Post: #1
Title: هـــارد لــــك
Author: محمد سنى دفع الله
Date: 10-06-2009, 11:04 AM
هاردلك مريخ ..
هاردلك هلال..
هاردلك ســودان...
الهلال يلعب في استاده وينهزم ..هاردلك ..
المريخ يلعب في ملعبه نهائي سيكافا ،وينهزم . هاردلك ..
فريقنا القومي ينهزم في كل مباراة بثلاثة اهداف .هاردلك ..
حتى اصبح وامسى الشائع بين ظرفاء المدينة أن رقم هاتف مدرب الفريق السيد مازدا الجوال هو تلاتين تلاته..
واذا اردت الإتصال بهيئة تدريب الفريق الوطني هو تلاته تلاتات ..واذا اي حد حيزعل من كلامنا نقول ليهو من دلوقت .. هاردلك ...
انهزمنا هزيمة تاريخية ، هزيمة حقيقية .. لابي شرف ولا يحزنون . فريق لعب كورة بتاعة علم ، نفذ الخطة بحزافيرها ، استغل كل فرصة اتيحت له بإإقتدار ، لعب كورة وخلانا فراجة، طقطقة لامن تصدعت المواسير ،فريق اعطانا درس حقيق في البذل والعطاء والمثابرة والإجتهاد ..وبالرغم من ده كلو واجهتنا صباح اليوم التالي كلمة ، هاردلك كبيرة ، تصدرت المانيشيتات ، وتوسطت شريط التهاني والأماني والإعلانات الموجود اسفل الشاشة في كل القنوات الفضائية ..خمسة نقاط .....وبعدها هاردلك ..
تيفة التليفة يهدي اغنية لو بخمسة لي عرور العوير ويقول ليهو هاردلك
تنمبوشة المتنفشة تهدي اغنية سار البحر للمنتحر عشوش كربجه معاها اب خمسة دهب اصلي وتقول ليهو الجات في مالك سامحتك( المال اتبرع بيهو لي فريقوا لزوم اللهط واللياقة ) وتقول ليهو هاااارديييي لك ..الجماهير تهنئ بعضها بالهزيمة ، واحد متفائل واقف في الشمس بالرغم من وجود شجرة ظليلة كان من الممكن ان يتفياء بدوحها ، لكن تقول شنو !! يا جماعة هارد لكم هكذا خاطبهم .. وواصل شوفوا براكم شن ينعمل في مباراة الرد .. واحد زعلان قال ليهو : قلت شنو نعمل شنو ومتين ..؟؟مباراة الرد ومنو الحيرد لينا ديل الم.......لالالالا ياخي ما تزعل مافي داعي للزعل والكلام الفارغ..تيكت ايزي معليش وهاردلك !! انا تقول لي هاردلك ، هاردلك انت ..انت يا ابن الهاردات كـبـيـدتي ، ياابن الفشل المريع ، ومتواصل يا خوي مالك زعلت تاني ، تيكيت ايزي ، هاردلك .
نحن شعب بقى ياخدها ايزي
خيبة الامل ياخدها ايزي
احلامنا تضيع ياخدها ايزي
وبعد ما اخخدناها ايزي نعاين بي حزن الأمسيات في عيون بعض ونضع ايادينا على كتوف بعض وب اسى السنين نقول لي بعض هاردلك....
اصبحت الشماته حزء من النسيج اليومي لحياتنا ،نحب نشمت في بعض ، شماته فردية وجماعية ..نتمنى الهزيمة للأخر ولا يكفينا التمني بالهزيمة فقط بل تلاحقه اللعنات والخراب وان تحيفق به المؤامرات والدسائس لتنتهي دولته وتصبح سيرته في خبر كان وعفى على سمعته الزمن ، ونأتي نقف على اثره ونقول ، هارد لك ...
كنا طول الزمن نعتب انفسنا من طلائع الجيل الذهبي ، اولاد الزمن البديع ، نحن العملنا المديدة ، والعصيدة ، والكابيدا ، وخلينا الكسرة رهيفة،.. نحن الشكلنا لي افريقيا حسها الجمالي الرياضي ، وكيف تكون الكورة لعبة شعبية ، بدينا بالعلم وانتهينا بالعشوائية.. طلعنا ماسورة حديد ، واشاعة كبيرة حكاية العصور الملونة بموية الفضة والذهب والبلاتين ، مجرد عصر من القصدير او الصيفير . اكذوبة ، باهتة وعرفنا قيمتنا الحقيقية ..
بعد ما كنا من قبائل ( المنتصراب ) اصبحنا من عشائر ( الهارد ي لاكاب ) ولا كاب من دساها ....
|
Post: #2
Title: Re: هـــارد لــــك
Author: محمد سنى دفع الله
Date: 10-06-2009, 11:06 AM
Parent: #1
""" خيبة الأمل راكبة جمل ""
بعد ان تجمعنا وكلنا امل انو كورتنا رحعت وانو الأنتصارات جاية والفرح موعود به الأطفال والعجائز والشارع حيتملي نسوان توزع في شربات الفرح للماشين والاعلام والرايات ترفرف في الفضاء السحابو هتاف ..لكن منو البحقق لينا الأحلام ، الخايب خايب حتى ولو كان بدون مصايب :"" والمواسير طال الزمن وبتظهر من اي معدن صنعت ، بيعني لو من بلاستيك او حديد هي في النهاية ماسورة .....
كمال سالم تعاطف معنا وجاء بجلباب ابيض مثل ضميره النقي ولكن ماان تقدم فريق الضيوف حتى بدل جلبابه بثوب اصفر زاهي جلابية سكروتة دهبية فاقع لونها وهاك يا تلفونات ما خلى قطب ولا وجيه من فريق اللهبة الا واتصل به وبعد ما يعك ويعجن ويشمت يلتفت وبعين الرضا ينظر الينا ويقول بابتسامة صفراء ... هارد لكم ....
عادل سالم بالرغم من الباسطة الجاية من السودان وعسلها صافي وسمنتها كاملة الدسم وجاية مخصوص لزوم الإحتفال من الفنان سيد الحلاوة ـ الطيب سيد مكي ـ الا انها بقت لينا مسيخة وبي كرم ناس سالم الحاتمي يقول لي الناس اكلوا وعيونو حزنانة ولينا يقول هارد لكم ...
بها ء ـ بيبي ـ حرد الاكل ووشو بقى بدون ملامح والزعل ملاه لمن بان في ضهرو وهو طالع تارك لينا البيت والعشاء
وعواطف نجدي تتصل النتيجة كم يالسني .؟؟ تلاتة اتنين !! لي منو يالسني ؟؟ وانا بي خجل ، مغلوبين تلاته ..ويجيني صوت عواطف حزين اصلوا نجدي بتابع في كورة ريال مدريد واشبلية لكن قلبو معانا وعايز يعرف التيجة !! كتر خيروده انا وبرضو بي خجل .. ويجيني صوت عواطف ، ما تشيل هم هاردلك ..
الظاهر نحن بقينا لانعرف النصر والبيغيظك يجيك صحفي ما بعرف طوز من واظ ولا بعرف كوعوا من بوعو يقول لينا شنو ؟ اصلوا المدرب قلب اللعيبة وغير خانتوم لعيبة دافعين فيها تيليون جنيه الواحد يلعبوا في خانة محتاج ليها الفريق يقول ليك انا غير حرينا مابعرف يعني لو جبنا واحدد يلعب لينا سيجا وغيرناها لي صفرجت يقعد يبكي لينا ويقول لينا سيجا يا نخربه ....الأشرار لايقدمونخيرا ..وطالما في بعض الصحفيين شايل ورقة وقلم ولمن ينتهي من كتابتو يرسلها بالفاكس . والناس بقت ترسل بالنت ، مافي شئ بتغير غير لي تحت ...
هارد لك
لكن زمان قالوا الشعراء
يا باري القوس بريا ليس يحسنه
لاتظلم القوس أعط القوس باريها
نحن رعية ادمنت الفشل ، لكن علينا ان نصحو من الوهم ونعود بهتاف قديم جديد
اســــــــــتــــقــــيــل يــا ثـــــقــــيــــل
على وزير الشباب والرياضة
روساء الأندية السادة المدربين
ان يستقيلوا الان وان نعمل بالتجربة اليابانية نبعث من كل فريق من الدرجة الممتازة بلعيبة صغار الى البرازيل
لمدة خمسة سنين وان تستمر الواسير في الجريان ..بعد ان نقطع منها كل الحوافز ونهبها للصغار حتى يتحول الحال ، لانهم لم يقدموا لنا ما نرجوه .ومافي واحد يدخل يقول لينا هاردلك
((( عجزوا حين حاولوا
أن يطيروا
وأرادوا أن يهبطوا
فإســــتطاعـــوا
|
Post: #3
Title: Re: هـــارد لــــك
Author: حافظ كنجال
Date: 10-06-2009, 11:22 AM
Parent: #2
Quote: على وزير الشباب والرياضة
روساء الأندية السادة المدربين
ان يستقيلوا |
يازول اقعد في علبك..ده كلام شنو ده
وزير ويستقيل...
ياخد المريخ تلاتة ويطير..يستلم الهلال خمسة ويطير
فلا تغادر خمسة الوزير الكرسي الوثير...
|
Post: #5
Title: Re: هـــارد لــــك
Author: جمال السنوسي
Date: 10-06-2009, 12:27 PM
Parent: #3
ود السني
كلامك دهب
وراجع ليك شويتين كده
|
Post: #6
Title: Re: هـــارد لــــك
Author: khatab
Date: 10-06-2009, 12:50 PM
Parent: #3
ماعارف اواسيك بشنو !!
اقوم اقول ليك هاردلك تقوم تفكها فينى
فغايتو الجاتك فى قونك .. زيما انت عارف
فهون عليك يا كابتن السنى .. التباكى على الماضى
لا يروى غليل وعلى الحاضر برضو .. فكرة اليابان عمليه اكثر
لكن المدربين ومساعديهم والمشجعين ديل ارسلوهم وين !!
وبعدين الغلُب الواضح العديل اخير من الفوز الملتق ,
أقلو الناس
تعرف وضعها وين ولا شنو !!
وبعدين مش فى مباراة رد .. بالسد وكده !
والقون هناك لونو تانى !!
وتيب !!
انا طبعا بطلت اشجع كوره لحدى المورده تغلب وتمثل السودان
تانى وتفك ثنائية هلال مريخ دي والله كريم
اشوفك
|
Post: #4
Title: Re: هـــارد لــــك
Author: Elmosley
Date: 10-06-2009, 12:27 PM
Parent: #2
هاردلك مريخ ..
هاردلك هلال..
هاردلك ســودان...
الهلال يلعب في استاده وينهزم ..هاردلك ..
المريخ يلعب في ملعبه نهائي سيكافا ،وينهزم . هاردلك ..
فريقنا القومي ينهزم في كل مباراة بثلاثة اهداف .هاردلك ..
حبيبي وصديقي الفناااان
مالك لامي الفريق القومي مع الطفلين المدللين!!!!!!!
هسع في زول جاب سيرة الفريق القومي؟؟؟؟
ده اصبح مرمي الله ساااااااااكت
وخليها علي الله
|
Post: #7
Title: Re: هـــارد لــــك
Author: محمد سنى دفع الله
Date: 10-06-2009, 01:30 PM
Parent: #4
حافظ كنجال
يازول عامك سعيد
وايامك ساكوبيس
في اوربا والدول المتقدمة
الوزير بستقيل ولا بكلموا براه
بستقيل
ياخي نحن لينا كم سنة نقول اتصلحنا وفرقنا بقت قوية
وبقينا في الترتيب بنتقدم
نجي تاني نتراجع
هسي كاس افريقيا 30سنة ما شوفنا طريقو وين
سيكافا الهينة دي بقت علينا صعبة
والحكمة
كل مرة بنلقى سبب
مرو ما بنغرف نلعب في الطين
ومرة ما متعودين نلعب كل 48 ساعة
ومرة بحمروا لينا
ومرة الحكام ظلمونا
وبعد ده كلوا
بظلوا قاعدين
ادب الإستقالة ده اصلوا ما بنعرفوا
لي متين
|
Post: #8
Title: Re: هـــارد لــــك
Author: محمد سنى دفع الله
Date: 10-06-2009, 01:42 PM
Parent: #7
جمال السنوسي
ازيك ايها الرجل الذهبي
جربنا كل الطرق
منتظر عودتك
حتى نوقد شمعة
للأيام القادمة
مودتي
|
Post: #9
Title: Re: هـــارد لــــك
Author: عفاف الصادق بابكر
Date: 10-06-2009, 01:50 PM
Parent: #4
استاذنا ود دفع الله .. كيفنك| Quote: بعد ان تجمعنا وكلنا امل انو كورتنا رحعت وانو الأنتصارات جاية والفرح موعود به الأطفال والعجائز والشارع حيتملي نسوان توزع في شربات الفرح للماشين والاعلام والرايات ترفرف في الفضاء السحابو هتاف ..لكن منو البحقق لينا الأحلام ، الخايب خايب حتى ولو كان بدون مصايب :"" |
متين عندنا فرح تمه ..
قدر ما نزرع الافراح ..
تجي الاقدار تمد إيده ..
نشكي لي منو ..؟ ونقول لي منو ..؟
حتى الفرح البسيط ناقص بي هناك ..
5 هنا و3 بي هناك .. وهم قاعدين يتفرجوا ..
وما قادرين يشوفو العوجه وين..
واظنهم بيقولوا .. محل رهيفة تنقد ..
ونحن نصرخ .. ونصرخ .. ونصرخ .. ولا حياة ..
وفي الحالتين..
..
..
..
..
..
..
ربنا يجيب الفرج
بت الصادق
|
Post: #10
Title: Re: هـــارد لــــك
Author: يازولyazoalيازول
Date: 10-06-2009, 02:05 PM
Parent: #9
أستاذنا محمد السنى دفع الله
بوست موفق
رغم الحسرات إلا أنك قد (فشيتنا) شوية
تسلم
أخوك هشام
مريخابى زعلان لحال الفريقين
|
Post: #11
Title: Re: هـــارد لــــك
Author: محمد سنى دفع الله
Date: 10-06-2009, 04:47 PM
Parent: #10
فهون عليك يا كابتن السنى .. التباكى على الماضى
لا يروى غليل وعلى الحاضر برضو .. فكرة اليابان عمليه اكثر
لكن المدربين ومساعديهم والمشجعين ديل ارسلوهم وين !!
وبعدين الغلُب الواضح العديل اخير من الفوز الملتق ,
أقلو الناس
تعرف وضعها وين ولا شنو !!
وبعدين مش فى مباراة رد .. بالسد وكده !
والقون هناك لونو تانى !!
الغالي الحبيب
خــطــاب
القلتهم ديل نوديهم
بيت الخليفة ـ على الأقل هناك يعيشوا في خلوة روحية مدة مكن لبزمن
تصفوا الضنائر وتبقى الروح سمحة زي اول
وهنا بكونوا مستعدين اتعلموا من جديد كيف يدربوا وكيف يشوفوا
وترجع ليهم قوة وحماسة وبطش اهلنا في كرري
وهاردلك.. يا كابتن...
|
Post: #12
Title: Re: هـــارد لــــك
Author: محمد سنى دفع الله
Date: 10-07-2009, 04:57 AM
Parent: #11
حقيقة أننى نعيت الرياضة فى السودان منذ زمن بعيد سيما قطبيها وأصبحت العلاقة بينى وبين
الهلال قوله تعالى (ويسألونك عن الأهلة قل هى مواقيت للناس والحج)وتحرى رؤية هلال الشهر الكريم
تفتكر انا غلطان أستاذى ..
هذا ما راسله لي صديقي محمد خيري ـ الشهير بـ الأنصاري ـ
لاتعليق ـ
|
Post: #13
Title: Re: هـــارد لــــك
Author: محمد سنى دفع الله
Date: 10-07-2009, 05:29 AM
Parent: #12
متين عندنا فرح تمه ..
قدر ما نزرع الافراح ..
تجي الاقدار تمد إيده ..
نشكي لي منو ..؟ ونقول لي منو ..؟
حتى الفرح البسيط ناقص بي هناك ..
5 هنا و3 بي هناك .. وهم قاعدين يتفرجوا ..
وما قادرين يشوفو العوجه وين..
واظنهم بيقولوا .. محل رهيفة تنقد ..
ونحن نصرخ .. ونصرخ .. ونصرخ .. ولا حياة ..
وفي الحالتين..
..
..
..
..
..
..
ربنا يجيب الفرج
بت الصادق تحياتي واحترامي
لك كل المودة
الناس ديل ملونا فواجع لامن جلدنا بقى مقشف وسميك
ياخي اتغلبنا خمسة سنين مفروض السنة السادسة نقعد ندرس ليه اتغلبنا؟؟
ما بحصل ..
هسي عايزين الناس ديل يقعدوا في الواطة الماهلة دي ويشوفوا سبب الهزائم
ويجدوا لنا حلا
نريد حلا
نريد حلا
|
Post: #14
Title: Re: هـــارد لــــك
Author: عفاف الصادق بابكر
Date: 10-07-2009, 07:08 AM
Parent: #13
استاذنا .. ود دفع الله .. صباحاتك بهجة .. ولو ..
| Quote: الناس ديل ملونا فواجع لامن جلدنا بقى مقشف وسميك |
والبقنع الناس دي منو .. انه العنده جلد اتقشف وبقى سميك ..
حتى الماعنده جلد .. أتحسس عظمه ... رحم الله امرئ عرف قدر نفسه ..
| Quote: ياخي اتغلبنا خمسة سنين مفروض السنة السادسة نقعد ندرس ليه اتغلبنا؟؟ |
اتغلبنا خمسة سنين فى الكوره .. طيب .. مغلوبين حياتنا كلها ..
منو القعد في الواطه وقال الغلب ..ليييييه !!
كتير العايز القعاد في الواطه .. لكن منو البقعد ..
((ما سمعته بي نكتة القال :- بنتظر الفرج منه ..
كان ما جاني الفرج ببيع حماري بفرجه على نفسي))
شوف الغلب ده .. بعد ده تاني شنو ..؟ حتى العشم بقى عشم ..Quote: ويجدوا لنا حلا
نريد حلا
نريد حلا |
نقيف وسط البلد نهتف .. ونقول نريدك يا بلدنا
|
Post: #15
Title: Re: هـــارد لــــك
Author: haroon diyab
Date: 10-07-2009, 07:18 AM
Parent: #14
احييييييييييييييي ياعوضية....!!!!
|
Post: #16
Title: Re: هـــارد لــــك
Author: وصال عالم
Date: 10-07-2009, 07:29 AM
Parent: #1
Quote:
بدينا بالعلم وانتهينا بالعشوائية.. طلعنا ماسورة حديد ، واشاعة كبيرة حكاية العصور الملونة بموية الفضة والذهب والبلاتين ، مجرد عصر من القصدير او الصيفير . اكذوبة ، باهتة وعرفنا قيمتنا الحقيقية .. |
الأستاذ الجميل / محمد السني
سلام ،، وكل أمنياتكم في خانة الإمكان محققة ،،،
حقيقي ليس لي أي ثقافة كروية فيما يخص الكرة السودانية ، ليس تجاهلا أو تعالياَ ( لا سمح الله )
ربما تكون قلة فهم ،، أو يكون مستوى التشجيع ، أوريما يكون مستوى الإحباطات اليومية التي
تظل ملازمة لإنسانيتي كبشر ينتعل ظروفه يوميا ليذهب للعمل ويعدو بذات الذات المهكة والمنهكة ليهيأ
نفسه لرتابة اليوم التالي !
قرأت كل ماكتب عن الكرة في اليومين السابقين حتى أحسب نفسي من المثقفين كروياَ ، وقرأت كل التعليقات
مع أو ضد ،، لم أخرج بشئ محدد ...
وهاردلك لينا في كل شئ ،،،،
تسلم يارب ...
محبتي .....
وصال عالم
|
Post: #17
Title: Re: هـــارد لــــك
Author: محمد سنى دفع الله
Date: 10-07-2009, 08:27 AM
Parent: #16
الفنان الأصيل
لكم اشتاق اليك كثيرا
حبيبي وصديقي الفناااان
مالك لامي الفريق القومي مع الطفلين المدللين!!!!!!!
هسع في زول جاب سيرة الفريق القومي؟؟؟؟
ده اصبح مرمي الله ساااااااااكت
وخليها علي الله ...
ياخي ديل خلو ا لينا طريقة تطمن
خوفنا بعد نتراجع في الترتيب العالمي
منو المهتم بالفريق القومي
ياخي المدرب الجابو للفريق اخواتو ما سمعن بيهو
معقول مدربين الفرق في الدوري مؤهلين اكتر من مدرب الفريق القومي
ومالو المدرب الوطني
فيها ايه
لو ركزنا في الفترة دي على مدرب اجنبي خطير وجهبذ
واعطيناه ثقتنا وصبرنا عليهو
فيها ايه ؟؟
|
Post: #18
Title: Re: هـــارد لــــك
Author: محمد سنى دفع الله
Date: 10-07-2009, 09:05 AM
Parent: #17
يازول ليك وحشة السنين
رغم الحسرات إلا أنك قد (فشيتنا) شوية
تسلم
أخوك هشام
مريخابى زعلان لحال الفريقين
احيي فيك الوطنية وكلنا نشجع فرقنا ضد اي فريق جاي من اي حته في العالم
لكن كمان بقوا ما بنستروا معانا
الحمدالله في الفشا
اتفشا يا اخوي
احسن ما نطرقش بالمغصة
|
Post: #19
Title: Re: هـــارد لــــك
Author: جلال جبريل
Date: 10-07-2009, 09:16 AM
Parent: #18
يافنان "دي ليك يا سني"
وياحنان ويامنان و"دي شان الهارد لك القدونا بيها"
الجاتنا في الهلاتل ماسامحتنا مابيختلفو فيها "أي عدد" من البطيخاب
ولينا الله وعيشة زريبة العيش
ربنا يلزمنا الصبر
مودتي
|
Post: #20
Title: Re: هـــارد لــــك
Author: كمبورة
Date: 10-07-2009, 09:23 AM
Parent: #18
Quote: علينا ان نصحو من الوهم ونعود بهتاف قديم جديد
اســــــــــتــــقــــيــل يــا ثـــــقــــيــــل
على وزير الشباب والرياضة
روساء الأندية السادة المدربين
ان يستقيلوا الان |
استاذنا الفنان السني التحايا كيمان كيمان
ياخي نحنا اتهزمنا في كل محفل
عاصمتنا غرقت في شبر موية منو الاستقال ؟
ادب الاستقالة ما موجود في منهجنا
وهاردلك
|
Post: #21
Title: Re: هـــارد لــــك
Author: محمد سنى دفع الله
Date: 10-07-2009, 09:44 AM
Parent: #20
هاروون دياب
هاروون
هييي
اسحن ليك
اسحن لسك
|
Post: #22
Title: Re: هـــارد لــــك
Author: عادل التجانى
Date: 10-07-2009, 10:21 AM
Parent: #21
يا جماعه .. إنتو في شنو ؟؟
السني ده مالو هايج
عشان وجع القلب ده نحن قلبنا ألعاب قوى
هاررررررررردلك سني
|
Post: #23
Title: Re: هـــارد لــــك
Author: محمد سنى دفع الله
Date: 10-07-2009, 11:27 AM
Parent: #22
وصال عالم
سعادة لانتوصف بالمرور
حقيقي ليس لي أي ثقافة كروية فيما يخص الكرة السودانية ، ليس تجاهلا أو تعالياَ ( لا سمح الله )
ربما تكون قلة فهم ،، أو يكون مستوى التشجيع ، أوريما يكون مستوى الإحباطات اليومية التي
تظل ملازمة لإنسانيتي كبشر ينتعل ظروفه يوميا ليذهب للعمل ويعدو بذات الذات المهكة والمنهكة ليهيأ
نفسه لرتابة اليوم التالي !
قرأت كل ماكتب عن الكرة في اليومين السابقين حتى أحسب نفسي من المثقفين كروياَ ، وقرأت كل التعليقات
مع أو ضد ،، لم أخرج بشئ محدد ...
وهاردلك لينا في كل شئ ،،،،
لكن بعد الكلام ده كلو نطلع بي هاردلك
ماهو ده المجننا وخلينا لافين ساي
لابنطور لابنتقدم
مودتي
|
Post: #24
Title: Re: هـــارد لــــك
Author: كمال سالم
Date: 10-07-2009, 10:24 PM
Parent: #23
صديقى منكسر الخاطر ,, السنى ,, تحيه خماسيه يطعم باسطة
الطيب سيد مكى التى لم تهنأ بها .
ياعزيزى بالرغم من المرافعه الجريئه والقويه والحزينه دى
إلا أننى برضو بقول ليك ....
هاررررررردلك ,,
|
Post: #25
Title: Re: هـــارد لــــك
Author: عبدالوهاب علي الحاج
Date: 10-07-2009, 10:29 PM
Parent: #24
حبيبنا السني
مشتاقين والله
مرور على سبيل التحية
والمواساة .. جبر الله الكسر
|
Post: #26
Title: Re: هـــارد لــــك
Author: محمد سنى دفع الله
Date: 10-08-2009, 08:09 AM
Parent: #25
يافنان "دي ليك يا سني"
وياحنان ويامنان و"دي شان الهارد لك القدونا بيها"
الجاتنا في الهلاتل ماسامحتنا مابيختلفو فيها "أي عدد" من البطيخاب
ولينا الله وعيشة زريبة العيش
ربنا يلزمنا الصبر
اخوي جلال جبريل
شكرا للمواساة
وربنا يقدرنا
نعمل حاجة ترفع
حالنا وتجبر كسرنا
يا خوي البكابحرروا اهلو
مودتي
|
Post: #27
Title: Re: هـــارد لــــك
Author: إسماعيل التاج
Date: 10-08-2009, 08:25 AM
Parent: #26
الجميل السني
هارد لك تـُـقال
لمن خطط، وعمل بكل همة ولكن الحظ لم يسعفه لتحقيق الهدف.
أها نحن لا عندنا تخطيط، لا عندنا لاعبين عندهم همة وبراك شفت الحاصل.
عشان كدا هزايمنا مستحقة.
وحنشوفك متين تاني في الخرتوم ؟
|
|