معليش يا حبايب انا زول هباش و ما بخلوا من حب المغامرة المعرفية، بجيب بلاوي يبدو انها ما بتثير حماسكم زي ما بتعمل معاي.. لكن كل مرة اقول بس دي بتجيب الديب من ديله، يطلع لافي ديب لا ضنب.. لكن بكون سويت العلي و اتحققت لي بعد المتعة و شوية فايدة.. الدورة دي جايب دقلا يكركب.. قوية خالص خالص خالص بعرف كم واحد مرتبط بالمكان دا علي اقل تقدير ح يبتسموا لمان يمروا من هنا.. ح يكون موضوع البوست كله عن المياه.. نبدأ من فوق خالص بحاجة كدا اسمها حصاد المياه من الهواء.. لكن برضو ح نتكلم عن جانب حيوي جدا بالنسبة لينا في السودان بالذات الا و هو تنقية مياه الشرب بتقنيات متقدمة جدا و رخيصة و عملية.. و نجي لموضوع الطاقة المتجددة (تاني) بداية بارتباطها بالماء و من ثم التعرض لمصادرها الاخري حيث نبتعد من المياه شوية شوية علي اساس ان المياه و الطاقة مشكلتين عويصتين عندنا و كل محاولات معالجتهما عقدت المشكلة زيادة اخرها انسداد نفس السد المرتد.. كأنه الموضوع اتحول لمغالطات لغوية و حصل ابدال و اقلاب و هيصة في الشعارات الجهيرة التي زلزلت ارجاء لاهاي.. نبدأ
هل يمكن ان يكون هذا امر حقيقي قابل للتطبيق؟ الاجابة نعم و زي ما ح انقل ليكم بعد قليل الجنود الامريكيين قاعدين يشربوا في العراق مياه مستخلصة من رطوبة الهواء!! نشوف
Quote: A company that developed technology capable of creating water out of thin air nearly anywhere in the world is now under contract to nourish U.S. soldiers serving in Iraq.
The water-harvesting technology was originally the brainchild of the Pentagon's Defense Advanced Research Projects Agency, which sought ways to ensure sustainable water supplies for U.S. combat troops deployed in arid regions like Iraq.
هنا كانت الامنية و بداية التخطيط، زي ما كان الانترنت حكر و سر عسكري في اضابير البنتاغون و بعدها عمم استخدامه المدني ح نشوف لقدام برضه الكلام بيظهر زي الكضب كضب دا اصبح صناعة مدنية مستخدمة فعلا و بكثافة اكثر في قارة اسيا و اكثر الشركات المتقدمة في المجال دا ما امريكية حتي
نعم بالله نيازي العزيز الحمد لله نحنا باحسن حال العيال بخير و مالننا سعادة نسأل الله ان يديمها علينا و ييسرها للجميع الله يملاك سعادة زي ما بقول حبيبنا الازهري
زي ما واضح المقتبس الفوق دا البنتاقون عنده مؤسسة بحثية اسمها Defense Advanced Research Projects Agency و اختصارها DARAP ضخت بواستطتها ملايين الدولارات في شركات بحوث الي ان ظهرت شركة اسمها Aqua Sciences عملت بايدها و ضراعها انظمة للسوق المدنية و كدي نقرا مع بعض كلام الـ CEO بتاع الشركة الظهرت من العدم دي
People have been trying to figure out how to do this for years, and we just came out of left field in response to Darpa," said Abe Sher, chief executive officer of Aqua Sciences. "The atmosphere is a river full of water, even in the desert. It won't work absolutely everywhere, but it works virtually everywhere."
نمسك في نقطتين في الكلام دا الهواء نهر مليئ بالماء و ان ذلك يشمل الصحراء الاستدراك بان الفاعلية لن تكون بنفس الكمال يعقبه التأكيد بانه النظام يعمل في اي مكان
Post: #9 Title: Re: علم زي السحر Author: نصار Date: 10-06-2009, 00:13 AM Parent: #8
هنا قرية هندية يشرب سكانها كأول قرية في العالم ماء مكتسبة من رطوبة الجو!!
Post: #10 Title: Re: علم زي السحر Author: نصار Date: 10-06-2009, 00:21 AM Parent: #9
دا نموزج لماكينة تنتج 1000 لتر في اليوم و تخزن داخلة 850 لتر يمكن اخز الماكينة الي اي مكان حسب الحوجة
Quote: Need water in more than one location? The 1000m mobile unit makes 1,000 liters of water daily where you need it, and stors up to 850 liters on-board. Water delivery system, dispenses water for cooking, cleaning, washing, showering and drinking.
الشركة المصنعة هي نفسها النفذت مشروع القرية الهندية المشكلة انها امريكية و غازي صلاح الدين لسع ما اقنع العم سام برفع الحظر عن السودان لكن الموضوع ما وقفا علي امريكا
Post: #11 Title: Re: علم زي السحر Author: نصار Date: 10-06-2009, 00:35 AM Parent: #10
الصينيين الله يخليهم التقطوا الفكرة و جابوا فيها كلام من عندهم كمان الزهرية دي ممكن زراعة اي نوع نبات تسقي روحها من الهواء و تنظم الضو حسب حوجة النبات!!!
بالتأكيد برعوا كمان في صناعة منتج زي الامريكي بالضبط
Post: #12 Title: Re: علم زي السحر Author: نصار Date: 10-06-2009, 10:55 AM Parent: #11
دا ما فلم خيال علمي حقيقة ملموسة تصوروا في بورتسودان بتكون جدي التقنية دي قدر شنو؟ بورتسودان عطشانة من ما حفروا البحر و البحر دا ماليها رطوبة لما نشف مفاصلها فجأة تكون الرطوبة دي نعمة بدل ما هي نغمة اسرة عادية يكفيها جهاز بحجم الكولر المعتاد يوفر ليها 50 او 100 لتر ماء نقي جدا و في نفس الوقت ينقي الجهاز الجو من الرطوبة العالقة في احسن من كدا يا انور كنق؟
Post: #13 Title: Re: علم زي السحر Author: عمار عبدالله عبدالرحمن Date: 10-06-2009, 11:03 AM Parent: #12
مدهش حقيقة ,,++
متى نرى هذا الابداع معمم في كل العالم ,,,
شكرا لك
Post: #14 Title: Re: علم زي السحر Author: نصار Date: 10-06-2009, 11:10 AM Parent: #13
تسلم يا عمار انا شخصيا ما ح ارجع السودان الا بحلول زي دي لاحتاجاتنا اليومية خاصة الموية و الكهربة و البعوضة و ان الله هون الكتاحة و ظلم الحكام لووووول
Post: #15 Title: Re: علم زي السحر Author: نصار Date: 10-06-2009, 11:31 AM Parent: #14
تعريف منقول An Atmospheric water generator (AWG), is a device that extracts water from humid ambient air. An AWG operates in a manner very similar to that of a dehumidifier: air is passed over a cooled coil, causing water to condense. The rate of water production depends on the ambient temperature, humidity, the volume of air passing over the coil, and the machine's capacity to cool the coil. An AWG is very useful for locations where pure drinking water is difficult to obtain or impossible to have, as there is almost always a small amount of water in the air. It is estimated that 12,900 cubic kilometers (or 0.04%) of the earth's total supply of fresh water is contained in the atmosphere, mostly as water vapor.[
Post: #16 Title: Re: علم زي السحر Author: نصار Date: 10-06-2009, 11:37 AM Parent: #15
في الدول المتقدمة يحدث تطور جديد او ظاهرة او اي حادث تجد في اليوم التاني فرع متخصص فيه و خبراء تستغرب متين كونوا خبراتهم دي،، دي حاجة نحنا فاقدنها اسع اتمني انه شباب طموح يجتمعوا من تخصصات مختلفة ليكونوا شي مؤسس للتعامل مع ابتكارات زي دي بامكانها تسهيل الحياة و تحسين ظروف اهلنا كثيرا و كفاية انتظار للحكومات العمرها ما حلت معضلات تجابه الناس عندنا و العالم اتخطاها بسنين ضوئية
نان في منو هنا البتعرف تخج السعن؟ غايتو الا يهزنه بهزاز الموبايل و يطلعن منه كريم ديانة بدل الفرصة الت السمن لووول غايتو الرك علي قريباتك دكتورة نجات و دومة، كان هن كمان اتحنكشن بس ياهو الا نسويه اللي موية من مكنتنا دي اصل دا ياهو القاصد انت بس الخيال سرح
بعد جبتلك سيرة حش التمر عندكم في المغرب اتصلت بود عمي في البلد لقيتم هم كمان يحشوا في التمر اتمنيت اغمد افتح القي نفس بيناتهم يا الله ياخي
انور الحبيب هلا هلا علي الجد، انا وهبت نفسي لنقل التقنيات البتخلي اهلي يعيشوا حياة ادمية كريمة و تيسر ليهم صعاب كتيرة قاعدين نعاين ليها و نشكي و نبكي كأننا منتظرين حاجة خارقة تحلحلها و نعيش في تبات و نبات و نخلف بنين و بنات،، لا الحكومة دي و لا حكومات سابقة و لا جاية ح تعالج كل مشاكلنا الهي في غالبها مشاكل تخلف اكتر دول العالم نستها مو زمن طويل.. انا مشترك في خدمات صفحات تقنية كتيرة بتجيني منها اخر الابتكارات و المخترعات العلمية، امس اطلعت عبرها علي جهاز صغير جدا جدا يحاكي اجهزة الرنين المقنطيسي و التصويري المقطعي، الجهاز دا ممكن اي امي يستخدمه للكشف عن الاصابة بالتي بي تصور بس لو اتكاتفنا لتوفير عدد من الجهاز دا لاهلنا في شرق السودان المنتشر بينهم المرض اللعين دا ما ح نكون فقنا دور وزارة الصحة الاتحادية و الاجهزة الحكومية المترهلة دي كلها؟ في الكتير اليمكن عمله بدل نفضل نلع في ظروفنا
بالله يا انور مدني بكل ما تجده من حاجات مفيدة زي الفيديو دا، ترجمتك جهد مقدر و مشاركة باسم السودان الواقف حاله بس علي الكوارث و المشاكل و الفساد و كل قبيح
الحبيب العوض العريس بس عليك الله جادع معانا التكنلوجيا معمولة لاراحة البشر و نحنا بينا وبينها فراسخ مع انها متاحة و رخيصة من ناحية الجدوي بتاعتها و نحنا واقعنا قاسي لابعد حد يعني نحنا اكتر الناس حوجة ليها،، راسلت شركة مصنعة للمكينة البتستخلص الماء من الهواء ارسل لي نموزج يكفي احتياج اسرة كبير و يزيد سعره الف دولار و شوية واصل السودان!! تخيل الحال كدا و نحنا نشرب ماء مختلط بفضلات السايفونات اعز الله؟؟؟ موش شي يبكي؟؟ نحنا ما بنبادر الا نشوف غيرنا جاب حاجة حتي كلنا نتلحها في البوست دا لو لمست رغبة بجيب بلاوي كلها ممكنة و كلها كانها ما خلفت الا للسودان يا العوض ياخي حتي في وجود السلطة السجم دي ممكن الناس تعمل حاجات كتيرة بمبادرات اول ما تتعمل الناس كلها حتي تجري وراها حفيانة بعد كم سنة ممكن تسمع مرة بوبارة تقول انها اصلها حرمان عليها ما بتشرب الا موية الهوا لوووول نحنا بننتظر البداية انا ح ابدا المعاي منو؟
شايف ارضيات ملاعب استاد الهلال و المريخ اتصلحت كتير.. اعتقد انهم بيستوردوا نجيلة من الخارج و بتصور انه مكلفة جدا.. كنت بعرف سعودي شغال في ملعب الملك فهد في الرياض، كان بحكي لي عن تكاليف مشتل النجيلة التابع ليهم بادارة شركة اوروبية.. اليوم يلعب المنتخب الالماني في موسكو ضد المنتخب الروسي علي نجيل صناعي، الروس اختاروا النجيل الصناعي الح يغرقوهوا بالماء علشان يفرملوا الالمان علما بانه النجيلة المستخدمة مطورة في المانيا.. عبارة عن معجزة تقنية، تصلح للعب عليها لمدة 15 عام، بعد كل استخدام تعود النجيلة كأنها جديدة.. تسقي زي النجيلة الطبيعية، ما عشان تنمو طبعا لكن المياه تحافظ علي جودتها و تحميها من حرارة الطقس خاصة في جو زي بتاع السودان.. لا تعرض اللاعبين لخطر الاصابة لكن التأثير علي المفاصل اكبر من البيحدث علي النجيلة الصناعية لكن اطلاقا ما بعني انها تمثل خطر حقيقي بس دي مقارنة احصائية.. تكلفة كساء ملعب 23500 يورو.. ما عارف الاتحاد الافريقي بسمح بالنجيل الصناعي ولا لا، لكن علي اقل تقدير يمكن استخدامها للتمارين للمحافظة علي النجيلة الطبيعية.
Post: #31 Title: Re: علم زي السحر Author: نصار Date: 10-25-2009, 02:07 AM Parent: #30
قرأت اعلان في النت عبارة عن طلب تقديم عطاءات لتشغيل دورات مياه في الخرطوم، كويس انه تكون في خدمات زي دي لكن كيف التصريف؟.. او اننا مازلنا نستخدم الابار التي تسببت في تلويث المياة الجوفية و حوادث الانهيارات التي قرأنا عنها اخيرا؟؟.. نظام تصريف متكامل و بمواصفات عالمية لابد منه في مدننا الكبيرة؟.. الان انتشرت البنايات العالية في الخرطوم تصريفها كيف؟؟.. في حل مؤقت الي ان تنشئ شبكة تصريف صحي، يتمثل في دورات مياه و حمامات جاهزة تستخدم هنا في مواقع البناء و المخيمات و الاحتفالات و المعسكرات في الاماكن المفتوحة.. يمكن توصيلها بشبكة المياه او ملئ خزاناتها بركز شديد علي الحاجات الممكن تسهل الحياة عندنا و دي من الحاجات الممكن تفيد في المنازل و الاماكن العامة انيقة جدا و لها ميزات تقنية و عملية جيدة
Post: #32 Title: Re: علم زي السحر Author: نصار Date: 10-25-2009, 02:17 AM Parent: #31
دي كابينة دورة مياة منفردة
دي قسم رجالي و قسم نسائي فخمة و فيها ميزات كتيرة
Post: #33 Title: Re: علم زي السحر Author: نصار Date: 10-25-2009, 02:17 AM Parent: #31
دي كابينة دورة مياة منفردة
دي قسم رجالي و قسم نسائي فخمة و فيها ميزات كتيرة
Post: #34 Title: Re: علم زي السحر Author: نصار Date: 10-25-2009, 02:20 AM Parent: #33
