Post: #1
Title: ()()()() أنا بكــــــــــــره أساسي ... !!! ()()()()()
Author: عمران حسن صالح
Date: 10-05-2009, 11:36 AM
Parent: #0
على وزن أنا بكره إسرائيل وبحب عمرو موسى ..
ما ياها دي أيام الغُنا الهابط !!
والتشجيع الهابط ..!!
والفرح الهابط !!
ما جبت حاجة من عندي 
..
السبب : ؟؟
بعد شوية ..
___________________________
طول لي بالكـ يا أساسي ......
|
Post: #2
Title: Re: ()()()() أنا بكــــــــــــره أساسي ... !!! ()()()()()
Author: فيصل نوبي
Date: 10-05-2009, 11:40 AM
Parent: #1
أساسي قال ما قاعد يحضر كورة
و كل هدف أساسي يرسل رسالة
إنتو خدمة (الصداء) شغالة في السعودية ؟
ولا الصناعية فيها ART-III
_
عمران .. كفارة يا صاحب ..
|
Post: #9
Title: Re: ()()()() أنا بكــــــــــــره أساسي ... !!! ()()()()()
Author: عمران حسن صالح
Date: 10-05-2009, 12:37 PM
Parent: #2
| Quote: عمران .. كفارة يا صاحب .. |
نوبي ..
تابعت حزنكـ بهناكـ وما قدرت أدخل ...
|
Post: #4
Title: Re: ()()()() أنا بكــــــــــــره أساسي ... !!! ()()()()()
Author: عمران حسن صالح
Date: 10-05-2009, 12:12 PM
Parent: #3
السؤال ما زال موجوداً ( لماذا أكره اساسي ؟؟) ..
هل لوضوحه في توجهه الكروي والسخرية ( بالكوم ) من الهلال ..
لرسائله التي تصل الأخوان وتزيد من ( قهرهم) وتوترهم ؟؟
عباراته اللاذعة وتمكنه من لغة الضاد ( جاداً وهزلياً ) ؟؟
وضوح الفكرة وترتيب أفكاره ( الجادة والهزلية ) ؟؟
|
Post: #5
Title: Re: ()()()() أنا بكــــــــــــره أساسي ... !!! ()()()()()
Author: عبدالله ود البوش
Date: 10-05-2009, 12:18 PM
Parent: #4
من الليلة دي مش بكرة كان داير تبقى اساسي تبقى
مبروك عليك اساسيك
|
Post: #6
Title: Re: ()()()() أنا بكــــــــــــره أساسي ... !!! ()()()()()
Author: Mahmoud Mustafa Mahmoud
Date: 10-05-2009, 12:24 PM
Parent: #5
| Quote: أنا بكــــــــــــره أساسي ... |
طيب ونحن مشكلتنا شنو؟؟؟
واحد بيكره (أثاثه).. ما يروح يبيعو ولا يحرقو...ولا يتفلق ولا ينتحر حتى...
عالم عندها ارتباك عاطفة مزمن....
كيف بعد التعديل دا؟؟؟ معقولة شوية؟؟؟
وحسناً فعلت..وكلك حكمة...
.
|
Post: #14
Title: Re: ()()()() أنا بكــــــــــــره أساسي ... !!! ()()()()()
Author: عمران حسن صالح
Date: 10-05-2009, 12:58 PM
Parent: #6
Mahmoud Mustafa Mahmoud Quote: طيب ونحن مشكلتنا شنو؟؟؟
واحد بيكره (أساسه).. ما يروح يتفلق ولا ينتحر حتى...
عالم عندها ارتباك عاطفة مزمن.. |
ما استعجلت شوية ؟؟؟
علماً بأنني لا أكره ( أساسي ) الخاتيها بين قوسبن دي
.
.
.
______________________________________________________________
بالمناسبة سأعتقد أنكـ استعجلت فقط !!!
|
Post: #20
Title: Re: ()()()() أنا بكــــــــــــره أساسي ... !!! ()()()()()
Author: عمران حسن صالح
Date: 10-05-2009, 01:30 PM
Parent: #14
شكراً لإتصالكـ الرقيق الأخ محمود مصطفى محمود ..وصدقني أنا فقط فهمت غلط ..
كده كيف معاكـ .. ؟؟
تحياتي للصهيوني ده .
|
Post: #11
Title: Re: ()()()() أنا بكــــــــــــره أساسي ... !!! ()()()()()
Author: عمران حسن صالح
Date: 10-05-2009, 12:40 PM
Parent: #5
Quote: من الليلة دي مش بكرة كان داير تبقى اساسي تبقى
مبروك عليك اساسيك |
ود البوش إزيكـ :
ما فهمت حاجة !!
|
Post: #15
Title: Re: ()()()() أنا بكــــــــــــره أساسي ... !!! ()()()()()
Author: عبدالله ود البوش
Date: 10-05-2009, 01:08 PM
Parent: #11
Quote: Quote: من الليلة دي مش بكرة كان داير تبقى اساسي تبقى
مبروك عليك اساسيك
ود البوش إزيكـ :
ما فهمت حاجة !! |
هو الليلة دا يوم فهم دا مع الخمشات دي
دخلنا في اضافرينا المواسيات دي
انت مش قلت انا بكرة ( يعني غدا ) اساسي
طيب مستني شنو اقلب من الليلة دي
|
Post: #7
Title: Re: ()()()() أنا بكــــــــــــره أساسي ... !!! ()()()()()
Author: عمران حسن صالح
Date: 10-05-2009, 12:30 PM
Parent: #4
أكره أساسي لأنني أحترم وضوحه وطريقته في النيل من تاريخ وناس الهلال ..
أكره أساسي لأنني أحترم وضوح توجهه وعدم خوفه من شي وإبداء رأيه ..
قبل وبعد وقوع الحدث ( قبل دي مهمة جداً جداً )
السؤال :
كيف أحترم من يسي لفريقي
كيف أحترم من يبشع بفريقي الذي أحب
اليس هذا بسبب كافي لكرهي لأساسي ( المريخي )
|
Post: #8
Title: Re: ()()()() أنا بكــــــــــــره أساسي ... !!! ()()()()()
Author: عمران حسن صالح
Date: 10-05-2009, 12:32 PM
Parent: #7
توارى غيره خلف الشاشة يكظم غيظه ( والبشارات ) تأتي من وهناك بأن الهلال فعل وفعل .. وهو موجود بيننا يقول ما يود في الوقت الذي يود
كانت قاصمة الظهر دفن الوصيف بالمقبرة
فلم يختفي كما فعل غيره ..
حدث ما حدث وتوقف ( عداد ) حساب عدد الفرق ( المقبورة ) بالمقبرة فظهر خفافيش الظلام .. مسحوا على ظهر باس ويردهم طالبين العفو معتذرين عن عدم استخدامه وأتوا ..
يهللون ويكبرون ( بصدق ) .. رافعين رايات الشماتة والسخرية ..
ناس ما قرينا ليهم من زمااااااااااااااااان ..
قلنا يمكن مشغولين بحق وحقيقة ..
الآن بين ظهرانينا يسرحون ويمرحون ويتبادلون الأنخاب .
|
Post: #10
Title: Re: ()()()() أنا بكــــــــــــره أساسي ... !!! ()()()()()
Author: humida
Date: 10-05-2009, 12:40 PM
Parent: #8
مسطول هلالابي سألوه اخبار الكورة شنو ..
قال ليهم .. مازيمبي متعادل مع الهلال 5 - 2 في برج الفاتح .. !!
|
Post: #17
Title: Re: ()()()() أنا بكــــــــــــره أساسي ... !!! ()()()()()
Author: عمران حسن صالح
Date: 10-05-2009, 01:11 PM
Parent: #10
Quote: مسطول هلالابي سألوه اخبار الكورة شنو ..
قال ليهم .. مازيمبي متعادل مع الهلال 5 - 2 في برج الفاتح .. !! |
ما فهمتها !!!!
|
Post: #12
Title: Re: ()()()() أنا بكــــــــــــره أساسي ... !!! ()()()()()
Author: Ishraga Mustafa
Date: 10-05-2009, 12:41 PM
Parent: #1
ازيك ياعمران
كدى بعيدا عن {كراهية} اساسى وقريبا من {محبته}
كيفنى كلامك هنا وده كان داير فى رأسى من فترة
Quote: ما ياها دي أيام الغُنا الهابط !!
والتشجيع الهابط ..!!
والفرح الهابط !!
ما جبت حاجة من عندي |
!!!!!؟؟؟؟ ياناس الكورة سؤال كروى بالله !!؟؟؟؟
|
Post: #13
Title: Re: ()()()() أنا بكــــــــــــره أساسي ... !!! ()()()()()
Author: محمد عمر الفكي
Date: 10-05-2009, 12:46 PM
Parent: #12
لا حولا؟
انت قاعد؟ طيب سوال اساسي كدا (امبارح قافل تلفونك مالك؟) والله اتصلت عليك كنت عاوز اتكلم مع محمد اقول ليه قوم اخد ليك عرضة ومعاها نتطين ادروب في الهواء (انبساطة كدا لوجه الله).
الله يريح مازيمبي في حنانو زي ما ريحنا.
عمران
ممكن ترسل لي كرت الاي ار تي بتاعك اشوف بيه كورة الهلال وبرشلونة وارجعه ليك؟
|
Post: #16
Title: Re: ()()()() أنا بكــــــــــــره أساسي ... !!! ()()()()()
Author: عمران حسن صالح
Date: 10-05-2009, 01:09 PM
Parent: #13
Quote: عمران
ممكن ترسل لي كرت الاي ار تي بتاعك اشوف بيه كورة الهلال وبرشلونة وارجعه ليك؟ |
نموذج سئ للمريخي المتعصب والمختفي قبل وبعد هزيمته بالمقبرة
|
Post: #18
Title: Re: ()()()() أنا بكــــــــــــره أساسي ... !!! ()()()()()
Author: محمد عمر الفكي
Date: 10-05-2009, 01:14 PM
Parent: #16
عاد انت في يوم الصباحية دا اصلوا زول بيلومك ولا يزعل منك مافي.
خلي الزوغان بترسل الكرت ولا اسافر ابوظبي احضرها لايف وارجع وفي دا مخاطرة كبيرة منك لانه لما اجي راجع براً بمر على الرياض ووقتها لا بينفعك تدسى ولا تقفل تلفونك.
يا اخي كفاية محمد نام مبسوط
|
Post: #19
Title: Re: ()()()() أنا بكــــــــــــره أساسي ... !!! ()()()()()
Author: عمران حسن صالح
Date: 10-05-2009, 01:27 PM
Parent: #18
| Quote: يا اخي كفاية محمد نام مبسوط |
|
Post: #22
Title: Re: ()()()() أنا بكــــــــــــره أساسي ... !!! ()()()()()
Author: حمزاوي
Date: 10-05-2009, 01:47 PM
Parent: #19
| Quote: أنا بكــــــــــــره أساسي |
انا ظاااااااااطو زيك
بس انا واساسي بنجتمع في حب مازيمبي
مازيمبي دا ريحنا انا واساسي جنس راحة
ريح حنانا ظااااطو
ذي ما طير منكم الكأس المحمولة جواً ( مسكين البدأ يأمل )
برد حشانا ( الله يبرد حشا الولدوهم )
تعرف واحد اسمو حسن فجا
|
Post: #23
Title: Re: ()()()() أنا بكــــــــــــره أساسي ... !!! ()()()()()
Author: عمران حسن صالح
Date: 10-05-2009, 01:49 PM
Parent: #22
| Quote: تعرف واحد اسمو حسن فجا |
يطرشني
|
Post: #21
Title: Re: ()()()() أنا بكــــــــــــره أساسي ... !!! ()()()()()
Author: عمران حسن صالح
Date: 10-05-2009, 01:36 PM
Parent: #12
الزميلة الفاضلة والأخت /اشراقة مصطفى ....
شاكر مروركـ سيدتي وأعرف ابتعادكـ عن مثل هذه المواضيع ولكنه كما يقولون ( الشديد القوي ) ..
| Quote: كيفنى كلامك هنا وده كان داير فى رأسى من فترة |
بمشي ليكـ بي هناكـ بس بعد ما نفسنا يبرد شوية من الهزيمة المرة دي 
|
Post: #26
Title: Re: ()()()() أنا بكــــــــــــره أساسي ... !!! ()()()()()
Author: عمران حسن صالح
Date: 10-05-2009, 01:59 PM
Parent: #25
| Quote: قلب الهلال الكبير يتسع لكل أحجام الإحباطات ويتسع كذلك لأفراح الذين لا يشغلهم غير الهلال فهم وإن لبسوا غير الازرق زرق الدواخل والاعطاف لذلك جق لهم أن يفرحوا علي طريقة (والطير يرقص مذبوحا من الالم) .. |
 راحت السكرة ، أو ما بعد مازيمبي
|
Post: #27
Title: Re: ()()()() أنا بكــــــــــــره أساسي ... !!! ()()()()()
Author: سيف الدولة كامل
Date: 10-05-2009, 02:14 PM
Parent: #26
الحبيب عمران \\ الهلال في حدقات عيون الكل ونعشق الهلال رغم الهزيمة المرة
وصاحبك اساسي صهيوني رعديد وداير رجم شديد وما تخاف والله نقبل عليه نخلي فرعي.
معليش يا عمران نحن برضو هلالاب وقلبنا كبير وشوف لي اخوك الف عذر ولو انه ما بستاهل
الرعديد لسانه متبري منه وممسح وشه بي ..............
|
Post: #28
Title: Re: ()()()() أنا بكــــــــــــره أساسي ... !!! ()()()()()
Author: عمران حسن صالح
Date: 10-05-2009, 02:40 PM
Parent: #27
| Quote: وصاحبك اساسي صهيوني رعديد وداير رجم شديد وما تخاف والله نقبل عليه نخلي فرعي. |
مباراة الممتاز قريبة يا سيف
|
Post: #29
Title: Re: ()()()() أنا بكــــــــــــره أساسي ... !!! ()()()()()
Author: اساسي
Date: 10-05-2009, 03:31 PM
Parent: #28
ياخي اشكرك علي الكلمات الضافية دي والحب المبزول بلا منٍ وبعض من الاذيٌ ,
وانا اخوض في الويكة بالكسرة حتي مرفقي نهار هذا اليوم الغائظ الحرارة لا يفعل مبرد الهواء شيئا تجاه ترطيب حواسي من الحراة بقدر ما كان يثلج صدري وفرحتي بما حدث مساء الامس من هزيمة شنعاء للهلال , و حولي الوالدة حفظها الله واخي ,,, اذ رن هاتفي النقال ( ابو كمرتين) فاخرجته متكاسلا من جيبي بيدي اليسري ,,وانا امني النفس ان يسكت قبل ان اري الرقم واعرف المتصل لاعاود الاتصال به بعد القام فمي هذه اللقمة التي دوزنتها بيدي اليمنى وانا اتحرفن علي الويكة الزلقة حرفنة لم نراها قريبا الا تلك التي مارسها هداف مازيمبي بالامس وهو يفجر في معانقة شباك الهلال , ورايت المتصل صديقي المنبري الجداوي,,, وفتحت هاتفي واطلقت تحية متبسمة فقد كان ممن يشاركوني الكفاح ضد الطغمة المقبورة بالامس,,, وعرفت ان الحوار سيكون امتدادا لاصداء ما حدث من فرحة عظيمة اودت بكم خلف خط الحزن العقيم , والحقت سريعا بعد قولي الو مرحب ,,لقمتي ,,,الي مثواها قبل الاخير ...
قرأ علي عنوان البوست بعد ذكر الكاتب فاكفهر وجهي دهشة وتعجبا من هذا العنوان , وبكل حنان الامورمة التقط والدتي تبدل ملامحي وسالتني : في شنو ؟ استاذنت صاحبي لحظة وقلت لها عن امر النت سريعا ,,وان احدهم كتب ( انا بكره اساسي ) واتبعت ( اساسي هذا ابنك المفدى ) اجابتني دون تفكير وكان الكلمات كانت موضوعة علي لسانها قبل ان يرن الهاتف حتي : ان اكتب لهذا الشخص اني احبك , وكأنها كانت تعلم ما بي واظنها فسرت دهشتي تلك , واسترسلت مع صديقي في المكالمة فطلبت اليه ان يقرا لي ما كتب وكان ما كتب لحظتئذ لا يزيد عن اكثر من اربع مداخلات , ضحكت بعد سمعت الاحترام المبزول من قبلك وقلت لصديقي اظنه اطراء اقحم في دهاليز الاستعارات المكنية والحالية ففهم علي غير ما اريد له ,,ولاني اعلم من هو الكاتب فكان فهمي للامر حين قرا علي , ولما مل صديقي من عدم توقفي عن تلك الويكة والكسرة استاذنني كدرا لا مبالاتي بغير ويكتي وانهى المكالمة .
هذا ما كان من امر هذا البوست قبل دخولي الي المنبر وقراتي له
ولا ازيد سوى ان اعيد عليك شكري علي كلماتك
واننا اردد
ظووووووووووووووووووووووط
|
Post: #30
Title: Re: ()()()() أنا بكــــــــــــره أساسي ... !!! ()()()()()
Author: عمران حسن صالح
Date: 10-05-2009, 03:52 PM
Parent: #29
طالما اعتاد صديقي الخلوق واللطيف المعشر معتصم أن يناديكـ بـ ( يا هالكـ ) فانا لن ( أرعوي ) في استخدامها لأنه لن بستخدمها إلا لمن يكره :
يا هالكـ ..
كأنكـ ما صدقت فرصة الكتابة وجيت ( بريتني ) بي كمية عربي كلها حنكـ بيش " يا عاملاة الفاروق الهارب من جحيم بوستاتكم " ، ياخي انت خرمان عديل للكتابة عقب هروبكـ الكبير بعد مباراة دفن الوصيف .
والمحيرني مراسلينكـ المنتشرين وسط رطوبة جدة ديل " أولهم محمود مصطفى " الذي أحرجني باتصاله
.
.
.
_______________________________
حاشاكـ من الكراهية يا موووووووو
|
Post: #31
Title: Re: ()()()() أنا بكــــــــــــره أساسي ... !!! ()()()()()
Author: عمران حسن صالح
Date: 10-05-2009, 04:16 PM
Parent: #30
Quote: ياخي اشكرك علي الكلمات الضافية دي والحب المبزول بلا منٍ وبعض من الاذيٌ ,
وانا اخوض في الويكة بالكسرة حتي مرفقي نهار هذا اليوم الغائظ الحرارة لا يفعل مبرد الهواء شيئا تجاه ترطيب حواسي من الحراة بقدر ما كان يثلج صدري وفرحتي بما حدث مساء الامس من هزيمة شنعاء للهلال , و حولي الوالدة حفظها الله واخي ,,, اذ رن هاتفي النقال ( ابو كمرتين) فاخرجته متكاسلا من جيبي بيدي اليسري ,,وانا امني النفس ان يسكت قبل ان اري الرقم واعرف المتصل لاعاود الاتصال به بعد القام فمي هذه اللقمة التي دوزنتها بيدي اليمنى وانا اتحرفن علي الويكة الزلقة حرفنة لم نراها قريبا الا تلك التي مارسها هداف مازيمبي بالامس وهو يفجر في معانقة شباك الهلال , ورايت المتصل صديقي المنبري الجداوي,,, وفتحت هاتفي واطلقت تحية متبسمة فقد كان ممن يشاركوني الكفاح ضد الطغمة المقبورة بالامس,,, وعرفت ان الحوار سيكون امتدادا لاصداء ما حدث من فرحة عظيمة اودت بكم خلف خط الحزن العقيم , والحقت سريعا بعد قولي الو مرحب ,,لقمتي ,,,الي مثواها قبل الاخير ...
قرأ علي عنوان البوست بعد ذكر الكاتب فاكفهر وجهي دهشة وتعجبا من هذا العنوان , وبكل حنان الامورمة التقط والدتي تبدل ملامحي وسالتني : في شنو ؟ استاذنت صاحبي لحظة وقلت لها عن امر النت سريعا ,,وان احدهم كتب ( انا بكره اساسي ) واتبعت ( اساسي هذا ابنك المفدى ) اجابتني دون تفكير وكان الكلمات كانت موضوعة علي لسانها قبل ان يرن الهاتف حتي : ان اكتب لهذا الشخص اني احبك , وكأنها كانت تعلم ما بي واظنها فسرت دهشتي تلك , واسترسلت مع صديقي في المكالمة فطلبت اليه ان يقرا لي ما كتب وكان ما كتب لحظتئذ لا يزيد عن اكثر من اربع مداخلات , ضحكت بعد سمعت الاحترام المبزول من قبلك وقلت لصديقي اظنه اطراء اقحم في دهاليز الاستعارات المكنية والحالية ففهم علي غير ما اريد له ,,ولاني اعلم من هو الكاتب فكان فهمي للامر حين قرا علي , ولما مل صديقي من عدم توقفي عن تلك الويكة والكسرة استاذنني كدرا لا مبالاتي بغير ويكتي وانهى المكالمة .
هذا ما كان من امر هذا البوست قبل دخولي الي المنبر وقراتي له
ولا ازيد سوى ان اعيد عليك شكري علي كلماتك
واننا اردد
( ......) |
عدلناها بالإنابة عن حساس حوش بكري ..
تمبس عيب تعال عايزنكـ ياخي ...
|
Post: #32
Title: Re: ()()()() أنا بكــــــــــــره أساسي ... !!! ()()()()()
Author: معتصم دفع الله
Date: 10-05-2009, 04:18 PM
Parent: #29
Quote: ولا ازيد سوى ان اعيد عليك شكري علي كلماتك
واننا اردد
ظووووووووووووووووووووووط |
والله يا هالك ..
مافي شئ واجعني غير ظوتاتك بتاعت أمس دي ..
بعدين إنت المريخ لاعب الهلال لاعب تمشي للميكانيكي أقصد الفكي بتاعك دا ..
عالم حاقده بشكل ..
أها إن شاء الله الويكة نفعتك ..
البيك دا مالو عيبو لي
نحن غايتو أمس يسمنا ..
يا أبومحمد ..
الهالك دا رشو لا تأخذك به شفقة أو رحمة ..
|
Post: #33
Title: Re: ()()()() أنا بكــــــــــــره أساسي ... !!! ()()()()()
Author: عمران حسن صالح
Date: 10-05-2009, 05:14 PM
Parent: #32
Quote: يا أبومحمد ..
الهالك دا رشو لا تأخذك به شفقة أو رحمة .. |
واحد ( صاحبي وصاحبك) قبل شوية قال لي عينم مكسورة عشان كده عافين ليهم خليهم يفشوا غبينة التلاتة حلاتة
|
Post: #34
Title: Re: ()()()() أنا بكــــــــــــره أساسي ... !!! ()()()()()
Author: معتصم دفع الله
Date: 10-05-2009, 05:26 PM
Parent: #33
| Quote: واحد ( صاحبي وصاحبك) قبل شوية قال لي عينم مكسورة عشان كده عافين ليهم خليهم يفشوا غبينة التلاتة حلاتة |
أحيييي أنا ..
دي بنسوها والله لي هسي حارقاهم ..
تلاتة سنة ما ينسوها وبنتلته ليهم في الممتاز ..
بس يشيلو الصبر ..
رش الهالك دا ..
|
Post: #35
Title: Re: ()()()() أنا بكــــــــــــره أساسي ... !!! ()()()()()
Author: عمران حسن صالح
Date: 10-06-2009, 12:51 PM
Parent: #34
لكـ من المحبة أطنان كرهكـ للهلال ..
Game Over
نشوف لينا شغلة تانية !!
غبينتنا مستمرة حتى مباراة الممتاز ..
|
Post: #36
Title: Re: ()()()() أنا بكــــــــــــره أساسي ... !!! ()()()()()
Author: tmbis
Date: 10-06-2009, 12:58 PM
Parent: #35
والله يا عمران إنت عندك وجع كراهية ساكت ..
ياخ الزول دا حسب الكونتراكت العامله انا معاهو .. وموقعه ومعتمدة من الغرفة التجارية وذلك لمدة (تلاتة) سنوات .. في اي كورة للهلال قاعد اخصص ليهو رقم .. وبفتح خط ساخن ومع كل قووون بنديهو الفوقه النصيب ..
مرة يشبكني ليك إنت بترسل لي ليه إنت قايلني نيجيري .. ومرة قايلني موزمبيغي .. دا طبعا على حسب حالة الفريق المرشوش ..
اها لما المسالة بقت داخلية ..
رسلت ليهو التلاتة صواريخ اياهم .. تخيل قال لي والله انا الليلة قاعد اشجع في الهلال ..
بعد زنقتو شوية قال لي والله انا حسع في الصناعية الكورة كم كم ..؟
تخيل ؟؟
ياخ عليك الله يا عمران شوف ليك زول تاني اكرهو .. إنت كورتك فكت واللا شنــو..؟
|
Post: #37
Title: Re: ()()()() أنا بكــــــــــــره أساسي ... !!! ()()()()()
Author: عمران حسن صالح
Date: 10-06-2009, 02:31 PM
Parent: #36
| Quote: رسلت ليهو التلاتة صواريخ اياهم .. تخيل قال لي والله انا الليلة قاعد اشجع في الهلال .. |
ياخي إنتو يا ناس الموردة ديل بتحبوا تكسروا عين الناس ياخي ، ودي عملية ما أخلاقية منكـ يا تمبوش . عشان كده أنا بكرهو بس ، كسر العين ده خلينا ليكم ..
ولووووووووووووووووووووول بالأخضر ...
.
.
وش مدردق في نجيلة ناشفة ...
|
Post: #38
Title: Re: ()()()() أنا بكــــــــــــره أساسي ... !!! ()()()()()
Author: عبد اللطيف بكري أحمد
Date: 10-06-2009, 03:02 PM
Parent: #37
على غير العادة شاهدت المباراة على النت ،,
طالبت الشباب يدونا رابط :قام أساسي مشكور رسل لي الرابط بس نسى يدينا الرابط بتاع حبوب (الدغت)،،
كلما أفتح سدوانيزاونلاين : ألقى ليك أساسي كااااااااااك ، والله زعلت منو وبالصراحة قلتها : الله يلعنك ياأساسي،،
أغفر لينا ياخ وسامحنا ،، دي كورة ، والخمسة حارة ،،،
وإنت ياعمران كمان ماتنسى المصوراتي بتاعك الفي البيت دا،،،
حقيقة أن مابكره أساسي ، لكن بحب إسرائيل،،
|
Post: #39
Title: Re: ()()()() أنا بكــــــــــــره أساسي ... !!! ()()()()()
Author: walid shingrai
Date: 10-06-2009, 03:38 PM
Parent: #38
واللة يا عمران انت حيرتنى انا ابيت ادخل البوست قلت الزول جن (بقى مجنون)
زولنا ود كسلا بكرة (اي غدا)
يبقي اساسي في شنو
الهلال ما وصل المرحله دي
واتشجعت ودخلت
الحدلله لقيت اساسي ده زول
لكن والله حبيتوا
خوفة عمران حسن صالح بقي اساسي في الهلال
ياخي بعد خلعة الخمسة الحبل بقالنا دبيب
الحمد لله الحمد لله
|
Post: #40
Title: Re: ()()()() أنا بكــــــــــــره أساسي ... !!! ()()()()()
Author: عمران حسن صالح
Date: 10-12-2009, 05:55 PM
Parent: #38
| Quote: طالبت الشباب يدونا رابط :قام أساسي مشكور رسل لي الرابط بس نسى يدينا الرابط بتاع حبوب (الدغت)،، |
ويا عبد اللطيف حبوبنا نحن بناخده في مباراة الممتاز بعون الله ..
ولا رايكـ شنو ؟؟
|
|