Post: #1
Title: أجمل النكات والتعليقات علي هزيمة الهلال
Author: زهير الزناتي
Date: 10-06-2009, 12:26 PM
Parent: #0
الهزيمة شئ طبيعي في كرة القدم ، ولا يوجد فريق في كل هذه المعمورة لا يعرف الخسارة .
إلا أن بعض الهزائم تظل عالقة في الأذهان لفترة طويلة وتدون في صفحات التاريخ ، منها
هزيمة الهلال ليلة الأحد بأستاده ، سكبت ملايين الأحرف هنا وفي وسائل الغعلام المختلفة
إلا أن القفشات والنكات والتعليقات الطريفة تظل ظاهرة جديدة تطل علينا عبر وسائط
المديا المختلفة ، وهو ما يشير إلي التغييرات التي طرأت علي الشخصية السودانية .
والتي أصبحت السخرية أهم أدواتها في مواجهة الإنهزامات والإنكسارات علي مختلف
الأصعدة .. قرأت عدداً من هذه التعليقات الطريفة في الوسائط المختلفة وجاءني
البعض في شكل رسائل قصيرة عبر الهاتف المحمول . أعتقد أن هذه الرسائل أصبحت
وسيلة جديدة للتعبير وبل إبتدع بواسطتها صنفاً جديداً من الأدب وهو الادب التلغرافي
وإن كان موجوداً قبل ذلك إلا أن هذه التقنية قد ساعدت علي نشره حتي وسط متوسطي
التعليم والثقافة ...
|
Post: #2
Title: Re: أجمل النكات والتعليقات علي هزيمة الهلال
Author: زهير الزناتي
Date: 10-06-2009, 12:46 PM
Parent: #1
من التعليقات الطريفة عناوين البوستات التالية :
- يا جماعة صحي إتغلبنا ولا دي الكاميرا الخفية .
- تخرج الكهرباء من الشبكة القومية وتدخل الاهداف فى شبكة الهلال .. !!
ومن الرسائل القصيرة التي جاءتني :
- زمبا زمبا يا سادومبا
- كوسا كوسا يا إيفوسا
- واضح إنه مازيمبي تعاطي منشطات وناس الهلال فاليوم
|
Post: #3
Title: Re: أجمل النكات والتعليقات علي هزيمة الهلال
Author: زهير الزناتي
Date: 10-06-2009, 12:56 PM
Parent: #2
- مازيمبي + طاقم تحكيم هجين = هلال زي الطين
- خمسة عجيبة جوه الزريبة .
- معليس معليش زريبة العيش
- برز المغلوب يوماًُ في ثياب الغالبينا .
- في معركة ذات الكهارب مازيمبي بالخمسة غالب
- في وجود سيدا وديدا موبوتو خلي الهلال علي الحديدا
- مازيمبي يا قاسي يا الضربك خماسي .
|
Post: #4
Title: Re: أجمل النكات والتعليقات علي هزيمة الهلال
Author: زهير الزناتي
Date: 10-06-2009, 01:07 PM
Parent: #3
- سادومبا طلع بمبة
- كابوندي فاتح كوبري
- المقبرة بققت محرقة
هذه غير تلك لاتي لا تصلح للنشر ..
ونواصل
|
Post: #5
Title: Re: أجمل النكات والتعليقات علي هزيمة الهلال
Author: محمد عيد
Date: 10-06-2009, 01:09 PM
Parent: #3
ابو الزوز .. يا زول يا رائع ...
أحيى فيك روحك العاليـــة ..
وليت هكذا كان ديدن الجميع .. لما كنا فى وجل الآن ..
مما قد تسببه مثل هذه الاحداث من شروخ فى جسم النسيج الاجتماعى لنا ..
تعرف اعجبنى جدا تناول مزمل ابو القاسم فى عموده اليوم للوضع ولخروج العملاقين
واعتقد بأنه يستحق التحية على ذلك .. فما كان الجميع يتوقعه منه ...
ان يكون أكثر الشــامتين على هزيمة الهلال ..
ولكنه أثبت انه بالفعل قلم مؤثر ومسئول ... ما رأيك ؟
|
Post: #6
Title: Re: أجمل النكات والتعليقات علي هزيمة الهلال
Author: dardiri satti
Date: 10-06-2009, 01:14 PM
Parent: #5
Quote: تعرف اعجبنى جدا تناول مزمل ابو القاسم فى عموده اليوم للوضع ولخروج العملاقين
|
ممكن تجيبه لينا؟؟
تحياتي
|
Post: #7
Title: Re: أجمل النكات والتعليقات علي هزيمة الهلال
Author: زهير الزناتي
Date: 10-06-2009, 01:18 PM
Parent: #5
الهزيمة في كرة القدم أمر طبيعي كما قلت قبل ذلك ولا يوجد فريق لا يهزم
لذا كما نتوقع النصر نتوقع الهزيمة .. رغم أن هنالك هزائم لها وقع
سئ علي النفس كهزيمة الأحد ، لم يتوقع أحد هزيمة الهلال ناهيك عن الخسارة
بهذا الكم المهول من الاهداف ...
السخرية سلاح لنسيان مرارة الواقع . تلجأ إليه الشعوب أوان الازمات ..
مزمل أبو القاسم لم أقرا عموده اليوم ، ولكني قرأت عمود الامس
أي صباح المباراة ،، في إعتقادي الخاص أن مزمل من افضل الكتاب
الرياضيين إن لم يكن أفضلهم علي الإطلاق وقلت هذا الكلام في بوست
سابق ، وقلت بأن الصحافة فقدت قلم عملاق ، وكسب المريخ مشجع عادي ..
عادة ما يكون مزمل واقعي وموضوعي بعد المباريات التي يخسر فيها المريخ
وهذه محمدة أن يكون موضوعي بعد خسارة الهلال أيضاً ، ليته تبني الموضوعية
علي الدوام حتي نسترجع صحافي عملاق ، انا من المتابعين لمزمل منذ صحيفة
المشاهد ولا زال في الكثير من الأحيان رأي فيه إيجابي ، يكفي مزمل وخالد
عز الدين نقلهما للصحافة الرياضية من صحافة أفراد إلي صحافة أندية وهي
خطوة للإمام من أجل صحافة تلتزم المهنية والحياد ... مع ودي لك صديقي محمد عيد
|
Post: #8
Title: Re: أجمل النكات والتعليقات علي هزيمة الهلال
Author: زهير الزناتي
Date: 10-06-2009, 01:23 PM
Parent: #7
دا البوست الذي ورد فيه عمود الأستاذ مزمل أبو القاسم
كبيبر كبير يا مزمل ابوالقاسم
|
Post: #10
Title: Re: أجمل النكات والتعليقات علي هزيمة الهلال
Author: Hisham Ibrahim
Date: 10-06-2009, 01:51 PM
Parent: #9
أحلى ما سمعتو
أنو صلاح إدريس في الصباح صّرح وقال
ما عارف الجماهير الهلالية دي حا تحتفل بي النصر كيف ؟
التانية ديل رسلها ماسنجر يا عـمك !!
هشام
|
Post: #11
Title: Re: أجمل النكات والتعليقات علي هزيمة الهلال
Author: زهير الزناتي
Date: 10-06-2009, 03:37 PM
Parent: #10
شكرا يا حنين علي الرابط وهو ايضا في إطار السخرية من أبناء عمنا
ياخي في كاريوكتير عجبني جدا فيهو كواريزما مع الديبة والجهاز الفني
عليك الله كان لقيتو جيبوا معاك رهيب عديل كده
|
Post: #12
Title: Re: أجمل النكات والتعليقات علي هزيمة الهلال
Author: معتصم جعفر
Date: 10-06-2009, 03:49 PM
Parent: #11
تعرف يا ابو الزوز بحكى واحد صديق كان بالاستاد انو بعد الكوره قعد متمحن لايقوى على الخروج من الاستاد الى ان طردهم
رجال الشرطه وضحك قائلا كانت احلام ظلوط0
|
Post: #13
Title: Re: أجمل النكات والتعليقات علي هزيمة الهلال
Author: يسن ابوالمجد
Date: 10-06-2009, 04:03 PM
Parent: #12
بكره يوم 5 عازمك غدا الساعه 5 في شارع 5
في فندق 5 نجوم يا حبيب ما نسي انا انا
الساعة 5 ...
صادف من الصدف انو تاني يوم من المبارة يكون يوم 5 باييييييييييييييي
|
Post: #14
Title: Re: أجمل النكات والتعليقات علي هزيمة الهلال
Author: MOHAMMED ELSHEIKH
Date: 10-06-2009, 06:31 PM
Parent: #13
البحر ياخد عوامو والمقبرة تدفن مراحيمها
|
Post: #15
Title: Re: أجمل النكات والتعليقات علي هزيمة الهلال
Author: زهير الزناتي
Date: 10-06-2009, 07:32 PM
Parent: #14
والله يا هشام ريسنا دا باع لينا حبال بلا بقر
ولسه الراجينا قدام كتير
|
Post: #16
Title: Re: أجمل النكات والتعليقات علي هزيمة الهلال
Author: khaleel
Date: 10-06-2009, 07:36 PM
Parent: #15
دي من اخوك خليل يا ابو الزهور
الهلال يضع خمسة توائم والتلقيح داخل المقبرة
|
Post: #17
Title: Re: أجمل النكات والتعليقات علي هزيمة الهلال
Author: زهير الزناتي
Date: 10-06-2009, 09:18 PM
Parent: #16
الريس معتصم والله كاريكتير رهيب ...
فعلاُ يوم المباراة كان كل السخط من الكهرباء والهزيمة النكراء
وحملت للأسامتين ...
|
Post: #18
Title: Re: أجمل النكات والتعليقات علي هزيمة الهلال
Author: محمد حيدر المشرف
Date: 10-06-2009, 10:06 PM
Parent: #17
أجملها ( لو بخمسه )..
|
Post: #19
Title: Re: أجمل النكات والتعليقات علي هزيمة الهلال
Author: زهير الزناتي
Date: 10-06-2009, 10:13 PM
Parent: #17
يسن بالطريقة دي يعني الله يستر علينا من مباراة يوم 18
|
Post: #20
Title: Re: أجمل النكات والتعليقات علي هزيمة الهلال
Author: محمد حيدر المشرف
Date: 10-06-2009, 10:20 PM
Parent: #19
حتبقى ..
لو ب ( 18 )
|
Post: #21
Title: Re: أجمل النكات والتعليقات علي هزيمة الهلال
Author: عبد الحكيم نصر
Date: 10-06-2009, 10:44 PM
Parent: #20
اب شنب يا صديق
لو تناول كل الهلالاب باريحيتك
لما كانت هذه الشماتة...
تعرف يا زهير كنت مريخابي علي السكين
ومتعصب بطبعي النوبي الحامي,,,
سنة89 المريخ فاز بكاس مانديلا وكنت في شقة في شارع
مولد النبي..وبعافر اجيب اذاعة ام درمان ومع ركلات الترجيح
البث انقطع.......تعرف مشيت السنترال واتصلت وكلموني ان المريخ
شال الكاس ....تاني يوم الصباح فك برقية لنادي المريخ(لقد اثلجتم
صدورنا قف سيروا ونحن من خلفكم.....انتصاركم نصر للشعب السوداني
قف..........قف المهم البرقية كلفتني حوالي 2جنيه)
بتاع البوستة سالني من العنوان فقلت ليهو نادي المريخ العرضة شمال.
بعد يومين مشيت المحروسة وفي باب الحديد اشتريت جرائد سودانية
وركبت القطر......المريخ يهدي الكاس لثورة الانقاذ!!!!!!!!
سامي عزالدين...لو لا الانقاذ لما كان الكاس...الانقاذ وجه سعد
,,,,,,,,,,,,,,,
يا ولاد الكلب .المريخ لعب كم مباراة في عهد الانقاذ
اصبت بحالة من الغثيان لم تفارقني للان..
فارقت تشجيع المريخ..
ما افعله الان مجرد فراغ.فراااااااااااااااااغ
|
Post: #22
Title: Re: أجمل النكات والتعليقات علي هزيمة الهلال
Author: زهير الزناتي
Date: 10-06-2009, 11:23 PM
Parent: #21
محمد الشيخ ...
ستظل المقبرة مقبرة لنا ولسوانا
|
Post: #23
Title: Re: أجمل النكات والتعليقات علي هزيمة الهلال
Author: زهير الزناتي
Date: 10-06-2009, 11:57 PM
Parent: #22
يا خلي إنت وصاحبك تعليقاتهم مالا شترا ، أمبارح رسل
رسالة لغاية حسع بضحك فيها ... هاك دي من بوست عزاز
Quote: لما كانت تلاته قالو ماااا ,, زيسكو ..
لما بقت أربعه قالو ماااا ,, الصفاقسي ..
لما بقت خمسه (والعياذ بالله) قالو ..ماااا ,, زيمبي |
شفت المريخاب أخدوا راحتهم كيف .. الله يجازي اللي كان السبب ...
بالمناسبة صلاح إدريس في لقاء مع ميرفت في قناةالنيل الأزرق
حضرت الجزء الأخير منه في رده علي سؤال حول أسباب الخسارة
قال لا زلنا نبحث ونبحث ، حينما أحس بأن هذه الإجابة
ستفتح عليه أبواب الجحين أردف بقوله ليس كل ما يعرف يقال ...
|
Post: #24
Title: Re: أجمل النكات والتعليقات علي هزيمة الهلال
Author: زهير الزناتي
Date: 10-07-2009, 00:07 AM
Parent: #23
المشرف ....
لو بـ (18) ما جايا مع القافية
رايك شنو في أغنية وردي
تسعتاشر سنة عمر الزهور عمر الهنا
|
Post: #25
Title: Re: أجمل النكات والتعليقات علي هزيمة الهلال
Author: زهير الزناتي
Date: 10-07-2009, 00:21 AM
Parent: #24
تعرف يا حكيم حكاية لخبطة الرياضة بالسياسة دي تضيع الرياضة
وما بتفيد السياسة . يعني فريق زي المريخ ولا الهلال بيجمع
كل ألوان الطيف السياسي والثقافي والأثني والإجتماعي وفيهو
كل التنوع الموجود في السودان تقوم تجي جهة عشان تستولي
عليهو ، وتحاول تتكسب سياسياً منه ، بتفقد الفريق روحه
وبتفقد الرياضة سموها وجمالها ، في كل الدنيا دي ما سمعنا
بفريق يعبر عن حزب سياسي أو غيره رغم إنه في فرق بتعبر عن
قوميات زي برسلونة ، وأتليتكو بلباو ، إلا إنه ناس برشلونة
قادرين علي النأي بفريقهم من العنصرية والفريق يدار بعقلية
منفتحة علي الآخر والدليل إنه الفريق بيضم عدد كبير من الأجانب
من مختلف القارات . وقاعدة مشجعيه في كل أنحاء المعمورة ،
حتي الموقع الإلكتروني ناطق بعدد كبير من اللغات بما فيها
العربي ، ما فضل ليهم إلا اللغة النوبية ... طيب فريق زي
دا لازم يكون فريق كبير ، عكس فريق أتليتكو بلباو المتقوقع
داخل إقليم الباسك ، ولم يلعب له لاعب طيلة تاريخ الفريق
من خارج الإقليم عدا اللاعب الفرنسي لازارازو علي ما أعتقد لو
لم تخني الذاكرة ، ليكتشف الناس أن اللاعب نفسه ينتمي لإقليم
الباسك الفرنسي ، ويتخيل لي بتكون في أسباب تاريخية وسياسية
إرث ضخم من المرارات جعل هؤلاء الناس يتقوقعون داخل إقليمهم
النتيجة أن الفريق من الفرق غير الفعالة في الدوري الإسباني
ولم يخدم قضية الإقليم باي شكل من الأشكال .
الرياضة ياصديقي تبقي الرياضة بقوانينها الخاصة بها ، لتبقي
إثارتها سر جمالها . ويظل الهلال أو المريخ يعبران عن السودان
المتنوع .
|
Post: #26
Title: Re: أجمل النكات والتعليقات علي هزيمة الهلال
Author: زهير الزناتي
Date: 10-07-2009, 07:09 AM
Parent: #25
|
Post: #27
Title: Re: أجمل النكات والتعليقات علي هزيمة الهلال
Author: اسعد صلاح البدري
Date: 10-07-2009, 08:14 AM
Parent: #26
| Quote: المريخ يهدي الكاس لثورة الانقاذ!!!!!!!! |
معروووف من زماااااان
المريخ
فريق المؤتمر الوطني
|
Post: #28
Title: Re: أجمل النكات والتعليقات علي هزيمة الهلال
Author: زهير الزناتي
Date: 10-07-2009, 01:01 PM
Parent: #27
الصديق أسعد
المريخ فريق الوطن وكل السودان
أهل المؤتمر الوطني هم من يحاول السيطرة والإستيلاء عليه ...
|
Post: #29
Title: Re: أجمل النكات والتعليقات علي هزيمة الهلال
Author: نيازي عبدالله مرحوم احمد
Date: 10-07-2009, 02:02 PM
Parent: #28
زهير يا جبيب
غدوه والله انت
تسلم
|
Post: #30
Title: Re: أجمل النكات والتعليقات علي هزيمة الهلال
Author: غادة عبدالعزيز خالد
Date: 10-07-2009, 02:17 PM
Parent: #29
أحد الأصدقاء تلقى كم من الرسائل عقب المباراة
واحدة منها: عندي رقم خاص لو عاوز تشتريهو مني (خمسة خمسات)
الثاني: والله انا زعلان عندي قريبي اتوفى الساعة خمسة
كفارة يا زهير
|
Post: #31
Title: Re: أجمل النكات والتعليقات علي هزيمة الهلال
Author: زهير الزناتي
Date: 10-07-2009, 08:56 PM
Parent: #30
نيازي يا حبيب شكراً
وإنشاء الله ما نجيبكم في غلبة زي دي ...
|
Post: #32
Title: Re: أجمل النكات والتعليقات علي هزيمة الهلال
Author: زهير الزناتي
Date: 10-07-2009, 09:38 PM
Parent: #31
|
Post: #33
Title: Re: أجمل النكات والتعليقات علي هزيمة الهلال
Author: زهير الزناتي
Date: 10-07-2009, 10:09 PM
Parent: #32
غادة كفر الله سيئاتك ..
وإنشاء الله ما نجيك في كعب
ولا غلب صعب
بالخمسة إتلعب ..
|
Post: #34
Title: Re: أجمل النكات والتعليقات علي هزيمة الهلال
Author: زهير الزناتي
Date: 10-08-2009, 07:27 AM
Parent: #33
غدار دموعك ما بتفيد في زول شباكو أتخمست
بوست للأخت هويدا شرف الدين
|
Post: #35
Title: Re: أجمل النكات والتعليقات علي هزيمة الهلال
Author: فايزودالقاضي
Date: 10-08-2009, 08:46 AM
Parent: #34
زهير ... سلامات ...
رسالة من عماد شريف من الدوحة ..
الهلال قرر ترقية المعز من حارس مرمى الى حارس مخزن ..
وتانيه ..
زين تقاضي الهلال حول سرقة شعارها ( الشبكة الاوسع ) ..
تلفونك الآخرو 80 مقفول طوالي ...لو غيرته رسل الجديد في الخاص ..
ودي ،،
|
Post: #36
Title: Re: أجمل النكات والتعليقات علي هزيمة الهلال
Author: زهير الزناتي
Date: 10-08-2009, 08:59 AM
Parent: #35
ود القاضي غايتو القون الخامس دا ذكرني أقوان زيسكو في المريخ
وأضل سبيلا ...
|
Post: #37
Title: Re: أجمل النكات والتعليقات علي هزيمة الهلال
Author: جمال الباقر
Date: 10-08-2009, 09:25 AM
Parent: #36
انتو الخمسة دي حق هنا وهناك ولا الهلال برضو مسافر هناك ؟؟؟؟؟
|
Post: #38
Title: Re: أجمل النكات والتعليقات علي هزيمة الهلال
Author: زهير الزناتي
Date: 10-08-2009, 09:36 AM
Parent: #37
لا يا حبيب دي الكوتة المحلية ...
لكن إنشاء الله تكون كوت المبارتين ....
|
|