Post: #1 Title: البركل ... الجبل المقدس ..... Author: بشري الطيب Date: 10-06-2009, 01:48 PM
منذ الأزل كان جبل البركل على موعد مع تاريخ البشرية فكان أن قام الملك إسبلتا بنقل العاصمة من كرمة الى جبل البركل في عام 593 ق.م وإستمر حكمه حوالي 25 عاما. وتتابع بعد ذلك الملوك في هذه المنطقة والتي إمتدت رقعتها لتشمل كل مصر في عهد الملك بعانخي والملك تهارقا ....
حاليا يضم البركل (البركل جنوب أو البركل تحت ويبدأ من الساقي 1 ساقية عيسى وحتى الكردي والبركل شمال من ساقية بدوي وحتى الساقية 71 البركل)
فدعونا نستعرض إجازة العيد في البركل .....
Post: #2 Title: Re: البركل ... الجبل المقدس ..... Author: بشري الطيب Date: 10-06-2009, 01:57 PM Parent: #1
صلاة العيد في سفح الجبل ..
ويصلي هنا أهالي البركل تحت وجزء من البركل شمال وجزء من العباسية
Post: #3 Title: Re: البركل ... الجبل المقدس ..... Author: بشري الطيب Date: 10-06-2009, 02:01 PM Parent: #2
أحد الطرق التي تربط بين البركل تحت والجبل
Post: #4 Title: Re: البركل ... الجبل المقدس ..... Author: بشري الطيب Date: 10-06-2009, 02:06 PM Parent: #3
Post: #5 Title: Re: البركل ... الجبل المقدس ..... Author: بشري الطيب Date: 10-06-2009, 02:09 PM Parent: #4
بعد صلاة العيد .... سلام وتصافي ..
Post: #6 Title: Re: البركل ... الجبل المقدس ..... Author: بشري الطيب Date: 10-06-2009, 02:13 PM Parent: #5
خطبة العيد ....
Post: #7 Title: Re: البركل ... الجبل المقدس ..... Author: HAIDER ALZAIN Date: 10-06-2009, 02:15 PM Parent: #6
الود والتحايا الصديق بشرى الطيب ..
كل عام وانت بخير يا ملك وتتحقق امانيك ..
حمد لله سلامة والله ...
Post: #8 Title: Re: البركل ... الجبل المقدس ..... Author: بشري الطيب Date: 10-06-2009, 02:16 PM Parent: #6
وهنا يمكنك أن تقابل كل أهل البركل تحت ... شيبا وشباب...
Post: #9 Title: Re: البركل ... الجبل المقدس ..... Author: بشري الطيب Date: 10-06-2009, 02:21 PM Parent: #8
وهنا يتحرك ابناء الشيخ عبيد الله لحلقات الذكر
Post: #10 Title: Re: البركل ... الجبل المقدس ..... Author: بشري الطيب Date: 10-06-2009, 02:26 PM Parent: #9
مقام الشيخ ود الكرسني وهو من قال فيه الشيخ حاج الماحي
شيل الله يا راجل البركل يا قايم بالليل ما بتفتر يا عالم بالله توكل وقول لي الدود من بلدي إتفضل
ومن قال فيه الشيخ عبيد الله ... ودحاج في الدويم وقبلنا ود الكرسني الفي جبلنا
Post: #11 Title: Re: البركل ... الجبل المقدس ..... Author: بشري الطيب Date: 10-06-2009, 02:33 PM Parent: #10
مقام الشيخ عبيد الله شيخ الطريقة القادرية بالبركل وهو من قال فيه شيخ سليمان حبيب الله
نِعم نِعم الشافو وشاهد كف عبيد الله وعاهد نعم نعم الشافو وعرفو عاهدو وبايع لي كفو منو يا حيرانو أغرفو وأشربو لامن تتكفو
Post: #12 Title: Re: البركل ... الجبل المقدس ..... Author: بشري الطيب Date: 10-06-2009, 02:37 PM Parent: #11
جينا راجعين من الصلاة... ولقينا التمر لسه ما كملو حشوا .... يعني يوم يومين ونقوم على الحش ...
(الصورة لي التمر الجوة البيت)
Post: #13 Title: Re: البركل ... الجبل المقدس ..... Author: بشري الطيب Date: 10-06-2009, 02:40 PM Parent: #12
برضو تمر البيت .....
Post: #14 Title: Re: البركل ... الجبل المقدس ..... Author: بشري الطيب Date: 10-06-2009, 02:43 PM Parent: #13
تالت يوم من العيد ماشين الجبل
Post: #15 Title: Re: البركل ... الجبل المقدس ..... Author: بشري الطيب Date: 10-06-2009, 02:49 PM Parent: #14
في راس السواقي وتظهر المنطقة الأثرية بين الجبل والبركل تحت
Post: #16 Title: Re: البركل ... الجبل المقدس ..... Author: بشري الطيب Date: 10-06-2009, 02:51 PM Parent: #15
مدخل معبد جبل البركل (معبد الإله آمون)
Post: #17 Title: Re: البركل ... الجبل المقدس ..... Author: بشري الطيب Date: 10-06-2009, 02:57 PM Parent: #16
Post: #18 Title: Re: البركل ... الجبل المقدس ..... Author: بشري الطيب Date: 10-06-2009, 02:58 PM Parent: #17
Post: #45 Title: Re: البركل ... الجبل المقدس ..... Author: محمد ابراهيم قرض Date: 10-07-2009, 01:25 PM Parent: #17
بشرى الطيب .. كمل جميلك وروح ساقية الخلوة بالبركل تحت وجيب لي صور بيوت جدودنا الطيب الأمين و سيد أحمد الأمين (أزرق) رحمهم الله ... وكمان ما تنسى صورة الخلوة ذاتها ...
Post: #19 Title: Re: البركل ... الجبل المقدس ..... Author: Ibrahim Algrefwi Date: 10-06-2009, 02:58 PM Parent: #16
بشري الطيب سلامات ياحنين .
تصدق نحن برضو في رابع العيد قومنا علي البركل المقدس ده ، مشينا علي رحلة التتويج العظيمة دي . هاك شوف .
Post: #20 Title: Re: البركل ... الجبل المقدس ..... Author: بشري الطيب Date: 10-06-2009, 03:08 PM Parent: #19
حيدر الزين... سلامات ...
كيفنك يا زين تصدق العيد في البلد دابو إنتهى ... وليهو طعم القنديلي والكلم والتمود .. كما إنو الجبل وما حولو يبعث على الرهبة والتدبر وكذلك التحسر على ماضي تليد لم نقدره حق قدره
Post: #21 Title: Re: البركل ... الجبل المقدس ..... Author: بشري الطيب Date: 10-06-2009, 03:16 PM Parent: #20
قرمبا ... يا صديق ..
ده كلام ده تجي البركل وما تديني خبر أقلو كان نكرم وفادتكم من التمر وملحقاته ( ملحقاتو دي الضبيحة وما الى ذلك عشان ما في زول يمشي بعيد) مامون التلب وإيميليا كانوا معاي كان تكون لمة عجيبة ....
وقدر الأثار الفضلت الله يستر عليها فقد كثر تجارها... مع العلم إن الجزء الأكبر ما زال في باطن الأرض..
Post: #22 Title: Re: البركل ... الجبل المقدس ..... Author: بشري الطيب Date: 10-06-2009, 03:19 PM Parent: #21
معبد جبل البركل..
Post: #23 Title: Re: البركل ... الجبل المقدس ..... Author: بشري الطيب Date: 10-06-2009, 03:22 PM Parent: #22
نهاية المعبد من الجهة الجنوبية الغربية... وأمام غرفة تتويج الملوك
Post: #24 Title: Re: البركل ... الجبل المقدس ..... Author: بشري الطيب Date: 10-06-2009, 03:26 PM Parent: #23
أحد الكتابات باللغة المروية القديمة
Post: #25 Title: Re: البركل ... الجبل المقدس ..... Author: بشري الطيب Date: 10-06-2009, 03:33 PM Parent: #24
الإله هورس يتلقى القرابين من الملك تهارقا
Post: #26 Title: Re: البركل ... الجبل المقدس ..... Author: بشري الطيب Date: 10-06-2009, 03:39 PM Parent: #25
غرفة تتويج الملوك ... داخل الجبل ... وتظهر فيها النقوش ...... وكتابات باللغة المروية
Post: #27 Title: Re: البركل ... الجبل المقدس ..... Author: بشري الطيب Date: 10-06-2009, 03:53 PM Parent: #26
زهرة لوتس قبل أن تتفتح ... غرفة التتويج مظلمة لذلك الصورة غير واضحة
Post: #28 Title: Re: البركل ... الجبل المقدس ..... Author: بشري الطيب Date: 10-06-2009, 03:57 PM Parent: #27
ختم الملك تهارقا....
Post: #29 Title: Re: البركل ... الجبل المقدس ..... Author: بشري الطيب Date: 10-06-2009, 04:02 PM Parent: #28
زهرة لوتس متفتحة
Post: #30 Title: Re: البركل ... الجبل المقدس ..... Author: بشري الطيب Date: 10-06-2009, 04:09 PM Parent: #29
الملك تهارقا يقدم القرابين الذهبية للإله آمون
Post: #31 Title: Re: البركل ... الجبل المقدس ..... Author: بشري الطيب Date: 10-06-2009, 04:12 PM Parent: #30
الجانب الغربي للجبل
Post: #32 Title: Re: البركل ... الجبل المقدس ..... Author: بشري الطيب Date: 10-06-2009, 04:15 PM Parent: #31
الرملة من سفح الجبل وحتى القمة
Post: #33 Title: Re: البركل ... الجبل المقدس ..... Author: بشري الطيب Date: 10-06-2009, 04:18 PM Parent: #32
الكوبرا حارسة المملكة...
Post: #34 Title: Re: البركل ... الجبل المقدس ..... Author: خالد احمد محمد Date: 10-06-2009, 05:50 PM Parent: #33
شكراليك يابشرى على الصور الرائعة دى والله نقلتنا نقلة جميلة بالذاكرة لى بلد قاعدين نحبها ونحب ناسها وتمرها ووووو كل شى فيها ..... البركل عبق التاريخ بى اثارو الخالدة دى ... البركل ريحة الجروف وطعم المنقة اللا يوم الليلى غالبنا ننساهو .... البركل الناس الطيبين اللى يقابلوك والبسمة مالى وجوههم مهما كانت ظروفهم .... كتر من الصور يا الحبيب ونحن راجينك ....
Post: #35 Title: Re: البركل ... الجبل المقدس ..... Author: Muna Khugali Date: 10-06-2009, 06:32 PM Parent: #34
كل سنة وانتو طيبين وسمحين..
Post: #36 Title: Re: البركل ... الجبل المقدس ..... Author: بشري الطيب Date: 10-06-2009, 07:09 PM Parent: #35
Quote: شكراليك يابشرى على الصور الرائعة دى والله نقلتنا نقلة جميلة بالذاكرة لى بلد قاعدين نحبها ونحب ناسها وتمرها ووووو كل شى فيها ..... البركل عبق التاريخ بى اثارو الخالدة دى ... البركل ريحة الجروف وطعم المنقة اللا يوم الليلى غالبنا ننساهو .... البركل الناس الطيبين اللى يقابلوك والبسمة مالى وجوههم مهما كانت ظروفهم .... كتر من الصور يا الحبيب ونحن راجينك ....
خالد سلامات... وزي ما قلتها البركل تاريخ ... وحاضر
أما حديثك عن المنقة فده نضم براهو تكون جيت جمب المضرب وقعدت تحت الدقاقة ... الصور جايي صبرا لي باكر.
Post: #37 Title: Re: البركل ... الجبل المقدس ..... Author: بشري الطيب Date: 10-06-2009, 07:12 PM Parent: #36
Quote: كل سنة وانتو طيبين وسمحين..
منى خوجلي
أزيك وإزي الزيك يا الزيك دايما معدوم...
كل عام وانت كما تشتهي ... ولامين وسالمين
Post: #38 Title: Re: البركل ... الجبل المقدس ..... Author: Imad Khalifa Date: 10-06-2009, 11:02 PM Parent: #37
الماجد بشري الطيب كل سنة وانت واهل البركل بخيرين وزيادة وشكرا على الصور التى تحكي روعة وعظمة تاريخ هذا الوطن والحمد لله ان أيادي الهوس لم تمتد لتلك الآثار في ايام لوثتهم الاولى والتى دمروا خلالها (كما فعل نظام طالبان) الكثير من الاثار المسيحية والوثنية بالمتحف القومي لطمس أهم معالم تاريخنا العريق.
لك التحايا
كسرة: يا ريت تجيب لينا معاك شوية تمر (ان شاء الله من المزروع في البيوت)
Post: #39 Title: Re: البركل ... الجبل المقدس ..... Author: سلمى الشيخ سلامة Date: 10-06-2009, 11:27 PM Parent: #38
بشرى العزيز لو سمحت لى اقدم ليك اقتراح انه الاثار دى تتصور فيديو وتنعمل ليها مدونة او ويب راسو عديل لانه بالطريقة دى حنصبح يوم ما نلاقى منها ولا واحدة حايمة خاصة وانك ذكرت انه فى تجار اثار لفت انتباهى انه مافى حماية من قبل الدولة لهذه الاثار يا لطيف شكرا ليك يا جميل
Post: #40 Title: Re: البركل ... الجبل المقدس ..... Author: بشري الطيب Date: 10-07-2009, 12:13 PM Parent: #39
Quote: الماجد بشري الطيب كل سنة وانت واهل البركل بخيرين وزيادة وشكرا على الصور التى تحكي روعة وعظمة تاريخ هذا الوطن والحمد لله ان أيادي الهوس لم تمتد لتلك الآثار في ايام لوثتهم الاولى والتى دمروا خلالها (كما فعل نظام طالبان) الكثير من الاثار المسيحية والوثنية بالمتحف القومي لطمس أهم معالم تاريخنا العريق.
لك التحايا
كسرة: يا ريت تجيب لينا معاك شوية تمر (ان شاء الله من المزروع في البيوت)
الأعز عماد خليفة سلامات ... وكل عام وانت كما تشتهي والصور يا عمدة الكاميرا خذلتني لأنها بتشتغل حجر وايام العيد كملن وما لقيت حجر .. وبالرغم من أن أيادي الهوس لم تصل هناك ولكن أيادي اللهف قد وصلت والاهمال هو حالة المعبد ..
والتمر البلمنا فيك بي نجيبو....
Post: #41 Title: Re: البركل ... الجبل المقدس ..... Author: بشري الطيب Date: 10-07-2009, 12:43 PM Parent: #40
Quote: بشرى العزيز لو سمحت لى اقدم ليك اقتراح انه الاثار دى تتصور فيديو وتنعمل ليها مدونة او ويب راسو عديل لانه بالطريقة دى حنصبح يوم ما نلاقى منها ولا واحدة حايمة خاصة وانك ذكرت انه فى تجار اثار لفت انتباهى انه مافى حماية من قبل الدولة لهذه الاثار يا لطيف شكرا ليك يا جميل
سلمى البهية..... دايما سباقة واقتراحك جميل وياريت نقدر عليهو مع تفاصيل اليومي المملة والمرهقة... وبالفعل ليس هناك أدنى إهتمام من قبل الدولة بهذه الآثار ولا أريد أن ألقي القول على عواهنه بأن الجهات المفترض تحمي تتواطأ ضد واجبها......
وشكرا ع المرور يا بهية الطلعة
Post: #42 Title: Re: البركل ... الجبل المقدس ..... Author: بشري الطيب Date: 10-07-2009, 01:17 PM Parent: #41
الشارع التحت
Post: #43 Title: Re: البركل ... الجبل المقدس ..... Author: بشري الطيب Date: 10-07-2009, 01:20 PM Parent: #42
Post: #69 Title: Re: البركل ... الجبل المقدس ..... Author: البدري عبد الله Date: 10-08-2009, 01:23 PM Parent: #42
Quote:
الشارع التحت
يا سلام يا بشرى ... كانت لنا ايام ................
برجع ليك بي وووووووووووووووقة
Post: #44 Title: Re: البركل ... الجبل المقدس ..... Author: حيدر بشير Date: 10-07-2009, 01:24 PM Parent: #41
الاخ بشرى
لك الشكر على هذه الصور الجميلة و التى هيجت كوامن شوق فى نفسى لبلاد عزيزة علينا
ونحن فى الصف الرابع المتوسط بمدرسة كورتى كانت لنا زيارة للمناطق الأثرية فى مروى ونورى و البركل لترسيخ مادة التاريخ
وعند زيارتنا الى جبل البركل كان بعض الزملاء يتحدثون عن فتحة وجدناها فى داخل الجبل قالوا انها طريق يؤدى الى دنقلا
فهل هذه المقولة صحيحة
بالله ما تنسى تاكل لينا معاك هين هينين من السبايط الخامى دى و لامن تندلى بى تحت اخد ليك جفة فى البحر واشرب من الموية العكرانة
وأكيد بنجى راجعين ان شاء الله
وتقبل تحياتى
Post: #46 Title: Re: البركل ... الجبل المقدس ..... Author: بشري الطيب Date: 10-07-2009, 01:28 PM Parent: #44
ليمونة البيت ... ومعها المنقا...
Post: #47 Title: Re: البركل ... الجبل المقدس ..... Author: بشري الطيب Date: 10-07-2009, 01:31 PM Parent: #46
جوافة البيت
Post: #48 Title: Re: البركل ... الجبل المقدس ..... Author: بشري الطيب Date: 10-07-2009, 01:44 PM Parent: #47
الاخ بشرى
لك الشكر على هذه الصور الجميلة و التى هيجت كوامن شوق فى نفسى لبلاد عزيزة علينا
ونحن فى الصف الرابع المتوسط بمدرسة كورتى كانت لنا زيارة للمناطق الأثرية فى مروى ونورى و البركل لترسيخ مادة التاريخ
وعند زيارتنا الى جبل البركل كان بعض الزملاء يتحدثون عن فتحة وجدناها فى داخل الجبل قالوا انها طريق يؤدى الى دنقلا
فهل هذه المقولة صحيحة
بالله ما تنسى تاكل لينا معاك هين هينين من السبايط الخامى دى و لامن تندلى بى تحت اخد ليك جفة فى البحر واشرب من الموية العكرانة
وأكيد بنجى راجعين ان شاء الله
وتقبل تحياتى الأخ حيدر بشير حبابك ... وأبقي داخل لي جوة.... وفعلا وحتى عهد قريب كانت المدارس تقوم برحلات لطلابها لجبل البركل ولمدافن الكرو ونوري وأظن ان هذا الامر قد توقف نسبة لتغيير المناهج.. اما عن النفق الذي يؤدي الى دنقلا فدي واحدة من الأساطير حول الجبل والغرفة التي رأيتم فيها الفتحة هي غرفة تتويج الملوك كما أن زوجة الملك كانت لا تخرج منها عندما يقترب ميلاد أحد من الأسرة المالكة... ولكن كان هناك نفق من هذه الغرفة يؤدي الى وسط المعبد وميدان الجند.
اما أكل التمر ومشية البحر ما محتاجة وصية.. تسلم
Post: #49 Title: Re: البركل ... الجبل المقدس ..... Author: بشري الطيب Date: 10-07-2009, 01:55 PM Parent: #48
نادي الجبل ... وهو نادي البركل تحت وبطل مدينة كريمة لعدة سنوات وممثل المنطقة في الدوري التأهيلي وحاليا متصدر الدوري بالمنطقة...
Post: #50 Title: Re: البركل ... الجبل المقدس ..... Author: بشري الطيب Date: 10-07-2009, 02:03 PM Parent: #49
لوحة من داخل نادي الجبل
Post: #51 Title: Re: البركل ... الجبل المقدس ..... Author: بشري الطيب Date: 10-07-2009, 02:05 PM Parent: #49
قنديلي بس...
Post: #52 Title: Re: البركل ... الجبل المقدس ..... Author: بشري الطيب Date: 10-07-2009, 02:09 PM Parent: #51
اللهم أدمها نعمة وأحفظها من الزوال
Post: #53 Title: Re: البركل ... الجبل المقدس ..... Author: بشري الطيب Date: 10-07-2009, 02:14 PM Parent: #52
اللهم زد وبارك
Post: #54 Title: Re: البركل ... الجبل المقدس ..... Author: بشري الطيب Date: 10-07-2009, 02:26 PM Parent: #53
Post: #55 Title: Re: البركل ... الجبل المقدس ..... Author: بشري الطيب Date: 10-07-2009, 02:29 PM Parent: #54
القعدة في ضل السبيل في الشارع الفوق
Post: #56 Title: Re: البركل ... الجبل المقدس ..... Author: بشري الطيب Date: 10-07-2009, 02:34 PM Parent: #55
بدون تعليق
Post: #57 Title: Re: البركل ... الجبل المقدس ..... Author: بشري الطيب Date: 10-07-2009, 02:39 PM Parent: #56
أحسن تمرة لاقتني في حياتي
Post: #58 Title: Re: البركل ... الجبل المقدس ..... Author: بشري الطيب Date: 10-07-2009, 03:03 PM Parent: #57
Post: #59 Title: Re: البركل ... الجبل المقدس ..... Author: بشري الطيب Date: 10-07-2009, 03:33 PM Parent: #58
Quote: بشرى الطيب .. كمل جميلك وروح ساقية الخلوة بالبركل تحت وجيب لي صور بيوت جدودنا الطيب الأمين و سيد أحمد الأمين (أزرق) رحمهم الله ... وكمان ما تنسى صورة الخلوة ذاتها ...
محمد إبراهيم قرض ...عوافي .... ناس ساقية الخلوة ... آل أزرق وآل النوش وآل الريح وآل الفقير والشيوخ والمركز الصحي والتعاون حباكم ألف وانتو أحد معاقل البركل التي يشار اليها بالبنان ...
كن بخير انت والاسرة الكريمة الهنا والهناك...
Post: #60 Title: Re: البركل ... الجبل المقدس ..... Author: بشري الطيب Date: 10-07-2009, 03:38 PM Parent: #59
إيميليا زوجة الصديق مامون التلب وقد شرفونا بالزيارة في طريق عودتهم من القاهرة
Post: #61 Title: Re: البركل ... الجبل المقدس ..... Author: بشري الطيب Date: 10-07-2009, 03:41 PM Parent: #60
الصديق مامون وزوجته وإبن أخي على القيف
Post: #62 Title: Re: البركل ... الجبل المقدس ..... Author: ghariba Date: 10-07-2009, 03:53 PM Parent: #61
الاخوة الكرام
اعدتم لي ذاكرة ايام مضت
في سبعينات القرن الماضي ذهبت الى ( شبا ) ضمن رحلة لزيارةالاهل في تلك المناطق
وقام ابناء خالاتي ( ضمرة بغدادي ، جمال ) بعمل رحلة لي لجبل البركل
وكان معي في ذلك الوقت اخي مجدي ومصطفى
وكانت ايام ..........
ففعلا هذه المناطق في حاجةالى الانتباه والى دراسة متعمقة وحراسةامنية للمتبقي من التراث
وشبا هي جزء من البركل ... حيث اقامت خالاتي سعاد وامنة زوجات بغداي عمر بغداي ومحمد عمر بغدادي
وابنائهم ( ابناء خالاتي )
الدكتور التاج بغدادي وضمرة بغدادي و عبد المنعم وجمال والمرحوم جللال بغدادي .....
Post: #63 Title: Re: البركل ... الجبل المقدس ..... Author: بشري الطيب Date: 10-07-2009, 04:13 PM Parent: #62
مرحب صلاح ... وبكل أهالي شبا... وآل بغدادي...
وطبعا شبا جزء من البركل وتحديدا البركل فوق والذي يبدأ من المحس وحتى شبا...
Post: #64 Title: Re: البركل ... الجبل المقدس ..... Author: طارق جبريل Date: 10-07-2009, 07:55 PM Parent: #63
Quote: وقام ابناء خالاتي ( ضمرة بغدادي ، جمال ) بعمل رحلة لي لجبل البركل
دي نصيبة شنو دي يا صلاح غريبة الناس ديل اولاد عمي عدييييييييييييييييل
يا ود الطيب كيفنك النبي فيك ما مشيت لي شبا ما مشيت ساقية القرونة عند اهلي ما مريت من دكان ود تميم ود خالتي ما شفت سيد احمد القروني ود عمي ولا اولاد كرسني اولاد خالتي وما مريتلك علي زول من البغاديد اولاد عمي
تليشة: البركل يتكون من ثلاثة مناطق البركل تحت البركل فوق والبركل شمال(شبا)
Post: #65 Title: Re: البركل ... الجبل المقدس ..... Author: حيدر بشير Date: 10-07-2009, 11:07 PM Parent: #64
أخونا بشرى
جيناك راجعين و الظاهر نحن بنجيب عنقريبنا ونجى نصنقر فى ضل التمر دا
بمناسبة صورة نادى البركل ود عمتى كان لاعب فى فريق البركل دا فى السبعينات حيث عمل بالسكة حديد فى كريمة اسمه سيداحمد ابراهيم ولقبه ابوضراع
الاخ طارق ولاد خالتك ما أصحابى شديد أخونا الباشمهندس عبدالقادر تميم زميل وصديق له ولك منى التحايا
Post: #66 Title: Re: البركل ... الجبل المقدس ..... Author: maman Date: 10-08-2009, 03:40 AM Parent: #65
الأخ الكريم بشرى الطيب
هنيئا لك بهذه السياحة المباركة عند (الجبل المقدس) ... بركلنا فوقو تنشر غيمة
أشارك بقصيدة السر عثمان (آه يا بلد)
آه يا بلد يا راقـداً قـدام عيونـي نهـر عسـل وتـــرعــــة لــــبــــن أنـا ليـك أشابـي وبـيـك أهـاتـي وضـمـه مــا قـــادر أصـــل حوريه من الجنه فـوق وجـه الأرض يـا دي السماحـه ويــا الـعـرض انـا قلبـي بـى دوب حبـك انــت الـنـار تحـرقـو تــب نـجــض لهـفـان علـيـك آه يـــا بـلــد جــــاي مــــد ايــديـــك جيـب حضنـك الـدافـي الحـنـون ابــقــالـــي عــــــــون انــــا مـــــا ولــيـــدك خافـلـي يــا وطـنـي الجـنـون الــبــعـــد عــــنــــك ربى فى فكـري الهلاويـس والظنـون مــا بـيـن شـجـون وشـجــون وحاتـك كـل يـوم تـزداد شـجـون متل العصيفير صرت وكت الريح تولول تلقا حـاس مندسـي بينـات الغصـون إن طــــــار يـــخــــاف كيفن مصيرو مع الرياح باكـر يكـون وان حــــــاول الـــنـــوم تلقى نومو تملـى فـار مـن العيـون آه يــــــــا بــــلـــــد لــــــولا الـــظــــروف والله فـرقــك مـــاب يـهــون
مامان
Post: #67 Title: Re: البركل ... الجبل المقدس ..... Author: بشري الطيب Date: 10-08-2009, 01:12 PM Parent: #66
Quote: دي نصيبة شنو دي يا صلاح غريبة الناس ديل اولاد عمي عدييييييييييييييييل
خم وصر عاد يا ود جبرين...
Quote: يا ود الطيب كيفنك النبي فيك ما مشيت لي شبا ما مشيت ساقية القرونة عند اهلي ما مريت من دكان ود تميم ود خالتي ما شفت سيد احمد القروني ود عمي ولا اولاد كرسني اولاد خالتي وما مريتلك علي زول من البغاديد اولاد عمي
مشيت والله بس الكاميرا خذلتني وحمتا جزيرة شبا كلها... وحبابك وحباب شبا كلها....
Quote: تليشة: البركل يتكون من ثلاثة مناطق البركل تحت البركل فوق والبركل شمال(شبا)
أي صح إلا نحنا ناس تحت عندنا شمال ووسط كلو بركل فوق.. من المحس ولي الساقي 71 بي العبدلاب وعوك والعرب وشبا
Post: #68 Title: Re: البركل ... الجبل المقدس ..... Author: بشري الطيب Date: 10-08-2009, 01:20 PM Parent: #67
Quote: أخونا بشرى
جيناك راجعين و الظاهر نحن بنجيب عنقريبنا ونجى نصنقر فى ضل التمر دا
حبابك ألف يا حيدر ولا تصنقر أخدلك تكية كمان...
Quote: بمناسبة صورة نادى البركل ود عمتى كان لاعب فى فريق البركل دا فى السبعينات حيث عمل بالسكة حديد فى كريمة اسمه سيداحمد ابراهيم ولقبه ابوضراع
اها كدي بتجيب لنا الكلام البركل تحت فريقو إسمو الجبل والبركل فوق فريقو إسمو البركل
Quote: الاخ طارق ولاد خالتك ما أصحابى شديد أخونا الباشمهندس عبدالقادر تميم زميل وصديق له ولك منى التحايا
ويا هلا بيك وبي طارق وأهلو جت
Post: #70 Title: Re: البركل ... الجبل المقدس ..... Author: البدري عبد الله Date: 10-08-2009, 01:26 PM Parent: #68
Quote: دي نصيبة شنو دي يا صلاح غريبة الناس ديل اولاد عمي عدييييييييييييييييل
هي عاد نصيبة نصاااااااااااح .. الزول طلع برضو قريبنا..
Post: #71 Title: Re: البركل ... الجبل المقدس ..... Author: بشري الطيب Date: 10-08-2009, 01:28 PM Parent: #68
Quote: الأخ الكريم بشرى الطيب
هنيئا لك بهذه السياحة المباركة عند (الجبل المقدس) ... بركلنا فوقو تنشر غيمة
أشارك بقصيدة السر عثمان (آه يا بلد)
آه يا بلد يا راقـداً قـدام عيونـي نهـر عسـل وتـــرعــــة لــــبــــن أنـا ليـك أشابـي وبـيـك أهـاتـي وضـمـه مــا قـــادر أصـــل حوريه من الجنه فـوق وجـه الأرض يـا دي السماحـه ويــا الـعـرض انـا قلبـي بـى دوب حبـك انــت الـنـار تحـرقـو تــب نـجــض لهـفـان علـيـك آه يـــا بـلــد جــــاي مــــد ايــديـــك جيـب حضنـك الـدافـي الحـنـون ابــقــالـــي عــــــــون انــــا مـــــا ولــيـــدك خافـلـي يــا وطـنـي الجـنـون الــبــعـــد عــــنــــك ربى فى فكـري الهلاويـس والظنـون مــا بـيـن شـجـون وشـجــون وحاتـك كـل يـوم تـزداد شـجـون متل العصيفير صرت وكت الريح تولول تلقا حـاس مندسـي بينـات الغصـون إن طــــــار يـــخــــاف كيفن مصيرو مع الرياح باكـر يكـون وان حــــــاول الـــنـــوم تلقى نومو تملـى فـار مـن العيـون آه يــــــــا بــــلـــــد لــــــولا الـــظــــروف والله فـرقــك مـــاب يـهــون
مامان
مامان.. تسلم يا ذوق... والجبل المقدس يستحق الزيارة من الجميع ولست أدري كيف لشخص لم يزره ومازال عائشا.... وتشكر على رائعة الأستاذ السر عثمان... وإن جاتنا مطنبرة يكون خير
Post: #72 Title: Re: البركل ... الجبل المقدس ..... Author: بشري الطيب Date: 10-08-2009, 01:36 PM Parent: #71
Quote: هي عاد نصيبة نصاااااااااااح .. الزول طلع برضو قريبنا..
البدري سلامات.... تعرف في الإجازة دي الخور حمتو برضو .... وبيوتكم التحت طلعت ونزلت بي عندها وبيوت ولاد محجوب واولاد الفاضل واولاد الامين والأباريش لي عند الأزارقة وخلوة السلام عليكم والمترة ولي العباسية فوق
Post: #73 Title: Re: البركل ... الجبل المقدس ..... Author: بشري الطيب Date: 10-08-2009, 05:21 PM Parent: #72
وهنا لا بد من أن نذكر أن البركل تحت (جنوب) يكاد يكون من القرى القليلة الواقعة على النيل ولم يتأثر بأي فيضان بدءاً بفيضان سنة 10 و وتساب كم وأربعين و 88 و 94 و 98 .
ويرجع ذلك لتأمين المنطقة حتى تصبح جزيرة كاملة في الفيضان وتحاط بالماء من الجهات الأربعة وهنا تظهر روعة البركل الذي تتلاشي فيه الملكية ويصبح كل شئ ملك للجميع ... ورغم أن فيضان 88 استطاع أن يدمر كل القرى على النيل ومن هم ابعد منا بالنسبة للنيل كبعض أحياء كريمي والبركل فوق إلا أنه لم يجد سبيلا الى البركل تحت
Post: #74 Title: Re: البركل ... الجبل المقدس ..... Author: عبدالحافظ عثمان Date: 10-08-2009, 10:07 PM Parent: #73
الاخ بشرى لك التحيه كم هى جميله تلك الارض بالرغم من حر الصيف ورمضان عندماذرت تلك المناطق برفقة خالى (المهندس عثمان). الذى كان يعلم كم هى ولعتى للتاريخ والاثار حتى ظن انه عندما ذهبت للدراسه باليونان ذهبت لدراسة الاثار هنا لان اى شبر يغرق فى قدم التاريخ.
ولكنى درست الهندسه المكانيكه وتخصصت فى الامن والسلامه بالمملكه المتحده. ولكنها وطائف لتحسين القود للعيال. اما حبى فهو للتاريخ ولكل ما هو اقدم من القرنين واكثر.
كانت رحله لاتنسى.. هنالك الكثير من الاسرار التى لم تكتشف فى هذا الجبل المبارك. حيث ات هنالك جامعه امريكه تحضر فى مارس من كل عام ولمدة ثلاثه اشهر تقوم بدراسه للجبل فى محاوله لفك الكثير من اللغاز. المغنطيس العملاقه الذى اوجده تهارقا فى قمة جبله ليحمى سماء الجبل.كيف وجد هنالك هل هو من الصخور التى بالجبل ام انه تم رفعه وكيف تم رفعه ومن اين...ومنها سر النفق الذى يقول الاهالى انه داخل الجبل ويودى الى دتقلا .وايضا يختفى اى شى داخله. وحتى تلك البقره التى تم ربطهابحبل وهى محمله بكاميرا للتصويرالتلفزيونى من قبل البعثه الدراسيه لتلك الجامعه الامريكيه(العهد على روايه احد الاهالى من شباء). انها اختفت ورجع الحبل مقطوع. هنالك سر الاسره ال25 فى التاريخ المصرى من كان بحكم كل هذه الاراضى فى ذلك التاريخ يظن وانا قد اكون مخطى بان تهارقا كان هو الملك الذى يدير شئون الحكم من هذا الجبل لكل الاراضى فى السودان ومصر.
بدليك تلك الكتابه الموجوده فى متحف الجبل حيث كان مللوك مصر تدين له بالولاء. الاخى بشرى:- لدى خاطره فى المنبر بعتوان( رحلة تمره من جبل البركل الى سوق ام درمان) اذا اتسع لك الوقت ارجو ان تلقى عليها نظره بها كم من الصور والخواطر والانطباعات لتلك الارض الغاليه وحالة اهلى فى زيارتى الاخيره للسودان. لك كل الود وشكرا لك اعطينتى الكثير من الدفء وانا هنا حيث البرد القارص بالرغم من الشتاء فى اول ايامه..
عبدالحافظ
Post: #75 Title: Re: البركل ... الجبل المقدس ..... Author: جعفر خضر Date: 10-08-2009, 11:21 PM Parent: #74
بشرى والجميع هنا كل سنة وانتو طيبين
يا بشرى بلاي صورة للنيل من قمة الجبل (شايف طلباتنا صعبة كيف)
Quote: البركل تحت (جنوب) يكاد يكون من القرى القليلة الواقعة على النيل ولم يتأثر بأي فيضان بدءاً بفيضان سنة 10 و وتساب كم وأربعين و 88 و 94 و 98 .
ويرجع ذلك لتأمين المنطقة حتى تصبح جزيرة كاملة في الفيضان وتحاط بالماء من الجهات الأربعة وهنا تظهر روعة البركل الذي تتلاشي فيه الملكية ويصبح كل شئ ملك للجميع ...
بالاضافة إلى تفاني الأهل ... أظن أنّ علو المنطقة ساعد في حمايتها ,, وهو ذات السبب الذي تسبب في اختيار المنطقة لطلمبات جدولي الشركة والمقبول الذين أحاطا بالبركل من جهتين .
ولكنني أعضد ما ذهبت إليه أستاذتنا سلمى الشيخ سلامة وأزيد : لماا لا تقوم جمعية لحماية الآثار من مواطني المنطقة والطلاب بكلية الآثار ... لإيقاف عملية بيع التاريخ !! بحر من الود
Post: #76 Title: Re: البركل ... الجبل المقدس ..... Author: حيدر بشير Date: 10-09-2009, 01:18 AM Parent: #75
أخونا بشرى لك التحايا
شكرآ لك على كرم الضيافة
و طالما مامان دا وصل اكيد بيكون فيها رنة طمبور عشان كدة عسكرنا معاكم تب
Post: #77 Title: Re: البركل ... الجبل المقدس ..... Author: Muna Khugali Date: 10-09-2009, 02:14 AM Parent: #76
سلام خياني..
Post: #78 Title: Re: البركل ... الجبل المقدس ..... Author: maman Date: 10-09-2009, 07:38 AM Parent: #77
هذه هدية للأخ حيدر بشير بمناسبة انضمامه للبورد
مامان
Post: #79 Title: Re: البركل ... الجبل المقدس ..... Author: حيدر بشير Date: 10-09-2009, 03:37 PM Parent: #78
الاخ بشرى لك التحايا
بالله الواحد قال ياخد ليه تعسيلة فى ضل التمرة دى قام مهجوم لقى البوست فى آخر الصفحة التانية
ياخى البوست دا مفروض طوالى يكون فوق
الاخ العزيز مامان
شكرآ لك على هذه الهدية القيمة و التى نحتاج اليها ونحن فى بلاد تموت حيتانها من البرد
بالله الجنى دا شوفه اكل المنقة دى كيف و الله يشهيك اكل المنقة
و الزول البيحش فى البرسيم دا يكون محصل ليه لعب بى فوق وسامع حس نقرشة الطمبور عشان كدة مستعجل
ربنا يديك العافية ان شاء الله و لك لافراد اسرتك التحايا
Post: #80 Title: Re: البركل ... الجبل المقدس ..... Author: بشري الطيب Date: 10-11-2009, 12:38 PM Parent: #79
Quote: الاخ بشرى لك التحيه كم هى جميله تلك الارض بالرغم من حر الصيف ورمضان عندماذرت تلك المناطق برفقة خالى (المهندس عثمان). الذى كان يعلم كم هى ولعتى للتاريخ والاثار حتى ظن انه عندما ذهبت للدراسه باليونان ذهبت لدراسة الاثار هنا لان اى شبر يغرق فى قدم التاريخ.
الأخ عبد الحافظ عثمان مرحب حبابك... وفعلا تلك المناطق وبحكم انها صحراوية فصيفها ما بيتقابل وكذلك شتاؤها إلا الشتاء بنقدرو بي التمر والقراصة والصيف بالبحر ولكنها تتميز بهذا البعد التاريخي والذي يعطيها وضعيتها في مقدمة المناطق ليس على مستوى السودان فحسب بل على مستوى العالم
Post: #81 Title: Re: البركل ... الجبل المقدس ..... Author: بشري الطيب Date: 10-11-2009, 12:57 PM Parent: #80
Quote: بشرى والجميع هنا كل سنة وانتو طيبين
يا بشرى بلاي صورة للنيل من قمة الجبل (شايف طلباتنا صعبة كيف)
صديقي وابن عمي جعفر كيفنك وقضروف سعد عموم .... والصورة المن فوق الجبل دي دايرة الزول يطلع بي رواقة ويكون بره أيام العيد عشان الزحمة..
Quote: بالاضافة إلى تفاني الأهل ... أظن أنّ علو المنطقة ساعد في حمايتها ,, وهو ذات السبب الذي تسبب في اختيار المنطقة لطلمبات جدولي الشركة والمقبول الذين أحاطا بالبركل من جهتين .
ولكنني أعضد ما ذهبت إليه أستاذتنا سلمى الشيخ سلامة وأزيد : لماا لا تقوم جمعية لحماية الآثار من مواطني المنطقة والطلاب بكلية الآثار ... لإيقاف عملية بيع التاريخ !! بحر من الود
وكما ذكرت فعلا البركل تحت مرتفع وقد ساعد ذلك في الحماية ...وقد ساعد أيضا الجدولين في هذه الحماية حيث شكلا ساس ممندل قام عليه الجسر وهما من أقدم المشاريع بالمنطقة حيث قام مشروع المقبول سابقا وجمعية ابناء البركل الزراعية لاحقا في العام 1938م وجمعية البركل التعاونية في عام 1946م. وفكرة الجمعية مقترح جيد سنسعى في تنفيذه ... بالتنسيق مع آخرين
Post: #82 Title: Re: البركل ... الجبل المقدس ..... Author: بشري الطيب Date: 10-11-2009, 01:04 PM Parent: #81
Quote: أخونا بشرى لك التحايا
شكرآ لك على كرم الضيافة
و طالما مامان دا وصل اكيد بيكون فيها رنة طمبور عشان كدة عسكرنا معاكم تب
يا حيدر اها مامان جاك بي براسيمو وبت خوجلي بي طمبورا البلد عامري إلا مسعول من الخير زول مامان البحش في القش ده دحين مو في الدخلة العلي الكرو جمب البحر؟ وأللا يكون في الضيقة وانت داخل علي الكرفاب؟
Post: #83 Title: Re: البركل ... الجبل المقدس ..... Author: جعفر خضر Date: 10-12-2009, 09:14 AM Parent: #82
صديقي بشرى والجميع هنا سلام تاني البوست التوثيقي للمنطقة يمكن أن تبدأه أنت أسوة ببوست ناس بحري واضح أن الداخلين في هذا البوست جميعا سيعينوك (بس خلي المنطقة عريضة)
Post: #84 Title: Re: البركل ... الجبل المقدس ..... Author: بشري الطيب Date: 10-14-2009, 02:37 PM Parent: #83
جعفر سلامات... فكرت سابقا في بوست يشمل كل محافظة مروي من حوش الجروف وحتى الساب والهو بالضفة الشرقية ومن الحمداب وحتى أمبكول بالضفة الغربية ولكن بوست كهذا محتاج للكثير من الجهد حتى لا نكتب معلومات خاطئة وهي فكرة قد ترى النور...
سلامي وتحياتي لي الأصدقاء كجول ووليد وكمبا وكل من معكم
Post: #85 Title: Re: البركل ... الجبل المقدس ..... Author: جعفر خضر Date: 10-14-2009, 10:14 PM Parent: #84
Quote: بوست كهذا محتاج للكثير من الجهد حتى لا نكتب معلومات خاطئة وهي فكرة قد ترى النور...
يا بشرى كترة التحضير في الكورة ما ما كويسة برضو بي راحتك
