لا تصابو بالخرس المبكر......
،،،،أبوقصي،،،،
10-10-2009, 07:41 AM
على محمد على بشير على محمد على بشير
تاريخ التسجيل: 08-07-2005
مجموع المشاركات: 8648
Quote: هل تتعلمون اساليب التشجيع الراقي كبقية شعوب العالم
رقيص العروس اخر من يتحدث عن اساليب التشجيع الراقيه
والله انت التناقض زاتو ماشي بكرعينو نسيت يا رقيص العروس يوم مباراة المريخ والنجم الساحلي سعادتك افردته بوست بعنوان الليله رقيص العروس ياعم روح اتصالح مع روحك النشفت من نضميك البلا طائل
10-10-2009, 08:12 AM
نيازي عبدالله مرحوم احمد نيازي عبدالله مرحوم احمد
تاريخ التسجيل: 08-25-2006
مجموع المشاركات: 1006
سنطالبك بنظم واحده من معلقاتك الركيكه مدحا في سيد اللبن وقدحا في زعيم البلد ... ياجمال نحنا اخوان ،ومازال عرض العلاج قائم ..ياخ أنت قايل أن أي زول يقابل الطبيب النفسي معناتو مجنون؟ ..أبدا والله ... والله بعد طولة لسانك دي كلها ،وبوستاتك الحب أطرش ديك ماكنت قايلك ماعندك أي common sense في التحليل الكروي .... علي العموم الدعوه مفتوحه للعلاج ...
10-10-2009, 08:28 AM
ممدوح عثمان ممدوح عثمان
تاريخ التسجيل: 04-21-2008
مجموع المشاركات: 594
شايفك بديت أولي علامات التحول نحو جمهور الزعيم بالكرفته الحمراء ...لكن أنت بالذات ما اظن في واحد صفوه حقيقي يقبل بيك معانا موش لو غيرت لون الكرفته ..والله لو غيرت لون جلدك ذاتو ما حا نقبلك ...
10-10-2009, 09:21 PM
نيازي مصطفى نيازي مصطفى
تاريخ التسجيل: 08-22-2004
مجموع المشاركات: 4646
امس اتصلت باالامل قلت له :هل يمكن ان نخرج العطر من الفسيخ والبصل؟ قال:اجل.. قلت:وهل يمكن ان نوقد نارا فى مكان البلل؟ قال:بلى قلت:وهل يمكن ان نستخلص عسلا من الحنظل؟ قال نعم.. قلت :وهل يمكن ان نضع الارض فى جيب زحل قال: نعم..بلى...اجل فكل شىء فى هذه الدنيا محتمل قلت اذن سوف ياتينا الهليل بكاس جوى وسيشعر المريخاب الخجل!!!! قال:تعال ابصق على وجهى ان هذا حصل!!
بعدين زى الاتحاد كيف يعنى؟؟ انتو سجلتوا محمد نور وابوشروان؟؟
10-11-2009, 06:44 AM
جمال السنوسي جمال السنوسي
تاريخ التسجيل: 09-14-2002
مجموع المشاركات: 6372
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
جمال السنوسي
MOHAMMED ELSHEIKH
هجو الأقرع
عبود عبد الرحيم
رأفت ميلاد
khaleel
keiga2000
فايزودالقاضي
omar arbab
عبده عوض
أبوبكر أبوالقاسم
Mahmoud Mustafa Mahmoud
حسين محي الدين
مجدي عبدالرحيم فضل
على محمد على بشير
نيازي عبدالله مرحوم احمد
Dr.Elsadig Abdalla
ممدوح عثمان
امير عوض الجمري
بدر الدين اسحاق احمد
عادل عبدالعزيز عبد الرحيم
نيازي مصطفى
احمد محمد بشير
صديق الموج
فيس بوك
تويتر
انستقرام
يوتيوب
بنتيريست