آن الاوان ان يخرج مزمل ابوالقاسم من حفرته ويلبس وليد المبارك كنغوليته ويرفع جمهور المريخ صيوانه

o هكـذا يفـرح جمهـور السجـمان (المريخ) علـى جمـهور خـائب الرجـاء (الهلال) ، ويـرفع صيوان العزاء من العرضة جنوب ، وينصب فى العرضة شمال تعبيراً على الانتصار الكبير الذي تحقق لمريخ نتيجة لهزيمة الهلال ، تدور دائرة احزان الكرة السودانية على الهلال اليوم ، يوما لك ويوما عليك ، وهكذا نفرح عندما ينهزم الاخر فرحة هستيرية يمسح بها جمهور الفريقين احزانه بالتشفي فى جمهور الاخر .
o الهلال المتهالك اثبت حقيقة الوهم الذي يعيش فيه الشعب السوداني المهووس بالكورة والذي يحلم (بالمحال) ويراهن على لاعبين هم ابعد ما يكون عن واقع الكورة الحديثه التي لها مقومات اساسية يفتقر اليها نجومنا الذين صنعناهم من خيالنا ناس (هيثم سيدا والبرنس) ، (العجب الملك) ، (سفاري القيصر) الخ من الالقاب حتي صدقوها ، فاصبحنا نضحك عليهم بتمجيدهم من خلال بائعي الوهم امثال (مزمل ابو القاسم ) واشكاله من المزيفين للحقائق الذنين يضحكون علينا باحلام ورديه ياخذون مقابلها من قوت ابنائنا.
o نسال الله التخفيف ، اتمني ان يخرج منتخبنا الوطني من التصفيات المؤهل لنهائيات كاس الامم الافريقية في انجولا حتي لا نحزن مرة اخري فى النهائيات ويتحول حلمنا الي كابوس .
o ادعوا الله يشفينا جميعا من مرضة تشجيع الكورة السودانية حتي ينصلح حالها ، ونفرح بانتصاراتها مثل الشعوب الاخري التي تفرح بانجازتها انديتها ومنتخباتها ، حتي نفرح جميعاً وتكون دواءاً شافياً لنا من الاحزان الاخري التي ابتلانا الله بها.
o اللهم اشفنا من مرضة تشجيع الكورة السودانية وارزقنا بشئ خيراً منها ، هذا حالنا لايخفي عليك امين يا رب العالمين.

معاذ

Quote: o اللهم اشفنا من مرضة تشجيع الكورة السودانية وارزقنا بشئ خيراً منها ، هذا حالنا لايخفي عليك امين يا رب العالمين.

عذاب يا معاذ السر والله عذاب

أبوفتحية

اللهم لا تواخذنا بما فعله الهلال بجمهوره يا الله

اميييييييييييييييييييييييييييييييييين يارب العالمييييييييييييييييييييييييييييييييييييييييييين

عليكم بخمس ليمونات صفراء فاقع لونها تزيل دمعة حزنك وحزن كبير أسمو السودان من خارطة الكرة فلنلجأ إلي الدوري الأسباني والأنجليزي والإيطالي والفرنسي والألماني هي خمسة تمسح خمس حتي ينصلح ما دمره المريخ بالأمس والهلال اليوم الفقد واحد الكرة السودانية.

هاردلك ياصحبي وأبعد عن الأعلام الملون أزرق أولا ثم أحمر يتبعه.

،،،،أبوقصي،،،،

Quote: خمسة تمسح خمس حتي ينصلح ما دمره المريخ بالأمس والهلال اليوم الفقد واحد الكرة السودانية.

يا مجدي
o الهلال:
فيما عدا ( المعز ، (هيثم مطالب بالاعتزال والتكريم ) ، عمر بخيت ، علاء يوسف ، ديمبا ، سادومبا ، ممكن مهند) الباقي الكوشه (الدعيع ، التعاون ، سامي عبدالله ، كابوندي ، مسااااااااااااااوي ، امبيلي ، احمد عادل ، كاريكا ، النعيم ، امبده الخ ).
o المريخ:
فيما عدا ((العجب مطالب بالاعتزال والتكريم )، قلق ، بله جابر ، الدافئ ، السعودي ، لاسنا ، ايداهور ) الباقي الكوشه ( اكرم ، حافظ ، سفاري ، دامر ، مجاهد ، طمبل ، كلتشي ، الزومة ، الخ )

العزيز وليد عبد اللطيف
تحياتي واحترامي ،،،
مافي كورة فى السودان نحنا حارقين دمنا فى الفاضي اذا استثنينا (هيثم ، عمر بخيت ، علاء الدين يوسف ) من الهلال ( العجب ، قلق ، السعودي )من المريخ قول لي منو تاني من بقية اللعيبة الموجودين فى كشف الهلال والمريخ بستحق يلعب فى القمة السودان.
مع ملحوظة انو (هيثم والعجب ) كبروا فى العمر.

Quote: اللهم لا تواخذنا بما فعله الهلال بجمهوره يا الله

o اللهم يا مجيب الدعاء اشفي (وليد محمد المبارك) من مرضة تشجيع الكورة السودانية وارزقه شئ خيراً منها، هذا حاله لايخفي عليك
امين يا رب العالمين.

Quote: عذاب يا معاذ السر والله عذاب

ابو فتحية
تحياتي واحترامي ،،،
o مشكلة الكورة السودانية فى (امكانيات اللعيبة ) مثال هيثم مصطفي امس حصل فرص تهديفية فى مواجهة الحارس لم يحسن استغلالها نظراً لضعف كبير فى مهارة التسديد ورغم هذا الضعف يناديه الجمهور ب (ســــــــــــــيـــــــــــــــدا) .
o والله الواحد كان عارف انو شغلانة الكورة بتخلي ناس زي (اسامة التعاون ، سيف مساويك ، سامي ، احمد عادل ، النعيم الخ من انصاف اللعيبة مسجلين فى كشف الهلال ، كنا اهتمينا بالشغلانه ولمينا شوية قروش .

معليش يا معز كلنا بقينا وهم في وهم زي النعام مغطسين روسينا

في الرمل وما شايفين حاجة. سياسيا اجتماعيا اقتصاديا كرويا وحتي

اخلاقيا. قالوا الجمل ما بشوف عوجة رقبته,, لكن احسن نتبن نفسنا ونراجعها.

سلام يا معاذ

Quote: اللهم اشفنا من مرضة تشجيع الكورة السودانية وارزقنا بشئ خيراً منها ، هذا حالنا لايخفي عليك امين يا رب العالمين.

اللهم امين يارب

Quote: معليش يا معز كلنا بقينا وهم في وهم زي النعام مغطسين روسينا في الرمل وما شايفين حاجة. سياسيا اجتماعيا اقتصاديا كرويا وحتي اخلاقيا. قالوا الجمل ما بشوف عوجة رقبته,, لكن احسن نتبن نفسنا ونراجعها.

الاخ العزيز سيف الدولة
تحياتي واحترامي ،،،
الشعب السوداني يعاني من كل النواحي الله يعينا.