Post: #1
Title: منفستو اعداء كرة القدم السودانية
Author: خدر
Date: 10-06-2009, 09:27 AM
المواطنين العيونهم صُغار ديكـ (الصينيون) طانوا اول من ابتدع لعبة كرة القدم2500 سنة قبل الميلاد، حيث كانو يولمون للفريق الفائز و يجلدون الفريق المهزوم. اللعبة، في شكلها الممارس اليوم، ظهرت بإنجلترا. ففي سنة 1016، وخلال احتفالهم بإجلاء الدنماركيين عن بلادهم، لعب الإنجليز الكرة فيما بينهم ببقايا جثت الدنماركيين، ولك أن تحزر أقرب أعضاء الجسم شبها بالكرة وأسهلها على التدحرج بين الأرجل، لذلكـ منعت ممارستها بمراسيم ملكية ووصل الأمر إلى حد المعاقبة على ممارستها بالسجن لمدة أسبوع , بُناء عليه المرجو جلد فريقي الهلال و المريخ و معاقبة مجالس إدارتيهما بالسجن و الغرامة و من ثم تسريح اللاعبين و ذلكـ وِفقاَ للمعلومات آنفة الذكر و لتعطيل جمهور البورداب مُشجعي الفريقين للفحة الاولي لسودانيزاونلاين. 
صدر في يومه و تاريخه
اعداء كرة القدم السودانية
ع. الخديوي خدر الاخدر
|
Post: #2
Title: Re: منفستو اعداء كرة القدم السودانية
Author: خدر
Date: 10-06-2009, 09:29 AM
Parent: #1
ثم شنو قصة الاعتذارات الماليه سودانيواونلاين دي ؟
ما نغيب يعني ؟ 
|
Post: #3
Title: Re: منفستو اعداء كرة القدم السودانية
Author: Mustafa Mahmoud
Date: 10-06-2009, 09:32 AM
Parent: #2
سلام
و اهدي لك نشيد اصبح الصبح من اداء محمد مكي
|
Post: #4
Title: Re: منفستو اعداء كرة القدم السودانية
Author: Hussein Mallasi
Date: 10-06-2009, 09:40 AM
Parent: #3
| Quote: ثم شنو قصة الاعتذارات الماليه سودانيواونلاين دي ؟ |
مصرين يمسخوا علينا البورد 
|
Post: #6
Title: Re: منفستو اعداء كرة القدم السودانية
Author: خدر
Date: 10-06-2009, 10:21 AM
Parent: #3
دكتور مصطفي يا فنان
شكرا ياخي علي النشيد و اللقاء الجميل
اشوفكـ قريب تاني إنشاء الله و دامت الخوة يا فنان
|
Post: #5
Title: Re: منفستو اعداء كرة القدم السودانية
Author: عزاز شامي
Date: 10-06-2009, 10:01 AM
Parent: #1
شامة ريحة زول هلالابي هلالابي في كلامك ده
|
Post: #7
Title: Re: منفستو اعداء كرة القدم السودانية
Author: خدر
Date: 10-06-2009, 10:28 AM
Parent: #5
ملاسي
اموت و اعرف منو وراء الاحداث الجسام دي ؟
يا عزوز بطلي الإشاعات
انا بطلت اشجع الهلال بعد قون صاحبي الثعلب بتاع (لاراش) داكـ
و من الوكت داكـ وانا مراقب فقط
و الان تجديني عاكف علي تهديم ما يُسمي بالكرة السودانية.
طبعا الهلالاب المطرطشين قايلني مريخابي و قايلين البوست مكاواة
____
حول المنفستو .. انا جادي يا هلالاب يعني ما مريخابي
|
Post: #9
Title: Re: منفستو اعداء كرة القدم السودانية
Author: محمد عثمان
Date: 10-06-2009, 10:34 AM
Parent: #7
| Quote: و الان تجديني عاكف علي تهديم ما يُسمي بالكرة السودانية. |
بالله انت زمن عاكف...صحبك بقى مدرب لاهلى مدنى حاليا
يا زول ولا يهمك شوشره سااكت
و بعدين ما تروخ صوتك ساكت...ما بينفع
و اخيرا..
سلاام و كدا..
|
Post: #8
Title: Re: منفستو اعداء كرة القدم السودانية
Author: هواري نمر
Date: 10-06-2009, 10:33 AM
Parent: #5
| Quote: ع. الخديوي خدر الاخدر |
يا مولانا.....
المفروض....في الاول..
اعتذار من الهلال و المريخ....
للشعب الكبير و كتير....ده...
وبعدين اعتذار من الصحافة الرياضية الوهمانة.الشايفة انو احنا عندنا كورة...
او هي عملت وهمة للشعب الفضل بانو فرقنا ممكن
تنافس و تجيب كاس..
الله يمرضهم...ياخي مرضونا..
بدوها ناس المريخ و تموها ناس الهلال
وتاني يبدوها ناس الهلال و يتموها ناس المريخ
...
___
بس بيني و بينك عندي صاحبي
هلالابي عل السكين..
مجنني شديد..
ليه كم يومين تلفونه مقفول...
الله يجيبه بالسلامة..ههههههههههههههه
|
Post: #10
Title: Re: منفستو اعداء كرة القدم السودانية
Author: خدر
Date: 10-06-2009, 10:48 AM
Parent: #8
| Quote: و بعدين ما تروح صوتك ساكت...ما بينفع |
غايتو المنبر ده ما فيهو خبر بتدسا اصلو
Quote: ليه كم يومين تلفونه مقفول...
الله يجيبه بالسلامة |
لووووول
قوية دي يا هواري
|
Post: #11
Title: Re: منفستو اعداء كرة القدم السودانية
Author: أبو ساندرا
Date: 10-06-2009, 10:54 AM
Parent: #8
Quote: ثم شنو قصة الاعتذارات الماليه سودانيواونلاين دي ؟
ما نغيب يعني ؟ |
ايوة ، ماتغيب
ما لمن تغيب
بيغيب الصفا والمزاج الرائق عن البورد
وبتكون الناس مهيئة للغلط
والغلط او الفهم الغلط
بيلدوا الإعتذارات
فتاني ما تغيب
وتخلينا نشتهي { نجم غائب }
أول امس سمعتك في أنا من هواك
فغمرتني النشوة و نشوى
بس تصحيح
في جمال عينك وسحرهن
وليس وسحرك
والله و إبن البادية اعلم
وبخصوص موضوعك انا شايف الحل في\
الرياضة الجماهيرية
كانت فكرة هائلة بوظها جعفر نميري
أصلو متخصص في التبويظ
|
Post: #13
Title: Re: منفستو اعداء كرة القدم السودانية
Author: أبو ساندرا
Date: 10-06-2009, 11:03 AM
Parent: #11
كتب أبو ساندرا :
| Quote: في جمال عينك وسحرهن |
أيوة ياخ
سحرهن
و دليلي ، تماشي المفردة مع اللحن
اكثر من تماشي { سحرك } معاهو
|
Post: #14
Title: Re: منفستو اعداء كرة القدم السودانية
Author: سيف اليزل الماحي
Date: 10-06-2009, 11:32 AM
Parent: #13
Quote: كتب أبو ساندرا :
Quote: في جمال عينك وسحرهن
أيوة ياخ
سحرهن
و دليلي ، تماشي المفردة مع اللحن
اكثر من تماشي { سحرك } معاهو |
يا أبوها ..
ما تتماشى ساي مع المفردة .. قايتو سمع أضاني دي صلاح بن البادية
عندو غنية بقول فيها: من جمال عينيك وسحرك من بهاك .. بهاك،
ترا تم تتا تتا تارا تتا تتا تارا رم ترم تتاترا تترا تا تتا تا را را(دي الموسيقى)
بهاك الاخيرة دي عاجباني كيفّ!..الله
بعدين طارق ده كما عرفناه سميع وحفيظ ولبيس ..
زي ما قال ملاسي .. والله "التماشي" ده يوم يوديكم في ستين دهية.
عامر مودتي
سيف اليزل
.
|
Post: #18
Title: Re: منفستو اعداء كرة القدم السودانية
Author: خدر
Date: 10-06-2009, 01:25 PM
Parent: #13
يا كبير
الاعتذار فضيلة لا يعرفها إلا الكِبار (يا كبير)
بس كنت عاوز احضر الفلم من الاول (ثقالة مني ساكت)
بعدين ياخي ما براكـ .. شايف في اخوان تانيين برضو مشتبكين في فوبيا إعتذارات
لحدي ما حسيت اني مفروض القي لي زول اعتذر ليهو
بخصوص الاغنية يا ابوعيون جميلة (سابقا -إمعانا في إحباطكـ )
لو جبت ذو النون بشري زاتو ما يقدر يغني النون دي في سحرهن داخل القصيدة
بعدين عرفنا عمي الالوان كمان جابت ليها عمي اكسبرشنز
صلاح إبن البادية و الشاعر طعنوا في الفيل يا كبير موش في الضل .. إتصلح معانا ياخي
___
اكتشفت اثناء ردي عليكـ ده اني خرمان لي ونسة معاكـ .. شفت الجن و الغبا ده ؟
|
Post: #12
Title: Re: منفستو اعداء كرة القدم السودانية
Author: سيف اليزل الماحي
Date: 10-06-2009, 11:02 AM
Parent: #5
.
| Quote: شامة ريحة زول هلالابي هلالابي في كلامك ده |
طارق ده .. لو ما خانتني الذاكرة الخشبية دي، قبل عشرين سنة كان
مريخابي، لكن ما عارف السختو شنو بعديها!
إمعاناً في ذلك يقول: أن الصينيون كانوا أول من دقوا الكورة
مثل الذي يعيد إكتشاف النار .
والله يا طارق لعبنا الكورة زي ما ربنا خلقها عند "الإنجليز"
لكن مافضينا ليها .. بعيد عنك كنا مشغولين!
رشيد إسترليني الله يطراهو بالخير .. لمن سجل للهلال أدوه كم مليون
جابها في كيس كبير وقال لأبهو: أمسك ياحاج القروش دي
أبوه قال ليهو: ياود اللذينا القروش الكتيرة دي جبتها من وين؟
الرشيد: يا حاج أمسك ساي .. أنا سجلت في الهلال
الحاج إنبسط من الرشيد، كما ينبسط الوالد الرؤوم من أبنه البار،
تاني يوم الساعة سته ونص صباحاً عمك دخل الغرفة لقى الرشيد نايم " يادوب"
الحاج قعد يصحي فيهو: الرشيد .. الرشيد .. ياولد إنت ماعندك كورة!
عامر مودتي لحسين ملاسي وعزاز
والتحايا لخدر
سيف اليزل
.
|
Post: #15
Title: Re: منفستو اعداء كرة القدم السودانية
Author: قيقراوي
Date: 10-06-2009, 11:53 AM
Parent: #12
سلامات يا الاخدر
Quote: انا بطلت اشجع الهلال بعد قون صاحبي الثعلب بتاع (لاراش) داكـ
و من الوكت داكـ وانا مراقب فقط |
طيب من زمان كنت وين ؟
المنفستو جاء متأخر يا الاخدر !
عدلوا دخل نفسك فيهو خليهو يهبشك في تولاك
اما بعد
النبشرك حب الموج الازرق بتاور الا بس متل وجع الضرس !!
نحن بعد رواشة الثعلب و وقفنا و جهجهة حسابات " يور " و طلبو من تنقا انو يغطي الثعلب لعدم وثوقه مع اي جهة يلعب الثعلب و مع اي جهة يتثعلب !
رغم المحن واصلناحبنا للهلال و سيدنا مصطفى و النيل
النيل ركز و ظل كما ياهو الحبيب . . رحل صوت المغني حزين . . اما الهلال فبطلّنا من نهايات القرن المنصرم . . .
تاورت الشغلة تاني لمّا غنوا لينا :
ما زمبي ظلموني في حبي ؟
انا كان مالي و الهواء ؟ *
بس نخت الخمسة فوق الاتنين . . و نتصبّر . . ؟
اها نوقع وين ؟
--------------
* وردت في بعض الروايات ( الهوى ) و هي روايات ضعيفة لظهور غير الثقات في عنعنتها . . .
يخدر دربك و ضراعك . . و يجعلك ايامكم كلها نضرة
|
Post: #16
Title: Re: منفستو اعداء كرة القدم السودانية
Author: خدر
Date: 10-06-2009, 01:07 PM
Parent: #15
يا قيقا ياخي ما تدخلنا في ضفورنا مع ثعلوب .. اسه تلقاهو بقرأ و بدعي علينا انا و انت
كدي اقراء المنقول ده لحدي ما ارجع اتونس معاكـ .. عندي شكلة مع ابوساندرا اولعها و اجيكـ
Quote:
قوانيين كرة القدم للبنات
- يحق لكل لاعبه إيقاف اللعب لمدة ثلاث دقائق لرد السلام على الجماهير في المدرجات خصوصاً
المعجبين والأقارب وكذلك لكفكفة الدموع إن كان الجمهور ما راضى عن مستواها وبتزهج فيها ...
- في حالة التعادل بين الفريقين يعتبر الفريق الاكثر اناقة هو الفائز .
ملاحظة:
مازال العمل جاريا في المصانع لانتاج حذاء رياضى كعب عالى
|
|
Post: #17
Title: Re: منفستو اعداء كرة القدم السودانية
Author: وليد محمد المبارك
Date: 10-06-2009, 01:10 PM
Parent: #16
| Quote: و من الوكت داكـ وانا مراقب فقط |
مكنتك دي ما قسمت
|
Post: #19
Title: Re: منفستو اعداء كرة القدم السودانية
Author: خدر
Date: 10-06-2009, 01:31 PM
Parent: #17
Quote: طارق ده .. لو ما خانتني الذاكرة الخشبية دي، قبل عشرين سنة كان
مريخابي، |
عزيزي القارئ .. أحذر الإشاعات
قبل عشرين سنة صاحب البوست كان غض الإهاب غريراَ يصبو الي التاسعة مستشرفا تأريخ اسري تليد من نبذ الرياضات بأنواعها.
اخونا سيف كائن إشاعاتي مُشع .. اي انه يطلق الكذبة و يطلق بعدها ساقيه للريح مُخترقها.
___
كبرتي و ليكـ تسعتاشر سنة
|
Post: #20
Title: Re: منفستو اعداء كرة القدم السودانية
Author: خدر
Date: 10-06-2009, 01:34 PM
Parent: #17
كدي وووب و كدي ووبين
|
Post: #21
Title: Re: منفستو اعداء كرة القدم السودانية
Author: حسن الطيب يس
Date: 10-06-2009, 01:45 PM
Parent: #20
يا ابو عبيده
كل سنة و إنت و العيال بالف خير
و الي مزبلة و لا اقول ليك الي الكوشة
الهلال و المريخ
و ين صاحبك عماد مجازفات
|
Post: #22
Title: Re: منفستو اعداء كرة القدم السودانية
Author: خدر
Date: 10-06-2009, 02:55 PM
Parent: #21
وانت طيب يا ابو علي
اخوكـ، طبعا حا يجي يقول ليك اتصلت بيك كتير و ما لقيتكـ .. ما تصدقوا كضاب
مستهبل ساي .. كان صايع مباري الحفلات و المجازفات في لندن
|
Post: #23
Title: Re: منفستو اعداء كرة القدم السودانية
Author: خدر
Date: 10-06-2009, 08:57 PM
Parent: #22
|
Post: #24
Title: Re: منفستو اعداء كرة القدم السودانية
Author: قيقراوي
Date: 10-06-2009, 11:39 PM
Parent: #23
| Quote: يا قيقا ياخي ما تدخلنا في ضفورنا مع ثعلوب .. |
للأمانة و التاريخ الثعلب لعب مبارة كبيرة يوما داك و الله على ما اقول شهيد
كل الهلال يوما داك كانوا كبار
الله يعيد ايامهم و يرجّع امجاد الهلال
النحدثك انت قايل لاراش استفاد حاجة ؟ سجمو !
----------------
اسمع كورة البنات دي بنات بس ؟ و لا اسم ساي زي " اغاني البنات " ؟
|
|