ملخص الإيميلات المابتنفع معاي ..

أولا: المقاطعة:
قاطع المنتجات الأمريكية لأنها تدعم اسرائيل الضبحت الفلسطينيين
وفكت فيهن السلاح الكيميائي القاعد إتشتت في الجو داك .
قاطع المنتجات البريطانية لأنها تدعم أمريكا ، وسجن غوانتنامو
خصوصا ً سامي الحاج كان مسجون فيهو.
قاطع المنتجات الدينامركية عشان الكاريكاتير، الأساء لينا .
قاطع المنتجات الهولندية عشان الفلم.
قاطع المنتجات الألمانية لأنها محاطة بمجموعة من القرى المناهضة
للإسلام بما في ذلك السابق ذكرها.
و في النهاية النتيجة واجب علينا إنو نراسل بعض مستخدمي الاجهزة
والشبكة و البرامج الامريكية، و هم قاعدين في ستاربكس بعد ما
اتعشوا في كنتاكي و معاهم "تيك أوي" من ماكدونلدز والبيرة
الساقطة وما متذكريننا زاتو.

ثانيا: الصحة:
ما تشرب البيبسي لأنه يحتوي على مواد "كشرية" وإحتمال وجود
عصارة خنزير وارد جدا ً.
ما تشرب ريد بول لأنه يسبب العقم وفيهو كحول ..
ما تستعمل مزيل العرق و لاالشامبو و لا الصابون لأنهم يسببون
السرطان ، يعني الحمام موية سليقة.
لا تأكل لحم البقر لأنه يسبب جنون البقر.
ما تأكل الجداد بعمل انفلونزا الطيور
ما تأكل سمك بعمل المد الأحمر والجذر فوق البنفسجي
ما تأكل خضار و لا فواكه لأنها كلها هرمونات
ما تشرب موية من الحنفية لأنها معالجة بالكلور
ما تشرب موية مفلتره لأنها تسبب نقص فيتامين 12
ما تأكل معلبات لأنها تحتوي على مواد حافظة
ما تشرب عصير طبيعي لأنه يأتي على شكل عصارة مركزة
وما تشرب عصير غير طبيعي لأنه كله ألوان
طيب يعني ناكل هوا؟!!! لأ طبعا إياك و الهوا , اساسا
الهوا دا ملوث بعوادم العربات و المصانع.

المصدر:::: إيميل جاني طائر












ـــــــــــــــــــــ
المشكلة إنو جاء "طائر" من كمين زول وبرضو الإيميلات المحذرين منها شغالة

انشرها تؤجر

Quote: انشرها تؤجر

ودالخليفة مرحب بيك





أصبر جاييك بيها

ثالثا: الدين:
قم بإرسال هذا الايميل لجميع من عندك وتكسب 258649735 حسنة ....
(قمة الثقالة تلقاهو محسبة ليك كمان دي بي كدة ودي بي كدة)
ما علينا شوف المغصة الجاية دي لانها ورمت لي قلبي من كترة ما
جاتني.
حارس قبر الرسول (صلى الله علية و سلم) اسمه احمد حلم ان الرسول
(صلى الله علية و سلم) قال ليهو انه لازم يوصل الرسالة دي.............
و يجيلك ايميل مكتوب في أوله اقسم انك سوف ترسل الايميل لكل الذين
تعرفهم و بعدين يذكرك انك أقسمت.
(يورطك في حليفةكمان)
و ايميل فيه جملة مكررة(اذا لم ترسل هذا الايميل فانت لا تستحق أجره)
و ايميل يقول ليك "دعاء مرة واحدة في العمر" (يعني ادعيو و اسوي السبعة وزمتا؟؟؟؟)
و ايميل يقول ليك "دعاء هز عرش الرحمن"
و ايميل يقولك "دعاء من دعاه حققت له 100 أمنية"
بتجبوا الكلام دا من وين !!!!! (دا مصباح سحري ما دعاء!!!!)

دخلنا على العادات:
ما تشرب موية بعد الأكل بتعمل غازات.
ما تنوم و لا تمشي و لا تقعد بعد الأكل.خليك واقف على شداداتك لامن تهضم والباقي على الله "أنا ماقاصد الحمام".
ما تدخن و ما تشرب شاي و لا قهوة علي الريق
يعني أحسن حاجة .... انك تقوم من النوم و تنتحر!!!!!!
ما تخلي الموية في الثلاجة داخل علبة بلاستك لأنه مسرطنة
و ما تخليها في قزاز لانو ممكن ينكسر بدون ما تعرف و تشربه و تموت.
و ما تخلية برة التلاجة لأنها ممكن يتلوث.
و اياك تشرب من الماسورة لانها ما صحية
و ما تشرب موية صحة لانها مكررة و فيها مواد مسرطنة.
ما تتكلم علي الموبايل بدون سماعة اضان عشان الموجات بتقتل خلايا المخ
و ما تتكلم عن طريق السماعة عشان الكهرباء الساكنة
و ما تتكلم عن طريق البلوتوث عشان الموجات برضو بتقتل خلايا المخ.
(طيب خلق الله العايشين هسي في اروبا ديل عايشين بدون امخاخ)
ما تخلي الهوا يدور في العربية لما تشغل التكييف لأنه بيتلوث من التنفس.
وما تخلي الهوا يجي من بره لأنو ملوث.
ما تملا بنزين الصباح عشان الكثافة عالية
و ما تملا بنزين في الليل عشان الكثافة واطية
و اشرب خل عشان يحرق الدهون .... و ما تشرب خل عشان بعمل قرحة
و اطلع في الشمس عشان فيتامين "د" .... و ما تطلع في الشمس عشان الأوزون.

و بعدين فتوى الرضاعة
و فتوى تحريم "البوكيمون"
و فتوى تحريم "البلايستيشن"
و أحلا فتوى فيهم ............ فتوى قتل "ميكي ماوس" دا يلقوهو وين

يعني أحسن حل ....
انه الواحد لا ياكل و لا يشرب و لا يتنفس
ولا يتكلم على التلفون و لا يطلع من البيت و بس يقعد يرسل ايميلات ...








تخريمةـــــــــــــــــ
إذا مارديت على البوست بي طرشميه مداخلة ستدخل النار أديييل

Quote: تخريمةـــــــــــــــــ إذا مارديت على البوست بي طرشميه مداخلة ستدخل النار أديييل

الله يورطك يا بعيد..

أنا من الأول كنت حاسة إنه القصة فيها خدعة..

يازول أقرأ وأمسح بس..

العوجة مابتجيك..

Quote: الله يورطك يا بعيد.. أنا من الأول كنت حاسة إنه القصة فيها خدعة.. يازول أقرأ وأمسح بس.. العوجة مابتجيك..

أميرة بنيتي كيفنك

والله فضل لنا نشرد فضلهُن رسائل الموبائل

لا افتح هذه الإيميلات من أساسه ... أرسلها فوراً إلى سلة المهملات

Quote: لا افتح هذه الإيميلات من أساسه ... أرسلها فوراً إلى سلة المهملات

هاني سلام


كان كدا إنت عيان شديد


تحياتي

ود جريل سلامات

أنتو البخليكم تشتغلزا عل الهوت ميل شنو؟

ياخ دي أفشل شركة بريد إلكتروني وما محمية من المتطفلين

yahoo

Quote: ود جريل سلامات أنتو البخليكم تشتغلزا عل الهوت ميل شنو؟ ياخ دي أفشل شركة بريد إلكتروني وما محمية من المتطفلين yahoo

ممدوع ياروعة

أها رايك شنو نجيب ليك من الياهو

واحد رسل لي بقول الشاي مضر جدا

قال شنو:

يعرف المفرط في شرب القهوة والشاي بأنه الشخص الذي يتناول أكثر من 300 ملغ
من الكافيين يوميا ، أي الذي 10 فناجين من الشاي العادي ....يعني المصرييين
باي باي..... ، ويختلف تأثير القهوة والشاي اختلافا شديدا بين الناس ، وقد
يحدث الاختلاف في الشخص ذاته من حين لآخر ويبدو من أفرط في شرب القهوة والشاي
متنبها .. قلقا .. متحفزا ويقظا ، وتشمل أعراض الإفراط الشديد في الكافيين
القلق والتهيج والتململ والأرق والشعور بالإعياء .... طيب خليتو شنو......،
ويحدث يحدث الخفقان القلبي عند هؤلاء المفرطي.....يعني الموت وسلام الله على

واحد تاني بقول

افتح نوافذ باب السيارة عند ركوبها واتركها لفترة حتى تتهوى قبل التحرك...

وطبعا ً كلنا بنسوي الكلام دا بغرض إنو المكيف يبرد سريع ........ بس هو عندو راي تاني....

قال:

بناء على أبحاث علمية وجدوا أن هناك غاز يسمى البنزين ينبعث من المقاعد والطبلون و معطرات
الجو و التنجيد الداخلي في السيارة خلال ايقافها بالشمس بالذات, و خاصة حين تكون حرارة
الطقس أعلى من 15 درجة سيليزية ...شوف الفلسفة كمان "سيليزية" فهرنهايت دي مالا أبت تتكتب ليك.

سمح وبعدين.....

هذا الغاز يعتبر سام جدا و في حين استنشاقه لفترات طويلة من قبل الإنسان ( و هو أمر لا يمكن تجنبه
حين الدخول إلى السيارة) فإنه يتركز في الدم مسببا تسمم العظام و الأنيميا و نقصا في كريات الدم
البيضاء و على المدى البعيد يتعرض المرء لمرض اللوكيميا السرطانية و الإجهاض.

لا إلا إلا الله دي مصيبة كان كدي إتلحسنا نحنا تب

و للعلم فإن المعدل المقبول لهذا الغاز السام المسرطن في الأماكن المغلقة يجب أن يكون 50 ملغ
للقدم المربع , و لكن حين تكون السيارة مغلقة و مركونة في كراج البيت المسقف فإن النسبة ترتفع
في السيارة إلى 400 – 800 ملغ, أما إذا ركنت السيارة في الخارج تحت الشمس مباشرة تعادل حرارتها
15 درجة سيليزية أو 60 فهرنهايت, فإن نسبة الغاز في السيارة تقفز إلى 2000- 4000 ملغ أي يفوق
المعدل المقبول ب 40 مرة!
الحل هو بأن تنزل النوافذ وتترك أبواب السيارة مفتوحة لفترة قبل ركوبها لتسمح بتجديد الهواء فيها.

الحل إنوريك ليهو ....
نمشي بي كرعينا ونريحك .

.

سغر نضارتك حتا
ودجبرين كيفك

تحياتي ومودتي

أخبار الصنديد شنو ؟

Quote: سغر نضارتك حتا ودجبرين كيفك تحياتي ومودتي أخبار الصنديد شنو ؟

أووو عمكـــــ

خالد المنسي

وين يافردة من ديك وعيكــــ

الصنديد شايل حيلو تب

البوست حلللللللللللللو يا عمك .. والله مت من الضحك ....

لكن للاسف .... مكرر .. حميده كتبوا في الربع الفات .. بنفس العنوان دا


غايتو البركه في الضحك .... حتى لو مكرر .. لووووووووول












ما تزعل يا فرده .. ونسه سااااااااي ..

Quote: البوست حلللللللللللللو يا عمك .. والله مت من الضحك .... لكن للاسف .... مكرر .. حميده كتبوا في الربع الفات .. بنفس العنوان دا غايتو البركه في الضحك .... حتى لو مكرر .. لووووووووول ما تزعل يا فرده .. ونسه سااااااااي ..

أنا ما بزعل ياداليا

هسي في داعي توري الناس دي إنو أنا مامتابع الربع القلتيهو دا