Post: #1
Title: رغم المليارات والعنتريات قنصلية السودان بجدة بدون حمامات للنساء ؟؟
Author: محمد حسن العمدة
Date: 10-07-2009, 10:35 AM
امعقول ان تصطف النساء الى جوارالرجال بداخل حمامات قنصلية جدة ؟؟
|
Post: #2
Title: Re: رغم المليارات والعنتريات قنصلية السودان بجدة بدون حمامات للنساء ؟؟
Author: محمد حسن العمدة
Date: 10-07-2009, 10:37 AM
Parent: #1
الفضل بعد الله سبحانه للاخ المبارك ود ابراهيم بمنتديات سودانيز اوت لاين ان لفت انتباهي الى هذه الحقيقة المرة والتي لاحظتها من قبل الا انني لم اصدق ان تكون القنصلية بهذا السوء ووجدت الف تبرير واحتمال بان قد تكون مثلا حمامات النساء بجهة لا اعلمها ولكن اثبت عدمها الاخ الاستاذ المبارك في هذا المقال :
Quote: القنصلية هي عنوان البلد ورمزه وأهلنا بقولوا ( الجواب يكفيك عنوانو) حضرت للقنصلية وبصحبتي بناتي للتقديم للجامعات وإستخراج الجنسية وتوثيق الشهادات وقدمنا ألأوراق المطلوبة والحق يقال لاشيْ يشوب ألأجرآءت ومجراها لهم التحية في ذلك جلسنا وطال الإنتظار وذلك شيْ عادي لكثرة المراجعين من المواطنين ولكن الغير عادي في مثل هذه الظروف وتطلبك إبنتك الحمام ( بدون مؤاخذه)
ولا يوجد حمام للنساء بالقنصلية فهذه كارثة الرجال والنساء يدخلون حمام واحد والله عيب مما إضطرني بالذهاب ببناتي لأحد أقاربي بالهنداوية لقضاء حاجتهن قنصلية بدون حمامات للنساء ونحن في القرن الواحد والعشرين.............................
القنصلية / المبارك ود إبراهيم.
وووووووووووووووووووووووووووو
القنصلية
إنت يا رمز الوطن
والله حالك
جد بتغني عن سؤالك
وإنت أقدم قنصلية
المباني جميلة حولك
وإنت زي بقر الرزية
والعلم مسكين يرفرف
ينعي حال القنصلية
أين الضرائب والزكاة؟؟؟؟؟
والشهادة الجمركية؟؟؟؟؟؟
ونحنا نهتف
فلتعيش القنصلية
ويا رفاقي
هذه المناظر خارجية
أما في الداخل
فالقوافي لا تريد
نشر الغسيل
في الأمور الداخلية
ليه كده بس؟؟؟؟
ما فيك حمام للنساء
ليه يا قنصلية؟؟؟؟؟؟؟؟
( اللهم زيل من قلوب أبناء وطني أزمة الضمير)
المصدر
http://sudaneseoutline.com/out/showthread.php?t=8193[/QUOTE]
|
Post: #3
Title: Re: رغم المليارات والعنتريات قنصلية السودان بجدة بدون حمامات للنساء ؟؟
Author: محمد حسن العمدة
Date: 10-07-2009, 10:40 AM
Parent: #2
هذه مداخلتي مع الاخوة بمنتديات سودانيز اوت لاين
الاخ المبارك والمبارك باذن الواحد الاحد
سلام لك ولكل ضيوفك الكرام
حقيقة لاحظت هذا الامر من قبل في القنصلية وقلت لنفسي ربما كانت هنالك حمامات لم ترها خاصة بالنساء رغم ان المكان لا يقول بذلك ... ولكن ما حدث معك هو اكبر دليل على الاهمال الكبير الذي يعاني منه الانسان السوداني من قبل انظمته المتعاقبة وللاسف الشديد بات موظفو الخدمة المدنية يقومون باعمالهم وكانهم مجبورون عليها مع ان دافع الاجر هو المواطن المغلوب علي امره وان تحدث او همس لا ينال سوا العقاب والزجر ويسمع مليون كلمة هو في غنى عنها .. في زيارتي الاخيرة للبلاد قمت بطلب استخراج شهادة بحث تاخر الموظف كثيرا في استخراجها ولما تزمرت واعلنت ضيقي بهذا الامر خاصة انني لاحظت ان معظم الوقوف نساء ورجال كهول وشيوخ ومرضى يعانون من نفس ما اعاني .. حاول الموظف استخدام لغة العنف معي من وراء جداره فقلت له يجب عليكم ان تقوموا بخدمة هذا الانسان لانه يستحق معاملة افضل من هذا وانما اوجدتم هنا من اجل خدمة المواطن لا التحايل عليه .. غضب ووصفني بالمتهجم عليه وانه سيفتح بلاغ ضدي ونادى على مسئول الصالة واحدثوا هرجا كثيرا ....
المهم في نهاية الامر حاول بعض المواطنين اثنائي عن المطالبة بحقوقي وذهبوا يحدثوني عن المضرة التي قد اجلبها علي نفسي لو تكلمت فقلت لهم انا اعرف حقوقي واعرف ماذا اقول والان ساصرح بكل شي فقط في قسم البوليس لو تم فتح بلاغ فما كان من مدير الصالة الا وسحبني علي مكتبه وقال لي بالحرف الواحد ماذا تريد ؟؟؟ اريد شهادة بحث ... ح نديك ليها تاني في شي ؟؟ قلت ليهو لا .. ولم تمضي سوا دقائق حتى استلمت شهادتي وانا ارثي لحال البلد وما وصل اليه موظف الخدمة المدنية ..
من المفترض ان تعمل القنصلية علي تحسين اوضاع المراجعين لها من صالات وتجهيزات اساسية ليس باقلها الحمامات ولكن بدلا عن ذلك تعمل القنصلية على عقد المؤتمرات السياسية للحزب الحاكم وتمنع الاخرين من مجرد التعبير عن ارائهم وليس باخر ذلك الاستدعاء الذي تم للاخوة الرفاعي حجر وتاج لسر حامد لا لشي الا انهما عبرا عن ارائهما وبلغت الجراة بموظف القنصلية ان مارس التهديد بالترحيل معهما فهل هذا ما انشئت القنصليات من اجله ؟؟
الاخ المبارك اسمح لي ان انقل هذا الموضوع الى موقع سودانيز اون لاين مع حفظ حقك كاملا في اثارة الموضوع وحق منتديات سودانيز اوت لاين فالحق غاية الجميع ...
|
Post: #4
Title: Re: رغم المليارات والعنتريات قنصلية السودان بجدة بدون حمامات للنساء ؟؟
Author: seham_musa
Date: 10-07-2009, 10:41 AM
Parent: #3
ما بصدق
شكوى جاهزة لحقوق الإنسان ....
|
Post: #5
Title: Re: رغم المليارات والعنتريات قنصلية السودان بجدة بدون حمامات للنساء ؟؟
Author: محمد حسن العمدة
Date: 10-07-2009, 03:55 PM
Parent: #4
الغريب يا اخت سهام موسى القنصلية دي دخلها فوق المتصور ويقال انها تدعم معظم السفارات بالخارج من اموال مغتربي السعودية وحدها فهل يعقل ان لا توجد بها حمامات ؟
|
Post: #6
Title: Re: رغم المليارات والعنتريات قنصلية السودان بجدة بدون حمامات للنساء ؟؟
Author: عبدالمجيد الكونت
Date: 10-07-2009, 03:59 PM
Parent: #5
بلد ما ليها وجيع ياحبيب
تحيا رجب تشوف عجب
|
Post: #7
Title: Re: رغم المليارات والعنتريات قنصلية السودان بجدة بدون حمامات للنساء ؟؟
Author: saif massad ali
Date: 10-07-2009, 04:19 PM
Parent: #6
اسمع النسوان عايزات بالحمامات ايش
يصومن ويجن السفارة
الطهر واجب
|
Post: #9
Title: Re: رغم المليارات والعنتريات قنصلية السودان بجدة بدون حمامات للنساء ؟؟
Author: محمد حسن العمدة
Date: 10-08-2009, 09:51 AM
Parent: #7
Quote: اسمع النسوان عايزات بالحمامات ايش
يصومن ويجن السفارة
الطهر واجب |
والبيصوم ما عاوز حمام ؟
دا من صلاة الصبح لحدي الظهر بنمشي مليون مرة
ازيك يا ود عوج الدرب
|
Post: #8
Title: Re: رغم المليارات والعنتريات قنصلية السودان بجدة بدون حمامات للنساء ؟؟
Author: محمد حسن العمدة
Date: 10-07-2009, 08:01 PM
Parent: #6
ولو حييت 12 شهر ح تشوف شنو يا كونت
وينك يا مان اخبارك وجوالك مقفول ليه ؟ مفلس ولا شنو ؟
|
Post: #10
Title: Re: رغم المليارات والعنتريات قنصلية السودان بجدة بدون حمامات للنساء ؟؟
Author: المسافر
Date: 10-08-2009, 11:24 AM
Parent: #8
يمكن عشان ما فيها موظفات
لكن مرة سألت عن زميلة لنا
قيل لي وصلت درجة قنصل
بعد شوية حكاية قنصل مؤنث دي ما لفت
جابوها راجعة
أكيد لو تم ابتعاثهامن جديد لجدة
تكون بدرجة قنصل بدون حمام
على وزن سفير غير مقيم
|
Post: #11
Title: Re: رغم المليارات والعنتريات قنصلية السودان بجدة بدون حمامات للنساء ؟؟
Author: تاج السر محمد حامد
Date: 10-08-2009, 01:25 PM
Parent: #10
Quote: معالي الوزير هناك من يحاول طمس الحقيقة ويحيل شلالات النور المتدفق إلى عتمة مطبقة لن ينجو منها إلا من قاوم وبدل ريش الدجاج بريش النسور .. هذا مايريده القائمون بقنصلية جده ظننا منهم بأن القنصلية قد آن لها الأوان للتغيير من مكانها الحالي إلى مكان يليق بمكانة أهل السودان .. إلا أن وزير المالية السابق له رؤية مختلفة حيث خاطب القنصلية السودانية بجده وبحضور القنصل العام السابق ونوابه ووزير الشباب والرياضة السابق آنذاك الأستاذ حسن رزق مشيرا إلى أن الوزارة ليست لديها أمكانية التغيير !! إلا أنه أضاف بأن وزارته ستساعد بدفع ( مليون ريال سعودي ) لصيانة القنصلية وفى مكانها النائي .
ومن جهة أخرى نسمع من وزير الحج والأوقاف بأن القنصلية ( وقف) لوزارة الحج والأوقاف - ولازال محلك سر - والقنصلية المتهالكة والتي أصبحت مقرا رئيسيا للقطط والفئران تقف في مكانها تصرخ أنقذوني أنقذوني فهل يا ترى من مجيب ؟؟
تاج السر
|
العمده .. ود القبائل
تحياتى
إقرأ أعلاه ..
تاج السر
|
Post: #12
Title: Re: رغم المليارات والعنتريات قنصلية السودان بجدة بدون حمامات للنساء ؟؟
Author: الرفاعي عبدالعاطي حجر
Date: 10-08-2009, 01:50 PM
Parent: #11
| Quote: الغريب يا اخت سهام موسى القنصلية دي دخلها فوق المتصور ويقال انها تدعم معظم السفارات بالخارج من اموال مغتربي السعودية وحدها فهل يعقل ان لا توجد بها حمامات ؟ |
الغريبة أم الباسورد سهام موسى يتبع لاسرة غريبة
والمستغرب ويثير العجب انو مستخدم من عِدة جِهات من
بينها السفارة واحد المسؤولين الجُدد بالجهاز المغضوب
عليه ... وأمسك الخشب أيا عُمدة !!!
....................................................حجر.
|
Post: #13
Title: Re: رغم المليارات والعنتريات قنصلية السودان بجدة بدون حمامات للنساء ؟؟
Author: محمد عبد الماجد الصايم
Date: 10-08-2009, 02:29 PM
Parent: #12
يا رااااااجل!
|
Post: #14
Title: Re: رغم المليارات والعنتريات قنصلية السودان بجدة بدون حمامات للنساء ؟؟
Author: باسط المكي
Date: 10-08-2009, 05:39 PM
Parent: #13
ياخي مامعقول
|
Post: #17
Title: Re: رغم المليارات والعنتريات قنصلية السودان بجدة بدون حمامات للنساء ؟؟
Author: محمد حسن العمدة
Date: 10-10-2009, 04:11 PM
Parent: #11
| Quote: وزارته ستساعد بدفع ( مليون ريال سعودي ) لصيانة القنصلية وفى مكانها النائي |
بغض النظر عن المكان يا تاج المليون ريال دي ممكن تبني القنصلية من جديد وبمواصفات عالية جدا
لكن قنصل ما قادر يوفر ابسط الحقوق الانسانية مكان ان تقضي النساء حاجتها !! تفتكر ممكن يكون مقتدر على خدمة قضايا الجالية السودانية ؟؟ انا لا اتحدث عن القنصل الحالي فقط بل كل القناصلة ( القراصنة ) الذين مروا علي هذه الخرابة اليس فيهم من رجل رشيد ؟؟!!!
|
Post: #15
Title: Re: رغم المليارات والعنتريات قنصلية السودان بجدة بدون حمامات للنساء ؟؟
Author: معاوية عوض الكريم
Date: 10-08-2009, 06:14 PM
Parent: #6
Quote: بلد ما ليها وجيع ياحبيب
|
الوجعة الدواها صبغة
|
Post: #16
Title: Re: رغم المليارات والعنتريات قنصلية السودان بجدة بدون حمامات للنساء ؟؟
Author: محمد حسن العمدة
Date: 10-08-2009, 09:24 PM
Parent: #15
يمكن عشان ما فيها موظفات
لكن مرة سألت عن زميلة لنا
قيل لي وصلت درجة قنصل
بعد شوية حكاية قنصل مؤنث دي ما لفت
جابوها راجعة
أكيد لو تم ابتعاثهامن جديد لجدة
تكون بدرجة قنصل بدون حمام
على وزن سفير غير مقيم
العزيز المسافر وينك يا راجل انشاء الله تكون استقريت
اها يا في سفرك الكتير دا شفت ليك مباني ممثلية بدون حمامات منفصلة
خالنا محمد الجعلي لامن زول يقول ليهو اجرت لي بيت جديد يقول ليهو ان شاء الله يكون شرعي وشرعي دي عندو حماماتو منفصلة
بشاهد في فلم اجنبي وبلغة الاسلامويون والسلفيون فلم بتاع كفار واحده معاها بتها الصغيرة وقف في الخلاء قدام حمامات ولقت حقت الحريم مقفولة مشت حقت الرجال بتها الصغيرة قالت ليها : نان يا ماما دي ما حقت رجال ؟؟!! قالت ليها امها حسع مافي رجال نخش سريع ونطلع ... ناس قنصليتنا ما عندهم مشكلة تب رجال في مافي النسوان بخشو ولا قصة الاختشو ماتو تبقى عليهن مسكينات
|
Post: #18
Title: Re: رغم المليارات والعنتريات قنصلية السودان بجدة بدون حمامات للنساء ؟؟
Author: المسافر
Date: 10-10-2009, 04:40 PM
Parent: #16
Quote:
اها يا في سفرك الكتير دا شفت ليك مباني ممثلية بدون حمامات منفصلة
|
انت يا ود العمدة عندك جنس قلل !!!
تعرف أنا في سفري الكتير دا جيت واقع في القنصلية السودانية في طرابلس
عملوها مبنى ضخم في أرقى مكان في أبوشعالا..
المهم ما أكتر عليك الحكاية الجماعة كانو طالبني حليفة..
أها...
خاتين المصحف ... يازول أحلف هنا دا...
قلت ليهم يا جماعة الخير أنا جيت مسافر من جهة بعيدة...
وبعيد عنكم من صبحت وجاي ضيعت الطهارة...
حليفتكم دي ينفع معاها التيمم...
عليك أمان الله الراجل أتحير كدة وعاين لي من وراء السيخ والحواجز...
قال لي ياخ ماني عارف ينفع ولا ما ينفع...
داير تحلف فوق الكتاب ده أحلف
ما داير تحلف أمش استحم وتعال...
أها دورت ليك القنصلية كلها عشان ألقى ليك حمام فيه دوش ولا خرتوش موية أكبها فوق رأسي ما لقيتها..
أتوكلت مشيت لي عذابة في آخر سواني بني آدم قبل ما تمرق من طرابلس.. قلت ليهم والله يا جماعة جايبني ليكم حمام..
قالوا لي ولا يهمك كل الحمامات تحت تصرفك .. بس أحكي لينا القصة من طق طق لي السلام عليكم
شفت جنس محن ..
|
Post: #19
Title: Re: رغم المليارات والعنتريات قنصلية السودان بجدة بدون حمامات للنساء ؟؟
Author: محمد حسن العمدة
Date: 10-10-2009, 09:03 PM
Parent: #18
Quote: الغريبة أم الباسورد سهام موسى يتبع لاسرة غريبة
والمستغرب ويثير العجب انو مستخدم من عِدة جِهات من
بينها السفارة واحد المسؤولين الجُدد بالجهاز المغضوب
عليه ... وأمسك الخشب أيا عُمدة !!!
....................................................حجر |
يا زول دا كلام شنو
يعني قصدك اليوسر دا ما حق سهام موسى ؟؟
|
Post: #20
Title: Re: رغم المليارات والعنتريات قنصلية السودان بجدة بدون حمامات للنساء ؟؟
Author: محمد حسن العمدة
Date: 10-11-2009, 10:27 AM
Parent: #19
أي والله ...
شفت يا ود الصايم انصحك بالبامبرز بس كان يوم وداك الدرب برفقة نسوة
|
Post: #21
Title: Re: رغم المليارات والعنتريات قنصلية السودان بجدة بدون حمامات للنساء ؟؟
Author: محمد حسن العمدة
Date: 10-11-2009, 03:59 PM
Parent: #20
ما عشان كدا كتبنا البوست دا
ازيك يا باسط
|
Post: #22
Title: Re: رغم المليارات والعنتريات قنصلية السودان بجدة بدون حمامات للنساء ؟؟
Author: محمد حسن العمدة
Date: 10-12-2009, 10:06 AM
Parent: #15
شكرا معاوية للمرور
|
Post: #23
Title: Re: رغم المليارات والعنتريات قنصلية السودان بجدة بدون حمامات للنساء ؟؟
Author: وليد شريف
Date: 10-12-2009, 10:48 AM
Parent: #22
بسيطة ياود العمدة
الرجال اليمشو يبولوا وقافي في حيطة القنصلية والحمامات دي يكتبوا عليها للنساء فقط
وكده تكون المشكلة انتهت
|
Post: #24
Title: Re: رغم المليارات والعنتريات قنصلية السودان بجدة بدون حمامات للنساء ؟؟
Author: محمد حسن العمدة
Date: 10-15-2009, 05:51 PM
Parent: #23
Quote: بسيطة ياود العمدة
الرجال اليمشو يبولوا وقافي في حيطة القنصلية والحمامات دي يكتبوا عليها للنساء فقط
وكده تكون المشكلة انتهت |
شر البلية ما يضحك
ذكرتني النكتة بتاعات النيجيري المشى الحج وقضى حاجته في حمامات النساء ولما سال لماذا دخل حمامات النساء قال حاجي للوالدة !
تاني الا الواحد يقول ليهم بجدد جوازات المدام هههههههههه
|
|
|