Post: #1 Title: محجوب شريف .. الصحة كيف ؟ .. الحالة والاحوال ؟ .. واخبار العيال ؟ . Author: shaheen shaheen Date: 10-06-2009, 08:54 AM
محجوب شريف . * لو تعلم كيف رسمت حروفك وعى جيلى .
Post: #2 Title: Re: محجوب شريف .. الصحة كيف ؟ .. الحالة والاحوال ؟ .. واخبار العيال ؟ . Author: shaheen shaheen Date: 10-06-2009, 09:00 AM Parent: #1
(محجوب شريف) الصحة كيف ؟ الحالة والاحوال ؟ واخبار العيال ؟ مالو البلد حالو انقلب ؟ هذا بلد .. هذا ولد كسروا القلم وتمكنوا على انكسارنا تسلطنوا وتسلطوا هم فى الاذاعات اعلنوا (ان لا ولاء لغير سلطان البنوك) ومن الجماجم والكروش صنعوا العروش فتدبروا وتصبروا لو ما عجبكم .. فنجطوا (بوت) عسكرى .. مسمار جحا بنخلخلوا بيثبتوا ومهرج السيرك اشتهر اصبح خطر وطنى الكبير ح يقسموا بس نيلنا يا (محجوبنا) اوعا يخصخصوا
والصحة كيف ؟ (محجوب شريف) اهو انقلاب وراء انقلاب وراء انقلاب اسأل سؤال - سودانا كان الفيو شنو معدول عديل , شان الشباب ديل يقلبوا ؟ . ما كلهم (محجوبنا) كانوا بخرمجوا احزاب جلاليب العمم ندفع تمن دم قلبنا والسلطة تاتى مقشرة واذا بهم سبحان ربى وما وهب يتغيروا ويطنشوا حبة املنا الفينا هما يطفشو وليذهب الشعب الحقير نحو الجحيم اصلو الجحيم ما فيو مزايا عشان عليو يتصارعوا الله عليك (محجوب شريف) لو كنتا فى حزبك اقول ليك يا (زميل) انشاء الله بس الصحة عال ؟ انشاء الله شلال الشعر عندك بخير كيف المدام ؟ كيف الظروف ؟ .. نبض الحروف ؟ عندك قروش ؟ انا حالتى ما بتسر حبيب ندمان على الدرب المشيت فيو يا رفيق ؟ عارفك حديد انسان سوى صنديد .. هصور يا ماركة صالحة لكل عصور (نيم) ما بتهزو الريح ولا حتى السجن لا بتنحنى .. لا بتنثنى سيخك صعب زول يقلعوا راسك قوى جنك نضال انسان سوى - شيوعى وخلاص . طيب خلاص اسأل سؤال - عندك امل فى يوم ح نسمع صوت خلاص ؟ . (محجوب شريف) انسان بسيط عاشق اصيل درب العشق يا زول طويل لا فذلكة لا طنقعة ولا يحزنون ما نخبوى يا شعبى حتى نخاع جذور يا ماركة صالحة لكل عصور اوعك تموت لسه ابتلاءات الزمان ح تدق على الراس زى طبول اوعك تموت محجوب من الاذى يا شريف (محجوب شريف) الصحة كيف ؟ .
...... شاهين. * نُشرت فى سودانيز اون لاين بتاريخ 14 أكتوبر 2006 .
Post: #3 Title: Re: محجوب شريف .. الصحة كيف ؟ .. الحالة والاحوال ؟ .. واخبار العيال ؟ . Author: مدحت عفيفي Date: 10-06-2009, 10:28 AM Parent: #2
Quote: اسأل سؤال - سودانا كان الفيو شنو معدول عديل , شان الشباب ديل يقلبوا ؟ .
شاهين ياجميل
أكتب ولا شُلّت يداك
أكتب يارفيق الوجعة والضيق والعنت
لك من الحب ماهو خاص
Post: #4 Title: Re: محجوب شريف .. الصحة كيف ؟ .. الحالة والاحوال ؟ .. واخبار العيال ؟ . Author: shaheen shaheen Date: 10-06-2009, 11:25 AM Parent: #3
مدحت شكراً شكراً شكراً على الكلام اللطيف تحياتى وتقديرى .
Post: #5 Title: Re: محجوب شريف .. الصحة كيف ؟ .. الحالة والاحوال ؟ .. واخبار العيال ؟ . Author: عبد الحكيم نصر Date: 10-06-2009, 11:30 AM Parent: #4
شكرا شاهين لك التحية ولمحجوب حب الشعب السوداني
Post: #6 Title: Re: محجوب شريف .. الصحة كيف ؟ .. الحالة والاحوال ؟ .. واخبار العيال ؟ . Author: shaheen shaheen Date: 10-06-2009, 05:25 PM Parent: #5
تشكرات أ/ حكيم .
Post: #7 Title: Re: محجوب شريف .. الصحة كيف ؟ .. الحالة والاحوال ؟ .. واخبار العيال ؟ . Author: shaheen shaheen Date: 10-07-2009, 09:17 AM Parent: #6
Post: #8 Title: Re: محجوب شريف .. الصحة كيف ؟ .. الحالة والاحوال ؟ .. واخبار العيال ؟ . Author: محمد طه الفكي Date: 10-07-2009, 01:32 PM Parent: #7
شاهين يازين كلامك جميل وشعرك رصين للرجل الزين محجوبنا المسكون بحب الأطفال والأحساس بأنين الغلابة دمت طيباو معفا ياأنيق ياطيب يامحجوب ودمت أنت كما أنت ياشهين تبعث كلماتك فينا كلما تحثثنا الخطر أملا في إنتظار الأمل لك مني مبعوث سلام دائم يحفظك من شر ما خلق ويحفظ محجوبنا علي كامل الألق
Post: #9 Title: Re: محجوب شريف .. الصحة كيف ؟ .. الحالة والاحوال ؟ .. واخبار العيال ؟ . Author: shaheen shaheen Date: 10-08-2009, 05:17 AM Parent: #8
أ/ محمد طه تحياتى ومتع الله شاعر الشعب بالصحة والعافية فهو زرقاء يمامة يُخبرنا بالعثرات على الطريق .
Post: #10 Title: Re: محجوب شريف .. الصحة كيف ؟ .. الحالة والاحوال ؟ .. واخبار العيال ؟ . Author: المسافر Date: 10-08-2009, 05:50 AM Parent: #9
محجوب منو أوعك تقول لي الزول النضيضيم داك المتلحنا أبقو عشرة أبقو عشرة مالو الزول ده يا كافي البلاء قول يا جنا قول يا وليد
امكن يكون بالو مشغول شديد اللعمنو الوليدات لا خلو سافل لا صعيد قنجرو من زمناً بعيد شالو الفكر ما طمنو وما عرفو منو الاندفن ومنو بساسق فوق جليد
Post: #11 Title: Re: محجوب شريف .. الصحة كيف ؟ .. الحالة والاحوال ؟ .. واخبار العيال ؟ . Author: Salwa Seyam Date: 10-12-2009, 09:40 PM Parent: #10
Post: #12 Title: Re: محجوب شريف .. الصحة كيف ؟ .. الحالة والاحوال ؟ .. واخبار العيال ؟ . Author: Salwa Seyam Date: 10-12-2009, 10:04 PM Parent: #11
