Post: #1
Title: الشغلة دي تخلص متين ..
Author: HAIDER ALZAIN
Date: 10-05-2009, 01:09 PM
Parent: #0
|
Post: #2
Title: Re: الشغلة دي تخلص متين ..
Author: HAIDER ALZAIN
Date: 10-05-2009, 01:12 PM
Parent: #1
اتغلبتو في عقر داركم .. رش شديد ..
والشباب التانيين سبقوكم في شق مقابر الهزيمة ..
لا بنعرف كورة لا سياسة لا ادارة ..
يلا بلاش لمة ..
قفلوا الاستادات دي واعملوها مزارع تربية دواجن ...
والاندية اقلاها تبقي مراكز صحية ..
وريحوا دماغنا ..
هلال ... مريخ
مريخ .. هلال
وهن الفريقين ان لخبتوهن مع بعض ما يجيبن الزمالك المصري .. خلك من الاهلي
|
Post: #4
Title: Re: الشغلة دي تخلص متين ..
Author: HAIDER ALZAIN
Date: 10-05-2009, 01:17 PM
Parent: #2
من سنة كم والناس تكاااكي ..
والله لا يعبر عن فشل الكرة السودانية وجربنديتها
وشغل الرجالة في ادارة شانها الا الاعلان الفي ايه آر تي ..
قال ليك شنو؟
ادعم المنتخب السوداني لدخول كاس العالم
وعاوزين يدخلوا كاس العالم رجاااالة كدة بس
وبنحن الاسسنا الاتحاد الافريقي ..
بلاش لمة
يآخي آخر مشاركة في كاس الامم الافريقية هدف منتخب السودان ما سجله
تلاتة مباريات وكلها طلعت تلاتة×تلاتة
هزيمة بالتسعة وبدون احراز هدف ولسع بنفكر في كاس العالم ..
وبالرجااالة كمان
|
Post: #3
Title: Re: الشغلة دي تخلص متين ..
Author: سارة كرودى
Date: 10-05-2009, 01:13 PM
Parent: #1
حسب تقدير الارصاد الجوى لسع يا الاخو .. ..
عشان كدا اعمل ساتر
|
Post: #5
Title: Re: الشغلة دي تخلص متين ..
Author: ابراهيم محمد الحسن
Date: 10-05-2009, 01:21 PM
Parent: #3
تخلص يوم 18 أكتوبر ،،
عشان تولع من تااااني ،،
|
Post: #7
Title: Re: الشغلة دي تخلص متين ..
Author: HAIDER ALZAIN
Date: 10-05-2009, 01:25 PM
Parent: #5
| Quote: تخلص يوم 18 أكتوبر ،، |
18 اكتوبر اليرحمو نفسهم ويعتذروا بدل الممرمطة ..
ومصاريف السفر دي اليتبرعوا بيها لدار المايقوما ارحم ليهم وافيد
وما ينسوا لو اتبرعوا بيها اليضيفوا ليها 500 دولار محمد عادل ..
|
Post: #6
Title: Re: الشغلة دي تخلص متين ..
Author: HAIDER ALZAIN
Date: 10-05-2009, 01:22 PM
Parent: #3
| Quote: حسب تقدير الارصاد الجوى لسع يا الاخو .. |
اها في بطولة جديدة في الاجواء ..
سلام سارة
تبدا البطولة مع فرق حمام ساي والكتاحة تقوم
وشي غنا وسيد البلد سيد البلد ..
وشي عرضة وصقرية
اول من تجي الفرق العليها الرّك والبشتنة تظهر ..
ونبقي في كاني ومااني
وكل سنة بالطريقة دي .. بس مين يتكلم ومين يسمع ..
|
Post: #8
Title: Re: الشغلة دي تخلص متين ..
Author: HAIDER ALZAIN
Date: 10-05-2009, 01:29 PM
Parent: #6
بلد ملياانة جرايد كورة وزي الفماية صحفي كدة ..
لا يساهموا في تطوير الرياضة وبرامجها بالعكس دهورو الكورة وخطابها
وبقت عبارة عن هتر ..
وشابكننا خبير كروي وما عارف دكتور ايه شداد ونحن الاسسنا ووضعنا ..
وكل مرة ماشيين مسجلين لاعب حمبرطي ساي ..
يغششوا فيهم في اللعيبة لاعب في بلدو كمّبلت ما يلعبها عاملين ليهو هيلامنة هنا
ومدربين اخير منهم تدريب رفاج ..
|
Post: #10
Title: Re: الشغلة دي تخلص متين ..
Author: HAIDER ALZAIN
Date: 10-05-2009, 01:36 PM
Parent: #8
فريق مشي صرف دم قلب الشعب التعبان دا ونظم دورة سيكافا
وهاك يا تهليل وتكبير .. وخلاص ولا دورة الالعاب الاولمبية
وفي النهاية .. ركب ليك اول تاكسي وإتخارج
وعليك امان الله الموضوع زي ما حصل عاااااادي
قاعد بفنيهو وادارتو ووزير شبابو ورياضتو زاتو ..
والفريق التاني اقدم من مُلاح الويكة ..
وكل سنة نسمع السنة دي النحس بينفكّ .. بس ياها السنة دي ..
ولي هسع الناس في سنةاولي ..
المستغرب الناس البتصدق الكلام دا كل سنة وكل مرة نفس الوجوه
ونفس الكتاب
ونفس الجرائد ..
تلوك في نفس الكلام وولا جديد تحت الشمس
انتو البلد دي مافيها وزارة رياضة واتحاد وكلام زي دا ..
والله خيراً ما فعله جعفر نميري وقت قفل الشغلانة
بس هسع اتمناها تقفل بالضبة والمفتاح والتنباع الاندية دي
وكل واحد مشترك في نادي يأخد نصيبو قطعة من جلد الكورة
وفردة كتشينة وحبة ضمنة ..
وبلاء وانجلي ...
|
Post: #9
Title: Re: الشغلة دي تخلص متين ..
Author: عبدالله كع
Date: 10-05-2009, 01:34 PM
Parent: #6
بتيخة اوباما - يا ربي بيضه واللا حمرا ؟؟؟
لو حمرا - نهائي ما بجي جمبها
الشلغه لو انتهت - بتروح فيها رقاب - يا يابا ..
|
Post: #11
Title: Re: الشغلة دي تخلص متين ..
Author: HAIDER ALZAIN
Date: 10-05-2009, 01:40 PM
Parent: #9
بطيخة وقرعة تراها كورتنا دي يا عبد الله كع ..
وبطاطيخ ناسنا من الصباح والكعة مدورة سيك سيك سيك
وفي شنو ما تعرف ..عدم خجلة بس ..
هسع بالله دي فرق اقول انها كبيرة رغم الهزيمة
واقول سنعيش ونموت معك رغم الاخفاق ..
هن هزيمة واحدة والا اخفاق واحد
والا بقينا متعودين على الملطشةوالذيلية ..
لسع الناس شغالة بمكنة الكلام على الاحتكاك والمشاركة ..
واستفدنا خبرة ..
لا بالله ...
|
Post: #12
Title: Re: الشغلة دي تخلص متين ..
Author: HAIDER ALZAIN
Date: 10-05-2009, 02:01 PM
Parent: #11
هسع لو انجمعت ميزانية الهلال علي المريخ ..
وعليها قروش اللعيبة الكراكيب ديل - خاصة الاتغشوا فيهم من برة -
ويضيفوا عليهم راتب كمال شداد ..
مع مصاريف مكاتب الاتحاد العام وعرباتو الكتيرة دي ..
وكمية الحبر والورق المهدر في الجرائد الزرنطحية المسماة بالرياضية ..
الميزانية دي ممكن تعمل لينا كم دار بتاعت ما يقوما ..
وكم جهاز بتاع غسيل كلي ..
وبتوفر كم وجبة للنازحين بالمعسكرات ..
ما اخير من الكضب الكتير الراشننا بيهو دا وانتو مرشوشين كل ما مرة
لا بنعرف نلعب لا بنعرف نكتب ..
رواكيب ..
لو قلنا ولاد السودان ما بيعرفوا يلعبو قلتو جيبو من برة
طلع المستورديين اكعب من المحليين ..
فكونا من شغلة الكورة دي بالله ..
انتو ما تنافسوا في الكريكت يمكن تنجزوا شئ ..!
|
Post: #13
Title: Re: الشغلة دي تخلص متين ..
Author: سارة كرودى
Date: 10-05-2009, 02:08 PM
Parent: #12
وحياة حبك انا ما مصدق لووووول 
|
Post: #15
Title: Re: الشغلة دي تخلص متين ..
Author: HAIDER ALZAIN
Date: 10-05-2009, 02:18 PM
Parent: #13
| Quote: انا ما مصدق لووووول |
جات سليمة ...
الصورة دي فيها شنو يا سارة .. ما ظاهرة
|
Post: #14
Title: Re: الشغلة دي تخلص متين ..
Author: HAIDER ALZAIN
Date: 10-05-2009, 02:11 PM
Parent: #12
ومفروض يتمسك وزير الشباب والرياضة - والله ما متاكد انه هلي في وزارة بالاسم دا والا لا بس زمااان كان في وبرضو ما نجحت -
أها هسع لو في وزير بالشكل دا او قائم باعمال حاجة زي دي مفروض ينسأل :
شغال شنو؟
والرياضة وينها ..!
من اتعلمنا المشي في الواطة الوهيطة دي وبنسمع بالمدارس السنية
وما عارف تربية النشء الرياضي ..
وما ادراك نمسكهم زي الفراريج نعلمهم الكورة من هم صُغار .. ويجي شوقي عبد العزيز ويذهب فوزي المرضي ..
ولي هسع المدارس دي ما خرجت ليها لاعب ..
اوع تقول لي عينة اسامة التعاون وكاريكا ومهند الطاهر ديل ياهم المقصوديين !!؟
دي شغلة فاشلة ولن تنجح لو كدة .. يبقي وفروا الزمن على الشباب ديل
وخلوهم يشوفوا ليهم قراية تنفعهم .. والا شغلتن يكسبوا من وراها
|
Post: #16
Title: Re: الشغلة دي تخلص متين ..
Author: سارة كرودى
Date: 10-05-2009, 02:23 PM
Parent: #14
....
...
.....
دى شفرة التعارف عشان ما يختلط عليك الهكر ما يعرفه
|
Post: #17
Title: Re: الشغلة دي تخلص متين ..
Author: سارة كرودى
Date: 10-05-2009, 02:26 PM
Parent: #16
| Quote: الصورة دي فيها شنو يا سارة .. ما ظاهرة |
بتبالغ دى فيها البكاء بحررو اهلو لوووول .. 
|
Post: #18
Title: Re: الشغلة دي تخلص متين ..
Author: HAIDER ALZAIN
Date: 10-05-2009, 02:27 PM
Parent: #16
| Quote: دى شفرة التعارف عشان ما يختلط عليك الهكر ما يعرفه |
ناس ما تستر .. ولا تحفظ السر اصلو..
|
|