Post: #1 Title: كورة القدم الشاطئية .. او بالميت كدا نلعب بينغ .. ! Author: humida Date: 10-05-2009, 07:27 AM Parent: #0
مش احســن ..
.. ..
شايف الاخوة الهلالاب شابكننا كم انت كبير و بحبك في النوم او في الصحيان .. مهزلة عديل .. كرهتنا الهلال و البلي و اشباه البلي .. و الطقش طقش زاتو .. يجب معاقبة لاعبي الهلال بسبب الاستهتار .. و قلة الادب الما عندهم ليها مقدرة .. كورة في الميدان .. طاااااااااااخ اترشينا خمسة .. هيثم مصطفى كابتن و قائد الفريق لافي صينية الكورة كلها .. ايفوسا و لا باص صحيح و تأخير للكورة و مراوغات ما عندو ليها مهارات .. المعز الماسورة هو المعز الماسورة يعني ما في جديد .. متين تتخارج من خلقتنا نشوف البعدك .. اسامة التعاون امشــي شوف ليك حلة ضلع كاربة رم عضمك يا سـجم .. لماذا لم يتم شطب مساوي الي الآن .. مهند الطاهر دا البقعده بره شنو يا مدرب السجم .. خليفة التعيس دا مش قلتو من شدة ما لعاب حتي حارس مرمى بلعب .. البقعده بره شنو .. هسع نقول للمريخاب الرجرجة شنو .. فضحتونا و شرطوا عينا .. الله لا غزا فيكم بركة ان شاء الله .. مدثر كاريكا قلنا مليون مرة انه ما بعرف يلعب و حده ناس زعيط و معيط .. اثبت كامبوس فشله .. و بلا خواجة بلا كلام فارغ .. اركو مناوي دا الجابو الكورة شنو .. نحن ناقصين عوارض يعني ..
Post: #2 Title: Re: كورة القدم الشاطئية .. او بالميت كدا نلعب بينغ .. ! Author: حمزاوي Date: 10-05-2009, 07:32 AM Parent: #1
Quote: هسع نقول للمريخاب الرجرجة شنو
ما كنت ماشي كويس حسع كان في داعي للجملة دي
Post: #3 Title: Re: كورة القدم الشاطئية .. او بالميت كدا نلعب بينغ .. ! Author: وليد محمد المبارك Date: 10-05-2009, 07:33 AM Parent: #2
حرقووووووووووووووووووووووووووووو
Post: #5 Title: Re: كورة القدم الشاطئية .. او بالميت كدا نلعب بينغ .. ! Author: omer osman Date: 10-05-2009, 07:36 AM Parent: #3
Quote: كورة القدم الشاطئية ..
وترجعوا حفياني داك اصلو قالوا بتاع الحاجات دي
Post: #4 Title: Re: كورة القدم الشاطئية .. او بالميت كدا نلعب بينغ .. ! Author: humida Date: 10-05-2009, 07:34 AM Parent: #2
ايوه في داعي .. هسع ناس عطبرة غلطانيين عليكم كان فلقوكم .. امبارح شوارع الخرطوم اتملت شماتة في الهلال .. بس الغلط مننا ..
.. ..
ما في مريخابي امبارح كان في بيتهم ..
Post: #7 Title: Re: كورة القدم الشاطئية .. او بالميت كدا نلعب بينغ .. ! Author: humida Date: 10-05-2009, 07:38 AM Parent: #4
سامي عبد الله لمن طلع ما كان مصاب .. كامبوس الفلتة قال استشار طبيب الفريق .. طيب ياخي اللاعب قال ليك ما عندي مشكلة و بلعب .. سامي طلع زعلان و بسب للمدرب و اليوم الشافو فيهو .. قال شنو .. مســـاوي ثبرباك .. ياخي احححححححححححح بس ..
Post: #8 Title: Re: كورة القدم الشاطئية .. او بالميت كدا نلعب بينغ .. ! Author: Faisal Elrasheed Date: 10-05-2009, 07:43 AM Parent: #2
حميده
دايما عاقل وشجاع
امس وبعد المزبحه كنت قاعد اتخيل شكلك وحالك وما هو عليه كنت اظنك كالاخرين ستختفي لعدة ايام ولكن الحمد لله المرقته يا ولدي واخير ليك تتطلع غبينتك هنا ما يقوم يمسكك سكري والا ضغط عشان حبت المواسير ديل بعدين انا قلته ليك والله انت الناس ديل ما شبهك انت مكانك هناك وسط الصفوه لكن مشكلتك راسك قوي عارفك خجلان لكن يا ولدي ده حال الدنيا عارفك كنته مؤمل في اول كاس يجيبوهو ليكم من برره لكن صدقني ديل ما ناس كاسات ديل بتاعين حاجات تانيه متاكد انك ما نمته كويس وراجي الصباح بفارق الصبر عشان تكتب كلامك ده وتحس براحت ضمير لكن صدقني ده ما بريحك البريحك يا حميضه انك تستغفر ربك وتقوم تصلي ركعتين وتشوف الصفوه وين عارفك كنته مجهز موسك لاساسي لكن الله غالب خمسه كتيره كتيره خااااااالص كتيره اوي اوي اوي اه يا ناري يا وكستك يا حميده
الله يصبرك يا ولدي علي المحن والاحن وانشاء الله السنة الجاية تشيلوهو (لولز)
يا شماتت اساسي فيك ياحميده
Post: #6 Title: Re: كورة القدم الشاطئية .. او بالميت كدا نلعب بينغ .. ! Author: ارصد محمد جلال Date: 10-05-2009, 07:36 AM Parent: #1
Post: #9 Title: Re: كورة القدم الشاطئية .. او بالميت كدا نلعب بينغ .. ! Author: Hani Arabi Mohamed Date: 10-05-2009, 07:44 AM Parent: #6
سلام حميدة وضيوفه
عندما كتبت قبل المباراة عن مشاكل اللاعب السوداني التي تؤدي إلى الهزائم
طلبت مني أن أسكت ...
واليوم الهلال أسكتنا جميعاً ....
رايك شنو في معاقبة اللاعبين قانونياً ... مفروض يتقدموا لمحكمة
Post: #10 Title: Re: كورة القدم الشاطئية .. او بالميت كدا نلعب بينغ .. ! Author: وليد محمد المبارك Date: 10-05-2009, 07:48 AM Parent: #9
Quote: يا شماتت اساسي فيك ياحميده
ابله طاظا مين ؟
Post: #12 Title: Re: كورة القدم الشاطئية .. او بالميت كدا نلعب بينغ .. ! Author: Faisal Elrasheed Date: 10-05-2009, 07:54 AM Parent: #10
Quote: ابله طاظا مين ؟
شوهد حميده بالامس في احد سوبرماركتات الرياض وهو يقوم بشراء عدد من ماكينات جيليت وبعض المقصات الصغيرة وحين ساله تمبس الذي يتواري خجلا الان اخبره انه بصدد فتح صالون حلاقه كاستثمار بالسودان وضحك تمبس حتي بانت نواجزه وشتت صوب البيت وفتح التلفاز وهو يمني نفسه بما في مراده
اما حميده فقد افاد شهود عيان انه بعد المزبحه قد كسر شاشته المصنوعة من الكرستال السائل وشربه
لوووووووووووووووووووووووووووووولز
Post: #11 Title: Re: كورة القدم الشاطئية .. او بالميت كدا نلعب بينغ .. ! Author: Tabaldina Date: 10-05-2009, 07:49 AM Parent: #6
.. . سلام يا حميدة والله كفارة ..
والله الواحد لا كورنجى لا بحب الفرق السودانية الهزيلة واول مره اخش فى المنبر دا فى بوست كورة .. وامبارح بس الواحد مضطر البلد قاطعه كهرباء مسكت لى راديو وقلت اسمع البحصل شنو ؟؟ عندى واحد قريبى اصر يمشى يحضرها قلت ليهو مش الناس ديل زايرين حتفضحونا امام الشعب ..
ودا الحصل ..!!
_______
معقولة خمسة فى ارضك .. اها لو مشيت بهناك بيجوا بكم عشرة
الكورة السودانية .. مهزلة ومررررض ..
Post: #13 Title: Re: كورة القدم الشاطئية .. او بالميت كدا نلعب بينغ .. ! Author: على محمد على بشير Date: 10-05-2009, 07:54 AM Parent: #11
Post: #14 Title: Re: كورة القدم الشاطئية .. او بالميت كدا نلعب بينغ .. ! Author: Faisal Elrasheed Date: 10-05-2009, 07:59 AM Parent: #11
Quote: معقولة خمسة فى ارضك .. اها لو مشيت بهناك بيجوا بكم عشرة
ودي حالتو مكاوي عمل ليهم حركه في شكل ورده قطع ليهم الكهربا عشان يهدو اللعب اتاريهم الشفوت اولادنا المازمباب ديل كل ما يرتاحو بفتحو زياده
الله يجازيك يا مكاوي
Post: #15 Title: Re: كورة القدم الشاطئية .. او بالميت كدا نلعب بينغ .. ! Author: humida Date: 10-05-2009, 08:05 AM Parent: #14
اقلب مريخابي .. و الله حالتكم تحنن اكتر مننا يا بطيخاب .. كدي اقنعوا ناس عطبرة ديل انا هين ..
.. ..
تمبس امبارح قرر انه يحضر الكورة .. جا قعد لحدي التعادل .. و شتت قال عندو رحلة الي كوكب نبتون .. لمن يجي راجع ببلغه تحياتكم ..
Post: #16 Title: Re: كورة القدم الشاطئية .. او بالميت كدا نلعب بينغ .. ! Author: وليد محمد المبارك Date: 10-05-2009, 08:08 AM
Post: #17 Title: Re: كورة القدم الشاطئية .. او بالميت كدا نلعب بينغ .. ! Author: Tabaldina Date: 10-05-2009, 08:36 AM Parent: #16
.. .
Quote: قطع ليهم الكهربا عشان يهدو اللعب اتاريهم الشفوت اولادنا المازمباب ديل كل ما يرتاحو بفتحو زياده
قرقر قرقر قرقر
_________________
يا جماعة القرقرة دى ما ليها علاقة بالهزيمة
Post: #18 Title: Re: كورة القدم الشاطئية .. او بالميت كدا نلعب بينغ .. ! Author: داليا حافظ Date: 10-05-2009, 08:36 AM Parent: #16
النبي أجلدوا ذاتكم خمسة جلدات ..
Post: #19 Title: Re: كورة القدم الشاطئية .. او بالميت كدا نلعب بينغ .. ! Author: humida Date: 10-05-2009, 08:39 AM Parent: #18
Quote: النبي أجلدوا ذاتكم خمسة جلدات
إحداهن بالتراب .. !
.. ..
حتي انت يا بروتس ..!
Post: #21 Title: Re: كورة القدم الشاطئية .. او بالميت كدا نلعب بينغ .. ! Author: اساسي Date: 10-05-2009, 09:08 AM Parent: #19
من اساسي ابو شنب الي حميضة ابو ضنب
اردناها لكم من قِبل فاؤتيتم من قٍبل ودُبر
بالله الامواس خليها معاكم تبرعات مني اعيدوا بها احسان طهارتكم
سمعنا ان تمبس اصبحا محموما وطفق يهزي وهو يسأل عن منابر الجاليات الاندونيسية , هذا الاخ في زمتكم اعيدوا له الهوية و الزموه السرير
وساعدوه بعصائر القريب فروت والقنقليز والعرديب علي وعسي يهتدي الي كيبورده
حميضة , شاربي يقف عزيزا كوقوف الشمس في خط الافق , اما وعدك للحناء فلا نلزمك به فلم يتبقي لكم ما تخضبونه والصبغة مع الجروح بتعمل تتنوس
انا رسلت ليك كرتونة بامبرس بالنقل الجماعي راجع مكاتب النقل الجماعي ورقم الارسالية خمسة اتنين
Post: #20 Title: Re: كورة القدم الشاطئية .. او بالميت كدا نلعب بينغ .. ! Author: عبدالله كع Date: 10-05-2009, 09:07 AM Parent: #18
Quote: سامي عبد الله لمن طلع ما كان مصاب .. كامبوس الفلتة قال استشار طبيب الفريق .. طيب ياخي اللاعب قال ليك ما عندي مشكلة و بلعب .. سامي طلع زعلان و بسب للمدرب و اليوم الشافو فيهو .. قال شنو .. مســـاوي ثبرباك .. ياخي احححححححححححح بس
شوفته بعد الحركه الجبانه دي ..... يا حيده ........ طوااااااااااااااااااااالي كان حموده بشير يقوم - ويطلع فنيلته من الشورط ( الحشوه ) وجوووووووووووووووه الميدان بدون اي كلام - ما اصلو اتجضمنا امكن كان ينعدل الحال شويه وتنتهي 3-2 ..
احييييييييييين - حليلك يا كرنقو !! الخانتك فاااااااااااااااااااااااااااااااضيه
Post: #22 Title: Re: كورة القدم الشاطئية .. او بالميت كدا نلعب بينغ .. ! Author: humida Date: 10-05-2009, 10:02 AM Parent: #20
و الله كلو كوم .. و فنجطة الزول دا كوم براهو ..
.. ..
Post: #23 Title: Re: كورة القدم الشاطئية .. او بالميت كدا نلعب بينغ .. ! Author: معاوية الأرباب Date: 10-05-2009, 11:23 AM Parent: #22
يا حميضة
لا داعي لهذا اليأس
لقد خسرنا معركة ولم نخسر الحرب
لا زال أمامنا مباراة الرد.
Post: #24 Title: Re: كورة القدم الشاطئية .. او بالميت كدا نلعب بينغ .. ! Author: وليد محمد المبارك Date: 10-05-2009, 11:27 AM Parent: #23
