|
|
 أنا من الأول قلبي كان مأكلني .. غايتو .. الحمدلله
|
سبحان الله .. كنت حاسه بي طعم الفرح قبل .. يجي ..
وفي نفس الوقت قلبني كان مأكلني ..
أصلوا الكلام الكتير في الحاجه بفشلها ..
أها .. شبكونا جهزنا .. الكشاكيش والصفقات ..
وافرحو بي هدؤا .. وما عايزين فرح .. بمشاكل ..
وكلام كتير وجعجعه .. وفي النهاية وجعوا قلبنا ..
الحمدلله على كل شيء ..
لكن في تفاؤل والجايات أحلى ..
ومهما حصل الهلال ياهو الهلال .
لا تغلبوا الظروف .. ولا تهزه محنه ..
غايتو .. الزعله دي والسهر حق أمس ده البفكو مني شنو ..
يمنع دخلو المريخاب هنا ..
|
|
 
|
|
|
|
|
|
|
|
Re: أنا من الأول قلبي كان مأكلني .. غايتو .. الحمدلله (Re: الامين موسى البشاري)
|
الله يسلمك يا الامين
| Quote: حبينا نســـــــلم بس.. |
ما قصرته .. ياربي صحي سلام ولا وراهو حاجه ..
Quote: والحل تاخدي ليك خمسة حبات بنـــادول بس مش عند اللزوم
يا ريت تكون في المقبرة......أكييد مفعولها بيكون أحســــن |
ما قلته جاي تسلم بس .. غايتو ..
بتفك بي 5 حبات بندول .. انتو حقتكم بي فاليوم 10 ما حا تفك ..
بعدين انت ما قلته جاي تسلم .. غايتو .. ايام وتعدي وبكره احلى ..
ونحنا يا نا نحنا ..
| |
|
|
|
|
|
|
|
|
|
Re: أنا من الأول قلبي كان مأكلني .. غايتو .. الحمدلله (Re: عفاف الصادق بابكر)
|
الصادق .. كيف حالك يا صديق ..
Quote: جئت يا عفاف العفاف لأخفف عليك وعلى نفسي
ذبحوا الهلال ومشوا في جنازتو ناس رمضان
لو حمسوا الهلال كان احسن من الأفراح المنتشرة قبل حدوثها
الجمهور المغلوب على أمره دخل الاستاد من الساعة 8 صباحاً
الحركة معطلة في طرقات أمدرمان من الساعة 12
دكلوا وأخوان البرنس لم يقدروا لنا ولهم هذا
الحمدلله |
غايتو قناة النيل الازرق كجيته ..
انا من ما هناي داك .. قعد يقول 10 ألف صفاقه ..
ومليون زغراته .. وما عارفه فنيله شنو ..
ياخ هردوا قلبنا .. غايتو بس .. شماته .. الحمدلله
بالله جارتي ترن في جرس الباب ساعه أبيت افتح ليها ..
كان حا تقول لي المات منو .. فقرونا الله يفقرون ..
اها خرفانكم دي .. صدروها ..
لكن برضو هلالنا .. حلو ..
| |
|
|
|
|
|
|
|
|
|
Re: أنا من الأول قلبي كان مأكلني .. غايتو .. الحمدلله (Re: عفاف الصادق بابكر)
|
ما حصل امس هو امر غريب
لم يكن يتوقعه حتي اكبر الشمات المتفائلين
لا يوجد وجه شبه بينها وبين اي هزيمة سابقة
مستوي الهلال افضل مما حدث بالامس وليست التخدير والاعلام لكن يبدو في لحظة ما ضاع حماس وتركيز اللاعبين بل كان دافع لفريق مازمبي
الهلال سيعود سريعا من الهزيمة ففرقته بها خامات ممتازة
الشماته عادي
دي فرصة وهس احسن حاجة الجماعة يشمتوا لانها دي بتخلي الشباب ينتفضوا للثائر لجماهير وقفت معهم حتي اخر دقايق وثواني رغم الهزيمة
الاخت عفاف الفقد واحد
يوم 14 سيمسح الهلال بعض من الحزنالذي حدث الامس
لنا موعد معهم
تحية هلالابي
الفاتح
| |
|
|
|
|
|
|
|
|
|
Re: أنا من الأول قلبي كان مأكلني .. غايتو .. الحمدلله (Re: الفاتح سليمان)
|
الفاتح .. كيفنك
Quote: ما حصل امس هو امر غريب
لم يكن يتوقعه حتي اكبر الشمات المتفائلين
لا يوجد وجه شبه بينها وبين اي هزيمة سابقة |
تعرف فعلاً والله الناس دي اتفأجات كلها ..
حتى الشمات .. شمتانين وهم مندهشين ..
حاجة عجيبة غايتو ..
| Quote: مستوي الهلال افضل مما حدث بالامس وليست التخدير والاعلام لكن يبدو في لحظة ما ضاع حماس وتركيز اللاعبين بل كان دافع لفريق مازمبي |
لكن ليييه يضيع الحماس مش ده شيء عجيب فعلاً الناس دي قبل المباراة كانوا حلوين وهادئين ..
| Quote: الهلال سيعود سريعا من الهزيمة ففرقته بها خامات ممتازة |
ودي قناعاتنا بالهلال .. والورثه الوحيده من اهلنا هههههههههه
Quote: الشماته عادي
دي فرصة وهس احسن حاجة الجماعة يشمتوا لانها دي بتخلي الشباب ينتفضوا للثائر لجماهير وقفت معهم حتي اخر دقايق وثواني رغم الهزيمة
|
طبعاً الشماته عادي .. لانه شوف الشماته من منو !!!
الهلال بقدر جماهيريه وجماهيره بتحبوا .. والجايه احسن ..
| Quote: الاخت عفاف الفقد واحد |
الحمدلله يا الفاتح يا أخوي ..
Quote: يوم 14 سيمسح الهلال بعض من الحزنالذي حدث الامس
لنا موعد معهم |
ربنا ينصرهم .. غايتو الله يكضب الشينه ..
تمرق من بيتك حزين .. تلقى الفرح عند مين ..
مودة هلالابية
| |
|
|
|
|
|
|
|
|
|
Re: أنا من الأول قلبي كان مأكلني .. غايتو .. الحمدلله (Re: نجلاء سيد أحمد)
|
على محمد بشير .. كيفنك
Quote: طيب ماكان تتعشى كويس وتنومى بدرى يا بت امى !!
موش كان احسن !! |
صدقني .. اتعشيت وحليت كمان ..
ربنا ده ما قاعد يلطف .. القصد كله انه انتو تفرحوا شويه ..
نسيتوا .. غلبني كتر عليا ..
وبرضو يا ود ود بشير .. الهلال ياهو الهلال .. ما بتهزوا ريح ..
اها حمارك ده بعد كم يوم حا يكون في ياتو دلاله ..
ولا اللبن الشايلو ده والله إلا تتمسحوا بيهو ..
صبراً ... صبراً .. الجايات احلى ..
| |
|
|
|
|
|
|
|
|
|
Re: أنا من الأول قلبي كان مأكلني .. غايتو .. الحمدلله (Re: مدثر قرجاج)
|
نجلاء .. كيفنك ..
Quote: عفاف سلام بت امى
دحن الحصل دة بتصدق خمسة انا من امس فى حالة دهشة وعجب ؟؟؟؟؟؟؟
وفيصل العجب زااااتو |
غايتو يا نجلاء حكاية عجيبة .. وحات الله وجع شديد ..
حكاية العقل ما بصدقها لكن صحي .. المدوره مجنونه ..
فيصل العجب شنو ..؟ والله ده عجب عجيب عجبنا .. بقينا نهضرب ..
دخلته بوست بخاري .. غايتو الله يصبرك .. الحمدلله طارق في السودان ..
يعني مغصه كامله مافي .. واللهم لا شماته ..
والجايات احلى ..
| |
|
|
|
|
|
|
|
|
|
Re: أنا من الأول قلبي كان مأكلني .. غايتو .. الحمدلله (Re: عفاف الصادق بابكر)
|
نعومه .. بت حشى اختي
Quote: هههههههههه غايتو الزعلة بتفك
إلا السهر البعرفو دااك ماااااااا اظنو يفك بهينة
خمسة تفوت ولا حد يموت وبرضو هلالنا فوق |
والله يا انعام كان حكيت ليك ..
شفتي الغرفه ديك الساهرنا فيها قفلتها ليك بالمفتاح ..
وحمودي المسكين عنده اختبار انجليزي ويا ماما افتحي ..
وانا ولا هنا .. وخالك عبده المسكين .. شغال night ..
وحاتك انتي لي هسه لا اتفقدته ولا اتفقدني ..
غايتو .. وجعت عدؤك .. خمسة ..
كدي اتفقدي جدك بي هناك .. الحاصل عليهو شنو ..
| |
|
|
|
|
|
|
|
|
|
Re: أنا من الأول قلبي كان مأكلني .. غايتو .. الحمدلله (Re: مدثر قرجاج)
|
ودقرجاج .. كيفنك
Quote: يادفعه
خلاص راحت الاحلام وانفض السامر
من وين يابت الصادق نجيب ليهمالعذر
ديل دهسوا قلوبنا دهس الواحد هسه كاضم
والله ماقادرين نقابل الناس زاتو عشان كنا بنجعجع
وقولنا الكاس كاسنا ونحن اهلو بنستاهلو وطلعنا مابنستاهل
غير المحن |
الليله الدفعه .. اسكت ساي خليها ..
الحمدلله بقيت بعيده من موقع الحدث ..
عليك امان الله كان بقيت في السودان ..
كنت اكون في احمد شرفي .. بي مغصة الجماعة ..
وهنا ده الله يستر .. غايتو باب الشقه قفلته ..
والدوام هنود ساي .. الحمدلله
| |
|
|
|
|
|
|
|
|
|
Re: أنا من الأول قلبي كان مأكلني .. غايتو .. الحمدلله (Re: على محمد على بشير)
|
على محمد على بشير - كيفنك
Quote: بس قبل ما امشى عاوز اسالك بلا صغره
انتى ممغوصه منى والا من سيد اللبن الفى بروفايلى دا ؟
|
لا والله العفو ما ممغوصه منك ..
سيد اللبن الفي بروفايلك .. ما بتمغصو منه ..
ده ما سيد الكل .. بعدين الحمدلله .. لبن ..
واللبن غذاء للجسد والروح .. عشان تعرف البجي منو كله مهم ..
وتاني بقول .. الحمدلله البقى لبن .. صافي .. صافي ..
| |
|
|
|
|
|
|
|
|
|
Re: أنا من الأول قلبي كان مأكلني .. غايتو .. الحمدلله (Re: على محمد على بشير)
|
على محمد على بشير - كيفنك
Quote: بس قبل ما امشى عاوز اسالك بلا صغره
انتى ممغوصه منى والا من سيد اللبن الفى بروفايلى دا ؟
|
لا والله العفو ما ممغوصه منك ..
سيد اللبن الفي بروفايلك .. ما بتمغصو منه ..
ده ما سيد الكل .. بعدين الحمدلله .. لبن ..
واللبن غذاء للجسد والروح .. عشان تعرف البجي منو كله مهم ..
وتاني بقول .. الحمدلله البقى لبن .. صافي .. صافي ..
| |
|
|
|
|
|
|
|
|
|
Re: أنا من الأول قلبي كان مأكلني .. غايتو .. الحمدلله (Re: عفاف الصادق بابكر)
|
عفاف الصادق بابكر الانسانه الجميله
اسمحي لي كمريخابي ان اساهم هنا بتعليق كتبته في مكان اخر
=============
احمل الصحف السودانية ما حدث في الشارع السوداني
من انفصام شخصية مشجعي الهلال والمريخ
وبدلا عن ان يركزوا علي ديموقراطية تنقذ البلد
من هذه الوهدة فانهم يشعلون الكراهية بين مشجعي الفريقين
الذين يشكلون غالبية اهل السودان
وسبحان الله ضاع الوطن شمار في مرقة
انا مصر
حاواصل تشجيعي للمريخ العظيم العريق
وان تصادف ان كان رالهلال ممثلا للسودان فهو فريقي ايضا
طبعا هسع الاخوه من الطرفين ما عاجبهم كلامي ده
لكن حيجي وقت يستيقظ ضميرهم
واقول للذين اشعلوا هذه الفتنة الهوجا هنا
في هذا الموقع
بان هذ ا حصاد مافعلوه هنا اثر خروج المريخ
فلكل فعل رد فعل مضاد له في القوة والاتجاه
عاش السودان فقط
| |
|
|
|
|
|
|
|
|
|
Re: أنا من الأول قلبي كان مأكلني .. غايتو .. الحمدلله (Re: Elmosley)
|
معاوية المدير .. صباحك منور
Quote: يا قلبي يا مكتول كمد...
بصراحة الواحد بقى ما عارف قلبو
بوين. باليمين والا بالشمال!؟ الله
يجازي الكان السبب...
الجماعة مطالبين بإجراء عملية
سريعة في مباراة الرد، أكان
نعرف إتجاه الضربات جاي من
وين؟؟؟ |
قلت لي القلب باليمين ولا بالشمال ما عارفه .. ؟؟
غايتو انا قلبي بقى بالشمين عديل كده ..
عشمنا كبير في الرد .. وربك كريم .. ولكل مجتهد نصيب ..
| |
|
|
|
|
|
|
|
|
|
Re: أنا من الأول قلبي كان مأكلني .. غايتو .. الحمدلله (Re: Elmosley)
|
استاذنا القدير ..الموصلي (بالعربي)
كيفنك بالرقم من اللون .. لكن دخلتك هنا ..
ذكرتني بكتب ليك رساله طويله يا امي ..
وانا بكتب رساله لي امي عشان فقدتها في اليوم ده ..
رحمة الله عليها .. كانت هلالابيه موت .. طبعاً مع الوالد..
ومابتختلف معاهو في اي شيء حتى اللون ..
غايتو الليله يا امي فاتك يوم .. هسه كان طمنتينئ ..
بتذكر في 1999 وكان في منافسه على كاس السودان تقريباً..
وانا في اجازة ولاده بالسودان .. امي تحضر في الكوره معاهم ..
وانا في حالة تانية .. كل ما اللعبة تصعب كل ما حمودي يصعبه علي اكتر ..
بعد ساعتين من المباراة الهلال فاز بالكاس وانا فزته بي حمودي ..
وكان اغلي هديتين للعائله .. اما موقف امي وانا بتوجع ما بنساهو .. الله يرحمها ..
أسمح لي :Quote: احمل الصحف السودانية ما حدث في الشارع السوداني
من انفصام شخصية مشجعي الهلال والمريخ
وبدلا عن ان يركزوا علي ديموقراطية تنقذ البلد
من هذه الوهدة فانهم يشعلون الكراهية بين مشجعي الفريقين
الذين يشكلون غالبية اهل السودان
|
مش الصحف فقط كل الوسائل الاعلامية ..
يركزوا على الديمقراطية دي .. بقت سراب ..
عشان كده .. العالم بتفرجه على روحها ..
Quote: حاواصل تشجيعي للمريخ العظيم العريق
وان تصادف ان كان رالهلال ممثلا للسودان فهو فريقي ايضا
طبعا هسع الاخوه من الطرفين ما عاجبهم كلامي ده
|
واصل .. واصل ..
غايتو ما عارفه في الفقره دي .. المفروض تكون هلالابي عديل كده ..
لانه مافي مريخابي بفكر بي تفكيرك ده ..
الليله كررر .. هسه يجو طايرين هنا ..
Quote: لكن حيجي وقت يستيقظ ضميرهم
واقول للذين اشعلوا هذه الفتنة الهوجا هنا
في هذا الموقع
بان هذ ا حصاد مافعلوه هنا اثر خروج المريخ
فلكل فعل رد فعل مضاد له في القوة والاتجاه
|
يستيقظ ضميرهم .. ! فلننتظر ..
يا استاذي القدير .. الناس دي حا تعمل شنو ؟ لما هلال - مريخ مافي ..
ده المنفذ الوحييييييييييييييد ..
امنياتنا للسودان بكل الرفاهية والعيش الرقد الجميل ..
| |
|
|
|
|
|
|
| |
عفاف الصادق بابكر
الامين موسى البشاري
الصادق صديق سلمان
الفاتح سليمان
على محمد على بشير
نجلاء سيد أحمد
انعام عبد الحفيظ
مدثر قرجاج
Asaad Alabbasi
معاوية المدير
عبدالله كع
وليد عبد اللطيف
حسين يوسف احمد
Elmosley
فيس بوك
تويتر
انستقرام
يوتيوب
بنتيريست