|
Re: يا اللـه عبدك.. يوم طـــليت.. بالدينكــا .. بيتكـ... (Re: rani)
|
3. خريف الموت:
توطئه.. . . البيمبو وساحر القبيلة و الطبيب الشرعي.. سقي كتكوت الدجاج السم وتعود وغني ّّّّّ ورينا يا كتكوت بين الحياءة والموت ادينا حجم السر ما بين بويت وبيوت * * * * فمات الكتوت واعلن البيمبو ان فراشة غازية تحترق... فوق بريق وجوه الذات. . . . 2- تلاة شيخ الحلقة الجزيل ثمانية وعشرين كوكباً فصححه الصبية.. حسبك احدي عشر يا شيخ فنزلت دمعة علي خده، في عاشورا ولم تجف حتي الان... . . . . . . . تحية لكل من قضي نحبه في عاشورا. . . ونواصل...
| |
|
|
|
|
|
|
Re: يا اللـه عبدك.. يوم طـــليت.. بالدينكــا .. بيتكـ... (Re: naeem ali)
|
يا نعيم ياصديقي، ما اود نشره هنا هو نص تحفة، تحفة بمعني الكلمة للشاعر المرهف خالد عباس الطاهر( مونيكا) ربما لم يسمع به الكثير هنا. فكرة "يا اللـه عبدك.. يوم طـــليت.. بالدينكــا .. بيتكـ... " لم تكن سؤى محاولة تعريفية به للبورداب والزوار. وهنالك الكثيرون من الشعراء الاتمني انو ناس تساهم في تعريف الآخر بهم اذكر علي سبيل المثال:
عثمان البشري، محفوظ بشرى، محمد النور كبر، ايمان ادم، رندا محجوب، مامون التلب، معوية المدير، عصام عيسى رجب، حافظ الشمار، ميرغني حمزة، عصام ابو القاسم، نصار الحاج، محمد الحاج، امير شمعون، يحي ابنعوف، مصعب الرمادى، فتحى البحيرى، ابو ذكرى الصغير، محمد شبشة، بدرى الياس، محمد الفاضلابى، عالية عوض الكريم، د. طلال دفع الله وغيرهم الكثيرين.. . . ناس ادمنو الكتابة وابدعو ولكن للأســف... و ياهو دا السودان. . . . خالد عباس هو احد شريحة " مبدعي بلادي مجهولي الهوية" فلذا ساقوم بنشر بعض من اعماله هنا ، كنصوص، فيديو، وملفات صوتية. بس الصبر. . . . (*) لما الحلة مع عصفورا فى شجرا دقشاً بدرى يبدو ينشفو توب المرقة الواحد وينسلوا منو خيوط اليوم تبدأ تنشف انت وش البات مبلول بالزلة جمال النيل يازول يهدا يرتب جوه الحس النيل الازرق اللون الازرق يهدا يلون الوجدان طابية احلام ويسمع حافر الخيل الجامحة يردد سمحة العافية..سمحة سمحة العافية والطمى الشايل نطفة خلق الكون الاخضر ونازل الضل للطير ولى كل اتنين بينقدوا بعض لا شركان ولا برق خؤن . . . وطه القدال مالبس حرفوا الكرفته بس انق فيه الفعل حين ماجاهوا الطين على هيئة مسبى ووحالان فى الغد الازرق كانت الموية فى قامة جند القرنات مع الميلاد وكان بيناتنا الموج بيت حاجة ام فريق دركان ثمر نون النجدة وجدع طوق الحرف على خاطر جيد حداً وكان عظيم ايقاع الحب والدم والموت وعظيم الخطو السابق الصوت
* * * اعلاه كان جزء من احد نصوص خالد عباس بعنوان " حسابية البرق" . . . (*) أذن عصفور الجنة وقام الناس للحن صلى الصخر قيامة وصلى النهر صلاة البدء غابت شمس الحق طلع البدر على نخل الاجساد واتوازى العام بالخاص فى صدر الرمح الحبشى وعبء الفعل بحيرة تانا حبر اسود وسال النيل الازرق بركة وبكرى تنى يتقهوج منو المك اذ طلع البدر على نخل شجرة المك والمك منقول من ساحة القول لى ساحة الفعل السيد يحرف طلع التاريخ ويودى المحلب كم مشوار بين درع الجعلى وبين نهدين لى حبيبة الريح اشرب يا سيدى اسماعين ديل شعب الوادى الطيب حطوك ع الراس حط الاورطا عاى جرح كبير الناس تسلم يا سيدى اسماعين ناولينى الكاس * * * وهذه ايضاً جزء من نص طويل بعنوان " الدلكة دميرة هذا العالم" لخالد عباس . . . (*) ام دي جزء من نص بعنوان " قراءات فى دفتر الهندسة" خالد عباس الطاهر . . . تعريفات "النقطة" النقطة نقرة طائر السر فى بياض الخليقة هاجس ثدى الامومة بسن اللبن رسم المدينة فى الخارطة نقطة باتساع السواد المعلم بالحبر وامية البياض الوطن طائر السر طار يا سادتى إذ تجئ القرى بسنابل مشوية بالفوانيس مشغولة بالنواميس بالسادة السود والكادحين الحزام الذى يقلم المدينة كالظفر بالفقر والمعجزات العطاء طائر السر عاد يا سادتى كى ينقر لوح البياض العظيم بالسواد الوطن . . . وانتظر الي ان اعود لك بالـ " الخط"، "المثلث"، " الدائرة"، " المربع"، " المستطيل"، " المعين"، و" المنشور" نص وصوت. . . . ودي وما تبتعد راني السماني
| |
|
|
|
|
|
|
Re: يا اللـه عبدك.. يوم طـــليت.. بالدينكــا .. بيتكـ... (Re: هند محمد)
|
خماسية مونيكا جزء من النص الاول عام الرماد شعر / خالد عباس
كُتب خالد عباس هذا النص قبل فضيحة مونيكا الامريكية باعوام
نص: فتحت مونيكا طاقة من الحلم شافت وسار بلد ي علي أشجار يباس من شرايين حام وامطار دم وقوس ناري علي هيئة كتب صفراء تتفاعل كما البترول وتنصهر اشتعال اعاصير من توابل مرة اكتنزت مدينة من اللهاث العنتري في ساحة رهان محموم يوم من الف صرخة وصرخة يحكي النارذاد والنزف ذاد والشهرذاد الميتة في مخدع امير الموت وخنجر محتشم بالدم خجول في فارغ النهدين برئ حتي الطفولة الاولي واطيب من غني البدوي الورا اتفضل ويتقبل عطايا المافي والموجود وخنجر محتشم بالدم وراهو عالم من الورم الوراثي لشهوتين للمال .. وللمايك فتحت مونيكا طاقة صحو للواقع وسمعت جلبة جلابة تهرج شقت الغابة الفيتريت دريش جوني الضيوف ديش .. ديش عدمانه لابسة الخيش شبعت علي المافيش يا طائر الغرنوق ادي القطاطي الريش خليها تعبر فوق ما يشتهي الشاويش كتوش يا كتوش نشفن بلا كرموش لما اليباس الحر ملّك علي كاروش الدقة يا ممه الدقه حوبابا عود الفتر للعيش ما طق جلابة الواطة نسل النار الغيمة هبابه ياممه يا ممه حجينا ننجمه الهودنا الحمي قتينا ربابة والهودنة مي الهودنة الهودنة استقت النشيد المر واحتست الدموع الجوع مؤسس حتي اخر جيل ومن اصل الرماد الفرعي اصل النار يسوع من يطعم الشعب من سمك وبقول علي خاطر نبي ومعطاء ومرسل من سماء.. الارض يتغمص افانين تكنلوجيا وطار نفاثة وبتسبح من سماء.. الارض في رتبة وزير طيار مشير طيار وسمسار في شرايين الدم الفاسد بدلل في نفاية وجرعتين من نفط في سوق البدو الرحل حسب ما يأشر الجوع من شمال وجنوب بنتوغل توغل في النزيف الحاد السعية ابت تشاور سلمت لله وعاد السعده وين السعدة اضيق من رضاء الاتنين السعدة في كونك بتعبر سيف اخوك لي كل مرعي جديد قدو ورواح السعية ابت تشاور سلمت لله وعاد البفره وين البفره في كونك تجاوز خوفك الطيني بإحساس اللغم وتفش غبينة الصاح الحيل رفض لي نقاشات الحديقة العامة في اطر الخيال العلمي لي فلاح سعالو عضام وجمع جتتو الفلكية غرود نام حلم بالغيم وذاكرة المحارب ركبوه نعام وادوهو ساعدين في صلابة الجوع قطع طرق المسافرين بالزوادة وحجّر المشرع وأُعدم في هتاف الحبر اعدم شاهد الامن المرابط في صدور الناس وشرّع كم امير في الجوع والجوع ما احتكم للشرع الموت علي الخطب الكلام الموت بأجهزة النظام الموت بإصدار القوانين والنفاذ التام والجوع الموطّن في المرئ العام سوي في نص الرماد الاولي بمسودة العام السقط من الف قرن مضي ليحسن قرننا العشرين بالعام الرشيدي النجل لي تاريخ عزيز ورصين الفلاح فتح للصحو طاقة ضوء علي قدر المخيلة القحة لي بدوي نده في الصحرا مطامن يا صحرا الامان وبسلمك بارودي جراريبي انهرن عافن جلودي جلودي ما خايف المكن خايف علي الجابودي بنات سعدان جرن جمرا حزم واقودي بنات سعدان جرن كفن ضبيحن جودي هلباوي في لقاي طبق علي حدودي
و.... نواصل
| |
|
|
|
|
|
|
Re: يا اللـه عبدك.. يوم طـــليت.. بالدينكــا .. بيتكـ... (Re: هند محمد)
|
Quote: سالت مونيكا المندكور متي رأيت الله حقاً؟ قال: علي ظهور الخيل عندما كنت فيلاً حينها اضا وجهه.. وسقط قطعة من الحلوة تردد حي قيوم.. حي قيوم حي... .
التحايا بقامة هذا الجمال يارانى حد لاتعبير يعبر عن تعبيرك
شكرا للخواطر العميقة.. |
الشكر ليك للحضور البهي والشكر للرائع خالد عباس.. كاتب النص . . . ودي هند محمد
| |
|
|
|
|
|
|
ادخل بشويش لا يحسو الديش (Re: rani)
|
راني ازيك
في الكالوس تنيده طويلة وغيم بتخيل شكل هطولو ونيل بتحسس هيبة نبتو خيبة رملو وعرضو وطولو غابة احلام وضجيج اقدام نبض التوقيت وقصاصة بتحمل وصف البيت في ساحة الوجد احسب تنهيده وتنهيده ح تقابلك ساحة من الاشعار وتقودك لي لحظة وليدة ح تلقي طريق مرصوف بالغيم شبورة علي ضحكة وليده ما تسال زول ولا تسال زول ما تدق علي باب القلب شديد وادخل بشويش لا يحسو الديش
راني خالد عباس عميق بشكل مبالغ فيه .. لذا ادخل بشويش علي تلك التجربة الضاربة في جزر الذات ذات السوداني الممعن في التفاصل والغارق حتي المعرفة ببواطن الامور صديقي خالد عباس احبة جدا ففي تقديري صديقي راني ان نبدا معا تلك التجربة واحدة واحدة خالد عباس الشاعر .. القاص .. التشكيلي .. الانسان معا لنوثق لهذا الجميل تحياتي اباذر النضيف
| |
|
|
|
|
|
|
Re: ادخل بشويش لا يحسو الديش (Re: elnadeif)
|
Quote: في الكالوس تنيده طويلة وغيم بتخيل شكل هطولو ونيل بتحسس هيبة نبتو خيبة رملو وعرضو وطولو غابة احلام وضجيج اقدام نبض التوقيت وقصاصة بتحمل وصف البيت في ساحة الوجد احسب تنهيده وتنهيده ح تقابلك ساحة من الاشعار وتقودك لي لحظة وليدة ح تلقي طريق مرصوف بالغيم شبورة علي ضحكة وليده ما تسال زول ولا تسال زول ما تدق علي باب القلب شديد وادخل بشويش لا يحسو الديش |
علي فكرة النص لخالد عباس وتغني به الجميل عاطف انيس وعلي ذكر الاخير هناك تجربة جميلة مشتركة تفرح
| |
|
|
|
|
|
|
حسابية البرق .. خالد عباس (Re: elnadeif)
|
راني معليش يا رائع زاحمتك في بوستك لكن حسابية البرق اعلاها فيها بعض المقاطع غير موجودة لربما ان الزاكرة خانتك او ازمة نشر ولاننا بصدد تعريف الاخرين علي تجربة خالد عباس واخرون من شاكله خالد نهشو في عمق التجربة السودانية ولم يخرجوا من الظلال لذا ستكون مشاركتي هنا بمساعدتك في التوثيق لكل من تحب ونحب واهـ يا زول لو كان تنزيل الصوت موجود كانت المساهمة ستكون اكبر عموما يا صاحب اغفر لنا المزاحمة والي النص الكامل
نص: غيمة الدم حاقنة.. حاقنة ونحن شمرنالا ساقنا و البرق فوق كتفو ساقنا نمشي علي كيف الأحوال ولما تروح بيناتنا الضحكة كنت تفلس باب الدم لي لحن جديد وترسم شفع روضة إتشقوا وطفروا حيطة البال وشقوا قزاز الخاطر عنية وكاسوا مدس يتعاطوا الخدر الشعبي تحت الضُل في طوروا الأول يرجعوا مبسوطين الدم والضحكة مطلوقين في سجل الذاكرة يفتشوا عن تاريخ ميلاد لليوم الأسود ولا واحد راسملوا طريق وكل الخرط الفي ايدينم نسل الجنس عديمة الفايدة وكل سهم بيناتا يوضح خط السير كان بتبرج سهم حقيقي ويطعن قدم الخطوة الصاح نرتاح علي أول ضربة ريشة ولون ونروح في ضربة حظ وتروح بيناتنا الضحكة الكان بتوقع لحن لما الحلة مع عصفور في شجرة دقشاً بدري يبدو ينشفوا توب المرقة الواحد وينسلوا منو خيوط اليوم تبدا تنشف انت وش البات مبلول بالزلة جمال النيل يازول يهدا يرتب جوة الحس النيل الأزرق اللون الأزرق يهدا يلون في الوجدان طابيه أحلام ويسمع حافر الخيل الجامحة يردد سمحة العافية سمحة سماحة النيل والطمي الشايل نطفة خلق الكون الأخضر ونازر الضل للطير ولي كل اتنين بينقدوا بعض لا شركان ولا برق خؤن علشان ما يأشر حتة في سفر الأرض سجينة الشكل الواحد والمحدود حته تطلع جيل الطين لي فلك الغنية وتجري تنزل قمر الليل بي سلم نفس اللحن يجري يسيل في النيل وجمال النيل يا زول وجمال الخدر الشعبي وجمال الحلة الكان نافورة دم عظيم ايقاع الحب والدم و الموت وعظيم الخطو السابق الصوت في فعل المكني أبو مروة عظيم ايقاع الحب والدم و الموت وعظيم الخطو السابق الصوت وطه القدال ما لبس حرفوا الكرفتة بس انّق فيه الفعل حين ما جاهوا الطين علي هيئة مسبي ووحالان في القد الأزرق كانت الموية في قامة جند القرن التاسع للميلاد وكان بيناتا الموج بيت حاجة أم خريف دركان شمّر نون النجدة وجدع طوق الحرف علي خاطر جيد جداً وكان عظيم ايقاع الحب والدم و الموت وعظيم الخطو السابق الصوت في فعل المكني أبو مروة يا رب الريح و الموج النواتا النجلوا من ايدنم ومن سيقانم صاري وين ح يدسوا الحدث المزهر بالاصداف والمثمر في راحة القيف من الحالة الكيف عظيم ايقاع الحب والدم و الموت وعظيم الخطو السابق الصوت في فعل المكني أبو مروة
| |
|
|
|
|
|
|
Re: حسابية البرق .. خالد عباس (Re: elnadeif)
|
Quote: سالت مونيكا المندكور متي رأيت الله حقاً؟ قال: علي ظهور الخيل عندما كنت فيلاً حينها اضا وجهه.. وسقط قطعة من الحلوة تردد حي قيوم.. حي قيوم حي...
|
(استغفر الله العظيم)
يازول إنت وين ؟ مشتاقين بالحيل .. كيفك
| |
|
|
|
|
|
|
Re: حسابية البرق .. خالد عباس (Re: elnadeif)
|
اباذر النضيف، ازيك . . . ياخ ما تتخيل اني سعيد قدر شنو بوجودك هنا... واسف جداً لعدم الرد في الفترة الفاتت دي ، كانت عندي مشكلة في النت، ولم تنتهي بعد، لكن غالبا تنحل باكر. وبعديها نتواصل.. . . فائق حبي
| |
|
|
|
|
|
|
Re: حسابية البرق .. خالد عباس (Re: elnadeif)
|
Quote: وكل الخرط الفي ايدينم نسل الجنس عديمة الفايدة وكل سهم بيناتا يوضح خط السير كان بتبرج سهم حقيقي ويطعن قدم الخطوة الصاح نرتاح علي أول ضربة ريشة ولون ونروح في ضربة حظ وتروح بيناتنا الضحكة الكان بتوقع لحن |
| |
|
|
|
|
|
|
Re: ادخل بشويش لا يحسو الديش (Re: elnadeif)
|
Quote: راني ازيك
في الكالوس تنيده طويلة وغيم بتخيل شكل هطولو ونيل بتحسس هيبة نبتو خيبة رملو وعرضو وطولو غابة احلام وضجيج اقدام نبض التوقيت وقصاصة بتحمل وصف البيت في ساحة الوجد احسب تنهيده وتنهيده ح تقابلك ساحة من الاشعار وتقودك لي لحظة وليدة ح تلقي طريق مرصوف بالغيم شبورة علي ضحكة وليده ما تسال زول ولا تسال زول ما تدق علي باب القلب شديد وادخل بشويش لا يحسو الديش
راني خالد عباس عميق بشكل مبالغ فيه .. لذا ادخل بشويش علي تلك التجربة الضاربة في جزر الذات ذات السوداني الممعن في التفاصل والغارق حتي المعرفة ببواطن الامور صديقي خالد عباس احبة جدا ففي تقديري صديقي راني ان نبدا معا تلك التجربة واحدة واحدة خالد عباس الشاعر .. القاص .. التشكيلي .. الانسان معا لنوثق لهذا الجميل تحياتي اباذر النضيف |
. . . لنبدا اذا يا صديقي، تفكيك طلاسيم تلك التجربة الفريدة. حبي وراجع ليك... راني السماني
| |
|
|
|
|
|
|
Re: ادخل بشويش لا يحسو الديش (Re: rani)
|
Quote: راني معليش يا رائع زاحمتك في بوستك لكن حسابية البرق اعلاها فيها بعض المقاطع غير موجودة لربما ان الزاكرة خانتك او ازمة نشر ولاننا بصدد تعريف الاخرين علي تجربة خالد عباس واخرون من شاكله خالد نهشو في عمق التجربة السودانية ولم يخرجوا من الظلال لذا ستكون مشاركتي هنا بمساعدتك في التوثيق لكل من تحب ونحب واهـ يا زول لو كان تنزيل الصوت موجود كانت المساهمة ستكون اكبر عموما يا صاحب اغفر لنا المزاحمة والي النص الكامل
|
يازول ها اخد راحتك ساكت... وكمان لو عجبك... ممكن تجدعني بالشباك... هو انا لاقي زول يزاحمني؟ فعلاً حسابية البرق ما كانت تامة، وعملت ذلك عنية لانو كنت مفكر انزلها بعد انزال الملف الصوتي. اما بالنسبة لمونيكا بتاعتك دي مختلفة تماماً من مونيكا العندي، يبدو انو الزول دا عندو مونيكات كتيرة. بطرفي تسجيل لمونيكا بصوت خالد، سوف ارفقه لاحقاً. . . . سلامي ليهو كتير لو عندك طريقة اتصال به. . . . مع فائق الود راني السماني
| |
|
|
|
|
|
|
Re: ادخل بشويش لا يحسو الديش (Re: rani)
|
قراءات فى دفتر الهندسة-خالد عباس الطاهر تعريفات "النقطة" النقطة نقرة طائر السر فى بياض الخليقة هاجس ثدى الامومة بسن اللبن رسم المدينة فى الخارطة نقطة باتساع السواد المعلم بالحبر وامية البياض الوطن طائر السر طار يا سادتى إذ تجئ القرى بسنابل مشوية بالفوانيس مشغولة بالنواميس بالسادة السود والكادحين الحزام الذى يقلم المدينة كالظفر بالفقر والمعجزات العطاء طائر السر عاد يا سادتى كى ينقر لوح البياض العظيم بالسواد الوطن . . . يتبع بـ " الخط"
(عدل بواسطة rani on 04-25-2009, 08:48 PM)
| |
|
|
|
|
|
|
Re: ادخل بشويش لا يحسو الديش (Re: rani)
|
يا الله ما اروعك يا صديقى العزيز خالد عباس
فى حفلة وداعى التى ضمت العديد من الاصدقاء وفى حوشنا الوسيع
جلسنا حتى الصباح ما يقارب الخمسين صديقا وعلى رأسهم خالد عباس
فجاءة وبينما كانت الفنانة مها عبد العزيز تغنى وقتها كانت طالبة
فى جامعة القاهرة فرع الخرطوم فاذا بخالد يمارس الانزواء داخل غرفتى
ويجلس القرفصاء ويمسك بالريكوردر ويمارس طقسه الرهيب وهو يهدينى
مونيكا كاملة بصوته الشجى وانفعالاته الرهيبة .
كنت قد اتفقت معه قبلها ان نقدمها كمسرحية شعرية ويخللها مقاطع غنائية
كالتى ترد بالدارجة مثل
دق المطر دق فتح الرزاز للهم
والفيترته دريش جونى الديوش ديش ديش
ونحوها.
سمعت مؤخرا بصوت الفنان المبدع عاطف انيس بعضا منها .لعله طول الغياب
او ربما ظن خالد ان لا تلاقيا قريبا
وما درى اننى احفظها فى قلبى
كان بعضهم حضورا :-
الاستاذ التجانى حسين دفع السيد
الشاعرة الرهيبة هيبات الامين
الشاعر سعد الدين ابراهيم
الشاعر عبد الوهاب هلاوى
الشاعر محمد احمد سوركتى
الشاعر عبد القادر الصادق جميل
الاستاذة اسماء حمزة
الاستاذ صلاح شعيب
الفنانة مها عبد العزيز
الاصدقاء اسامة عبد الماجد
والصديق اسامة عبد الجليل
والصديق شاهين
والاستاذ البخيت النعيم
ود. سليمان
خالد عباس بالطبع
وكثيرون لم يسقطوا من الذاكرة ولكن للبوح مناسبة اخرى
ضياء
| |
|
|
|
|
|
|
Re: ادخل بشويش لا يحسو الديش (Re: rani)
|
سلام اخ رامي قولا من رب رحيم: صديقي كردي فنان تشكيلي في العراق قال لي اقام اكثر من خمسة عشرة معرضافي بلاده وعدد زوار المعرض كانوا اقلية وجلهم من اصحابه واهل الصنعة، والان وهو في اوروبا اقام معرضه الاول وكان الحضور في الويك-اند تغص بهم الصالة الطويلة، والبعض يقف في الصف خارجا منتظرا دوره كي يتامل الفن القادم من الخارج الاوروبي.
المبدعون والمبدعات في بلادناالسودان طوابير طوتها الحسرة والمجهول، لا احد ينظر اليهم ولا يهتهم بهم احد، لهم الله ساعود لاحقا للتشبع اكثر من النصوص لك الشكر على اتحافنا بها سلفا.
| |
|
|
|
|
|
|
يا اللـه عبدك.. يوم طـــليت.. بالدينكــا .. بيتكـ... (Re: محمود الدقم)
|
Quote: Author: محمود الدقم سلام اخ رامي قولا من رب رحيم: صديقي كردي فنان تشكيلي في العراق قال لي اقام اكثر من خمسة عشرة معرضافي بلاده وعدد زوار المعرض كانوا اقلية وجلهم من اصحابه واهل الصنعة، والان وهو في اوروبا اقام معرضه الاول وكان الحضور في الويك-اند تغص بهم الصالة الطويلة، والبعض يقف في الصف خارجا منتظرا دوره كي يتامل الفن القادم من الخارج الاوروبي.
المبدعون والمبدعات في بلادناالسودان طوابير طوتها الحسرة والمجهول، لا احد ينظر اليهم ولا يهتهم بهم احد، لهم الله ساعود لاحقا للتشبع اكثر من النصوص لك الشكر على اتحافنا بها سلفا. |
الله يكون في عونهم اخي محمود.. وياهو دا السودان.
شكرا علي المرور.
| |
|
|
|
|
|
|
Re: يا اللـه عبدك.. يوم طـــليت.. بالدينكــا .. بيتكـ... (Re: rani)
|
Quote: راني
لك الشكر لهذا الجمال الذي لم يعد متداولا كثيرا فيما يبدو الا لمن رحم ربه او مشغولا بهذا الهم مثلك,,,,,
لك العافيه والتجله
* مشوار آخر
اعتقد ان هذا المونيكا غزيرا وكثيفا جدا في انتاجه لكنه مضن تماما في نشره (الا لذوي القربى منه) وده في اعتقادي لسببين 1/ اخفاء جمال مفردته خوفا من السطو عليها وتفقده صفه هذا التميز الجميل 2/ كسله الغريب تجاه الشعر واهتمامه الكثيف باشياء (آخرى)
راني ياريتك لو تقدر تجيب الباقي منه قصصه العجيبه ديك ولوحاته المميزه (في التشكيل) ومزيدا من شعره وليتها صوتا (وما اجمل الدلكه دميرة هذا العام )
لك وله التحايا . . فيصل عباس |
| |
|
|
|
|
|
|
Re: يا اللـه عبدك.. يوم طـــليت.. بالدينكــا .. بيتكـ... (Re: rani)
|
"النقطة" النقطة نقرة طائر السر فى بياض الخليقة . . " الخط" الخط رسمة واضحة فى الكتاب . . "المثلث" المثلث معصرة القصب السكر فى الليل . . "الدائرة الدائرة خاتم الحب . . "المربع" المربع يعيش توازنه فى تساوى اضلاعه . . "المستطيل" يستطيل على الطاولة بالطول والعرض . . "المعين" اسم المفعول يعرب على بطش سيدة . . "المنشور" هو اللفظ المهجن بالاتقاء
| |
|
|
|
|
|
|
Re: يا اللـه عبدك.. يوم طـــليت.. بالدينكــا .. بيتكـ... (Re: rani)
|
الدلكة دميرة هذا العام- خالد عباس الطاهر
ناديت السكات سلم على يمى ورائى السلام خيلى وبنات عمى قصيت الاثر دخل الدرب المى ويانى رديف الموج على هايل الزرقة وقصاب حيتان الملح مشهور بى سيفى وملهوف بين شهوة سيف ابن ادم وبين غفلة ناقة صالح مشدود كالزمن الكالح الدلكة دميرة هذا العام قراءة جديدة من تحت خيول الترك من ظهر خيول المك للدم السابل من قدح الدفتردار نص: غابت شمس الحق طلع البدر على نخل الاجساد وبلال العبد الحبشى اتوازى فى صدرو العام بالخاص غضبة مملوك ومقاتل احد احد احد ينثر ريحان الاخلاص شايل جسدو من عباد الشمس معالم واضحة والحر دافق فى وشوا بحيرات افريقيا ناده من تحت حوافر الخيل شو بيك يا بلال عمال تطلع وتشاور داير على حجى وهواش يا بن القهوة الحبشية يا بن القعدة اى والله يا زلمى البن اللى يميل من بطن الوداى للدلة من نهر القاش شو بيك يا بلال عمال تطلع وتشاور داير على حجى وهواش تنجى ولا تنجى البطال اذن عصفور الجنة وقام الناس للحن صلى الصخر قيامة وصلى النهر صلاة البدء غابت شمس الحق طلع البدر على نخل الاجساد واتوازى العام بالخاص فى صدر الرمح الحبشى وعبء الفعل بحيرة تانا حبر اسود وسال النيل الازرق بركة وبكرى تنى يتقهوج منو المك اذ طلع البدر على نخل شجرة المك والمك منقول من ساحة القول لى ساحة الفعل السيد يحرف طلع التاريخ ويودى المحلب كم مشوار بين درع الجعلى وبين نهدين لى حبيبة الريح اشرب يا سيدى اسماعين ديل شعب الوادى الطيب حطوك ع الراس حط الاورطا عاى جرح كبير الناس تسلم يا سيدى اسماعين ناولينى الكاس غابت شمس الحق طلع البدر على نخل الاجساد عريان الضهرة اتيمموا جلد التور اذ دقة نحاس الموت وتلفو صلاة الميت اعقل يا مك اسف مش قادر اقفل باب الشريان قربوا ابعد حتة متمة وايروا الموج من سدر النيل لى ضراعوا الراقد الريح وجالب البن لى مك يتقهوج فضلة خير النيل الازرق وقال بالحالة نجاشى يخت السيف فى العقدة ام زمة قربوا ابعد حته متمة اعقل يا مك اسف مش قادر اقفل باب الشريان القوة بنية الصيف تاتتى فى سدور الجعليات نخلات العباس لبنة وفكة ريق ونحاس وكبرت جوه القفص الصدرى وحقت راجل ساعة ضيق ساعة يقنزح باشا اعقل يا مك شان ترضى ملك وإله ده الدين الطاعة الامر ده النخل الحت سبيطوا المطر امبارح ده التمر الجابوا السيل ناولونى القربة المريوقة حلابن وانا ح آكل الويل مسيتكم فى صدور الويل من مجونى فوق ضهر الخيل اعقل يا مك آسف مش قادر اقفل باب الشريان قربوا ابعد حته متمة وابروا مدافن السيل دايرين اللى شان المى الزرقا يلوا ضراعى ويلوا ضراع النيل اعقل يا مك آسف مش قادر اقفل باب الشريان اذن عصفور الجنة وقام الناس للحن استوت القصيدة فطالت اعناق المغنين اهتزت شوارب البدوى حين سال الوادى فى جبة الغناى وكان مزيكتوا قرنه التور وطبل ونحاس ومركوبين عز نمر البارودة حماد الهجة شكار العودة فراع النازلة سواق القودة سراى القنقة بى خيرا وجودا بالساق الناصح ما انطال لى قودة واشرب ياسيدى اسماعين اعقل يامك اسف مش قادر اقفل باب الشريان قربوا ابعد حته متمة وابروا مدافن السيل دايرين الى شان المى الزرقا يلوا ضراعى ويلوا ضراع النيل اعقل يا مك مش قادر اقفل باب الشريان المك الماسك حبل الحيل يرفع فى الارض افعالوا الصعبة يمكن تستاء القلابات يمكن تشرع فى تكيف الحال بالدم والرقص الشعبى تحتمل الثورة الفذة الجرح المقروء علية تحاصين الدعوات لى حبيبى وسيدى فاروق المك السايل زى ريق الحمضيات متوفر ولازع فى السن الشعب الكادح الراكع لله حتى تنتهى الخطبة الرسمية وحتى يؤذن ان لا يركع للجوع لى حبيبى وسيدى اسماعين يردة من الوصفة الملكى لى خديوية اسطنبول المك يعقل عن صمت ينهزلوا نحاس فى طبلة اذنوا الخاصة يهزم كائن من كان اذ خت قبيلتوا تحت شنبوا وبيناتا جنيات الريل الطابق كعبة صدروا نحاس ودرع شنبك يحمى قبيلة شنبك و اتوبنية ولاد تسعة وتسعة ضلك رقدت فوقوا خيول الريح والسافل الراسوا نحاس دواس وبكاتل طاقيتك تحكم نيلاً وشنبك يحمى قبيلة قبيلتى السيف والنيل وضراعوا الراقد ريح سارقوا الدم فى الروح والجتة يطلع فارس درويش يسارق الدم فى الروح والجتة يلبس على شكل الارض مرقع غابة وصحراء ونيل يسارق الدم فى الروح والجته يملص درعوا فى كررى يلبسوا فارس بى كسكته ويخطط اوردة الجسد النور للنيل الوهج الازرق شارعين ومحطة ومخيم رحال شوا بيك يا بلال اسماك فى الغيم بى كنية كان ومجاز الدم يتسرب لى شجرة المك فى حالة الغاز مبعوت للقمة وسلطانة التمر الجابو السيل الدفتردار.اتوكا عصا الاستانة فى البدء المك اتوكا حما طباع الخيل فى سفر الدم التانى المك اتوكا النبل ويمكن تستاء القلابات والجعليات تمرات القيف الما طالن هدام الليل العاقر ديسن تاه ونسوا الشافوا مهرات من ساسن يا قايد زحف الاستانة فين تبقى تنام ياسيد امبابة واسوانه عمرك جربت بنات الوادى الاعلى ديل عطر الزوح وسلطانة يمكن تعزرنا لهوانا للمية واسماك النيل والجعليات تمرات القيف الما طالن هدام الليل العاقر ديسن تاه ونسو الشافوا وتمهل غادى بين اكتافن ونام يا قايد الظلمين عمرك جربت تنوم فوق حد السيف والسكين ولبست دماك سديرية وريهوا يا اختى يا قميرية ادينى مسيرتك وخيرتك بلى نقالد النيل ونحدث سمك البحر بسيرتك يمطر عضموا شليل يا شليل للمك للمك الجود الجعليات امات السود عافن جلد الباشا وقلدن جلد الدود والدلكة دميرة هذا العام والمك بيخت الروح فى راحة الايد مش قادر يقفل باب الشريان والدلكة دميرة هذا العام والمك ضل شنبوا مقعد فوقوا قبيلة ومحدد ابعد حتة متمة وكل الدنيا سلاطين والدلكة دميرة هذا القرن الواحد والعشرين سارقوا الدم فى الروح والجتة يطلع مك من يات من حتة تشرق شمس العرس الغابات يمشى الحق ويخت الختا ما لاقيت من غير الصامد ما لاقيت من غيرو البتة يسرق حاضن الفعل السيد شال قوار الثورة وحته وحددوا ابعد حتة متمة حددوا ابعد حتة ....متمة
| |
|
|
|
|
|
|
Re: يا اللـه عبدك.. يوم طـــليت.. بالدينكــا .. بيتكـ... (Re: rani)
|
Quote: فى حفلة وداعى التى ضمت العديد من الاصدقاء وفى حوشنا الوسيع
جلسنا حتى الصباح ما يقارب الخمسين صديقا |
ضياء ميرغني
سلام
فعلا كان يوما جميلا لا زلت أذكر تفاصيله حتى هذه اللحظة..وأراك نسيت الأخ الشاعر إسماعيل الأعيسر والصحافي الزبير سعيد واللذين كانا حاضرين، وربما أذكر أيضا الأستاذ الشاعر عادل سعد إن لم تخني الذاكرة..عموما كان التيجاني حسين درة الحضور رغم حزني على مواقفه الآن، حيث صار كاتبا راتبا لصحيفة المؤتمر الوطني. ما الذي دهاه؟
تحياتي وأشواقي
أخوك صلاح شعيب
| |
|
|
|
|
|
|
Re: يا اللـه عبدك.. يوم طـــليت.. بالدينكــا .. بيتكـ... (Re: صلاح شعيب)
|
Quote: يا نعيم ياصديقي، ما اود نشره هنا هو نص تحفة، تحفة بمعني الكلمة للشاعر المرهف خالد عباس الطاهر( مونيكا) ربما لم يسمع به الكثير هنا. فكرة "يا اللـه عبدك.. يوم طـــليت.. بالدينكــا .. بيتكـ... " لم تكن سؤى محاولة تعريفية به للبورداب والزوار. |
وانعم به من تعريف يا صديق..
راجينك لسه..
| |
|
|
|
|
|
|
Re: يا اللـه عبدك.. يوم طـــليت.. بالدينكــا .. بيتكـ... (Re: rani)
|
نص: فتحت مونيكا طاقة من الحلم شافت وسار بلد ي علي أشجار يباس من شرايين حام وامطار دم وقوس ناري علي هيئة كتب صفراء تتفاعل كما البترول وتنصهر اشتعال اعاصير من توابل مرة اكتنزت مدينة من اللهاث العنتري في ساحة رهان محموم يوم من الف صرخة وصرخة يحكي النارذاد والنزف ذاد والشهرذاد الميتة في مخدع امير الموت وخنجر محتشم بالدم خجول في فارغ النهدين برئ حتي الطفولة الاولي واطيب من غني البدوي الورا اتفضل ويتقبل عطايا المافي والموجود وخنجر محتشم بالدم وراهو عالم من الورم الوراثي لشهوتين للمال .. وللمايك فتحت مونيكا طاقة صحو للواقع وسمعت جلبة جلابة تهرج شقت الغابة الفيتريت دريش جوني الضيوف ديش .. ديش عدمانه لابسة الخيش شبعت علي المافيش يا طائر الغرنوق ادي القطاطي الريش خليها تعبر فوق ما يشتهي الشاويش كتوش يا كتوش نشفن بلا كرموش لما اليباس الحر ملّك علي كاروش الدقة يا ممه الدقه حوبابا عود الفتر للعيش ما طق جلابة الواطة نسل النار الغيمة هبابه ياممه يا ممه حجينا ننجمه الهودنا الحمي قتينا ربابة والهودنة مي الهودنة الهودنة استقت النشيد المر واحتست الدموع الجوع مؤسس حتي اخر جيل ومن اصل الرماد الفرعي اصل النار يسوع من يطعم الشعب من سمك وبقول علي خاطر نبي ومعطاء ومرسل من سماء.. الارض يتغمص افانين تكنلوجيا وطار نفاثة وبتسبح من سماء.. الارض في رتبة وزير طيار مشير طيار وسمسار في شرايين الدم الفاسد بدلل في نفاية وجرعتين من نفط في سوق البدو الرحل حسب ما يأشر الجوع من شمال وجنوب بنتوغل توغل في النزيف الحاد السعية ابت تشاور سلمت لله وعاد السعده وين السعدة اضيق من رضاء الاتنين السعدة في كونك بتعبر سيف اخوك لي كل مرعي جديد قدو ورواح السعية ابت تشاور سلمت لله وعاد البفره وين البفره في كونك تجاوز خوفك الطيني بإحساس اللغم وتفش غبينة الصاح الحيل رفض لي نقاشات الحديقة العامة في اطر الخيال العلمي لي فلاح سعالو عضام وجمع جتتو الفلكية غرود نام حلم بالغيم وذاكرة المحارب ركبوه نعام وادوهو ساعدين في صلابة الجوع قطع طرق المسافرين بالزوادة وحجّر المشرع وأُعدم في هتاف الحبر اعدم شاهد الامن المرابط في صدور الناس وشرّع كم امير في الجوع والجوع ما احتكم للشرع الموت علي الخطب الكلام الموت بأجهزة النظام الموت بإصدار القوانين والنفاذ التام والجوع الموطّن في المرئ العام سوي في نص الرماد الاولي بمسودة العام السقط من الف قرن مضي ليحسن قرننا العشرين بالعام الرشيدي النجل لي تاريخ عزيز ورصين الفلاح فتح للصحو طاقة ضوء علي قدر المخيلة القحة لي بدوي نده في الصحرا مطامن يا صحرا الامان وبسلمك بارودي جراريبي انهرن عافن جلودي جلودي ما خايف المكن خايف علي الجابودي بنات سعدان جرن جمرا حزم واقودي بنات سعدان جرن كفن ضبيحن جودي هلباوي في لقاي طبق علي حدودي
| |
|
|
|
|
|
|
Re: يا اللـه عبدك.. يوم طـــليت.. بالدينكــا .. بيتكـ... (Re: naeem ali)
|
ياسيدى الناموس
مرت حوافر الخيل ابريق وحس رملي قمرين بيصادرو الليل ابريق وحس رملي عبي النعاس بالحيل ياسيدي الناموس وناجيتي المسيح ياهالة الابنوس سلمك الصباح منديل عليه دمع الحمام البابا والناقوس ملأك الخريف وكتبتي غابة وسوس ناداك المطر طلقانة رداك البحر لعصمة الصدف الحمى الياقوت ناداك المطر طلقانة رداك البحر للضحكة برة الصوت البطحاني شمر شوقو* (1)"ولاً" ... خوف وليدة عليو وهزى الموت سماك مونيكا زمبارة خريف وداى غازمنا الطواقي الجاي وشمتن فيه بنات عمو ودوبات سلطنة ومحبوبة يابت المطر جدع الخريف ملفاحو عاج فوق عاج صبح قدح الرشيد وسلاحو مسقية لهيج شاقني الحنين لصاحو مكن مكنو بقرنفلو وتفاحو ياريق البروق برقاً وراك جناحو جايك بالبحر ومسلمك مفتاحو ...
*
(1)* ما متاكد.. علي العموم يرجي تصحيح النص بشكل عام. . . راني السماني
| |
|
|
|
|
|
|
|