نصف نهائي دوري الأبطال الإفريقي مباراة الإياب الأحد 18 أكتوبر الرابعة إلا ربعاً بعد الظهر بتوقيت السودان القناة الناقلة: ART
Post: #2 Title: Re: مـازيـمـبــي X الهــــــلال Author: امير مصطفى احمد Date: 10-05-2009, 03:04 PM Parent: #1
يا جماعة الحقوا احمد الريح
طاشي شبكة
ليه هي المبارة حيعيدوها ولا شنو
Quote: نصف نهائي دوري الأبطال الإفريقي مباراة الإياب الأحد 4 أكتوبر الرابعة إلا ربعاً بعد الظهر بتوقيت السودان القناة الناقلة: ART
غايتو السواها ماذنبي ما بتمرق بالساهل
Post: #3 Title: Re: مـازيـمـبــي X الهــــــلال Author: Ahmed Alrayah Date: 10-05-2009, 03:10 PM Parent: #2
Quote: غايتو السواها ماذنبي ما بتمرق بالساهل
ولن (تمرق) يا أمير، كانت ليلة ليلاء وحالكة السواد، تألق فيها رِفاق تريزور مابي مبوتو وحققوا فوزاً مفاجئاً لكنه مستحق من واقع الفارق الفني الكبير بين الفريقين في مباراة الأمس.
قمت بالتعديل، والعتب على الخمسة :)
Post: #4 Title: Re: مـازيـمـبــي X الهــــــلال Author: على محمد على بشير Date: 10-05-2009, 03:15 PM Parent: #3
Quote: نصف نهائي دوري الأبطال الإفريقي مباراة الإياب الأحد 4 أكتوبر الرابعة إلا ربعاً بعد الظهر بتوقيت السودان القناة الناقلة: ART
قرقرقرقرقرقرقرقرقرقرقر
الحبيب احمد الريح الرياضى المطبوع والهلالى الاصيل
هاردلك يا كابتن وخيرا فى غيرا ولابد ان يأتى يوم ويتغير فيهو هذا الواقع المرير
المريخ والهلال الاتنين بيدوك امل فى بكره وبيخلوك تعيش فى نشوه غامره وفجأه بيخلوك انتا واحلامك فى سابع ارض وياريت لو دا بيجى بالتدريج لا وحاتك بيدوك ليها فى اسعد لحظات حياتك .. طااااخ كدا فى وشك
عموما نتمنى ان تكون مباراة الرد مباراة اثبات الزات
Post: #5 Title: Re: مـازيـمـبــي X الهــــــلال Author: عبدالوهاب علي الحاج Date: 10-05-2009, 04:42 PM Parent: #4
Quote: مباراة الإياب الأحد 18 أكتوبر
ما بلاش احسن والله يا ابو حميد انا خايف يبقى علينا هتاف ناس السوق البقول : جابو بالطيارة وباعو بالخسارة
___ زوغوا وادفعوا الغرامة يرحمكم الله وممكن نتحجج بالاتي : - الكهربا كانت قاطعة والسير بتاع المطار ما شغال - والله نحن كنا قايلين المباراة يوم 20 اكتوبر - الطيارة بدل تودينا الكنغو الديمقراطية ودتنا الكنغو التانية
Post: #6 Title: Re: مـازيـمـبــي X الهــــــلال Author: حمد فتح الرحمن Date: 10-05-2009, 07:37 PM Parent: #5
احمد الريح حمدا لله علي السلامة
بتابع بوستاتك و عموم بوستات الهلال لكن ما بتداخل فيها قبل الكورة لاني بتشائم من مداخلاتي في المنتديات قبل الكورة زي ما بتشائم من الرشيد بدوي و حاتم التاج و الهلال لما يكون بادئ الكورة في نفس الاتجاه البدأ بيه امس ، و كتكتيك تفاؤلي مني كدا ما خشيت بوستات الهلال قبل المباراة ، و لكن لقيت الرشيد و حاتم و البداية الغياظة ، و بما انه تكتيك عدم دخول البوستات قبل الكورة ما نفع فقلنا انمدد رجيلانا في البوستات دي يمكن نغلبم هناك 3 / صفر و لا حتي 4 و 5 ياخ ، موش هم غلبونا في بلدنا ؟ ليه نحنا ما نغلبم هناك .
Post: #7 Title: Re: مـازيـمـبــي X الهــــــلال Author: Anwar Ahmed Date: 10-05-2009, 08:53 PM Parent: #6
احمد الريح, الكل يتحمل هذه النتيجه ..اعلام ..ادارة ..جهاز فني.. ولعيبة .. 60% من الاخطاء يتحملها الجهاز الفني .. هذا الفريق لم يكن بطيخة مقفولة .. لعب ست مباريات ثلاث منها في ارضه وأخري خارجها .. بل خسر مبارايتين خارج ارضة.. شاهد كامبوس كل هذه المباريات وفشل في قرأة الفريق الخصم و كان واضحا جدا في مبارياتهم السابقه انهم يعتمدون علي الجناح اليمين صاحب الرقم 11 والعكس نجح مدرب الفريق الخصم في قرأة فريق الهلال وقال لقد شاهدت انا واللعيبة كل مباريات الهلال في دوري المجموعات و وقفنا علي مناطق الضعف والقوة .. فشل كامبوس في قرأة الفريق الخصم لمدة اسبوعين .. ثم كرر الفشل وهو يري خرمجة الدفاع ولم يفعل شئ .. وكان بامكانه إدخال منير امبده وخليفة السريع في التغطيه بدلا من إدخال كابوندي البطئ للحفاظ علي توازن الدفاع .. كامبوس مدرب كبير لم يكن في افضل حالاته للتجهيز لهذه المباراة أنور أحمد
Post: #8 Title: Re: مـازيـمـبــي X الهــــــلال Author: محمد عبد الماجد الصايم Date: 10-06-2009, 09:55 AM Parent: #7
يا رب!
Post: #9 Title: Re: مـازيـمـبــي X الهــــــلال Author: عبود عبد الرحيم Date: 10-06-2009, 10:30 AM Parent: #8
سلام يا ود الريح غايتو الحصل لينا يوم الاحد في حياتنا ما شفناه
يوم 18 اكتوبر في لقاء الاياب ليس لدينا ما نخسره فلنذهب اداءا للواجب ومحاولة حفظ ماء الوجه واستعادة شيئا مما فقدناه
Post: #10 Title: Re: مـازيـمـبــي X الهــــــلال Author: Siddig A. Omer Date: 10-06-2009, 11:22 AM Parent: #9
Quote: سلام يا ود الريح غايتو الحصل لينا يوم الاحد في حياتنا ما شفناه
نحنا الدولة الوحيدة فى العالم الراجعين خلف و الناس كلها ماشة لى قدام....
كويس انك فتحت البوست دا كالعادة لأنو لو نحن اتراجعنا لاعبيننا ما بعملوا حاجة هناك لذا اخي احمد أرجو أن تحلل لنا مباراة الذهاب أولاً ثم نجي لمباراة الاياب تاني. كما عليك الله حاول اتكلم عن من سيكون الاحسن للعب في المباراة القادمة وماهي الخيارات الافضل للهلال أن يلعب بها. كمان الخطة المفروض يلعب بيها كامبوس شنو.
ياريت كل الشباب يدلوا بدلوهم في هذا الأمر
وإنشاء الله لن نقنط من رحمة الله الكبير الرحيم.
أبوفتحية
Post: #12 Title: Re: مـازيـمـبــي X الهــــــلال Author: nazar hussien Date: 10-06-2009, 01:40 PM
مافي شي بعيد في الكورة...
لكن حكاية نغلبهم 3 و4 بالفريق الشافتو عيني امر بعيد...
ياخي ديل بصلوا خط 18 آشرنا في تلات نقلات...ونحن بنصل ..خط طمنتاشرهم في 30 نقلة
90 علي 30 فيها...تلاتة...دا باعتبار كل ما نصل خط طمناشرهم بنجيب قون...
غايتو علا يلعبوا معانا بالصف التاني باعتبارنا حمام ميت...ونحن فعلا كنا كذلك في استاد الهلال.
Post: #13 Title: Re: مـازيـمـبــي X الهــــــلال Author: الصادق صديق سلمان Date: 10-10-2009, 08:23 AM Parent: #12
ليه البوست ده بعيد كدا؟
Post: #14 Title: Re: مـازيـمـبــي X الهــــــلال Author: Maawya Hussein Date: 10-18-2009, 11:46 AM Parent: #13
النقل المباشر للقناه ..في بعض المرات يطلب موقع الجوستن المستضيف الدخول بحساب مدفوع للمشاهده ولتفادي هذه المشكله لابد من تنزيل اداه اولترا سورف من هنا او هنا .. بعد تنزيل الاداه وفك الضغط فقط اضغط علي u95 سيفتح معك متصفح الاكسبلورر من جديد وتابع البث من هناك
____________
اذا توقف البث (لاسباب حقوق البث)فهناك قناة بديله ان شاء الله
شــان تعمل بيهو شنــو ..؟ قووول اتنين كدا .. لحدت الآن .. ومنتصرين بإذن الله .. يا جماعة الزول دا ادوهو الرابط .. وادوهو معاهو اي حاجة يطعم بيها خشمو من الملح دا ..
الكره لمن يعطيها ..لاوجود ولا مجال للمشعوذين والسحره داخل المستطيل الاخضر ..لعب مازيمبي في امدرمان فنال مبتغاه ..يلعب الهلال في لوممباشي الان و يبذل لاعبوه مجهودا مقدرا داخل المستطيل الاخضر وسينالوا مبتغاهم ان شاء الله
Post: #26 Title: Re: مـازيـمـبــي X الهــــــلال Author: محمد عمر الفكي Date: 10-18-2009, 02:45 PM Parent: #25
من أتي ساحراً او كاهنا او عرافاً وصدق بما يقول فقد كفر بما انزل على محمد حديث صحيح
للاسف اللياقه البدنيه لم تسعف لاعبي الهلال في الشوط الثاني فلاعداد كان ضعيفا جدا لهذا اللقاء ..وتتحمل الاداره خطاها الكبير بالاستسلام للخروج من البطوله وعزوفها عن المعسكر الاعدادي المعلن في القاهره كاعداد لهذه المباراه ..
هاردلك الهلال وهاردلك لكل ساحر ومشعوذ اراد ان يكسب ويبني له مجد من اداريي الكره السودانيه
Post: #28 Title: Re: مـازيـمـبــي X الهــــــلال Author: محمد يوسف الزين Date: 10-18-2009, 03:52 PM Parent: #27
معاوية يا حبيب
ما حدث في ام درمان لم يكن طبيعياً
وما حدث في الشوط الاول من مباراة الاياب اليوم كان طبيعياً
الثقه والاستهتار وان الهلال لايهزم في المقبره والتفكير في دبي قبل 4 مباريات مهمه كلها عوامل ادت لهزيمه الهلال .... اسباب يتحملها اعلامنا المريض بوجه مباشر والقصور الاداري الكبير في تهيأه اللاعب نفسيا قبل المباريات المهمه ..
صراحة تمنيت خروج الهلال اليوم لاثبات ان كرة القدم تعطي من يعطيها داخل الميدان ..فوز الهلال اليوم باربعه اهداف وتأهله كان سيرسخ ويرفع اسهم كل دجال ومشعوذ وستعتمد ادارات الانديه السودانيه في تسجيل السحره الاكفاء بدلا من لاعبين ومدربين هم اساس كرة القدم ..
