لون الخريف ..........!!!!!

يا حلوة
زى لون الخريف
فى عيونك الكلمة بتقيف
زى غيمة
جات تسقى البلاد
تمسح دموع كل السنين
تسعد قلوب العاشقين
سموك مين ..
سموك إسمك يا جميل
مليانة عينيك بالسؤال
يا بدر نور فى الظلام
يدى التعابى الإنشراح
يدى الفراشات الأريج
سموك مين ..
يا غيمة شايلة الإنتظار
راجينوا عشرات السنين
من بدرى ما هطل المطر
شايلة الجواب
فى عيونك الحلوات مطر
أديهم المطر الرزاز
خلى الطيور ترجع تعود
تفرح تغرد فى الصباح
والناس تشيل منك أمل
سموك مين ..!!




كل الود
محمد كابيلا