Post: #1
Title: انتو قايلين الهلالابي دا من جزر القمر ؟؟؟ (بوست اعتذار لكل سوداني ) ..
Author: داليا الكباشى
Date: 10-06-2009, 11:12 AM
والله فتشت لي كلمات بالعربي الفصيح ...
لكن والله غلبني البكتبو ... انا زعلانه شديد ...
عشان الحاجات الشينه اللي حصلت في المنبر ولسه قاعده تحصل من اول امبارح ...
احر حاجه في الدنيا انو اخوك , ابوك , ود عمك , ود جيرانكم المتربي معاك في نفس الضل ... يشمت فيك ...
يضحك عليك ... يضحك على ود بلدو .. ويقول انا بشجع الاغراب ...
بتشجع منو يا السجمان ..؟؟؟ انت بتراهن ضد بلدك ؟؟؟
|
Post: #2
Title: Re: انتو قايلين الهلالابي دا من جزر القمر ؟؟؟ (بوست اعتذار لكل سوداني ) ..
Author: داليا الكباشى
Date: 10-06-2009, 11:13 AM
Parent: #1
(عذرا على الوجه الضاحك .. بس والله جا بالغلط .. ما عرفت اعدلو كيف ) ... عذرا ..
|
Post: #3
Title: Re: انتو قايلين الهلالابي دا من جزر القمر ؟؟؟ (بوست اعتذار لكل سوداني ) ..
Author: فيصل نوبي
Date: 10-06-2009, 11:15 AM
Parent: #2
دلوشة يا رايقة..
الهلالابي ما بيشبه السفوة ..
عشان كده شمتانين فوقو
و الدائرة تدور ..
|
Post: #5
Title: Re: انتو قايلين الهلالابي دا من جزر القمر ؟؟؟ (بوست اعتذار لكل سوداني ) ..
Author: الصادق صديق سلمان
Date: 10-06-2009, 11:19 AM
Parent: #3
يا داليا
الكبير كبير وكبير كمان
والهلال هو المعلم في البلد
وهو قاهر الأبطال في مقبرتنا العظيمة والعظمة للواحد الأحد.
ابوفتحية
|
Post: #4
Title: Re: انتو قايلين الهلالابي دا من جزر القمر ؟؟؟ (بوست اعتذار لكل سوداني ) ..
Author: داليا الكباشى
Date: 10-06-2009, 11:18 AM
Parent: #2
ما حدث اول البارحه .. عقب انتهاء مباره الهلال ومازنبي لهو العيب بعينه ...
كل ما حدث من مظاهر احتفال ورقيص وغنا في الشوارع , بل انا البعض عمد الى افتعال (صلاه جنازه وهميه) في عرض الشارع ...!!!
من هؤلاء الذين نشمت بهم ؟؟ اوليسوا هم ابناء عمومتنا واخوتنا الذين سلكوا تلك البطوله ليرفعوا اسم السودان عاليا ...؟؟؟
يا جماعه ... ليه نشمت في بعض ؟؟؟
ليه ما نزعل كلنا عشان دا سوداني اتغلب ؟؟؟ هلالابي , مريخابي , من العصمه الكاملين , المهم سوداني ... سوداني وكان بيمثلني وبيمثلك ...
|
Post: #6
Title: Re: انتو قايلين الهلالابي دا من جزر القمر ؟؟؟ (بوست اعتذار لكل سوداني ) ..
Author: وليد محمد المبارك
Date: 10-06-2009, 11:20 AM
Parent: #4
لالا قايلنو جاي من الاردن
|
Post: #7
Title: Re: انتو قايلين الهلالابي دا من جزر القمر ؟؟؟ (بوست اعتذار لكل سوداني ) ..
Author: داليا الكباشى
Date: 10-06-2009, 11:22 AM
Parent: #4
Quote:
دلوشة يا رايقة..
الهلالابي ما بيشبه السفوة ..
عشان كده شمتانين فوقو
و الدائرة تدور .. |
نوبي يا صحبي ...
ما دايرين نقول هلالابي وصفوه وزعيم وما بعرف شنو ...
دايرين نقول سوداني ...
سوداني .. وجاتو محنه .. ما بتكرم اخوك في المحنه يا نوبي ؟؟؟ اخوك اللي اتغلب من الاغراب ؟؟؟ ما بتكرمو ؟؟؟ وبي فراراك تجيهو من جوه ؟؟؟؟
نوبي ...
لو المريخ , لو الهلال ... تعالوا نتعلم نحب السودان ... مين ما كان يمثلوا ... مين ما كان ... ما ممكن ؟؟؟؟
|
Post: #8
Title: Re: انتو قايلين الهلالابي دا من جزر القمر ؟؟؟ (بوست اعتذار لكل سوداني ) ..
Author: طلحة عبدالله
Date: 10-06-2009, 11:22 AM
Parent: #4
Quote: اوليسوا هم ابناء عمومتنا واخوتنا
|
جنبي مريخابي قال ليك حواء آدم ما بلمونا فيهم .
|
Post: #9
Title: Re: انتو قايلين الهلالابي دا من جزر القمر ؟؟؟ (بوست اعتذار لكل سوداني ) ..
Author: داليا الكباشى
Date: 10-06-2009, 11:25 AM
Parent: #8
Quote:
يا داليا
الكبير كبير وكبير كمان
والهلال هو المعلم في البلد
وهو قاهر الأبطال في مقبرتنا العظيمة والعظمة للواحد الأحد.
ابوفتحية |
يا اخونا نحن بنقول في شنو وانتو بتقولوا في شنو ؟؟؟؟؟؟
الهلال دا سوداني مش؟؟؟ خلاص نحن بس بنشجعوا عشان كدي ...؟؟؟ سمح الكلام ابوي ؟.؟؟؟
|
Post: #11
Title: Re: انتو قايلين الهلالابي دا من جزر القمر ؟؟؟ (بوست اعتذار لكل سوداني ) ..
Author: وليد محمد المبارك
Date: 10-06-2009, 11:27 AM
Parent: #9
| Quote: وهو قاهر الأبطال في مقبرتنا العظيمة والعظمة للواحد الأحد. |
المفارقة انه اكبر هزيمة في بطولة افريقية في المقبرة تلقاها الهلال نفسه
|
Post: #10
Title: Re: انتو قايلين الهلالابي دا من جزر القمر ؟؟؟ (بوست اعتذار لكل سوداني ) ..
Author: وليد محمد المبارك
Date: 10-06-2009, 11:25 AM
Parent: #8
ما كتير حا ادفع
رصيدي ما حا يقطع
* (خمسة )* ...
واحد #
|
Post: #12
Title: Re: انتو قايلين الهلالابي دا من جزر القمر ؟؟؟ (بوست اعتذار لكل سوداني ) ..
Author: داليا الكباشى
Date: 10-06-2009, 11:27 AM
Parent: #10
Quote: ما كتير حا ادفع
رصيدي ما حا يقطع
* (خمسة )* ...
واحد # |
هوووي يا وللي ... نحن اسي بنصلح في الحلاجات وانت بتجوط فيها ...
خلي الحركات ..تعال كلنا نبقى سودانيين ... الليله بس ... ما ممكن ؟؟؟
|
Post: #13
Title: Re: انتو قايلين الهلالابي دا من جزر القمر ؟؟؟ (بوست اعتذار لكل سوداني ) ..
Author: وليد محمد المبارك
Date: 10-06-2009, 11:28 AM
Parent: #12
نبدا من كورة المريخ ممكن
|
Post: #14
Title: Re: انتو قايلين الهلالابي دا من جزر القمر ؟؟؟ (بوست اعتذار لكل سوداني ) ..
Author: HAIDER ALZAIN
Date: 10-06-2009, 11:31 AM
Parent: #13
والله دي نظرة رومانسية خالص يا داليا ....
اسهل منها تقولي بطلوا كورة
|
Post: #15
Title: Re: انتو قايلين الهلالابي دا من جزر القمر ؟؟؟ (بوست اعتذار لكل سوداني ) ..
Author: داليا الكباشى
Date: 10-06-2009, 11:32 AM
Parent: #13
Quote: : اوليسوا هم ابناء عمومتنا واخوتنا
جنبي مريخابي قال ليك حواء آدم ما بلمونا فيهم . |
تصدق يا طلحه ما على كيفي ... ولا على كيفك ... وعلى كيف الزول الجمبك دا ...
يا جماعه .. نخلي الونسه العارفنها ما حقيقيه ...نجي للجد.. يمكن ابوك مريخابي .. يمكن اخوك هلالابي ... لكن مش كلكم اولاد البلد دي ؟؟؟ خلاص بس ابقو اولاد الوطن دا ...
ما تتحزبوا .. كفايه انصاري وسني وشيعي وما بعرف شنو دي ... ابقى سوادني ... وبس ..
|
Post: #18
Title: Re: انتو قايلين الهلالابي دا من جزر القمر ؟؟؟ (بوست اعتذار لكل سوداني ) ..
Author: داليا الكباشى
Date: 10-06-2009, 11:35 AM
Parent: #15
Quote: والله دي نظرة رومانسية خالص يا داليا ....
اسهل منها تقولي بطلوا كورة |
ليه ؟؟؟؟ ليه تبطل كوره ..؟؟؟ ليه نظريه رومانسيه ؟؟؟ مش ممكن نحقق حاجه بس بالكلام البسيط اللي في البوست العفيييين دا في بورد بكري دا ؟؟؟
تعال نتقتنع انا وانت ... والباقين بيجوا ورانا .. بيجوا يا حيدر .. انت قايلهم ديل منو ؟؟ ديل ما سودانيين .. زيي وزيك ... وبس ..
|
Post: #17
Title: Re: انتو قايلين الهلالابي دا من جزر القمر ؟؟؟ (بوست اعتذار لكل سوداني ) ..
Author: فايزودالقاضي
Date: 10-06-2009, 11:34 AM
Parent: #10
داليا .. سلامات ..
والله انت والناس الفاهمين الكورة بفهمك كده هم المصعبين الشغلة على نفسهم ...في النهاية هي كورة وليست قضية تستوجب الوطنية او الوحدة واليد الواحدة والكلام الاسموا ظريف ... هي مجموعة بتاعة ناس كبار يمارسوا عوارة ويسكوا ليهم كورة منفوخة يانفختهم يانفستهم ...شفت كيف ؟!! .. ومادام مافي شتم لا مانع من الشمت .. وانا شخصياً بشجع الكورة الحلوة .. ولقيتها عند المريخاب وصدقيني لو لقيتها عند الهلال كان شجعته ...
خدي الامور ايزي وفي النهاية هي حبة هوا لافينو وسموه كورة ...
وخمسة تمام ...وانا اول الشامتين ..
|
Post: #21
Title: Re: انتو قايلين الهلالابي دا من جزر القمر ؟؟؟ (بوست اعتذار لكل سوداني ) ..
Author: داليا الكباشى
Date: 10-06-2009, 11:52 AM
Parent: #17
الاخ فايز ود القاضي ... تحياتي ..
| Quote: في النهاية هي كورة وليست قضية تستوجب الوطنية او الوحدة واليد الواحدة والكلام الاسموا ظريف |
تصدق انو الكوره .. كره القدم بالذات من اعمق القضايا الوطنيه في العالم .. عشان كده كل منتخب بيلبس الوان علم بلادو ... عشان كده قبل كل مباره بين منتخبين بيعزف النشيد الوطني
ويضع اللاعبون ايديهم على مكان القلب وهم يرددون هذا النشيد .. وكمان البرتكول يلزم الفريق المضيف انو يعزف النشيد الوطني للضيف ...
| Quote: مجموعة بتاعة ناس كبار يمارسوا عوارة ويسكوا ليهم كورة منفوخة ياتنفخهم ياتنفسهم ...شفت كيف ؟!! |
طيب ما دام كده .. ليه القومه والقعده في المنبر وخارج المنبر دي ؟؟؟ لي الزعل والنفخه والكواريك والمشاكل دي ؟؟؟
| Quote: مادام مافي شتم لا مانع من الشمت |
للاسف الشديد الشتم اصبح عااااادي ... تجول في البوستات اخي فايز .. انظر الى المستوى الذي يتحدث به بعض الاعضاء وكأن قراءه البوستات محصوره على الاعضاء فقط .. والرجال كمان!!
بعض البوستات التي انزلها اصحابها منتصف الليل او في الصباح الباكر قام بكري بحذفها لما تحتويه من الفاظ خارجه ... ما رايك في ذلك ؟؟؟؟
|
Post: #23
Title: Re: انتو قايلين الهلالابي دا من جزر القمر ؟؟؟ (بوست اعتذار لكل سوداني ) ..
Author: فايزودالقاضي
Date: 10-06-2009, 11:59 AM
Parent: #21
Quote: للاسف الشديد الشتم اصبح عااااادي ... تجول في البوستات اخي فايز .. انظر الى المستوى الذي يتحدث به بعض الاعضاء وكأن قراءه البوستات محصوره على الاعضاء فقط .. والرجال كمان!!
بعض البوستات التي انزلها اصحابها منتصف الليل او في الصباح الباكر قام بكري بحذفها لما تحتويه من الفاظ خارجه ... ما رايك في ذلك ؟؟؟؟ |
القصد من كلامي انها في النهاية كورة ماتستحق مننا نشتم بعض ولا نهين بعض وكمان القرقرة والشماته تكون في حدود الادب وهي ونسة نقضي بيها وقت ليس الا بدليل الناس متواصلة وتضحك خارج حدود المنبر وده دليل انها لايمكن تؤثر في شكل علاقاتها الاجتماعيه ...
رايك شنو تجي المريخ بدل يعذبوك الجماعة ديل ويحرقوا دمك ... لو جايه اخير تجي قبل مباراة الذهاب ..
ودي ،،
|
Post: #16
Title: Re: انتو قايلين الهلالابي دا من جزر القمر ؟؟؟ (بوست اعتذار لكل سوداني ) ..
Author: هواري نمر
Date: 10-06-2009, 11:33 AM
Parent: #8
داليا...
تحياتي...
انا مريخــــــــــــــــابي!
و توقفت عن التشجيع من زمن....!!
وما يحصل الان في السودان..
شئ معيب و فير مرضي..
الهلال و المريخ......المريخ و الهلال
وجهان لعملة واحدة...
التعصب الاعمي... والافراط في حب الاندية
وعلـــــــــــي حســـــــــــاب الفريق القــــــــومي
وبالتالي علي حســـــــــــــــاب كرة القدم
والرياضة عموما!!!!!!
الاعلام الرياضي يساعد علي التعنصر خلف الفريق,وكتاب الاعمدة صارو مشجعين..
بلدنا زادت عنصرية وجهوية و قبلية حتي في الرياضة و التي كان من المفترض ان ,تساعد علي
الوئام و الوحدة و التجانس...
ولكن؟؟؟؟؟؟؟؟؟
اعملي جولة سريعة علي الموقع..
واعرفي الحاصل......
تعصب من هنا..وتعصب مضاد من هناك..
والفاتحــــــــــــــــــــــــة علي الروح الرياضية..
وعلي الرياضة...
كل احترامي..
|
Post: #19
Title: Re: انتو قايلين الهلالابي دا من جزر القمر ؟؟؟ (بوست اعتذار لكل سوداني ) ..
Author: وليد محمد المبارك
Date: 10-06-2009, 11:40 AM
Parent: #16
هو يا داليا
ده شي عام وشي دولي ما حاجة خاصة بالسودان ما تنظروا لينا ساكت
معروف ان اي فريقين متنافسين يشجعون لا يشجعون الاخر ابدا
هنا في مصر في السعودية في برطانيا
ده شي عام
وده المدي كورة القدم دي رونقها ومخليها اللعبة الشعبية الاولى
مافي علاقة بين الكورة والوطنية
|
Post: #26
Title: Re: انتو قايلين الهلالابي دا من جزر القمر ؟؟؟ (بوست اعتذار لكل سوداني ) ..
Author: داليا الكباشى
Date: 10-06-2009, 12:01 PM
Parent: #19
Quote: هو يا داليا
ده شي عام وشي دولي ما حاجة خاصة بالسودان ما تنظروا لينا ساكت
معروف ان اي فريقين متنافسين يشجعون لا يشجعون الاخر ابدا
هنا في مصر في السعودية في برطانيا |
وليد يا صحبي ...
ابوي مريخابي على السكينه ... لمن كنا في السعوديه كان الهلال السوداني لمن يلعب مع اي فريق تاني , كلنا في البيت بنشجع الهلال ..!!!
وكمان تاني يوم في المدرسه بنشاكل عديييييييل ...
يا ربي يكون دا الاغتراب سااااااااي ؟؟؟؟
ولا الزمن بقى ماااا الزمن ؟؟؟؟؟؟؟
|
Post: #31
Title: Re: انتو قايلين الهلالابي دا من جزر القمر ؟؟؟ (بوست اعتذار لكل سوداني ) ..
Author: وليد محمد المبارك
Date: 10-06-2009, 12:13 PM
Parent: #26
يا زولة ده الاغتراب ساكت
جدي انا لعب في الهلال
وكان صديق شخصي لي شاخور
اصحاب اصحاب يتونسوا تقولي اخوان
لكن اي واحد فيهم ما بشجع الفريق التاني
ولا حصل علاقتهم اتخربت بسبب الكورة
دي كورة يا داليا كورة
والكورة لعبة كان طارت كان ركت
|
Post: #20
Title: Re: انتو قايلين الهلالابي دا من جزر القمر ؟؟؟ (بوست اعتذار لكل سوداني ) ..
Author: جمال السنوسي
Date: 10-06-2009, 11:42 AM
Parent: #16
داليا
تحياتي
ده فهم مضى عليه الزمن يا داليا مع الاسف
زي ما راح زمن اولاد الحلة الما بجكسوا بنات حلتهم
وزي ما راح زمن النخوة والرجالة والخوة لله في الله بدون منفعة
ده زمن ما فيهو اخوي واخوك
خلينا نحن الهلالاب ديل بنرجع سكان الجحور لجحورهم
ويقعدوا يتفرجوا
وعما قريب الهمبريب بجي
والمطرة بتنزل
وبتغرقهم جوه جحورهم
|
Post: #25
Title: Re: انتو قايلين الهلالابي دا من جزر القمر ؟؟؟ (بوست اعتذار لكل سوداني ) ..
Author: عبود عبد الرحيم
Date: 10-06-2009, 12:00 PM
Parent: #20
Quote: ما دايرين نقول هلالابي وصفوه وزعيم وما بعرف شنو ...
دايرين نقول سوداني |
شكرا يا داليا الكباشي
وتحياتي لكل من يضع السودان فوق الجميع
ود.عمر محمود خالد قال من زماااان
(نحن بنلعب للسودان
لا لجماعة ولا لكيان)
داليا
شكرا ليكي تاني
لانك كنت عند حسن ظني بك ووطنيتك
|
Post: #32
Title: Re: انتو قايلين الهلالابي دا من جزر القمر ؟؟؟ (بوست اعتذار لكل سوداني ) ..
Author: داليا الكباشى
Date: 10-06-2009, 12:19 PM
Parent: #25
الاخ عبود عبد الرحيم ...
تحياتي ...
Quote: نحن بنلعب للسودان
لا لجماعة ولا لكيان) |
تسلم على الكلمات الرقيقه ...
اديتني شويه امل ...
تحياتي ..
|
Post: #28
Title: Re: انتو قايلين الهلالابي دا من جزر القمر ؟؟؟ (بوست اعتذار لكل سوداني ) ..
Author: داليا الكباشى
Date: 10-06-2009, 12:08 PM
Parent: #20
جمال يا صحبي ....
ازيك ... حمد لله على السلامه ....
Quote: ده فهم مضى عليه الزمن يا داليا مع الاسف
زي ما راح زمن اولاد الحلة الما بجكسوا بنات حلتهم
وزي ما راح زمن النخوة والرجالة والخوة لله في الله بدون منفعة
ده زمن ما فيهو اخوي واخوك |
ما تقول كده انشالله الحاجات كلها حا تكون احلى واجمل ...
سودانا دا خيرو كتيييييييير ,,, ونحن والله لسه شايفين في الحاجه الحلوه حقت زمااااان ... وكلو بيبقى اجمل انشالله
بس نساعد بعض ...
تحياتي اليك ... وربنا يجيب الشوفه تاني قريب ..
|
Post: #22
Title: Re: انتو قايلين الهلالابي دا من جزر القمر ؟؟؟ (بوست اعتذار لكل سوداني ) ..
Author: داليا الكباشى
Date: 10-06-2009, 11:56 AM
Parent: #16
الاخ هواري نمر ...
يسلم كيبوردك ...
يديك الف عافيه ...
كلماتك فعلا اثلجت صدري ...
ما زال هناك امل ...
|
Post: #29
Title: Re: انتو قايلين الهلالابي دا من جزر القمر ؟؟؟ (بوست اعتذار لكل سوداني ) ..
Author: صديق الموج
Date: 10-06-2009, 12:10 PM
Parent: #24
بوست غير موفق خالص
اذا كان فيصل نوبى ده زاتو جايب ليك فدودودو
بتاع سفن اب دايس النجمة بى جزمته
ديل ناس ما يشمتوا فيهم،،،،
اذاكان عدم تشجيعنا للهلال يعد خيانه فاشهد ياتاريخ اننى خائن،،،
|
Post: #33
Title: Re: انتو قايلين الهلالابي دا من جزر القمر ؟؟؟ (بوست اعتذار لكل سوداني ) ..
Author: داليا الكباشى
Date: 10-06-2009, 12:25 PM
Parent: #29
ابوي صديق الموج
وبس ...
انت ابوي ما بقدر ازعل منك ...
تسلم لمجرد المرور ....
تحياتي ..
|
Post: #27
Title: Re: انتو قايلين الهلالابي دا من جزر القمر ؟؟؟ (بوست اعتذار لكل سوداني ) ..
Author: وليد محمد المبارك
Date: 10-06-2009, 12:01 PM
Parent: #22
Quote: خلينا نحن الهلالاب ديل بنرجع سكان الجحور لجحورهم
ويقعدوا يتفرجوا
وعما قريب الهمبريب بجي
والمطرة بتنزل
وبتغرقهم جوه جحورهم |
مازمبي كيف ؟
|
Post: #30
Title: Re: انتو قايلين الهلالابي دا من جزر القمر ؟؟؟ (بوست اعتذار لكل سوداني ) ..
Author: HAIDER ALZAIN
Date: 10-06-2009, 12:10 PM
Parent: #27
Quote: ليه ؟؟؟؟ ليه تبطل كوره ..؟؟؟ ليه نظريه رومانسيه ؟؟؟ مش ممكن نحقق حاجه بس بالكلام البسيط اللي في البوست العفيييين دا في بورد بكري دا ؟؟؟
تعال نتقتنع انا وانت ... والباقين بيجوا ورانا .. بيجوا يا حيدر .. انت قايلهم ديل منو ؟؟ ديل ما سودانيين .. زيي وزيك ... وبس .. |
الرياضة قائمة على مبدأ المنافسة يا داليا..
على النصر والهزيمة ..
تكريم المنتصر ..
والشماتة في المهزوم ..
ودا البيعملوها الأخوة الان ..
اذا انعدم حس التنافس يبقي ما بتبقي رياضة ولا في داعي لأعداد اصحابها ..
الخوف من الشماتة والرغبة في النصر والتكريم هي البتدفع اللاعبين ومن خلفهم لبذل المزيد من الجهد..
والغيرة من انجاز الفريق الاخر هي البتخلي في فرحة خفية لمنافسه انه يشمت عليهو ويضحك فيه
اذا اخفق ..
اما الناس دي كلها تشجع نفس الفريق واللون وتقيف معاهو خارجيا باسم الوطنية ..
ما اعتقدها بتتحقق ولا اظنها اتحققت زماااان ..
يآخي حتي في المنتخب الوطني القومي .. المفروض يشمل الوان الطيف الكروية بالبلد كلها
بتلقي ريحة الفرح اذا اجاد لاعب فريقك ولونك وتلقي ريحة الشماتة برضو اذا اخفق اللاعب الاخر.
رغم انهم الاتنين بيلعبو بشعار واحد وباسم الوطن ..
دي طبيعة بشرية ما اعتقد انه ليها علاقة بتدني او علو حس وطني ..
|
Post: #34
Title: Re: انتو قايلين الهلالابي دا من جزر القمر ؟؟؟ (بوست اعتذار لكل سوداني ) ..
Author: فيصل نوبي
Date: 10-06-2009, 12:28 PM
Parent: #30
داليا
زي ما قالو ليكـ فوق ..
دي الطبيعة البشرية ..
الأخوان في البيت أثناء الامتحانات بيكون في منافسة بينهم و مكاواة
و اللي بيحرز درجة أكبر بيكون مبسوط أكتر ..
و اللي بيسقط بيشمتو فيهو تحت تحت ..
اها المريخاب سقطو في الامتحان قبل الهلال و شتتو بدري بدري
الزمن داكـ بيحسبوها كده
لسه باقي ليها تسعة نقاط
تاني قالو لسه ستة نقاط
تاني قالو لسه تلاته
تايني قالو لسه ناقص تلاته
الزمن داكـ أظنهم قايلين الحريق بالناقص ..
_
صعب تعدلي اللون ..
و سيد البلد هو سيد البلد ( لتفوقه في العددية ) و يبقي البقية نجم آفل ..
|
Post: #35
Title: Re: انتو قايلين الهلالابي دا من جزر القمر ؟؟؟ (بوست اعتذار لكل سوداني ) ..
Author: حيدر حسن ميرغني
Date: 10-06-2009, 12:29 PM
Parent: #30
معذرة اختنا داليا
وضعت رابط البوست دون اذن او تعليق ودون قراءة محتوى هذا البوست
ادعم خطك المتوازن
_
بيني وبينك البطيخاب جننونا
|
Post: #36
Title: Re: انتو قايلين الهلالابي دا من جزر القمر ؟؟؟ (بوست اعتذار لكل سوداني ) ..
Author: وليد محمد المبارك
Date: 10-06-2009, 12:29 PM
Parent: #30
يا حيدر الزين
هي لو كده
المحترفين ديل وكت يقابلوا فرق من اوطانهم لو غلبوهم مفروض يعدموهم رميا بالرصاص
|
Post: #38
Title: Re: انتو قايلين الهلالابي دا من جزر القمر ؟؟؟ (بوست اعتذار لكل سوداني ) ..
Author: HAIDER ALZAIN
Date: 10-06-2009, 12:34 PM
Parent: #36
وليد المبارك يا انا ما فهمتك يا انت ما فهمتني ..
انا ضد مسألة الناس تخت الوطنية دي في محل الرياضة ...
وطنيتك ممكن تكون مع الفريق القومي وبس ..
لكن باقي الالوان كل زول يآكل نارو ..
اول امس انغلبنا وشمتوا فينا
وبكرة - اصلكم متعودييين - حا تتغلبوا وبنشمت فيكم ..
وفي الوطن والشارع اخواان اعزاء ..
|
Post: #40
Title: Re: انتو قايلين الهلالابي دا من جزر القمر ؟؟؟ (بوست اعتذار لكل سوداني ) ..
Author: وليد محمد المبارك
Date: 10-06-2009, 12:37 PM
Parent: #38
يا مان انا فاهمك وبدعم في خطك
|
Post: #42
Title: Re: انتو قايلين الهلالابي دا من جزر القمر ؟؟؟ (بوست اعتذار لكل سوداني ) ..
Author: HAIDER ALZAIN
Date: 10-06-2009, 12:41 PM
Parent: #40
استبان يا مان ..
بس انا حيرتني قصة هي لو كدة قلت يمكن اكون خستكت في حتة ..
** بالمناسبة عاوزنكم بعدين في موضوع المريخ وجمهور عطبرة .. بس النبلع الخمسة حبات دي
|
Post: #48
Title: Re: انتو قايلين الهلالابي دا من جزر القمر ؟؟؟ (بوست اعتذار لكل سوداني ) ..
Author: داليا الكباشى
Date: 10-06-2009, 12:58 PM
Parent: #42
حيدر زين ...
الراجل الواعي ...
الاكل لمن يكون في الصينيه بيكون طعام ... لما يترمي في الواطه بيبقى وساخه ...
المكاوه لمن تختلط بالشتايم والالفاظ الجارحه تبقى دي ما كوره ... تبقى حاجه تانيه .. ولا ما كده ؟؟
|
Post: #39
Title: Re: انتو قايلين الهلالابي دا من جزر القمر ؟؟؟ (بوست اعتذار لكل سوداني ) ..
Author: صديق الموج
Date: 10-06-2009, 12:37 PM
Parent: #36
اللهم ياربى نسالك ان لاتجعل قلب مريخابى يحن عليهم يا الله
|
Post: #41
Title: Re: انتو قايلين الهلالابي دا من جزر القمر ؟؟؟ (بوست اعتذار لكل سوداني ) ..
Author: مريم بنت الحسين
Date: 10-06-2009, 12:38 PM
Parent: #36
انا جيت اعلّق على Shaun the sheep... لقيتي مثقفة في برامج الاطفال وmbc3 ....
بالمناسبة، انا اكتشفته ليك انه المكاواة دي اهم جزء من الموضوع عندهم... عشان كده ما تشيليها شديد معاهم..
مجرد كلام.. وبكره المريخ يتعتر... ويجو الهلالاب يقولوا نفس الكلام...
يعني يوم ليك ويوم عليك
|
Post: #43
Title: Re: انتو قايلين الهلالابي دا من جزر القمر ؟؟؟ (بوست اعتذار لكل سوداني ) ..
Author: وليد محمد المبارك
Date: 10-06-2009, 12:42 PM
Parent: #41
| Quote: انا اكتشفته ليك انه المكاواة دي اهم جزء من الموضوع عندهم |
عليك نور يا بت الحسن
اديتيها الفتمين كله
|
Post: #50
Title: Re: انتو قايلين الهلالابي دا من جزر القمر ؟؟؟ (بوست اعتذار لكل سوداني ) ..
Author: داليا الكباشى
Date: 10-06-2009, 01:05 PM
Parent: #41
مريم صحبتي ...
الداير يقول كلللللللللو يقول يا مريومه ...
لكن بس بدون تجريح .. بدون الفاظ ... بدون ما نشتم بعض ....
عشان ما يجي يوم انا وانت ما نقدر نخش البورد دا ... لانو كان في كوره ... !!!
بالمناسبه لقيت mbc 4 شغاااااااااله عندك طوالي ... تحياتي لي محمود ونادر ..
|
Post: #65
Title: Re: انتو قايلين الهلالابي دا من جزر القمر ؟؟؟ (بوست اعتذار لكل سوداني ) ..
Author: طارق أحمد خالد
Date: 10-08-2009, 12:04 PM
Parent: #36
Quote: يا حيدر الزين
هي لو كده
المحترفين ديل وكت يقابلوا فرق من اوطانهم لو غلبوهم مفروض يعدموهم رميا بالرصاص |
يا وليد... صدقت في دي
هي كورة ولعب يجب إلا تفسد ما بين الناس مهما إحتد التنافس.. كما أن الإنتماء للأندية لا يقدح في الوطنية وإلا أصبحأمبيلي خائنا للكونغو وإيداهور خائنا لنيجيريا مثلمايخوت شافي ألونسو أسبانيا بلعبه لليفربول..
لكن أعتقد جازما أنه وفي ظل البزنس أصبحت الصحف الرياضية من الطرفين تسترزق بتأجيج المنافسة بصورة تبعد عن الأخلاق والتنافس الشريف كما أن الصراع الإداري أصبح يبعد عن شرف التنافس.. بالجد قارن لي بين أخلاق وشهامة حسن أبوالعايلة والطيب عبدالله وجرابيع اليومين ديل.
أوافقك في أن المنافسة منافسة والمكاواة مكاواة لكن خطوط التناقس الشريف إتجاوزناها من زمااان.
.....
تخريمة: رأيك شنو في السبعة البترقص دي..
وافر المحبة..
|
Post: #37
Title: Re: انتو قايلين الهلالابي دا من جزر القمر ؟؟؟ (بوست اعتذار لكل سوداني ) ..
Author: معاوية محمد الحسن
Date: 10-06-2009, 12:32 PM
Parent: #30
Quote: يا جماعه ... ليه نشمت في بعض ؟؟؟
|
سؤال جميل ياداليا ..لكن كان يكون لمن كتبت جريدة الهلال وبالخط العريض الثلاثة حلاتة بعد هزيمة المريخ من كانو .
|
Post: #44
Title: Re: انتو قايلين الهلالابي دا من جزر القمر ؟؟؟ (بوست اعتذار لكل سوداني ) ..
Author: حبيب نورة
Date: 10-06-2009, 12:44 PM
Parent: #37
داليا
عجبنا وسرّ بالنا
|
Post: #54
Title: Re: انتو قايلين الهلالابي دا من جزر القمر ؟؟؟ (بوست اعتذار لكل سوداني ) ..
Author: داليا الكباشى
Date: 10-06-2009, 01:27 PM
Parent: #44
حبيب نوره ,,,
البركه في الشوفه ....
تحياتي ...
|
Post: #45
Title: Re: انتو قايلين الهلالابي دا من جزر القمر ؟؟؟ (بوست اعتذار لكل سوداني ) ..
Author: فايزودالقاضي
Date: 10-06-2009, 12:46 PM
Parent: #37
| Quote: اللهم ياربى نسالك ان لاتجعل قلب مريخابى يحن عليهم يا الله |
ولا نشفق عليهم ؟!!!!
|
Post: #46
Title: Re: انتو قايلين الهلالابي دا من جزر القمر ؟؟؟ (بوست اعتذار لكل سوداني ) ..
Author: tmbis
Date: 10-06-2009, 12:48 PM
Parent: #37
والله يا داليـا كلامك دا كتبتو قبل فترررررة في المكان دا .. قبل كم سنة .. الوكت داك الهلال دا براهووو كان بيعافر في المنافسة دي ..
المهم طلعوني ليك الطيش .. قالو لي عديل كدا يا عمي رووووح ..
قلت ليهم ياجماعة الكلام دا والله عيب كدا .. خلونا جوووه نشتغله عك وخمج زي كورتنا .. لكن لما نطلع بي بره .. نخت الكورة واطه ونلعب باص وخانه ..
والله .. وحيات سيد النهار دا .. كنت برمي كلامم دا بي قفاي .. وبشجع المريخ دا لي آخر لحظة غالب أو مغلوب .. وكنت بتحاشى المنبر دا .. وفي اقلام هلاليه بي عينه كانت بتكتب كلام ما ليهو علاقـة بي الرياضة .. وللاسف بتنقل في مشاكل خارجية مفترعنها في مكانات تانية ما ليها علاقة بالبورد دا .. كتبنا ليهم بالخط العريض .. هوي البتعملو فوقو دا ماف داعي ليهو .. دي كورة ما شي تاني ..
برضو طلعونا اي كلام .. بالمناسبة ما كنت بكتب الكلام دا براي .. كتير من الناس الواعية كانت بي خطورة المسالة دي كانت بتكتب ..
معليش في ناس جديدة على المكان دا ماسكه المسالة من حتات محددة .. ومفتكراها انها بدت من هنا .. لا والله .. الكلام دا اتكلمنا فوقو من سنوات ..
والعايز يفتش عن القصة دي .. بس يمشي يفتح في ارشيف المكان دا .. ويبحث عن مسيرة الهلال في بطولة الاندية دي .. ويشوف كمية الكلام الكان بتكتب وصبرو عليهو ناس الهلال على الاقل الواعيين فيهم وللاسف الشديد لقو انو الصبر دا ما بقدرو عليهو ..
غايتو كلامك ما بناباهو يا داليـا .. لنك ح تسمعي ما لذ وطاب عن القصة دي .. وبي اقلامهم ..
|
Post: #47
Title: Re: انتو قايلين الهلالابي دا من جزر القمر ؟؟؟ (بوست اعتذار لكل سوداني ) ..
Author: وليد محمد المبارك
Date: 10-06-2009, 12:52 PM
Parent: #46
| Quote: غايتو كلامك ما بناباهو يا داليـا .. لنك ح تسمعي ما لذ وطاب عن القصة دي .. وبي اقلامهم |
والله يا تمبس حننتني عديل كده ..
قربت ابكي
|
Post: #49
Title: Re: انتو قايلين الهلالابي دا من جزر القمر ؟؟؟ (بوست اعتذار لكل سوداني ) ..
Author: داليا الكباشى
Date: 10-06-2009, 01:01 PM
Parent: #47
اها يا جماعه ....
الناس القالو ما في فايده .......
اول الغيث قطره .....
فيصل نوبي غير الصوره الشينه اللي كان خاتيها .......
شكرا نوبي .. شكرا لانك زول اصيل .... وسوداني كمان .......
|
Post: #52
Title: Re: انتو قايلين الهلالابي دا من جزر القمر ؟؟؟ (بوست اعتذار لكل سوداني ) ..
Author: فيصل نوبي
Date: 10-06-2009, 01:08 PM
Parent: #49
دي مش تلاتة المريخ
و التلاته حلاتها !!
|
Post: #53
Title: Re: انتو قايلين الهلالابي دا من جزر القمر ؟؟؟ (بوست اعتذار لكل سوداني ) ..
Author: tmbis
Date: 10-06-2009, 01:14 PM
Parent: #47
Quote: والله يا تمبس حننتني عديل كده ..
قربت ابكي |
يا دوبك عايز تبكي ؟؟ والله إنت قلبك قاسي خلاص ..
ياخ انا من حداشر سبتمبر دمعتي ما وقفت .. والغريبة ببكي بي عين واحده بس .. 
|
Post: #57
Title: Re: انتو قايلين الهلالابي دا من جزر القمر ؟؟؟ (بوست اعتذار لكل سوداني ) ..
Author: داليا الكباشى
Date: 10-06-2009, 01:40 PM
Parent: #53
Quote: : والله يا تمبس حننتني عديل كده ..
قربت ابكي
يا دوبك عايز تبكي ؟؟ والله إنت قلبك قاسي خلاص ..
ياخ انا من حداشر سبتمبر دمعتي ما وقفت .. والغريبة ببكي بي عين واحده بس .. |
الله يديك العافيه يا تمبس يا ولدي ..... الجنى الاسمو وليد من قبيل جايط لي البوست وما قادره اقبضو ...
بركه الجات منك ... اسي كان انا قلتها كان يقولو دي شنو البت المفعوصه البتتكلم مع السناير (الشفوت) دي .. لوووووووووول
بالمناسبه يا وللي ... كااااااااااااااااااااااااااااااااااك
|
Post: #55
Title: Re: انتو قايلين الهلالابي دا من جزر القمر ؟؟؟ (بوست اعتذار لكل سوداني ) ..
Author: داليا الكباشى
Date: 10-06-2009, 01:36 PM
Parent: #46
| Quote: والله يا داليـا كلامك دا كتبتو قبل فترررررة في المكان دا |
انتم السابقون يا تامبا ..... دي المحريه فيك ... ابو الفهم كلو انت .....
| Quote: وبشجع المريخ دا لي آخر لحظة غالب أو مغلوب |
الله عليك ... الله عليك .....
| Quote: كتبنا ليهم بالخط العريض .. هوي البتعملو فوقو دا ماف داعي ليهو .. دي كورة ما شي تاني .. |
يسلم كيبوردك ...
| Quote: معليش في ناس جديدة على المكان دا ماسكه المسالة من حتات محددة .. ومفتكراها انها بدت من هنا .. لا والله .. الكلام دا اتكلمنا فوقو من سنوات .. |
يا تمبس دي اخلاقك اللي نحن عارفنك بيها .. انا والله ما شفتك في الدنيا دي , وما بعرفك انت منو .. لكن بتابع كتابتك من زمان هنا .. حتى من قبل ما يكون عندي باسويرد
ربنا يديك العافيه ...
اتشرفت بمرورك في البوست ...
تحياتي .. تقديري ...
|
Post: #51
Title: Re: انتو قايلين الهلالابي دا من جزر القمر ؟؟؟ (بوست اعتذار لكل سوداني ) ..
Author: داليا الكباشى
Date: 10-06-2009, 01:07 PM
Parent: #37
معاوية محمد الحسن... تحياتي ...
المباريات الداخليه اعملو فيها الدايرينو .. دا التنافس الطبيعي بين الفرق ....
لكن الهلال كان بيمثل المنتخب الوطني .... كان لازم نقيف كلنا معاهو .... ولا ما كده ...
|
Post: #56
Title: Re: انتو قايلين الهلالابي دا من جزر القمر ؟؟؟ (بوست اعتذار لكل سوداني ) ..
Author: عمار محمد ادم
Date: 10-06-2009, 01:37 PM
Parent: #51
يا الكنغو الهزائم فى بلدنا باقى تقيلى\
والقوون الدخل قذفوه ناس امبيلى
اتنين او تلاتى يا اخوان بشوفها قليلى
كت دايرلى خمسى فى الزنقة شادات حيلى
يا دمعة حزن بالصدمة كبى وسيلى
واندب فيهو حظى والليلى واى الليلى
|
Post: #58
Title: Re: انتو قايلين الهلالابي دا من جزر القمر ؟؟؟ (بوست اعتذار لكل سوداني ) ..
Author: الصادق عوض
Date: 10-06-2009, 01:59 PM
Parent: #51
بت الكباشي ...سنه 2008 ....كانت في مباراه بين ليفربول الانجليزي وانترميلان الايطالي في ميلان ..
.أول ما دخل ليفربول الملعب ...قامت جماهير انترميلان بالتصفيق للفريق.........
كىشكر لهم لهزيمتهم لندهم اللدود أي سي ميلان في نهائي كأس ابطال أوروبا سنة 2005 ...
و داك كان نهائي شهير فاز به الفريق الانجليزي بضربات الجزاء ....
اصلو ما حصل زول قال ديل ما وطنيين ....
مدرب مانشستر يونايتد الانجليزي ...
وقبل مباراه بين ارسنال الانجليزي وفيلاريال الأسباني .....
قام السير أليكس فرجسون بالاتصال بلاعب فيلاريال- ديجو فورلان كان يلعب في فريق مانشستر - ........
و وراهو كيف يفوزو على ارسنال .....
مافي زول قال فرجسون دا خاين.
أنا كنت المريخابي الوحيد في أسره كلها هلالاب ....
المريخ أول ما ينغلب ...أول ناس بشمتو فيني هم....
.و ليهم يومين ما بردو علي مكالمات دوليه ....
هلال مريخ دي بتلم المتناقضين ....
شفتي بعد مكاواة والنبذ د ..ما اظن الهلال دا ياخد 5 تاني ....
i hope they get 5 again and again :)
الوطنيه دي خلوها للفريق القومي
|
Post: #59
Title: Re: انتو قايلين الهلالابي دا من جزر القمر ؟؟؟ (بوست اعتذار لكل سوداني ) ..
Author: Mohamed Foto7li
Date: 10-06-2009, 02:50 PM
Parent: #58
شكرا يا داليا الكباشي
|
Post: #60
Title: Re: انتو قايلين الهلالابي دا من جزر القمر ؟؟؟ (بوست اعتذار لكل سوداني ) ..
Author: داليا الكباشى
Date: 10-07-2009, 07:27 AM
Parent: #59
عندي سؤال ... لكن ما دايره افتح ليهو بوست
طبعا نحن (زوغار وكدي) .. سمعت ليكم امبارح زولين كده بيتكلموا عن حاجه اسمها الرياضه الجماهيريه ؟؟؟؟؟؟؟؟؟؟
قمت قلت ليهم يعني شنو ؟؟؟؟!!!!!
قاموا ضحكوا فيني ... ليه .. ما عارفه
انتوا بالجد .. رياضه جماهيريه يعني شنو؟؟
|
Post: #61
Title: Re: انتو قايلين الهلالابي دا من جزر القمر ؟؟؟ (بوست اعتذار لكل سوداني ) ..
Author: السبع
Date: 10-07-2009, 09:52 AM
Parent: #60
داليا يا أختي سلااااااااااااام مخمس
انت عارفة انه امبيللي وكابوندي كنغوليين ولاعبين مع الهلال ضد مازيمبي
اها يا اختي الوطنية وين هنا
الوطنية فقط للفريق القومي ولما يعزف السلام الوطني
داليا يا اختي انت عارفة انه الاتحاد الافريقي اوقف عزف السلام الوطني في منافسات الاندية
وهل تعلمي لو الهلال فاز بكاس الاندية 30 مرة هذا لا يعتبر انجاز للسودان ولا يساعد في تصنيف السودان لدي الفيفا ولا الكاااااااااااف
ديمبا - ايفوسا - سادومبا - امبيللي - كابوندي (اكيد انت عارفه انه ما سودانيين ) يعني 5 من 11
صدقيني انا فرحااااااااااااااان شديد لهزيمة الهلال وحا افرح زيادة بعد مباراة الاياب
|
Post: #62
Title: Re: انتو قايلين الهلالابي دا من جزر القمر ؟؟؟ (بوست اعتذار لكل سوداني ) ..
Author: نادر الفضلى
Date: 10-07-2009, 10:36 PM
Parent: #61
داليا .. و إنت قايلة المريخاب ديل مخلوقات فضائية من كوكب المريخ!
كتبت بنفسك قبل أسابيع بوستأً يجسد حسك الوطنى هذا ..
بأنك مريخابية تشجعى الهلال فى فى مباراته الأفريقية .. وإنتصر
وفى اليوم التالى .. إنهزم المريخ من فريق أفريقى فى نفس المنافسه
ألم تشهدى .. كيف إحتفل الهلالاب سواء بالمنبر و بالشوارع
بل أحدى صحفهم فى سقوط مريع كان المانشيت العريض لها
(التلاتة حلاتة)! .. و نقلها بعضهم هنا فرحين .. والمبالغة فى
الإحتفاء . والشماته .. وأمور أخر ... !!!!! هى بضاعتهم
ردت لهم مع التخفيف !!!!!
|
Post: #63
Title: Re: انتو قايلين الهلالابي دا من جزر القمر ؟؟؟ (بوست اعتذار لكل سوداني ) ..
Author: علاء الدين صالح
Date: 10-08-2009, 07:50 AM
Parent: #62
دكتورة داليا
تحياتي وتقديري واحتراماتي
كلامِك عين العقُل ودة المفروض يحصل
هذا البوست يحمل في مضمونه تشخيص سليم لحالة مستعصية
ومافي داعي ندفن روسينا في الرملة
ثقافة التشجيع بهذا القدر من التعصُّب تحتاج لإعادة تدوير
ويا ريت كل المشجعين يكون عندهم مثل هذا الفهم الراقي
فُل ستوب
|
Post: #64
Title: Re: انتو قايلين الهلالابي دا من جزر القمر ؟؟؟ (بوست اعتذار لكل سوداني ) ..
Author: معاوية عوض الكريم
Date: 10-08-2009, 08:03 AM
Parent: #63
داليا يا بتنا
هذا يحدث في اغلب بلدان العالم
فعندما هزمنا الاهلى المصرى هنا بالثلاثية فرح عشاف الزمالك فرحا شديدا
لذا اتركيهم يفرحوا فهم غلابا ..
|
Post: #66
Title: Re: انتو قايلين الهلالابي دا من جزر القمر ؟؟؟ (بوست اعتذار لكل سوداني ) ..
Author: MOHAMMED ELSHEIKH
Date: 10-08-2009, 04:14 PM
Parent: #64
Quote: يا الكنغو الهزائم فى بلدنا باقى تقيلى\
والقوون الدخل قذفوه ناس امبيلى
اتنين او تلاتى يا اخوان بشوفها قليلى
كت دايرلى خمسى فى الزنقة شادات حيلى
يا دمعة حزن بالصدمة كبى وسيلى
واندب فيهو حظى والليلى واى الليلى |
عمار قلبت ولا لسع
|
Post: #67
Title: Re: انتو قايلين الهلالابي دا من جزر القمر ؟؟؟ (بوست اعتذار لكل سوداني ) ..
Author: عبدالعزيز الفاضلابى
Date: 10-08-2009, 05:43 PM
Parent: #66
يابت الكباشى ,, انتى بتنفخى ليك فى كورة مقدودة..
هزيمة الهلال خمسة ولا عشرة ماها مشكلة.
هزيمة المريخ سبعة ولا عشرة ماها مشكلة.
مكاواة وبتنتهى ,, ابعد الآجال حين يلعب اى منهما مباراته القادمة.
المشكلة فى لعيبة الفريقين عندما يلعبون للفريق الوطنى. اللى قلتى انهم بيضعوا يدهم اليمنى ,, على القلب حيث يكون الشعور والشعار.. وكأنهم يقولون: ياوطن مكانك صميم الفؤاد. وبعد ان تبدأ المباراة تجدينهم يلعبون بلا مبالاة وكأنهم قبل المباراة قد وضعوا تلك الأيادى على مكان الجيوب. فيثيرون الحنق عليهم ,, وحين يلعبون لفرقهم يجرون فى الملعب كالأسود.
ابحثى اختى عن الوطنية لدى اللاعبين انفسهم ,, ورحم الله الرشيد بدوى حيث افقدوه الوقار فقال قولته التى فتحت عليه ابواب الجحيم.
Give me five
|
Post: #68
Title: Re: انتو قايلين الهلالابي دا من جزر القمر ؟؟؟ (بوست اعتذار لكل سوداني ) ..
Author: معتصم دفع الله
Date: 10-08-2009, 05:54 PM
Parent: #67
يا داليا ..
الهلال دا عشقنا الأبدي ..
نهواه في كل الظروف ..
ولا نلتفت كثيراً للشمات ..
|
|