في السلك .. هدية للمريخااااااب

Quote: في السلك هاي هتلر •ناس غريبين خلاص •مابتعرفوا تجيبوا كاس من بره •كمان ما بتعرفوا الوصف ! •نقول ليكم راجينكم في الحتانه تمرقوا في السبلوقه ! •اسي لو ما جماعتنا في الجزيره اسلانج قالوا شافوا الجنازه ماشه بي عندهم •كان لي اسي نفتش فيهم •يعني لو ما الراجل بتاع الجزيره اسلانج كلمنا كان الجنازه مرقت في مصر •الراجل قال لينا الجنازه جات بي هنا ماشه فووووو •فووووو فيها خمسه واو •واو ؟ •لأ ملكال •ملكال فيها كم حرف ؟ •مدرب عالمي •عالمي فيها كم حرف ؟ •قلنا ليكم ود الحله قاعد سااااي •ابيتوا تسمعوا الكلام لما مرقكم في محطة خمسه •محطة خمسه ومحطة سته ديل في تونس الجابهم السودان شنو ؟ •لكن ما مشكله الرياض والطائف في السعوديه وبرضو في السودان •المهم •امبيلي •اقصد شيخ امبيلي •الزول ده قايل القون في الاسلام حرام ؟ •من اسلم والكضمه الياها •قال كامبوس جهز البدائل •بدائل فيها كم حرف ؟ •خليفه فيها كم حرف ؟ •اسامه فيها كم حرف ؟ •ماسوره فيها كم حرف ؟ •فييرا بلبس نمره كم ؟ •قالوا خمسه من ناس مازيمبي قعدوا مع الوالي •والبقعد مع الوالي ما بقوم •ادفن يا درمه •النازيه المازيمبيه •سمعنا بالنازيه الالمانيه •الجماعه كانت تحيتهم يضعوا يد مبسوطه علي الصدر ويرفعوا التانيه والاصابع الخمسه واضحه •ويقولوا هاي هتلر •كترت نازيه الزمن ده •البلد كلها تسلم عليك هاي هتلر •هتلر سيد المحرقه •قال لي باسي سيلا مولوتا جيوكو مولوتا كاندا •قلت ليهو اصلوا ما معقول •قال هو شنو المامعقول ؟ •قلت ليهو الكلام الرطنت بيهو قبل شويه ده •قال لي دي ما رطانه 000 ديل الناس الجابوا الجماعه الحتانه •قال لي ديل الجابو الاقوان •قلت ليهو معزوتا لافوتا فتشوتا كوروتا قونونا خمسونا •يعني المعز يتلفت يفتش في الكوره في القون الخامس •قال لي لقينونا ؟ •يعني لقاها •طولنا من الاناشيد •بكره عندنا نشيد اسمو ما مشكله •اتمني ان يلحنه الارباب •بقول مطلعه •كونك تطير ما مشكله •تصرف كتير ما مشكله •تمشي الفقير ما مشكله •تنضم كتير ما مشكله •بس المشكله الخمسه في المقبره •الباقي بكره •جماهير مازيمبي بالكنغو ماعندهم ديجيتالات •يعني ما شافوا الاقوان •قالوا لناس الفريق دايرين نشوف الاقوان دبل •ناس الفريق قالوا ليهم في كورة الرد نطبق الحنه •خمسه في اتنين تساوي عشره •وشهر عشره حبابوا عشره •اخيرا اقول ليكم •هااااي هتلر سلك كهربا الناس الفرحانه جيتونا في الحتانه ! والي لقاء سلك

محمد عبد الماجد هرد فشفاشكم ..

كونك تطير ما مشكله
تصرف كتير ما مشكله
تمشي الفقير ما مشكله
تنضم كتير ما مشكله
بس المشكله الخمسه في المقبرة



ياعمران ناسكم ديل نحن مابنقرا ليهم



تحياتي

وينك ياود المايقوما


جيب لينا كبد الحقيقة وتم الناقصـة




مامشكلة حتى لو بكره
الصباح
مامشكلة


ماقالوا الارباب ملحن


ابومصطفى

يدوك بنلتي بلا سبب مامشكلة
الكورنك يتحسب هدف مامشكلة
رمضان يشتل في النبق مامشكلة
الارباب يلحن للعجب مامشكلة
المشكلة سيد اللبن بقي ملطشة
ووريني حل للمشكلة
يامشكلة......
ود المايقوما
انفع.....؟
كااااااااااااااااااااكـ

يامان مختفي مالك ؟
اظهر وبان ياخييييي ..

ودي هديتك يا ابودياب
يامريخابي يااصيل